كروران: لۇشۈن ئەدەبىيات ئىنىستىتۇتى 20-قارارلىق كۇرسى باشلاندى

kroran · ۋاقتى: 2015-9-25 19:25:07


	9-ئاينىڭ 23-كۈنى. بۇ كۈنى چۈشتىن كېيىن مۇشۇ قېتىملىق كۇرسانتلارنىڭ كۆڭۈل ئېچىش پائالىيىتى ئۆتكۈزۈلدى. ھەر قايسى مىللەتتىن كەلگەن قەلەمكەشلەر ئۆز مىللىتىنىڭ ناخشا، ئۇسسۇللىرىنى نامايان قىلىشتى. شۇ قاتاردا بىزمۇ «تۆت پەدە»گە چۈشۈپ كەتتۇق....

yalguzak · ۋاقتى: 2015-9-25 19:27:36


	كىرورەننىڭ شۆيەندىكى كۈنلىرىگە ئاسايىشلىق تىلەيمەن.

قىرانى · ۋاقتى: 2015-9-25 19:32:10


	سوئال يۈرىكىڭنى ئوقۇدۇممۇ بىلمىدىم، ھېلىھەم ئاشۇ شىۋىرلاشلار ئىسىمدە تۇرۇپتۇ. تىلىڭنى چۈشەنمىگىنىم ئەمەس، چۈشۈنىشنى قارار قىلمىغىنىم ئۈچۈن كۆز يېشىڭنى كۆرگەندىمەن. ئويلاپ باقسام، ئاشۇ بىپەرۋالىقىم ئۈچۈن تېخىچە ئەپۇ سوراپ باقماپتىمەن. چوقۇم ئەپۇ سورىشىم كېرىكمۇ؟ بەلكىم بۇ سوئالنى تلاي قېتىم ئۆز-ئۆزۈمدىن سورىغاندىمەن. ئۆزۈمنى قايىل قىلغۇدەك جاۋاب ئالالىدىممۇ؟ يەنە شۇ تەگسىز سوئاللارنىڭ ئارىسىدا يۈرۈپتىمەن. قايسى چاغ بولسۇن، چىچىڭدا باغلانغىنىمغا ئىقرارمەن. سۆزمەنلىكىمنىڭ بازىرى تۈگۈگەنمۇ ياكى خېرىدارى كاممۇ؟ ئۆزۈمنى تىڭشايدىغان بولۇپ قېلىۋاتاتتىم. باشقىلار كۈلەتتى، «مەجنۇن بوپتۇ» دېيىشىپ، ئۆزلىرىنى ئېلىپ قېچىشاتتى. ئۇلارغا كۈلەتتىم، ئۇلارنىڭ دېۋەڭلىكى ئۈچۈن ئۆزۈمنى گۇناھكار ھېسابلايتتىم. ئەمىلىيەتتە مەن ئۇلاردىن يېراقلاپ كېتىۋاتامدىم ياكى ئۇلار مېنىڭدىنمۇ؟ بۇمۇ ئوخشاشلا تەگسىز سوئال بولۇپ قېلىۋاتاتتى. سەن ئېيتقان ناخشىنى ئوغۇرلۇقچە ئاڭلىدىممۇ؟ بەزەن ئاھاڭلار ئىسىمدە قالغاندەك تۇيغۇدا بولۇۋاتىمەن. ئۇ كۈينى كىم يازغان؟ ئىسىڭدىمىكىن قومۇشلۇقتىن باشلانغان ئاشۇ يولغا ئىزلىرىمىزنىڭ گۈل تىككىنى؟ سەن بىر ئاھاڭ، مەن بىر ئاھاڭ... ھەممىنى قوشۇپ باقسام بىر پۈتۈن كۈي پۈتكەنىدى. مەن ئېيتتىممۇ ياكى سەنمۇ؟ ئۇ كۈينى ھازىر قۇشلارمۇ ئېيتىپ يۈرىشىدۇ. باغلىرىڭغا ئوغۇرلۇققا چۈشسەم چۈشكەندىمەن، ئاشۇ ياش ھالقسىدا تاملارغا شورا سالمىغان كىم بار؟ نەچچە قېتىم ئوغرى ئاتالغىنىم، ھەتتە ئاقساقاللارغا ئەرز قېلىنغىنىمنى ساناپ بولالمايمەن. ئاتامنىڭ چىۋىقى كۆك ئىز قالدۇرغان يەرلەرنى گۈللەر بىلەن يوشۇرغىنىمغا كۈلمىدىم دېيەلەمسەن؟ شۇنداق، كۈلگەنسەن، ئەمما كېيىن ئۇنسىز ياشمۇ تۆككەنسەن. تەن ئاغرىقىنى مەن تارتقىنىم بىلەن دىل ئاغرىقىنى سەن تارتمىغانمۇ؟ ئۆزۈمنى ئەيىبلىگىنىم ئەمەس، باغ تىمىڭنى ئۆرۈۋەتمىگىنىمدىن ئەپسۇسلىنىمەن. كەتكەنلەر كېلەتتى، مەنمۇ باھارنى چىللاپ، گۈللەرنى ھىدلاپ كېلەتتىم. يۈلتۇزلارغا سېنى چاقىرتاتتىم، قۇش بولۇپ دېرىزەڭدە ئۈنلەيتتىم. كىم شۇ مېنى مەڭگۈلۈككە كەتتى، ئۆزىنى ئازاب باياۋانلىرىغا سۈرگۈن قىلدى دېگەن؟ مەن سۈرگۈن ئەمەسىدىم، ۋاز لەچكۈچىمۇ ئەمەسىدىم. مەن پەقەت ئۆزۈمىزگە تەئەللۇق باھارنى چىللىغۇچى ۋە گۈللىرىڭنىڭ باغۋىنى ئىدىم. ئەپسۇس، ئاشۇ يالغان ئالداش ساڭىمۇ، ئۆزۈمگىمۇ مەڭگۈلۇك بىر ئازاب قۇتىسىنى ھەدىيە قىلغاندەك قىلاتتى. يۈرىكىم نېمە دەيدۇ؟ بۇ سوئالىڭنى ئاڭلىغانمەن. ئۆزۈمنى قاچۈرغىنىممۇ يوق. كەچۈرگىن، ئۈمىدلىنىپ سوراۋاتقان سوئالىڭغا سوئال بىلەن جاۋاب بېرىشنى خالىمىدىم. تەكرار سوراۋاتىسەن، كۆزلىرىڭنى يۇمۇپ، يۈرىكىڭنى تىڭشاپ تۇرۇپ جاۋابمۇ كۈتىۋاتىسەن. ئەجىبا ئاشۇ سوئالدىن بۇرۇن ئۆزۈمگە ئۆزۈمنىڭ جاۋاب بېرىپ باققىنىمنى ئاڭلىغانسەنمۇ؟ مەن ئۆزۈمگە جاۋاب بېرىپ باقمىدىم، توغرىسىنى ئېيتقىنىمدا تېخى ئۆزۈمگە سوئال قويۇپ باقماپتىمەن. باشقىلار ئېيتىشقان، ئۆزۈممۇ تەب بېرىپ قالغان مەجنۇنلۇق نېمە؟ بەلكىم ئۇ جاۋابسىز سوئالدۇ ياكى سوئالسىز جاۋابدۇ؟ يەنە سوئاللار ئۈچۈن تەلمۇرمىگىن، ئۆزۈمنىڭمۇ سوئال ئىكەنلىكىمنى ئىسىڭدە ساقلا! يۈرىكىمنى ۋاراقلىساڭ، قەلبىمنىڭ قاتلىرىغا سىڭىپ كىرسەڭمۇ مەيلى دېدىم. بىراق ھەر بىر تىنىقلىرىڭدا تۇغۇلۇۋاتقان سوئاللارغا جاۋاب بولۇپ قايتا تۇغۇلالمىدىم. ئەپسۇس دېمە ھەم ئۆكۈنمە، بەلكىم سېنىڭ تۇغۇلىشىڭمۇ بىر سوئال ئۈچۈندۇر! بۇ يازمىنى ئاخىرىدا قىرانى تەھرىرلىگەن. ۋاقتى 2015-9-25 19:34

شوخ · ۋاقتى: 2015-9-25 21:13:23


	تەبەسسۈم يېغىپ تۇرغان گۈل چىرايلارغا ئايەملىك سالام ! ھاياتىڭلارغا چوڭقۇر ئىز سالغان شۇ كۈنلەر بەرىكەتلىك بولغاي !

نازى3 · ۋاقتى: 2015-9-26 00:53:31


	قۇتلۇق قەدەملەرگە مۇبارەك بولسۇن!

قاراتېكىن · ۋاقتى: 2015-9-26 08:59:16


	ئىلمىي تەربىيلەشلەردىن شەكلەن ھالەتنى ئەمەس،روھىي قۇۋۋەتنى تەما قىلساق توغرا بولىدۇ. كۆپچىلىككە ھېيتلىق سالام!

kroran · ۋاقتى: 2015-9-26 22:02:57


	9-ئاينىڭ 25-كۈنى. چۈشكىچە لۇشۈن ئەدەبىيات ئىنىستىتۇتىنىڭ ئىشخانا مۇدىرى، يازغۇچى ۋاڭ بىڭنىڭ رىياسەتچىلىكىدە، ئۈچ مۇئەللىم بىز بىلەن ئەدەبىي سۆھبەت ئېلىپ باردى. يەنى ئۆزىنىڭ ئەدەبىي ئىجادىيەتتىكى ھېس قىلغانلىرىنى بىز بىلەن ئورتاقلاشتى، شۇنداقلا كۇرسانتلارنىڭ سوئاللىرىغا جاۋاب بەردى... بۇ يازمىنى ئاخىرىدا kroran تەھرىرلىگەن. ۋاقتى 2015-9-26 22:05

kroran · ۋاقتى: 2015-9-27 08:48:10


	9-ئاينىڭ 25-كۈنى چۈشتىن كېيىن. لۇشۈن ئەدەبىيات ئىنىستىتۇتىنىڭ دائىمىي مۇئاۋىن مۇدىرى، يازغۇچى، ئەدەبىي تەنقىدچى لى يىمىڭ ئەپەندى «گۇمانىتار تۇيغۇ ۋە پەلسەپىۋىي مەنە» دېگەن تېمىدا لېكسىيە سۆزلىدى...

kroran · ۋاقتى: 2015-9-27 09:02:06


	9-ئاينىڭ 26-كۈنى، شەنبە. بۈگۈن دەم ئېلىش پۇرسىتىدىن پايدىلىنىپ سەددىچىن سېپىلىنى كۆرۈپ كەلدۇق. سېپىل ئۈستىدە دالا تامىقى يىگەچ تارىخ، ھازىر ۋە كەلگۈسى ھەققىدە پىكىرلەشتۇق...

تۆرىبەگ قىزى · ۋاقتى: 2015-9-27 19:59:49


	سەددىچىن سېپىلى ۋە دالا تامىقى قېنى؟

زەينۇللا · ۋاقتى: 2015-9-27 21:21:45


	تۆرىبەگ قىزى يوللىغان ۋاقتى 2015-9-27 19:59 سەددىچىن سېپىلى ۋە دالا تامىقى قېنى؟ سەددىچىن سېپىلى كەينىدە، دالا تامىقى قورساقتا.

uygurya · ۋاقتى: 2015-9-27 22:21:25


	پايتەختتىكى كۈنۈڭلار خۇشال،ئەھمىيەتلىك ئۆتسۇن ! بۇنداق پۇرسەت كېلىۋەرمەيدۇ .كىروران ئەپەندىگە كۆپ رەخمەت. خۇددى شۇ كورىستا بولغاندەك مول ئۇچۇرلاردىن خەۋەردار بولدۇق.

كاران · ۋاقتى: 2015-9-27 23:53:14


	سەدداچىندا بارداغان بىلەن جاپايدىم قاچماي ئ‍ۆستۈرگە چىقالىيغاندە ھېساب، بەك بەك،ئ‍ېگىز دىپ ئ‍اڭلەيمەنغۇي، راست شۇنداق ئ‍ېگىزمىكن؟؟

ئامىنە · ۋاقتى: 2015-9-28 21:47:59


	لۇشۈننىڭ بېغى ئامىنە ئابدۇۋايىت قىرىق ياشتىن ئاشقان چېغىمدا ، بەخىت كۈلۇپ ئاتقان تېڭىمدا . چاڭقاپ كەتكەن ۋۇجۇدۇم قاندى ، بېيجىڭدىكى لۇشۈن بېغىدا . بو باغ ئىكەن بىلىمنىڭ بېغى ، قەلەمكەشىنىڭ ئىلھامى ، تېغى . بو باغچىغا كىرگەن كىشىنىڭ ، قالماس ئىكەن كوڭلىنىڭ دېغى . ئوخشاشلىغىم بولغاچمىكىن تاڭ ، لۇشۈن بىلەن ئىككى كەسىپتە . ئۆيۇمدەكلا بىلىندى بو جاي ، تۇغۇلساممو يىراق جەنۇپتا . بو باغچىدا گۈل ئىكەن پۇرەك ، ھەر بىر گۈلنىڭ جىلۋىسى بۆلەك . ھالقىر ئىكەن ئۆزىدىن ئىنسان ، مۇرادىنى تاپقاندا تىلەك . 2015- 9-26 بېجىڭ .

تۇرغۇن مىجىت · ۋاقتى: 2015-9-28 22:01:38


	ئ‍امىنە خانىم لۇشۈن ئ‍ىنىستوتىغا بېرىپ ھەقىقەتەن سەۋىيەسى ئ‍ۆسۈپ قاپتۇ، يازغان شېئىرىمۇ بۈلەكچە پاساھەتلىك چىقىپتۇ

كروران: لۇشۈن ئەدەبىيات ئىنىستىتۇتى 20-قارارلىق كۇرسى باشلاندى

باھا سۆز

باھا سۆز

باھا سۆز