بىز ئايرىلىپ كەتتۇق ئاشۇ كۈن..مۇنەۋۋەر ئابدۇقادىر [ئۇلانما كۆچۈرۈش]

بىز ئايرىلىپ كەتتۇق ئاشۇ كۈن

مۇنەۋۋەر ئابدۇقادىر

بىز ئايرىلىپ كەتتۇق ئاشۇ كۈن،

يۈرەكلەردە ئۇيۇپ كەتتى قان.

سەندىن كۈتكەن ئىشەنچ، ئۈمىدىم،

بولدى ئاخىر مەڭگۈلۈك پايخان.

بىز ئايرىلىپ كەتتۇق ئاشۇ كۈن،

ئۆكسۈپ-ئۆكسۈپ يىغلىدىم غەمكىن.

پارە - پارە بولسىمۇ  يۈرەك،

بىلمىگەندەك  تۇرىسەن تەمكىن.

بىز ئايرىلىپ كەتتۇق ئاشۇ كۈن،

قالدى بىللە باسقان ئىزىمىز.

ئوغلۇم قالدى «ئانا» دەپ زارلاپ،

ــ دادا!-دېدى، ئوماق قىزىمىز.

  

بىز ئايرىلىپ كەتتۇق ئاشۇ كۈن،

چاراسلاپ چاك ئالدى تاغ-تاشلار.

ئانا زېمىن چۆمدى سۈكۈتكە،

كۆك ئاسمانمۇ تۆكتى كۆز - ياشلار.

  

بىز ئايرىلىپ كەتتۇق ئاشۇ كۈن،

ھەسرىتىمگە ياش تۆكتى دالا.

شۇندىن بېرى تەنھا ياشىدىم،

ئۆزگۈلەردىن كۈتمىدىم ۋاپا.

   

   سىڭلىم مۇنەۋۋەر، بۇ شېئىرىڭىز بىلەن سىزنى مۇبارەكلەيمەن، شېئردا ئىچكى تۇيغۇرىرىڭىزنى خېلى ئۆتكۈر سۆزلەر بىلەن ياخشى يورۇتۇپ بېرىپسىز. بۇندىن كېيىن داۋاملىق تىشىچانلىق كۆرسىشىڭىزنى ئۈمىد قىلىش بىلەن ئاۋۇ چاپلىشىپ قالغان كۇبلېتنى ئاجرىتىۋىتىشىڭىزنى تەۋسىيە قىلىمەن.
  قۇتلۇق بولۇڭ!

ئايرىلىشنىڭ ئازابى چوڭقۇر بولسىمۇ لېكىن ئايرىلىشقا تېگىشلىك بولغاندا چوقۇم ئايرىلىپ كېتىش كېرەك!
ۋاقتسىز ياققان قار گۈلنى تاۋلىغاندەك ئايرىلىش ۋاقتلىرى ئادەمنى ۋە ئادىمىيلىكنى تاۋلايدۇ دەپ ئويلايمان.

شىېرىڭىزنى يەنە قايتا ئوقۇپ قايسىدۇر بىر شائېرنىڭ بۇ شىېىرى ئىسىمگە كىلىپ قالدى.

مەن كۆيمەستە ماڭا كۆيۈپسەن،
مەن كۆيگەندە قېنى كۆيگىنىڭ.
چالا ساۋات ئىكەنسەن تېخى،
قانۇنىدىن شىرىن سۆيگۈنىڭ.

يىغلاپ تۇرۇپ سۆيگەنتىڭ مېنى،
كۈلۈپ تۇرۇپ ئايرىلدىڭ مەندىن.
ئەقىدەمگە يىغلايمەن پەقەت،
ئايرىلغانغا  ئۆلمەيمەن سەندىن.

شىېىرى ئىلھاملىرىڭىزنىڭمۇ بۈركۈتتۈك قانات قېقىشىغا تىلەكداشمەن.

شىېرىڭىزنى يەنە قايتا ئوقۇپ قايسىدۇر بىر شائېرنىڭ بۇ شىېىرى ئىسىمگە كىلىپ قالدى.

مەن كۆيمەستە ماڭا كۆيۈپسەن،
مەن كۆيگەندە قېنى كۆيگىنىڭ.
چالا ساۋات ئىكەنسەن تېخى،
قانۇنىدىن شىرىن سۆيگۈنىڭ.

يىغلاپ تۇرۇپ سۆيگەنتىڭ مېنى،
كۈلۈپ تۇرۇپ ئايرىلدىڭ مەندىن.
ئەقىدەمگە يىغلايمەن پەقەت،
ئايرىلغانغا  ئۆلمەيمەن سەندىن.

شىېىرى ئىلھاملىرىڭىزنىڭمۇ بۈركۈتتۈك قانات قېقىشىغا تىلەكداشمەن.

بۇ شېئىر مەن بىلەن بىر ياشلىق كەن.

پاھ!يۈرەكلەرنى لەززىگە سالدىغان شېئىرئىكەن بۇ.بەك ياخشى چىقىپتۇ.داۋاملىق تىرىشىڭ. بۇ يازمىنى ئاخىرىدا   tikan تەھرىرلىگەن. ۋاقتى  2012-5-15 12:29  

بۇ ھەقىقەتەنمۇ ئىسىل شىئېر ئىكەن. قىلچە زورۇقۇش يوق.ئاپتورنىڭ يەنىمۇ يىڭى ئەسەرلەرنى بىزگە سۇنۇشىنى ئۈمىت قىلىمەن.

رەخمەت مۇئەلىم، بەك يوقىرى باھا بىرىۋېتىپلا  تەنقىد پىكىرلىرىگە ئىھتىياجىم بار، ھە راس مەن شېئىرنى قايتا تەھرىرلەشنى بىلەلمىدىم...

خۇش كەپسىز سەھەر قىز ، قالدۇرغان شېئىرلىرىڭىزدىن مۇڭلۇق بىر ناخشا ئاڭلىغاندەك مۇڭغا چۆكۈپ ئولتۇرۇپ كەتتىم، تەكلىپ پىكىرلىرىڭىزنى ئايىمىغايسىز  بىرلىكتە تىرىشايلى!

مۇنەۋەرنىڭ بۇ شېئىرى جەمىيىتىمىزدىكى ئاجرىشىپ كەتكەن نۇرغۇن ئەر-ئاياللارنىڭ قەلبىنى لەرزىگە سالغۇدەك شېئىر بوپتۇ. ھەم ئۆز ئائىلىسىگە ۋاپاسىزلىق قىلغان كىشىلەرنىڭ يۈرىگىگە تەككۈدەك ئەسەر بوپتۇ. قولىڭىزغا دەرت بەرمىسۇن! مۇشۇنداق ياخشى ئەسەرلىرىڭىزگە تەشنامىز! ئىلھامىڭىزغا قۇۋۋەت تىلەيمەن!

شېئىرىڭىز بەكمۇ ياخشى چىقىپتۇ. بۇ يېرىنى مۇنداق ئوقۇدۇم:

چاراسلاپ چاك ئالدى تاغ-تاشلار.

چاراسلاپ چاك كەتتى  تاغ-تاشلار.

ئابلىپىز ئىدرىس،  غازى ئوغلى، ئابلاجان تىكەن، ئەكبەر ئابدۇرىشىت تاشيولچى،   رەخمەت سىلەرگە  بۇ خىلى بۇرۇن يىزىلغان شېئىرىم ئىدى سەل پەل ئۆزگەرتىش كىرگۈزۈپلا يوللاپ قويغان ئىدىم، بەك ياخشى يازدىم دىيەلمەيمەن،  تەكلىپ پىكىر  بىرىشىڭلارنى  ئۈمۈد قىلىمەن..

بۇنداق ئالساقمۇ بولغۇدەك رەخمەت سىزگە ئاي بۈۋى..پىكىرلىشىپ تۇرايلى!

شىئېرىڭىزغا «بىز ئايرىلىپ كەتكەن ئاشۇ كۈن» دەپ ئىسىم قويسىڭىز قانداق بولا. بۇ بىر تەكلىپ، قالغىنى سىزنىڭ خالىغىنىڭىزچە بولسۇن.