كروران: لۇشۈن ئەدەبىيات ئىنىستىتۇتى 20-قارارلىق كۇرسى باشلاندى

«مىللەتلەر ئەدەبىياتى» ژۇرنىلىنىڭ مۇھەررىرلىرى بىلەن 2013-يىلى ئۈرۈمچىدە بىر سۆھبەتتە بولغان ئىدۇق، تۇنۇش چىرايلارنى كۆرۈپ شۇ چاغلارنى ئەسلەپ قالدىم. ئۆمەر ئاداش، لۇشۇن ئەدەبىيات ئىنىستىتوتىدىكى دەرسلەردە ساڭا ئالاھىدە تەسىر قىلغان مۇھىم مەزمۇنلارنىمۇ يوللاپ تۇرغىن. بىزمۇ بەھىر ئالايلى. ئەجرىڭنى ئۇنتۇپ قالمايمىز.

    9-ئاينىڭ 22-كۈنى.
    بۈگۈن ئەتىگەندە لۇشۈن ئەدەبىيات ئىنىستىتۇتىنىڭ مۇئاۋىن مۇدىرى، يازغۇچى چيۇ خۇادوڭ «جۇڭگو ۋە دۇنيا ئەدەبىياتىدىكى ئىلمىي فانتازىيەلىك ھېكايىچىلىق توغرىسىدا» دېگەن تېمىدا لېكسىيە سۆزلىدى.






يازغۇچى چيۇ خۇادوڭ (ئوڭدىن 3-كىشى) كۇرسانتلار بىلەن بىللە


بىر قىسىم تىبەت قەلەشكەشلىرى بىلەن خاتىرە قالدۇرۇۋالدىم

ئىشلىرىڭلار بەركەتلىك بولسۇن! خەلقىمىزنىڭ ئۈمۈدى، كۆزى سىلەردە!

ئەدىبلەرنىڭ سەپىرىگە ئوڭۇشلۇق، قەلىمىگە بەرىكەت تىلەيمەن.

                              ‹‹بادام دوپپا، چىمەن دوپپا ، ئاقار يولدا تۈمەن دوپپا››

              ئۈگىنىش ۋە ساياھىتىڭلار خەيرىلىك بولسۇن، قۇربان ھېيتىلارغا مۇبارەك بولسۇن!

بو كوچا

ئامىنە ئابدۇۋايىت

بو كوچا ئاشۇنداق كەڭرى بىر كوچا ،
جىمى ئىش باغرىغا سىڭىپ كېتىدو .
لەيلىنىڭ ئىشقىدا ئوت بولوپ مەجنۇن ،
بايلىغى - بارىدىن كېچىپ كېتىدو .

بو كوچا ئاشۇنداق سېھىرلىك كوچا ،
سېھرىدىن قىلىدو ئەقىللەرنى لال .
كەچ كۈزدە سۇۋادان تۆكسە بەرگىنى ،
باھاردا جابدۇنۇپ جالا ئاسار تال .

بو كوچا ئاشۇنداق ھىكمەتلىك كوچا ،
ھەر ئۆتەڭ ھەر دوقمۇش ھىكمەتكە تولغان .
ھىكمەتتىن نۇر ئېمىپ ئادەم ئەۋلادى .،
پاك ،ھالال ئەجرىدىن چۆلنى گۈل قىلغان .

بو كوچا ئاشۇنداق بى رەھىم كوچا ،
غەلۋىدىن ئۆتكەننى ئەلگەك تاسقىغان .
تەر تۆككەن - تۆھپىكار ئەزىز سانىلىپ ،
دىتى يوق ھورۇننى دەۋىر شاللىغان .

بو كوچا ئاشۇنداق ئۇزۇن بىر كوچا ،
تالايلار مېڭىپمو تۈگېتەلمىگەن .
ئارزودىن يېڭىچە ئارزو تۇغۇلۇپ ،
پەسىللەر ئالمىشىپ ئۇلگۈرەلمىگەن .

بو كوچا ئاشۇنداق ئۆزگىچە كوچا ،
ھەممىمىز ھەر قىسما مېڭىپ ئۆتىىز .
ئالماقنىڭ ئاخىرى بەرمىكى بار دەپ ،
ماڭدامدا بىر سىناق بېرىپ ئۆتىمىز .

2015 يىل 9-22  بېيجىڭ لۇشۇن ئىنىستوتى .

ئەسسالامۇئەلەيكۇم لۇشۈن ئ‍ەدەبىيات ئ‍ىنىتوتىدا ئ‍وقۇۋاتقان بارلىق ئ‍ەزىزلەر، قۇربان ھېيتىڭلارغا مۇبارەك بولسۇن!

رەھمەت دوستلارنىڭ ياخشى تىلەكلىرىگە……

ئايىمىڭىزلارغا مۇبارەك بولسۇن!!!

لۇشۈن ئەدەبىيات ئىنىستىتۇتى 20-قارارلىق كۇرسىگە قاتناشقان قەلەمكەش ئۇستازلارغا چاقچاق

گۈزەل ئاقتۇ قىزىمەن ،
ئىسمىم بولسا ئامىنە .
تۇرقۇم گۈلدىن نۇقسانسىز ،
كۇلگەچ دەۋىر -دەۋرانە .                        

كەسپىم ئالى سېستىرا ،
سىلىق ئوكۇل سالىمەن .
تۇتۇپ كەتسە ئىلھامىم ،
شېئىر - قوشاق يازىمەن .

بىلىپ - بىلمەي بوپتىمەن ،
سىلەر بىلەن ساۋاقداش .
چاقچاق قىلدىم بىر شىڭگىل ،
ھوزۇرلانسۇن دوست - ئاداش .

ئۇمەر مەمتىمىن كىرورەنگە

ئىللىق چىراي يېقىشلىق ،
كورلا ئوغلى كىرورەن .
مىسرا پۇتەر تۇرقىدىن ،
سۆزلىرىنىڭ تەمى قەن .

دائىم تۆرگە ئالىمىز ،
باش ئەگىمدىن كەلدى دەپ .
پېشىڭىزغا ئېسىلساق ،
يېتەرمىكىن پايدا -نەپ .

ئابلىز ئوسمان ئاكىغا

شائىر ئابلىز ئوسمانمو ،
ئاقسولوقنىڭ سەركىسى .
يېقىن بىلەر تۇققاندەك ،
كۇرسانتلارنىڭ ھەممىسى .

شېرىيەتتىن يېتەكلەپ ،
بىزگە تەلىم بەرسىڭىز .
باغچىڭىزدىن جاي چىقسا ،
سۇيىنەتتى دىلىمىز .

موتىللا ئەبەت قىرانىغا

ئىنىم دېسەم موتىللا ،
ھۆرمىتىڭىز ئاكامدەك .
ئەسقاتتىڭىز يول بويى ،
مۆلدۇردىكى چاپاندەك .

تۇرقىڭىزمو مۆھتىۋەر ،
ئاقارتقۇچى باشلىق سىز .
ھاجەت بولوپ بارساق گەر ،
سوۋغات تەلەپ قىلماس سىز .

سېتىۋالدى كېرىمگە

بو كېلىشكەن تۇرقىڭىز ،
تەۋپىققىلا ئوخشايدو .
قېتىلسىڭىز پاراڭغا ،
گەپ جايىدا توختايدو .

ئوخشىتىمەن ئەنجۇرغا ،
سۆزىڭىزنىڭ تەمىنى .
ئەسلەرسىزمو ئاتۇشتا ،
گۈزەل بېيجىڭ شەھرىنى .

ئەخمەت يۇسۇپ سەرداھىغا

كەلپىننىڭ بىر گۆھىرى ،
شائىر ئىنىم سەرداھى.
ئىلھامچىسى ھەر زامان ،
سۇمبۇل چاچلىق جانانى .

تەرىپلەيسىز كېچىنى ،
تاڭنى تەرىك ئېتەمسىز .
بېرىپ قالساق كەلپىنگە ،
ئوغلاق سويوپ بېرەمسىز  ؟

زۇلفىئاي ئابدۇللاغا

قومۇلنىڭ گۈل - گۈلگىنى ،
ئاق پىشمىلاق زۇلفى ئاي .
ئىلھاملىرى زىيادە ،
تىزگىنى يوق توسۇن تاي .

يېزىپ بولوپ روماننى ،
دوستلارغا چاي راسلامسىز .
يوقلاپ بارساق ھەر جايدىن ،
قوغۇنلۇققا باشلامسىز ؟

2015-9-24 بېيجىڭ








بۇ يازمىنى ئاخىرىدا   ئامىنە تەھرىرلىگەن. ۋاقتى  2015-9-24 16:37  

ئۆمەر مۇھەممەتئىمىن كروران،ئابلىز ئوسمان،مۇتىللا ئەبەت قىرانى،سېتىۋالدى كېرىم، ئەخمەت يۈسۈپ سەرداھى،ئامىنە ئابدۇۋاھىت، زۇلپىيە ئابدۇللا  ھەممىڭلارنىڭ قۇربان ھېيتىغا مۇبارەك بولسۇن!
كۇرسىڭلارنىڭ مۇۋاپىقيەتلىك بولشىنى تىلەيمەن.
ئامىنە خانىم شىئىرلىرىڭىزنى ئوقۇپ بەكلا سۆيۈندۇم!!!

مول مەزمۇنلۇق لېكسىيە ۋە پائالىيەتلەردىن ئىزچىل ئۇچۇر بېرىپ كېلىۋاتقان ۋە ئەسەرلىرىنى ھوزۇرىمىزغا سۇنىۋاتقان كۇرسانتلارغا كۆپ تەشەككۈر !

چىرايلىق قارا كۆزلەرگە ئايەملىك سالام !

يىراقتىكى ئاستانىدە ئىلىم تەھسىل قىلىۋاتقان ئۆمەر مۇھەممەتئىمىن كروران، ئابلىز ئوسمان، مۇتىللا ئەبەت قىرانى، ئەھمەت يۈسۈپ سەرداھى، سېتىۋالدى كېرىم، ئامىنە ئابدۇۋاھىد، زۇلپىيە ئابدۇللا قاتارلىق ئەدىب، ئەدىبەلەرنىڭ مەھەللىسىدىن يىراقتا، ئائىلە-تاۋاباتلىرىدىن ئايرىلىپ ئۆتكۈزىۋاتقان ھېيتىغا مۇبارەك بولسۇن!
سېمىنارىيەدە كۆپرەك ئارام ئېلىپ، ئۆزۈڭلارنىڭ سالامەتلىكىگە ئېنېرگىيە توپلىۋېلىشىڭلارغا  تىلەكداشمەن! (سالامەتلىك مۇھىم)

بۇ يازمىنى ئاخىرىدا   Erchin تەھرىرلىگەن. ۋاقتى  2015-9-25 17:41  

  9-ئاينىڭ 23-كۈنى.
   بۇ كۈنى بېيجىڭ پېداگوگىكا ئۇنىۋېرسىتېتى ئەدەبىيات ئىنىستىتۇتىنىڭ مۇئاۋىن باشلىقى، ئەدەبىيات پەنلىرى دوكتۇرى، ئاتاقلىق ئەدەبىي تەنقىدچى جاڭ چىڭخۇا «ھازىرقى زامان شېئىرىيەت يېزىقچىلىقىدىكى يوشۇرۇن ئاڭ ھەرىكىتى» دېگەن تېمىدا لېكسىيە سۆزلىدى. بۇ لېكسىيە ھازىرغىچە بېرىلگەن لېكسىيەلەر ئىچىدىكى ماڭا ئەڭ ياققان لېكسىيە بولدى. لېكسىيەدە فروئىدنىڭ روھىي ئانالىز تەلىماتىغا بىرلەشتۈرۈپ، شېئىرىي تەسۋىردىكى ئەسەبىيلىك.... قاتارلىقلار ھەققىدە تەپسىلى توختالدى...













بۇ يازمىنى ئاخىرىدا   kroran تەھرىرلىگەن. ۋاقتى  2015-9-25 19:10