«بالىلار ئەدەبىياتى» ئىجادىيەت سېمنارىيىسى ئېچىلدى   [ئۇلانما كۆچۈرۈش]

تاغنىڭ پاقلانلىرى بىلەن تېخىمۇ كۈچكە تولۇپ بالىلار ئۈچۈن نادىر ئەسەرلەرنى كۆپلەپ ئىجاد قىلىشىلارنى ئۈمىد قىلىمەن. تاغنىڭ پاقلانلىرى بەك سىڭىشلىك، كاۋاپ قىلىپ يېسە بەك يېيىشلىك. پائالىيىتىڭلارغا خۇشاللىق ۋە نۇسرەت يار بولغاي.

مۇشۇ يىقىندىن بۇيان « شىنجاڭ يازغۇچىلار جەميىتى » تەرىپىدىن ئارقا - ئارقىدىن ئۇيۇشتۇرۇلغان بىر قاتار ئەھمىيەتلىك پائالىيەتلەرنى كۆرۈپ ئىنتايىن خۇشال بولدۇم! شۇ مۇناسىۋەت بىلەن بۇ پائالىيەتلەرنى روياپقا چىقىرىش ئۈچۈن جاپا چەككەن بارلىق مېھنەتكەشلەرگە چىن كۆڭلۈمدىن رەھمەت ئېيتىمەن!

مەن بۇ قېتىمقى پائالىيەتكە قاتناشقىنىمدىن ئىنتايىن خوشال بولدۇم

خۇددى بىزمۇ قاتناشقاندەك خوش بوپ كەتتۇق. ياخشى پاراڭلار بولسا خاتىرىلەپ تورغا بىرىڭلار. بىزمۇ خەۋەردار بولۇپ قالىلى

ئاپتۇنۇم رايۇنمىزىدا مۇشۇنداق بىر ئەنجۈمە پائالىيەتنىڭ ئۇرۇنلاشتۇرغانلىقدىن بەك خۇشال بولودم. بولسا مۇشۇنداق پائالىيەتلەر كوپ ئۆتكۈزۈلۈپ تۇرسا بەك ياخشى بولاتتى.
توغراق ئاكىمىز ھېچ كۈرۈنمەيدۇ بۇ سۈرەتلەردە.

    كۆڭۈللۈك دەملەر باشلىنىپ كېتىپتۇ، كۆپچىلىكنىڭ تېخىمۇ كۆڭۈللۈك ئۆتۈشىنى تىلەيمەن. تاماقنى ئۆزى ئېتىپ يىسە، كاۋاپنى ئۆز قولى بىلەن پىشۇرسا، شورپىنى ئۆز قولى بىلەن سالسا قانداق بولىدىكەن دوستلار؟ ھەممىدىن شۇ قاسساپلىق تەس ئىدى، ئاراڭلاردا ئۇستا قاسساپمۇ باركەن....

مەن ئەتكەن لازا قىيامى بار ئىدى.تېتىپ باقارسىلەر-ھە!ئاينۇرنىڭ تاماقلىرىغۇ بەك ئوخشايدۇ.ئابلىكىم ئاكىمىزنىڭ پاراڭلىرىغۇ تېخمۇ شۇنداق.ئىجادىيىتىڭلار ئۇتۇقلۇق بولغاي.

بۇ ئەھمىيەتلىك پائالىيەتكە قۇت ،ئامەتلەر ياغسۇن.ھەممىڭلەرگە  سېغىنىشلىق سالام!ئۆمەر ئابدۇللا ئەرقۇتنى رومان ئىجادىيەت يىغىنىدا   چۈشتىن كېيىن نەگە قېچىپ كەتتىكىن دېسەم،ئەسلىدە لىاڭشەنگە قېچىپ چىقىۋالغانكەن-دە!!! بۇ يازمىنى ئاخىرىدا   Ali تەھرىرلىگەن. ۋاقتى  2012-5-27 23:45  

كۇرسانتلار ئامان بولسۇن!
ماخمۇتكا، ئۈرۈمچىنىڭ تاغلىرى سوغۇق كەلدىمۇ نېمە؟! مەيدەڭنى كېرىپراق يۈرگىنە،  ئاپتاپ چۈشكەن تامنىڭ تۈۋىگە بېرىۋالماي....

كەلگۈسى ئەۋلاتلارنىڭ توغرا يۆنىلىشتە ئۆسۈپ يېتىلىشى ئۈچۈن ئۈن-تىنسىز تۆھپە قوشۇۋاتقانلارغا ئېھتىرام! بۇ قېتىملىق سىمنارىينىڭ ئەھمىيتىدىن سۆيۈندۈم.

بۇ قېتىمقى پائالىيەتكە  قاتناشقان قېرنداشلىرىمىزغا  ئۇنتۇلغۇسىز  ئەسلىمىلەر نېسىپ بولغاي.غۇنچىلارنىڭ قەلبىنى يورىتىدىغان ئۇلۇغۋار پىلاننىڭ باشلىنىش قەدىمى ...ئەشۇ «ئىجادىيەت مەركىزى» دىن باشلىنۋاتقانلىقى بىزگە ئايان بولدى.يەنە سانسىز قېرىنداشلىرىمىزغا،شۇنداقلا بايرىمى كېلىۋاتقان غۇنچىلىرىمىزغۇ ئايان بولىشىنى تىلەش ئارزۇيىمىزدۇر.

27- ماي، «تارىم غۇنچىلىرى» ژۇرنىلىنىڭ باش مۇھەررىرى ئىلغارجان سادىق جاسارەت جاپپار، ئەخمەتجان ئابدۇللا، ئۆمەر مەتنۇرى قۇتيار، ياسىن ئابدۇقادىرلارنى ئېلىپ يېتىپ كەلدى. يازغۇچىلار جەمئىيىتى كۆڭۈل بۆلۈپ ئاجرىتىپ بەرگەن پاقلانمۇ كەلتۈرۈلگەن بولۇپ،دۇئالار بىلەن پاقلان سويۇلدى. خوتەنلىك دىلكەشلەر بىلەن قىزغىن كۆرۈشۈپ كەتتۇق.كەينىدىنلا ئۇيغۇر ئاپتونوم رايونلۇق ئەدەبىيات- سەنئەتچىلەر بىرلەشمىسىنىڭ رەئىسى، ئۇستاز ئازات سۇلتان مۇئەللىممۇ يېتىپ كەلدى.
كىشىنى تولىمۇ ھاياجانغا سالىدىغىنى بۈگۈن بىر ئاتا ئۆزىنىڭ 18 ياشقا كىرگەن ئوغلى ، بالىلار شېئىرىيتى ھەۋەسكارى ئەنقەرجاننى ئېلىپ ئاتايىن بالىلار يازغۇچىلىرى بىلەن ئەسرارلىشىش، ئەسەرلىرىگە پىكىر- تەكلىپ ئېلىش ئۈچۈن ئارىلىقنى يىراق كۆرمەي ئېلىپ كەلگەن ئىدى. شەۋكەت رۇستەم ئەنقەرجاننىڭ شېئىرلىرىنى ئەستايىدىل ئوقۇپ، پىكىر- تەكلىپلەرنى بەردى. ئەدەبىيات ئۈچۈن كۆيگەن پەرزەنتىنىڭ ئارزۇسىنى ھۈرمەت قىلىدىغان ئاتىلار چەكلىك بولىۋاتقان شارائىتتا بۇ ھەقىقەتەن قىممەتلىك روھ ئىدى. بۇ بۈگۈنكى ئەڭ تەسىرلىك كارتىنا بولدى.
27- ماي، چۈشتىن كېيىن ئابلىكىم ھەسەننىڭ باشچىلىقىدا كۇرسانتلارنىڭ ئەسەرلىرىنى تۈزىتىش، ئەركىن پىكىرلىشىش پائالىيىتى ئېلىپ بېرىلدى. خوتەنلىك قەلەمكەش ياسىنجان ئابدۇقادىر ئۆزى تەييارلىغان «2011- يىللىق بالىلار ئەدەبىياتىغا بىر نەزەر» ناملىق ماقالىسىنى ئوقۇدى. ماقالە كۆپلىگەن ماتېرىياللارنى كۆرۈش، سىتاتىستىكا قىلىش ئاساسىدا تەييارلانغان بولۇپ، بۇلتۇر بىر يىلدىكى بالىلار ئەدەبىياتى ساھەسىدە قولغا كەلتۈرۈلگەن ئۇتۇقلارنى مۇجەسسەملىگەن ئىدى.
كەينىدىن شەۋكەت رۇستەم، نامانجان تۇرسۇن قاراتېكىن، پەرھات كازىمى، ياسىنجان ئابدۇقادىر، ئۆمەر مەتنۇرى قۇتيار، ئەخمەتجان ئابدۇللا قاتارلىقلار ئۆزى ئالغاچ كەلگەن بىر- بىرىدىن چۈچۈك، تېتىملىق شېئىرلىرىنى دېكلىماتسىيە قىلدى. ئابلىكىم ھەسەن ۋە باشقا كۇرسانتلار بۇ شېئىرلار ھەققىدە ئويلىغانلىرىنى ۋە تۈزىتىش پىكرىنى بەردى. شېئىرلار ئەينى چاغدىكى بالىلار شېئىرىيىتىنىڭ سەركىلىرىدىن بىرى بولغان ئابلىكىم ھەسەننىڭ يۇقىرى باھاسىغا ئېرىشتى.ئابلىكىم ھەسەن مۇنداق دېدى:- بالىلار شېئىرلىرىدا غىپپىدە ئۆتۈپ كېتىدىغان تۇيغۇنى تۇتۇۋېلىشقا ئەھمىيەت بېرىش كېرەك. بالىلار تىلىدىكى ئەڭ مۇھىم نەرسە سۆز، تىل بالىغا خاس بولۇشى لازىم.بۈگۈنكى چۈچۈك شېئىرلارنى ئوقۇپ، مېنىڭمۇ شېئىر يېزىش ئىشتىياقىم قوزغىلىپ كەتتى.
بۈگۈن ئوقۇلغان شېئىرلار ئىچىدىكى «يۇلتۇزلارنى تىزاي سەپكە، ئاينى كىرگۈزەي گەپكە»،«تاپشۇرۇقۇم، ئۆزۈڭنى ئىشلە»، «ياخشى ئوقۇسا قاشتېشى بولار، يامان ئوقۇسا ھاكتېشى بولار» دېگەن مىسرالار ھەممەيلەننىڭ زوقىنى قوزغىدى. بۈگۈن جەمئىي 25 پارچە شېئىر ئوقۇلدى. شېئىرلار تۈزىتىش ئاساسىدا «تارىم غۇنچىلىرى» قاتارلىق مەتبۇئاتلارغا بېرىلىدىغان بولدى. دىلداشلار بۈگۈنكى چۈشتىن كېيىننىڭ قانداق ئۆتكەنلىكىنى تۇيمايلا قېلىشتى.
بۈگۈنكى مۇھاكىمە ئارقىلىق كۇرسانتلار نۇرغۇن تەسىراتلارغا ئېرىشتى. ئەتە بالىلار ھېكايە، چۆچەكلىرى ئىجادىيىتى ھەققىدە مۇھاكىمە ئېلىپ بېرىش، ئەسەر تۈزىتىش پىلانلاندى.


يېڭى پائالىيەتلەر ھەققىدىكى ئۇچۇرلار داۋاملىق دىققىتىڭلاردا بولغاي.

بۇ يازمىنى ئاخىرىدا   menggutash تەھرىرلىگەن. ۋاقتى  2012-5-28 09:55  

  بالىلار ئەدەبىياتى ئۈچۈن ئۆزىنىڭ بارلىقىنى تەھتىم ئېتىۋاتقان ئەزىزلەرگە تاغ -تۇرانىڭ روھى سىڭسۇن ...  پاقلاننى كاۋاپ ، قورداق ،  نارىن  قىلسا ئالەمەت بولىدۇ - ھە ئەنىۋەر ناسىرى ... شۇنداق ئەمەسمۇ شەۋكەت رۇستەم ؟ بۇنى دېگىنىم راستتۇ ماخمۇت يولۋاس ؟ ،  كەينىدىن قېمىز بولسا ... ئاندىن كېيىن يانپاشلاپ ياتاقتا يېتىپ ئۇيقۇغا تەگسە كىشى ... مانا بۇ تاغ - تۇرانىڭ ئەڭ ئسىل پەيزى ... بارلىق قەلەمداشلارغا  ئوتلۇق سالام . بۇ سېمنارىيە  تېخىمۇ كۆڭۈللۈك بولسۇن . ئەيبۇ ، ئىلغار ، ئابلىكىم  بۇ ئۈچى تاغ - تۇرانىڭ پەيزىنى تېخىمۇ ۋايىغا يەتكۇزىدىغانلار ... ئازات سۇلتان ئاكىغا ، ئابلىز  قېيۇم ئاكىغا مەندىن دۇئايى سالام ...  قەلىمىڭلارغا بەركەت تېنىڭلارغا ساغلاملىق  تىلەيمەن ئەزىزلەر ...  

بالىلار ئەدەبىياتىنىڭ قەدرىنى قىلىۋاتقان ئەزىزلەرگە رەھمەت. مەرھۇم توختاش بەكرى ئاكىلار بالىلار ئەدەبىياتى ھەققىدە مۇشۇنداق  بىر سىمناريىلەرنىڭ بولىشىنى ئۈمىد قىلىپ ئۆتۈپ كەتكەن. مانا ئەمدى ئۇلارنىڭ تىلەكلىرى ئەمەلگە ئېشىپ ياخشى ئىشلار بولىنىۋاتىدۇ. ھەممەيلەننىڭ تېنىنىڭ سالامەت تاغ-تۇرادىكى تۇرمۇشىنىڭ كۆڭۈللۈك بولىشىنى تىلەيمەن. ئىجادىيىتىڭلار تېخىمۇ روناق تاپقاي.