بارچۇق ئوغلى ئەمەتجان يۈسۈپنىڭ «پەرىزات» ناملىق كىتابى نەشىردىن چىقتى [ئۇلانما كۆچۈرۈش]

مائارىپقا، ئەۋلاد تەربىيىسىگە ئوتتەك مېھرىنى بېرىپ، ئەل قەلبىدىن مۇناسىپ ئورۇن ئالغان، ئاز ھەم ساز ئەسەلىرى بىلەن ئىزگۈ قەلىبلەرنى لەرزىگە سېلىپ، ئوقۇرمەنلەر تەرپىدىن ئالقىشقا ئېرىشىۋاتقان، دىيارىمىز ــ بارچۇق ئوغلى ئەمەتجان يۈسۈپنىڭ «پەرىزات» ناملىق كىتابى يېقىندا شىنجاڭ ياشلار-ئۆسمۈرلەر نەشرىياتى تەرپىدىن نەشىر قىلىنىپ، ئوقۇرمەنلەر بىلەن يۈز كۆرۈشتى.

ئەمەتجان يۈسۈپ 1964-يىلى مارالبېشى ناھىيەسى ئاۋات بازىرىنىڭ كاڭ سالغان دېگەن يېرىدە، دېھقان ئائىلىسىدە تۇغۇلغان. 1985-يىلى قەشقەر پىداگۇگىكا ئىنىستىتوتىنىڭ  ماتېماتىكا كەسپىنى پۈتتۈرگەن. ئىلگىرى ئاخىرى بولۇپ، مارالبېشى ناھىيەلىك  1-ئوتتۇرا مەكتەپ، مارالبېشى ناھىيەلىك مائارىپ ئىدارىسى، مارالبېشى ناھىيەلىك چۈچۈكبۇيا شىركىتى، مارالبېشى ناھىيە دۆلەتباغ يېزىلىق ئوتتۇرا مەكتەپ، مارالبېشى ناھىيە دۆلەتباغ يېزىلىق خەلق ھۆكۈمىتى قاتارلىق ئورۇنلاردا ئىشلىگەن. 2011-يىلى 11-ئايدا مەمۇرىي ۋەزىپىسىدىن ئىستىپا بېرىپ، ئوقۇتقۇچىلىق كەسپىگە قايتقان. ھازىر مارالبېشى ناھىيە ئاناركۆل يېزىلىق ئوتتۇرا مەكتەپتە ئىشلەۋاتىدۇ.

ئەمەتجان يۈسۈپ 1987-يىلى «قەشقەر ئەدەبىياتى» ژۇرنىلىدا ئېلان قىلىنغان «تېلېفۇندا» ناملىق ھېكايىسى بىلەن ئەدەبىي ئىجادىيەت سېپىگە قەدەم قويغان. ئۇ ھازىرغىچە «تارىم»، «قۇمۇل ئەدەبىياتى»، «ماي بۇلاق»، «قەشقەر»، «شىنجاڭ ياشلىرى»، «شىنجاڭ ئاياللىرى»، «شىنجاڭ گېزىتى»، « شىنجاڭ قانۇنچىلىق گېزىتى»، «قەشقەر گېزىتى» قاتارلىق مەتبۇئاتلاردا 800 پارچىدىن ئارتۇق خەۋەر-ماقالە، 50 پارچىدىن ئارتۇق پوۋېسىت، ھېكايە، فېليەتۇنلارنى ئېلان قىلغان. 2005-يىلى «شىنجاڭ گېزىتى»نىڭ «مۇنەۋۋەر ئىختىيارى مۇخبىرى» بولۇپ مۇكاپاتلانغان.

«پەرىزات» ناملىق بۇ تۇنجى كىتابى ئۇنىڭ ئۇزۇن يىللىق جاپالىق ئىزدىنشلىرى ئارقىلىق ئوقۇرمەلەرگە سۇنغان بىردەستە گۈلىدۇر! ئەمەتجان يۈسۈپ 2011-يىلىدىن باشلاپ «ئوقۇتقۇچى» (رومان)، «يۈرەكتە قالغان ئوت»(ھېكايە-پوۋېستلار توپلىمى)، «ئەزىمەت» (كىنو سىنارىيىلەر توپلىمى)، «ئۈچ دوست» (ھېكايە-پوۋېستلار توپلىمى) قاتارلىق كىتابلارنى مۇناسىۋەتلىك نەشرىياتلارغا تاپشۇردى.

يازغۇچى «پەرىزات» ناملىق كىتابىدا ئۆزگىچە كۆزىتىش ئىقتىدارى، تىل سەنئىتى، ئەدەبىي ماھارىتىدىن پايدىنىلىپ، «جاننى ئېلىپ جاڭگالدا قويىدىغان» پەرىزات ئوبرازىنى ناھايتىمۇ ئوستىلىق بىلەن سۆرەتلەپ بېرىدۇ، بۇ كىتابنى ئوقۇغىنىڭىزدا ئەسەردىكى پەرىزاتنىڭ گۈزەل ھۆسىن-جامالىدىن مەستخۇش بولۇپ، ئاغزىڭىزنى چاكىشتىپ باققۇڭىز، پەزىرات بىلەن كىشىلىك ھاياتنىڭ رەڭدار رومانتىك تۇرمۇش قايناملىرىغا بىرلىكتە شۇڭغۇغىڭىز، بەخت بولاقلىرىغا بىرلىكتە چۈمۈلگىڭىز، مۇرەككەپ تۇرمۇشنىڭ ئازاپلىق دېڭىزىدا بىرلىكتە ئۈزگىڭىز... شۇ ئارقىلىق ئىنساننىڭ كىشىلىك ھايات مۇساپىسىدە ئۇچرايدىغان ئاجايىپ تەقدىر-قىسمەتلىرىنى ھېس قىلىپ يەتكۈڭىز كېلىدۇ...

كىتاپ مۇقاۋىسىنىڭ سۈرىتىنى تولۇقلاپ يوللاپ  قويسىڭىزكەن.

تىمىدىكى تەسۋىرلەشلەردىن كىتابنى تىزراق ئوقۇغۇم كېلىۋاتىدۇ دېسە.

ئەمەتجاننىڭ بۇ كىتابىنىڭ يورۇق كۆرگەنلىكىنى مۇبارەكلەيمەن. چۈشەندۈرۈش سۆزىنى ناھايىتى ياخشى يېزىپسىز، ئىنىم ئەنۋەر.
كىتاب كەلگەن بولسا، تۇنىساگۈل دېگەندەك كىتابنىڭ مۇقاۋىسىنى يوللاپ قويسىڭىز ئۈنۈمى تېخىمۇ ياخشى بولاتتى.
بۇ يازمىنى ئاخىرىدا   ئابدۇرېھىم زۇنۇ تەھرىرلىگەن. ۋاقتى  2012-5-22 11:31  

ئەمەتجانغا مۇبارەك بولسۇن

ئەمەتجانغا  مۇبارەك بولسۇن

ئەمەتجانغا مۇبارەك بولسۇن،ھەممە ئىشلىرىغا بەركەت تىلەيمەن.

كىتاپ ئاپتۇرىغا مۇبارەك!

ئەمەتجانغا مۇبارەك بولسۇن، بۇندىن كېيىنكى ئىجادىيىتى مول ئۇتۇقلارغا ئېرىشكەي!

ئەمەتجانغانىڭ تۈنجى كىتبىنىڭ نەشرى قىلىنغانلىقىغا مۇبارەك.
باشقا كىتاپلىرىنىڭمۇ چىقىشىغا تىلەكداشمەن.

مۇبارەك بولسۇن. ئاپتور بۇ كىتابنى نەشرىياتقا تاپشۇرغاندا كىتابنىڭ مەسئۇل مۇھەررىرى ئەنىۋەر ھەسەن بىلەن ئاپتور ھەققىدە كۆڭۈللۈك پاراڭلارنى قىلىشقان ئىدۇق. ئاپتور مۇھەررىردە ياخشى تەسىرات قالدۇرۇپتىكەن. ئەمەتجاننىڭ قەلىمىگە بەرىكەت تىلەيمەن.

بۇ كىتابنىڭ نەشر قىلىنغىنىغا مۇبارەك!!!
ئەمما، بۇ كىتاب-ھېكايىلەر توپلىمىمۇ ياكى ئاخباراتلار توپلىمىمۇ؟ ۋە ياكى... (ئۇچۇردا ئېنىقسىزكەن) بۇ يازمىنى ئاخىرىدا   ئىسمائىل قۇتلۇق تەھرىرلىگەن. ۋاقتى  2012-5-22 15:50  

مۇبارەك بولسۇن.

بۇ كىتابنىڭ نەشر قىلىنغىنىغا مۇبارەك!!!
ئەمما، بۇ كىتاب-ھېكايىلەر توپلىمىمۇ ياكى ئاخباراتلار توپلىمىمۇ؟ ۋە ياكى... (ئۇچۇردا ئېنىقسىزكەن)[color=Red


پوۋېستلار توپلىمى