كېرىمجان ئابدۇرېھىم:ئۇيغۇر ھازىرقى زامان ئەدەبىياتى ۋە پۇشكىن [ئۇلانما كۆچۈرۈش]

ئۇيغۇر ھازىرقى زامان ئەدەبىياتى ۋە پۇشكىن

كېرىمجان ئابدۇرېھىم

亚历山大•谢尔盖耶维奇•普希金 (1799～1837)
亚历山大•谢尔盖耶维奇•普希金（Александр Сергеевич Пушкин），




ئۇيغۇر ھازىرقى زامان ئەدەبىياتى داۋاملاشقان ۋاقتىنىڭ قىسقىلىقىغا قارىماي، ئۆزىگە نۇرغۇنلىغان ئەدەبىيات ھادىسلىرىنى مۇجەسسەملەشتۈگەن، شۇ سەۋەبتىن بۇ ئەدەبىيات تەتقىقات تېمىلىرىغا ئىنتايىن باي بىر ئەدەبىيات بولغان. بۇ ئەدەبىيات ئۆزىنىڭ تارىخى تەرەققىياتى داۋامىدا باشقا ئەل،باشقا مىللەت ئەدەبىياتىنىڭ  كۈچلۈك تەسىرىنى قوبۇل قىلغان، بولۇپمۇ رۇس-سوۋېت ئەدەبىياتىنىڭ بۇ ئەدەبىياتقا كۆرسەتكەن تەسىرى ئالاھىدە گەۋدىلىك بولغان. بۇ خىل تەسىر ئۇيغۇر ھازىرقى زامان ئەدەبىياتىنىڭ پۇشكىن بىلەن بولغان مۇناسبىتىدە ناھايىتى گەۋدىلىك ئىپادىلەنگەن.
پۇشكىن (17991835) – رۇسىينىڭ ئۇلۇغ شائىرى ۋە يازغۇچىسى، ئۇ رۇس شېئىرىيتىنىڭ تارىختىن بۇيانقى ئەڭ يۇقۇرى پەللىسىنى يارىتىپلا قالماي،بەلكى يەنە شېئىرىيەتنى رېئاللىققا ئەڭ زور دەرىجىدە يېقىنلاشتۇرۇپ، شېئىرلىرىدا ئىسسيانكارلىق، قەھرىمانلىق روھىنى ئىپادىلەپ، رۇس ئەدەبىيا تىنىڭ تەرەققىياتى ۋە گۈللىنىشى ئۈچۈن غايەت تۆھپە قوشقان، شۇنداقلا رۇسلارنىڭ ئىدىيە-مەدەنىيەت ئويغىنىشىغا كۈچلۈك تەسىر كۆرسەتكەن. شۇڭا دەۋرداشلىرى ۋە كېيىنكىلەر تەرىپىدىن مەدھىيلىنىپ،«رۇس شېئىرىيتىنىڭ قوياشى»، «رۇس ئەدەبىياتىنىڭ ئاتىسى»، «رۇس ئەدەبىياتىدىكى بارلىق باشلىنىشلارنىڭ باشلامچىسى» دېگەندەك يۈكسەك تەرىپلەرگە سازاۋەر بولغان. ئۇ ئۆزىنىڭ ئىجادىيەتتىكى كاتتا مۇۋەپپەقىيتى ۋە تەسىرى بىلەن رۇس ئەدەبىياتىدىن ھالقىپ چىقىپ،ۇنيادىكى باشقا ئەل-باشقا مىللەت كىشىرىنىڭمۇ ھۆرمىتى ۋە قايىللىقىغا ئېرىشىپ، ھەقىقىي مەنىدىكى «دۇنياۋى شائىر»غا ئايلانغان.
ئۇيغۇر ھازىرقى زامان ئەدەبىياتىنىڭ پۇشكىن بىلەن بولغان مۇناسىبىتىنى يۇقارقى ئومۇمىيلىقنىڭ تەسىرىدىن باشقا يەنە شىنجاڭنىڭ ئەينى ۋاقىتتىكى سىياسىي-ئىجتىمائىي ئەھۋالى بىلەنمۇ زور دەرىجىدە مۇناسىبەتلىك. 20-ئەسىرنىڭ باشلىرىدىن تارتىپ شىنجاڭ ھۆكۈمرانلىرى گەرچە بېكىنمىچىلىك سىياسىتىنى قوللىنىپ، تاشقى دۇنيا بىلەن بولغان مەدەنىيەت ئالاقىسىنى زور دەرىجىدە چەكلىگەن بولسىمۇ،ئىلغار مەدەنىيەت ۋە ئىنقىلابى دۇنيا قاراشنىڭ شىنجاڭغا تارقىلىشىنى ئۈزۈل-كېسىل توسۇپ قالالمىغان. تىل،مەدەنىيەت، ئېتىقاد جەھەتلەردىكى ئورتاقلىق،خوشنىدارچىلىق، قېرىنداشلىق قاتارلىق سەۋەبلەردىن شىنجاڭدىكى ھەرقايسى مىللەتلەرنىڭ سابىق سوۋېت ئىتتىپاقى تەۋەسىدىكى ھەرقايسى مىللەتلەر بىلەن بولغان ئۇزۇن تارىخىقا ئىگە باردى-كەلدىلىرى يېڭى ئەسىر باشلانغاندىن كېيىن تېخىمۇ جانلىنىشقا باشلىغان. شېڭ شىسەي ھاكىمىيەت يۈرگۈزگەن مەزگىلدە بۇ خىل ئالاقە بۇرۇنقى شەخسىي باردى-كەلدىلەر دەرىجىسىدىن ھالقىپ،ھۆكۈمەتلەر ئارىسىدا ئېلىپ بېرىلدىغان ئالاقە دەرىجىسىگە كۆتۈرۈلگەن. بولۇپمۇ شىڭ شىسەينىڭ «ئالتە بۈيۈك سىياسەت»ىدە سوۋېت ئىتتىپاقى بىلەن يېقىن ئۆتۈش مەزمۇنى بولغاچقا، ھەم شېڭ شىسەي سوۋېت ئىتتپاقى بىلەن بولغان تۈرلۈك مەزمۇنلاردىكى ئالاقىلەرگە ئالاھىدە ئەھمىيەت بىلەن قارىغاچقا،ئۇيغۇرلارنىڭ مەدەنىيتىگە تەسىر كۆرسىتىدىغان بىرقاتار پائالىيەتلەر بولۇپ ئۆتكەن. بۇلاردىن نىسبەتەن مۇھىم بولغانلىرى سابىق سوۋېت ئىتتىپاقىغا ئوقۇغۇچى ئېۋەتىپ ئوقۇتۇش، سابىق سوۋېت ئىتتپاقىدا تۈزۈلگەن دەرسلىكلەرنى قوللىنىش، سابىق سوۋېت ئىتتىپاقىدا نەشىر قىلىنغان گېزىت-ژورناللارنى، كىنو فىلىملىرىنى قويۇش قاتارلىقلاردىن ئىبارەت بولۇپ، بۇلار رۇس-سوۋېت مەدەنىيتىنىڭ، شۇ قاتاردا ئەدەبىياتىنىڭ شىنجاڭدا كەڭ تۈردە تارقىلىشىغا زور تەسىرلەرنى كۆرسەتكەن. 30-يىللارنىڭ ئوتتۇرىلىرىدىن باشلاپ، رۇس-سوۋېت ئەدەبىياتىنىڭ پۇشكىن، گوەول،تولىستوي،ماياكوۋېسكىي،گوركىي،شولوخوپ قاتارلىق ۋەكىللىرى ئۇيغۇرلارغا ئىنتايىن تونۇشلۇق ئەدىبلەردىن بولۇپ قالغان. ئۇيغۇر ھازىرقى زامان ئەدەبىياتىنىڭ داڭلىق ۋەكىللىرىدىن بىرى بولغان ل مۇتەللىپ ئۆزىنىڭ «ئەدەبىيات نەزەرىيسى» ناملىق ماقالىسىدا ئەدەبىياتنىڭ تىپىكلىكى ھەققىدە سۆزلىگەندە پۇشكىن، گوركىي،شولوخوپ قاتارلىق ئەدىبلەرنى ۋە ئۇلارنىڭ ۋەكىللىك ئەسەرلىرىدىكى پرسۇناژلارنى ئالاھىدە تىلغا ئالغان【1】. ئۇيغۇر ئەدەبىياتىنىڭ پۇشكىن بىلەن بولغان مۇناسىبىتى ئۈچ ۋىلايەت ئىنقىلابى دەۋرىدە تېخىمۇ زور دەرىجىدە قويۇقلاشقان. ئۈچ ۋىلايەت ئىنقىلابى پارتىلىغاندىن تارتىپ تاكى شىنجاڭ تېنچلىق بىلەن ئازاد بولغانغىچە بولغان بىر پۈتۈن جەرياندا ئۈچ ۋىلايەت ھۆكۈمىتىنىڭ سابىق سوۋېت ئىتتىپاقى بىلەن بولغان مۇناسىبەت-ئالاقىلىرى ئىنتايىن قويۇق بولغان، پۈتۈن ئىنقىلاب جەريانىدا سوۋېت ئىتتىپاقىنىڭ يارىدىمى قوبۇل قىلىنغان، مانا مۇشۇنداق ئارقا كۆرۈنۈش سەۋەبىدىن، غۇلجىنى مەركەز قىلغان ئۈچ ۋىلايەتتە سوۋېت مەدەنىيتىنىڭ، جۈملىدىن سوۋېت ئەدەبىياتىنىڭ تەسىرى تولىمۇ كۈچلۈك بولغان،پۈتۈن ئۈچ ۋىلايەت تەۋەسىدە رۇس-سوۋېت ئەدەبىياتىنى تونۇشتۇرۇش ۋە ئۈگىنىشكە ئالاھىدە ئەھمىيەت بېرىلگەن. ئۈچ ۋىلايەت رەھبەرلىرى رۇس-سوۋېت ئەدەبىياتىنى ئۈگىنىش ۋە تەتقىق قىلىشقا ئەھمىيەت بېرىشنى سوۋېت ئىتتىپاقى بىلەن بولغان قويۇق مۇناسىبەتنى ئىسپاتلاشتىكى مۇھىم بىر نۇقتا قىلغان. شۇنى ئالاھىدە تىلغا ئېلىشقا تېگىشلىككى، پۇشكىن تۇغۇلغانلىقىنىڭ 150 يىللىقى ئۈچ ۋىلايەت تەۋەسىدە ناھايىتى داغدۇغۇلۇق خاتىرىلەنگەن، بۇنداق داغدۇغۇلۇق خاتىرىلىنىش ھەتتا بىرەر ئۇيغۇر ياكى قازاق يازغۇچىسىغىمۇ نېسىپ بولمىغان. «1949-يىلى 6-ئاينىڭ 6-كۈنى شىنجاڭدا تېنچلىق ۋە خەلقچىللىقنى ھېمايە قىلىش ئىتتىپاقى مەركىزى كومىتېتى يىغىلىش ئۆتكۈزۈپ، روسىينىڭ ئۇلۇغ شائىرى پۇشكىن تۇغۇلغانلىقىنىڭ 150 يىللىقىنى خاتىرىلىدى، ئەخمەتجان قاسىمى يىغىنغا قاتنىشىپ ھەم سۆز قىلىپ، پۇشكىننىڭ ‹ھەيكەل› ناملىق شېئىرىنى  دېكلىماتسىيە قىلدى. شۇنىڭ بىلەن بىر ۋاقىتتا ، تارباغاتاي ۋىلايىتى بىلەن ئالتاي ۋىلايىتىدىمۇ تۈرلۈك خاتىرىلەش پائالىيەتلىرى ئۆتكۈزۈلدى【2】». يۇقارقى بۇ مەلۇمات ناھايىتى مۇھىم بولۇپ، ئۇنىڭدىكى پۇشكىن تۇغۇلغانلىقىنىڭ 150 يىللىقى ئۈچ ۋىلايەت تەۋەسىدە ناھايىتى داغدۇغىلىق خاتىرىلەنگەنلىكى، خاتىرىلەش پائالىيتىگە ئۈچ ۋىلايەت ئىنقىلابىنىڭ ئەڭ ئالىي رەھبىرى ئەخمەتجان قاسىمىنىڭ بىۋاستە قاتناشقانلىقى، سۆز قىلغانلىقى، ھەتتا پۇشكىننىڭ شېئىرىنى دىكلاماتسىيە قىلغانلىقى قاتارلىق ئۇچۇرلار پۇشكىننىڭ ئۇيغۇرلار ئارىسىدا قانچىلىك ھۆرمەتلەنگەنلىكى ۋە ئۇلۇقلانغانلىقىنى ئىسپاتلايدىغان قىممەتلىك ماتېرىيال ھېسابلىنىدۇ.
ئۈچ ۋىلايەت ئىنقىلابى مەزگىلىدە رۇس-سوۋېت ئەدەبىياتى ئۇيغۇرلار ئارىسىغا ناھايىتى كەڭ تۈردە تونۇشتۇرۇلغان. زامانىۋى مەتبۇئاتچىلىقنىڭ بارا-بارا ئومۇملىشى، جۈملىدىن ئۈچ ۋىلايەت ئىنقىلابى ھۆكۈمىتىنىڭ ئاخبارات-مەتبۇئات ئىشلىرىغا ئالاھىدە كۆڭۈل بۆلىشى سەۋەبىدىن ئۈچ ۋىلايەت تەۋەسىدە ئۇيغۇر،قازاق،خەنزۇ يېزىقلىرىدا كۆپ خىل گېزىت ۋە ژورناللار نەشىر قىلىنغان. بۇ گېزىت-ژورناللارنىڭ خېلى كۆپ بىر قىسمىنىڭ ئەدەبىيات بەتلىرى بار بولۇپ، ئۇلاردا ئىجادىي ئەسەرلەردىن باشقا يەنە رۇس-سوۋېت ئەدەبىياتىنىڭ نەمۇنىلىرى كۆپلەپ تونۇشتۇرۇلغان. سابىق سوۋېت ئىتتىپاقىنىڭ قازاقىستان، ئۆزبېكىستان جۇمھۇرىيەتلىرىدە چىقىدىغان كۆپلىگەن گېزىت-ژورناللار ئۈچ ۋىلايەت تەۋەسىگە كىرىپ تۇرغان، جۈملىدىن «كوممىنىزىم تۇغى» قاتارلىق ژورنللار ئۈچ ۋىلايەت تەۋەسىدىكىلەرنىڭ مۇھىم ماتېرىيالى بولۇپ قالغان. مانا مۇشۇ مەتبۇئاتلاردا پۇشكىنغا ئاىت ماقالىلار، پۇشكىننىڭ ئەسەرلىرى كەڭ تۈردە تونۇشتۇرۇلغان.بۇلار ئۇيغۇرلارغا پۇشكىننى نىسبەتەن كەڭ ۋە چوڭقۇر تونۇشتۇرۇپلا قالماستىن،بەلكى ئۇيغۇر شائىرلىرىغا بەلگۈلۈك تەسىرلەرنىمۇ كۆرسەتكەن. ئۇيغۇر ھازىرقى زامان ئەدەبىياتىنىڭ داڭلىق ۋەكىللىرىدىن بىرى، ئۈچ ۋىليەت تەۋەسىدىكى شېئىرىيەت ئىجادىيتىنىڭ ئەڭ يۇقۇرى پەللىسىنى ياراتقان داڭلىق شائىر ئەلقەم ئەختەمنىڭ پۇشكىنغا ئاتاپ يازغان شېئىرىدىن ناھايىتى ئېنىق كۆرۈۋالغىلى بولىدۇ.
ئەلقەم ئەختەم رۇس- سوۋېت ئەدەبىياتى بىلەن ناھايىتى پىششىق تونۇشقان، جۈملىدىن پۇشكىن،لېرمونتوپ، ماياكوۋېسكى،خەمىت ئالىمجان، ئابدۇللا توقاي،ھادى تاقتاش،ئۆمەر مۇھەممىدى قاتارلىق شائىرلارنىڭ ئىجادىيتى ئۇنىڭدا كۈچلۈك تەسىر پەيدا قىلغان.يۇقارقى ئەدىبلەر ئىچىدە ئۇنىڭغا ھەممىدىن بەك تەسىر قىلغىنى يەنىلا پۇشكىن بولۇپ، ئۇ شېئىرىيەت ئىجادىيتىدە پۇشكىننى ئۆزىگە ئۇستاز تۇتقان،  شائىرنىڭ پۇشكىن ئىجادىيتى بىلەن بىلەن بولغان قويۇق باغلىنىشى ئۇنىڭ «پارچە»سىدە گەۋدىلىك ئىپادىلەنگەن:
          پارچە
   (پۇشكىننىڭ سۈرىتىگە قاراپ)
كۈلۈپ كۆڭلۈمدە ئىلھام ئالمىسام،
مېنىڭدىن رەسىمىڭ ۋاي... رەنجىمدىكىن.
ماڭسام،چامدىسام،سەندىن قالمىسام ––
ئىزىڭنى باسسام،دېدىم مەن پۇشكىن.
                 1945-يىل،سىنتەبىر
ئەدەبىي مۇناسىبەتلەر يېقىدىن قارىغاندا،بۇ شېئىر ئەلقەم ئەختەمنىڭ شېئىرىيەت ئىجادىيتىنى ئۈگىنىش ۋە تەتقىق قىلىشتىكى قىممەتلىك ئۇچۇر بولۇپلا قالماستىن،بەلكى يەنە ئۇيغۇر ھازىرقى زامان ئەدەبىياتىنىڭ باشقا ئەدەبىياتلار بىلەن، جۈملىدىن پۇشكىن ئىجادىيتى بىلەن بولغان مۇناسىبەت-ئالاقىلىرىنى ئۈگىنىش ۋە تەتقىق قىلىشتىكىمۇ قىممەتلىك ماتېرىيال ھېساپلىنىدۇ. بۇ شېئىردىن بىزگە مەلۇم بولىدىغان يەنە بىر مۇھىم ئۇچۇر شۇكى، نەچچە يۈز يىللاردىن بېرى نەۋايى ۋەكىللىكىدىكى ئۇيغۇر كىلاسسىك شائىرلىرىنى ئۆزىگە ئۇستاز تۇتۇپ كەلگەن ئۇيغۇر شائىرلىرى، ھازىرقى زامان ئەدەبىياتى باسقۇچىغا كەلگەندە ئەنئەنىگە ۋارىسلىق قىلىش بىلەن بىرگە زۆرۈر بولغان بەدەئىي ئوزۇق ۋە تەسىرنى رۇس-سوۋېت ئەدەبىياتىدىن ئېلىشقا باشلىغان. بۇمۇ ئۇيغۇر ئەدەبىياتىنىڭ باشقا ئەل، باشقا مىللەتلەر ئەدەبىياتى بىلەن بولغان ئەدەبىي ئالاقە-ئەدەبىي مۇناسىبەتلىرىدىكى ناھايىتى زور بىر بۇرۇلۇش بولدى، ئەلۋەتتە.  
ئۇيغۇر ھازىرقى زامان ئەدەبىياتىنىڭ پۇشكىن بىلەن بولغان مۇناسىبىتى بۇ باسقۇچتا ئىجادىيەت بىلەن شۇغۇللانغان ئۇيغۇر شائىرلىرىنىڭ پۇشكىن ئىجادىيتى بىلەن كەڭ دائىرىدە تونۇشۇپ، ئۇنىڭ شېئىرلىرىنىڭ تەسىرىگە ئۇچراپ، ئۇنى ئۇلۇقلاپ، ئۇنىڭغا ئاتاپ شېئىرلارنى يازغانلىقىدا رۇشەن كونكىرتلىشىدۇ. ئۇيغۇر ھازىرقى زامان ئەدەبىياتى باسقۇچىدا، جۈملىدىن ئۈچ ۋىلايەت ئەدەبىياتى مەزگىلىدە ئەدەبىي ئىجادىيەت بىلەن شۇغۇللانغان شائىرلارنىڭ خېلى بىر قىسمى پۇشكىن ھەققىدە شېئىر يازغان. پۇشكىن ھەققىدە يېزىلغان شېئىرلار ئىچىدە ئۇيغۇر ھازىرقى زامان شېئىرىيتىنىڭ مۇھىم ۋەكىللىرىدىن بىرى بولغان تېيىپجان ئېلىيوپنىڭ قوشۇمچە ماۋزۇسى «پۇشكىنغا ئاتاپ» بولغان   «سېنىڭ ناخشاڭ» ناملىق شېئىرى مۇھىم ئورۇن تۇتىدۇ【3】.  شېئىرنىڭ تولۇق تېكستى مۇنداق :
سېنىڭ ئەرك كۈيلىگەن ناخشاڭ گويا يالقۇن بولۇپ ياندى،
ئەسىرلەردىن كېلىپ ھالقىپ، مېنىڭ كۆڭلۈمگە ئوت سالدى.
ھاياتىڭ ئۆتتى نۇر كۆرمەي، قاراڭغۇلۇقتا – زۇلمەتتە،
كۆڭۈل ئەمما يېنىۋاتقان ئىدى بىر ئالىي مەقسەتتە.
سېنىڭ ماڭغان يولۇڭ بىر دەشت، ياتاتتى ئۇندا قۇملۇقلار،
يېتەلمەي پەللىگە، كەتتىڭ... يولۇڭنى بوغدى شۇملۇقلار.
مۇشەققەتلەرگە داد سالماس گويا بىر تاغ ئىدىڭ شائىر،
ئۆچۈردى، ئېخ! ... ئۇ دانتىس شۇم ھاياتىڭ شامىنى ئاخىر.
تېخى بەك ياش ئىدىڭ، شائىر، گويا ئېچىلمىغان غۇنچە،
سۆيۈملۈك بىر يورۇق تاڭنى دىلىڭ كۈتكەن ئىدى شۇنچە.
دېمىڭ تىندى ئېغىر دەردتىن، يوقالدىڭ ئەمما ياش تۆكمەي،
چېلىشتىڭ ئەرك ئۈچۈن شۇنداق ئەجەل ئالدىدا تېز پۈكمەي.
سېنىڭ نامىڭ ئازادلىق ئىزدىگەنلەرگە بولدى نۇر - مەشئەل،
ئىجادىڭدىن بىنا بولدى ئۇزۇن يىللار ئۈچۈن ھەيكەل.
زامانلار ئۆتتى زۇلمەتتە، سۈرۈلدى قانچە چاڭ-توزاڭ،
دىلىڭ سۆيگەن ئۈمىد-ئارزۇ ئاخىر قۇچتى يورۇق بىر تاڭ.
سېنىڭ يۇرتۇڭدا نۇر ئەمدى تۇماندا ئىڭرىغان ئىنسان،
سېنىڭ يۇرتۇڭدا دەرت-ھەسرەت قىلىندى يەر بىلەن يەكسان.
جاھان سۆيمەكتە تەۋرەشنى، چېلىشچان تۇيغۇلار ياندى،
سۈزۈك تاڭ ئىزدىشىپ ھەرجان قارا ئۇيقۇدىن ئويغاندى.
بۈگۈن، شائىر، سېنىڭ جان دوستلىرىڭ يەڭمەكتە ھەر يەردە،
سېنىڭ دۈشمەنلىرىڭ مەينەتكە چۆكتى، بولدى شەرمەندە.
ھەقىقەت كورلىرى ھەم كۈلگە ئايلاندى كۆيۈپ ئوتتا،
سېنىڭ نامىڭ ئۇلۇقلاندى ھەقىقەت ياشنىغان يۇرتتا.
                            1949-يىل 6-ئاي.  
بۇ شېئىر پۇشكىن تۇغۇلغانلىقىنىڭ 150 يىللىقىغا بېغىشلاپ يېزىلغان. بۇ شېئىردا تېيىپجان ئېلىيوپ پۇشكىننىڭ ئازادلىق-ئەركىنلىك كۈيلەنگەن شېئىرلىرىنىڭ ئۆزىگە كۈچلۈك تەسىر قىلغانلىقىنى «كۆڭلۈمگە ئوت سالدى» دېگەن ئېماگ بىلەن ئوبرازلىق ئىپادىلىگەن، دېمىسىمۇ بۇ ھېسىيات شائىرنىڭ ئىجادىيەت ئەمەلىيتىدە بىرقانچە جەھەتتىن رۇشەن ئىپادىلەنگەن بولۇپ، مەزكۇر شېئىر ئۇنىڭ ئەڭ يارقىن بىر مىسالى.بۇ شېئىردىن كۆرۈۋېلىش تەس ئەمەسكى، تېيىپجان ئېلىيوپ پۇشكىننىڭ ھايات سەرگۈزەشتلىرى بىلەن ناھايىتى پىششىق تونۇشقان،ئۇنىڭ ئىجادىيتىنى ۋە ئۇنىڭدا ئىپادىلەنگەن ئاساسلىق ئىدىيە ۋە ھېسىياتنى پىششىق ئىگەنلىگەن. شائىرنىڭ ۋاقىتسىز بۇ دۇنيادىن ئايرىلغىنىغا چوڭقۇر ھېسداشلىق قىلغان ھەم شائىرغا زىيانكەشلىك قىلغان ئەينى دەۋر ۋە زۇلمەت كۈچلىرى ئۈستىدىن قاتتىق شىكايەت قىلغان. مەزكۇر شېئىردا بىزنىڭ دىققىتىمىزنى تارتىشى كېرەك بولغان ئالاھىدە بىر نۇقتا بار، ئۇ بولسىمۇ شائىرنىڭ سوۋېت ھاكىمىيتى ۋە سوۋېت دەۋرىگە بولغان مەدھىيسى ۋە تەرىپىدىن ئىبارەت بولۇپ، بۇ مەدھىيە ئەينى دەۋر ئەدەبىياتىنىڭ ئاساسلىق تېمىلىرىدىن بىرى ھېسابلىناتتى.
ئۇيغۇر ھازىرقى زامان ئەدەبىياتى باسقۇچىدا پۇشكىنغا ئاتاپ خاتىرىلەش پائالىيەتلىرى ئۆتكۈزۈلۈش، ھازىرقى زامان شائىرلىرى پۇشكىننى ئۆزىگە ئۇستاز تۇتۇش، پۇشكىنغا ئاتاپ شېئىرلارنى يېزىش بىلەن بىرگە يەنە پۇشكىن ھەققىدە ماقالىلارمۇ يېزىلغان. ئەلۋەتتە بۇ ماقالىلار سۆزسىزكى پۇشكىن ھەققىدىكى ئۈگىنىش ۋە تەتقىقاتلارنىڭ نەتىجىسى ھېسابلىناتتى. ھازىرقى زامان ئۇغيۇر شائىرلىرى پۇشكىننى ئۈگەنگەن چاغدا ئۇنىڭ ھاياتى، ئۇنىڭ ئىجادىيەت يولى، ئۇنىڭ ئەسەرلىرى ۋە ئەسەرلىرىنىڭ قىممىتى ھەققىدە خېلى چوڭقۇر ئىزدىنىشلەرنى ئېلىپ بارغان. ئۇيغۇر ئەدىبلىرىنىڭ پۇشكىن ھەققىدە يازغان ماقالىلىرىدىن بىزگە ھازىرغىچە مەلۇم بولغانلىرى ئىككى پارچە بولۇپ، ئۇنىڭ بىرى تېيىپجان ئېلىيوپنىڭ «رۇس خەلقىنىڭ ئۇلۇغ شائىرى» ناملىق ماقالىسى، يەنە بىرى خەمىت سەئىدىنىڭ «بۈيۈك رۇس يازغۇچىسى پۇشكىن ئىجادى ۋە ئۇنىڭ ماھيىتى» ناملىق ماقالىسىدۇر【4】. بۇ ماقالىلاردا پۇشكىننىڭ ھاياتىغا، ئىجادىيتىگە دائىر كۆپلىگەن ئۇچۇرلاردىن باشقا، پۇشكىن ئىجادىيتىنىڭ تېمىسى، ئىدىيسى، بەدەئىي مۇۋەپپەقىيەتلىرى، ئەھمىيتى، شۇنداقلا كېيىنكىلەرگە كۆرسەتكەن تەسىرى قاتارلىقلار نۇقتىلىق مۇھاكىمە قىلىنغان.
ئۇيغۇر ئەدەبىياتىنىڭ پۇشكىن بىلەن بولغان قويۇق ئالاقىسى بۈگۈنكى زامان ئەدەبىياتى باسقۇچىدىمۇ ئىزچىللىشىپ باردى، ھەتتا ھازىرقى زامان ئەدەبىياتى باسقۇچىدىكىدىنمۇ بەكرەك نەتىجە-مۇۋەپپەقىيەتلەرگە ئېرىشتى. ھېسابتا بۇ بىرخىل ئەدەبىيات ئەنئەنىسىگە ئايلىنىپ، پۈتۈن 20-ئەسىر ئەدەبىياتدىكى مۇھىم بىر ئەدەبىيات ھادىسىسىنى شەكىللەندۈرۈپ، ئۇيغۇر سېلىشتۇرما ئەدەبىيات تەتقىقاتى ئۈچۈن چوڭ بىر تېما بولۇپ قالدى.
ئومۇمەن قىلىپ ئېيتقاندا، ئۇيغۇر ھازىرقى زامان ئەدەبىياتىنىڭ پۇشكىن بىلەن بولغان مۇناسىبىتىنى ئۈگىنىش ۋە تەتقىق قىلىش ئۇيغۇر ھازىرقى زامان ئەدەبىياتىنىڭ تەرەققىياتىغا تەسىر كۆرسەتكەن ئامىللارنى ئۈگىنىش ۋە تەتقىق قىلىشتا، ئۇيغۇر ئەدەبىياتىنىڭ ئەدەبىي مۇناسىبەتلەر تارىخىنى ئۈگىنىش ۋە تەتقىق قىلىشتا، شۇنداقلا ئۇيغۇر ئەدەبىياتىنىڭ تارىخى تەرەققىياتىدا يۈز بەرگەن ئۆزگىرىش ۋە تەرەققىياتلارنى چۈشىنىشتە مۇھىم ئەھمىەتكە ئىگە.



ئىزاھلار:
【1】 شىنجاڭ ئۇيغۇر ئاپتونۇم رايۇنلۇق يازغۇچىلار جەمئىيتى نەشىرگە تەييارلىغان : «لۇتپۇللا مۇتەللىپ ئەسەرلىرى» ، شىنجاڭ خەلق نەشرىياتى ،1982-يىل 10-ئاي 1-نەشرى، 242-بەت.
【2】 شىنجاڭ ئۈچ ۋىلايەت ئىنقىلابى تارىخىنى يېزىش-تەھرىرلەش كومېتېتى تۈزگەن : «ئۈچ ۋىلايەت ئىنقىلابىغا دائىر چوڭ ئىشلار خاتىرىسى»،شىنجاڭ خەلق نەشرىياتى، 1995-يىل 8-ئاي 1-نەشرى، 396-بەت.
【3】 مۇھەممەت رېھىم نەشىرگە تەييارلىغان : «تېيىپجان ئېلىيېۋ شېئىرلىرى» (1) ، مىللەتلەر نەشرىياتى 1997-يىل 8-ئاي 1-نەشرى، 72-73-بەتلەر.  
【4】 ئىمىنجان ئەخمىدى ئۇتۇق قاتارلىقلار تۈزگەن : «ئۇيغۇر ئەدەبىياتى تارىخى» 3-توم ، 476-بەت.

بۇ يازمىنى ئاخىرىدا   jallat تەھرىرلىگەن. ۋاقتى  2012-5-15 00:32  

مۇمكىن بولسا تەھرىرلەپ قويسا بۇپتىكەن!

جاللات ئاكامنىڭ ئەجرىگە رەھمەت، بىزنىڭ شۇجىينىڭ ماقالىسىكەن.

بۇ يازمىنى ئاخىرىدا   mamat omar تەھرىرلىگەن. ۋاقتى  2012-5-15 16:10  

رۇس ئەدەبىياتىنىڭ ئۇيغۇر ئەدەبىياتىغا بولغان تەسىرى پۇشكىندىن باشلانغان.رۇس ئەدەبىياتىنىڭ باشلىنىشىغا بولسا فرانسۇز ئەدەبىياتىنىڭ تەسىرى ئىنتايىن كۈچلۈك بولغان.پۇشكىن روسىيە ئەدەبىياتىنىڭ رەسمى شەكىللەندۈرگۈچىسى،فرانسۇز ئەدەبىياتىنىڭ رۇس ئەدەبىياتىدىكى ھۆكۈمرانلىق ئورنىغا خاتىمە بەرگۈچى.19-ئەسىرنىڭ كېيىنكى يېرىمدا روسىيە ئەدەبىياتى گۈللەپ،ياشناپ،ياۋروپادىكى ئەدەبىياتى ئەڭ گۈللەنگەن ئەل -فرانسىيە ئەدەبىياتى بىلەن تەڭ دەرىجىدە تۇرىدىغان ھالەتكە يەتكەن.كېرىمجان ئابدۇرھىمنىڭ يۇقۇرقى ماقالىسى پۇشكىننىڭ ئۇيغۇر ئەدەبىياتىغا بولغان تەسىرىنى ھەقىقەتەن ياخشى دەلىللەپ بەرگەن ماقالىكەن.

ﭘﯘﺷﻜﯩﻨﻨﯩﯔ ﻣﻪﺧﭙﯩﻲ ﺧﺎﺗﯩﺮﯨﻠﯩﺮﻯ

- ﺋﺎﻳﺎﻟﯩﻤﻐﺎ ﺑﯧﻐﯩﺸﻼﻳﻤﻪﻥ.
- ﭘﯘﺷﻜﯩﻦ.

ﺋﻪﺭﻛﯩﻦ ﻧﯘﺭﺗﻪﺭﺟﯩﻤﯩﺴﻰ

ﺗﻪﺭﺟﯩﻤﻪ ﻗﯩﻠﻐﯘﭼﯩﺪﯨﻦ: ﺋﯘﻳﻐﯘﺭ ﺧﻪﻟﻘﯩﮕﻪ ﺧﯘﺩﺩﻯ ﺋﯚﺯ ﺷﺎﺋﯩﺮﯨﻐﺎ ﺋﻮﺧﺸﺎﺷﻼ ﺗﻮﻟﯩﻤﯘ ﺗﻮﻧﯘﺷﻠﯘﻕﺑﻮﻟﻐﺎﻥ ﺗﺎﻻﻧﺘﻠﯩﻖ ﺷﺎﺋﯩﺮ ﭘﯘﺷﻜﯩﻦ 1799 - ﻳﯩﻠﻰ 6 - ﺋﺎﻳﻨﯩﯔ 6 - ﻛﯜﻧﻰ ﺩﯗﻧﻴﺎﻏﺎ ﻛﻪﻟﮕﻪﻥ، 1837 - ﻳﯩﻠﻰ 2 - ﺋﺎﻳﻨﯩﯔ 8 - ﻛﯜﻧﻰ ﺩﯗﺋﯩﻠﺪﺍ ﺋﯧﻐﯩﺮ ﻳﺎﺭﯨﻠﯩﻨﯩﭗ، 2 - ﺋﺎﻳﻨﯩﯔ 10 - ﻛﯜﻧﻰﺋﺎﻟﻪﻣﺪﯨﻦ ﺋﯚﺗﻜﻪﻥ، ﺑﯘ ﭼﺎﻏﺪﺍ ﺋﯘ ﺗﯧﺨﻰ ﺋﻪﻣﺪﯨﻼ 38 ﻳﺎﺷﺘﺎ ﺋﯩﺪﻯ. ﮔﻪﺭﭼﻪ، ﺋﯘﻧﯩﯔ ﻫﺎﻳﺎﺗﻰ ﻗﯩﺴﻘﺎ ﺑﻮﻟﻐﺎﻥ ﺑﻮﻟﺴﯩﻤﯘ، ﺋﯘ ﻳﯧﻘﯩﻨﻘﻰ ﺯﺍﻣﺎﻥ ﺭﯗﺱ ﺋﻪﺩﻩﺑﯩﻴﺎﺗﯩﻨﯩﯔ ﺳﯩﻤﯟﻭﻟﻰ، ﺷﯘﻧﺪﺍﻗﻼ ﺩﯗﻧﻴﺎ ﺋﻪﺩﻩﺑﯩﻴﺎﺕ ﺗﺎﺭﯨﺨﯩﺪﯨﻜﻰ ﺋﯚﭼﻤﻪﺱ ﻧﻪﻣﯘﻧﻪ ﺑﻮﻟﯘﭖ ﻛﻪﻟﻤﻪﻛﺘﻪ. ﺩﯗﻧﻴﺎﺩﯨﻜﻰ ﻫﻪﺭﻗﺎﻳﺴﻰ ﺋﻪﻟﻠﻪﺭ ﺋﺎﺭﯨﺴﯩﺪﺍ ﭘﯘﺷﻜﯩﻦ «ﺭﯗﺱ ﺋﻪﺩﻩﺑﯩﻴﺎﺗﯩﺪﯨﻜﻰ ﺑﯩﺮﯨﻨﭽﻰ ﻧﻮﻣﯘﺭﻟﯘﻕ ﺷﻪﺧﺲ» ﺑﻮﻟﯘﺵ ﺳﯜﭘﯩﺘﻰ ﺑﯩﻠﻪﻥ ﭼﻮﯕﻘﯘﺭ ﺗﻪﺳﯩﺮ ﻛﯚﺭﺳﻪﺗﻜﻪﻥ. ﺷﯘﯕﺎ ﺋﯘ ﺩﯗﻧﻴﺎﺩﯨﻜﻰ ﻫﻪﺭﻗﺎﻧﺪﺍﻕ ﺑﯩﺮ ﺧﻪﻟﻘﻠﻪﺭﻧﯩﯔ ﻗﻪﻟﺒﯩﺪﻩ ﭼﻮﯕﻘﯘﺭ ﻳﯩﻠﺘﯩﺰ ﺗﺎﺭﺗﻘﺎﻥ، ﺋﯘﻻﺭﻧﯩﯔ ﻗﻪﻟﺒﯩﮕﻪ ﺑﯘﺷﺎﺋﯩﺮﻧﯩﯔ ﺑﯜﻳﯜﻙ ﺋﻮﺑﺮﺍﺯﻯ ﻣﻪﯕﮕﯜﻟﯜﻙ ﺋﻮﺭﻧﺎﭖ ﻛﻪﺗﻜﻪﻥ.
ﻫﺎﻟﺒﯘﻛﻰ، ﭘﯘﺷﻜﯩﻦ ﺗﯘﻏﯘﻟﻐﺎﻧﻠﯩﻘﯩﻨﯩﯔ 200 ﻳﯩﻠﻠﯩﻘﯩﻨﻰﺧﺎﺗﯩﺮﯨﻠﻪﺵ ﻣﯩﻨﯘﺗﻠﯩﺮﯨﺪﺍ، ﻳﻪﻧﻰ 1999 - ﻳﯩﻠﻰ ﺋﺎﻣﯧﺮﯨﻜﺎ P.L.M ﻧﻪﺷﺮﯨﻴﺎﺕ ﺷﯩﺮﻛﯩﺘﻰﭘﯘﺷﻜﯩﻨﻨﯩﯔ «ﺋﺎﻟﯧﻜﺴﺎﻧﺪﯦﺮ ﭘﯘﺷﻜﯩﻨﻨﯩﯔ 1836 -   1837 ﻳﯩﻠﻠﯩﻖ ﻣﻪﺧﭙﯩﻲ ﺧﺎﺗﯩﺮﯨﻠﯩﺮﻯ»ﻧﻰ ﻧﻪﺷﺮ ﻗﯩﻠﯩﭗﺗﺎﺭﻗﺎﺗﻘﺎﻥ. ﺑﯘ ﻛﯩﺘﺎﺏ 1986 - ﻳﯩﻠﻰ ﺋﺎﻣﯧﺮﯨﻜﯩﺪﺍ ﺗﯘﻧﺠﻰ ﻗﯧﺘﯩﻢ ﻧﻪﺷﺮ ﻗﯩﻠﯩﻨﯩﭗ 1996 - ﻳﯩﻠﯩﻐﯩﭽﻪ ﺑﻮﻟﻐﺎﻥ ﻗﯩﺴﻘﯩﻐﯩﻨﺎ ﺑﯩﺮﻧﻪﭼﭽﻪ ﻳﯩﻠﺪﯨﻼ ﺋﯩﻨﮕﻠﯩﺰ، ﺭﯗﺱ، ﺋﯩﺘﺎﻟﯩﻴﺎﻥ، ﻧﯧﻤﯩﺲ، ﻓﺮﺍﻧﺴﯘﺯ، ﮔﺮﯦﻚ، ﺋﯩﺴﭙﺎﻥ ﺗﯩﻠﻰ ﻗﺎﺗﺎﺭﻟﯩﻖ 16 ﺧﯩﻞ ﺩﯗﻧﻴﺎﯞﻯ ﺗﯩﻠﻼﺭﺩﺍ ﺋﯧﻼﻥ ﻗﯩﻠﯩﻨﯩﭗ، ﺩﯗﻧﻴﺎﺑﻮﻳﯩﭽﻪ ﺋﻪﯓ ﺑﺎﺯﺍﺭﻟﯩﻖ ﻛﯩﺘﺎﺑﻼﺭﻧﯩﯔ ﺑﯩﺮﯨﮕﻪ ﺋﺎﻳﻼﻧﻐﺎﻥ. ﺑﯘ ﻛﯩﺘﺎﺏ ﻫﻪﺗﺘﺎ ﺋﺎﻣﯧﺮﯨﻜﯩﻨﯩﯔ ﺋﯚﺯﯨﺪﯨﻼ ﺋﯩﻨﮕﻠﯩﺰ ﯞﻩ ﺭﯗﺱ ﺗﯩﻠﻰ ﺑﻮﻳﯩﭽﻪ ﺋﺎﻟﺘﻪ - ﻳﻪﺗﺘﻪ ﻗﯧﺘﯩﻤﺪﯨﻦﻗﺎﻳﺘﺎ - ﻗﺎﻳﺘﯩﻼﭖ ﻧﻪﺷﺮ ﻗﯩﻠﯩﻨﻐﺎﻥ.
ﺑﯘ ﻛﯩﺘﺎﺏ ﻧﻪﺷﺮ ﻗﯩﻠﯩﻨﻐﺎﻧﺪﯨﻦ ﻛﯧﻴﯩﻦ، ﺩﯗﻧﻴﺎ ﺟﺎﻣﺎﺋﻪﺗﭽﯩﻠﯩﻜﻰ ﺋﺎﺭﯨﺴﯩﺪﺍ ﺯﻭﺭ ﺑﻪﺱ - ﻣﯘﻧﺎﺯﯨﺮﻩ، ﻏﯘﻟﻐﯘﻻ ﺑﻮﻟﻐﺎﻥ. ﺑﻪﺯﯨﻠﻪﺭ ﺑﯘﻧﺪﺍﻕ ﺧﺎﺗﯩﺮﯨﻠﻪﺭ ﺋﻪﺳﻼ ﻣﻪﯞﺟﯘﺕ ﺑﻮﻟﯘﭖ ﺑﺎﻗﻤﯩﻐﺎﻥﺩﯦﺴﻪ، ﻳﻪﻧﻪ ﺑﻪﺯﯨﻠﻪﺭ ﭘﯘﺷﻜﯩﻦ ﺑﯘ ﺋﻪﺳﻪﺭﻧﻰ ﺋﯚﺯﻯ ﺋﺎﻟﻪﻣﺪﯨﻦ ﺋﯚﺗﯜﭖ، 100 ﻳﯩﻞ ﺋﯚﺗﻜﻪﻧﺪﯨﻦﻛﯧﻴﯩﻨﻼ ﺋﯧﻼﻥ ﻗﯩﻠﯩﺸﻘﺎ ﺑﻮﻟﯩﺪﯨﻐﺎﻧﻠﯩﻘﯩﺪﻩﻙ ﯞﻩﺳﯩﻴﯩﺘﯩﮕﻪ ﺋﺎﺳﺎﺳﻪﻥ ﻧﻪﺷﺮ ﻗﯩﻠﯩﻨﻐﺎﻥ ﻛﯩﺘﺎﺏ، ﺩﻩﭖ ﻗﺎﺭﺍﺷﻘﺎﻥ. ﻣﻪﻳﻠﻰ ﻗﺎﻧﺪﺍﻗﻼ ﺑﻮﻟﻤﯩﺴﯘﻥ، ﺑﯘ ﻛﯩﺘﺎﺑﺘﺎ ﭘﯘﺷﻜﯩﻨﻨﯩﯔ ﺭﯗﺳﻼﺭ ﺋﺎﺭﯨﺴﯩﺪﯨﻜﻰ ﺋﻪﯓﺳﻪﺗﻪﯓ ﺳﺎﻧﺎﻟﻐﺎﻥ ﻧﺎﺗﺎﻟﯩﻴﻪ ﺑﯩﻠﻪﻥ ﺗﻮﻱ ﻗﯩﻠﯩﺶ ﺟﻪﺭﻳﺎﻧﻰ، ﺋﺎﻳﺎﻟﯩﻐﺎ ﭼﺎﺭ ﭘﺎﺩﯨﺸﺎﻫﻨﯩﯔ ﻛﯚﺯ ﻗﯩﺰﺍﺭﺗﯩﺸﻠﯩﺮﻯ ﯞﻩ ﭘﯘﺷﻜﯩﻨﻨﯩﯔ ﺭﻩﻗﯩﺒﻰ، ﺷﯘﻧﺪﺍﻗﻼ ﻛﯧﻴﯩﻨﻜﻰ ﻛﯜﻧﻠﻪﺭﺩﻩﺋﺎﻳﺎﻟﯩﻨﻰ ﺋﯩﻨﺪﻩﻛﻜﻪ ﻛﻪﻟﺘﯜﺭﯛﯞﺍﻟﻐﺎﻥ ﺩﺍﻧﺘﯩﺲ ﺑﯩﻠﻪﻥ ﺑﻮﻟﻐﺎﻥ ﻣﯘﻧﺎﺳﯩﯟﯨﺘﻰ، ﺷﯘﻧﺪﺍﻗﻼ ﭘﯘﺷﻜﯩﻨﻨﯩﯔ ﻫﻪﺭ ﺑﯩﺮ ﭼﯩﺮﺍﻳﻠﯩﻖ ﻗﯩﺰﻻﺭﻧﯩﯔ ﯞﯗﺟﯘﺩﯨﺪﯨﻦ ﮔﯜﺯﻩﻟﻠﯩﻚ، ﺷﯧﺌﯩﺮﯨﻲ ﻣﻪﻧﺒﻪ ﺋﯩﺰﻟﻪﺵﺟﻪﺭﻳﺎﻧﻠﯩﺮﻯ، ﭘﺎﻫﯩﺸﯩﺨﺎﻧﯩﻼﺭﺩﯨﻜﻰ ﻗﯩﻠﻤﯩﺸﻠﯩﺮﯨﺪﯨﻦ ﺋﯚﻛﯜﻧﯜﺵ ﺗﯘﻳﻐﯘﻟﯩﺮﻯﺗﻪﭘﺴﯩﻠﯩﻲ ﻫﻪﻣﺪﻩ ﺗﻪﺑﯩﺌﯩﻲ ﺭﻩﯞﯨﺸﺘﻪ ﺋﯩﭙﺎﺩﯨﻠﻪﭖ ﺑﯧﺮﯨﻠﮕﻪﻥ. ﺑﯘ ﺧﺎﺗﯩﺮﯨﻠﻪﺭ ﺷﯘ ﻗﻪﺩﻩﺭ ﺟﺎﻧﻠﯩﻖ، ﺷﯘ ﻗﻪﺩﻩﺭﺳﻪﻣﯩﻤﯩﻴﻠﯩﻚ ﺑﯩﻠﻪﻥ ﻳﯧﺰﯨﻠﻐﺎﻥ ﺑﻮﻟﻐﺎﭼﻘﺎ، ﭘﯘﺷﻜﯩﻦ ﻛﯩﺸﯩﻠﻪﺭﻧﯩﯔ ﻧﻪﺯﯨﺮﯨﺪﯨﻜﻰ ﺷﺎﻫﺎﻧﻪ ﺋﻮﺭﻧﯩﺪﯨﻦ ﺑﯩﺮﺍﻗﻼ ﺑﯩﺰﻧﯩﯔ ﺋﺎﺭﯨﻤﯩﺰﺩﯨﻜﻰ ﺑﯩﺰﮔﻪ ﺋﻮﺧﺸﺎﺷﻼ ﮔﯚﺵ - ﻗﯧﻨﻰ، ﺋﯘﺳﺘﯩﺨﯩﻨﻰﺑﺎﺭ ﺋﺎﺩﺩﯨﻲ ﺑﯩﺮ ﺋﺎﺩﻩﻣﮕﻪ ﺋﺎﻳﻠﯩﻨﯩﺪﯗ. ﺷﯘﻧﺪﺍﻕ ﺑﻮﻟﻐﺎﭼﻘﯩﻤﯘ، ﻧﯘﺭﻏﯘﻥ ﻛﯩﺸﯩﻠﻪﺭ ﺑﯘ ﺋﻪﺳﻪﺭﭘﯘﺷﻜﯩﻨﻨﯩﯔ ﻛﯩﺸﯩﻠﻪﺭ ﻗﻪﻟﺒﯩﯩﺪﻩ ﺋﺎﻟﻠﯩﻘﺎﭼﺎﻥ ﺗﯩﻜﻠﯩﻨﯩﭗ ﺑﻮﻟﻐﺎﻥ ﻣﯘﻗﻪﺩﺩﻩﺱ ﺋﻮﺑﺮﺍﺯﯨﻨﻰﺧﯘﻧﯜﻛﻠﻪﺷﺘﯜﺭﯛﭖ ﻗﻮﻳﯩﺪﯗ، ﺩﻩﭖ ﻗﺎﺭﺍﺷﻘﺎﻥ ﺑﻮﻟﺴﺎ ﻛﯧﺮﻩﻙ. ﺑﯩﺰ ﭘﯘﺷﻜﯩﻦ ﻫﻪﻗﻘﯩﺪﻩ ﻳﻪﻧﯩﻼ ﻳﯜﺯﻩ ﺑﯩﻠﯩﻤﮕﻪ ﺋﯩﮕﻪ، ﺷﯘﯕﺎ ﺋﯘﻧﻰ ﺗﯧﺨﯩﻤﯘ ﭼﻮﯕﻘﯘﺭ ﭼﯜﺷﯩﻨﯩﺶ ﺋﯜﭼﯜﻥﻣﺎﺗﯧﺮﯨﻴﺎﻟﻼﺭﻧﯩﯔ ﻛﻪﯕﺮﻩﻙ ﺑﻮﻟﻐﯩﻨﻰ ﻳﺎﺧﺸﻰ. ﺑﯩﺰ ﻣﯘﺷﯘ ﻣﻪﻗﺴﻪﺗﻨﻰ ﻛﯚﺯﺩﻩ ﺗﯘﺗﯘﭖ، ﺋﯘﻧﯩﯔﻣﻪﺧﭙﯩﻲ ﺧﺎﺗﯩﺮﯨﻠﯩﺮﯨﻨﯩﯔ ﺩﯨﻘﻘﯩﺘﯩﯖﻼﺭﻏﺎ ﺳﯘﻧﺪﯗﻕ. ﺑﯘ ﻳﻪﺭﺩﻩ ﺷﯘﻧﯩﺴﻰ ﺋﯧﺴﯩﻪﯕﯩﺰﺩﻩ ﺑﻮﻟﺴﯘﻧﻜﻰ، ﻣﻪﻥ ﺑﯘ ﻛﯩﺘﺎﺑﻨﯩﯔ ﺑﺎﺵ ﻗﯩﺴﯩﻤﯩﻨﻰ «ﺗﻪﯕﺮﯨﺘﺎﻍ» ﮊﯗﺭﻧﯩﻠﯩﺪﺍ ﺋﯧﻼﻥ ﻗﯩﻠﻐﺎﻥ، ﺋﻪﻣﻤﺎ ﺑﯘ ﻗﯧﺘﯩﻢﺑﺎﺷﻘﯩﻼﺭﻧﯩﯔ ﻛﯚﺭﺳﻪﺗﻤﯩﺴﻰ ﯞﻩ ﭘﯩﻜﺮﻯ ﺑﻮﻳﯩﭽﻪ ﺑﻪﺯﻯ ﺳﻪﯞﻩﻧﻠﯩﻜﻠﻪﺭﻧﻰ ﻗﺎﻳﺘﯩﺪﯨﻦ ﺗﯜﺯﯛﺗﯜﭖﺗﻮﻟﯘﻗﻠﯘﺩﯗﻡ ﻫﻪﻣﺪﻩ ﮊﯗﺭﻧﺎﻟﺪﺍ ﺋﯧﻼﻥ ﻗﯩﻠﯩﻨﯩﭗ ﺑﻮﻟﻐﺎﻧﺪﯨﻦ ﻛﯧﻴﯩﻦﺩﺍﯞﺍﻣﻠﯩﻖ ﺗﻪﺭﺟﯩﻤﻪ ﻗﯩﻠﯩﭗ ﻗﻮﺷﺘﯘﻡ. ﺑﯘ ﻣﻪﺧﭙﯩﻲ ﺧﺎﺗﯩﺮﯨﻨﯩﯔ ﺩﺍﯞﺍﻣﯩﻨﻰ ﭘﺎﺕ ﺋﺎﺭﯨﺪﺍﺗﻮﺭﺩﺍﺷﻼﺭﻏﺎ ﺗﻮﻟﯘﻕ ﺳﯘﻧﻤﺎﻗﭽﯩﻤﻪﻥ.
1

ﺋﺎﻟﺪﯨﻦﺑﯧﺮﯨﻠﮕﻪﻥ ﺑﯧﺸﺎﺭﻩﺕ ﺭﺍﺳﺘﻘﺎ ﺋﺎﻳﻼﻧﻤﺎﻗﺘﺎ، ﻣﻪﻥ ﺩﺍﻧﺘﯩﺴﻨﻰ(1) ﺩﯗﺋﯩﻠﻐﺎ ﭼﯜﺷﯜﺭﯨﻤﻪﻥ. ﻣﺎﻧﺎ ﺑﯘﺋﺎﺷﯘ ﮔﯧﺮﻣﺎﻧﯩﻴﯩﻠﯩﻚ ﺋﺎﻳﺎﻟﻨﯩﯔ(2) ﻣﯧﻨﯩﯔ ﻛﻪﻟﮕﯜﺳﯩﻤﺪﯨﻦ ﺑﯧﺸﺎﺭﻩﺕ ﺑﯧﺮﯨﭗ:«ﺳﯧﺮﯨﻖ ﭼﺎﭼﻠﯩﻖ ﺑﯩﺮﺋﻪﺭﻧﯩﯔ ﻗﻮﻟﯩﺪﺍ ﺋﯚﻟﯩﺪﯨﻜﻪﻥ» ﺩﯦﮕﯩﻨﻰ ﺷﯘ ﺋﻪﻣﻪﺳﻤﯘ؟ ﻣﻪﻥ ﺗﻪﻗﺪﯨﺮﻧﯩﯔ ﻗﯘﺩﺭﯨﺘﯩﻨﻰ ﻫﯧﺲ ﻗﯩﻠﯩﭗﻳﻪﺗﻤﻪﻛﺘﯩﻤﻪﻥ، ﺋﯘﻧﯩﯔ ﺭﺍﺳﺖ ﺑﻮﻟﯘﭖ ﭼﯩﻘﯩﯟﺍﺗﻘﯩﻨﯩﻨﻰ ﻛﯚﺭﯛﭖ ﺗﯘﺭﯗﭘﺘﯩﻤﻪﻥ. ﺑﯩﺮﺍﻕ ﻣﻪﻥﺩﯗﺋﯩﻠﺪﯨﻦ ﺋﯚﺯﯛﻣﻨﻰ ﭼﻪﺗﻜﻪ ﺋﺎﻻﻟﻤﺎﻳﻤﻪﻥ، ﭼﯜﻧﻜﻰ ﺋﺎﺑﺮﯗﻳﻨﯩﯔ ﺗﯚﻛﯜﻟﯜﺷﻰ ﺋﯚﻟﯜﻣﺪﯨﻨﻤﯘ ﻳﺎﻣﺎﻥ.
ﺋﺎﺑﺮﯗﻳﻨﯩﯔ ﺗﯚﻛﯜﻟﯜﺷﻰ ﻣﻪﻥ ﺋﯚﺯﯛﻡ ﺗﯧﺮﯨﻐﺎﻥ ﻗﺎﺑﺎﻫﻪﺗﻠﯩﻚ ﻣﯧﯟﻩ. ﺋﯘﻧﯩﯔ ﺷﺎﺧﻠﯩﺮﻯ ﻣﯧﻨﻰ ﭼﯩﺮﻣﯩﻤﺎﻗﺘﺎ. ﺩﺍﻧﺘﯩﺲ ﻣﯧﻨﯩﯔﻳﺎﺧﺸﻰ ﺑﻮﻟﻤﯩﻐﺎﻥ ﺧﺎﺭﺍﻛﺘﯧﺮﯨﻤﻨﯩﯔ ﺟﺎﺟﯩﺴﯩﻨﻰ ﺑﯧﺮﯨﺶ ﺋﯜﭼﯜﻥ ﺗﻪﻗﺪﯨﺮ ﺗﻪﺭﯨﭙﯩﺪﯨﻦ ﺋﻪﯞﻩﺗﯩﻠﮕﻪﻥ. ﺧﯘﺩﺩﻯ ﻳﺎﻗﯘﭖ ﺧﯘﺩﺍ ﺑﯩﻠﻪﻥ ﺋﯘﺭﯗﺷﻘﺎﻧﺪﻩﻙ ﻣﻪﻧﻤﯘ ﺩﺍﻧﺘﯩﺴﻘﺎ ﺟﻪﯓ ﺋﯧﻼﻥ ﻗﯩﻠﯩﻤﻪﻥ. ﻣﯘﺑﺎﺩﺍ، ﻣﻪﻥﻳﯧﯖﯩﭗ ﻗﺎﻟﻐﯘﺩﻩﻙ ﺑﻮﻟﺴﺎﻡ ﺧﯘﺩﺍﻧﯩﯔ ﺋﻪﻣﯩﺮ - ﻣﻪﺭﯗﭘﻠﯩﺮﯨﻐﺎ ﻗﺎﺭﺷﻰ ﭼﯩﻘﻘﺎﻥ، ﺑﻪﻟﻜﻰﺋﺎﻳﺎﻟﻼﺭﻧﯩﯔ ﺟﯩﻨﺴﯩﻲ ﺋﻪﺯﺍﺳﯩﻨﻰ ﺳﺎﻣﺎﯞﻯ ﺟﻪﻧﻨﻪﺗﻨﯩﯔ ﺋﺎﻟﺘﯘﻥ ﻛﯘﺭﺳﯩﻐﺎ ﺋﯧﻠﯩﭗ ﭼﯩﻘﻘﺎﻥﺑﻮﻟﯩﻤﻪﻥ.
ﺯﺍﻣﺎﻧﺪﺍﺷﻠﯩﺮﯨﻤﻨﯩﯔ ﻣﯧﻨﻰ ﻛﯧﻴﯩﻨﻜﻰ ﺋﯜﻣﻤﻪﺗﻠﯩﺮﯨﻤﭽﯩﻠﯩﻚ ﭼﯜﺷﻪﻧﻤﻪﻳﺪﯨﻐﺎﻧﻠﯩﻘﻰ ﺗﯘﺭﻏﺎﻧﻼ ﮔﻪﭖ، ﻣﻪﻥ ﻧﺎﺗﺎﻟﯩﻴﻪ(3) ﯞﻩ ﺑﺎﻟﯩﻠﯩﺮﯨﻢ ﻫﺎﻳﺎﺗﻼ ﺑﻮﻟﯩﺪﯨﻜﻪﻥ، ﺋﯘﻻﺭﻧﯩﯔ ﻳﯜﺯ - ﺋﺎﺑﺮﯗﻳﯩﻨﻰ ﺳﺎﻗﻼﭖ ﻗﯧﻠﯩﺸﯩﻢ ﻛﯧﺮﻩﻙ. ﺷﯘﻏﯩﻨﯩﺴﻰ، ﺭﻭﻫﯩﻤﻨﻰ ﻗﻪﻏﻪﺯ ﻳﯜﺯﯨﮕﻪﺗﯚﻛﯜﺷﺘﯩﻦ ﺑﺎﺷﻘﯩﺴﻰ ﻗﻮﻟﯘﻣﺪﯨﻦ ﻛﻪﻟﻤﻪﻳﺪﯗ، ﻳﯧﺰﯨﻘﭽﯩﻠﯩﻖ ﻣﺎﻧﺎ ﻣﯘﺷﯘ ﺧﯩﻞ ﻗﯘﺗﻘﯘﺯﯗﭖﺑﻮﻟﻤﺎﻳﺪﯨﻐﺎﻥ ﻛﯧﺴﻪﻟﻠﯩﻜﻨﯩﯔ ﻧﻪﻕ ﺋﯚﺯﻯ. ﺑﯘ ﻛﯧﺴﻪﻟﻠﯩﻚ ﻫﻪﻣﯩﺸﻪ ﺗﻮﻟﯩﻤﯘ ﺋﻪﺟﻪﻟﻠﯩﻚ ﻛﯧﻠﯩﺪﯗ. ﺋﻪﮔﻪﺭ، ﻣﯧﻨﯩﯔ ﺋﯚﺯ ﺭﻭﻫﯩﻤﻨﻰ ﻫﻪﻗﯩﻘﯩﻲ ﻳﻮﺳﯘﻧﺪﺍﺋﺎﺷﻜﺎﺭﯨﻠﯩﻐﺎﻥ ﺑﯘ ﻳﺎﺯﻣﯩﻠﯩﺮﯨﻤﻨﻰ ﺯﺍﻣﺎﻧﺪﺍﺷﻠﯩﺮﯨﻢ ﻛﯚﺭﯛﭖ ﻗﺎﻟﯩﺪﯨﻐﺎﻥ ﺑﻮﻟﺴﺎ، ﺑﯘﻧﯩﯔ ﺋﯜﭼﯜﻥﻣﯧﻨﻰ ﺋﯚﻟﺘﯜﺭﯛﭖ ﺗﺎﺷﻼﺷﺘﯩﻦ ﻳﺎﻧﻤﺎﻳﺪﯗ. ﺑﯩﺮﺍﻕ ﻛﻪﻟﮕﯜﺳﻰ ﺋﻪﯞﻻﺩﻻﺭ ﻣﯧﻨﻰ ﻳﺎﻛﻰ ﻣﯧﻨﯩﯔﺑﺎﻻ-ﭼﺎﻗﯩﻠﯩﺮﯨﻤﻨﻰ ﻫﯧﭽﻨﻪﺭﺳﻪ ﻗﯩﻼﻟﻤﺎﻳﺪﯗ. ﭼﯜﻧﻜﻰ ﯞﺍﻗﯩﺘﻨﯩﯔ ﺋﯚﺗﯜﺷﻰ ﺑﯩﻠﻪﻥ ﺋﻪﻳﻨﻰ ﯞﺍﻗﯩﺘﺘﯩﻜﻰ ﺋﻪﻳﯩﺒﻠﻪﻧﮕﻪﻥﺭﻩﺯﯨﻠﻠﯩﻜﻠﻪﺭﻣﯘ ﭘﺎﻙ ﺗﺎﺭﯨﺨﻘﺎ ﺋﺎﻳﻠﯩﻨﯩﺪﯗ. ﺗﺎﺭﯨﺦ ﻫﺎﺯﯨﺮﻗﻰ ﺭﯦﺌﺎﻟﻠﯩﻘﻘﺎ ﺋﻮﺧﺸﯩﻤﺎﻳﺪﯗ، ﺋﯘﻧﯩﯖﺪﺍ ﻧﻪ ﺧﯧﻴﯩﻢ - ﺧﻪﺗﻪﺭﻣﻪﯞﺟﯘﺕ ﺋﻪﻣﻪﺱ، ﻧﻪ ﺋﺎﺩﻩﻣﻨﻰ ﺟﯩﻨﺎﻳﻪﺗﻜﺎﺭ ﻗﯩﻠﻤﺎﻳﺪﯗ، ﭘﻪﻗﻪﺕ ﺋﺎﺩﻩﻣﻨﻰ ﺳﻮﻍ ﻛﯜﻟﺪﯛﺭﯛﭖﺳﻪﮔﻪﻛﻠﻪﺷﺘﯜﺭﯨﺪﯗ.
ﻣﻪﻥ ﺋﯚﺯﯛﻣﻨﯩﯔ ﮔﯘﻧﺎﻫ، ﺳﻪﯞﻩﻧﻠﯩﻚ ﯞﻩ ﺋﺎﺯﺍﺏ - ﺋﻮﻗﯘﺑﻪﺗﻠﯩﺮﯨﻨﻰ ﻗﻪﺑﺮﻩﻣﮕﻪ ﺋﯚﺯﯛﻡ ﺑﯩﻠﻪﻥﺑﯩﺮﮔﻪ ﺋﯧﻠﯩﭗ ﻛﯧﺘﯩﺸﻨﻰ؛ ﺋﯘﻻﺭﻧﯩﯔ ﺧﺎﺗﯩﺮﻩ ﻣﯘﻧﺎﺭﯨﻤﻨﯩﯔ ﺑﯩﺮ ﻗﯩﺴﻤﯩﻐﺎ ﺋﺎﻳﻠﯩﻨﯩﭗ ﻛﯧﺘﯩﺸﯩﻨﻰﺧﺎﻟﯩﻤﺎﻳﻤﻪﻥ. ﺑﯘﻧﯩﺴﻰ ﺑﻪﻛﻤﯘ ﻣﯘﻫﯩﻢ ﺋﯩﺶ.
ﻳﻪﻧﻪ 200 ﻳﯩﻠﻼﺭ ﺋﯚﺗﯜﭖ، ﺭﯗﺳﯩﻴﯩﻨﯩﯔ ﺳﯩﻨﺰﻭﺭﻟﯘﻕ ﺗﯜﺯﯛﻣﻰ ﺑﯩﻜﺎﺭ ﻗﯩﻠﯩﻨﯩﺪﯨﻐﺎﻥ ﯞﺍﺥﻛﻪﻟﮕﻪﻧﺪﻩ، ﺋﺎﯞﯞﺍﻝ ﺑﺎﻛﻮﭘﻨﯩﯔ(4) ﺋﻪﺳﻪﺭﻟﯩﺮﻯ، ﺋﺎﻧﺪﯨﻦ ﻗﺎﻟﺴﯩﻼ ﺋﯩﻜﻜﯩﻨﭽﻰ ﺑﻮﻟﯘﭖ ﻣﯧﻨﯩﯔ ﺑﯘﺧﺎﺗﯩﺮﯨﻠﯩﺮﯨﻢ ﺋﯧﻼﻥ ﻗﯩﻠﯩﻨﯩﺪﯗ، ﮔﻪﺭﭼﻪ ﭼﺎﺭﺭﯗﺳﯩﻴﯩﺪﻩ ﺳﯩﻨﺰﻭﺭﻟﯘﻕ ﺗﯜﺯﯛﻣﯩﻨﯩﯔ ﺑﯩﻜﺎﺭﻗﯩﻠﯩﻨﯩﺸﯩﻨﻰ ﺗﻪﺳﻪﯞﯞﯗﺭﯗﻣﻐﺎ ﻧﺎﻫﺎﻳﯩﺘﻰ ﺗﻪﺳﺘﻪ ﺳﯩﻐﺪﯗﺭﯗﯞﺍﺗﻘﺎﻥ ﺑﻮﻟﺴﺎﻣﻤﯘ. ﺑﯘ، ﻣﯘﻧﯘ ﺧﺎﺗﯩﺮﯨﻠﻪﺭﻧﯩﯔ ﻛﻪﻟﮕﯜﺳﯩﺪﻩﻳﺎﯞﺭﻭﭘﺎﺩﺍ، ﺑﻮﻟﯘﭘﻤﯘ ﺋﺎﻣﯧﺮﯨﻜﯩﺪﺍ ﻧﻪﺷﺮ ﻗﯩﻠﯩﻨﯩﺶ ﺋﯧﻬﺘﯩﻤﺎﻟﻠﯩﻘﯩﻨﯩﯔ ﻛﯚﭘﺮﻩﻛﻠﯩﻜﯩﻨﯩﯔ ﺑﯧﺸﺎﺭﯨﺘﻰ. ﻣﻪﻥ ﺋﯘ ﯞﺍﻗﻘﯩﭽﯩﻠﯩﻚﻳﺎﺷﯩﻴﺎﻟﻤﺎﻳﻤﻪﻥ، ﻫﻪﺗﺘﺎ ﻣﯧﻨﯩﯔ ﺳﯚﯕﻪﻛﻠﯩﺮﯨﻤﻤﯘ ﺋﯘ ﯞﺍﻗﻼﺭﻏﺎ ﺑﺎﺭﻏﯩﭽﻪ ﭼﯩﺮﯨﭗ ﺗﯘﭘﺮﺍﻗﻘﺎ ﺋﺎﻳﻠﯩﻨﯩﭗ ﻛﯧﺘﻪﺭ، ﺑﯘﻧﯩﺴﻰ ﺑﻪﻛﻤﯘ ﻗﻮﺭﻗﯘﻧﭽﻠﯘﻕ.
ﻣﻪﻥ ﻣﯘﺷﯘ ﻗﯘﺭﻻﺭﻧﻰ ﻳﯧﺰﯨﯟﺍﺗﻘﺎﻥ ﻗﻮﻟﻠﯩﺮﯨﻤﻐﺎ ﻗﺎﺭﺍﭖ ﺋﻮﻟﺘﯘﺭﯗﭖ، ﻗﻮﻟﯘﻣﻨﯩﯔ ﺋﺎﻟﻠﯩﻘﺎﭼﺎﻥ ﺟﯧﻨﻰﭼﯩﻘﯩﭗ ﻗﯘﺭﯗﭖ ﻛﻪﺗﻜﻪﻧﺪﻩﻙ، ﺋﯚﺯﯛﻣﻨﻰ ﺑﻮﻟﺴﺎ ﺑﯩﺮ ﭘﺎﺭﭼﻪ ﺳﯚﯕﯩﻜﯩﻢ ﻳﻪﺭ ﺋﺎﺳﺘﯩﻐﺎ ﻛﯚﻣﯜﻟﯜﭖﻛﻪﺗﻜﻪﻧﺪﻩﻙ ﺗﯘﻳﻐﯘﺩﺍ ﺑﻮﻟﯘﺷﻘﺎ ﺗﯩﺮﯨﺸﯩﭗ ﺑﺎﻗﺘﯩﻢ. ﺑﯘﻧﺪﺍﻕ ﻗﯩﺴﻤﻪﺗﻨﯩﯔ ﻛﯧﻠﯩﺸﯩﻨﯩﻤﯘ ﺋﯩﻨﻜﺎﺭﻗﯩﻠﻐﯩﻠﻰ ﺑﻮﻟﻤﺎﻳﺪﯗ، ﺑﯘﻧﻰ ﺋﯘﺧﻼﭖ ﭼﯜﺷﯜﻣﺪﯨﻤﯘ ﻛﯚﺭﻩﻟﻤﻪﻳﻤﻪﻥ. ﺋﯚﻟﯜﻣﻨﯩﯔ ﺭﺍﺳﺘﻠﯩﻘﻰ ﻗﺎﺭﺷﻰﺗﯘﺭﯗﭖ ﺑﻮﻟﻤﺎﺱ ﻫﻪﻗﯩﻘﻪﺕ، ﮔﻪﺭﭼﻪ ﺑﯩﺰ ﻫﻪﺭﻗﯩﺴﻤﺎ ﻳﺎﻟﻐﺎﻥ - ﻳﺎﯞﯨﺪﺍﻕ ﮔﻪﭘﻠﻪﺭﮔﻪ ﻗﯩﻠﭽﻪ ﺋﻮﻳﻠﯩﻨﯩﭗ ﺑﺎﻗﻤﺎﻳﻼ ﺋﯩﺸﯩﻨﯩﭗ ﻗﺎﻟﺴﺎﻗﻤﯘ ﺑﯘﻧﻰﺗﻪﺳﻪﯞﯞﯗﺭﯨﻤﯩﺰﻏﺎ ﺑﻪﻛﻤﯘ ﺗﻪﺳﻠﯩﻜﺘﻪ ﺳﯩﻐﺪﯗﺭﯨﻤﯩﺰ.

2

ﺩﯦﻠﯟﯨﮕﻨﯩﯔ(5) ﺋﯚﻟﯜﺷﻰ ﻗﻮﺭﻗﯘﻧﭽﻠﯘﻕ ﺑﯧﺸﺎﺭﻩﺕ، ﮔﯧﺮﻣﺎﻧﯩﻴﯩﻠﯩﻚ ﺭﻩﻣﻤﺎﻟﻨﯩﯔ ﺋﺎﻟﺪﯨﻦ ﺋﯧﻴﺘﻘﺎﻧﻠﯩﺮﯨﻨﯩﯔ ﻛﯧﻴﯩﻨﻜﻰﻳﯧﺮﯨﻤﻰ ﺋﻪﻣﺪﯨﻠﯩﻜﺘﻪ ﺭﺍﺳﺖ ﺑﻮﻟﯘﭖ ﭼﯩﻘﯩﯟﺍﺗﯩﺪﯗ. ﺋﻪﻳﻨﻰ ﭼﺎﻏﺪﺍ ﻣﻪﻥ ﺑﯘ ﺳﯚﺯﻟﻪﺭﻧﯩﯔ ﻣﻪﻧﯩﺴﯩﻨﻰﭼﯜﺷﻪﻧﻤﻪﭘﺘﯩﻜﻪﻧﻤﻪﻥ، ﺑﯩﺮﺍﻕ ﺋﯘﻧﯩﯔ ﺋﯧﻴﺘﻘﺎﻧﻠﯩﺮﻯ ﺷﯘ ﺗﺎﭖ ﻣﯧﻨﯩﯔ ﺑﯧﺸﯩﻤﻐﺎ ﻛﯧﻠﯩﺶ ﺋﺎﻟﺪﯨﺪﺍﺗﯘﺭﯗﭘﺘﯘ. ﺗﻮﻳﯘﻡ ﺑﻮﻟﻐﺎﻧﺪﺍ، ﺋﯜﺯﯛﻙ ﻳﻪﺭﮔﻪ ﭼﯜﺷﯜﭖ ﻛﻪﺗﻜﻪﻥ، ﺷﺎﻣﻤﯘ ﺋﯚﭼﯜﭖ ﻗﺎﻟﻐﺎﻧﯩﺪﻯ. ﺋﯘﺋﯩﺶ، ﺑﯘ ﺗﻮﻳﻨﯩﯔ ﺧﻪﻳﺮﻟﯩﻚ ﺑﻮﻟﻤﺎﻳﺪﯨﻐﺎﻧﻠﯩﻘﻰ، ﻳﺎﺧﺸﻰ ﺋﺎﻗﯩﯟﻩﺕ ﺋﯧﻠﯩﭗ ﻛﻪﻟﻤﻪﻳﺪﯨﻐﺎﻧﻠﯩﻘﯩﻐﺎﻣﯧﻨﻰ ﭼﻮﯕﻘﯘﺭ ﺋﯩﺸﻪﻧﺪﯛﺭﮔﻪﻧﯩﺪﻯ. ﺋﻪﻣﻪﻟﯩﻴﻪﺗﺘﻪ ﺑﯘ ﺋﯚﺯ ﻛﻪﻟﮕﯜﺳﯩﻤﯩﺰﺩﯨﻦ ﺋﯚﺯﯨﻤﯩﺰﻧﯩﯔ ﺑﯧﺸﺎﺭﻩﺕﺑﯧﺮﯨﺸﻰ ﺋﯩﺪﻯ.
ﻣﻪﻥ ﺋﯚﺯ ﺟﺎﺳﺎﺭﯨﺘﯩﻤﻨﻰ ﻳﻮﻗﯩﺘﯩﭗ ﻗﻮﻳﻤﺎﺳﻠﯩﻖ ﺋﯜﭼﯜﻥ ﺗﻮﻱ ﻛﯧﭽﯩﺴﯩﺪﯨﻜﻰ ﻳﻮﺳﯘﻧﻼﺭ، ﺋﻪﯓ ﺋﺎﺧﯩﺮﻯﻧﺎﺗﺎﻟﯩﻴﻪﻧﻰ ﺋﯩﻠﻜﯩﻤﮕﻪ ﺋﯧﻠﯩﺶ ﺷﺎﺩﻟﯩﻘﻰ ﺑﯩﻠﻪﻥ ﻛﯚﯕﻠﯜﻣﻨﻰ ﺋﺎﯞﯗﻧﺪﯗﺭﺩﯗﻡ. ﺑﯘ ﺗﻮﻳﻨﯩﯔ ﻣﺎﯕﺎﻣﻪﯕﮕﯜﻟﯜﻙ ﺧﯘﺷﺎﻟﻠﯩﻖ ﺋﯧﻠﯩﭗ ﻛﯧﻠﯩﺸﯩﻨﻰ ﺧﯘﺩﺍﺩﯨﻦ ﺗﯩﻠﯩﺪﯨﻢ.
ﺑﯩﺮ ﺧﯩﻞ ﻛﻪﻣﻜﯜﺗﺴﯩﺰ، ﻣﯘﻛﻪﻣﻤﻪﻝ ﺑﻪﺧﺘﻜﻪ ﺋﯩﻨﺘﯩﻠﯩﺶ ﻣﻪﻧﺪﻩ ﺗﻮﻱ ﻗﯩﻠﯩﺶ ﺋﻮﻳﻰ ﭘﻪﻳﺪﺍﻗﯩﻠﻐﺎﻧﯩﺪﻯ. ﺑﻪﺭﻫﻪﻕ، ﻣﯧﻨﯩﯖﭽﯩﻤﯘ ﺗﻮﻱ ﻗﯩﻠﯩﺶ ﺷﺎﻟﻼﻕ ﯞﻩ ﻫﯧﭻ ﺋﯩﺶ ﺧﯘﺵ ﻳﺎﻗﻤﺎﻳﺪﯨﻐﺎﻥ ﻳﻪﻟﻘﺎﯞ ﺧﺎﺭﺍﻛﺘﯧﺮﯨﻤﻨﻰ ﺩﺍﯞﺍﻻﻳﺪﯨﻐﺎﻥ ﺋﻪﯓ ﻳﺎﺧﺸﻰ ﺩﻭﺭﺍﺋﯩﺪﻯ. ﺑﯘ، ﻫﻪﺭﮔﯩﺰﻣﯘﻣﯧﻨﯩﯔ ﺋﯚﺯﯛﻣﻨﻰ ﺋﯚﺯﮔﻪﺭﺗﯩﺶ ﻳﺎﻛﻰ ﺑﺎﺭﻟﯩﻖ ﺟﺎﺳﺎﺭﯨﺘﯩﻤﻨﻰ ﺋﯩﺸﻘﺎ ﺳﯧﻠﯩﭗ ﺋﯚﺯﯛﻣﻨﻰ ﻳﯧﯖﯩﻼﺵﺋﯜﭼﯜﻥ ﺋﻪﻣﻪﺱ، ﺑﻪﻟﻜﻰ ﺋﯚﺯ - ﺋﯚﺯﯛﻣﺪﯨﻦ ﻗﯧﭽﯩﺶ ﺋﯜﭼﯜﻥ ﺑﻮﻟﯘﯞﺍﺗﻘﺎﻥ ﺋﯩﺶ ﺋﯩﺪﻯ.
ﻧﺎﺗﺎﻟﯩﻴﻪﮔﻪ ﺋﯧﺮﯨﺸﯩﺶ ﺑﻪﺧﺘﻰ ﻣﯧﻨﯩﯔ ﭘﯧﺸﺎﻧﻪﻣﮕﻪ ﭘﯜﺗﯜﻟﮕﻪﻥ ﺑﻮﻟﺴﺎ ﻛﯧﺮﻩﻙ. ﻣﻪﻥ ﻧﺎﺗﺎﻟﯩﻴﻪﻧﻰﺋﺎﻧﯩﺴﯩﻨﯩﯖﻜﯩﺪﯨﻦ ﻛﯚﭼﯜﺭﯛﭖ ﻛﯧﻠﯩﺪﯨﻐﺎﻥ ﺑﯘ ﺳﻮﺩﯨﺪﺍ ﻣﯧﻨﯩﯔ ﺗﻮﻳﻐﺎ ﻛﯧﺮﻩﻛﻠﯩﻚ ﻧﻪﺭﺳﯩﻠﻪﺭﻧﯩﯔ ﻫﯚﺩﺩﯨﺴﯩﺪﯨﻦﻳﺎﺧﺸﯩﺮﺍﻕ ﭼﯩﻘﯩﺸﯩﻢ ﺋﯜﭼﯜﻥ، ﺋﯘﻧﯩﯔ ﻫﻪﺭﻗﺎﻧﺪﺍﻕ ﻗﯩﺰ ﻣﯧﻠﻰ ﺗﻪﻟﯩﭙﯩﻨﻰ ﻗﯘﺭﺑﺎﻥ ﻗﯩﻠﯩﯟﻩﺗﺘﯩﻢ. ﭼﺎﻱ ﺋﯩﭽﻜﯜﺯﯛﻟﯜﭖ ﺗﻮﻱ ﻗﯩﻠﻐﯘﭼﻪﺋﺎﺭﯨﻠﯩﻘﺘﺎ ﻣﻪﻧﺪﻩ ﺗﻮﻳﺪﯨﻦ ﻛﯧﻴﯩﻦ ﻗﺎﻧﺪﺍﻕ ﺋﯚﺯﮔﯩﺮﯨﺸﻨﯩﯔ ﺑﻮﻟﯩﺪﯨﻐﺎﻧﻠﯩﻘﯩﻨﻰ، ﺗﻮﻱ ﻗﻪﺳﯩﻤﯩﮕﻪﺳﺎﺩﯨﻖ ﺑﻮﻟﻐﯩﻨﯩﻤﺪﺍ ﺗﯘﺭﻣﯘﺷﯘﻣﻨﯩﯔ ﻗﺎﻧﺪﺍﻕ ﻫﺎﻟﻐﺎ ﻛﯧﻠﯩﭗ ﻗﺎﻟﯩﺪﯨﻐﯩﻨﯩﻨﻰ ﺋﺎﻟﺪﯨﻦ ﻗﯩﻴﺎﺱ ﻗﯩﻼﺗﺘﯩﻢ. ﺳﻪﯞﻩﺑﻰ، ﻣﻪﻥﺗﻮﻱ ﻗﻪﺳﯩﻤﯩﮕﻪ ﭘﯜﺗﯜﻧﻠﻪﻱ ﭼﯩﻦ ﻫﯧﺴﺴﯩﻴﺎﺗﯩﻢ ﺑﯩﻠﻪﻥ ﻣﯘﺋﺎﻣﯩﻠﻪ ﻗﯩﻠﯩﯟﺍﺗﺎﺗﺘﯩﻢ.
ﻣﻪﻥ ﺋﯘﻧﯩﯖﺪﯨﻦ ﺑﯘﺭﯗﻥ ﺋﺎﺩﻩﺗﺘﻪ ﺧﯘﺩﺍﻧﯩﯔ ﻫﻪﺭ ﻗﯘﺗﻠﯘﻕ ﻛﯜﻧﻠﯩﺮﯨﻨﯩﯔ ﻫﻪﻣﻤﯩﺴﯩﺪﯨﻼ ﻗﯩﭽﯩﻘﻰ ﺑﺎﺭ ﻗﯩﺰ - ﺧﻮﺗﯘﻧﻼﺭﺩﯨﻦ ﺗﯚﺕ - ﺑﻪﺷﻰ ﺑﯩﻠﻪﻥﺋﺎﺭﯨﻠﯩﺸﯩﭗ ﺋﯚﺗﻪﺗﺘﯩﻢ. ﻣﻪﻥ ﺋﯚﺯﯛﻣﻨﻰ ﻫﻪﺭ ﻗﯩﺴﯩﻤﺎ ﻗﯩﺰ - ﺧﻮﺗﯘﻧﻼﺭﻏﺎ ﻛﯚﻧﺪﯛﺭﮔﻪﻥ، ﺧﻮﺗﯘﻧﻼﺭﻧﯩﯔ ﺟﯩﻨﺴﯩﻲ ﻣﯘﻧﺎﺳﯩﯟﻩﺕ ﺋﯚﺗﻜﯜﺯﯛﺵﯞﺍﻗﺘﯩﺪﯨﻜﻰ ﺋﺎﺩﻩﺗﻠﯩﺮﻯ ﺑﯩﻠﻪﻥ ﺑﻪﺵ ﻗﻮﻟﺪﻩﻙ ﭘﯩﺸﺸﯩﻖ ﺗﻮﻧﯘﺵ ﺑﻮﻟﯘﭖ ﻛﻪﺗﻜﻪﻥ، ﺑﯩﺮ ﺋﺎﻳﺎﻟﻨﯩﯔﺑﺎﺷﻘﺎ ﺋﺎﻳﺎﻟﻼﺭﻏﺎ ﺋﻮﺧﺸﯩﻤﺎﻳﺪﯨﻐﺎﻥ ﭘﻪﺭﻗﻠﻪﺭﻧﻰ ﻗﺎﻧﺪﺍﻕ ﭘﻪﻳﺪﺍ ﻗﯩﻠﯩﺸﻠﯩﺮﯨﻐﯩﭽﻪ ﭘﯘﺧﺘﺎﺋﯩﮕﯩﻠﯩﮕﻪﻥ. ﺑﯘﻧﺪﺍﻕ ﻫﻪﺭ ﺧﯩﻠﺪﯨﻜﻰ ﻫﺎﻟﻪﺗﻠﻪﺭ ﻣﯧﻨﯩﯔ ﻫﯧﺴﺴﯩﻴﺎﺗﯩﻤﻨﻰ ﺳﯘﺳﻼﺷﺘﯘﺭﯗﭖ ﻗﻮﻳﻤﺎﺳﺘﯩﻦ، ﺋﻪﻛﺴﯩﭽﻪ ﺋﺎﺷﻨﺎ ﺋﺎﻟﻤﺎﺷﺘﯘﺭﯗﭖ ﺗﯘﺭﯗﺵ ﻣﯧﻨﯩﯔﻛﯜﻧﺪﯨﻠﯩﻚ ﺗﯘﺭﻣﯘﺷﯘﻣﻨﯩﯔ ﻣﺎﻫﯩﻴﯩﺘﯩﮕﻪ ﺋﺎﻳﻠﯩﻨﯩﭗ ﻗﺎﻟﻐﺎﻧﯩﺪﻯ.
ﻧﺎﺗﺎﻟﯩﻴﻪﻧﻰ ﺗﯘﻧﺠﻰ ﻛﯚﺭﮔﯩﻨﯩﻤﺪﻩ، ﺋﻪﻣﺪﻯ ﺑﯘﻧﺪﺍﻕ ﺋﺎﺷﻨﺎ ﺋﺎﻟﻤﺎﺷﺘﯘﺭﯗﭖ ﻳﯜﺭﯛﺷﻨﯩﯔ ﺋﻮﺭﻧﻰﻗﺎﻟﻤﺎﻳﺪﯨﻐﺎﻧﻠﯩﻘﯩﻨﻰ ﻫﯧﺲ ﻗﯩﻠﻐﺎﻧﯩﺪﯨﻢ. ﻣﯧﻨﯩﯔ ﺋﯘﻧﻰ ﺋﯩﻠﻜﯩﻤﮕﻪ ﺋﯧﻠﯩﺸﺘﯩﻦ ﺋﯩﺒﺎﺭﻩﺕ ﻛﯜﭼﻠﯜﻙ ﺋﺎﺭﺯﯗﻳﯘﻡ، ﺋﯘﻧﯩﯔﺑﯩﻠﻪﻥ ﺗﯧﺰﻻ ﺗﻮﻱ ﻗﯩﻠﯩﯟﯦﻠﯩﺸﻘﺎ ﺋﯧﻠﯩﭗ ﻛﻪﻟﺪﻯ. ﺑﯘﻧﺪﺍﻕ ﻫﺎﻝ ﻣﻪﻧﺪﻩ ﺑﯘﺭﯗﻧﻤﯘ ﻛﯚﺭﯛﻟﮕﻪﻥ ﺑﻮﻟﺴﯩﻤﯘ، ﺑﯩﺮﺍﻕ ﺑﯘ ﻗﯧﺘﯩﻤﻘﯩﺪﻩﻙﺋﯘﻧﭽﯩﯟﺍﻻ ﻛﯜﭼﻠﯜﻙ ﺑﻮﻟﯘﭖ ﺑﺎﻗﻤﯩﻐﺎﻥ. ﻣﯧﻨﯩﯔ ﭼﯧﻜﯩﭗ ﺗﺎﻟﻠﯩﯟﺍﻟﻐﺎﻥ ﻗﯩﺰﻟﯩﺮﯨﻢ ﺋﺎﺭﯨﺴﯩﺪﺍ، ﻫﯧﭽﻘﺎﻳﺴﯩﺴﯩﻐﺎﺑﯘﻧﭽﯩﻠﯩﻚ ﺑﺎﻏﻠﯩﻨﯩﭗ ﻗﺎﻟﻤﯩﻐﺎﻧﯩﺪﯨﻢ. ﻣﯧﻨﯩﯔ ﺋﯘﻧﯩﯖﻐﺎ ﺋﯚﻳﻠﯩﻨﯩﺶ ﺗﻪﻛﻠﯩﭙﯩﻢ ﺋﺎﺧﯩﺮ ﻣﻪﻗﺒﯘﻝﻛﯚﺭﯛﻟﮕﻪﻧﺪﻩ، ﺋﯘﻧﯩﯔ ﺑﯩﻠﻪﻥ ﺑﻪﺭﯨﺒﯩﺮ ﺗﻮﻱ ﻗﯩﻠﯩﺪﯨﻐﺎﻥ ﺑﻮﻟﻐﺎﭼﻘﺎ ﺑﯘ ﺷﺎﺭﺍﺋﯩﺘﯩﻢ ﺋﯘﻧﯩﯔ ﺑﯩﻠﻪﻥﭘﯩﻨﻬﺎﻧﻼﺭﺩﺍﺋﯘﭼﺮﯨﺸﯩﺸﯩﻤﻐﺎ ﻗﯘﻻﻳﻠﯩﻖ ﻳﺎﺭﯨﺘﯩﭗ ﺑﻪﺭﮔﻪﻧﯩﺪﻯ. ﻣﻪﻥ ﺋﯘﻧﻰ ﺑﺎﻏﺮﯨﻤﻐﺎ ﭼﯩﯔ ﺑﺎﺳﺎﺗﺘﯩﻢ، ﻗﻮﻟﻠﯩﺮﯨﻢ ﺋﯩﺨﺘﯩﻴﺎﺭﺳﯩﺰ ﺋﯘﻧﯩﯔ ﻛﯚﻛﺴﯩﮕﻪ ﻗﺎﺭﺍﭖ ﺳﯩﻠﺠﯩﻴﺘﺘﻰ، ﻛﯚﻛﺴﯩﻨﻰ ﺑﺎﺭﻣﺎﻗﻠﯩﺮﯨﻢﺋﺎﺭﯨﺴﯩﻐﺎ ﺋﯧﻠﯩﭗ ﺋﯘﯞﯗﻻﻳﺘﺘﯩﻢ. ﺑﺎﺭﻣﺎﻗﻠﯩﺮﯨﻢ ﺋﯘ ﻳﻪﺭﺩﻩ ﻫﻪ ﺩﯦﮕﻪﻧﺪﯨﻼ ﺟﯩﻨﺎﻳﻪﺕ ﺋﯚﺗﻜﯜﺯﯛﺷﻜﻪ ﺑﺎﺷﻼﻳﺘﺘﻰ. ﻧﺎﺗﺎﻟﯩﻴﻪﻧﯩﯔﻳﯜﺯﻟﯩﺮﻯ ﭼﻮﻏﺪﻩﻙ ﻗﯩﺰﯨﺮﯨﭗ ﻛﯧﺘﻪﺗﺘﻰ، ﺷﯘﻧﺪﺍﻗﺘﯩﻤﯘ ﻣﯧﻨﯩﯔ ﺑﯘ ﻗﻮﻟﻠﯩﺮﯨﻤﻨﻰ ﻧﯧﺮﻯﺋﯩﺘﺘﯩﺮﯨﯟﻩﺗﻤﻪﻳﺘﺘﻰ، ﺋﯘ ﻗﯘﻟﯩﻘﯩﻤﻐﺎ ﺋﺎﺳﺘﺎ ﺷﯩﯟﯨﺮﻻﭖ: «ﺋﯘ...ﺋﯘﻧﺪﺍﻕ ﻗﯩﻠﻤﺎﯓ، ﻫﯧﻠﻰ ﺑﯩﻜﺎﺭﺋﺎﭘﺎﻡ ﻛﯚﺭﯛﭖ ﻗﺎﻟﯩﺪﯗ» ﺩﻩﭘﻼ ﻗﻮﻳﺎﺗﺘﻰ.
ﺋﯘﻧﯩﯔ ﺋﺎﭘﯩﺴﻰ ﺑﻪﺋﻪﻳﻨﻰ ﺑﯩﺮ ﻗﺎﻧﺠﯘﻗﻨﯩﯔ ﺋﯚﺯﻯ ﺋﯩﺪﻯ، ﺋﯘ ﻫﻪﺭﻗﺎﻧﺪﺍﻕ ﺑﯩﺮﺳﯩﮕﻪ ﭼﯧﭽﯩﻠﯩﭙﻼ ﻳﯜﺭﻩﺗﺘﻰ. ﭼﯜﻧﻜﻰ ﺋﯘﻧﻰﻓﺮﻭﺗﯩﻨﯩﻴﻪﻟﯩﺰﺍﯞﻭﺩﺗﺎ(6) ﺋﺎﺕ ﺑﺎﻗﺎﺭﺩﯨﻦ ﺋﯚﺯﮔﻪ ﻫﯧﭽﻜﯩﻢ ﺋﯘﻧﯩﯔ ﭘﺎﻗﯩﺴﯩﻨﻰ ﻗﺎﻧﺪﯗﺭﯗﭖ ﻗﻮﻳﯘﺷﻨﻰ ﺧﺎﻟﯩﻤﺎﻳﺘﺘﻰ. ﻣﯧﻨﯩﯖﭽﻪ، ﺋﯘ ﻣﻪﻥ ﺑﯩﺮ ﺋﯩﺶ ﻗﯩﻠﺴﺎﻣﻤﯘ ﻳﺎﻕ ﺩﯦﻤﻪﻳﺘﺘﻰ، ﺑﯩﺮﺍﻕ ﺋﯘﻧﺪﺍﻕ ﻗﯩﻠﯩﺸﻘﺎ ﻣﯧﻨﯩﯔ ﺯﯨﻨﻬﺎﺭ ﻛﯚﯕﻠﯜﻡﻛﯚﺗﯜﺭﻣﻪﻳﺘﺘﻰ. ﺋﯘ، ﺑﯩﺮﻧﻪﭼﭽﻪ ﻗﯩﺰﯨﻨﻰ ﻫﻪﺭ ﺧﯩﻞ ﯞﺍﺳﯩﺘﯩﻠﻪﺭﻧﻰ ﻗﻮﻟﻠﯩﻨﯩﭗ، ﺧﯘﺩﺩﻯ ﻣﻮﻧﺎﺳﺘﯩﺮﺩﯨﻜﻰ ﻣﻮﻧﺎﺧﻼﺭﺩﻩﻙ ﭼﯩﯔ ﺗﯘﺗﺎﺗﺘﻰ. ﻣﻪﻥ ﻧﺎﺗﺎﻟﯩﻴﻪﻧﯩﯔ ﺋﯩﻜﻜﻰ ﻫﻪﺩﯨﺴﯩﮕﻪ ﻗﺎﺭﺍﭖ، ﺋﺎﺷﯘ ﻣﻮﻧﺎﺳﺘﯩﺮ ﻣﯧﻨﯩﯔ ﺑﻮﻟﻐﯘﺳﻰ ﺋﯚﻳﯜﻡ ﺑﻮﻟﯘﭖ ﻗﺎﻟﯩﺪﯨﻐﺎﻧﺪﻩﻙ ﻫﯧﺲ ﻗﯩﻼﺗﺘﯩﻢ. ﻛﯜﻳﺌﻮﻏﯘﻝ ﺑﻮﻟﯘﺵ ﺋﺎﻟﺪﯨﺪﺍ ﺗﯘﺭﻏﺎﻥ ﻣﻪﻧﺪﻩﻙ ﺑﯩﺮ ﺋﺎﺩﻩﻣﺪﻩ ﺋﻪﻧﻪ ﺷﯘﻧﺪﺍﻕ ﮔﯘﻧﺎﻫﻠﯩﻖ ﺧﯩﻴﺎﻟﻼﺭﻧﯩﯔﺑﺎﺵ ﻛﯚﺗﯜﺭﯛﺷﯩﺪﯨﻦ ﺳﺎﻗﻼﻧﻤﯩﻘﻰ ﺗﻪﺱ. ﺑﯩﺮﺍﻕ ﺋﯘﻻﺭﻧﯩﯔ ﻛﺎﻟﻼﻣﺪﯨﻜﻰ ﺗﻪﺳﯩﺮﯨﺪﯨﻦ ﻗﯘﺗﯘﻟﻤﯩﻘﯩﻢﺗﯧﺨﯩﻤﯘ ﺗﻪﺱ.
ﻣﻪﻥ ﺑﯘ ﺭﺍﻫﯩﺒﻪﻣﻨﯩﯔﻛﯚﺯﯨﻨﻰ ﺋﯧﭽﯩﺸﻘﺎ، ﺋﺎﺳﺘﺎ - ﺋﺎﺳﺘﺎ ﺋﯘﻧﻰ ﻣﺎﻫﺎﺭﻩﺗﻠﯩﻚ ﺑﯩﺮ ﻣﻪﺷﯘﻗﯘﻣﻐﺎ ﺋﺎﻳﻼﻧﺪﯗﺭﯗﺷﻘﺎ ﺋﻮﺭﯗﻧﺎﺗﺘﯩﻢ. ﺷﯘﻏﯩﻨﯩﺴﻰ، ﻫﻪﺭ ﺧﯩﻞﭘﯩﻼﻧﻠﯩﺮﯨﻢ ﺋﻪﻣﻪﻟﮕﻪ ﺋﺎﺷﻤﺎﻱ ﺑﻪﺭﺑﺎﺕ ﺑﻮﻟﯘﭖ ﻛﯧﺘﻪﺗﺘﻰ، ﺑﻪﻟﻜﯩﻢ ﻣﯧﻨﯩﯔ ﺋﯘﻧﻰ ﺗﺎ ﻫﺎﺯﯨﺮﻏﯩﭽﻪﺳﯚﻳﯜﺷﯜﻣﮕﻪ ﺳﻪﯞﻩﺏ ﺑﻮﻟﻐﺎﻥ ﻧﻪﺭﺳﯩﻤﯘ ﺷﯘﺩﯗﺭ.
ﺑﯩﺰﻧﯩﯔ ﺷﯧﺮﯨﻦ ﺋﯧﻴﯩﻤﯩﺰ، ﻟﻪﺯﯨﺰ ﺗﻪﺭﺑﯩﻴﻪﺗﻠﻪﺭ ﺋﺎﺭﺍ ﺳﯘﺩﻩﻙ ﺗﯧﺰ ﺋﯚﺗﯜﭖ ﻛﯧﺘﯩﯟﺍﺗﻘﯩﻨﯩﻨﯩﻤﯘﺳﻪﺯﻣﻪﻳﺘﺘﯘﻕ: ﻣﻪﻥ ﺋﯘﻧﯩﯔ ﺑﻪﺩﻩﻥ ﺗﯩﻠﯩﻨﻰ ﺋﻮﻗﯘﭖ ﭼﯜﺷﯩﻨﯩﺸﻨﻰ ﺋﯚﮔﻪﻧﺴﻪﻡ، ﻧﺎﺗﺎﻟﯩﻴﻪﻣﯘ ﻣﯧﻨﯩﯔﺗﯩﻠﯩﻤﻐﺎ ﻗﺎﻧﺪﺍﻕ ﺋﯩﻨﻜﺎﺱ ﻗﺎﻳﺘﯘﺭﯗﺷﻨﻰ ﺋﯚﮔﯩﻨﻪﺗﺘﻰ. ﻣﯧﻨﯩﯔ ﺑﯘﻧﺪﺍﻕ ﺋﯚﮔﯩﺘﯩﺸﻨﻰﺩﺍﯞﺍﻣﻼﺷﺘﯘﺭﯗﺷﯘﻡ ﯞﻩ ﺋﯘﻧﯩﯔ ﺋﯚﺯ ﺗﯩﺮﯨﺸﭽﺎﻧﻠﯩﻘﻰ ﺑﯩﻠﻪﻥ ﺑﺎﺭﻏﺎﻧﺴﯧﺮﻯ ﺋﯘ ﻟﻪﺯﺯﻩﺗﻜﻪ ﭼﯩﺪﺍﻟﻤﺎﻱﻧﺎﻟﻪ - ﻏﻪﻣﺰﻩ ﻗﯩﻠﯩﺪﯨﻐﺎﻥ ﺑﻮﻟﯘﯞﺍﺗﺎﺗﺘﻰ. ﺑﯘ ﻧﺎﻟﻪﺷﻠﻪﺭ ﻗﯘﻟﯩﻘﯩﻤﻐﺎ ﻣﯘﺯﯨﻜﯩﺪﯨﻨﻤﯘ ﻳﯧﻘﯩﻤﻠﯩﻖﺋﺎﯕﻠﯩﻨﺎﺗﺘﻰ.
ﻣﺎﻧﺎ ﺷﯘﻧﺪﺍﻕ ﻏﺎﻳﯩﺒﺎﻧﻪ ﺑﯩﺮ ﻧﺎﺯﯨﻨﯩﻨﻐﺎ ﺋﯧﺮﯨﺸﯩﺶ، ﻳﻪﻧﻪ ﻛﯧﻠﯩﭗ ﺋﯘﻧﯩﯔ ﻗﯩﺰﻟﯩﻘﻰ ﺑﯩﻠﻪﻥﺋﯧﺮﯨﺸﯩﺶ ﻫﻪﻗﯩﻘﻪﺗﻪﻧﻤﯘﺋﻪﺭﻟﻪﺭ ﺋﯜﭼﯜﻥ ﺋﻪﯓ ﺯﻭﺭ ﺑﻪﺧﺖ. ﺑﻪﺧﺖ ﻟﻪﺯﺯﯨﺘﻰ ﺑﻪﻛﻤﯘ ﻛﯜﭼﻠﯜﻙ ﺋﯩﺪﻯ، ﺷﯘﯕﺎ ﺋﯘﻧﯩﯖﻐﺎﺋﯘﺯﺍﻗﻘﯩﭽﻪ ﭼﯩﺪﺍﭖ ﺑﻮﻟﻤﺎﻳﺘﺘﻰ. ﻣﻪﻥ ﻳﯧﯖﯩﻴﺎﭼﻪ ﺋﯧﺮﯨﺸﻜﻪﻥ ﺋﺎﻳﺎﻟﯩﻤﻐﺎ ﺋﻪﺳﯩﺮ ﺑﻮﻟﻐﯩﻨﯩﻤﺪﺍ، ﺋﯘﻧﻰ ﺗﯩﻨﺎﻟﻤﯩﻐﯘﺩﻩﻙ ﺩﻩﺭﯨﺠﯩﺪﻩ ﻣﻪﻫﻜﻪﻡ ﻗﯘﭼﺎﻗﻼﻳﺘﺘﯩﻢ، ﺑﯘ ﭼﺎﻏﺪﺍ ﺋﯘﻧﯩﯔ ﻳﺎﺭﺍﻣﺴﯩﺰ ﻗﯩﻠﯩﻘﻠﯩﺮﯨﻨﻰ ﺳﯧﺰﯨﭗ ﺗﯘﺭﺍﺗﺘﯩﻢ، ﺑﯘﻗﯩﻠﯩﻘﻼﺭﻏﺎ ﺋﯘ ﺗﯧﺨﻰ ﺗﻮﻟﯘﻕ ﻛﯚﻧﯜﭖ ﺑﻮﻻﻟﻤﯩﻐﺎﭼﻘﺎ، ﺋﯘ ﻳﻪﻧﯩﻼ ﺋﯘﻳﯘﻻﺗﺘﻰ. ﻣﻪﻥ ﻗﯘﻻﻗﻠﯩﺮﯨﻤﻐﺎﺋﯘﻧﯩﯔ ﺋﻮﺗﺘﻪﻙ ﻧﻪﭘﻪﺳﻠﯩﺮﻯ ﺋﯘﺭﯗﻟﻐﯩﻨﯩﻨﻰ ﺳﯧﺰﻩﺗﺘﯩﻢ. ﺑﯘ، ﺗﻪﯕﺮﻯ ﻳﺎﺭﯨﺘﯩﯟﺍﺗﻘﺎﻧﺪﯨﻼ ﻫﯧﺲ ﻗﯩﻠﯩﭗ ﻳﻪﺗﻜﯩﻠﻰﺑﻮﻟﯩﺪﯨﻐﺎﻥ ﺑﯩﺮ ﺧﯩﻞ ﻫﺎﻳﺎﺟﺎﻧﻠﯩﻖ ﻫﺎﻟﻪﺗﻠﻪﺭ ﺋﯩﺪﻯ.

3

ﻣﻪﻥ ﻣﺎﯕﺎﺋﻮﺧﺸﺎﺵ ﻣﺎﻳﻤﯘﻥ ﻳﯜﺯﻟﯜﻙ، ﭘﻪﺗﻪﻙ ﺑﯩﺮ ﻛﯩﺸﻰ ﺑﯩﺮ ﺋﯩﻼﻫﯩﮕﻪ ﺋﯧﺮﯨﺸﺘﻰ، ﺩﻩﭖ ﺋﯚﺯ ﺗﻪﺑﯩﺌﯩﺘﯩﻤﻨﻰ ﺋﯩﺰﭼﯩﻞ ﺋﺎﻟﺪﺍﭖ ﻛﻪﻟﮕﯩﻨﯩﻤﻨﻰ ﻫﯧﺲﻗﯩﻼﺗﺘﯩﻢ. ﻫﺎﻟﺒﯘﻛﻰ، ﺋﯘ ﻣﯧﻨﯩﯔ ﺑﻪﺯﯨﺪﻩ ﻗﺎﻟﺘﯩﺲ ﺳﯚﻳﯜﻣﻠﯜﻙ ﺑﻮﻟﯘﭖ ﻛﯧﺘﯩﺪﯨﻐﺎﻥ ﺗﻪﺭﻩﭘﻠﯩﺮﯨﻤﺪﯨﻦ ﻗﯩﻠﭽﻪ ﻫﯘﺯﯗﺭﺋﺎﻻﻟﻤﺎﻳﺘﺘﻰ، ﭼﯜﻧﻜﻰ ﺋﯘ ﻣﯧﻨﻰ ﺑﺎﺷﻘﯩﻼﺭﻏﺎ ﺳﯧﻠﯩﺸﺘﯘﺭﻏﺎﻧﺪﯨﻼ ﺋﺎﻧﺪﯨﻦ ﻣﻪﻧﺪﯨﻦ ﻫﯘﺯﯗﺭ ﺋﺎﻻﻻﻳﺘﺘﻰ، ﺋﯘﻧﯩﯔ ﺑﯘ ﺗﻪﺭﯨﭙﯩﻨﻰ ﻛﻪﭼﯜﺭﮔﻪﻳﺴﻪﻥ، ﭘﻪﺭﯞﺍﺭﺩﯨﮕﺎﺭﯨﻢ.
ﺩﻩﺳﻠﻪﭘﻜﻰ ﻣﻪﺯﮔﯩﻠﻠﻪﺭﺩﻩ، ﺑﯩﺰ ﻗﻪﻟﺒﯩﻤﯩﺰﻧﯩﯔ ﭼﻮﯕﻘﯘﺭ ﻗﯧﺘﯩﺪﯨﻜﻰ ﻫﻪﺭﻗﺎﻧﺪﺍﻕ ﺋﻮﻱ - ﭘﯩﻜﯩﺮﻟﻪﺭﻧﻰ ﺑﯩﺮ - ﺑﯩﺮﯨﻤﯩﺰﺩﯨﻦ ﻳﻮﺷﯘﺭﯗﭖﻳﯜﺭﻣﻪﺳﻠﯩﻜﻜﻪ ﻛﯧﻠﯩﺸﻜﻪﻧﯩﺪﯗﻕ. ﺷﯘﻧﯩﺴﻰ ﻛﯚﯕﻠﯜﻣﮕﻪ ﺑﻪﺵ ﻗﻮﻟﺪﻩﻙ ﺋﺎﻳﺎﻥ ﺋﯩﺪﯨﻜﻰ، ﻣﻪﻥ ﺑﯘ ﺋﻪﻫﺪﯨﮕﻪ ﺋﻪﻣﻪﻝﻗﯩﻠﯩﭗ ﺑﻮﻻﻟﻤﺎﻳﺘﺘﯩﻢ. ﻟﯧﻜﯩﻦ ﻧﺎﺗﺎﻟﯩﻴﻪﻧﯩﯔ ﯞﯗﺟﯘﺩﯨﺪﺍ ﺑﯩﺮ ﺧﯩﻞ ﺗﯘﻳﻐﯘ ﺷﻪﻛﯩﻠﻠﻪﻧﺪﯛﺭﯛﺷﻨﻰ، ﺋﯘﻧﯩﯔ ﭘﯩﻜﯩﺮ - ﺧﯩﻴﺎﻟﻠﯩﺮﻯ ﯞﻩ ﻗﺎﻧﺪﺍﻕ ﺋﯩﺴﺘﻪﻛﻠﻪﺭﺩﻩ ﺑﻮﻟﯘﯞﺍﺗﻘﯩﻨﯩﻨﻰ ﻣﺎﯕﺎ ﺋﯧﻴﺘﯩﭗﺗﯘﺭﻏﯘﺯﯗﺷﻨﻰ ﺋﻮﻳﻠﯩﻐﺎﻧﯩﺪﯨﻢ. ﻣﻪﺳﯩﻠﻪ ﺷﯘﻧﯩﯖﺪﯨﻜﻰ، ﺋﯘ ﻣﺎﯕﺎ ﻧﯧﻤﯩﻠﻪﺭﻧﯩﻼ ﺋﯧﻴﺘﻤﯩﺴﯘﻥ، ﻣﯧﻨﯩﯔﺋﺎﭼﭽﯩﻘﻼﻧﻤﺎﺳﻠﯩﻘﯩﻢ ﻛﯧﺮﻩﻙ ﺋﯩﺪﻯ. ﺋﯘ، ﺑﻪﺯﻯ ﺋﯩﺸﻼﺭﻧﻰ ﺳﯚﺯﻟﻪﭖ ﺑﯧﺮﯨﯟﺍﺗﻘﯩﻨﯩﺪﺍ، ﻣﻪﻥ ﺑﯘ ﺋﻪﻫﺪﯨﮕﻪ ﺋﺎﺳﺎﺳﻪﻥﺋﯘﻧﯩﯔ ﺋﺎﻟﺪﯨﺪﺍ ﺭﻩﺷﻚ ﺋﻮﺗﻰ ﯞﻩ ﻏﻪﺯﻩﭖ - ﻧﻪﭘﺮﯨﺘﯩﻤﻨﻰ ﺋﺎﻣﺎﻟﻨﯩﯔ ﺑﺎﺭﯨﭽﻪ ﺑﯧﺴﯩﺸﻘﺎﺗﯩﺮﯨﺸﺎﺗﺘﯩﻢ.
ﻧﺎﺗﺎﻟﯩﻴﻪ ﺑﯩﺰﻧﯩﯔ ﺋﻪﻫﺪﯨﻤﯩﺰﮔﻪ ﺳﻪﻣﯩﻤﯩﻴﻠﯩﻚ ﺑﯩﻠﻪﻥ ﻫﯚﺭﻣﻪﺕ ﻗﯩﻠﯩﭗ ﻛﯧﻠﯩﯟﺍﺗﺎﺗﺘﻰ. ﻣﻪﻥ ﺋﯘﻧﯩﯖﺪﯨﻦ ﻫﻪﺭﻗﺎﻧﺪﺍﻕ ﺑﯩﺮ ﺷﻪﻛﯩﻠﺪﯨﻜﻰ ﺟﯩﻨﺴﯩﻲ ﺋﯩﺸﻠﯩﺮﻯ ﺑﺎﺭ - ﻳﻮﻗﻠﯘﻗﯩﻨﻰﺳﻮﺭﯨﻐﯩﻨﯩﻤﺪﺍ، ﺋﯘ ﻳﻮﺷﯘﺭﻣﺎﺳﺘﯩﻦ ﺋﯧﻴﺘﯩﭗ ﺑﻪﺭﺩﻯ. ﺋﯘ، 14 ﻳﺎﺷﻼﺭﻏﺎ ﻛﯩﺮﮔﻪﻧﺪﻩﺋﺎﭘﯩﺴﻰ ﯞﻩ ﺋﯩﻜﻜﻰ ﻫﻪﺩﯨﺴﻰ ﺑﯩﻠﻪﻥ ﺗﻪﻛﻠﯩﭙﻜﻪ ﺋﺎﺳﺎﺳﻪﻥ ﭼﺎﺭ ﭘﺎﺩﯨﺸﺎﻫ(7) ﺋﻮﺭﺩﯨﺴﯩﺪﯨﻜﻰ ﺑﻪﺯﻣﯩﮕﻪ ﻗﺎﺗﻨﯩﺸﯩﭙﺘﯘ. ﺋﯘ، ﻣﯧﻬﻤﺎﻧﻼﺭﺋﺎﺭﯨﺴﯩﺪﯨﻜﻰ ﺑﯩﺮ ﻳﻪﺭﺩﻩ ﻧﯧﻤﻪ ﻗﯩﻼﺭﯨﻨﻰ ﺑﯩﻠﻤﻪﻱ ﺗﻪﻣﺘﯩﺮﻩﭖ ﻳﯜﺭﺳﻪ، ﺋﻮﺭﺩﯨﻨﯩﯔ ﭼﯩﺮﺍﻳﻠﯩﻖ ﺑﯩﺮﺋﺎﻳﺎﻝ ﻣﯘﻻﺯﯨﻤﻰ ﺋﯘﻧﯩﯔ ﺋﺎﻟﺪﯨﻐﺎ ﻛﻪﭘﺘﯘ - ﺩﻩ، ﺋﯘﻧﻰ ﭘﺎﺩﯨﺸﺎﻫﻨﯩﯔ ﺑﯩﺮ ﻛﯚﺭﮔﯜﺳﻰ ﺑﺎﺭﻟﯩﻘﯩﻨﻰ ﺋﯧﻴﺘﯩﭙﺘﯘ. ﻣﯧﻨﯩﯔ ﺑﯘ ﺑﺎﻳﻘﯘﺷﯘﻡﻗﻮﺭﻗﻘﯩﻨﯩﺪﯨﻦ ﻏﺎﻝ - ﻏﺎﻝ ﺗﯩﺘﺮﻩﭖ، ﻫﯧﻠﯩﻘﻰ ﺋﻮﺭﺩﺍ ﻣﯘﻻﺯﯨﻤﯩﻨﯩﯔ ﺋﺎﺭﻗﯩﺴﯩﺪﯨﻦ ﺋﻪﮔﯩﺸﯩﭙﺘﯘ. ﺋﻮﺭﺩﺍ ﻣﯘﻻﺯﯨﻤﻰ ﻧﺎﺗﺎﻟﯩﻴﻪﻧﻰﻛﯘﺗﯘﭘﺨﺎﻧﯩﻐﺎ ﺑﺎﺷﻼﭖ ﻛﯩﺮﯨﭙﺘﯘ، ﻗﺎﺭﯨﺴﺎ ﻳﯚﻟﻪﻧﭽﯜﻛﻠﯜﻙ ﺋﻮﺭﯗﻧﺪﯗﻗﺘﺎ ﭼﺎﺭ ﭘﺎﺩﯨﺸﺎﻫ ﺋﻮﻟﺘﯘﺭﻏﺎﻥ. ﺋﻮﺭﺩﺍ ﻣﯘﻻﺯﯨﻤﻰ ﻧﺎﺗﺎﻟﯩﻴﻪﻧﻰ ﭼﺎﺭ ﭘﺎﺩﯨﺸﺎﻫﻨﯩﯔ ﺋﺎﻟﺪﯨﻐﺎ ﺋﻪﻛﯩﺮﯨﭗ ﻛﯘﺗﯘﭘﺨﺎﻧﯩﻨﯩﯔ ﺋﻮﺗﺘﯘﺭﯨﺴﯩﺪﺍ ﻗﺎﻟﺪﯗﺭﯗﭖ، ﻧﻪﮔﯩﺪﯗﺭ ﻏﺎﻳﯩﺐ ﺑﻮﭘﺘﯘ. ﭼﺎﺭﭘﺎﺩﯨﺸﺎﻫ ﺋﻮﺭﻧﯩﺪﯨﻦﻗﻮﭘﯘﭘﺘﯘ - ﺩﻩ، ﻛﺮﯦﺴﻠﻮﻏﺎ ﻗﺎﺭﺍﭖ ﻛﯧﻠﯩﯟﯦﺘﯩﭗ، ﺋﯘﻧﻰ ﻳﯧﻨﯩﺪﺍ ﺋﻮﻟﺘﯘﺭﯗﺷﻨﻰ ﺋﯧﻴﺘﯩﭙﺘﯘ. ﭼﺎﺭﭘﺎﺩﯨﺸﺎﻫ ﺋﯘﻧﯩﯖﺪﯨﻦ ﺑﯩﺮﻧﻪﭼﭽﻪ ﺳﻮﺋﺎﻝ ﺳﻮﺭﺍﭘﺘﯘ ﻫﻪﻣﺪﻩ ﺳﻮﺋﺎﻝ ﺳﻮﺭﯨﻐﺎﭺ ﺋﯘﻧﯩﯔ ﻳﻮﭘﻜﯩﺴﯩﻨﻰ ﺑﺎﺭﺍ - ﺑﺎﺭﺍ ﺋﯜﺳﺘﯩﮕﻪ ﻗﺎﻳﺮﯨﺸﻘﺎ ﺑﺎﺷﻼﭘﺘﯘ. ﻧﺎﺗﺎﻟﯩﻴﻪ ﻗﯩﻤﯩﺮ ﻗﯩﻠﯩﺸﻘﯩﻤﯘ ﺟﯜﺭﺋﻪﺕ ﻗﯩﻼﻟﻤﺎﻱ، ﺋﯘﻧﯩﯔ ﺳﻮﺭﯨﻐﺎﻧﻠﯩﺮﯨﻐﺎ ﺋﺎﻣﺎﻝ ﺑﺎﺭﺋﯩﻨﭽﯩﻜﯩﻠﻪﭖ ﺟﺎﯞﺍﺏ ﺑﯧﺮﯨﭙﺘﯘ. ﻛﯧﻴﯩﻦ، ﺑﯩﺮﺳﻰ ﺋﯩﺸﯩﻜﻨﻰ ﭼﯧﻜﯩﭙﺘﯘ، ﭼﺎﺭ ﭘﺎﺩﯨﺸﺎﻫ ﺋﻮﺭﻧﯩﺪﯨﻦ ﺩﻩﺱﺗﯘﺭﯗﭖ، ﺋﯘﻧﯩﯔ ﻳﻮﭘﻜﯩﺴﯩﻨﻰ ﺋﻪﺳﻠﯩﺪﯨﻜﯩﺪﻩﻙ ﺗﯜﺯﻩﺷﺘﯜﺭﯛﭖ ﻗﻮﻳﯘﭘﺘﯘ - ﺩﻩ، ﺑﯘ ﻛﯘﺗﯘﭘﺨﺎﻧﯩﺪﯨﻦﺋﺎﻳﺮﯨﻠﯩﭙﺘﯘ. ﺋﻮﺭﺩﺍ ﻣﯘﻻﺯﯨﻤﻰ ﺷﯘ ﺯﺍﻣﺎﺕ ﻛﯩﺮﯨﭗ ﻛﻪﭘﺘﯘ، ﻧﺎﺗﺎﻟﯩﻴﻪﻧﻰ ﺑﻪﺯﻣﯩﺨﺎﻧﯩﻐﺎ ﻳﺎﻧﺪﯗﺭﯗﭖﺋﻪﻛﯩﺮﯨﭗ ﻗﻮﻳﻤﺎﻗﭽﻰ ﺑﻮﭘﺘﯘ، ﺑﯘ ﭼﺎﻏﺪﺍ ﺑﺎﺷﻘﺎ ﻣﯧﻬﻤﺎﻧﻼﺭ ﺗﯧﺨﯩﭽﻪ ﺗﺎﺯﺍ ﻗﯩﺰﯨﺸﯩﭗ ﺗﺎﻧﺴﺎ ﺋﻮﻳﻨﯩﺸﯩﯟﺍﺗﻘﺎﻧﯩﻜﻪﻥ.
ﻧﺎﺗﺎﻟﯩﻴﻪﻧﯩﯔ ﺋﺎﭘﯩﺴﻰ ﻗﯩﺰﯨﻨﯩﯔ ﻳﻮﻗﺎﭖ ﻛﻪﺗﻜﯩﻨﻰ ﺋﯜﭼﯜﻥ ﻏﻪﻡ ﻗﯩﻠﯩﭗ ﺗﯘﺭﻏﺎﻧﺪﺍ، ﺋﻮﺭﺩﺍﻣﯘﻻﺯﯨﻤﻰ ﺋﯘﻧﯩﯖﻐﺎ، ﻗﯩﺰﯨﻨﻰ ﭼﺎﺭ ﭘﺎﺩﯨﺸﺎﻫ ﭼﺎﻗﯩﺮﺗﯩﭗ، ﻛﯚﺭﯛﭖ ﺑﺎﻗﻘﺎﻧﻠﯩﻘﯩﻨﻰ ﺋﯧﻴﺘﻘﺎﻧﺪﯨﻼ ﺋﺎﻧﺪﯨﻦ ﺋﺎﭘﯩﺴﯩﻨﯩﯔﻳﯜﺭﯨﻜﻰ ﺋﯩﺰﯨﻐﺎ ﭼﯜﺷﯜﭘﺘﯘ. ﺑﯩﺮﺍﻕ ﺋﯘ ﻧﺎﺗﺎﻟﯩﻴﻪﻧﯩﯔ ﭼﯩﺮﺍﻳﯩﻐﺎ ﮔﯘﻣﺎﻥ ﺑﯩﻠﻪﻥ ﻗﺎﺭﺍﭘﺘﯘ. ﺑﺎﻳﺎﻣﻘﻰ ﺋﯩﺸﻼﺭ ﻧﺎﺗﺎﻟﯩﻴﻪﻧﻰ ﺑﻪﻛﻤﯘ ﻫﺎﻳﺎﺟﺎﻧﻐﺎ ﺳﺎﭘﺘﯘ، ﺋﯘﻻﺭ ﺋﯚﻳﮕﻪ ﻛﻪﻟﮕﻪﻧﺪﯨﻦ ﻛﯧﻴﯩﻦ ﺋﺎﭘﯩﺴﻰ ﺋﯘﻧﻰ ﺋﯚﺯ ﻫﯘﺟﺮﯨﺴﯩﻐﺎﭼﺎﻗﯩﺮﯨﭗ ﺋﯘﻧﯩﯔ ﭼﺎﺭ ﭘﺎﺩﯨﺸﺎﻫ ﺑﯩﻠﻪﻥ ﺋﺎﻳﺮﯨﻢ ﻳﻪﺭﺩﻩ ﺑﯩﺮﮔﻪ ﺑﻮﻟﻐﺎﻥ - ﺑﻮﻟﻤﯩﻐﺎﻧﻠﯩﻘﯩﻨﻰ ﺳﻮﺭﺍﭘﺘﯘ. ﻧﺎﺗﺎﻟﯩﻴﻪﻛﯘﺗﯘﭘﺨﺎﻧﯩﺪﺍ ﺋﯘﻻﺭ ﺋﯩﻜﻜﯩﺴﯩﺪﯨﻦ ﺑﺎﺷﻘﺎ ﻫﯧﭽﻘﺎﻧﺪﺍﻕ ﺋﺎﺩﻩﻣﻨﯩﯔ ﻳﻮﻗﻠﯘﻗﯩﻨﻰ، ﺋﻪﻣﻤﺎ ﭼﺎﺭ ﭘﺎﺩﯨﺸﺎﻫﻨﻰ ﺑﯩﺮﺳﻰﭼﺎﻗﯩﺮﯨﭗ ﺋﻪﻛﻪﺗﻜﻪﭼﻜﻪ ﺋﯘﻻﺭﻧﯩﯔ ﻛﯚﭖ ﭘﺎﺭﺍﯕﻼﺷﻘﯘﺩﻩﻛﻤﯘ ﯞﺍﻗﺘﻰ ﭼﯩﻘﻤﯩﻐﺎﻧﻠﯩﻘﯩﻨﻰ ﺳﯚﺯﻟﻪﭖﺑﯧﺮﯨﭙﺘﯘ.
-   ﺳﻪﻥ ﺋﺎﺩﻩﻣﻨﻰ ﻛﻮﻟﺪﯗﺭﻟﯩﺘﯩﯟﺍﺗﯩﺴﻪﻥ! -   ﻣﻪﻥ ﺋﺎﻣﺎﻟﻨﯩﯔ ﺑﺎﺭﯨﭽﻪ ﺋﯚﺯﯛﻣﻨﻰ ﺗﯘﺗﯘﯞﯦﻠﯩﺸﻘﺎ ﺗﯩﺮﯨﺸﯩﭗﺳﻮﻏﯘﻗﻘﺎﻧﻠﯩﻖ ﺑﯩﻠﻪﻥ ﺷﯘﻧﺪﺍﻕ ﺩﯦﺪﯨﻢ. ﺑﻪﻟﻜﯩﻢ ﺋﯘ، ﺑﯘ ﭼﺎﻏﺪﺍ ﻣﯧﻨﯩﯔ ﭼﯩﺸﻠﯩﺮﯨﻤﻨﯩﯔﻏﯘﭼﯘﺭﻻﺷﻠﯩﺮﯨﻨﻰ ﺋﺎﯕﻼﭘﻤﯘ ﻗﺎﻟﻐﺎﻧﺪﯗ. ﺧﻮﺗﯘﻧﯘﻡ ﺟﺎﯞﺍﺑﻪﻥ، ﻳﺎﻟﻐﺎﻥ ﺳﯚﺯ ﺑﯩﻠﻪﻥ ﺧﯘﺷﻰﻳﻮﻗﻠﯘﻗﯩﻨﻰ، ﺋﺎﭘﯩﺴﯩﻐﺎ ﺋﯧﻴﺘﻘﺎﻧﻠﯩﺮﯨﻨﯩﯔ ﺗﺎﻣﺎﻣﻪﻥ ﺭﺍﺳﺖ ﺋﯩﻜﻪﻧﻠﯩﻜﯩﻨﻰ، ﺋﺎﭘﯩﺴﯩﻨﯩﯖﻤﯘﺋﯘﻧﯩﯖﺪﯨﻦ ﺋﺎﺭﺗﯘﻗﭽﻪ ﺑﯩﺮﻧﻪﺭﺳﯩﻠﻪﺭﻧﻰ ﺳﻮﺭﺍﭖ ﻳﯜﺭﻣﯩﮕﻪﻧﻠﯩﻜﯩﻨﻰ ﺋﯧﻴﺘﺘﻰ.
ﻛﺎﺗﺮﯨﻦ(8) ﺋﻮﺭﺩﺍ ﻣﯘﻻﺯﯨﻤﻠﯩﻘﯩﻐﺎ ﺗﺎﻟﻼﻧﻐﺎﻧﺪﺍ، ﺋﯘﻧﻰ ﻣﻪﻥ ﺋﻮﺭﺩﯨﻐﺎ ﻛﯚﭼﯜﭖ ﺑﯧﺮﯨﺸﻘﺎﻗﻮﻳﻤﯩﻐﺎﻧﯩﺪﯨﻢ، ﺑﯘ ﺋﯩﺶ ﭼﺎﺭ ﭘﺎﺩﯨﺸﺎﻫﻨﯩﯔ ﺗﺎﺯﺍ ﭼﯩﺸﯩﻐﺎ ﺗﯧﮕﯩﭙﺘﯘ.ﭼﺎﺭ ﭘﺎﺩﯨﺸﺎﻫ ﻧﺎﺗﺎﻟﯩﻴﻪﻧﯩﯔ ﺗﻮﻱ ﻗﯩﻠﻐﺎﻧﻠﯩﻘﻰ ﺋﯜﭼﯜﻥ ﺳﻮﯞﻏﺎ ﺋﻮﺭﻧﯩﺪﺍ ﭘﯘﻝﺋﻪﯞﻩﺗﻜﻪﻧﺪﻩ، ﺋﯘ ﻧﺎﻫﺎﻳﯩﺘﻰ ﺋﻮﯕﺎﻳﺴﯩﺰﻟﯩﻨﯩﭗ ﻛﻪﺗﺘﻰ، ﻣﻪﻥ ﺑﯘﻧﯩﯖﻐﺎ ﺩﯨﻘﻘﻪﺕ ﻗﯩﻠﯩﭗ ﺗﯘﺭﺩﯗﻡ. ﺑﯩﺰﺳﺎﺳﻜﯧﻴﯩﺴﻪﻳﺮﻭﻏﺎ(9) ﻛﯚﭼﯜﭖ ﺑﺎﺭﯨﺪﯨﻐﺎﻧﺪﺍ، ﺋﯘ ﺋﯩﻤﻜﺎﻥ ﻗﻪﺩﻩﺭ ﭼﺎﺭ ﭘﺎﺩﯨﺸﺎﻫﻨﯩﯔ ﻛﯚﺯﯨﺪﯨﻦﻳﯩﺮﺍﻗﺮﺍﻕ ﺗﯘﺭﯗﺷﻨﻰ ﺋﻮﻳﻼﻳﺘﺘﻰ، ﺑﯩﺰ ﭘﯩﻴﺎﺩﻩ ﺋﺎﻳﻼﻧﻐﺎﻧﻠﯩﺮﯨﻤﯩﺰﺩﺍ ﺋﯘ ﻫﻪﻣﯩﺸﻪ ﺩﺍﻟﺪﺍﺟﺎﻳﻼﺭﻧﻰ ﺗﺎﻟﻼﭖ ﻣﺎﯕﺎﺗﺘﻰ. ﺑﯩﺮﺍﻕ ﺑﯩﺮ ﻛﯜﻧﻰ ﺑﯩﺰ ﻛﯚﻝ ﺑﻮﻳﯩﻨﻰ ﺑﻮﻳﻼﭖ ﺋﺎﻳﻠﯩﻨﯩﭗﻳﯜﺭﯛﯞﺍﺗﻘﯩﻨﯩﻤﯩﺰﺩﺍ، ﻧﻪﻕ ﭼﺎﺭ ﭘﺎﺩﯨﺸﺎﻫ ﺋﻪﺭ - ﺧﻮﺗﯘﻥ ﺋﯩﻜﻜﯩﺴﯩﮕﻪ ﺋﯘﭼﺮﯨﺸﯩﭗ ﻗﺎﻟﺪﯗﻕ. ﭘﺎﺩﯨﺸﺎﻫ ﻧﺎﺗﺎﻟﯩﻴﻪﻧﻰ ﭼﺎﻗﯩﺮﯨﭗ ﺋﯘﻧﻰ ﺋﻮﺭﺩﯨﻐﺎ ﺑﯧﺮﯨﭗ ﺋﻮﻳﻨﺎﭖ ﻛﯧﺘﯩﺸﻜﻪﺗﻪﻛﻠﯩﭗ ﻗﯩﻠﺪﻯ. ﻧﺎﺗﺎﻟﯩﻴﻪ ﺋﯚﻳﮕﻪ ﻗﺎﻳﺘﯩﭗ ﻛﻪﻟﮕﻪﻧﺪﯨﻦ ﻛﯧﻴﯩﻦ، ﻣﺎﯕﺎ ﻧﺎﻫﺎﻳﯩﺘﻰﺋﻪﭘﺴﯘﺳﻠﯘﻕ ﺋﯩﭽﯩﺪﻩ ﺋﯚﺯﯨﻨﯩﯔ ﺑﯘﻧﺪﺍﻕ ﺋﺎﻣﻤﯩﯟﻯ ﺳﻮﺭﯗﻧﻼﺭﺩﺍ ﺟﺎﻣﺎﺋﻪﺗﻨﯩﯔ ﺋﺎﻟﺪﻯ ﺑﻮﻟﯘﭖﻗﯧﻠﯩﺸﻨﻰ ﺧﺎﻟﯩﻤﺎﻳﺪﯨﻐﺎﻧﻠﯩﻘﯩﻨﻰ ﺋﯧﻴﺘﺘﻰ. ﺑﯘ ﮔﻪﭘﻠﻪﺭ ﺋﺎﯕﻠﯩﻤﺎﻗﻘﺎ ﺋﺎﺩﻩﻣﺪﻩ ﮔﯘﻣﺎﻥ ﺗﯘﻏﺪﯗﺭﻣﺎﻱﻗﺎﻟﻤﺎﻳﺘﺘﻰ، ﺳﻪﯞﻩﺑﻰ، ﺋﯘﻧﯩﯔ ﻳﯘﻗﯩﺮﯨﻘﻰ ﺋﯧﻴﺘﻘﺎﻥ ﻳﯜﺭﻩﻙ ﺳﯚﺯﻟﯩﺮﻯ ﻣﻪﻥ ﺳﻮﺭﯨﻐﺎﻧﺪﯨﻦ ﻛﯧﻴﯩﻨﻼﺋﯧﻴﺘﯩﻠﻐﺎﻥ ﮔﻪﭘﻠﻪﺭ ﺋﯩﺪﻯ، ﺷﯘﯕﺎ ﻧﺎﺗﺎﻟﯩﻴﻪﻧﯩﯔ ﺑﯘ ﮔﻪﭘﻠﯩﺮﯨﺪﻩ ﺗﯩﻠﻐﺎ ﺋﺎﻟﻐﯘﺩﻩﻙ ﻳﯧﯖﻰ ﻣﻪﻧﻪﻳﻮﻕ ﺋﯩﺪﻯ، ﻣﻪﻧﻤﯘ ﺋﯘﻧﯩﯔ ﻧﯧﻤﻪ ﺩﻩﻳﺪﯨﻐﯩﻨﯩﻨﻰ ﺑﯘﺭﯗﻧﻼ ﺑﯩﻠﻪﺗﺘﯩﻢ. ﻣﻪﻥ، ﺋﯚﺯ ﺧﻮﺗﯘﻧﯘﻣﻨﯩﯔ ﻫﻪﻗﯩﻘﻪﺗﻪﻥ ﭼﺎﺭﭘﺎﺩﯨﺸﺎﻫﻨﯩﯔ «ﻗﻮﻧﭽﯩﻘﻰ» ﺑﻮﻟﯘﭖ ﻗﯧﻠﯩﺸﯩﻨﻰ ﺑﺎﻳﻘﺎﺷﻨﻰ ﺯﯨﻨﻬﺎﺭ ﺧﺎﻟﯩﻤﺎﻳﺘﺘﯩﻢ. ﭼﺎﺭ ﭘﺎﺩﯨﺸﺎﻫ ﺧﺎﻧﯩﺸﻘﺎ ﺋﯘﻟﯘﻍ ﻗﻪﺳﻪﻣﻠﻪﺭﻧﻰ ﺑﻪﺭﮔﻪﻧﯩﻜﻪﻥ، ﺷﯘﯕﺎ ﺋﯘ ﺋﯚﺯﺋﺎﻳﺎﻟﯩﺪﯨﻦ ﺑﺎﺷﻘﺎ ﻫﻪﺭﻗﺎﻧﺪﺍﻕ ﺑﯩﺮ ﺋﺎﻳﺎﻝ ﺑﯩﻠﻪﻥ ﻣﯘﻧﺎﺳﯩﯟﻩﺕ ﻗﯩﻠﻤﺎﺳﻤﯩﺶ. ﻫﺎﻟﺒﯘﻛﻰ، ﺋﯘ ﺋﯚﺯ ﺋﻪﺗﺮﺍﭘﯩﺪﺍ ﭘﻪﺭﯞﺍﻧﯩﺪﻩﻙ ﺋﺎﻳﻠﯩﻨﯩﭗ ﻳﯜﺭﮔﻪﻥ ﺑﯩﺮﺗﻮﭖ ﻗﯩﺰﻻﺭ ﺋﯘﻧﯩﯖﻐﺎ ﻳﯧﭙﯩﺸﻘﯩﻨﯩﺪﺍ، ﺋﯘ ﻫﻪﻣﯩﺸﻪ ﺋﯘﻻﺭﻏﺎ ﻛﯩﻴﯩﻤﻠﯩﺮﯨﻨﻰ ﺳﯧﻠﯩﭗ ﺗﺎﺷﻼﭖ ﺋﯘﻧﯩﯔ ﺋﺎﻟﺪﯨﺪﺍﭼﺎﺗﯩﺮﺍﻗﻠﯩﺮﯨﻨﻰ ﻛﯧﺮﯨﭗ ﺗﯘﺭﯗﺷﻘﺎ ﭘﻪﺭﻣﺎﻥ ﺑﯧﺮﻩﺗﺘﻰ. ﻛﻪﯓ ﻛﯧﺮﯨﻠﮕﻪﻥ ﭼﺎﺗﯩﺮﺍﻗﻼﺭﻧﯩﯔﺋﻮﺗﺘﯘﺭﯨﺴﻰ، ﺋﯘﻧﯩﯔ ﻛﯚﺯﯨﻨﯩﯔ ﭘﯩﺘﯩﻨﻰ ﭼﺎﻗﯩﺪﯨﻐﺎﻥ ﺟﺎﻱ ﺋﯩﺪﻯ، ﺋﯘ، ﺑﯘ ﻳﻪﺭﺩﯨﻦ ﺋﺎﻳﺮﯨﻠﻐﺎﻥﭼﺎﻏﺪﯨﻤﯘ ﺋﯘ ﻳﻪﺭﮔﻪ ﺗﻪﮔﻤﻪﻱ ﻗﺎﻟﻤﺎﻳﺘﺘﻰ. ﺧﺎﻧﯩﺸﻨﯩﯔ ﺑﯘﻻﺭﺩﯨﻦ ﺗﻮﻟﯘﻕ ﺧﻪﯞﯨﺮﻯ ﺑﺎﺭ ﺋﯩﺪﻯ، ﻫﺎﻟﺒﯘﻛﻰ، ﺋﯘﻧﯩﯔ ﻫﻪﺭﯨﻜﯩﺘﯩﻨﻰﻗﻪﺳﯩﻤﯩﮕﻪ ﺋﻪﻣﻪﻝ ﻗﯩﻠﻤﯩﻐﺎﻧﻠﯩﻖ ﺩﻩﭖ ﻗﺎﺭﯨﻤﺎﻳﺘﺘﻰ.
ﺋﻮﺭﺩﺍ ﻣﯘﻻﺯﯨﻢ ﻗﯩﺰﻟﯩﺮﯨﻨﯩﯔ ﺗﺎﻻﻳﻠﯩﺮﻯ ﭼﺎﺭ ﭘﺎﺩﯨﺸﺎﻫﻨﯩﯔ ﻣﺎﻧﺎ ﺷﯘ ﺧﯩﻞ ﺗﯧﺘﯩﻘﺴﯩﺰﻟﯩﻘﻠﯩﺮﯨﻐﺎ ﻳﻮﻟﯘﻗﻘﺎﻥ، ﺑﯩﺮﺍﻕﻧﺎﺗﺎﻟﯩﻴﻪ ﺋﯘ ﻗﯩﺰﻻﺭﻧﯩﯔ ﻫﻪﻣﻤﯩﺴﻰ ﮔﯘﻧﺎﻫﺴﯩﺰ، ﺩﻩﭖ ﮔﻪﭖ ﺗﺎﻻﺷﺘﻰ.
ﺧﻮﺗﯘﻧﯘﻡ ﭼﺎﺭ ﭘﺎﺩﯨﺸﺎﻫﻨﯩﯔ ﻳﻪﻧﻪ ﺋﯚﺯﯨﮕﻪ ﻳﯧﻘﯩﻨﻠﯩﺸﯩﭗ ﻗﯧﻠﯩﺸﯩﺪﯨﻦ ﺋﻪﻧﺴﯩﺮﻩﭘﻼ ﻳﯜﺭﻩﺗﺘﻰ. ﻣﻪﻥ ﺋﯘﻧﯩﯖﻐﺎﺗﻪﺳﻪﻟﻠﻰ ﺑﻪﺭﺩﯨﻢ ﻫﻪﻣﺪﻩ ﺋﯘﻧﯩﯔ ﭼﺎﺭ ﭘﺎﺩﯨﺸﺎﻫﻘﺎ، ﺋﻪﮔﻪﺭ ﺋﯘﻧﯩﯔ ﺋﯚﺯﯨﮕﻪ ﻳﯧﻘﯩﻨﻠﯩﺸﯩﺪﯨﻐﺎﻥ ﺑﻮﻟﺴﺎ، ﻣﯧﻨﯩﯔ ﻛﯜﻧﭽﯩﻠﯩﻜﯩﻤﻨﯩﯔﻗﺎﺗﺘﯩﻘﻠﯩﻘﯩﻨﻰ، ﺑﻪﻟﻜﻰ ﺋﯘﻧﯩﯔ ﺋﯩﻨﭽﯩﻜﻪ ﺑﯧﻠﯩﻨﯩﯔ ﺗﯚﯞﯨﻨﯩﻨﻰ ﻛﯚﺭﯛﺵ ﻗﻪﺳﺘﯩﺪﻩ ﺑﻮﻟﻐﺎﻥ ﻫﻪﺭﻗﺎﻧﺪﺍﻕ ﺑﯩﺮﺋﺎﺩﻩﻣﻨﻰ ﺋﯚﻟﺘﯜﺭﯛﭖ ﺗﺎﺷﻼﺷﻘﺎ ﻗﻪﺳﻪﻡ ﺋﯩﭽﻜﯩﻨﯩﻤﻨﻰ، ﺑﯘ ﭘﯩﻜﺮﯨﻤﻨﻰ ﻳﻪﺗﻜﯜﺯﯛﭖ ﻗﻮﻳﯘﺷﻨﻰﺋﯧﻴﺘﺘﯩﻢ. ﻛﯧﻴﯩﻦ، ﺧﻮﺗﯘﻧﯘﻣﻨﯩﯔ ﻫﯚﺩﺩﻩ ﻗﯩﻠﯩﭗ ﺋﯧﻴﺘﯩﺸﯩﭽﻪ، ﻣﯧﻨﯩﯔ ﺷﯘ ﮔﯧﭙﯩﻤﺪﯨﻦ ﻛﯧﻴﯩﻦ، ﭼﺎﺭ ﭘﺎﺩﯨﺸﺎﻫ ﺋﯘﻧﯩﯔ ﺑﯩﻠﻪﻥﺋﯘﭼﺮﺍﺷﻤﺎﻗﭽﻰ ﺑﻮﻟﻐﺎﻧﺪﺍ ﺋﻪﭘﻠﯩﻚ ﺑﯩﺮ ﭘﻪﻳﺘﯩﻨﻰ ﺗﯧﭙﯩﭗ ﮔﯧﭙﯩﻤﻨﻰ ﻳﻪﺗﻜﯜﺯﮔﻪﻧﻤﯩﺶ. ﭼﺎﺭ ﭘﺎﺩﯨﺸﺎﻫ ﺷﯘﻧﯩﯖﺪﯨﻦﺋﯧﺘﯩﺒﺎﺭﻩﻥ ﺋﯘﻧﯩﯖﻐﺎ ﺋﯩﻜﻜﯩﻨﭽﯩﻠﻪﭖ ﻳﯧﻘﯩﻨﻠﯩﻤﺎﭘﺘﯘﺩﻩﻙ. ﭼﺎﺭ ﭘﺎﺩﯨﺸﺎﻫﻨﯩﯔ ﻣﻪﻧﺪﯨﻦﻗﻮﺭﻗﯘﭖ ﻗﺎﻟﻐﺎﻧﻠﯩﻘﻰ ﻣﺎﯕﺎ ﺋﺎﻳﺎﻥ. ﺋﻪﮔﻪﺭ، ﻣﻪﻥ ﺋﯚﻟﯜﭖ ﻛﻪﺗﺴﻪﻡ ﺋﯘﻧﯩﯔ ﺋﺎﻏﺰﻯ ﻗﯘﻟﯩﻘﯩﻐﺎﻳﯧﺘﯩﺪﯗ. ﺋﺎﻧﺎﯕﻨﻰ...!
ﻣﻪﻥ ﺑﯘ ﭼﺎﻏﺪﺍ ﻧﺎﺗﺎﻟﯩﻴﻪﻧﻰ ﺋﻪﻫﺪﯨﺴﯩﺪﻩ ﺗﯘﺭﯗﺷﻘﺎ ﻗﯩﺴﺘﯩﻐﯩﻨﯩﻤﺪﯨﻦ ﭘﯘﺷﺎﻳﻤﺎﻥ ﻗﯩﻠﯩﭗ ﻗﺎﻟﻐﺎﻧﯩﺪﯨﻢ، ﺋﻪﻣﻤﺎ ﻣﻪﻥ ﺑﯘ ﺋﻪﻫﺪﯨﻨﯩﯔ ﺑﺎﺭﻟﯩﻖﺧﯘﺷﺎﻟﻠﯩﻖ ﯞﻩ ﺋﺎﺯﺍﺑﻠﯩﺮﯨﻐﺎ ﺳﻪﻝ ﻗﺎﺭﯨﻤﺎﺳﻠﯩﻘﯩﺪﯨﻦ ﻛﯧﻠﯩﭗ ﭼﯩﻘﯩﺪﯨﻐﺎﻥ ﻫﻪﺭﻗﺎﻧﺪﺍﻕ ﺑﯩﺮﺋﺎﻗﯩﯟﻩﺗﻜﻪ ﺗﻮﻟﯘﻕ ﺗﻪﻳﻴﺎﺭﻟﯩﻖ ﻛﯚﺭﯛﭖ ﻗﻮﻳﻐﺎﻧﯩﺪﯨﻢ. ﺋﺎﻳﺎﻝ ﺑﻮﻟﻐﺎﻥ ﻛﯩﺸﻰ ﻫﯧﭽﻨﻪﺭﺳﯩﻨﻰﺳﻪﺯﻣﯩﺴﻪ، ﺋﯘﻧﯩﯔ ﺋﯧﺮﻯ ﺑﻮﻟﻐﺎﻥ ﺋﺎﺩﻩﻡ ﺋﯘﻧﯩﯔ ﺷﻮﯞﯞﯗﺳﯩﻨﻰ ﺋﯩﭽﯩﭗ ﻗﯧﻠﯩﺶ ﺧﻪﯞﭘﻰ ﺑﺎﺭ. ﺋﻪﻣﻤﺎﺗﺎﺵ ﭘﺎﻗﺎ ﺑﻮﻟﯘﭖ ﻗﯧﻠﯩﺶ ﻛﯩﺸﯩﻨﻰ ﺗﻮﻟﯩﻤﯘ ﻳﯩﺮﮔﻪﻧﺪﯛﺭﯨﺪﯗ ﯞﻩ ﺋﯘﻧﯩﯖﻐﺎ ﭼﯩﺪﺍﭖ ﺑﻮﻟﻤﺎﻳﺪﯗ. ﺩﯗﻧﻴﺎﺩﺍ ﺋﻪﺭ ﺑﻮﻟﻐﯘﭼﯩﻨﯩﯔ ﮔﯚﺷﺒﺎﺵ ﺑﻮﻟﯘﭖ ﻗﯧﻠﯩﺸﯩﻨﻰ ﻣﻪﻧﭽﯩﻠﯩﻚ ﺧﺎﻟﯩﻤﺎﻳﺪﯨﻐﺎﻧﻼﺭ ﻳﻮﻗﺘﯘﺭ، ﺋﯘﻻﺭ ﺷﻮﯞﯞﯗﻏﺎ ﻣﯩﻠﯩﻨﯩﭗ ﻳﺎﺷﺎﻳﺪﯗ، ﺑﺎﺷﻘﯩﻼﺭ ﺑﯘﻧﻰ ﻛﯚﺭﯛﭖ ﻳﯧﺘﻪﻟﻤﻪﻳﺪﯗ، ﺑﯘﻧﻰ ﭘﻪﻗﻪﺕ ﻣﻪﻧﻼﺑﯩﻠﮕﯩﻨﯩﻤﺪﯨﻦ ﺗﻮﻟﯩﻤﯘ ﺧﯘﺷﺎﻟﻤﻪﻥ.
ﻣﻪﻥ ﺑﯩﺮ ﻗﯧﺘﯩﻢ، ﮔﯜﺯﯨﻠﯩﻤﻨﯩﯔ ﯞﯗﺟﯘﺩﯨﺪﺍ ﺋﯚﺯ ﻛﯜﭺ - ﻗﯘﺭﺩﯨﺘﯩﻤﻨﻰ ﻳﻪﻧﻪ ﺑﯩﺮ ﻛﯚﺭﺳﯩﺘﯩﭗ ﻗﻮﻳﺎﻱﺩﻩﭖ ﺗﻪﻣﺸﻪﻟﮕﯩﻨﯩﻤﺪﻩ، ﺋﯘ:
-   ﺳﯩﺰﮔﻪ ﻛﯚﯕﻠﯜﻣﺪﯨﻜﻰ ﮔﻪﭘﻨﻰ ﻗﯩﻠﻐﯘﻡ ﺑﺎﺭ، -   ﺩﻩﭖ ﻗﺎﻟﺪﻯ.
-   ﻧﯧﻤﻪ ﺋﯩﺶ؟ -   ﻣﻪﻥ ﺗﻪﻗﻪﺯﺯﺍﻟﯩﻖ ﺋﯩﻠﻜﯩﺪﻩ ﻗﯘﻟﯩﻘﯩﻤﻨﻰ ﺩﯨﯔ ﺗﯘﺗﺘﯘﻡ.
-   ﻣﯧﻨﯩﯔ ﺋﯘﻧﺪﺍﻕ ﻗﯩﻠﻐﯘﻡ ﻳﻮﻕ، ﺋﯘﻳﻘﯘﻡ ﻛﯧﻠﯩﭙﻼ ﺗﯘﺭﯨﺪﯗ، -   ﺩﯦﺪﻯ ﺋﯘ ﺭﻭﻫﺴﯩﺰ ﻫﺎﻟﺪﺍ.
ﻣﻪﻥ ﺧﯘﺩﺩﻯ ﺗﺎﻏﺪﻩﻙ ﻳﯜﻙ ﻳﻪﻟﻜﻪﻣﺪﯨﻦ ﻏﯘﻻﭖ ﭼﯜﺷﻜﻪﻧﺪﻩﻙ ﻗﺎﻗﺎﻗﻼﭖ ﻛﯜﻟﯜﭖ ﻛﻪﺗﺘﯩﻢ.
ﺷﯘﻧﺪﺍﻕ ﻗﯩﻠﯩﭗ، ﻣﻪﻥ ﺋﯘﻧﻰ ﺋﯘﺧﻼﯞﺍﺗﻘﺎﻧﺪﺍ ﺋﻮﻳﻐﺎﺗﻤﺎﺳﻠﯩﻘﻘﺎ ﻛﯧﻠﯩﺸﺘﯘﻕ. ﻳﯧﻨﯩﯖﺪﺍ ﺋﯘﻳﻘﯘﻏﺎﻛﻪﺗﻜﻪﻥ ﺑﯩﺮ ﺳﺎﻫﯩﺒﺠﺎﻣﺎﻟﯩﯔ، ﺳﻪﻥ ﺋﯘﻧﻰ ﺳﯚﻳﯩﻤﻪﻥ ﺩﻩﭖ ﺋﻮﻳﻐﯩﺘﯩﯟﯦﺘﯩﺸﻜﻪ ﺑﻮﻟﻤﺎﻳﺪﯗ. ﻣﺎﻧﺎ ﺑﯘ ﺗﯘﺭﻣﯘﺵ، ﺗﯘﺭﻣﯘﺵ ﭼﯚﭼﻪﻙﺋﻪﻣﻪﺱ.

4

ﺑﯩﺰ ﺋﻪﺭ - ﺧﻮﺗﯘﻥ ﺋﯩﻜﻜﯩﻤﯩﺰ ﺑﯩﺮ ﻗﯧﺘﯩﻢ ﺋﯚﺗﯜﺷﯜﭖ ﻗﺎﻟﺪﯗﻕ، ﻣﻪﻥ ﺋﯘﻧﯩﯖﻐﺎ ﻫﻪﺭﻗﺎﻧﭽﻪ ﻣﻪﻳﻠﻰ ﺑﻮﻟﻤﯩﺴﯩﻤﯘ ﺋﯘﻧﯩﯔ ﻫﯧﺴﺴﯩﻴﺎﺗﯩﻨﻰ ﻳﯘﻗﯩﺮﻯ ﭘﻪﻟﻠﯩﮕﻪ ﺋﺎﭼﯩﻘﯩﯟﯦﺘﻪﻟﻪﻳﻤﻪﻥ، ﺩﯦﺪﯨﻢ. ﺋﻪﮔﻪﺭ، ﺋﻪﺭ ﺋﯚﺯﯨﻨﯩﯔ ﻧﯧﻤﯩﻠﻪﺭﻧﻰ ﻗﯩﻠﯩﺸﻰ ﻛﯧﺮﻩﻛﻠﯩﻜﯩﻨﻰ ﺑﯩﻠﺴﻪ، ﺧﻮﺗﯘﻥ ﻛﯩﺸﻰ ﻗﯩﺰﯨﻘﻤﺎﺱ ﺑﻮﻟﯘﭖﻗﺎﻟﻐﺎﻥ ﻫﺎﻟﯩﺘﯩﻨﻰﭼﯚﺭﯛﭖ ﺗﺎﺷﻼﭖ، ﭘﯜﺗﻜﯜﻝ ﯞﯗﺟﯘﺩﻯ ﺷﻪﻫﯟﻩﺕ ﺑﯩﻠﻪﻥ ﺗﻮﻟﯩﺪﯗ. ﺷﯘ ﭼﺎﻏﺪﺍ، ﻧﺎﺗﺎﻟﯩﻴﻪﻧﯩﯔ ﻗﯩﺰﯨﻘﻤﺎﺱ ﺑﻮﻟﯘﭖ ﻗﺎﻟﻐﯩﻨﯩﻤﯘ ﺷﯘ ﻗﻪﺩﻩﺭﺋﺎﺷﻜﺎﺭﺍ ﺑﯩﻠﯩﻨﯩﭗ ﺗﯘﺭﺍﺗﺘﻰ، ﺷﯘﻧﺪﺍﻕ ﺑﻮﻟﻐﺎﭼﻘﺎ ﺋﯘ ﺑﯘﻧﺪﺍﻕ ﺑﯩﭙﻪﺭﯞﺍ، ﺳﻮﻏﯘﻗﻘﺎﻧﻠﯩﻖﺋﺎﻻﻣﻪﺗﻠﯩﺮﯨﻨﯩﯔ ﺋﯘﻧﭽﯩﯟﺍﻻ ﺋﻮﯕﺎﻱ ﻳﻮﻗﯩﻠﯩﭗ ﻛﯧﺘﯩﺸﯩﮕﻪ ﺋﯩﺸﻪﻧﭻ ﻗﯩﻠﯩﭗ ﺑﻮﻻﻟﻤﯩﻐﺎﻧﯩﺪﻯ.
ﻣﻪﻥ ﺋﯘﻧﯩﯖﻐﺎ ﺋﯩﻜﻜﻰ ﺋﯩﺴﺘﺎﻛﺎﻥ ﺷﺎﻣﭙﺎﻥ ﺋﯩﭽﻜﯜﺯﺩﯛﻡ، ﺋﯚﺯﯛﻣﻨﻰ ﻳﯧﺮﯨﻢ ﺳﺎﺋﻪﺕ ﻛﻮﻧﺘﺮﻭﻝ ﻗﯩﻠﯩﭗﺗﯘﺭﺩﯗﻡ، ﻣﯘﺷﯘﻧﭽﯩﯟﺍﻻ ﯞﺍﻗﯩﺖ ﺋﯘﻧﯩﯔ ﺟﯩﻨﺴﯩﻲ ﻫﻪﯞﯨﺴﯩﻨﻰ ﭘﺎﺭﺗﻠﯩﺘﯩﭗ، ﻧﺎﺯ - ﻛﻪﺭﻩﺷﻤﻪ ﻗﯩﻠﻐﯘﺯﯗﺷﻘﺎ، ﺋﯩﯖﺮﺍﺗﻘﯘﺯﯗﺷﻘﺎ ﻳﯧﺘﯩﭗ ﺋﺎﺷﺎﺗﺘﻰ. ﻣﻪﻥ ﺋﯘﻧﯩﯔ ﺋﯚﺯﯨﻨﻰ ﺗﯘﺗﺎﻟﻤﺎﻱ ﻗﺎﻟﻐﺎﻥ ﯞﺍﻗﯩﺘﺘﯩﻜﻰﺋﺎﺷﯘﻧﺪﺍﻕ ﻳﺎﻳﺮﺍﭖ ﺋﻪﺳﻪﺑﯩﻴﻠﻪﺷﻜﻪﻥ ﻫﺎﻟﯩﺘﯩﻨﻰ ﻧﻪ ﻗﻪﺩﻩﺭ ﺳﯚﻳﯩﻤﻪﻥ - ﻫﻪ!
ﺋﯘ، ﺗﺎﺯﯨﻠﯩﻖ ﺋﯚﻳﯩﮕﻪ ﻛﯩﺮﺳﻪ، ﻣﻪﻥ ﺋﯘﻧﯩﯔ ﺋﺎﺭﻗﺴﯩﺪﯨﻦ ﺋﯧﺴﯩﻼﺗﺘﯩﻢ. ﮔﻪﺭﭼﻪ ﺋﯘ ﺩﻩﺳﻠﻪﭖ ﻣﯧﻨﯩﯔﺋﺎﻟﺪﯨﻤﺪﺍ ﺑﯘﻧﺪﺍﻕ ﻗﯩﻠﯩﺸﻨﻰ ﺭﻩﺕ ﻗﯩﻠﺴﯩﻤﯘ، ﻣﻪﻥ ﺋﯘﻧﻰ ﺳﯚﻳﯜﺵ، ﻳﯧﻠﯩﻨﯩﭗ - ﻳﺎﻟﯟﯗﺭﯗﺵﺋﺎﺭﻗﯩﺴﯩﺪﺍ ﻫﻪﻣﺪﻩﺗﻪﺭﯨﺘﻰ ﻗﯩﺴﺘﺎﭖ ﺯﺍﺩﯨﻼ ﺑﻮﻻﻟﻤﺎﻱ ﻗﺎﻟﻐﺎﻧﺪﺍ ﺋﺎﺧﯩﺮ ﺑﻮﻟﻤﺎﻱ ﻣﺎﯕﺎ ﻳﻮﻝ ﻗﻮﻳﺎﺗﺘﻰ.
ﺋﯘﻧﯩﯔ ﻫﯩﺪﻯ ﯞﻩﺋﺎﯞﺍﺯﻯ، ﺋﯘﻧﯩﯔ ﯞﯗﺟﯘﺩﯨﺪﯨﻦ ﻛﯧﻠﯩﺪﯨﻐﺎﻥ ﻫﻪﺭﻗﺎﻧﺪﺍﻕ ﻧﻪﺭﺳﻪ ﻣﯧﻨﯩﯔ ﺟﯩﻨﺴﯩﻲ ﻫﻪﯞﯨﺴﯩﻤﻨﻰ ﻗﻮﺯﻏﺎﻳﺘﺘﻰ. ﻣﻪﻥ ﺩﺍﺋﯩﻢ ﺑﯩﺮ ﺋﯩﻼﻫﻪﻧﯩﯔ ﺋﺎﺩﻩﺗﺘﯩﻜﻰﺑﯩﺮ ﺋﺎﻳﺎﻟﻐﺎ -   ﭼﯜﺷﻪﻛﺘﻪ ﺋﻪﻣﻪﺱ، ﺑﻪﻟﻜﻰ ﺗﺎﺯﯨﻠﯩﻖ ﺋﯚﻳﯩﺪﻩ ﺋﺎﺩﺩﯨﻲ ﺑﯩﺮ ﺋﺎﻳﺎﻟﻐﺎ ﺋﺎﻳﻠﯩﻨﯩﭗﻗﺎﻟﻐﯩﻨﯩﺪﯨﻦ ﻫﻪﺱ - ﻫﻪﻳﺮﺍﻥ ﺑﻮﻻﺗﺘﯩﻢ. ﻛﯚﭘﻠﯩﮕﻪﻥ ﺋﺎﻳﺎﻟﻼﺭ ﺋﯚﺯﯨﻨﻰ ﭼﯜﺷﻪﻛﺘﻪ ﺋﯩﻼﻫﻪﻟﯩﻚ ﻗﯩﻴﺎﭘﻪﺗﻨﻰ ﺳﺎﻗﻼﭖ ﻗﺎﻟﻐﺎﻧﺪﻩﻙ ﻛﯚﺭﺳﯩﺘﯩﺪﯗ، ﺑﯩﺮﺍﻕ ﺗﺎﺯﯨﻠﯩﻖﺋﯚﻳﯩﮕﻪ ﻛﯩﺮﮔﯩﻨﯩﺪﻩ ﺋﯚﺯﯨﻨﯩﯔ ﺳﯧﻬﺮﯨﻲ ﻛﯜﭼﯩﻨﻰ ﻳﻮﻗﯩﺘﯩﺪﯗ، ﻣﻪﻧﻤﯘ ﺯﯨﻴﺎﺩﻩ ﺋﯩﺰﺯﻩﺗﻠﻪﺷﻠﻪﺭﺩﯨﻦ ﺋﺎﻳﺮﯨﻠﯩﭗ ﻗﺎﻟﺪﯨﻢ، ﻣﺎﻧﺎ ﺑﯘﻣﯧﻨﯩﯔ ﻫﻪﻣﯩﺸﻪﺋﺎﻳﺎﻟﻼﺭﻧﻰ ﺗﯩﻠﻠﯩﺸﯩﻤﺪﯨﻜﻰ ﺳﻪﯞﻩﺏ.
ﮔﯜﺯﻩﻟﻠﯩﻜﻨﯩﯔ ﻗﯘﺩﺭﯨﺘﻰ ﻳﯘﻗﯩﺮﻯ ﺗﻪﺑﯩﻘﻪ ﺟﻪﻣﺌﯩﻴﯩﺘﯩﺪﻩ ﻣﯘﻗﻪﺩﺩﻩﺱ ﺧﯩﻴﺎﻟﯩﻲ ﺗﯘﻳﻐﯘ ﺑﻪﺧﺶﺋﯧﺘﯩﺪﯗ، ﺋﻪﮔﻪﺭ ﺋﯘ ﻫﯧﭽﻨﻪﺭﺳﯩﻨﯩﯔ ﺩﻩﺧﻠﻰ - ﺗﻪﺭﯗﺯﯨﻐﺎ ﺋﯘﭼﺮﯨﻤﺎﻳﺪﯨﻐﺎﻥ ﻧﯘﺭ ﺑﻮﻟﯘﭖ ﭼﯧﭽﯩﻠﺴﺎ، ﻧﻪﻗﻪﺩﻩﺭ ﻳﺎﺧﺸﻰﺑﻮﻟﻐﺎﻥ ﺑﻮﻻﺗﺘﻰ - ﻫﻪ! ﺋﯧﻬ، ﺋﯘﻟﯘﻍ، ﻣﻪﭘﺘﯘﻧﻜﺎﺭ ﺋﻪﻗﯩﻞ! ﻳﯧﻘﯩﻨﻠﯩﺸﯩﺶ ﺑﻪﺳﻰ ﻣﯜﺷﻜﯜﻝ ﺑﻮﻟﻐﺎﻥ ﮔﯜﺯﻩﻟﮕﻪ ﻗﺎﺭﺍﭖ، ﺳﻪﻥ ﺋﯘﻧﯩﯔﭼﺎﺗﯩﺮﯨﻘﯩﻨﯩﯔ ﺋﻮﺗﺘﯘﺭﯨﺴﯩﺪﺍ ﻧﯧﻤﻪ ﺑﺎﺭﻟﯩﻘﯩﻨﻰ ﻫﻪﻣﺪﻩ ﻧﺎﺗﺎﻟﯩﻴﻪﻧﯩﯔ ﻧﯧﻤﻪ ﯞﻩﺟﯩﺪﯨﻦ ﺑﻪﺯﻣﯩﺨﺎﻧﯩﺪﯨﻦ ﺋﺎﻳﺮﯨﻠﯩﭗ ﺋﯘﻳﻪﺭﮔﻪ ﺑﺎﺭﻏﯩﻨﯩﻨﻰ ﺑﯩﻠﯩﺸﯩﯔ ﻛﯧﺮﻩﻙ.
ﻣﻪﻥ ﺋﺎﻟﺘﻪ ﻳﺎﺷﻼﺭﻏﺎ ﻛﯩﺮﮔﯩﻨﯩﻤﺪﻩ، ﻛﯩﺘﺎﺑﺘﯩﻦ ﺑﯩﺮ ﺋﯩﻼﻫﻪﻧﯩﯔ ﻳﺎﻟﯩﯖﺎﭺ ﺭﻩﺳﯩﻤﻠﯩﺮﯨﻨﻰ ﻛﯚﺭﯛﭖ ﻗﺎﻟﻐﺎﻧﯩﺪﯨﻢ. ﻣﻪﻥ ﺋﯘﻧﯩﯔ ﻣﻪﻫﻜﻪﻡﻗﯩﺴﯩﯟﯦﻠﯩﻨﻐﺎﻥ ﺑﯩﺮ ﺟﯜﭖ ﻳﻮﺗﯩﺴﯩﻐﺎ، ﻫﻪﻗﯩﻘﯩﻲ ﺗﯩﺮﯨﻚ ﺑﯩﺮ ﺋﯩﻼﻫﻪﺩﻩﻙ ﺳﯩﺰﯨﻠﻐﺎﻥ ﺳﺎﻏﺮﯨﻠﯩﺮﯨﻐﺎ ﻗﺎﺭﺍﭖ ﺟﺎﻻﻗﻼﭖ ﺗﯩﺘﺮﻩﭖ ﻛﻪﺗﻜﻪﻧﯩﺪﯨﻢ. ﭼﻪﻛﺴﯩﺰ ﻟﻪﺯﺯﻩﺗﺘﯩﻦﺋﻪﺱ - ﻫﻮﺷﯘﻣﻨﻰﻳﻮﻗﯩﺘﯩﭙﻼ ﻗﻮﻳﻐﺎﻧﯩﺪﯨﻢ. ﺑﯩﺮﺍﻕ ﺷﯘﻧﯩﯔ ﺑﯩﻠﻪﻥ ﺑﯩﺮﮔﻪ ﺷﯘ ﭼﺎﻏﺪﺍ ﻣﻪﻥ ﺋﯚﺯﯛﻣﻨﯩﯔ ﻗﻪﻟﺒﯩﮕﻪ ﺋﺎﻻﻫﯩﺪﻩ ﺑﯩﺮ ﺧﯩﻞﻧﻪﺭﺳﯩﻨﯩﯔ ﻳﻮﺷﯘﺭﯗﻥ ﻫﺎﻟﺪﺍ ﺋﻮﺭﻧﯩﺸﯩﭗ ﻛﻪﺗﻜﯩﻨﯩﻨﻰ ﻫﯧﺲ ﻗﯩﻠﯩﭗ ﻳﻪﺗﺘﯩﻢ. ﺋﻮﻟﯩﻴﺎﻧﯩﯔ(10) ﺋﻪﯞﺭﯨﺸﯩﻢ ﺑﻮﻳﻠﯩﺮﻯ ﺗﻮﻟﻐﺎﻥ ﺋﺎﻳﺎﻟﻼﺭﻧﯩﯔ ﺳﯩﺮﻟﯩﻖﺗﯧﻨﯩﮕﻪ ﺑﻮﻟﻐﺎﻥ ﺗﻪﺳﻪﯞﯞﯗﺭﯗﻣﻐﺎ ﻣﺎﺱ ﻛﻪﻟﻤﻪﻳﺘﺘﻰ، ﮔﻪﺭﭼﻪ ﺋﯘ ﻣﻪﻥ ﻛﯚﺭﯛﭖ ﺑﺎﻗﺎﻱ ﺩﯦﺴﻪﻣﻼﻳﻪﺭﻟﯩﻚ ﺋﻮﺭﻧﯩﻨﻰ ﺋﻮﭼﯘﻕ ﻛﯚﺭﺳﯩﺘﯩﭗ ﻗﻮﻳﯩﺪﯨﻐﺎﻥ ﺑﻮﻟﺴﯩﻤﯘ. ﻣﻪﻥ ﺗﯘﻧﺠﻰ ﻗﯧﺘﯩﻢ ﺋﺎﻳﺎﻟﻼﺭﻧﯩﯔ ﺑﯩﺮﺟﯜﭖ ﻳﻮﺗﯩﺴﯩﻨﻰ ﻛﯚﺯ ﺋﺎﻟﺪﯨﻤﺪﺍ ﺋﺎﭼﻘﯩﻨﯩﻨﻰ ﻛﯚﺭﮔﯩﻨﯩﻤﺪﻩ، ﺷﺎﻣﺪﺍﻧﻨﻰ ﺋﯧﮕﯩﺰ ﻛﯚﺗﯜﺭﯛﭖ ﺋﯘﻧﻰﻗﺎﺭﺍﯕﻐﯘﻟﯘﻗﻘﺎ ﺋﻮﺭﯨﻐﺎﻧﯩﺪﯨﻢ. ﺷﯘﻧﺪﺍﻕ ﻗﯩﻠﯩﭗ ﻣﻪﻥ «ﻫﻪﻗﯩﻘﻪﺕ»ﻧﯩﯔ ﻳﯜﺯﯨﻨﻰ ﻛﯚﺭﮔﻪﻥ ﺷﯘ ﻣﯩﻨﯘﺗﺘﺎ ﺋﯚﺯ ﺗﻪﻗﺪﯨﺮﯨﻤﻨﯩﯔﻗﺎﻧﺪﺍﻕ ﺑﻮﻟﯩﺪﯨﻐﯩﻨﯩﻨﻰ ﻫﯧﺲ ﻗﯩﻠﯩﭗ ﻳﻪﺗﻜﻪﻥ -   ﺋﺎﻳﺎﻟﻼﺭﻧﯩﯔ ﺋﯩﻼﻫﯩﻠﯩﻘﯩﻨﻰ ﻛﯜﺗﯩﺪﯨﻐﯩﻨﯩﻤﻨﻰ، ﺋﯘﻻﺭ ﺑﻪﺧﺶ ﺋﻪﺗﻜﻪﻥ ﻟﻪﺯﺯﻩﺗﻨﻰﻛﯜﻳﻠﻪﻳﺪﯨﻐﯩﻨﯩﻤﻨﻰ ﭼﯜﺷﻪﻧﮕﻪﻧﯩﺪﯨﻢ. ﻫﻪﺭ ﺑﯩﺮ ﺋﺎﻳﺎﻟﻨﻰ ﺋﻪﺳﻠﯩﺪﻩ ﺑﯩﺮ ﺋﯩﻼﻫﻪ ﺩﻩﭖ ﻗﺎﺭﺍﺷﻘﺎ ﺑﻮﻟﯩﺪﯗ، ﺋﯘﻧﯩﯔ ﺑﯩﺮﺩﯨﻨﺒﯩﺮ ﺳﻪﯞﻩﺑﻰ، ﻫﻪﻗﯩﻘﯩﻲ ﺋﯩﻼﻫﻪ ﻫﻪﺭ ﺑﯩﺮﺋﺎﻳﺎﻟﻨﯩﯔ ﯞﯗﺟﯘﺩﯨﺪﺍ ﺑﻮﻟﻐﺎﻧﻠﯩﻘﯩﺪﺍ.

5

ﺑﻮﻳﺘﺎﻕ ﯞﺍﻗﯩﺘﻠﯩﺮﯨﻤﺪﺍ، ﻫﯧﭽﻘﺎﻧﺪﺍﻕ ﻣﻪﺳﺌﯘﻟﯩﻴﻪﺕ ﻫﯧﺲ ﻗﯩﻠﻤﺎﻳﺘﺘﯩﻢ. ﺑﯩﺮﺍﻕ ﺑﻪﺧﺘﻜﻪ ﺑﻮﻟﻐﺎﻥ ﻛﯜﭼﻠﯜﻙ ﺋﯩﻨﺘﯩﻠﯩﺶ ﻗﺎﺑﺎﻫﻪﺗﻠﯩﻚ ﭼﯜﺵﺋﯩﻠﻜﯩﺪﻩ ﻣﯧﻨﻰ ﺗﯩﭙﯩﺮﻻﺗﻘﯘﺯﺍﺗﺘﻰ. ﻣﻪﻥ ﺑﯘﻧﯩﯔ ﺋﯜﭼﯜﻥ ﭘﯩﻐﺎﻥ ﭼﯧﻜﻪﺗﺘﯩﻢ. ﻣﻪﻥ ﺑﻪﺭﻧﺎ، ﻗﻪﻟﺒﻰﭘﺎﻙ ﺑﯩﺮ ﻗﯩﺰ ﺑﯩﻠﻪﻥ ﺗﻮﻱ ﻗﯩﻠﯩﺶ ﻣﺎﯕﺎ ﺗﯩﻨﭻ - ﺧﺎﺗﯩﺮﺟﻪﻣﻠﯩﻚ ﯞﻩ ﺋﻪﺭﻛﯩﻨﻠﯩﻚ ﺋﯧﻠﯩﭗ ﻛﯧﻠﯩﺪﯗ، ﻣﺎﻧﺎ ﺑﯘﻧﯩﯔ ﺋﯚﺯﻯ ﻫﻪﻗﯩﻘﯩﻲ ﺑﻪﺧﺖ ﺩﻩﭖ ﺋﻮﻳﻠﯩﻐﺎﻧﯩﻜﻪﻧﻤﻪﻥ. ﻳﺎ ﻫﻪﺯﺭﻩﺕ، ﺗﯘﺭﻣﯘﺷﻨﯩﯔ ﺳﺎﯕﺎ ﺋﺎﺗﺎ ﻗﯩﻠﯩﺪﯨﻐﯩﻨﻰ ﻳﺎ ﺗﯩﻨﭻ - ﺧﺎﺗﯩﺮﺟﻪﻣﻠﯩﻚ، ﻳﺎ ﺋﻪﺭﻛﯩﻨﻠﯩﻚ ﺑﻮﻟﯩﺪﯨﻜﻪﻥ، ﺋﯘﻧﯩﯔ ﻫﻪﺭ ﺋﯩﻜﻜﯩﻠﯩﺴﻰ ﺑﯩﺮﻻ ﯞﺍﻗﯩﺘﺘﺎ ﻧﯧﺴﯩﭗ ﺑﻮﻟﻤﺎﻳﺪﯨﻜﻪﻥ. ﺗﯩﻨﭻ - ﺧﺎﺗﯩﺮﺟﻪﻣﻠﯩﻚ ﺋﯩﺘﺎﺋﻪﺗﻤﻪﻧﻠﯩﻚ ﺑﯩﻠﻪﻥ ﮔﻪﭖ ﺋﺎﯕﻼﺷﺘﯩﻦ ﻛﯧﻠﯩﺪﯨﻜﻪﻥ، ﻫﺎﻟﺒﯘﻛﻰ ﺑﯘﻧﺪﺍﻕﺗﯩﻨﭻ - ﺧﺎﺗﯩﺮﺟﻪﻣﻠﯩﻜﺘﻪ ﺋﻪﺭﻛﯩﻨﻠﯩﻚ ﻣﻪﯞﺟﯘﺕ ﺑﻮﻟﻤﺎﻳﺪﯨﻜﻪﻥ. ﺋﻪﺭﻛﯩﻨﻠﯩﻚ ﻣﯧﻨﻰ ﺑﺎﺵ - ﺋﺎﺧﯩﺮﻯﻳﻮﻕ ﺑﺎﻻﻏﺎ ﺋﯩﺘﺘﯩﺮﯨﺪﯗ، ﺋﯘﻧﺪﺍ ﺗﯩﻨﭻ - ﺧﺎﺗﯩﺮﺟﻪﻣﻠﯩﻜﺘﯩﻦ ﻗﯩﻠﭽﯩﻤﯘ ﺋﻪﺳﻪﺭ ﻳﻮﻕ.
ﻣﻪﻥ ﻫﯧﺲﻗﯩﻠﯩﭗ ﻳﻪﺗﻜﻪﻥ ﭼﯜﺷﻪﻧﭽﯩﻠﻪﺭﺩﯨﻦ ﺑﺎﺷﻘﺎ ﻳﻪﻧﻪ ﺗﻮﻱ ﺋﯩﺸﯩﻤﻐﺎ ﺑﻮﻟﻐﺎﻥ ﺋﺎﻟﺪﯨﻦ ﻫﯧﺲ ﻗﯩﻠﯩﺶ ﻣﯧﻨﯩﯔﻗﻪﻟﺒﯩﻤﻨﻰ ﺋﯚﺭﺗﻪﻳﺘﺘﻰ، ﻫﻪﺭ ﻗﯧﺘﯩﻢ ﺑﯩﺮﻩﺭ ﺳﺎﻫﯩﺒﺠﺎﻣﺎﻝ ﻗﯩﺰﻧﻰ ﺋﯘﭼﺮﺍﺗﻘﯩﻨﯩﻤﺪﺍ، ﻳﯜﺭﻩﻛﻠﯩﺮﯨﻤﺪﻩ ﺋﻮﺕ ﻛﯚﻳﻪﺗﺘﻰ. ﺷﯜﺑﻬﯩﺴﺰﻛﻰ، ﻣﻪﻥﭘﻪﻗﻪﺕ ﺑﺎﺷﻘﯩﻼﺭﻧﯩﯔ ﺋﺎﻟﺪﯨﺪﺍ ﺑﺎﺵ ﻛﯚﺗﯜﺭﯛﭖ ﻳﯜﺭﻩﻟﯩﺴﻪﻣﻼ ﺋﯘﻻﺭ ﺋﺎﺭﯨﺴﯩﺪﯨﻜﻰ ﻫﻪﺭﻗﺎﻧﺪﺍﻕ ﺑﯩﺮﺳﻰﺑﯩﻠﻪﻥ ﺗﻮﻱ ﻗﯩﻠﯩﺸﻘﺎ ﺗﻪﻳﻴﺎﺭ ﺋﯩﺪﯨﻢ. ﺋﻮﺭﯦﻨﻨﯧﻨﺎ(11) ﯞﻩ ﺳﻮﭘﯩﻴﻪ(12) ﻫﯧﭽﻘﺎﻳﺴﯩﺴﻰﺋﯚﺯﻟﯩﺮﯨﻨﯩﯔ ﻣﻪﻧﺪﻩﻙ ﺑﯩﺮ ﺋﻪﺳﻪﺑﯩﻲ ﺋﯧﺮﯨﻨﯩﯔ ﺑﻮﻟﯘﺷﯩﻨﻰ ﺋﺎﺭﺯﯗ ﻗﯩﻠﻤﺎﻳﺪﯗ. ﻧﺎﺗﺎﻟﯩﻴﻪﮔﻪ ﺑﻮﻟﺴﺎﺑﺎﺷﻘﺎ ﺗﺎﻟﻼﺵ ﻳﻮﻟﯩﻤﯘ ﻳﻮﻕ، ﺧﯘﺩﺍ ﻣﺎﯕﺎ ﺷﯘﻧﺪﺍﻕ ﺑﯩﺮ ﻗﯩﺴﻤﻪﺗﻨﻰ ﭘﯜﺗﻜﻪﻧﯩﻜﻪﻥ.

6

ﻣﻪﻥ ﺋﯚﺯ - ﺋﯚﺯﯛﻣﻨﻰ ﺧﯧﻠﻰ ﺗﯘﺗﯘﯞﯦﻠﯩﭗ ﺗﻮﻱ ﻗﯩﻠﻐﺎﻧﻠﯩﻘﯩﻤﻐﺎ ﺋﯩﺸﻪﻧﺪﯛﺭﯛﺷﻜﻪ ﺗﯩﺮﯨﺸﺎﺗﺘﯩﻢ، ﻣﯧﻨﯩﯔﺗﻪﺟﺮﯨﺒﯩﻠﯩﺮﯨﻢ ﻣﯧﻨﻰ ﺋﺎﺭﺗﯘﻗﭽﻪ ﺋﯩﺴﺘﻪﻙ ﯞﻩ ﺳﺎﺩﺩﯨﻼﺭﭼﻪ ﺧﯩﻴﺎﻟﻼﺭ ﻗﻮﻳﻨﯩﺪﯨﻦ ﺗﺎﺭﺗﯩﭗ ﭼﯩﻘﺎﺭﺩﻯ. ﺑﯩﺮﺍﻕ ﻣﻪﻥ ﺗﻮﻱ ﻗﯩﻠﯩﺸﻘﺎ ﺋﯜﻣﯩﺪﺳﯩﺰ ﻗﺎﺭﺍﻳﺘﺘﯩﻢ. ﻫﯧﺴﺴﯩﻴﺎﺗﻨﻰ ﭼﯜﺷﻪﻧﮕﯩﻠﻰ ﺑﻮﻟﻤﺎﻳﺪﯨﻜﻪﻥ، ﺳﻪﻥ ﺋﯘﻧﻰ ﺧﺎﺗﺎﺳﯩﺰ ﻫﺎﻟﺪﺍ ﺳﯧﺰﯨﭗﻳﯧﺘﯩﺸﯩﯔ ﻛﯧﺮﻩﻙ ﺋﯩﻜﻪﻥ، ﭼﯜﻧﻜﻰ ﭘﻪﻗﻪﺕ ﻫﯧﺲ - ﺗﯘﻳﻐﯘﻻ ﻳﯜﺭﻩﻛﻜﻪ ﻳﯧﺘﯩﭗ ﺑﺎﺭﺍﻻﻳﺪﯨﻜﻪﻥ، ﭘﻪﻗﻪﺕ ﻳﯜﺭﻩﻛﻼ ﺋﺎﺩﻩﻣﻨﯩﯔ ﺋﯩﺪﯨﻴﯩﺴﯩﻨﻰﻣﻮﻟﻼﺷﺘﯘﺭﺍﻻﻳﺪﯨﻜﻪﻥ. ﻣﯧﻨﯩﯔ ﺑﺎﺭﻟﯩﻖ ﺗﻪﺟﺮﯨﺒﯩﻠﯩﺮﯨﻢ ﺋﻪﺭﻟﯩﻚ ﺗﻪﺟﺮﯨﺒﯩﺴﻰ ﺑﻮﻟﻤﺎﺳﺘﯩﻦ، ﺋﺎﺷﻨﯩﺪﺍﺭﭼﯩﻠﯩﻖ ﺗﻪﺟﺮﯨﺒﯩﺴﻰ.
ﻣﻪﻥ ﻧﺎﺗﺎﻟﯩﻴﻪﮔﻪ ﺑﻮﻟﻐﺎﻥ ﻗﯩﺰﻏﯩﻦ ﻫﯧﺴﺴﯩﻴﺎﺗﯩﻤﻨﻰ ﻫﻪﺗﺘﺎ ﺋﯩﻜﻜﻰ ﺋﺎﻳﻐﯩﭽﯩﻤﯘ ﺩﺍﯞﺍﻣﻼﺷﺘﯘﺭﺍﻟﻤﯩﺪﯨﻢ. ﻣﻪﻥ ﺋﯚﺯﯛﻣﺪﻩ ﺋﯘﻧﺪﺍﻕ ﻫﯧﺴﺴﯩﻴﺎﺗﻨﯩﯔﺋﺎﻟﻠﯩﻘﺎﭼﺎﻥ ﺗﯜﮔﯩﮕﻪﻧﻠﯩﻜﯩﻨﻰ ﻫﯧﺲ ﻗﯩﻼﺗﺘﯩﻢ، ﻫﺎﻟﺒﯘﻛﻰ، ﺑﯘ ﺋﻪﻣﻪﻟﯩﻴﻪﺗﻨﻰ ﭼﯜﺷﯩﻨﯩﭗ ﻳﯧﺘﯩﺸﯩﻢ ﻣﺎﯕﺎ ﻗﺎﺗﺘﯩﻖ ﺯﻩﺭﺑﻪ ﺑﻮﻟﺪﻯ. ﺳﻪﯞﻩﺑﻰ، ﺑﯘﺋﻪﻣﻪﻟﯩﻴﻪﺕ ﺑﯩﺮﯨﻨﭽﻰ ﺑﻮﻟﯘﭖ ﻣﯧﻨﯩﯔ ﺧﻮﺗﯘﻧﯘﻡ ﺑﯩﻠﻪﻥ ﻣﯘﻧﺎﺳﯩﯟﻩﺗﻠﯩﻚ ﺋﯩﺪﻯ.
ﺗﻮﻱ ﻗﯩﻠﯩﭗ ﺋﺎﺭﯨﺪﯨﻦ ﺑﯩﺮ ﺋﺎﻱ ﺋﯚﺗﻪ - ﺋﯚﺗﻤﻪﻳﻼ ﺋﯘﻧﯩﯔ ﻛﯚﺯ ﺋﺎﻟﺪﯨﻤﺪﯨﻼ ﻛﯩﻴﯩﻤﻠﯩﺮﯨﻨﻰﺳﯧﻠﯩﺸﻠﯩﺮﯨﻤﯘ ﻣﯧﻨﯩﯔ ﺋﻪﺳﻪﺑﻠﯩﺮﯨﻤﻨﻰ ﺗﺎﻗﻪﺗﺴﯩﺰﻟﯩﻚ ﺋﯩﻠﻜﯩﺪﻩ ﻟﻪﺭﺯﯨﮕﻪ ﺳﺎﻻﻟﻤﺎﺱ ﺑﻮﻟﯘﭖﻗﺎﻟﻐﺎﻧﯩﺪﻯ. ﺋﯩﻜﻜﻰ ﺋﺎﻳﺪﯨﻦ ﻛﯧﻴﯩﻦ ﺋﺎﺷﻨﺎﻣﻨﯩﯔ ﺋﻮﺭﻧﯩﺪﯨﻜﻰ ﺋﺎﺷﯘ ﺋﺎﻳﺎﻟﯩﻤﻨﯩﯔ ﺟﯩﻤﻰ ﻫﻪﺭﯨﻜﻪﺗﻠﯩﺮﻯ ﺑﻪﺵﻗﻮﻟﺪﻩﻙ ﺗﻮﻧﯘﺷﻠﯘﻕ ﺑﻮﻟﯘﭖ ﻛﻪﺗﺘﻰ: ﻣﻪﻥ ﺋﯩﺸﺘﯩﻦ ﺋﺎﯞﯞﺍﻝ ﺋﯘﻧﯩﯔ ﻗﺎﻧﺪﺍﻕ ﻫﻪﺭﯨﻜﻪﺕ - ﻗﯩﻠﯩﻘﻼﺭ، ﻗﺎﻧﺪﺍﻕ ﻧﺎﺯ - ﻛﻪﺭﻩﺷﻤﯩﻠﻪﺭﻧﻰ ﻗﯩﻠﯩﺪﯨﻐﯩﻨﯩﻨﻰ، ﺋﯘﻧﯩﯔ ﺟﯩﺴﻤﯩﻤﻐﺎ ﻗﺎﻧﺪﺍﻗﺴﯩﮕﻪﭼﯩﯖﯖﯩﺪﻩ ﻳﯧﭙﯩﺸﯩﺪﯨﻐﯩﻨﯩﻨﻰ، ﺗﻮﻟﯘﻕ ﺭﺍﺯﻯ ﺑﻮﻟﻐﯩﻨﯩﺪﯨﻦ ﻗﺎﻧﺪﺍﻕ ﭼﻮﯕﻘﯘﺭ ﺑﯩﺮ ﺋﯘﻫ ﺩﻩﻳﺪﯨﻐﯩﻨﯩﻨﻰﺑﯩﻠﻪﺗﺘﯩﻢ. ﺋﻪﻣﺪﻯ ﺋﯘ ﻫﻪﺭﻗﺎﻧﭽﻪ ﻗﯩﻠﺴﯩﻤﯘ ﺑﯘﻧﺪﺍﻕ ﻫﻪﺭﯨﻜﻪﺗﻠﯩﺮﻯ ﺑﯩﻠﻪﻥ ﻣﯧﻨﻰ ﺋﯚﺯﯨﮕﻪ ﺗﺎﺭﺗﺎﻟﻤﺎﻳﺘﺘﻰ.
ﺋﯘﻧﯩﯔ ﺗﯧﻨﯩﺪﯨﻦ ﺗﺎﺭﻗﯩﻠﯩﺪﯨﻐﺎﻥ ﻫﻪﺭ ﺧﯩﻞ ﭘﯘﺭﺍﻗﻼﺭ ﺋﻪﻣﺪﯨﻠﯩﻜﺘﻪ ﺋﯚﺯ ﺗﯧﻨﯩﻤﺪﯨﻦ ﺗﺎﺭﻗﯩﻠﯩﯟﺍﺗﻘﺎﻥ ﭘﯘﺭﺍﻗﺘﻪﻙ ﻣﯧﻨﻰﺋﺎﯞﯞﺍﻟﻘﯩﺪﻩﻙ ﺋﯘﻧﯩﯖﻐﺎ ﺋﯚﺯﯛﻣﻨﻰ ﺋﯧﺘﯩﺸﯩﻤﻐﺎ -   ﺋﯘﻧﯩﯖﻐﺎ ﻧﻪﺯﻩﺭ ﺋﺎﻏﺪﯗﺭﯗﺷﯘﻣﻐﺎ ﻗﯩﺰﯨﻘﺘﯘﺭﺍﻟﻤﺎﺱ ﺑﻮﻟﯘﭖﻗﺎﻟﻐﺎﻧﯩﺪﻯ. ﮔﯧﺮﻣﺎﻧﯩﻴﯩﻨﯩﯔ ﺋﯧﺮﯨﻤﭽﯩﻜﯩﻨﯩﯔ ﭘﯘﺭﯨﻘﯩﻤﯘ ﻣﯧﻨﻰ ﺋﯘﻧﯩﯖﺪﯨﻦ ﻳﺎﺧﺸﯩﺮﺍﻕ ﻫﺎﻳﺎﺟﺎﻧﻐﺎﺳﺎﻻﻻﻳﺘﺘﻰ. ﭼﯜﻧﻜﻰ ﺋﯘﭘﯘﺭﺍﻕ ﺑﺎﺷﻘﺎ ﺋﺎﻳﺎﻟﻼﺭﻧﻰ ﺋﯧﺴﯩﻤﮕﻪ ﺳﺎﻻﺗﺘﻰ.

7
ﻣﻪﻥ ﻧﺎﺗﺎﻟﯩﻴﻪﻧﻰ ﺋﯚﺯ ﺋﺎﺭﺯﯗﻳﯘﻡ ﺑﻮﻳﯩﭽﻪ ﺳﯜﺭﻩﺗﻠﻪﭖ ﺑﯧﺮﻩﻟﻪﻳﻤﻪﻥ، ﺩﻩﭖ ﺋﻮﻳﻼﻳﺘﺘﯩﻢ، ﺋﻪﻣﻪﻟﯩﻴﻪﺗﺘﻪ ﺧﺎﺗﺎ ﺋﻮﻳﻠﯩﻐﺎﻧﯩﻜﻪﻧﻤﻪﻥ. ﺷﯘﻧﺪﺍﻕ، ﺗﺎﻻﻧﺘﻨﻰ ﺋﯚﮔﯩﻨﯩﯟﺍﻟﻐﯩﻠﻰ ﺑﻮﻟﯩﺪﯨﻐﺎﻥ ﻧﻪﺭﺳﻪﺋﻪﻣﻪﺱ، ﺗﺎﻻﻧﺖ ﺗﯘﻏﻤﺎ ﺑﻮﻟﯩﺪﯗ. ﺧﯘﺩﺩﻯ ﺷﯘﻧﯩﯖﺪﻩﻙ، ﻣﯘﻫﻪﺑﺒﻪﺗﻤﯘ ﺗﯘﻏﻤﺎ ﺑﻮﻟﯩﺪﯗ، ﻫﺎﻟﺒﯘﻛﻰ، ﻧﺎﺗﺎﻟﯩﻴﻪ ﻧﺎﺯﯗ - ﻛﻪﺭﻩﺷﻤﯩﮕﻪ ﺗﯘﻏﻤﺎ ﺋﯘﺳﺘﺎ ﻗﯩﺰ. ﺋﯩﺸﻘﯩﻠﯩﭗ، ﻣﯧﻨﯩﯔ ﺋﺎﻻﻫﯩﺪﻩ ﺩﻩﯞﺍﺗﻘﯩﻨﯩﻢ، ﺋﯘﻧﯩﯔ ﺷﻪﻫﯟﺍﻧﯩﻴﻠﯩﻘﯩﻨﯩﯔ ﻛﯜﭼﻠﯜﻛﻠﯩﻜﻰ ﺋﯩﺪﻯ. ﻣﯘﻫﻪﺑﺒﻪﺗﻨﯩﯔ ﻛﯩﺸﻰ ﻗﻪﻟﺒﯩﻨﻰ ﻟﻪﺭﺯﯨﮕﻪ ﺳﺎﻟﯩﺪﯨﻐﺎﻥ ﻛﯜﭺ - ﻗﯘﺩﺭﯨﺘﯩﻨﻰ ﻫﯧﺲ ﻗﯩﻠﯩﭗﻳﯧﺘﯩﺶ، ﻫﻪﺭﮔﯩﺰﻣﯘﻣﯘﻫﻪﺑﺒﻪﺗﻨﯩﯔﺗﯘﻏﻤﺎ ﻗﺎﺑﯩﻠﯩﻴﯩﺘﻰ ﺩﯦﻴﯩﺸﻜﻪ ﺑﻮﻟﻤﺎﻳﺪﯗ. ﻣﯘﻫﻪﺑﺒﻪﺗﻨﯩﯔ ﺗﯘﻏﻤﺎ ﻗﺎﺑﯩﻠﯩﻴﯩﺘﻰ، ﺑﯩﺮ ﺧﯩﻞ ﻛﯜﭼﻠﯜﻙ، ﺋﻮﯕﺎﻳﻼﺋﻮﻳﻐﺎﺗﻘﯩﻠﻰ ﺑﻮﻟﯩﺪﯨﻐﺎﻥ ﺋﺎﺭﺯﯗ - ﺋﯩﺴﺘﻪﻛﻠﻪﺭﺩﻩ ﻫﻪﻣﺪﻩ ﻗﯘﺳﯘﺭ ﺋﯩﺰﺩﻩﺵ ﯞﻩ ﻧﻮﻣﯘﺱ ﻗﯩﻠﯩﺸﻼﺭﻧﯩﯔ ﺗﺎﻣﺎﻣﻪﻥ ﻳﻮﻗﯩﻠﯩﺸﯩﺪﺍﺋﺎﻳﺎﻥ ﺑﻮﻟﯩﺪﯗ. ﻣﯘﻫﻪﺑﺒﻪﺗﻜﻪ ﺗﯘﻏﻤﺎ ﺳﺎﺩﯨﻖ ﻗﯩﺰ ﻣﯘﻫﻪﺑﺒﻪﺗﻨﯩﯔ ﻗﯘﻟﯩﻐﺎ ﺋﺎﻳﻠﯩﻨﯩﭗ ﻗﺎﻟﯩﺪﯗ. ﺋﯘﻻﺭ ﺋﺎﺷﻨﯩﺪﺍﺭﭼﯩﻠﯩﻘﻘﺎ ﻗﺎﻟﺘﯩﺲ ﻳﺎﺭﺍﻳﺪﯗ، ﺋﻪﻣﻤﺎ ﺧﻮﺗﯘﻧﻠﯘﻗﻘﺎ ﺑﻮﻟﺴﺎ ﺗﻮﻟﯩﻤﯘ ﻗﻮﺭﻗﯘﻧﭽﻠﯘﻕ ﺋﺎﻳﺎﻝ ﺑﻮﻟﯘﭖ ﻗﺎﻟﯩﺪﯗ. ﻧﻪﺗﯩﺠﯩﺪﻩ، ﺳﯩﺰﻧﯩﯔﻗﺎﻟﺘﯩﺲ ﺋﺎﺷﻨﺎ ﺑﯩﻠﻪﻥ ﻗﺎﻟﺘﯩﺲ ﺋﺎﻳﺎﻝ ﺋﻮﺗﺘﯘﺭﯨﺴﯩﺪﺍ ﺑﯩﺮﻧﻰ ﺗﺎﻟﻠﯩﺸﯩﯖﯩﺰﻏﺎ ﺗﻮﻏﺮﺍ ﻛﯧﻠﯩﺪﯗ. ﻣﯧﻨﯩﯔ ﻧﯩﻜﺎﻫﯩﻢ ﻧﺎﻫﺎﻳﯩﺘﻰ ﻳﺎﺧﺸﻰﻧﯩﻜﺎﻫ ﺑﻮﻟﺪﯨﻜﻰ، ﻣﻪﻥ ﻣﯘﻫﻪﺑﺒﻪﺗﻜﻪ ﺑﺎﻱ ﯞﻩ ﺳﺎﺩﯨﻖ ﺑﯩﺮ ﺧﻮﺗﯘﻧﻐﺎ ﺋﯧﺮﯨﺸﻜﻪﻥ ﺗﻪﻗﺪﯨﺮﺩﯨﻤﯘ، ﺑﺎﺷﻘﯩﭽﻪ ﻗﯩﻠﯩﭗﺋﯧﻴﺘﻘﺎﻧﺪﺍ، ﺑﯘﺯﯗﻕ ﺧﻮﺗﯘﻧﻐﺎ ﺋﯘﭼﺮﺍﭖ ﻗﺎﻟﻐﺎﻥ ﻫﺎﻟﻪﺗﺘﯩﻤﯘ، ﻣﯧﻨﯩﯔ ﺋﺎﻳﺎﻟﯩﻢ ﺳﺎﻧﺎﻟﻐﺎﻥ ﺋﺎﺷﯘ ﺧﻮﺗﯘﻧﻨﯩﯔ ﺋﺎﻳﺎﻟﻠﯩﻖﺗﻪﺭﯨﭙﯩﻨﻰ ﻫﻪﺭﮔﯩﺰﺗﻮﻟﺪﯗﺭﯗﭖ ﻛﯧﺘﻪﻟﻤﯩﮕﻪﻥ ﺑﻮﻻﺗﺘﻰ. ﺋﻪﻣﻤﺎ ﺗﯘﻏﻤﺎ ﻳﺎﺭﺍﻣﻠﯩﻖ ﺋﺎﺷﻨﺎ ﺗﯧﭙﯩﺶ ﺋﯘﻧﭽﯩﯟﺍﻻ ﺗﻪﺳﻤﯘﺋﻪﻣﻪﺱ.
ﻧﺎﺗﺎﻟﯩﻴﻪﻧﯩﯔ ﻣﯩﺠﻪﺯ - ﺧﯘﻟﻘﻰ ﺗﻮﻱ ﻗﯩﻠﯩﺸﻘﺎ ﺗﻮﻟﯩﻤﯘ ﺑﺎﺏ ﻛﯧﻠﯩﺪﯨﻐﯩﻨﻰ ﻣﺎﯕﺎ ﭼﯜﺷﯩﻨﯩﺸﻠﯩﻚ ﺋﯩﺪﻯ. ﻣﯘﺑﺎﺩﺍ، ﺋﯘ R ﻳﺎﻛﻰ Z ﺩﻩﻙ ﺋﺎﭼﻠﯩﻘﺘﯩﻦ ﺋﺎﻟﺪﯨﻐﺎ ﻛﻪﻟﮕﯩﻨﯩﻨﻰ ﺗﺎﻟﻠﯩﻤﺎﻱ ﻫﻪﻣﻤﯩﻨﻰﻳﻪﯞﯦﺮﯨﺪﯨﻐﺎﻥ ﺑﻮﻟﺴﺎ، ﺋﯘ ﻣﯧﻨﻰ ﺋﯚﻟﺘﯜﺭﯛﭖ ﺗﺎﺷﻠﯩﻐﺎﻥ ﺑﻮﻻﺗﺘﻰ. ﻳﯜﺭﻩﻙ - ﺑﺎﻏﺮﯨﻤﻨﻰﺗﯩﻠﻐﺎﯞﺍﺗﻘﯩﻨﻰ ﺋﯘﻧﯩﯔ ﺳﻮﻏﯘﻗﻘﺎﻧﻠﯩﻘﻰ ﺋﻪﻣﻪﺱ، ﺑﻪﻟﻜﻰ ﻣﻪﻧﺪﻩ ﺋﯘﻧﯩﯔ ﺗﯧﻨﯩﮕﻪ ﻧﯩﺴﺒﻪﺗﻪﻥ ﻫﯧﭽﻘﺎﻧﺪﺍﻕﻗﯩﺰﯨﻘﯩﺸﻨﯩﯔ ﻗﺎﻟﻤﯩﻐﺎﻧﻠﯩﻘﻰ ﺋﯩﺪﻯ. ﻗﻪﻟﺒﯩﻢ ﺑﯩﺮ ﻫﻪﻗﯩﻘﻪﺗﻜﻪ، ﻳﻪﻧﻰ ﻳﯧﺸﯩﻨﯩﭗ ﻧﺎﺗﺎﻟﯩﻴﻪ ﺑﯩﻠﻪﻥ ﺑﯩﺮ ﺋﻮﺭﯗﻧﺪﺍﻳﺎﺗﻘﯩﻨﯩﻤﺪﺍ، ﺋﯘﻧﯩﯔ ﻫﻪﯞﯨﺴﯩﻨﻰ ﺋﯘﺧﻠﯩﺘﯩﭗ ﻗﻮﻳﯩﺪﯨﻐﯩﻨﯩﻤﺪﯨﻦ ﭘﯘﭼﯩﻠﯩﻨﺎﺗﺘﻰ. ﻣﻪﻥ ﺋﯜﭼﯜﻥ ﺋﯧﻴﺘﻘﺎﻧﺪﺍ، ﻫﻪﺭﻗﺎﻧﺪﺍﻕ ﺑﺎﺷﻘﺎﺑﯩﺮ ﺋﺎﻳﺎﻝ ﺑﯩﻠﻪﻥ ﺑﯩﺮﮔﻪ ﺑﻮﻟﺴﺎﻣﻤﯘ ﻗﯩﻠﭽﻪ ﻣﻪﺯﺯﯨﺴﻰ ﺑﻮﻟﻤﺎﻳﺘﺘﻰ، ﻧﺎﺗﺎﻟﯩﻴﻪ (ﺟﯩﻤﯩﻜﻰ ﻗﯩﺰ - ﺋﺎﻳﺎﻟﻼﺭ ﺗﺎﺋﯩﭙﯩﺴﯩﺪﯨﻜﻰ ﺋﻪﯓ ﮔﯜﺯﻩﻝ ﺋﺎﻳﺎﻝ) ﻣﻪﻧﺪﯨﻜﻰ ﺋﻪﺭﻟﯩﻚ ﺟﺎﺳﺎﺭﻩﺗﻨﻰ ﻳﻮﻗﺎﺗﻘﺎﻧﯩﺪﻯ. ﻣﻪﻥﺋﯘﻧﯩﯖﻐﺎ ﺳﻮﻏﯘﻕ ﻧﻪﺯﻩﺭ ﺑﯩﻠﻪﻥ ﻗﺎﺭﺍﻳﺘﺘﯩﻢ. ﺋﯩﭽﯩﻤﺪﻩ، ﺋﻪﮔﻪﺭ ﺷﯘ ﺗﯘﺭﻗﻰ ﻧﺎﺗﺎﻟﯩﻴﻪﻧﯩﯔﺋﻮﺭﻧﯩﺪﺍ ﻣﺎﯕﺎ ﺗﺎﻣﺎﻣﻪﻥ ﻧﺎﺗﻮﻧﯘﺵ، ﻳﻮﭼﯘﻥ، ﺋﺎﺩﻩﻣﻨﯩﯔ ﻗﯩﻠﭽﻪ ﻫﻪﯞﯨﺴﯩﻨﻰ ﻗﻮﺯﻏﯩﻴﺎﻟﻤﺎﻳﺪﯨﻐﺎﻥ ﺑﯩﺮ ﺋﺎﻳﺎﻝ ﺑﻮﻟﻐﺎﻥ ﺑﻮﻟﺴﯩﻤﯘ ﺋﯘﻧﯩﯖﻐﺎ ﻫﻪﻣﻠﻪﻗﯩﻠﯩﭗ ﺗﺎﺷﻼﻧﻐﺎﻥ، ﺋﯘﻧﯩﯖﻐﺎ ﺋﯧﺘﯩﻠﻐﺎﻥ ﺑﻮﻻﺗﺘﯩﻢ، ﻧﺎﺗﺎﻟﯩﻴﻪ ﺋﻪﻣﺪﻯ ﻣﯧﻨﯩﯔ ﯞﯗﺟﯘﺩﯗﻣﺪﺍ ﻫﯧﭽﻘﺎﻧﺪﺍﻕ ﻫﻪﯞﻩﺱﺋﻮﻳﻐﯩﺘﺎﻟﻤﺎﺱ ﺑﻮﻟﯘﭖ ﻗﺎﭘﺘﯘ، ﺩﻩﭖ ﺋﻮﻳﻼﭖ ﻛﯧﺘﻪﺗﺘﯩﻢ.
ﻧﺎﺗﺎﻟﯩﻴﻪﻧﯩﯔ ﭼﯧﭽﯩﻠﯩﺸﻰ، ﻣﯧﻨﻰ ﻗﺎﺗﺘﯩﻖ ﺋﺎﺯﺍﺑﻼﻳﺘﺘﻰ، ﺷﯘﯕﺎ ﻣﻪﻥ ﺑﺎﺷﻘﺎ ﺋﺎﻳﺎﻟﻼﺭﻧﯩﯔﻗﯩﺰﯨﻘﺘﯘﺭﯗﺷﯩﻐﺎ ﺋﻪﯓ ﻛﯜﭼﻠﯜﻙ ﺋﯘﭼﺮﯨﻤﺎﻗﺘﺎ ﺋﯩﺪﯨﻢ.
ﻳﯧﯖﻰ ﺑﯩﺮ ﺗﻪﻥ ﻣﯘﻫﻪﺑﺒﻪﺗﺘﯩﻨﻤﯘ ﻗﯘﺩﺭﻩﺗﻠﯩﻚ، ﮔﯜﺯﻩﻟﻠﯩﻜﺘﯩﻨﻤﯘ ﻗﯘﺩﺭﻩﺗﻠﯩﻚ، ﺷﯘﻏﯩﻨﯩﺴﻰ، ﻣﻪﻥ ﺋﯘﻧﯩﯔ ﺋﯚﺯﺋﺎﻳﺎﻟﯩﻤﻐﺎ ﺑﻮﻟﻐﺎﻥ ﺳﺎﺩﺍﻗﯩﺘﯩﻤﺪﯨﻨﻤﯘ ﻗﯘﺩﺭﻩﺗﻠﯩﻚ ﺑﻮﻟﯘﭖ ﻛﯧﺘﯩﺸﯩﻨﻰ ﺋﺎﺭﺯﯗ ﻗﯩﻠﻤﺎﻳﻤﻪﻥ.

8

ﻣﻪﻥﻧﺎﺗﺎﻟﯩﻴﻪﻧﯩﯔ ﺑﻮﻳﯩﺪﺍ ﻗﺎﻟﻐﯘﺯﯗﭖ ﻗﻮﻳﯘﺷﻘﺎ ﺗﯩﺮﯨﺸﺎﺗﺘﯩﻢ. ﻧﺎﺗﺎﻟﯩﻴﻪ ﺗﻮﻳﺪﯨﻦ ﻛﯧﻴﯩﻨﻜﻰﺑﯩﺮﻧﻪﭼﭽﻪ ﺋﺎﻳﺪﺍ، ﭘﯜﺗﻜﯜﻝ ﺋﺎﻣﻤﯩﯟﻯ ﺳﻮﺭﯗﻧﺪﯨﻜﯩﻠﻪﺭ ﺋﯘﻧﻰ ﻳﺎﻗﺘﯘﺭﯗﭖ ﻗﯧﻠﯩﺸﻘﺎﻧﺪﯨﻦ ﻛﯧﻴﯩﻦ، ﺋﯚﺯﯨﻨﯩﯔ ﺑﻮﺵ ﯞﺍﻗﯩﺘﻠﯩﺮﯨﺪﯨﻦ ﺑﯩﺰﺍﺭ ﺑﻮﻟﯘﭖ ﻳﯜﺭﺩﻯ. ﻣﻪﻥ ﺋﯘﻧﯩﯖﻐﺎ ﺷﺎﻫﻤﺎﺕ ﺋﻮﻳﻨﺎﺷﻨﻰﺋﯚﮔﯩﺘﯩﭗ ﻗﻮﻳﺪﯗﻡ، ﻛﺎﺭﺍﻣﯘﺟﯩﻨﻨﯩﯔ(13) «ﺗﺎﺭﯨﺦ» ﻧﺎﻣﻠﯩﻖ ﻛﯩﺘﺎﺑﯩﻨﻰ ﺋﻮﻗﯘﻏﯘﺯﺩﯗﻡ. ﻫﺎﻟﺒﯘﻛﻰ، ﺑﯘﻻﺭﺋﯘﻧﯩﯖﻐﺎ ﺗﺎﺯﯨﻤﯘ ﺋﯧﻐﯩﺮ ﻛﻪﻟﺪﻯ. ﺋﯘ، ﺗﻪﻧﺘﻪﻛﻠﻪﺭﭼﻪ ﻫﺎﻳﺎﺟﺎﻥ ﺑﯩﻠﻪﻥ ﻓﺮﺍﻧﺴﯩﻴﯩﻨﯩﯔ ﺗﻪﻣﺴﯩﺰ ﻛﯩﺘﺎﺑﻠﯩﺮﯨﻨﻰ ﺑﯩﺮﯨﻨﯩﯔﺋﺎﺭﻗﯩﺪﯨﻦ ﺑﯩﺮﯨﻨﻰ ﺋﯘﻻﭖ ﺋﻮﻗﯘﻳﺘﺘﻰ. ﺑﯩﺮ ﻗﯧﺘﯩﻢ ﻣﻪﻥ ﺋﯘﻧﯩﯖﻐﺎ ﺋﯚﺯﯛﻣﻨﯩﯔ ﺑﯩﺮﻧﻪﭼﭽﻪ ﭘﺎﺭﭼﻪﺷﯧﺌﯩﺮﯨﻤﻨﻰ ﺋﻮﻗﯘﭖ ﺑﻪﺭﺩﯨﻢ، ﺩﯦﻜﻼﻣﺎﺗﺴﯩﻴﻪ ﻗﯩﻠﯩﯟﺍﺗﻘﯩﻨﯩﻤﺪﺍ ﺋﯘﻧﯩﯔ ﭼﯩﺮﺍﻳﯩﺪﯨﻜﻰ ﺳﻮﻍﺋﯩﭙﺎﺩﯨﻨﻰ ﻛﯚﺭﯛﭖ ﺷﯧﺌﯩﺮﯨﻤﻨﻰ ﺩﺍﯞﺍﻣﻠﯩﻖ ﺋﻮﻗﯘﭖ ﺋﯘﻧﯩﯔ ﻛﻪﻳﭙﯩﻨﻰ ﺋﯘﭼﯘﺭﯗﺷﻨﻰ ﺧﺎﻟﯩﻤﯩﺪﯨﻢ، ﺋﯘﻣﯘﻣﯧﻨﯩﯔ ﺩﯦﻜﻼﻣﺎﺗﺴﯩﻴﻪ ﻗﯩﻠﯩﯟﯦﺮﯨﺸﻤﻨﻰ ﺳﻮﺭﯨﻤﯩﺪﻯ.
ﺋﯘﻧﯩﯔ ﻛﯚﯕﻠﻰ ﺋﻪﯓ ﺧﯘﺵ ﺑﻮﻟﯩﺪﯨﻐﯩﻨﻰ، ﻳﯧﯖﻰ ﻛﯩﻴﯩﻢ - ﻛﯧﭽﻪﻛﻜﻪ ﺋﯧﺮﯨﺸﯩﺶ ﯞﻩ ﺋﯘﻧﯩﯔﮔﯜﺯﻩﻟﻠﯩﻜﯩﻨﻰ ﺗﻪﺭﯨﭙﻠﻪﻳﺪﯨﻐﺎﻥ ﮔﻪﭘﻠﻪﺭﻧﻰ ﺋﺎﯕﻼﺵ ﺋﯩﺪﻯ. ﺑﯘ ﺋﯩﺶ ﻛﯚﯕﻠﯜﻣﮕﻪ ﻛﻪﻟﺴﯩﻤﯘ، ﻗﻪﻟﺒﯩﻤﻨﻰ ﺋﯘﻧﭽﯩﯟﺍﻻ ﭘﺎﺭﺍﻛﻪﻧﺪﻩ ﻗﯩﻠﯩﭙﻤﯘ ﻛﻪﺗﻤﻪﻳﺘﺘﻰ. ﻣﺎﯕﺎ ﺷﯘﻧﯩﺴﻰ ﺋﺎﻳﺎﻥ ﺋﯩﺪﯨﻜﻰ، ﺑﺎﻻﺋﺎﻟﺴﺎﻗﻼ ﺋﯘ ﺋﺎﻟﺪﯨﺮﺍﺷﭽﯩﻠﯩﻘﺘﺎ ﭘﺎﻳﭙﯧﺘﻪﻙ ﺑﻮﻟﯘﭖ ﺑﯘﻻﺭﻧﻰ ﺋﻮﻳﻼﺷﻘﺎ ﭼﻮﻟﯩﺴﯩﻤﯘ ﺗﻪﮔﻤﻪﻳﺪﯗ. ﺷﯘﻧﯩﯔ ﺑﯩﻠﻪﻥ ﺑﯩﺮ ﯞﺍﻗﯩﺘﺘﺎ، ﺋﯘ ﺋﻮﻟﺘﯘﺭﯗﭖ ﻛﻪﺷﺘﻪ ﺗﯩﻜﯩﺪﯗ، ﻣﻪﻥ ﺋﯘﻧﯩﯔ ﭼﯩﺮﺍﻳﻠﯩﻖ ﺟﺎﻣﺎﻟﯩﻐﺎﻗﺎﺭﺍﭖ ﻫﯘﺯﯗﺭﻟﯩﻨﯩﻤﻪﻥ، ﺑﯘ ﻫﯘﺯﯗﺭ ﺷﻪﻫﯟﻩﺗﺘﯩﻦ ﺋﻪﻣﻪﺱ، ﮔﯜﺯﻩﻟﻠﯩﻚ ﺗﯘﻳﻐﯘﺳﯩﺪﯨﻦ ﭘﻪﻳﺪﺍ ﺑﻮﻟﻐﺎﻥ ﺑﻮﻟﯩﺪﯗ.
ﻫﺎﻳﺎﺗﯩﻤﻨﯩﯔﻳﺎﺧﺸﻰ ﺑﻮﻟﻐﺎﻥ ﺑﯩﺮ ﻳﯜﺯﻯ ﺷﯧﺌﯩﺮﯨﻴﻪﺗﻜﻪ ﺑﺎﻏﻼﻧﻐﺎﻥ، ﻳﻪﻧﻰ ﻧﺎﺗﺎﻟﯩﻴﻪﻧﯩﯔ ﺳﻮﻏﯘﻗﻘﺎﻧﻠﯩﻖ ﺑﯩﻠﻪﻥﺋﯩﻨﻜﺎﺭ ﻗﯩﻠﯩﺸﯩﻐﺎ ﺋﯘﭼﺮﯨﻐﺎﻥ؛ ﻳﻪﻧﻪ ﺑﯩﺮ ﻳﯜﺯﻯ، ﻣﯘﻫﻪﺑﺒﻪﺕ. ﺋﯘﻧﺪﯨﻜﻰ ﻧﺎﺯﯗﻙ ﺗﯘﻳﻐﯘﻻﺭ ﻣﯘﻻﻳﯩﻤﻠﯩﻖ ﺗﻪﺭﯨﭙﯩﺪﯨﻦ ﺋﯩﮕﯩﻠﻪﻧﮕﻪﻥ. ﺑﯩﺮﺍﻕ ﻣﻪﻥ ﺳﻪﺯﮔﯜ ﺋﻪﺯﺍﻟﯩﺮﯨﻤﻨﯩﯔ ﻏﯩﺪﯨﻘﻠﯩﻨﯩﺸﻰ ﺋﺎﺭﻗﯩﻠﯩﻘﻼ ﺭﻭﻫﯩﻢ ﻣﻪﺳﺘﺨﯘﺷﻠﯩﻨﯩﺪﯨﻐﺎﻥ ﭘﻪﻳﺘﻜﻪ ﺋﯧﺮﯨﺸﻪﻟﻪﻳﻤﻪﻥ.

9

ﻣﻪﻥ ﺋﯚﺯﯛﻣﻨﯩﯔﺋﺎﺷﯩﻖ ﺩﯦﮕﻪﻥ ﺋﺎﺗﯩﻘﯩﻤﻨﯩﯔ ﺷﺎﺋﯩﺮ ﺩﯦﮕﻪﻥ ﺋﺎﺗﯩﻘﯩﻤﺪﯨﻦ ﻗﯩﻠﭽﻪ ﻗﯧﻠﯩﺸﻤﺎﻳﺪﯨﻐﺎﻧﻠﯩﻘﯩﺪﯨﻦﭘﻪﺧﯩﺮﻟﯩﻨﯩﻤﻪﻥ. ﺋﺎﺋﯩﻠﻪ ﺗﯘﺭﻣﯘﺷﯘﻣﺪﺍ ﺑﯘ ﺋﯩﻜﻜﻰ ﺧﯩﻞ ﺋﯩﺴﺘﻪﻛﻨﻰ ﺭﻭﻳﺎﭘﻘﺎ ﭼﯩﻘﯩﺮﯨﺪﯨﻐﺎﻥ ﺟﺎﻱﺗﯧﭙﯩﺸﻘﺎ ﺋﺎﻣﺎﻟﺴﯩﺰﻣﻪﻥ. ﻧﺎﺗﺎﻟﯩﻴﻪ ﺋﯚﺯﯨﻨﯩﯔ ﮔﯜﺯﻩﻝ ﻫﯚﺳﻦ - ﺟﺎﻣﺎﻟﻰ، ﺋﺎﻕ ﻛﯚﯕﯜﻟﻠﯜﻛﻰ ﯞﻩ ﺳﻪﺑﯩﻴﻠﯩﻜﻰ ﻣﻪﻧﺪﻩﺋﺎﺑﺮﯗﻳﭙﻪﺭﻩﺳﻠﯩﻚ ﭘﻪﻳﺪﺍ ﻗﯩﻠﺪﻯ. ﺑﯩﺮﺍﻕ ﮔﻪﭘﻨﯩﯔ ﺭﺍﺳﺘﯩﻨﻰ ﺋﯧﻴﺘﻘﺎﻧﺪﺍ، ﺋﯘﻧﯩﯔ ﺳﻪﺑﯩﻴﻠﯩﻜﻰﻧﺎﺯﯗ - ﻛﻪﺭﻩﺷﻤﯩﮕﻪ، ﺋﺎﻕ ﻛﯚﯕﯜﻟﻠﯜﻛﻰ ﻣﯘﯓ - ﭘﯩﻐﺎﻧﻐﺎ ﺋﺎﻟﻤﺎﺷﻘﺎﻥ، ﺷﯘﻧﺪﺍﻗﻼ ﻣﻪﻥ ﺋﯘﻧﯩﯔﮔﯜﺯﻩﻝ ﻫﯚﺳﻦ - ﺟﺎﻣﺎﻟﻰ ﺑﯩﻠﻪﻥ ﺑﻪﺵ ﻗﻮﻟﺪﻩﻙ ﺗﻮﻧﯘﺷﻠﯘﻕ ﺑﻮﻟﻐﯩﻨﯩﻢ ﺋﯜﭼﯜﻥ، ﺋﯘﻧﯩﯔ ﮔﯜﺯﻩﻟﻠﻜﯩﻨﻰ ﻫﯧﺲ ﻗﯩﻼﻟﻤﺎﺱ ﻫﺎﻟﻐﺎ ﻛﯧﻠﯩﭗﻗﺎﻟﻐﺎﻥ. ﺑﯩﺮﻩﺭﺳﻰ ﺋﯘﻧﯩﯔ ﺋﯘﺯﻟﯩﻘﯩﻨﻰ ﺗﻪﺭﯨﭙﻠﯩﮕﻪﻧﺪﯨﻼ ﻣﻪﻥ ﺋﯘﻧﯩﯖﺪﯨﻦ ﺋﯩﭙﺘﯩﺨﺎﺭﻟﯩﻨﯩﻤﻪﻥ، ﻫﺎﻟﺒﯘﻛﻰ، ﺑﯘﺗﯘﻳﻐﯘ ﺑﺎﺭﺍ - ﺑﺎﺭﺍ ﻗﺎﺗﺘﯩﻖ ﻛﯜﻧﺪﺍﺷﻠﯩﻘﯩﻤﻨﻰ ﻗﻮﺯﻏﺎﻳﺪﯨﻐﺎﻥ ﺑﻮﻟﯘﭖ ﻗﯧﻠﯩﯟﺍﺗﺎﺗﺘﻰ.
ﻣﯧﻨﯩﯔ ﺷﺎﻟﻼﻗﻼﺭﭼﻪ ﺗﯩﺰﮔﯩﻨﺴﯩﺰ ﻫﺎﻳﺎﺗﯩﻤﺪﺍ، ﻣﻪﻥ ﺗﯘﻧﺠﻰ ﻗﯧﺘﯩﻢ ﺧﯘﺩﺍﻧﯩﯔ ﻫﻪﺭ ﻗﯘﺗﻠﯘﻕ ﻛﯜﻧﻠﯩﺮﻯ ﺗﺎﺗﻠﯩﻖ ﺋﯘﻳﻘﯘﺩﯨﻦ ﺋﻮﻳﻐﯩﻨﯩﭗ، ﻗﻮﻳﻨﯘﻣﺪﺍ ﺑﯩﺮﺋﺎﻳﺎﻟﻨﯩﯔ ﻳﺎﺗﻘﯩﻨﯩﻨﻰ ﻛﯚﺭﯨﺪﯨﻐﺎﻥ ﺑﻮﻟﺪﯗﻡ. ﻳﯧﯖﻰ ﺷﯧﺮﯨﻨﻠﯩﻚ ﻣﻪﻧﺪﻩ ﺗﯧﺰﻻ ﺳﯧﻬﺮﯨﻲ ﻛﯜﭼﯩﻨﻰﻳﻮﻗﯩﺘﯩﭗ ﻗﻮﻳﺪﻯ، ﺑﯘﻧﯩﯔ ﺑﯩﻠﻪﻥ ﻣﻪﻥ ﺗﻮﺧﺘﺎﯞﺳﯩﺰ ﻫﺎﻟﺪﺍ ﺋﺎﺷﻨﺎ ﺋﺎﻟﻤﺎﺷﺘﯘﺭﯗﺷﻘﺎ ﻳﺎﻛﻰ ﺑﯩﺮﻻ ﯞﺍﻗﯩﺘﺘﺎ ﺋﯩﻜﻜﻰ ﺋﺎﺷﻨﺎﺗﯘﺗﯘﺷﻘﺎ ﺑﺎﺷﻠﯩﻐﺎﻧﯩﺪﯨﻢ. ﻣﻪﻥ ﻫﻪﺳﺮﻩﺕ ﺋﯩﻠﻜﯩﺪﻩ ﺷﯘﻧﻰ ﺑﺎﻳﻘﯩﺪﯨﻤﻜﻰ، ﺋﺎﻟﻠﯩﻘﺎﭼﺎﻥ ﺗﻮﻱ ﻗﯩﻠﯩﭗ ﺑﻮﻟﻐﺎﻥ ﺑﯩﺮ ﺋﻪﺭ ﺋﯜﭼﯜﻥﺑﯘﻧﺪﺍﻕ ﻗﯩﻠﯩﻘﻼﺭﻧﻰ ﺧﻪﻕ ﺋﻮﯕﺎﻳﻠﯩﻘﭽﻪ ﻗﻮﺑﯘﻝ ﻗﯩﻼﻟﻤﺎﻳﺪﯨﻜﻪﻥ.
ﺧﻮﺗﯘﻧﯩﯖﯩﺰ ﺑﯩﻠﻪﻥ ﺋﺎﺷﻨﯩﯖﯩﺰﻧﯩﯔ ﭘﻪﺭﻗﻰ، ﺧﻮﺗﯘﻧﯩﯖﯩﺰ ﺑﯩﻠﻪﻥ ﺑﯩﺮ ﻳﺎﺳﺘﯘﻗﻘﺎ ﺑﺎﺵﻗﻮﻳﻐﯩﻨﯩﯖﯩﺰﺩﺍ، ﺳﯩﺰﺩﻩ ﺷﻪﻫﯟﻩﺕ ﺗﯘﻳﻐﯘﺳﻰ ﺑﻮﻟﻤﺎﻳﺪﯨﻐﺎﻧﻠﯩﻘﯩﺪﺍ. ﺷﯘﯕﺎ ﺗﻮﻱ ﻣﯘﻗﻪﺩﺩﻩﺳﺘﯘﺭ. ﭼﯜﻧﻜﻰ ﺷﻪﻫﯟﻩﺕ ﺋﺎﺳﺘﺎ - ﺋﺎﺳﺘﺎ ﻧﯩﻜﺎﻫﻨﯩﯔﺳﯩﺮﺗﯩﺪﺍ ﻗﺎﻟﺪﯗﺭﯗﻟﯘﭖ، ﺋﻪﺭ - ﺧﻮﺗﯘﻧﻠﯘﻕ ﻣﯘﻧﺎﺳﯩﯟﻩﺕ ﺑﺎﺭﻏﺎﻧﭽﻪ ﺩﻭﺳﺘﺎﻧﻪ ﻣﯘﻧﺎﺳﯩﯟﻩﺗﻜﻪ، ﻫﻪﺗﺘﺎﺳﻮﻏﯘﻗﻘﺎﻧﻠﯩﻘﻘﺎ ﻳﺎﻛﻰ ﻗﺎﺭﺷﯩﻠﯩﺸﯩﺸﻘﺎ ﺋﺎﻳﻠﯩﻨﯩﭗ ﻛﯧﺘﯩﺪﯗ. ﭘﻪﻗﻪﺕ ﺷﯘﻧﺪﺍﻕ ﺑﺎﺳﻘﯘﭼﻘﺎﻳﻪﺗﻜﻪﻧﺪﯨﻼ ﺋﺎﻧﺪﯨﻦ ﻳﺎﻟﯩﯖﺎﭺ ﻳﯜﺭﯛﺷﻤﯘ ﺑﯩﺮ ﺧﯩﻞ ﮔﯘﻧﺎﻫ ﻫﯧﺴﺎﺑﻼﻧﻤﺎﻳﺪﯨﻐﺎﻥ ﺑﻮﻟﯘﭖ ﻗﺎﻟﯩﺪﯗ، ﭼﯜﻧﻜﻰ ﺋﯘ ﺋﻪﻣﺪﻯ ﻛﯩﺸﯩﻨﻰ ﺋﯧﺰﯨﻘﺘﯘﺭﯗﺵ ﻛﯜﭼﯩﺪﯨﻦﻗﺎﻟﻐﺎﻥ ﺑﻮﻟﯩﺪﯗ.
ﻣﻪﻥ ﺗﺎﻣﺪﯨﻜﻰ ﺋﯧﺴﯩﻘﻠﯩﻖ ﺧﻪﻧﺠﻪﺭﮔﻪ ﻗﺎﺭﺍﭖ، ﺋﯚﺯﯛﻣﻨﻰ ﺋﻪﻣﺪﻯ ﺧﯘﺩﺩﻯ ﺷﯘﻧﯩﯖﻐﺎ ﺋﻮﺧﺸﺎﺵ ﻫﻪﺭ ﻗﺎﻧﺪﺍﻕ «ﺋﯩﺸﻖ - ﻣﯘﻫﻪﺑﺒﻪﺕﺋﯘﺭﯗﺷﻰ»ﻏﺎ ﻗﺎﺗﻨﯩﺸﺎﻟﻤﺎﻳﺪﯨﻐﺎﻥ ﯞﻩ ﺋﯩﺴﺴﯩﻖ ﻗﺎﻧﻨﯩﯔ ﻫﯩﺪﯨﺪﯨﻦ ﻫﯘﺯﯗﺭﻟﯩﻨﺎﻟﻤﺎﻳﺪﯨﻐﺎﻥ ﺑﻮﻟﺪﯗﻡ ﺩﻩﭖ ﺋﻮﻳﻼﭖ ﻛﯧﺘﯩﻤﻪﻥ ﺋﯩﭽﯩﻤﺪﻩ.
ﻣﻪﻥ ﮔﺎﻫﻰﭼﺎﻏﻼﺭﺩﺍ، ﺋﯚﺯﯛﻣﻨﯩﯔ ﺑﯘ «ﻣﯘﻗﻪﺩﺩﻩﺱ ﻣﻪﺭﯨﻴﻪﻡ»ﯨﻤﮕﻪ ﺳﺎﺩﺩﯨﻼﺭﭼﻪ ﻗﺎﺭﺍﭖ ﻗﺎﻟﻐﯩﻨﯩﻤﺪﺍ، ﯞﻩﺯﻣﯩﻦﯞﻩ ﺗﯩﭙﺘﯩﻨﭻ ﺷﺎﺩﻟﯩﻖ ﻫﯧﺲ ﻗﯩﻠﯩﻤﻪﻥ (ﺑﯘ، ﻛﯩﺸﯩﻠﻪﺭﻧﯩﯔ ﺑﯜﯞﻯ ﻣﻪﺭﯨﻴﻪﻡ ﺋﺎﻧﯩﻐﺎ ﻗﺎﺭﯨﺸﯩﺪﯨﻜﻰ ﺑﯩﺮﺩﯨﻨﺒﯩﺮ ﺋﯘﺳﯘﻝﺋﻪﻣﻪﺳﻤﯘ؟). ﺷﻪﻫﯟﺍﻧﯩﻲﻧﻪﭘﺲ ﺗﯘﺭﻣﯘﺷﯩﻤﯩﺰﻧﯩﯔ ﻧﺎﻫﺎﻳﯩﺘﻰ ﻛﯩﭽﯩﻚ ﺑﯩﺮ ﻗﯩﺴﻤﯩﻐﺎ ﺋﺎﻳﻠﯩﻨﯩﭗ ﻗﺎﻟﻤﺎﻗﺘﺎ. ﺋﺎﺳﺎﺳﯩﻲ ﻗﯩﺴﻤﯩﻤﯩﺰ، ﺋﻪﻧﻪ ﺷﯘﻧﺪﺍﻕﻛﯩﭽﯩﻚ ﺋﯩﺸﻼﺭ ﻫﻪﻗﻘﯩﺪﯨﻜﻰﺗﻪﺷﯟﯨﺶ ﯞﻩ ﺋﻪﻳﯩﺒﻠﻪﺷﻠﻪﺭ ﻫﯧﺴﺴﯩﻴﺎﺗﻰ ﺑﯩﻠﻪﻥ ﺗﻮﻟﻐﺎﻥ. ﻣﻪﻥ ﻧﺎﺗﺎﻟﯩﻴﻪﻧﯩﯔ ﺗﯧﻨﻰ ﻛﯚﺯﯛﻣﮕﻪ ﭼﯧﻠﯩﻘﯩﭗ ﺗﯘﺭﺳﯩﻤﯘ ﻛﺎﺭﯨﻢﺑﻮﻟﻤﺎﺳﻠﯩﻘﺘﯩﻦ ﺳﺎﻗﻠﯩﻨﺎﻟﻤﯩﺪﯨﻢ، ﺑﯘ ﻛﻪﭼﯜﺭﮔﯜﺳﯩﺰ ﺑﯩﺮ ﺋﯩﺶ.

10

ﻣﻪﻥ ﻏﻪﻟﯩﺘﻪﺧﯩﻴﺎﻟﻼﺭﻏﺎ ﺑﯧﺮﯨﻠﯩﭗ ﻛﻪﺗﺘﯩﻢ، ﺑﯘ ﺋﺎﻟﯟﺍﺳﺘﻰ ﻗﯩﻠﯩﺪﯨﻐﺎﻥ ﺋﯩﺶ ﺋﯩﺪﻯ. ﻣﻪﻥ ﻫﺎﻳﺎﺗﯩﻤﻨﯩﯔﺋﻮﺧﺸﯩﻤﯩﻐﺎﻥ ﺩﻩﯞﺭﻟﯩﺮﯨﺪﻩ، ﺋﯧﺮﯨﺸﻜﻪﻥ ﻗﯩﺰ - ﺋﺎﻳﺎﻟﻼﺭ ﻣﯧﻨﯩﯔ ﺧﯩﻴﺎﻝ ﺋﯧﻜﺮﺍﻧﯩﻤﺪﯨﻦ ﺑﯩﺮ - ﺑﯩﺮﻟﻪﭖ ﺋﯚﺗﻤﻪﻛﺘﻪ. ﺑﻮﻟﯘﭘﻤﯘ ﻣﯧﻨﻰ ﺋﺎﺯﺍﺑﻼﯞﺍﺗﻘﯩﻨﻰ،Z ﺑﯩﻠﻪﻥ ﺑﯩﺮﮔﻪ ﺑﻮﻟﻐﺎﻥ ﭼﺎﻏﻼﺭﺩﯨﻜﻰ ﺷﺎﻟﻼﻕ ﺋﯚﺗﻤﯜﺵ ﺋﻪﺳﻠﯩﻤﯩﺴﻰ.
ﻧﺎﺗﺎﻟﯩﻴﻪﻧﻰ ﺑﺎﻏﺮﯨﻤﻐﺎ ﺑﺎﺳﻘﯩﻨﯩﻤﺪﺍ، ﻛﯚﺯ ﺋﺎﻟﺪﯨﻤﻐﺎ ﺑﯘ ﻣﻪﻧﺰﯨﺮﻩ ﻛﯧﻠﯩﯟﺍﻟﯩﺪﯗ. ﻣﻪﻥ ﻫﻪﻣﯩﺸﻪ ﺋﯘﻧﻰ Z ﺩﻩﭖ ﺗﻪﺳﻪﯞﯞﯗﺭ ﻗﯩﻠﯩﻤﻪﻥ، ﻛﯜﭼﻠﯜﻙ ﺭﻩﺷﻚ ﻛﯜﭼﻠﯜﻙ ﺷﺎﺩﻟﯩﻘﻘﺎ ﻗﻮﺷﯘﻟﯘﭖ ﻛﯧﺘﯩﺪﯗ - ﺩﻩ، ﺷﻪﺧﺴﯩﻲﺋﯩﺸﻠﯩﺮﯨﻤﯩﺰ ﻛﯚﺯﻧﻰ ﻳﯘﻣﯘﭖ - ﺋﺎﭼﻘﯘﭼﯩﻼ ﺋﺎﻳﺎﻏﻠﯩﺸﯩﺪﯗ، ﺑﯘ ﻣﺎﯕﺎ ﺧﯩﻴﺎﻝ ﺋﺎﺭﯨﻠﯩﻘﯩﺪﯨﻜﻰﻗﯩﺴﻘﯩﻐﯩﻨﺎ ﺋﺎﺭﺍﻣﻠﯩﻖ ﺋﯧﻠﯩﭗ ﻛﯧﻠﯩﺪﯗ. ﻣﻪﻥ، Z ﻏﺎ ﺑﻮﻟﻐﺎﻥ ﺳﯧﻐﯩﻨﭽﯩﻤﻨﯩﯔ ﻧﺎﺗﺎﻟﯩﻴﻪﻧﯩﯔ ﺋﯩﺰﺯﻩﺕ - ﻧﻪﭘﺴﯩﮕﻪ ﺗﯧﮕﯩﺶﺑﻮﻟﯩﺪﯨﻐﯩﻨﯩﻨﻰ ﻫﯧﺲﻗﯩﻠﻐﯩﻨﯩﻤﺪﺍ، ﺑﯘﻧﺪﺍﻕ ﺧﯩﻴﺎﻟﻼﺭﻧﻰ ﺋﯜﺯﯛﭖ ﻗﻮﻳﯩﻤﻪﻥ، ﺷﯘﻧﺪﺍﻗﻼ ﺋﯘﻻﺭﻧﯩﯔ «ﺳﻪﺑﯩﻲ» ﻗﯩﺰﻟﯩﻘﯩﻐﺎﻗﺎﻳﺘﯩﺸﯩﻨﻰ -   ﺋﯚﺯﯛﻣﻨﯩﯔ «ﻳﺎﻟﻐﯘﺯ» «ﺑﯩﺮ» ﺋﺎﻳﺎﻝ ﺑﯩﻠﻪﻧﻼ ﺗﯘﺭﯗﯞﺍﺗﻘﯩﻨﯩﻤﻨﻰ ﺗﻪﺳﻪﯞﯞﯗﺭ ﻗﯩﻠﯩﻤﻪﻥ.
ﺑﻪﺯﯨﺪﻩ ﻣﻪﻥ ﻛﯘﺗﯘﭘﺨﺎﻧﺎﻣﺪﺍ ﺋﺎﺯ - ﺗﻮﻻ ﺑﯩﺮﻧﻪﺭﺳﻪ ﻳﯧﺰﯨﺶ ﺋﻮﻳﯩﺪﺍ ﺋﻮﻟﺘﯘﺭﯨﻤﻪﻥ، ﺑﯩﺮﺍﻕ ﺧﯩﻴﺎﻝﻛﻪﭘﺘﯩﺮﯨﻢ ﻧﺎﺗﻮﻧﯘﺵ ﺧﻮﺗﯘﻥ - ﻗﯩﺰﻻﺭﻏﺎ ﻗﺎﺭﺍﭖ ﺋﯘﭼﯘﭖ ﻛﯧﺘﯩﺪﯗ، ﻛﯚﺯ ﺋﺎﻟﺪﯨﻤﺪﺍ ﺗﺎﻻﻱ ﻗﯩﺰ - ﺧﻮﺗﯘﻧﻼﺭ ﭘﻪﻳﺪﺍ ﺑﻮﻟﯩﺪﯗ، ﺷﻪﻫﯟﺍﻧﯩﻲ ﻫﻪﯞﻩﺱﻣﯧﻨﻰ ﺋﯚﺯ ﺋﯩﻠﻜﯩﮕﻪ ﺋﯧﻠﯩﯟﺍﻟﯩﺪﯗ. ﻫﺎﻟﺒﯘﻛﻰ، ﻧﺎﺗﺎﻟﯩﻴﻪﻧﯩﯔ ﯞﯗﺟﯘﺩﻯ ﻣﺎﯕﺎ ﺷﯘﻗﻪﺩﻩﺭ ﻳﯧﻘﯩﻦ، ﺷﯘﻗﻪﺩﻩﺭ ﻫﯧﺴﺴﯩﻴﺎﺗﻘﺎ ﺑﺎﻱ، ﻣﻪﻧﺪﯨﻦ ﺑﺎﺷﻘﺎ ﺑﺎﺭﻟﯩﻖ ﺋﻪﺭﻛﻪﻛﻠﻪﺭﻧﯩﯔ ﻫﻪﯞﯨﺴﯩﻨﻰ ﻛﻪﻟﺘﯜﺭﮔﯩﺪﻩﻙ ﺷﯘﻗﻪﺩﻩﺭ ﮔﯜﺯﻩﻝ ﺑﻮﻟﺴﯩﻤﯘ، ﺋﺎﺷﯘ ﮔﯜﺯﻩﻝ ﭼﯜﺷﯜﻣﮕﻪ ﺯﺍﺩﯨﻼ ﻛﯩﺮﯨﭗﺑﺎﻗﻤﺎﻳﺪﯗ.
ﻣﻪﻥ ﺷﯘﻧﺪﺍﻕ ﺧﯩﻴﺎﻟﻼﺭﻧﻰ ﺳﯜﺭﯛﯞﺍﺗﻘﯩﻨﯩﻤﺪﺍ، ﻧﺎﺗﺎﻟﯩﻴﻪ ﻛﯘﺗﯘﭘﺨﺎﻧﺎﻣﻐﺎ ﺋﯜﺳﺴﯜﭘﻼ ﻛﯩﺮﯨﭗﻛﯧﻠﯩﺪﯗ، ﺑﯘﻧﯩﯔ ﺑﯩﻠﻪﻥ ﻻﺳﺴﯩﺪﻩ ﺑﻮﻟﯘﭖ ﻗﺎﻟﯩﻤﻪﻥ - ﺩﻩ، ﻫﺎﯞﺍﻳﻰ - ﻫﻪﯞﻩﺳﻠﯩﺮﯨﻢ ﺋﯩﺰ - ﺗﯩﺰﺳﯩﺰ ﻏﺎﻳﯩﺐ ﺑﻮﻟﯩﺪﯗ. ﻣﻪﻥ ﺋﺎﺩﻩﻣﻨﻰ ﭘﺎﺭﺍﻛﻪﻧﺪﻩ ﻗﯩﻠﯩﺪﯨﻐﺎﻥﺑﯘﻧﺪﺍﻕ ﺧﯩﻴﺎﻟﻼﺭﻧﻰ ﻳﯩﻐﯩﺸﺘﯘﺭﯗﭖ ﻗﻮﻳﯘﺵ ﺋﯜﭼﯜﻥ ﺋﯚﺯﯛﻣﻨﻰ ﺋﯩﻤﻜﺎﻧﯩﻴﻪﺗﻨﯩﯔ ﺑﺎﺭﯨﭽﻪ ﺧﯘﺷﺎﻝﺗﯘﺗﯘﺷﻘﺎ ﯞﻩ ﻧﺎﺗﺎﻟﯩﻴﻪﮔﻪ ﺧﯘﺷﯘﻡ - ﺧﯘﺵ ﻗﺎﺭﺍﺷﻘﺎ ﺗﯩﺮﯨﺸﯩﻤﻪﻥ، ﺷﯘﻏﯩﻨﯩﺴﻰ ﺋﯘ ﻣﯧﻨﻰ ﻫﺎﻳﺎﺟﺎﻧﻐﺎﺳﺎﻻﻟﻤﺎﻳﺪﯗ ﻳﺎﻛﻰ ﻣﯧﻨﻰ ﺋﯩﮕﯩﻠﯩﻴﻪﻟﻤﻪﻳﺪﯗ. ﻣﻪﻥ ﺋﯘﻧﯩﯖﻐﺎ ﻗﺎﺭﺍﯞﺍﺗﻘﯩﻨﯩﻤﺪﺍ، ﺧﯘﺩﺩﻯ ﺑﯩﺮ ﭘﺎﺭﭼﻪﺳﯜﺭﻩﺗﻜﻪ ﻗﺎﺭﺍﯞﺍﺗﻘﺎﻧﺪﻩﻙ، ﺑﯜﯞﻯ ﻣﻪﺭﯨﻴﻪﻡ ﺋﺎﻧﯩﻨﯩﯔ ﻫﻪﻳﻜﯩﻠﯩﮕﻪ ﻗﺎﺭﺍﯞﺍﺗﻘﺎﻧﺪﻩﻙ ﺑﻮﻟﯩﻤﻪﻥ (ﺋﯘﻧﯩﯔ ﺑﯩﺮﺩﯨﻨﺒﯩﺮﻳﯧﺘﻪﺭﺳﯩﺰﻟﯩﻜﻰ، ﻧﺎﺗﺎﻟﯩﻴﻪﻧﯩﯔ ﺑﺎﺷﻤﺎﻟﺘﺎﻕ ﭘﯘﺗﯩﺪﺍ ﺧﺎﻟﺘﯩﻠﯩﻖ ﺋﯩﺸﺸﯩﻖ ﺑﺎﺭ ﺋﯩﺪﻯ).
ﻣﻪﻥ ﺋﯜﭼﯜﻥ ﺋﯧﻴﺘﻘﺎﻧﺪﺍ، ﻧﺎﺗﺎﻟﯩﻴﻪ ﻣﯧﻨﯩﯔ ﺑﺎﺵ - ﺋﺎﺧﯩﺮﻯ ﻳﻮﻕ ﺧﯩﻴﺎﻟﻼﺭﺩﯨﻦ ﻗﯘﺗﯘﻟﯘﺷﯘﻣﺪﯨﻜﻰﺑﯩﺮ ﯞﺍﺳﯩﺘﯩﮕﻪ ﺋﺎﻳﻠﯩﻨﯩﭗ ﻗﺎﻟﻐﺎﻧﯩﺪﻯ. ﻣﯘﻧﺪﺍﻗﭽﻪ ﻗﯩﻠﯩﭗ ﺋﯧﻴﺘﻘﺎﻧﺪﺍ، ﻣﯧﻨﯩﯔ ﺧﻮﺗﯘﻧﯘﻡ ﺑﯩﻠﻪﻥﺑﯩﺮ ﺋﯚﻳﺪﻩ ﻳﺎﺷﯩﺸﯩﻢ ﺧﯘﺷﺎﻟﻠﯩﻖ ﺋﯜﭼﯜﻥ ﺋﻪﻣﻪﺱ، ﺑﻪﻟﻜﻰ ﺋﯘﻧﯩﯖﻐﺎ ﺑﻮﻟﻐﺎﻥ ﺳﺎﺩﺍﻗﯩﺘﯩﻤﺪﯨﻦ ﺋﯩﺪﻯ.
ﻟﯧﻜﯩﻦ، ﻣﻪﻥ ﺑﯘﻧﺪﺍﻕ ﺧﯩﻴﺎﻟﻼﺭﺩﯨﻦ ﻫﻪﺭ ﻗﺎﭼﺎﻥ ﻗﯘﺗﯘﻻﻟﻤﯩﺪﯨﻢ، ﺯﯨﻴﺎﺩﻩ ﻫﺎﻳﺎﺟﺎﻥ ﺗﻪﺳﯩﺮﯨﺪﯨﻦ ﺋﯘ ﺧﯩﻴﺎﻟﻼﺭ ﻳﺎﻣﻐﯘﺭﺩﯨﻦ ﻛﯧﻴﯩﻨﻜﻰ ﺋﻮﺕ - ﭼﯚﭘﺘﻪﻙ ﻳﯧﺘﯩﺸﯩﭗ ﺋﯚﺳﻤﻪﻛﺘﻪ. ﻗﻮﻟﺪﯨﻦ ﻛﻪﺗﻜﻪﻥ ﻫﻪﺭ ﺧﯩﻞ ﻧﻪﺭﺳﯩﻠﻪﺭ ﺋﯜﭼﯜﻥ ﺋﺎﻳﺎﻟﻼﺭﻧﻰ ﻣﺎﯕﺎ ﻣﯩﻨﯩﭗ ﺋﻮﻟﺘﯘﺭﻏﺎﻥﺳﯩﻴﺎﻗﺘﺎ ﺗﻪﺳﻪﯞﯞﯗﺭ ﻗﯩﻠﯩﺶ ﺋﺎﺭﻗﯩﻠﯩﻖ ﺋﯘﻧﻰ ﺗﻮﻟﺪﯗﺭﯗﯞﯦﻠﯩﺸﻨﻰ ﺋﻮﻳﻼﻳﺘﺘﯩﻢ.

----------------------
ﺋﯩﺰﺍﻫﺎﺗﻼﺭ:
(1) ﺩﺍﻧﺘﯩﺲ (1812 - 1895)ﭘﯘﺷﻜﯩﻨﻨﯩﯔ ﺑﺎﺟﯩﺴﻰ ﯞﻩ ﺭﻩﻗﯩﺒﻰ، 1833 - ﻳﯩﻠﻰ ﺩﺍﻧﺘﯩﺲﻓﺮﺍﻧﺴﯩﻴﯩﺪﯨﻦ ﭼﺎﺭﺭﯗﺳﯩﻴﯩﮕﻪ ﻛﯧﻠﯩﭗ، ﭼﺎﺭﺭﯗﺳﯩﻴﯩﺪﯨﻜﻰ ﺩﺍﯕﻠﯩﻖ ﻗﻮﺷﯘﻧﻨﯩﯔ ﺋﻮﻓﯩﺘﺴﯧﺮﻯ ﺑﻮﻟﯘﭖﻗﺎﻟﻐﺎﻥ. 1837 - ﻳﯩﻠﻰ 1 - ﺋﺎﻳﻨﯩﯔ 10 - ﻛﯜﻧﻰ ﭘﯘﺷﻜﯩﻨﻨﯩﯔ ﻗﯧﻴﻨﯩﺌﺎﭼﯩﺴﻰ ﻛﺎﺗﺮﯨﻦ ﺑﯩﻠﻪﻥ ﺗﻮﻱﻗﯩﻠﻐﺎﻥ. 1837 - ﻳﯩﻠﻰ 1 - ﺋﺎﻳﻨﯩﯔ 27 - ﻛﯜﻧﯩﺪﯨﻜﻰ ﺩﯗﺋﯩﻠﺪﺍ ﭘﯘﺷﻜﯩﻨﻨﻰ ﺋﯧﺘﯩﭗﺋﯚﻟﺘﯜﺭﯛﯞﻩﺗﻜﻪﻥ.
(2) ﮔﯧﺮﻣﺎﻧﯩﻴﯩﻠﯩﻚ ﺭﻩﻣﻤﺎﻝ ﺋﺎﻳﺎﻝ A.F. ﻛﯩﺨﮕﻮﻑ. ﺋﯘ، ﭘﯘﺷﻜﯩﻨﻐﺎ ﺗﯚﺕ ﻗﯧﺘﯩﻢ ﺭﻩﻡ ﺳﺎﻟﻐﺎﻥ، ﻫﻪﻣﻤﯩﺴﻰﺩﯦﮕﻪﻧﻜﯩﺪﻩﻙ ﺗﻮﻏﺮﺍ ﺑﻮﻟﯘﭖ ﭼﯩﻘﻘﺎﻥ. ﺋﻪﯓ ﺋﺎﺧﯩﺮﯨﺪﺍ ﺳﺎﻟﻐﺎﻥ ﺭﻩﻣﺪﻩ: ﺋﻪﮔﻪﺭ، ﭘﯘﺷﻜﯩﻨﻨﯩﯔ 37 ﻳﯧﺸﯩﺪﺍ ﺋﯧﮕﯩﺰ ﺑﻮﻱ، ﺳﯧﺮﯨﻖ ﭼﺎﭼﻠﯩﻖ ﺑﯩﺮ ﺋﻪﺭﺩﯨﻦ ﺑﻪﺧﺘﺴﯩﺰﻟﯩﻜﻜﻪ ﺋﯘﭼﺮﯨﻤﯩﺴﺎ، ﺋﯘﺯﯗﻥ ﺋﯚﻣﯜﺭﻛﯚﺭﯛﺷﻰ ﻣﯘﻣﻜﯩﻦ، ﺩﯦﻴﯩﻠﮕﻪﻥ.
(3) ﻧﺎﺗﺎﻟﯩﻴﻪ ﻧﯩﻜﯘﻻﻳﯧﯟﺍﭘﯘﺷﻜﯩﻦ (1812 - 1863)، ﭘﯘﺷﻜﯩﻨﻨﯩﯔ ﺋﺎﻳﺎﻟﻰ.
(4) ﺋﯩﯟﺍﻥ ﺳﯩﻤﻨﻮﯞﯦﭻ ﺑﺎﻛﻮﭖ(1732 - 1768)، ﭼﺎﺭﺭﯗﺳﯩﻴﯩﻨﯩﯔ ﺳﯧﺮﯨﻖ ﺋﻪﺳﻪﺭ ﻳﺎﺯﻏﺎﻥ ﺷﺎﺋﯩﺮﻯﺑﻮﻟﯘﭖ، ﺋﯘﻧﯩﯔ ﺋﻪﺳﻪﺭﻟﯩﺮﻯ ﭼﺎﺭﺭﯗﺳﯩﻴﯩﺪﻩ ﺯﺍﺩﯨﻼ ﺋﯧﻼﻥ ﻗﯩﻠﯩﻨﯩﭗ ﺑﺎﻗﻤﯩﻐﺎﻥ.
(5) ﺩﯦﻠﯟﯨﮓ (ﺋﺎﻧﺘﻮﻥ ﺋﺎﻧﺘﻮﻧﯩﯟﯦﭻ ﺩﯦﻠﯟﯨﮓ، 1798-1831)، ﭼﺎﺭﺭﯗﺳﯩﻴﯩﻨﯩﯔ ﺷﺎﺋﯩﺮﻯ، ﭘﯘﺷﻜﯩﻨﻨﯩﯔ ﺩﻭﺳﺘﻰ.
(6) ﭘﯘﺷﻜﯩﻨﻨﯩﯔ ﻗﯧﻴﻨﺌﺎﺗﯩﺴﯩﺪﯨﻦ ﻗﺎﻟﻐﺎﻥ ﺯﯦﻤﯩﻦ.
(7) ﭼﺎﺭﺭﯗﺳﯩﻴﯩﻨﯩﯔ ﭼﺎﺭ ﭘﺎﺩﯨﺸﺎﻫﻰ ﻧﯩﻜﯘﻻﻱ ﭘﺎﺑﻠﻮﯞﯨﭽﻨﻰ ﻛﯚﺭﺳﯩﺘﯩﺪﯗ .
(8) ﻛﺎﺗﺮﯨﻦ ﻧﯩﻜﯘﻻﻳﯧﯟﺍ ﮔﻮﻧﭽﺎﺭﯨﯟﺍ (1809 -   1843)، ﭘﯘﺷﻜﯩﻨﻨﯩﯔ ﻗﯧﻴﻨﺌﺎﭼﯩﺴﻰ.
(9) ﭘﯧﺘﯩﺮﺑﻮﺭﮔﻨﯩﯔ ﻳﯧﻘﯩﻦ ﺋﻪﺗﺮﺍﭘﯩﺪﯨﻜﻰ ﺑﯩﺮ ﺑﺎﺯﺍﺭ ﺑﻮﻟﯘﭖ، ﺋﯘ ﭼﺎﺭ ﭘﺎﺩﯨﺸﺎﻫﻨﯩﯔ ﻳﺎﺯﻟﯩﻖ ﻫﻪﺭﻩﻣﺨﺎﻧﯩﺴﻰﺟﺎﻳﻼﺷﻘﺎﻥ ﺟﺎﻱ.
(10) ﺋﻮﻟﯩﻴﺎ، ﺋﻮﻟﮕﺎ ﺳﯧﺮﮔﯩﻴﯧﻔﻨﺎ ﭘﯘﺷﻜﯩﻦ(1797 - 1868) ﭘﯘﺷﻜﯩﻨﻨﯩﯔ ﻫﻪﺩﯨﺴﻰ.
(11) ﺋﺎﻧﻨﺎ ﺋﺎﻟﯧﻜﺴﻴﯧﯟﻧﺎ ﺋﻮﺭﯦﻨﻨﯧﻨﺎ(1808 -   1888)، ﭘﯘﺷﻜﯩﻦ 1828 - ﻳﯩﻠﻰ ﻳﺎﺧﺸﻰ ﻛﯚﺭﯛﭖ ﻗﺎﻟﻐﺎﻥ ﺑﯩﺮ ﻗﯩﺰ.
(12) ﺳﻮﭘﯩﻴﻪ -   ﺳﻮﭘﯩﻴﻪ ﭘﯩﺌﻮﺩﻭﺭﯗﯞﻧﺎ ﭘﯘﺷﻜﯩﻦ(1806 -   1862)، ﭘﯘﺷﻜﯩﻨﻨﯩﯔ ﺷﯩﺮﻩﻡ ﺗﯘﻏﻘﯩﻨﻰ. ﭘﯘﺷﻜﯩﻦ 1826 - ﻳﯩﻠﻰ ﺋﯘﻧﻰﻳﺎﺧﺸﻰ ﻛﯚﺭﯛﭖ ﻗﺎﻟﻐﺎﻥ.
(13) ﻛﺎﺭﺍﻣﯘﺟﯩﻦ -   ﻧﯩﻜﯘﻻﻱ ﻣﯩﺨﺎﻳﻠﻮﯞﯨﭻ ﻛﺎﺭﺍﻣﯘﺟﯩﻦ(1766 – 1826)، ﭼﺎﺭ ﺭﯗﺳﯩﻴﯩﻠﯩﻚ ﻳﺎﺯﻏﯘﭼﻰ ﯞﻩﺗﺎﺭﯨﺨﭽﻰ.

بۇ يازمىنى ئاخىرىدا   jallat تەھرىرلىگەن. ۋاقتى  2012-5-26 11:04  

(ﺩﺍﯞﺍﻣﻰ)
11
ﻣﻪﻥ، ﻣﯘﻗﻪﺩﺩﻩﺱ ﻫﺎﻳﺎﺟﺎﻥ ﻣﯘﻫﻪﺑﺒﻪﺗﻨﯩﯔ ﻧﯩﺸﺎﻧﻰ، ﺩﻩﭖ ﻗﺎﺭﺍﻳﺘﺘﯩﻢ. ﻳﺎﻕ، ﺋﻪﮔﻪﺭ ﺭﺍﺳﺘﺘﯩﻨﻼ ﺷﯘﻧﺪﺍﻕ ﺑﻮﻟﯩﺪﯨﻐﺎﻥ ﺑﻮﻟﺴﺎ، ﺋﯘﻧﺪﺍﻗﺘﺎ ﺳﺎﺩﺍﻗﻪﺕ ﺑﯘﻧﺪﺍﻕ ﺑﯩﺮ ﺧﯩﻞ ﺋﯧﻐﯩﺮ ﻳﯜﻛﻜﻪ ﺋﺎﻳﻠﯩﻨﯩﭗ ﻗﺎﻟﻤﯩﻐﺎﻥ، ﺑﯩﺮ ﺧﻮﺗﯘﻧﻤﯘ ﻣﯧﻨﻰ ﺗﺎﻣﺎﻣﻪﻥ ﺭﺍﺯﻯ ﻗﯩﻼﻟﯩﻐﺎﻥ ﺑﻮﻻﺭ ﺋﯩﺪﻯ. ﻫﺎﻳﺎﺟﺎﻥ ﻧﯩﺸﺎﻥ ﺋﻪﻣﻪﺱ، ﺋﺎﻧﺎﻧﯩﺰﻡ ﻗﯩﻠﺴﯩﻤﯘ ﻫﺎﻳﺎﺟﺎﻧﻼﻧﻐﯩﻠﻰ ﺑﻮﻟﯩﺪﯗ، ﻧﯩﺸﺎﻥ ﺑﻮﻟﺴﺎ ﺗﻪﻧﻨﯩﯔ ﺳﯩﺮﻟﯩﺮﯨﻨﻰ ﻳﯧﺸﯩﺶ. ﺗﻪﻧﻨﯩﯔ ﺳﯩﺮﻟﯩﻘﻠﯩﻘﻰ ﺳﯩﺰﻧﯩﯔ ﻛﯧﭽﯩﺪﻩ ﺋﺎﻳﺎﻟﻼﺭ ﺑﯩﻠﻪﻥ ﺑﯩﺮﮔﻪ ﺑﻮﻟﻐﺎﻧﺪﺍ ﭘﻪﻳﺪﺍ ﺑﻮﻟﯩﺪﯨﻐﺎﻥ ﻛﯜﭼﻠﯜﻙ ﻫﺎﻳﺎﺟﺎﻧﻐﺎ ﺗﻮﺳﺎﻟﻐﯘ ﺑﻮﻟﯩﺪﯗ. ﺗﻪﻧﻨﯩﯔ ﺳﯩﺮﻟﯩﻘﻠﯩﻘﻰ ﻳﻮﻗﺎﻟﻤﺎﻳﺪﯗ، ﺷﯘﻧﺪﺍﻗﻼ ﺋﯘ ﺋﯚﺯﯨﻨﻰ ﭘﯜﺗﯜﻧﻠﻪﻱ ﺋﺎﺷﻜﺎﺭﺍ ﻗﯩﻠﯩﭙﻤﯘ ﻛﻪﺗﻤﻪﻳﺪﯗ، ﺑﻪﻟﻜﻰ ﺋﯘ ﺑﺎﺷﻘﺎ ﺋﺎﻳﺎﻟﻼﺭﻧﯩﯔ ﯞﯗﺟﯘﺩﯨﻐﺎ ﻛﯚﭼﯩﺪﯗ.
ﻳﺎﻛﻰ ﺷﯘﻧﺪﺍﻕ ﺋﯧﻴﺘﯩﺸﻘﺎ ﺑﻮﻟﯩﺪﯗﻛﻰ، ﻫﻪﺭ ﺑﯩﺮ ﺑﻪﺩﻩﻧﻨﯩﯔ ﺋﯚﺯﯨﮕﻪ ﺧﺎﺱ ﺳﯩﺮﻟﯩﻘﻠﯩﻘﻰ ﺑﻮﻟﯩﺪﯗ. ﺑﯩﺮﺳﯩﻨﯩﯔ ﺋﺎﺷﻜﺎﺭﺍ ﻗﯩﻠﯩﻨﯩﺸﻰ، ﺳﯩﺰﻧﯩﯔ ﺑﺎﺭﻟﯩﻖ ﺳﯩﺮﻟﯩﻘﻠﯩﻘﻨﻰ ﭼﯜﺷﯩﻨﯩﭗ ﻳﻪﺗﻜﯩﻨﯩﯖﯩﺰﺩﯨﻦ ﺩﯦﺮﻩﻙ ﺑﻪﺭﻣﻪﻳﺪﯗ. ﺷﯘﯕﺎ ﺳﯩﺰ ﺋﻪﺳﻪﺑﯩﻲ ﺗﻪﻧﮕﻪ ﺋﯩﮕﻪ ﺑﻮﻟﺪﯗﻡ ﺩﯦﮕﯩﻨﯩﯖﯩﺰﺩﻩ، ﺳﯩﺰ ﺳﯩﺮﻟﯩﻘﻨﯩﯔ ﻗﯘﻳﺮﯗﻗﯩﻨﻰ ﺳﯩﻼﭖ ﻗﺎﻟﻐﺎﻧﻼ ﺑﻮﻟﯩﺴﯩﺰ. ﻳﺎﻕ، ﺋﯘ ﺳﯩﺰ ﺑﯩﺰﺍﺭ ﺑﻮﻟﻐﺎﻥ ﺗﻪﻧﺪﯨﻦ ﺳﯩﻴﺮﯨﻠﯩﭗ ﭼﯩﻘﯩﭗ، ﺑﺎﺷﻘﺎ ﺑﯩﺮﺍﯞﻧﯩﯔ ﺗﯧﻨﯩﺪﻩ ﺳﯩﺰﻧﻰ ﻛﯚﺯﯨﺘﯩﭗ ﺗﯘﺭﯨﺪﯗ.
ﺳﯩﺮﻟﯩﻘﻠﯩﻘﻨﻰ ﺋﯚﺯﯨﻨﯩﯔ ﻣﯘﻧﺎﺳﯩﭗ ﺋﻮﺭﻧﯩﻐﺎ ﺑﯩﺮﺩﯨﻨﺒﯩﺮ  ﻗﺎﻳﺘﯘﺭﺍﻻﻳﺪﯨﻐﯩﻨﻰ، ﺋﺎﻳﺮﯨﻠﯩﺶ. ﺋﺎﻳﺎﻟﯩﯖﯩﺰﻧﻰ ﻏﺎﻳﯩﯖﯩﺰﺩﯨﻜﻰ ﺑﯩﺮ ﻛﯧﭽﯩﻠﯩﻚ ﺋﺎﻳﺎﻟﻐﺎ ﺋﺎﻳﻼﻧﺪﯗﺭﻏﺎﻧﺪﯨﻼ، ﺋﺎﻧﺪﯨﻦ ﺋﯘ ﺳﯩﺮﻟﯩﻘﻠﯩﻘﻨﻰ ﺋﺎﺷﯘﻧﺪﺍﻕ ﻣﯘﻧﺎﺳﯩﭗ ﺋﻮﺭﯗﻧﻐﺎ ﻗﺎﻳﺘﯘﺭﻏﯩﻠﻰ ﺑﻮﻟﯩﺪﯗ.
12
ﺩﯦﻜﺎﺑﯩﺮﻣﯘ ﻛﯩﺮﯨﭗ ﻗﺎﻟﺪﻯ، ﺋﯚﻳﺪﻩ ﺋﯩﭽﯩﻢ ﺳﯩﻘﯩﻠﯩﭗ ﺯﺍﺩﯨﻼ ﺗﺎﻗﻪﺕ ﻗﯩﻠﻐﯘﭼﯩﻠﯩﻜﯩﻢ ﻗﺎﻟﻤﯩﺪﻯ، ﺑﯘﻧﯩﯔ ﺑﯩﻠﻪﻥ ﺑﯧﺸﯩﻤﻨﻰ ﺋﯧﻠﯩﭗ ﺋﯚﻳﺪﯨﻦ ﭼﯩﻘﻘﺎﻧﭽﻪ ﻣﻮﺳﻜﯟﺍﻏﺎ ﻛﻪﺗﺘﯩﻢ. ﻣﻪﻥ ﺟﯘﺩﺍﻟﯩﺸﯩﺶ ﻣﯧﻨﯩﯔ ﻧﺎﺗﺎﻟﯩﻴﻪﮔﻪ ﺑﻮﻟﻐﺎﻥ ﻫﯧﺴﺴﯩﻴﺎﺗﯩﻤﻨﻰ ﻗﺎﻳﺘﯩﺪﯨﻦ ﺋﯘﺭﻏﯘﺗﯩﺪﯗ، ﺩﻩﻳﺘﺘﯩﻢ ﺋﯚﺯ-ﺋﯚﺯﯛﻣﮕﻪ.ﯗﺩﺍﻟﯩﺸﯩﺶ ﺋﯜﭼﯜﻥ ﻧﺎﺳﭽﯘﻛﯩﻨﻨﯩﯔ(14) ﺗﻪﻛﻠﯩﭙﯩﮕﻪ ﺋﺎﺳﺎﺳﻪﻥ ﻛﻪﻟﺘﯜﺭﯛﻟﮕﻪﻥ ﺳﯩﮕﺎﻥ ﻗﯩﺰﻯ ﺑﯩﻠﻪﻥ ﺋﯩﺶ - ﭘﻪﺵ ﺗﺎﺭﺗﯩﺸﯩﺶ ﺋﻪﻣﻪﺱ، ﺋﻪﻛﺴﯩﭽﻪ ﺟﯩﻤﻰ ﺋﺎﻳﺎﻝ ﺯﺍﺗﯩﺪﯨﻦ ﺋﺎﻳﺮﯨﻠﯩﺸﯩﻤﻐﺎ ﺗﻮﻏﺮﺍ ﻛﯧﻠﻪﺗﺘﻰ. ﻧﺎﺗﺎﻟﯩﻴﻪﺩﯨﻦ ﺋﺎﻳﺮﯨﻠﯩﭗ ﻳﯩﺮﺍﻕ ﺗﯘﺭﯗﺵ، ﺋﯘﻧﯩﯖﻐﺎ ﺑﻮﻟﻐﺎﻥ ﻫﯧﺴﺴﯩﻴﺎﺗﯩﻤﻨﻰ ﻳﯧﯖﯩﻼﭘﻼ ﻗﺎﻟﻤﺎﻱ، ﺑﻪﻟﻜﻰ ﻣﯧﻨﯩﯔ ﻣﯘﻫﻪﺑﺒﻪﺕ ﺳﺎﺩﺍﻗﯩﺘﻰ ﺋﯜﭼﯜﻥ ﺋﯩﭽﻜﻪﻥ ﻗﻪﺳﻪﻣﻠﯩﺮﯨﻤﻨﯩﻤﯘ ﺋﯘﻧﺘﯘﻟﺪﯗﺭﺍﺗﺘﻰ. ﺋﻮﻟﯧﻨﻜﺎ(15) ﻣﯧﻨﯩﯔ ﻗﯧﺸﯩﻤﻐﺎ ﻛﯧﻠﯩﯟﯨﺪﻯ، ﺋﺎﻳﺎﻟﯩﻤﻐﺎ ﺋﻮﻳﻐﺎﻧﻐﺎﻥ ﻫﯧﺴﺴﯩﻴﺎﺗﯩﻢ ﻣﯧﻨﯩﯔ ﻳﯧﻨﯩﻤﺪﯨﻜﻰ ﺑﯘ ﺋﺎﻳﺎﻟﻐﺎ ﻛﯚﭼﺘﻰ. ﺋﯘ ﺧﯘﺩﺩﻯ ﻫﺎﻳﺎﺗﯩﻤﻐﺎ ﺑﯚﺳﯜﭖ ﻛﯩﺮﮔﻪﻥ ﺗﯘﻧﺠﻰ ﻗﯩﺰﺩﻩﻙ ﻣﯧﻨﯩﯔ ﻫﯧﺲ - ﺗﯘﻳﻐﯘﻟﯩﺮﯨﻤﻨﻰ ﺗﺎﻣﺎﻣﻪﻥ ﻳﯧﯖﯩﻠﯩﯟﻩﺗﺘﻰ. ﺋﺎﻳﺎﻟﻼﺭﻧﯩﯔ ﺗﯧﻨﻰ ﻳﻪﻧﻪ ﺑﯩﺮ ﺭﻩﺕ ﺋﯚﺯﯨﻨﯩﯔ ﻣﯘﻗﻪﺩﺩﻩﺱ ﻧﯩﮕﺎﻫﯩﻨﻰ ﻣﺎﯕﺎ ﺗﺎﺷﻠﯩﻐﺎﻧﯩﺪﻯ.
ﻫﺎﻟﺒﯘﻛﻰ، ﺋﯘﻧﯩﯔ ﺗﯧﻨﯩﮕﻪ ﻛﯩﺮﯨﭗ ﻛﻪﻟﮕﯩﻨﯩﻤﺪﻩ، ﻣﻪﻥ ﻳﻪﻧﻪ ﻧﺎﺗﺎﻟﯩﻴﻪﻧﻰ ﭼﻮﯕﻘﯘﺭ ﺳﯧﻐﯩﻨﯩﺶ ﺋﯩﭽﯩﺪﻩ ﻛﯚﺯ ﺋﺎﻟﺪﯨﻤﻐﺎ ﻛﻪﻟﺘﯜﺭﻩﺗﺘﯩﻢ. ﻣﯘﺑﺎﺩﺍ، ﺋﯘ ﺷﯘ ﺗﯘﺭﻗﻰ ﻣﯧﻨﯩﯔ ﺋﺎﻟﺪﯨﻤﺪﺍ ﭘﻪﻳﺪﺍ ﺑﻮﻟﯘﭖ ﻗﺎﻟﻐﺎﻥ ﺑﻮﻟﺴﺎ، ﻗﺎﻳﺘﯩﺪﯨﻦ ﺋﻮﻳﻐﺎﻧﻐﺎﻥ ﻫﯧﺴﺴﯩﻴﺎﺕ ﺑﯩﻠﻪﻥ ﺗﻮﻟﻐﺎﻥ ﺷﯘ ﯞﯗﺟﯘﺩﯗﻡ ﺑﯩﻠﻪﻥ ﺋﺎﯕﺎ ﻫﻪﻣﻠﻪ ﻗﯩﻠﯩﭗ ﺗﺎﺷﻼﻧﻐﺎﻥ ﺑﻮﻻﺭ ﺋﯩﺪﯨﻢ. ﻧﺎﺗﺎﻟﯩﻴﻪ ﻣﻪﻥ ﺋﯜﭼﯜﻥ ﺗﺎﻣﺎﻣﻪﻥ ﻧﺎﺗﻮﻧﯘﺵ، ﻳﻮﭼﯘﻥ ﺋﺎﻳﺎﻟﺪﻩﻙ ﻣﻪﻧﺪﯨﻦ ﻛﯚﭖ ﻳﯩﺮﺍﻗﺘﺎ، ﻟﯧﻜﯩﻦ ﺑﯘﻧﯩﺴﻰ ﻣﯧﻨﯩﯔ ﺷﯘ ﺗﺎﭘﺘﯩﻜﻰ ﺋﺎﺭﺯﯗ - ﺋﯩﺴﺘﻪﻛﻠﯩﺮﯨﻤﮕﻪ ﺋﻪﯓ ﻣﺎﺱ ﻛﯧﻠﻪﺗﺘﻰ. ﺑﯘ ﻣﻪﻥ ﺋﯜﭼﯜﻥ ﻫﻪﺭﮔﯩﺰﻣﯘ ﺑﯩﺮ ﻳﯧﯖﯩﻠﯩﻖ ﺋﻪﻣﻪﺱ، ﺑﺎﺷﻘﺎ ﺋﺎﻳﺎﻟﻼﺭﻏﺎ ﺑﻮﻟﻐﺎﻥ ﺗﯘﻳﻐﯘﻟﯩﺮﯨﻤﻤﯘ ﺷﯘﻧﺪﺍﻕ ﺋﯩﺪﻯ. ﺷﯘﻧﺪﺍﻗﺘﯩﻤﯘ، ﻣﻪﻟﯘﻡ ﺳﻪﯞﻩﺑﻠﻪﺭ ﺑﯩﻠﻪﻥ ﺋﯚﺯﯛﻣﺪﻩ ﺷﯘﻧﺪﺍﻕ ﺑﯩﺮ ﺋﯩﺸﻪﻧﭻ ﺗﯘﺭﻏﯘﺯﯗﻟﺪﯨﻜﻰ، ﺋﺎﺩﻩﺗﺘﯩﻜﻰ ﺋﻮﻣﯘﻣﯩﻲ ﻗﺎﺋﯩﺪﻩ - ﻳﯘﺳﯘﻧﻼﺭ ﺧﻮﺗﯘﻧﯘﻣﻐﺎ ﺑﻮﻟﻐﺎﻥ ﻫﯧﺴﺴﯩﻴﺎﺗﯩﻤﻐﺎ ﻫﯧﭽﻘﺎﻧﺪﺍﻕ ﺗﻪﺳﯩﺮ ﻛﯚﺭﺳﯩﺘﻪﻟﻤﻪﻳﺪﯨﻜﻪﻥ. ﺷﯘﯕﺎ ﻫﻪﻣﻤﻪ ﺋﯩﺸﻼﺭ ﺋﯘﻧﯩﯔ ﯞﯗﺟﯘﺩﯨﺪﺍ ﻳﻪﻧﻪ ﺳﺎﺩﯨﺮ ﺑﻮﻟﻐﺎﻧﺪﺍ، ﻣﻪﻥ ﻛﯚﺯ ﺋﺎﻟﺪﯨﻤﺪﯨﻜﻰ ﻫﻪﺭﻗﺎﻧﺪﺍﻕ ﺑﯩﺮ ﺋﺎﻳﺎﻟﻐﺎ ﻛﯚﯕﯜﻝ ﺑﯧﺮﻩﻟﻪﻳﺪﯨﻐﯩﻨﯩﻤﻨﻰ ﻫﯧﺲ ﻗﯩﻠﺪﯨﻢ.
ﺷﯘﻧﺪﺍﻕ ﺑﻮﻟﻐﺎﭼﻘﺎ، ﻣﻪﻥ ﺋﯚﺯﯛﻣﻨﻰ ﻳﻪﻧﻪ ﺗﯧﺰﻻ ﭘﺎﻫﯩﺸﯩﻠﻪﺭ ﻗﻮﻳﻨﯩﻐﺎ ﺋﺎﺗﺘﯩﻢ. ﺑﯘ ﭘﺎﻫﯩﺸﯩﻠﻪﺭ ﺋﺎﻳﺎﻟﯩﻤﻨﯩﯔ ﺩﻩﻫﺸﻪﺕ ﺳﻪﺗﻪﯕﻠﯩﻜﯩﻨﻰ ﺋﺎﯕﻼﺷﻘﺎﻧﯩﻜﻪﻥ، ﺋﯘﻻﺭ ﺑﯘ ﺳﻪﺗﻪﯕﺪﯨﻦ ﺋﺎﻳﺮﯨﻠﯩﭗ ﺋﯚﺯﻟﯩﺮﯨﻨﯩﯔ ﺧﺎﻧﯩﺴﯩﻐﺎ ﭘﺎﺕ - ﭘﺎﺕ ﻗﻪﺩﻩﻡ ﺗﻪﺷﺮﯨﭗ ﻗﯩﻠﯩﭗ ﺗﯘﺭﯗﺷﯘﻣﻨﻰ ﺋﯧﻴﺘﯩﺸﺎﺗﺘﻰ. ﺋﯘﻻﺭ ﺳﯜﺭﻩﺗﺘﻪﻙ ﮔﯜﺯﻩﻝ ﭼﯩﺮﺍﻳﻰ ﺑﻮﻟﺴﯩﻤﯘ ﺋﺎﺩﻩﻣﻨﯩﯔ ﻣﻪﻳﻠﯩﻨﻰ ﺗﺎﺭﺗﺎﻟﻤﺎﻳﺪﯨﻐﺎﻥ ﺋﺎﻳﺎﻟﻼﺭﻧﯩﯔ ﺑﺎﺭﻟﯩﻘﯩﻨﻰ ﻗﺎﻧﺪﺍﻗﻤﯘ ﭼﯜﺷﻪﻧﺴﯘﻥ؟ ﺋﯘﻻﺭ ﻣﯧﻨﯩﯔ ﭘﻪﻗﻪﺕ ﺗﯜﺭﻟﯜﻙ - ﺗﯜﻣﻪﻥ ﺧﻮﺗﯘﻥ - ﻗﯩﺰﻻﺭﺩﯨﻦ ﻫﯘﺯﯗﺭ ﺋﺎﻟﻐﯩﻨﯩﻤﺪﯨﻼ ﺋﺎﻧﺪﯨﻦ ﻫﺎﻳﺎﺗﯩﻤﻨﻰ ﺳﺎﻗﻼﭖ ﻗﺎﻻﻻﻳﺪﯨﻐﺎﻧﻠﯩﻘﻤﺪﻩﻙ ﭼﻮﯓ ﺋﯩﺸﻼﺭﻧﻰ ﻗﺎﻧﺪﺍﻗﻤﯘ ﺑﯩﻠﺴﯘﻥ؟ ﻧﺎﺗﺎﻟﯩﻴﻪﮔﻪ ﻛﯚﻳﯜﭖ - ﭘﯩﺸﯩﭗ ﺋﯘﻧﻰ ﻗﻮﻏﻠﯩﺸﯩﭗ ﻳﯜﺭﯛﺷﻜﻪﻧﻠﻪﺭ ﻣﺎﯕﺎ ﻏﻪﺯﻩﭖ ﯞﻩ ﺗﻪﺋﻪﺟﺠﯜﭖ ﺑﯩﻠﻪﻥ ﻗﺎﺭﯨﺸﯩﺪﯗ  -   ﻣﻪﻥ ﻗﺎﻧﺪﺍﻗﻤﯘ ﺳﻪﺗﻪﯓ ﺧﻮﺗﯘﻧﯘﻡ ﺑﯩﻠﻪﻥ ﭼﺎﺗﯩﻘﯩﻢ ﺑﻮﻟﻤﺎﻱ، ﺋﻪﻛﺴﯩﭽﻪ ﺑﺎﺷﻘﺎ ﻫﻪﺭﻗﺎﻧﺪﺍﻕ ﺋﺎﻳﺎﻟﻼﺭﻏﺎ ﻧﻪﺯﻩﺭ ﻛﯚﺯﯛﻣﻨﻰ ﺳﯧﻠﯩﺸﻘﺎ ﭘﯧﺘﯩﻨﺎﻱ؟ ﺩﯦﻤﯩﺴﯩﻤﯘ، ﻧﯘﺭﻏﯘﻥ ﺋﺎﺷﯩﻘﻼﺭ ﺋﯘﻧﯩﯖﻐﺎ ﺧﻪﺕ ﻳﺎﺯﻏﺎﻥ، ﺋﯚﺯﻟﯩﺮﯨﻨﯩﯔ ﻫﺎﻳﺎﺗﯩﻨﻰ ﺷﯩﭙﻰ ﻛﻪﻟﺘﯜﺭﯛﭖ ﺋﯩﺸﻪﻧﭽﻠﯩﻚ ﯞﻩ ﺳﻪﻣﯩﻤﯩﻲ ﻗﻪﺳﻪﻣﻠﻪﺭ ﺑﯩﻠﻪﻥ ﺋﯘﻧﯩﯔ ﻛﯚﯕﻠﯩﻨﻰ ﺋﯘﺗﻤﺎﻗﭽﻰ ﺑﻮﻟﯘﺷﻘﺎﻥ. ﻣﻪﻥ ﻧﺎﺗﺎﻟﯩﻴﻪ ﺑﯩﻠﻪﻥ ﺋﻮﻟﺘﯘﺭﯗﭖ ﺑﯘ ﺧﻪﺗﻠﻪﺭﻧﻰ ﺋﻮﻗﯘﻏﺎﻧﻠﯩﺮﯨﻤﯩﺰﺩﺍ، ﺋﯜﭼﻪﻳﻠﯩﺮﯨﻢ ﺋﯜﺯﯛﻟﮕﯜﺩﻩﻙ ﻛﯜﻟﯜﺷﻜﻪﻥ. ﺑﯩﻠﯩﺶ ﻛﯧﺮﻩﻛﻜﻰ، ﺋﯩﺸﻖ ﺋﻮﺗﯩﻐﺎ ﮔﯩﺮﯨﭙﺘﺎﺭ ﺑﻮﻟﻐﺎﻧﻼﺭﻧﯩﯔ ﻳﺎﺧﺸﻰ ﻛﯚﺭﯛﺷﯩﻤﯘ ﺗﯧﺰ ﺑﻮﻟﯩﺪﯗ، ﺋﯘﻻﺭﻧﯩﯔ ﻗﯩﺰﻏﯩﻨﻠﯩﻘﯩﻤﯘ ﺗﯧﺰﻻ ﺳﻮﯞﯗﭖ ﻛﯧﺘﯩﺪﯗ، ﻳﻮﻗﯩﺘﯩﺪﯨﻐﺎﻧﻠﯩﺮﻯ ﺗﯧﺨﯩﻤﯘ ﻛﯚﭖ ﺑﻮﻟﯩﺪﯗ. ﭼﯜﻧﻜﻰ ﻫﻪﻣﻤﯩﻨﻰ ﭼﯜﺷﯩﻨﯩﭗ ﻳﻪﺗﻜﯩﻨﯩﺪﻩ، ﺋﯚﺯﯨﺪﯨﻜﻰ ﺋﻮﺗﺘﻪﻙ ﻗﯩﺰﻏﯩﻨﻠﯩﻘﻨﯩﯔ ﻳﻮﻗﯩﻠﯩﺸﻰ ﺋﯧﻐﯩﺮ ﺯﻩﺭﺑﻪ ﺑﻮﻟﯩﺪﯗ.
ﺳﻪﻧﺪﻩﻙ ﺑﯩﺮ ﮔﯜﺯﻩﻟﮕﻪ ﺋﯧﺮﯨﺸﯩﺶ ﺋﯜﭼﯜﻧﻼ ﺳﯧﻨﯩﯔ ﻫﺎﻳﺎﺗﯩﯖﻨﻰ ﻗﯘﺭﺑﺎﻥ ﻗﯩﻠﯩﺶ، ﺑﯘﻧﯩﯖﻐﺎ ﭼﻮﯕﻘﯘﺭ ﻣﻪﻧﯩﻠﻪﺭ ﻳﻮﺷﯘﺭﯗﻧﻐﺎﻥ، ﺋﻪﮔﻪﺭ ﺷﯘﻧﺪﺍﻕ ﺑﻮﻟﯩﺪﯨﻐﺎﻥ ﺑﻮﻟﺴﺎ، ﺳﻪﻥ ﺋﯘﻧﺪﺍﻕ ﻣﯘﺯ ﭼﯩﺮﺍﻱ ﺑﻮﻟﯘﭖ ﻗﺎﻟﻤﺎﺱ ﺋﯩﺪﯨﯔ. ﻣﯧﻨﯩﯔ ﻳﯧﻘﯩﻨﻘﻰ ﻗﯩﻠﻐﺎﻥ - ﺋﻪﺗﻜﻪﻧﻠﯩﺮﯨﻢ ﺳﯧﻨﯩﯔ ﭼﯩﺸﯩﯖﻐﺎ ﺗﯧﮕﯩﺶ ﺋﯜﭼﯜﻧﻼ، ﺧﺎﻻﺱ. ﺋﯚﻟﯜﻡ ﺋﯚﺯﯨﻨﯩﯔ ﭼﯩﻦ ﻗﻪﻟﺒﯩﺪﯨﻦ ﺳﯚﻳﮕﻪﻥ ﺋﺎﺩﯨﻤﯩﮕﻪ ﺑﻮﻟﻐﺎﻥ ﺳﻪﻣﯩﻤﯩﻴﯩﺘﯩﻨﻰ ﺳﺎﻗﻼﭖ ﻗﯧﻠﯩﺸﻨﯩﯔ ﺋﻪﯓ ﻳﺎﺧﺸﻰ ﺷﻪﻛﻠﻰ. ﻣﻪﻥ ﺭﻭﻣﯩﺌﻮ ﯞﻩ ﮊﻭﻟﯧﺘﺘﺎﻧﯩﯔ ﺋﯚﺯﻟﯩﺮﯨﻨﻰ ﺋﯚﻟﺘﯜﺭﯛﯞﺍﻟﻐﺎﻧﻠﯩﻘﯩﻨﻰ ﭼﯜﺷﯩﻨﯩﻤﻪﻥ. ﺋﯘﻻﺭﻧﯩﯔ ﻫﻪﺭﯨﻜﯩﺘﻰ ﺑﯩﯟﺍﺳﯩﺘﻪ ﺳﻪﺯﮔﯜﻧﯩﯔ ﻣﻪﻫﺴﯘﻟﻰ ﺑﻮﻟﯘﭖ، ﺋﯘﻧﯩﯖﺪﺍ ﺋﻪﻗﯩﻞ ﻣﻪﺳﯩﻠﯩﺴﻰ ﻣﻪﯞﺟﯘﺕ ﺋﻪﻣﻪﺱ. ﺷﯘﻧﺪﺍﻗﺘﯩﻤﯘ ﺋﺎﺧﯩﺮﻗﻰ ﻣﻪﻗﺴﻪﺕ ﺑﻪﺭﯨﺒﯩﺮ ﺋﻮﺧﺸﺎﺵ: ﺋﯚﻟﮕﻪﻧﺪﯨﻦ ﻛﯧﻴﯩﻨﻤﯘ ﺑﺎﺷﺘﯩﻦ - ﺋﺎﺧﯩﺮ ﺳﯚﻳﮕﯩﻨﯩﮕﻪ ﺳﺎﺩﯨﻖ ﺑﻮﻟﯘﺵ. ﯞﻩﻫﺎﻟﻪﻧﻜﻰ، ﻫﻪﺭﻗﺎﻧﺪﺍﻕ  ﺑﻪﺭﻧﺎ، ﺋﯘﺯ ﯞﻩ ﮔﯚﺵ - ﻗﯧﻨﻰ ﺑﺎﺭ ﺗﯩﺮﯨﻚ ﺑﯩﺮ ﺑﻪﺩﻩﻥ ﺋﺎﻟﺪﯨﺪﺍ ﺑﯘ ﻣﯘﻣﻜﯩﻦ ﺑﻮﻟﻤﺎﻳﺪﯨﻐﺎﻥ ﺋﯩﺶ.
13
ﻣﻪﻥ ﺋﯚﺯﯛﻣﻨﯩﯔ ﺋﺎﺩﻩﺗﻨﻰ ﭼﯩﻘﯩﺶ ﻗﯩﻠﻐﺎﻥ ﺋﯩﻨﻜﺎﺳﻰ ﯞﻩ ﺗﻮﻳﺪﯨﻦ ﻛﯧﻴﯩﻨﻜﻰ ﺩﻩﺳﻠﻪﭘﻜﻰ ﺑﯩﺮﻧﻪﭼﭽﻪ ﻫﻪﭘﺘﯩﮕﯩﭽﻪ ﯞﺟﯘﺩﯗﻣﻨﯩﯔ ﭼﻪﻛﺴﯩﺰ ﺟﯩﻨﺴﯩﻲ ﻫﻪﯞﻩﺳﻜﻪ ﺗﻮﻟﯘﺷﻠﯩﺮﯨﻨﻰ ﻛﯚﺯﯨﺘﯩﭗ ﺑﺎﻗﺘﯩﻢ. ﻧﺎﺗﺎﻟﯩﻴﻪﻧﯩﯔ ﻫﻪﻣﻤﻪ - ﻫﻪﻣﻤﻪ ﻧﻪﺭﺳﯩﺴﻰ ﻣﯧﻨﯩﯔ ﻫﻪﯞﯨﺴﯩﻤﻨﻰ ﻗﻮﺯﻏﺎﻳﺪﯗ: ﺋﯘﻧﯩﯔ ﻗﻮﻟﺘﯘﻗﯩﺪﯨﻦ ﺗﺎﺭﻗﯩﻠﯩﯟﺍﺗﻘﺎﻥ ﺧﯘﺷﺒﯘﻱ ﻫﯩﺪﯨﻨﻰ ﭘﯘﺭﯨﻐﺎﻧﻠﯩﺮﯨﻤﺪﺍ، ﺋﯘﻧﯩﯔ ﺳﯚﻳﯜﻣﻠﯜﻙ ﺗﯩﻨﯩﻘﻠﯩﺮﻯ ﻳﯜﺯﻟﯩﺮﯨﻤﮕﻪ ﺋﯘﺭﯗﻟﻐﺎﻧﻠﯩﺮﯨﺪﺍ ﯞﻩ ﺷﯘﻧﯩﯖﺪﻩﻙ ﺑﺎﺷﻘﺎ ﯞﺍﻗﯩﺘﻼﺭﺩﺍ ﻛﯜﭼﻠﯜﻙ ﻫﻪﯞﯨﺴﯩﻢ ﻗﻮﺯﻏﯩﻠﯩﺶ ﺗﯜﭘﻪﻳﻠﻰ ﺋﻪﻗﻠﻰ - ﻫﯘﺷﯘﻣﻨﻰ ﻳﻮﻗﯩﺘﯩﻤﻪﻥ.
ﻧﺎﺗﺎﻟﯩﻴﻪﻧﯩﯔ ﯞﯗﺟﯘﺩﯨﺪﺍ ﻣﯧﻨﻰ ﺑﯩﺰﺍﺭ ﻗﯩﻠﯩﭗ ﻗﻮﻳﯩﺪﯨﻐﺎﻥ ﻫﯧﭽﻨﻪﺭﺳﻪ ﻣﻪﯞﺟﯘﺕ ﺋﻪﻣﻪﺱ. ﺋﻪﮔﻪﺭ، ﺋﯘﻧﯩﯔ ﺟﯩﺴﻤﯩﺪﯨﻜﻰ ﻫﻪﻣﻤﻪ ﻧﻪﺭﺳﻪ ﻣﯧﻨﯩﯔ ﻫﯧﺴﺴﯩﻴﺎﺗﯩﻤﻨﻰ ﻗﻮﺯﻏﯩﺘﺎﻟﯩﻐﺎﻥ ﺑﻮﻟﺴﺎ، ﺋﯘ ﻫﺎﻟﺪﺍ ﻫﻪﻣﻤﻪ ﺑﯩﺮﺩﻩﻙ ﮔﯜﺯﻩﻝ ﺑﻮﻟﻐﺎﻥ ﺑﻮﻻﺗﺘﻰ. ﺋﺎﺭﺯﯗ - ﺗﻪﻟﻪﭖ ﻗﺎﻧﭽﯩﻜﻰ ﻛﯜﭼﻪﻳﮕﻪﻧﺴﯧﺮﻯ، ﺑﯘ ﺋﺎﺭﺯﯗ - ﺗﻪﻟﻪﭖ ﺗﯩﺮﻧﺎﻕ ﺋﺎﺳﺘﯩﺪﯨﻦ ﺷﯘﻧﭽﻪ ﻛﯩﺮ ﺋﯩﺰﺩﻩﻳﺪﯗ.
ﺗﻮﻱ ﻗﯩﻠﯩﭗ ﺑﯩﺮﻩﺭ ﺋﺎﻱ ﺑﻮﻻ - ﺑﻮﻟﻤﺎﻳﻼ ﺋﯜﻣﯩﺪﺳﯩﺰﻟﻪﻧﺪﯨﻢ، ﺑﯩﺮ ﺋﺎﺧﺸﯩﻤﻰ ﺋﯘ ﻛﺎﺭﯨﯟﺍﺗﺘﺎ ﻳﯧﺘﯩﭗ ﺑﯩﺮﻧﻰ ﺋﯘﺳﯘﺭﯗﭖ ﺗﺎﺷﻠﯩﺪﻯ، ﻣﻪﻥ ﺋﺎﺩﻩﺕ ﺑﻮﻳﯩﭽﻪ ﺩﻩﺭﺭﯗ ﺋﯘﻧﯩﯔ ﺑﯩﻠﻪﻥ ﺯﯨﻨﺎ ﻗﯩﻠﻤﯩﺪﯨﻢ، ﺋﻪﻛﺴﯩﭽﻪ ﺳﺎﻟﻤﺎﻗﻠﯩﻖ ﺑﯩﻠﻪﻥ ﺋﯘﻧﯩﯖﻐﺎ ﺩﯛﻣﺒﻪﻣﻨﻰ ﻗﯩﻠﯩﭗ ﻳﯧﺘﯩﯟﺍﻟﺪﯨﻢ. ﺑﯘﻧﯩﯖﻐﺎ ﺋﺎﺩﻩﺗﻠﯩﻨﯩﭗ ﻗﺎﻟﻐﺎﭼﻘﺎ، ﻫﯧﺴﺴﯩﻴﺎﺗﯩﻤﻨﯩﻤﯘ ﺋﯜﮔﯩﺪﻩﻙ ﺑﺎﺳﺘﻰ.
ﺋﯧﺴﯩﻤﺪﻩ ﻗﯧﻠﯩﺸﯩﭽﻪ، ﺑﯩﺮ ﻛﯧﭽﯩﺴﻰ ﻛﺎﺭﯨﯟﺍﺗﺘﺎ ﺑﯩﻠﻠﻪ ﻳﺎﺗﻘﺎﻥ ﺑﻮﻟﺴﺎﻗﻤﯘ ﻫﯧﭻ ﺋﯩﺶ ﻗﯩﻠﻤﺎﻳﻼ ﺋﯘﺧﻼﭖ ﻛﯧﺘﯩﺸﺘﯘﻕ. ﺋﯘﻧﯩﯖﺪﯨﻦ ﺑﯘﺭﯗﻥ ﻣﻪﻥ ﺑﯩﺮﻩﺭ ﻛﯧﭽﯩﻤﯘ ﭘﯘﺭﺳﻪﺗﻨﻰ ﻗﻮﻟﺪﯨﻦ ﺑﻪﺭﻣﻪﻱ ﻛﻪﻟﮕﻪﻧﯩﺪﯨﻢ. ﺋﻪﻧﻪ ﺷﯘ ﻛﯧﭽﯩﺪﯨﻦ ﺋﯧﺘﯩﺒﺎﺭﻩﻥ، ﺑﯘﻧﺪﺍﻕ ﻫﺎﻟﻪﺕ ﺑﺎﺭﻏﺎﻧﭽﻪ ﻛﯚﭘﻪﻳﮕﯩﻠﻰ ﺗﯘﺭﺩﻯ.
14
ﺗﻮﻳﯩﻤﯩﺰﺩﯨﻦ ﻛﯧﻴﯩﻦ، ﻗﯧﻴﻨﺌﺎﻧﺎﻡ ﻫﻪ ﺩﯦﺴﻪ ﭘﺎﺕ - ﭘﺎﺗﻼ ﻛﯧﻠﯩﺪﯨﻐﺎﻥ ﺑﻮﻟﯘﭖ ﻗﺎﻟﺪﻯ. ﺋﯘ ﻣﺎﯕﺎ ﻛﯚﺯﯨﻨﯩﯔ ﻗﯘﻳﺮﯗﻗﯩﺪﺍ ﻗﺎﺭﯨﻐﺎﻧﻠﯩﺮﯨﺪﺍ، ﻛﯚﺯﻟﯩﺮﻯ ﺑﯩﺮ ﺧﯩﻞ ﻫﺎﻳﺎﺳﯩﺰﻟﯩﻖ ﺋﺎﻻﻣﻪﺗﻠﯩﺮﻯ ﺑﯩﻠﻪﻥ ﺗﻮﻻﺗﺘﻰ. ﻧﺎﺗﺎﻟﯩﻴﻪ ﺋﺎﭘﯩﺴﯩﻨﯩﯔ ﺋﻪﮔﻪﺭ ﻣﻪﻥ ﺋﯘ ﺩﯦﮕﻪﻧﺪﻩﻙ ﻗﯩﻠﻤﯩﺴﺎﻡ، ﻣﯧﻨﻰ ﻛﯧﭽﯩﺴﻰ ﻗﯧﺸﯩﻐﺎ ﻳﯧﻘﯩﻦ ﻳﻮﻻﺗﻤﺎﺳﻠﯩﻘﻨﻰ ﺋﯚﮔﻪﺗﻜﻪﻧﻠﯩﻜﯩﻨﻰ ﻣﺎﯕﺎ ﻳﻮﺷﯘﺭﯗﭖ ﺋﻮﻟﺘﯘﺭﻣﺎﻳﻼ ﺋﯧﻴﺘﯩﭗ ﺑﻪﺭﮔﻪﻧﯩﺪﻯ. ﻧﺎﺗﺎﻟﯩﻴﻪ ﻣﺎﯕﺎ ﺑﻪﺭﮔﻪﻥ ﭼﯩﻦ ﻗﻪﺳﯩﻤﯩﮕﻪ ﺋﻪﻣﻪﻝ ﻗﯩﻠﯩﯟﺍﺗﺎﺗﺘﻰ. ﺑﯘ ﻣﺎﯕﺎ ﺋﯜﻣﯩﺪ ﺑﯧﻐﯩﺸﻠﯩﺪﻯ، ﻳﻪﻧﻰ ﺋﯘ ﻣﯧﻨﯩﯔ ﺭﻭﻫﯩﻤﻐﺎ ﻳﯧﻘﯩﻨﻼﺵ ﺋﯜﭼﯜﻥ ﺋﯚﺯ ﺭﻭﻫﯩﻨﻰ ﺋﯘﻟﯘﻍ ﺋﯧﭽﯩﯟﻩﺗﻜﻪﻧﯩﺪﻯ.
ﺑﯩﺮ ﻗﯧﺘﯩﻢ ﻣﻪﻥ ﻗﺎﺭﺍﯕﻐﯘ ﺑﯘﻟﯘﯕﺪﺍ ﻗﯧﻴﻨﺎﻧﺎﻣﻨﻰ ﻛﺎﭘﭙﯩﺪﻩ ﺗﯘﺗﯘﯞﯦﻠﯩﭗ، ﺋﯘﻧﻰ ﺗﺎﻣﻐﺎ ﻳﺎﯕﺰﯨﻤﺎﻗﭽﻰ ﺑﻮﻟﻐﺎﻧﯩﺪﯨﻢ. ﺋﯘﻧﯩﯔ ﭘﯜﺗﻜﯜﻝ ﺑﻪﺩﯨﻨﻰ ﻗﯧﺘﯩﭙﻼ ﻗﺎﻟﻐﺎﻥ ﺑﻮﻟﯘﭖ، ﻣﯧﻨﯩﯔ ﺋﻪﻣﺪﻯ ﺋﯩﻜﻜﯩﻨﭽﻰ ﻗﻪﺩﻩﻣﺪﻩ ﻧﯧﻤﯩﻠﻪﺭﻧﻰ ﻗﯩﻠﯩﺸﯩﻤﻨﻰ ﻛﯜﺗﯜﭖ ﺗﯘﺭﺍﺗﺘﻰ. ﺑﯘ ﭼﺎﻏﺪﺍ ﻣﻪﻥ ﺋﯚﺯﯛﻣﻨﻰ ﺗﯘﺗﯘﯞﯦﻠﯩﭗ، ﺋﯩﭽﯩﻤﺪﯨﻜﯩﻨﻰ ﺩﻩﯞﻩﺗﻜﻪﻧﯩﺪﯨﻢ:
-   ﺧﺎﻧﯩﻢ، ﺳﯩﺰﻧﻰ ﺋﯜﻣﯩﺪﺳﯩﺰﻟﻪﻧﺪﯛﺭﯛﭖ ﻗﻮﻳﯩﺪﯨﻐﺎﻥ ﺑﻮﻟﺪﯗﻡ، ﺳﯩﺰ ﺋﻮﻳﻠﯩﻐﺎﻥ ﺋﯘﻧﺪﺍﻕ ﺋﯩﺸﻼﺭ ﻣﻪﯕﮕﯜ ﻳﯜﺯ ﺑﻪﺭﻣﻪﻳﺪﯗ، -   ﻣﻪﻥ ﻫﻪﺟﯟﯨﻲ ﻫﻪﺭﯨﻜﻪﺕ ﺑﯩﻠﻪﻥ ﺋﯘﻧﯩﯔ ﻳﯧﻨﯩﺪﯨﻦ ﺋﺎﻳﺮﯨﻠﻐﺎﭺ ﺩﯦﺪﯨﻢ، -   ﻣﻪﻥ ﻧﺎﺗﺎﻟﯩﻴﻪﻧﻰ ﺋﯧﻠﯩﭗ ﭘﯧﺘﯩﺮﺑﻮﺭﮔﻘﺎ ﻛﯧﺘﯩﻤﻪﻥ، ﺑﯩﺰﻧﻰ ﻳﻮﻗﻼﭖ ﺑﺎﺭﯨﻤﻪﻥ ﺩﻩﭖ ﺋﺎﯞﺍﺭﻩ ﺑﻮﻟﯘﭖ ﻳﯜﺭﻣﯩﺴﯩﯖﯩﺰﻣﯘ ﺑﻮﻟﯩﺪﯗ.
ﺷﺎﺳﻜﯧﺴﯧﺮﻭﻏﺎ ﻛﯚﭼﯜﺵ ﻧﺎﺗﺎﻟﯩﻴﻪ ﺑﯩﻠﻪﻥ ﻣﻪﻥ ﺋﯜﭼﯜﻥ ﺯﻭﺭ ﺑﯩﺮ ﻗﯘﺗﯘﻟﯘﺵ ﺑﻮﻟﺪﻯ. ﺑﯩﺰ ﻗﺎﻣﻼﺷﻤﯩﻐﺎﻥ ﺋﯘﺭﯗﻍ - ﺗﯘﻏﻘﺎﻧﻼﺭ ﯞﻩ ﺋﺎﺩﻩﻣﻨﻰ ﺑﯩﺰﺍﺭ ﻗﯩﻠﯩﺪﯨﻐﺎﻥ ﺗﻮﻧﯘﺵ - ﺑﯩﻠﯩﺸﻠﻪﺭﺩﯨﻦ ﻳﯩﺮﺍﻕ ﺗﯘﺭﯗﭖ، ﺧﯧﻠﯩﻼ ﺋﺎﺭﺍﻡ ﺗﯧﭙﯩﭗ ﻗﺎﻟﺪﯗﻕ.
ﭘﺎﺩﯨﺸﺎﻫ ﻛﻪﻧﺘﯩﻨﻰ ﺯﯨﻴﺎﺭﻩﺕ ﻗﯩﻠﯩﺶ، ﻣﯧﻨﯩﯔ ﻛﻮﻧﺎ ﺋﻪﺳﻠﯩﻤﯩﻠﯩﺮﯨﻤﻨﻰ ﻗﻮﺯﻏﺎﭖ ﻗﻮﻳﺪﻯ. ﻧﺎﯞﺍﺩﺍ، ﻧﺎﺗﺎﻟﯩﻴﻪ ﻣﯧﻨﯩﯔ ﺧﯩﻴﺎﻟﻠﯩﺮﯨﻤﻨﻰ ﺑﯩﻠﯩﭗ ﻗﺎﻟﯩﺪﯨﻐﺎﻥ ﺑﻮﻟﺴﺎ، ﺋﯘﻧﯩﯔ ﻛﯜﻧﺪﺍﺷﻠﯩﻘﻰ ﻛﻪﻟﻤﻪﻱ ﻗﺎﻟﻤﺎﻳﺘﺘﻰ. ﺋﻪﻳﻨﻰ ﭼﺎﻏﺪﺍ ﻣﻪﻥ ﻳﻪﻧﯩﻼ ﻧﺎﺗﺎﻟﯩﻴﻪﮔﻪ ﺳﺎﺩﯨﻖ ﺋﯩﺪﯨﻢ، ﻣﻪﻧﯩﯟﻯ ﺯﯨﻨﺎﺧﻮﺭﻟﯘﻕ ﻫﻪﻗﯩﻘﯩﻲ ﺯﯨﻨﺎﺧﻮﺭﻟﯘﻕ ﺑﻮﻻﻣﺪﯗ، ﻳﻮﻕ؟ ﺩﯦﮕﻪﻧﻠﻪﺭﻧﻰ ﻛﯚﭖ ﺋﻮﻳﻼﻳﺘﺘﯩﻢ. ﻣﻪﻥ ﺷﯘﻧﺪﺍﻕ ﻳﻪﻛﯜﻧﮕﻪ ﻛﯧﻠﻪﺗﺘﯩﻤﻜﻰ، ﺷﻪﻫﯟﺍﻧﯩﻲ ﺧﯩﻴﺎﻟﻼﺭ ﺯﯨﻨﺎﺧﻮﺭﻟﯘﻗﻘﺎ ﻳﺎﺗﻤﺎﻳﺪﯗ، ﭼﯜﻧﻜﻰ ﻣﯧﻨﯩﯔ ﻫﻪﻗﯩﻘﯩﻲ ﺗﻪﺟﺮﯨﺒﯩﻠﯩﺮﯨﻢ ﺋﺎﻟﺪﯨﺪﺍ ﻣﯧﻨﯩﯔ ﻣﯘﻫﻪﺑﺒﻪﺕ ﺗﻪﺟﺮﯨﺒﯩﻠﯩﺮﯨﻢ ﻣﯧﻨﯩﯔ ﭼﯜﺷﻠﯩﺮﯨﻤﻨﻰ ﻫﯧﭽﻘﺎﻧﭽﻪ ﻧﻪﺭﺳﻪ ﺋﻪﻣﻪﺳﺘﻪﻙ ﺗﯘﻳﻐﯘﻏﺎ ﻛﻪﻟﺘﯜﺭﯨﺪﯗ. ﻧﺎﺗﺎﻟﯩﻴﻪ ﺋﯜﭼﯜﻥ ﺋﯧﻴﺘﻘﺎﻧﺪﺍ، ﺋﻪﻫﯟﺍﻝ ﺗﺎﻣﺎﻣﻪﻥ ﺑﯘﻧﯩﯔ ﺋﻪﻛﺴﯩﭽﻪ؛ ﺋﻪﮔﻪﺭ، ﺋﯘ ﺑﺎﺷﻘﺎ ﺑﯩﺮﺳﯩﻨﻰ ﭼﯜﺷﻪﭖ ﻗﺎﻟﻐﯘﺩﻩﻙ ﺑﻮﻟﺴﺎ، ﻣﺎﯕﺎ ﺳﺎﺩﺍﻗﻪﺗﺴﯩﺰﻟﯩﻚ ﻗﯩﻠﻐﺎﻥ ﺑﻮﻟﯩﺪﯗ، ﭼﯜﻧﻜﻰ ﺋﯘ ﻣﯧﻨﯩﻼ ﺳﯚﻳﯩﺪﯗ. ﻣﯘﻧﺪﺍﻗﭽﻪ ﺋﯧﻴﺘﻘﺎﻧﺪﺍ، ﻣﯧﻨﯩﯔ ﭼﯜﺷﻠﯩﺮﯨﻤﻨﻰ ﺋﻪﺳﻠﯩﺮﯨﻢ ﻗﺎﻣﺎﻝ ﻗﯩﻠﻐﺎﻥ، ﻣﻪﻥ ﺋﯘﻻﺭﻧﻰ ﺗﯩﺰﮔﯩﻨﻠﻪﺷﻜﻪ ﺋﺎﺟﯩﺰﻟﯩﻖ ﻗﯩﻠﯩﻤﻪﻥ، ﺋﯘﻧﯩﯔ ﭼﯜﺷﻠﯩﺮﻯ ﺑﻮﻟﺴﺎ، ﻫﺎﺯﯨﺮﻗﻰ ﺑﯘﺯﯗﻗﭽﯩﻠﯩﻖ ﺋﯩﺴﺘﯩﻜﯩﺪﯨﻦ ﺑﻮﻟﻐﺎﻥ ﺑﻮﻟﯩﺪﯗ، ﺋﯘﻻﺭ ﻧﺎﺗﺎﻟﯩﻴﻪﻧﯩﯔ ﻛﯚﯕﯜﻝ ﻗﻮﻳﯘﭖ ﺋﻮﻳﻼﭖ ﺗﺎﭘﻘﺎﻥ ﺷﺎﻟﻼﻗﻠﯩﺸﯩﺶ ﺋﯩﺴﺘﯩﻜﻰ.
ﺋﺎﺭﯨﺪﯨﻦ ﺋﯘﺯﺍﻕ ﺋﯚﺗﻤﻪﻱ ﺋﯩﺘﺎﻟﯩﻴﯩﻨﯩﯔ ﻟﻮﺑﯩﻜﺎﻥ ﺩﻩﺭﻳﺎﺳﯩﺪﯨﻦ ﺋﯚﺗﻜﯩﻨﯩﻤﺪﻩ، ﻗﺎﻳﺘﺎ - ﻗﺎﻳﺘﺎ ﺋﻮﻳﻼﻧﺪﯨﻢ، ﺑﯘ ﯞﺍﻗﯩﺘﺘﺎ ﻣﻪﻥ ﺑﯘ ﺋﯩﺶ ﺋﯜﭼﯜﻥ ﺋﺎﺭﺗﯘﻗﭽﻪ ﺋﺎﺯﺍﺑﻼﻧﻤﺎﺱ ﺑﻮﻟﯘﭖ ﻗﺎﻟﻐﺎﻥ، ﺋﯘﻧﯩﯔ ﻫﻪﺭﻗﺎﻧﺪﺍﻕ ﺧﯩﻴﺎﻟﻠﯩﺮﯨﻨﯩﻤﯘ ﻛﻪﭼﯜﺭﯛﯞﻩﺗﻜﻪﻧﯩﺪﯨﻢ، ﻣﻪﻥ ﭘﻪﻗﻪﺕ ﺧﯘﺩﺍﺩﯨﻦ ﺋﯘﻧﯩﯖﻐﺎ ﺋﯩﻨﺴﺎﭖ، ﺳﺎﺩﺍﻗﻪﺕ ﺑﯧﺮﯨﺸﻨﯩﻼ ﺗﯩﻠﻪﻳﺘﺘﯩﻢ. ﻫﺎﻟﺒﯘﻛﻰ، ﺋﻪﯓ ﻗﻮﺭﻗﯘﻧﭽﻠﯘﻕ ﺋﯩﺶ، ﺧﯘﺩﺍﻧﯩﯔ ﺑﯩﺰ ﺋﻪﺭﻟﻪﺭﮔﻪ ﺋﺎﻳﺎﻟﻠﯩﺮﯨﻤﯩﺰﻧﯩﯔ ﺳﺎﺩﯨﻖ ﻳﺎﻛﻰ ﺳﺎﺩﯨﻖ ﺋﻪﻣﻪﺳﻠﯩﻜﯩﻨﻰ ﺳﻪﺯﺩﯛﺭﻣﻪﺳﻠﯩﻚ. ﻣﻪﻥ ﻧﺎﺗﺎﻟﯩﻴﻪﻧﯩﯔ ﻳﯧﻨﯩﺪﺍ ﻳﻮﻕ ﭼﺎﻏﻠﯩﺮﯨﻤﺪﺍ ﺋﯘﻧﯩﯔ ﻧﯧﻤﯩﻠﻪﺭﻧﻰ ﻗﯩﻠﯩﭗ ﻳﯜﺭﯨﺪﯨﻐﯩﻨﯩﻨﻰ ﺋﻪﺑﻪﺩﯨﻠﺌﻪﺑﻪﺩ ﺋﯘﻗﻤﺎﻳﻤﻪﻥ. ﻣﻪﻥ ﺳﺎﺩﺍﻗﻪﺗﻜﯩﻼ ﺋﯩﺸﯩﻨﯩﻤﻪﻥ. ﻣﯧﻨﯩﯔ ﺋﯩﺨﻼﺳﯩﻢ ﺋﺎﺟﯩﺰﻻﺷﻘﺎﻧﭽﻪ ﺭﻩﺷﻚ ﺋﺎﻟﯟﺍﺳﺘﯩﺴﻰ ﭘﻪﻳﺪﺍ ﺑﻮﻟﯘﯞﺍﻟﯩﺪﯗ - ﺩﻩ، ﺳﺎﺩﺍﻗﻪﺕ ﺑﺎﺑﯩﺪﺍ ﻣﻪﻳﻠﻰ ﻫﻪﺭﻗﺎﻧﺪﺍﻕ ﺋﯩﺴﭙﺎﺗﻼﺭ ﺑﻮﻟﺴﯩﻤﯘ، ﻗﯩﻠﭽﻪ ﺭﻭﻟﻰ ﺑﻮﻟﻤﺎﻱ ﻗﺎﻟﯩﺪﯗ. ﺳﻪﯞﻩﺑﻰ، ﻣﻪﻥ ﻫﻪﺭ ﺑﯩﺮ ﺋﯩﺴﭙﺎﺗﺘﺎ ﭼﯧﻨﯩﯟﺍﺗﻘﯩﻨﯩﻨﻰ ﺳﯧﺰﯨﭗ ﺗﯘﺭﯨﻤﻪﻥ. ﻗﻪﻟﺒﯩﻢ ﺳﺎﺩﺍﻗﻪﺗﻜﻪ ﻗﺎﻳﺘﺴﯩﻼ، ﺋﺎﻧﺪﯨﻦ ﺭﻩﺷﻚ ﺗﯘﻣﺎﻧﻠﯩﺮﻯ ﺗﺎﺭﻗﯩﻠﯩﺪﯗ. ﺑﯘﻧﺪﺍﻕ ﻛﯜﻧﻠﻪﺭﻧﯩﯔ ﺑﻪﻛﻤﯘ ﻛﯧﭽﯩﻜﯩﭗ ﻛﻪﻟﻤﻪﺳﻠﯩﻜﯩﻨﻰ ﺗﯩﻠﻪﻳﻤﻪﻥ.
15
ﻣﻪﻥ ﻛﯜﻧﺪﻩﺷﻠﯩﻜﺘﯩﻦ ﺋﻪﻣﻪﺱ، ﺋﻮﯕﺎﻳﻼ ﺋﯩﺸﯩﻨﯩﭗ ﻗﯧﻠﯩﺸﺘﯩﻦ ﺋﯚﺯ - ﺋﯚﺯﯛﻣﻨﻰ ﺋﻮﺗﯩﻠﻠﻮ ﺑﻮﻟﯘﭖ ﻗﺎﻟﻤﺎﺳﻠﯩﻘﻘﺎ ﺋﺎﮔﺎﻫﻼﻧﺪﯗﺭﯗﭖ ﺗﯘﺭﯨﻤﻪﻥ. ﺋﯘﻣﯘ ﻧﯧﮕﯩﺮ ﺋﯩﺪﻯ .
16
ﻣﻪﻥ ﺋﺎﻳﺎﻟﯩﻤﻐﺎ ﺋﯩﻠﻠﯩﻘﻠﯩﻖ، ﺧﯘﺷﺎﻟﻠﯩﻖ ﺋﯧﻠﯩﭗ ﻛﻪﻟﮕﻪﻥ ﺳﺎﺩﺍﻗﻪﺗﻠﯩﻚ ﺷﯘ ﻗﯩﺴﻘﯩﻐﯩﻨﺎ ﻣﻪﺯﮔﯩﻠﻨﻰ ﺋﻪﺳﻠﻪﭖ ﻗﺎﻟﯩﻤﻪﻥ. ﺋﯘ ﭼﺎﻏﻼﺭ ﻫﻪﻗﯩﻘﻪﺗﻪﻥ ﻗﺎﻟﺘﯩﺲ ﻳﺎﺧﺸﻰ ﺋﯚﺗﻜﻪﻧﯩﺪﻯ، ﭼﯜﻧﻜﻰ ﻣﻪﻳﻠﻰ ﺋﻪﺗﯩﮕﻪﻧﻠﯩﻜﻰ ﻫﺎﺟﻪﺗﺨﺎﻧﯩﻐﺎ ﻛﯩﺮﮔﻪﻧﺪﯨﻦ ﻛﯧﻴﯩﻦ ﺑﻪﺩﯨﻨﯩﻤﺪﻩ ﺋﺎﻏﺮﯨﻖ ﺳﯧﺰﻩﻱ ﻳﺎﻛﻰ ﺳﻪﺯﻣﻪﻱ، ﺋﯩﺸﻘﯩﻠﯩﭗ ﺋﯘ ﯞﺍﻗﯩﺘﻼﺭ ﻣﯧﻨﻰ ﻏﻪﻡ - ﺗﻪﺷﯟﯨﺸﻠﻪﺭﺩﯨﻦ ﺧﺎﻻﺱ ﻗﯩﻠﻐﺎﻧﯩﺪﻯ.
17
ﻣﻪﻥ ﻫﻪﺭ ﺑﯩﺮ ﮔﯜﺯﻩﻝ ﺋﺎﻳﺎﻟﻨﻰ ﻛﯚﺭﺳﻪﻡ ﻗﯩﺰﻏﯩﻨﯩﻤﻪﻥ، ﭼﯜﻧﻜﻰ ﻣﻪﻥ ﻫﻪﺭ ﺑﯩﺮ ﮔﯜﺯﻩﻟﻨﻰ ﺳﯚﻳﯩﻤﻪﻥ. ﻫﻪﺭﻗﺎﻧﺪﺍﻕ ﺑﯩﺮ ﺋﺎﻳﺎﻝ ﺳﯧﻨﯩﯔ ﻫﻪﯞﯨﺴﯩﯖﻨﻰ ﻗﻮﺯﻏﯩﻐﺎﻧﺪﺍ ﮔﯜﺯﻩﻟﺪﯗﺭ. ﺋﻪﮔﻪﺭ، ﺑﯩﺮ ﺋﺎﻳﺎﻟﻨﯩﯔ ﺗﯧﻨﯩﮕﻪ ﻛﯩﺮﮔﯩﻨﯩﯖﺪﯨﻤﯘ ﺋﯘ ﻳﻪﻧﯩﻼ ﮔﯜﺯﻩﻝ ﺑﻮﻟﺴﺎ، ﺋﯘﻧﺪﺍﻗﺘﺎ ﺋﯘ ﻫﻪﻗﯩﻘﻪﺗﻪﻥ ﮔﯜﺯﻩﻝ ﺑﻮﻟﻐﺎﻥ ﺑﻮﻟﯩﺪﯗ. ﻧﺎﺗﺎﻟﯩﻴﻪ ﻫﻪﻗﯩﻘﯩﻲ ﮔﯜﺯﻩﻝ ﺋﺎﻳﺎﻝ، ﺳﻪﯞﻩﺑﻰ، ﺋﯘﻧﯩﯖﻐﺎ ﻗﯩﺰﯨﻘﻤﺎﺱ ﺑﻮﻟﯘﭖ ﻗﺎﻟﻐﯩﻨﯩﻤﻐﺎ ﺋﯘﺯﺍﻕ ﺑﻮﻟﻐﺎﻥ ﺑﻮﻟﺴﯩﻤﯘ ﺋﯘﻧﯩﯖﻐﺎ ﻧﯩﺴﺒﻪﺗﻪﻥ ﻛﯚﻳﯜﻧﯜﺷﯜﻣﻨﻰ ﻳﻪﻧﯩﻼ ﺋﯜﺯﯛﭖ ﻗﻮﻳﻐﯩﻨﯩﻢ ﻳﻮﻕ.
18
ﺳﺎﺩﺍﻗﻪﺕ ﺳﺎﺩﺍﻗﻪﺗﺴﯩﺰﻟﯩﻜﻨﯩﯔ ﺋﯧﺰﯨﻘﺘﯘﺭﯗﺷﻰ ﺑﯩﻠﻪﻥ ﺋﯘﺭﯗﺷﯩﺪﯗ. ﻣﻪﻥ ﺑﯘ ﺋﯘﺯﯗﻥ، ﻣﯜﺷﻜﯜﻝ ﺋﯘﺭﯗﺵ ﺟﻪﺭﻳﺎﻧﯩﺪﺍ ﻗﺎﭼﺎﻕ ﺋﻪﺳﻜﻪﺭ ﺑﻮﻟﯘﭖ ﻗﺎﻟﯩﻤﻪﻥ. ﺑﯘﻧﯩﺴﻰ ﻣﯧﻨﯩﯔ ﺋﯚﺯ ﺋﺎﺟﯩﺰﻟﯩﻘﯩﻤﻐﺎ ﻳﯧﺸﯩﻞ ﭼﯩﺮﺍﻍ ﻳﯧﻘﯩﭗ ﺑﻪﺭﮔﯩﻨﯩﻨﻰ ﺳﻪﺯﮔﯩﻨﯩﻤﺪﻩ، ﺋﺎﻟﻠﯩﻘﺎﭼﺎﻥ ﺑﯧﺸﯩﻤﻐﺎ ﺑﺎﻻ ﻛﻪﻟﮕﻪﻥ ﺑﻮﻟﯩﺪﯗ، ﻣﻪﻥ ﻧﺎﺗﺎﻟﯩﻴﻪﮔﻪ ﻗﻮﺭﯗﻗﺘﯩﻦ ﻛﯚﭼﯜﭖ ﭼﯩﻘﻘﯩﻨﯩﻤﯩﺰ ﺧﯘﺳﯘﺳﯩﺪﺍ ﺑﯩﺮ ﻧﯧﻤﯩﻠﻪﺭﻧﻰ ﺩﯦﻤﻪﻙ ﺑﻮﻟﯩﻤﻪﻥ. ﻣﻪﻥ ﺋﯧﺰﯨﻘﯩﺸﺘﯩﻦ ﺋﯚﺯﯛﻣﻨﻰ ﺳﺎﻗﻼﭖ ﻗﯧﻠﯩﺸﻘﺎ ﺋﺎﺟﯩﺰﻟﯩﻖ ﻗﯩﻠﯩﺪﯨﻐﯩﻨﯩﻤﻨﻰ، ﺳﯩﺮﺗﻘﻰ ﺩﯗﻧﻴﺎ ﺑﯩﻠﻪﻥ ﻣﯘﻧﺎﺳﯩﯟﯨﺘﯩﻤﻨﯩﯔ ﺋﯜﺯﯛﻟﯜﭖ ﻗﺎﻟﻐﯩﻨﯩﻨﻰ ﭼﻮﯕﻘﯘﺭ ﻫﯧﺲ ﻗﯩﻠﻐﯩﻨﯩﻤﺪﺍ، ﻳﯧﺰﯨﻘﭽﯩﻠﯩﻖ ﺷﯩﺮﻩﺳﻰ ﻳﯧﻨﯩﺪﺍ ﺋﻮﻟﺘﯘﺭﯨﻤﻪﻥ. ﻗﻪﻟﺒﯩﻤﺪﻩ ﺷﻪﻫﯟﻩﺕ ﻳﺎﻟﻘﯘﻧﻰ ﻻﯞﯗﻟﺪﺍﭖ ﻛﯚﻳﯜﺷﻜﻪ ﺑﺎﺷﻠﯩﻐﺎﻧﺪﺍ، ﻣﯧﻨﯩﯔ ﻳﯧﻨﯩﻤﺪﺍ ﻧﺎﺗﺎﻟﯩﻴﻪﺩﯨﻦ ﺋﯚﺯﮔﻪ ﻫﯧﭽﻜﯩﻢ ﻳﻮﻕ ﺑﻮﻟﯘﭖ ﭼﯩﻘﯩﺪﯗ. ﻗﻮﺭﯗﻗﺘﯩﻜﻰ ﺋﺎﺷﯘ ﺩﯦﺪﻩﻙ ﻗﯩﺰﻻﺭﻧﻰ ﺑﻮﻟﺴﺎ ﻳﺎﺭﺍﺗﻘﯘﻡ ﻛﻪﻟﻤﻪﻳﺪﯗ.
ﻫﺎﻟﺒﯘﻛﻰ، ﺋﯘﻧﯩﯔ ﺟﯩﻤﻐﯘﺭ ﻣﯩﺠﻪﺯﻯ ﻣﯧﻨﯩﯔ ﺭﯨﻐﺒﯩﺘﯩﻤﮕﻪ ﻣﻮﻫﺘﺎﺝ ﺋﯩﺪﻯ، ﻫﻪﺭ ﺩﺍﺋﯩﻢ ﺧﯧﻠﻰ ﺋﯘﺯﺍﻕ ﻫﻪﭘﯩﻠﯩﺸﯩﭗ، ﺋﻪﺭﻛﯩﻠﯩﺘﯩﺸﻠﯩﺮﯨﻤﺪﯨﻦ ﻛﯧﻴﯩﻨﻼ ﺋﻪﯓ ﻛﯜﭼﻠﯜﻙ ﻟﻪﺯﺯﻩﺗﻠﯩﻨﻪﺗﺘﻰ، ﺋﯘ ﻣﺎﯕﺎ ﮔﻪﭘﻨﯩﯔ ﭘﻮﺳﻜﺎﻟﻠﯩﺴﯩﻨﻰ ﻗﯩﻠﯩﭗ، ﺋﻪﺭﻛﯩﻠﯩﺘﯩﺶ ﺋﯩﭽﯩﺪﯨﻜﻰ ﺋﯩﺸﺮﻩﺕ ﻟﻪﺯﺯﯨﺘﻰ ﻣﯘﺗﻠﻪﻕ ﺑﯩﺨﻪﺗﻪﺭ ﺑﻮﻟﯩﺪﯗ، ﺩﻩﻳﺘﺘﻰ. ﺋﯘ، ﺋﯚﺯ ﮔﯜﺯﻩﻝ ﻫﯚﺳﻦ - ﺟﺎﻣﺎﻟﯩﻨﯩﯔ ﻗﯘﺩﺭﯨﺘﯩﺪﯨﻦ ﻣﻪﺳﺖ ﺑﻮﻻﺗﺘﻰ، ﺩﯦﻤﯩﺴﯩﻤﯘ ﺑﯘ ﭘﯧﺘﯩﺮﺑﻮﺭﮔﺪﯨﻜﻰ ﺗﻪﺳﯩﺮ ﺩﺍﺋﯩﺮﯨﺴﻰ ﺋﻪﯓ ﭼﻮﯓ، ﻳﯜﺯﻟﯜﻙ ﺋﻪﺭﻟﻪﺭﻧﻰ ﺋﯘﻧﯩﯔ ﺋﺎﻳﯩﻐﯩﻐﺎ ﺗﺎﯞﺍﭖ ﻗﯩﻠﻐﯘﺯﺍﺗﺘﻰ، ﻫﻪﺗﺘﺎ ﭼﺎﺭ ﭘﺎﺩﯨﺸﺎﻫﻤﯘ ﺑﯘﻧﯩﯖﺪﯨﻦ ﻣﯘﺳﺘﻪﺳﻨﺎ ﺋﻪﻣﻪﺱ ﺋﯩﺪﻯ. ﺋﯘ ﺳﺎﻻﭘﻪﺗﻠﯩﻚ، ﻣﯘﻻﻳﯩﻢ ﺑﻮﻟﯘﭖ ﭘﺎﻳﺪﺍ ﺋﯜﭼﯜﻥ ﺋﯚﺯ ﮔﯜﺯﻩﻟﻠﯩﻜﯩﻨﻰ ﺩﻩﺳﻤﻰ ﻗﯩﻠﻤﺎﻳﺘﺘﻰ، ﮔﯜﺯﻩﻟﻠﯩﻚ ﺋﯘﻧﯩﯔ ﺋﯜﭼﯜﻥ ﺋﯧﻴﺘﻘﺎﻧﺪﺍ ﺑﺎﻟﯩﻼﺭﭼﻪ ﺋﻮﻳﯘﻥ ﯞﻩ ﺗﻪﺑﯩﺌﯩﻲ ﺑﺎﻳﻠﯩﻖ ﺋﯩﺪﻯ.
ﻣﯘﺑﺎﺩﺍ، ﺋﯘ ﺑﺎﺷﻘﯩﻼﺭﻧﻰ ﭼﻮﻗﯘﻧﺪﯗﺭﯗﺵ ﺋﻮﺭﻧﯩﺪﯨﻦ ﻣﻪﻫﺮﯗﻡ ﺑﻮﻟﯘﭖ ﻗﺎﻟﻐﺎﻧﺪﺍ ﺋﯩﺪﻯ، ﺗﯘﺭﻣﯘﺵ، ﻫﺎﻳﺎﺕ ﺋﯘﻧﯩﯖﻐﺎ ﻧﯩﺴﺒﻪﺗﻪﻥ ﺋﯚﺯ ﺋﻪﻫﻤﯩﻴﯩﺘﯩﻨﻰ ﻳﻮﻗﺎﺗﻘﺎﻥ ﺑﻮﻻﺭ ﺋﯩﺪﻯ. ﺋﯘﻧﯩﯖﺪﯨﻦ ﺑﯚﻟﻪﻙ ﻫﻪﻣﻤﻪ ﻧﻪﺭﺳﻪ، ﻫﻪﺗﺘﺎ ﺑﺎﻟﯩﻤﯘ ﺋﯘﻧﯩﯖﭽﯩﻠﯩﻚ ﻣﯘﻫﯩﻢ ﺋﻪﻣﻪﺱ ﺋﯩﺪﻯ. ﻳﺎﻕ، ﺑﯘ ﮔﯧﭙﯩﻢ ﺑﻪﻟﻜﯩﻢ ﺑﻪﻙ ﺋﺎﺷﯘﺭﯗﯞﻩﺗﻜﻪﻧﻠﯩﻚ ﺑﻮﻻﺭ، ﺋﯘ ﻳﻪﻧﯩﻼ ﺑﺎﻟﯩﻨﻰ ﺑﯩﺮﯨﻨﭽﻰ ﺋﻮﺭﯗﻧﻐﺎ ﻗﻮﻳﺎﺗﺘﻰ. ﻣﺎﺷﻜﺎﻧﯩﯔ(16) ﺗﯘﻏﯘﻟﻐﺎﻧﺪﯨﻦ ﻛﯧﻴﯩﻦ ﺑﯚﻟﻪﻛﭽﯩﻼ ﻫﯚﺳﻦ ﺗﯜﺯﻩﭖ، ﻫﯚﺳﻦ - ﺟﺎﻣﺎﻟﯩﻨﯩﯔ ﺳﯧﻬﺮﯨﻲ ﻛﯜﭼﻰ ﺗﯧﺨﯩﻤﯘ ﺋﯧﺸﯩﭗ، ﻫﻪﺭ ﺑﯩﺮﻧﻰ ﺗﯘﻏﻘﺎﻧﭽﻪ ﺗﻪﯕﺪﺍﺷﺴﯩﺰ ﺋﯘﺯﻟﯩﺸﯩﭗ ﺑﺎﺭﺍﺗﺘﻰ. ﺑﯩﺮﺍﻕ ﻣﻪﻥ ﺋﺎﻳﺎﻟﯩﻤﻨﻰ ﭼﯧﻘﯩﯟﯦﻠﯩﺸﻨﻰ ﺧﺎﻟﯩﻤﺎﻳﺘﺘﯩﻢ. ﻣﻪﻥ ﺋﯘﻧﻰ ﺳﯚﻳﯩﻤﻪﻥ، ﻣﻪﻥ ﺋﯘﻧﯩﯖﻐﺎ ﺧﺎﻟﯩﻐﺎﻥ ﯞﺍﻗﺘﯩﻤﺪﺍ ﺋﯧﺮﯨﺸﯩﺸﻨﻰ ﺋﻮﻳﻼﻳﻤﻪﻥ، ﺑﯘ ﺗﺎﻣﺎﻣﻪﻥ ﻣﯧﻨﯩﯔ ﺋﯚﺯ ﺋﺎﺟﯩﺰﻟﯩﻘﯩﻤﺪﯨﻦ ﺑﻮﻟﻐﺎﻥ.
ﻣﻪﻥ ﺋﯘﻧﯩﯖﻐﺎ ﺗﯘﻧﺠﻰ ﻗﯧﺘﯩﻢ ﺳﺎﺩﺍﻗﻪﺗﺴﯩﺰﻟﯩﻚ ﻗﯩﻠﻐﯩﻨﯩﻤﺪﺍ، ﺋﯚﺯﯛﻣﻨﯩﯔ ﺑﯩﺮ ﺧﯩﻞ ﻣﯘﻧﺎﺳﯩﯟﻩﺗﻨﻰ ﺋﯜﺯﯛﭖ ﻗﻮﻳﻐﺎﻧﻠﯩﻘﯩﻤﻨﻰ، ﺑﻪﻟﻜﻰ ﺑﯘ ﺧﯩﻞ ﻣﯘﻧﺎﺳﯩﯟﻩﺗﻨﻰ ﻗﺎﻳﺘﺎ ﺋﻪﺳﻠﯩﮕﻪ ﻛﻪﻟﺘﯜﺭﯛﭖ ﺑﻮﻟﻤﺎﻳﺪﯨﻐﺎﻧﻠﯩﻘﯩﻨﻰ ﻫﯧﺲ ﻗﯩﻠﻐﺎﻧﯩﺪﯨﻢ. ﻣﻪﻥ ﺋﯚﺯ - ﺋﯚﺯﯛﻣﮕﻪ، «ﺳﻪﻥ ﭘﺎﻫﯩﺸﯩﻠﻪﺭ ﺑﯩﻠﻪﻥ ﺑﯩﺮ ﻳﺎﺳﺘﯘﻗﻘﺎ ﺑﺎﺵ ﻗﻮﻳﻐﯩﻨﯩﯖﺪﺍ، ﺳﻪﻥ ﻫﻪﺭﮔﯩﺰﻣﯘ ﺋﺎﻳﺎﻟﯩﯖﻨﻰ ﺋﺎﻟﺪﯨﻐﺎﻥ ﺑﻮﻟﻤﺎﻳﺴﻪﻥ» ﺩﻩﻳﺘﺘﯩﻢ. ﺑﯩﺮﺍﻕ ﺷﯘﻧﯩﯔ ﺑﯩﻠﻪﻥ ﺗﻪﯕﻼ ﻳﻪﻧﻪ ﺋﯚﺯﯛﻣﻨﯩﯔ ﺗﻮﻱ ﻗﻪﺳﯩﻤﯩﻤﻨﻰ ﺑﯘﺯﯗﯞﯦﺘﯩﭗ ﻗﺎﻟﻐﯩﻨﯩﻤﻨﻰ ﺋﻮﻳﻼﭖ ﻗﺎﻻﺗﺘﯩﻢ. ﺋﻪﻧﻪ ﺷﯘ ﻛﯜﻧﺪﯨﻦ ﺋﯧﺘﯩﺒﺎﺭﻩﻥ، ﻣﯧﻨﯩﯔ ﻧﺎﺗﺎﻟﯩﻴﻪ ﺑﯩﻠﻪﻥ ﺑﻮﻟﻐﺎﻥ ﻫﺎﻳﺎﺗﯩﻢ، ﺗﯘﺭﻣﯘﺷﯘﻡ ﺋﻪﺳﻠﯩﮕﻪ ﻛﻪﻟﺘﯜﺭﮔﯜﺳﯩﺰ ﺋﯚﺯﮔﯩﺮﯨﭗ ﻛﻪﺗﺘﻰ، ﻣﻪﻥ ﺋﺎﻳﺎﻟﯩﻤﻨﯩﯔ ﺑﯘ ﺗﻪﺭﯨﭙﯩﻨﻰ ﺳﻪﺯﻣﻪﻱ ﻗﯧﻠﯩﺸﯩﺪﯨﻦ ﺋﻪﻧﺴﯩﺮﻩﻳﺘﺘﯩﻢ. ﻣﻪﻥ ﺋﯚﺯ - ﺋﯚﺯﯛﻣﮕﻪ ﻗﺎﻳﺘﺎ - ﻗﺎﻳﺘﯩﻼﭖ، «ﺷﺎﺋﯩﺮﻧﯩﯔ ﻫﺎﻳﺎﺗﯩﺪﺍ ﺋﺎﺩﻩﻣﻨﻰ ﻻﻏﯩﻠﺪﯨﺘﯩﭗ ﺗﯩﺘﺮﻩﺗﻜﯜﺩﻩﻙ ﻫﺎﻳﺎﺟﺎﻧﻠﯩﻖ ﻛﻪﻳﭙﯩﻴﺎﺕ ﺑﻮﻟﻤﯩﺴﺎ ﻣﯘﺗﻠﻪﻕ ﺑﻮﻟﻤﺎﻳﺪﯗ، ﺷﺎﺋﯩﺮﻧﯩﯔ ﺋﺎﺭﺯﯗ - ﺋﯜﻣﯩﺪﻯ ﺗﻮﻱ ﻗﯩﻠﯩﭗ ﺑﻮﻟﻐﺎﻧﺪﯨﻦ ﻛﯧﻴﯩﻨﻜﻰ ﺩﯗﻧﻴﺎﺩﺍ ﺋﻪﻣﻪﺱ» ﺩﻩﻳﺘﺘﯩﻢ. ﻣﻪﻥ ﺋﯘﻧﺪﺍﻕ ﻫﺎﻳﺎﺟﺎﻧﻠﯩﻖ ﻛﻪﻳﭙﯩﻴﺎﺗﻨﻰ ﺑﻮﻏﯘﭖ ﺋﯚﻟﺘﯜﺭﻣﻪﺳﻠﯩﻜﯩﻢ ﻛﯧﺮﻩﻙ ﺋﯩﺪﻯ، ﭼﯜﻧﻜﻰ ﺑﯘ ﺑﯩﺮ ﻗﺎﻧﯘﻧﯩﻴﻪﺕ. ﺧﯘﺩﺍ ﺋﯚﺯ ﻗﺎﻧﯘﻧﯩﻴﯩﺘﯩﻨﻰ ﺑﯩﺰﻧﯩﯔ ﺋﯚﮔﯩﻨﯩﺸﯩﻤﯩﺰﺩﯨﻦ ﺗﻮﺳﯩﻐﺎﻥ ﺋﻪﻣﻪﺱ، ﻫﺎﻟﺒﯘﻛﻰ ﺑﯩﺰ ﺋﯘﻧﯩﯔ ﻗﺎﻧﯘﻧﯩﻴﯩﺘﯩﻨﻰ ﺳﻪﻝ - ﭘﻪﻟﻼ ﺗﯜﺯﯨﺘﯩﭗ ﻗﻮﻳﻐﯘﺩﻩﻙ ﺑﻮﻟﺴﺎﻕ، ﺋﯘ ﺑﯩﺰﻧﻰ ﺟﺎﺯﺍﻻﻳﺪﯗ. ﺷﯘﻧﯩﯖﻐﺎ ﺋﯩﺸﻪﻧﭽﯩﻢ ﻛﺎﻣﯩﻞ، ﺧﯘﺩﺍﻧﯩﯔ ﻗﺎﻧﯘﻧﯩﻴﯩﺘﻰ ﺑﯘﺯﯗﭖ ﺗﺎﺷﻼﻧﻐﺎﻧﺪﯨﻼ ﺋﺎﻧﺪﯨﻦ ﺋﯘﻻﺭﻧﻰ ﺳﯩﻨﺎﺷﻘﺎ ﺟﯜﺭﺋﻪﺕ ﻗﯩﻼﻻﻳﻤﻪﻥ.
ﺋﯘ ﻗﺎﻧﯘﻧﯩﻴﻪﺕ ﺑﯩﺮﺩﯨﻨﻼ ﺑﯘﺯﯗﭖ ﺗﺎﺷﻠﯩﻨﯩﭗ، ﻣﯘﯞﺍﭘﯩﻖ ﺑﯩﺮ ﻳﺎﻗﻠﯩﻖ ﻗﯩﻠﯩﻨﻤﯩﺴﺎ ﻣﻪﻥ ﺗﺎﭘﺘﯩﻦ ﭼﯩﻘﯩﭗ ﻛﯧﺘﯩﻤﻪﻥ. ﻧﺎﺗﺎﻟﯩﻴﻪ ﺑﯘﻧﻰ ﺋﺎﻟﻠﯩﻘﺎﭼﺎﻥ ﺳﯧﺰﯨﭗ ﻳﻪﺗﻜﻪﻥ، ﻣﯧﻨﯩﯔ، ﺷﯘﻧﺪﺍﻗﻼ ﺑﺎﺷﻘﯩﻼﺭﻧﯩﯔ ﺋﯧﻐﯩﺰﯨﺪﯨﻨﻤﯘ ﺑﯘﻧﯩﯔ ﺭﺍﺳﺘﻠﯩﻘﯩﻨﻰ ﺋﯩﺴﭙﺎﺗﻠﯩﻐﺎﻥ. ﻣﻪﻥ ﺷﻪﻫﯟﺍﻧﯩﻲ ﺗﯘﺭﻣﯘﺷﻨﻰ ﺋﺎﭼﻜﯚﺯﻟﯜﻙ ﺑﯩﻠﻪﻥ ﻗﻮﻏﻼﺷﺘﯩﻢ، ﺋﻪﮔﻪﺭ ﺑﯘﻧﻰ ﺋﯩﭙﻼﺳﻠﯩﻖ ﺩﯦﻴﯩﺸﻜﻪ ﺗﻮﻏﺮﺍ ﻛﻪﻟﺴﻪ، ﺋﯘﻧﺪﺍﻗﺘﺎ ﺑﺎﺷﺘﯩﻦ - ﺋﺎﺧﯩﺮ ﺋﺎﺷﯘﻧﺪﺍﻕ ﺑﯩﺮ ﺧﯩﻞ ﺷﯧﺮﯨﻦ ﻟﻪﺯﺯﻩﺗﻨﯩﻤﯘ ﺋﯩﭙﻼﺳﻠﯩﻖ ﺩﯦﻴﯩﺸﻜﻪ ﺗﻮﻏﺮﺍ ﻛﯧﻠﯩﺪﯗ. ﯞﻩﻫﺎﻟﻪﻧﻜﻰ، ﺋﯘﻧﯩﯔ ﺷﯧﺮﯨﻦ ﻣﯘﻫﻪﺑﺒﻪﺗﻜﻪ ﺋﺎﻳﻼﻧﻤﺎﺳﻠﯩﻘﻰ ﻣﯘﻣﻜﯩﻦ ﺋﻪﻣﻪﺱ.
ﻣﯧﻨﯩﯔ ﺋﻪﯓ ﻳﺎﺧﺸﻰ ﻛﯚﺭﯨﺪﯨﻐﺎﻥ ﺋﯩﺸﯩﻢ، ﭘﺎﻫﯩﺸﯩﻠﻪﺭﻧﯩﯔ ﻛﯚﯕﻠﯩﻨﻰ ﺋﯘﺗﯘﺵ. ﻣﯘﺑﺎﺩﺍ، ﺋﯩﺶ ﻛﯚﺭﻣﯩﮕﻪﻥ ﺑﯩﺮﻩﺭ ﻗﯩﺰﭼﺎﻕ ﻣﯧﻨﻰ ﻳﺎﺧﺸﻰ ﻛﯚﺭﯛﭖ ﻗﺎﻟﻐﯘﺩﻩﻙ ﺑﻮﻟﺴﺎ، ﻫﯧﭽﻘﺎﻧﭽﻪ ﺑﻪﺩﻩﻝ ﺗﯚﻟﯩﻤﻪﻳﻤﻪﻥ. ﺑﯩﺮﺍﻕ ﺑﺎﺷﺘﯩﻦ - ﺋﺎﺧﯩﺮ ﺳﻮﻏﯘﻗﻘﺎﻥ ﻛﻪﻳﭙﯩﻴﺎﺗﺘﺎ ﺑﻮﻟﯩﺪﯨﻐﺎﻥ ﻛﻪﺳﭙﯩﻲ ﭘﺎﻫﯩﺸﯩﻠﻪﺭﻧﯩﯔ  ﻣﯧﻨﻰ ﻳﺎﺧﺸﻰ ﻛﯚﺭﯛﭖ ﻗﯧﻠﯩﺸﻰ، ﺑﯩﺮ ﻫﻪﻗﯩﻘﯩﻲ ﺋﻪﺭﻛﻪﻙ ﺋﯜﭼﯜﻥ ﻣﺎﻫﺎﺭﻩﺕ ﺳﯩﻨﯩﻘﻰ ﻫﯧﺴﺎﺑﻠﯩﻨﯩﺪﯗ. ﭘﺎﻫﯩﺸﯩﻠﻪﺭ ﺋﯚﺯﻯ ﻗﻮﺑﯘﻝ ﻗﯩﻠﻐﺎﻥ ﻣﯧﻬﻤﯩﻨﯩﻨﯩﯔ ﯞﯗﺟﯘﺩﯨﺪﯨﻦ ﺧﯘﺷﺎﻟﻠﯩﻖ ﺗﺎﭘﺎﻟﻤﺎﻳﺪﯨﻐﺎﻧﻠﯩﻘﯩﻨﻰ ﺑﯩﻠﯩﺸﯩﺪﯗ. ﺑﻪﺯﻯ ﻗﯩﺰﻏﯩﻦ ﺧﺎﺭﺍﻛﺘﯧﺮﺩﯨﻜﻰ ﭘﺎﻫﯩﺸﯩﻠﻪﺭ ﺭﻩﺕ ﻗﯩﻠﺴﯩﻤﯘ، ﺑﯩﺮﺍﻕ ﺑﯘ ﺋﯘﻻﺭﻧﻰ ﺟﯩﺴﻤﺎﻧﯩﻲ ﯞﻩ ﺭﻭﻫﯩﻲ ﺟﻪﻫﻪﺗﺘﯩﻦ ﭼﺎﺭﭼﯩﺘﯩﭗ ﻫﺎﻟﯩﺪﯨﻦ ﻛﻪﺗﻜﯜﺯﯛﯞﯦﺘﯩﺪﯗ. ﺑﯘﻧﺪﺍﻕ ﭘﺎﻫﯩﺸﯩﻠﻪﺭ ﺑﯩﻠﻪﻥ ﺋﺎﺭﯨﻠﯩﺸﯩﺸﻨﯩﯔ ﻗﯩﻠﭽﻪ ﻣﻪﺯﺯﯨﺴﻰ ﻳﻮﻕ. ﻣﻪﻥ ﻗﺎﻟﺘﯩﺲ ﺗﻪﺟﺮﯨﺒﯩﻠﯩﻚ، ﻛﺎﺩﺍﯓ ﻫﻪﻣﺪﻩ ﭼﯩﺮﺍﻳﯩﺪﯨﻦ ﻣﯘﺯ ﻳﯧﻐﯩﭗ ﺗﯘﺭﯨﺪﯨﻐﺎﻥ ﭘﺎﻫﯩﺸﯩﻨﻰ ﺗﺎﻟﻠﯩﯟﺍﻟﺪﯨﻢ. ﻣﻪﻥ ﺋﯘﻧﯩﯔ ﺑﯩﻠﻪﻥ ﺑﯩﺮﮔﻪ ﻳﺎﺗﺘﯩﻢ، ﺋﯘﻧﻰ ﺑﯧﺮﯨﻠﯩﭗ ﺋﻪﺳﺘﺎﻳﯩﺪﯨﻞ ﺳﯩﻼﭖ ﭼﯩﻘﺘﯩﻢ، ﺋﯩﺸﻘﺎ ﺋﺎﻟﺪﯨﺮﺍﭖ ﻛﻪﺗﻤﯩﺪﯨﻢ، ﺑﻪﻟﻜﻰ ﺋﯘﻧﯩﯔ ﻧﻪﻗﻪﺩﻩﺭ ﺳﻪﺗﻪﯕﻠﯩﻜﯩﻨﻰ ﯞﻩ ﺋﯘﻧﯩﯖﻐﺎ ﻣﯧﻨﯩﯔ ﻗﺎﻧﭽﯩﻠﯩﻚ ﭼﻮﻗﯘﻧﯩﺪﯨﻐﺎﻧﻠﯩﻘﯩﻤﻨﻰ ﺷﯩﯟﯨﺮﻟﯩﺪﯨﻢ. ﺋﯘ ﻣﺎﯕﺎ ﺑﺎﻗﺘﻰ، ﭼﯩﺮﺍﻳﯩﺪﺍ ﺗﻪﺑﻪﺳﺴﯜﻡ، ﺷﯘﻧﺪﺍﻗﻼ ﻣﺎﯕﺎ ﺑﻮﻟﻐﺎﻥ ﺋﯩﺸﻪﻧﻤﻪﺳﻠﯩﻚ ﺋﺎﻻﻣﻪﺗﻠﯩﺮﻯ ﺋﻪﻛﺲ ﺋﯧﺘﻪﺗﺘﻰ، ﺑﻪﻟﻜﯩﻢ ﺋﯘ ﺋﻪﺗﻪﻱ ﺷﯘﻧﺪﺍﻕ ﻗﯩﻴﺎﭘﻪﺗﻜﻪ ﻛﯩﺮﯨﯟﺍﻟﻐﺎﻧﺪﯗ. ﺑﯩﺮﺍﻕ ﻣﺎﯕﺎ ﺷﯘﻧﯩﺴﻰ ﺋﺎﻳﺎﻥ، ﺋﯘ ﺑﯘﻧﺪﺍﻕ ﺷﯧﺮﯨﻦ - ﺷﯧﻜﻪﺭ ﮔﻪﭘﻠﻪﺭﻧﻰ ﺋﺎﯕﻼﺷﻘﺎ ﺧﯘﺷﺘﺎﺭ. ﺋﯘﻣﯘ ﺋﻮﻳﻠﯩﻤﯩﻐﺎﻥ ﻳﻪﺭﺩﯨﻦ ﻣﯧﻨﯩﯔ ﺳﯚﺯﻟﯩﺮﯨﻤﮕﻪ ﻳﺎﺭﯨﺸﺎ، «ﺳﯩﺰ ﻧﯧﻤﺎﻧﭽﻪ ﺳﯘﻣﺒﺎﺗﻠﯩﻖ» ﺩﯦﺪﻯ ﯞﻩ ﺋﯚﺯﯨﻨﯩﯔ ﻣﯧﻨﻰ ﻗﺎﻧﭽﯩﻠﯩﻚ ﻳﺎﺧﺸﻰ ﻛﯚﺭﯨﺪﯨﻐﯩﻨﯩﻨﻰ ﺋﯧﻴﺘﺘﻰ. ﺷﯘﻧﺪﺍﻕ ﺗﯘﺭﯗﻗﻠﯘﻕ، ﺋﯘ ﻳﻪﻧﯩﻼ ﻣﻪﻧﺪﯨﻦ ﭘﯘﻝ ﺋﺎﻟﺪﻯ. ﻣﻪﻥ ﺋﯚﺯﯛﻣﻨﯩﯔ ﺋﯘﻧﭽﯩﯟﺍﻻ ﺷﻪﺧﺴﯩﻴﻪﺗﭽﻰ ﺋﻪﻣﻪﺳﻠﯩﻜﯩﻤﻨﻰ ﺋﯧﻴﺘﺘﯩﻢ، ﺷﯘﯕﺎ ﺋﯘ ﻣﻪﻥ ﺋﯚﺯﯨﻨﻰ ﻣﺎﺧﺘﯩﻐﯩﻨﯩﻤﺪﺍ، ﺋﯘ ﻣﯧﻨﻰ ﻣﺎﺧﺘﺎﯞﺍﺗﻘﺎﻧﺪﯨﻜﯩﺪﯨﻦ ﻛﯚﭖ ﺧﯘﺷﺎﻝ ﻛﯚﺭﯛﻧﻪﺗﺘﻰ.
ﺋﯘ ﺋﻪﺱ - ﻫﻮﺷﯩﻨﻰ ﻳﻮﻗﯩﺘﯩﭗ ﻗﻮﻳﻤﺎﻱ ﺩﯦﮕﻪﻧﺪﻩﻙ ﻗﯩﻠﯩﭗ، ﻛﯚﺯﻟﯩﺮﯨﻨﻰ ﭼﻮﯓ - ﭼﻮﯓ ﺋﺎﭼﻘﯩﻨﯩﭽﻪ ﻳﺎﺗﺎﺗﺘﻰ. ﺋﯘﻧﯩﯔ ﺋﯧﭽﯩﻨﯩﺸﻠﯩﻖ ﻛﻪﭼﻤﯩﺸﻰ ﺋﯘﻧﯩﯖﻐﺎ ﺋﯚﺯﻯ ﺑﯩﻠﻪﻥ ﺑﯩﺮﮔﻪ ﺑﻮﻟﻐﺎﻥ ﺋﻪﺭﻟﻪﺭﻧﯩﯔ ﺑﯘ ﺋﯩﺸﻼﺭﻧﻰ ﻗﻪﻟﺒﯩﺪﻩ ﺳﺎﻗﻼﭖ ﻳﯜﺭﻣﻪﺳﺘﯩﻦ، ﭘﺎﻙ - ﭘﺎﻛﯩﺰ ﺋﯘﻧﺘﯘﭖ ﻛﯧﺘﯩﺪﯨﻐﺎﻧﻠﯩﻘﯩﻨﻰ ﺋﯧﻴﺘﯩﭗ ﺗﯘﺭﺍﺗﺘﻰ.
ﻣﻪﻥ ﻧﺎﻫﺎﻳﯩﺘﻰ ﺳﻪﯞﺭﭼﺎﻧﻠﯩﻖ ﺑﯩﻠﻪﻥ ﺋﯩﺶ ﻛﯚﺭﻩﺗﺘﯩﻢ، ﺋﯘﻧﯩﯔ ﺗﯧﻨﯩﻨﻰ ﺑﯧﺮﯨﻠﯩﭗ ﺷﯘﻧﭽﻪ ﺋﻪﺳﺘﺎﻳﯩﺪﯨﻠﻠﯩﻖ ﺑﯩﻠﻪﻥ ﺳﯩﻼﻳﺘﺘﯩﻢ، ﻫﻪﺭ ﺧﯩﻞ ﺷﻪﻛﯩﻠﻠﻪﺭ ﺑﯩﻠﻪﻥ ﺋﯘﻧﯩﯔ ﺋﻪﯓ ﻳﺎﻗﺘﯘﺭﯨﺪﯨﻐﺎﻥ ﻫﻪﺭﯨﻜﻪﺗﻠﯩﺮﯨﻨﻰ ﺗﺎﭘﻤﺎﻗﭽﻰ ﺑﻮﻻﺗﺘﯩﻢ. ﺋﯘﻧﯩﯖﺪﺍ ﺋﯜﻣﯩﺪ ﺗﯘﻏﯘﻟﺪﻯ  -   ﻣﯘﺑﺎﺩﺍ، ﻣﻪﻥ ﺋﯘﻧﯩﯔ ﻫﻪﯞﯨﺴﯩﻨﻰ ﺭﺍﺳﺘﺘﯩﻨﻼ ﻳﯘﻗﯩﺮﻯ ﭘﻪﻟﻠﯩﮕﻪ ﻛﯚﺗﯜﺭﻩﻟﯩﮕﻪﻥ ﺑﻮﻟﺴﺎﻡ، ﻳﻪﻧﻪ ﻧﯧﻤﯩﻠﻪﺭ ﺑﻮﻟﯘﭖ ﻛﯧﺘﻪﺗﺘﯩﻜﯩﻦ؟ ﺋﯘﻧﯩﯔ ﯞﯗﺟﯘﺩﯨﺪﯨﻦ ﭘﺎﻫﯩﺸﯩﻠﯩﻚ ﺗﻮﻧﻰ ﺳﯧﻠﯩﭗ ﺗﺎﺷﻠﯩﻨﯩﭗ، ﻫﻪﻗﯩﻘﯩﻲ ﺋﺎﻳﺎﻟﻠﯩﻖ ﺗﻪﺭﯨﭙﻰ ﺋﺎﻳﺎﻥ ﺑﻮﻟﯘﺷﻘﺎ ﺑﺎﺷﻠﯩﺪﻯ. ﺋﯘﻧﯩﯔ ﻛﯚﻛﺮﻩﻙ ﻗﯩﺴﻤﻰ ﻫﻪﺩﻩﭖ ﻳﯩﻐﯩﻼﺗﺘﻰ. ﺋﯘ ﻛﯚﺯﻟﯩﺮﯨﻨﻰ ﭼﯩﯔ ﻳﯘﻣﯘﯞﺍﻟﻐﺎﻥ، ﺷﯘﻧﺪﺍﻗﺘﯩﻤﯘ ﺋﺎﯞﯞﺍﻟﻘﯩﺪﻩﻛﻼ ﺋﻪﺱ - ﻫﯘﺷﯩﻨﻰ ﻳﻮﻗﯩﺘﯩﭗ ﻗﻮﻳﻤﯩﻐﺎﻧﯩﺪﻯ. ﻫﺎﻟﺒﯘﻛﻰ، ﺷﯘﻧﯩﯔ ﺑﯩﻠﻪﻥ ﺑﯩﺮﮔﻪ ﺋﯘ ﺑﺎﺭﻏﺎﻧﭽﻪ ﻛﯜﭼﯩﻴﯩﭗ ﺑﯧﺮﯨﯟﺍﺗﻘﺎﻥ ﭼﯜﺷﯩﻨﯩﻜﺴﯩﺰ ﺋﯩﺴﺘﻪﻙ ﺗﻪﺭﯨﭙﯩﺪﯨﻦ ﺑﻮﻳﺴﯘﻧﺪﯗﺭﯗﻟﯘﯞﺍﺗﺎﺗﺘﻰ. ﺋﻪﯓ ﺋﺎﺧﯩﺮﻯ، ﺋﯘ ﺋﻪﯓ ﺷﯧﺮﯨﻦ، ﺭﻭﻫﻨﻰ ﻟﻪﺭﺯﯨﮕﻪ ﺳﺎﻟﯩﺪﯨﻐﺎﻥ ﺩﻩﻗﯩﻘﯩﻠﻪﺭﻧﯩﯔ ﻳﯧﺘﯩﭗ ﻛﯧﻠﻪﻳﻼ ﺩﻩﭖ ﻗﺎﻟﻐﺎﻧﻠﯩﻘﯩﻨﻰ ﻫﯧﺲ ﻗﯩﻠﯩﭗ ﻳﻪﺗﺘﻰ. ﺋﯩﻜﻜﻰ ﻗﻮﻟﻰ ﺑﯩﻠﻪﻥ ﻣﯧﻨﯩﯔ ﺑﯧﺸﯩﻤﻨﻰ ﻗﯘﭼﺎﻗﻼﭖ ﺋﯚﺯﯨﮕﻪ ﺗﺎﺭﺗﯩﭗ ﮔﻮﻳﺎ «ﺗﻮﺧﺘﺎﭖ ﻗﺎﻟﻤﺎﯓ، ﻫﻪﺭﮔﯩﺰ ﺗﻮﺧﺘﺎﭖ ﻗﺎﻟﻤﺎﯓ» ﺩﻩﯞﺍﺗﻘﺎﻧﺪﻩﻙ ﻗﯩﻼﺗﺘﻰ.
ﺋﯘ ﺋﯩﺶ ﺋﯚﺗﯜﻟﯜﭖ ﺑﻮﻟﻐﺎﻧﺪﯨﻦ ﻛﯧﻴﯩﻦ، ﻣﯧﻨﻰ ﻳﻪﻧﻪ ﻛﯧﻠﯩﭗ ﻛﯧﺘﯩﺸﻤﻨﻰ، ﺑﻪﻟﻜﻰ ﺑﯘ ﻗﯧﺘﯩﻢ ﻛﻪﻟﺴﻪ ﺑﯩﺮ ﺗﯩﻴﯩﻨﻤﯘ ﭘﯘﻝ ﺋﺎﻟﻤﺎﻳﺪﯨﻐﺎﻧﻠﯩﻘﯩﻨﻰ ﺋﯧﻴﺘﺘﻰ. ﻣﺎﻧﺎ ﺑﯘ ﻣﯘﻫﻪﺑﺒﻪﺕ ﺧﯩﺘﺎﺑﻨﺎﻣﯩﺴﻰ ﺋﻪﻣﻪﺳﻤﯘ؟
19
ﺑﯩﺮ ﺋﺎﺩﻩﻣﻨﯩﯔ ﺋﯩﻨﺴﺎﻧﯩﻴﻪﺗﻜﻪ ﺑﻮﻟﻐﺎﻥ ﺳﯚﻳﮕﯜ - ﻣﯘﻫﻪﺑﺒﯩﺘﯩﻨﯩﯔ ﺋﻪﯓ ﺯﻭﺭ ﺗﻪﺳﯩﺮﻟﻪﻧﺪﯛﺭﯛﺵ ﻛﯜﭼﻰ ﺑﺎﺷﻘﺎ ﺑﯩﺮ ﺋﺎﺩﻩﻣﻨﯩﯔ ﺧﻮﺷﺎﻟﻠﯩﻘﻰ ﺋﯚﺯ ﯞﯗﺟﯘﺩﯨﺪﺍ ﺋﻮﺧﺸﺎﺷﻼ ﺧﻮﺷﺎﻟﻠﯩﻖ ﺗﯘﻳﻐﯘﺳﯩﻨﻰ ﻗﻮﺯﻏﯩﻐﯩﻨﯩﺪﯨﻨﻤﯘ ﺋﺎﺭﺗﯘﻕ ﺋﯩﺶ.
ﺳﯩﺰ ﺋﯚﺯﯨﯖﯩﺰﮔﻪ ﺗﺎﻣﺎﻣﻪﻥ ﻳﺎﺕ، ﻳﻮﭼﯘﻥ ﺑﯩﺮﺳﯩﻨﯩﯔ ﻫﻪﺳﺮﻩﺕ ﭼﻪﻛﻜﯩﻨﯩﻨﻰ ﻛﯚﺭﮔﯩﻨﯩﯖﯩﺰﺩﻩ ﺋﯘﻧﯩﯖﻐﺎ ﻫﯧﺴﺪﺍﺷﻠﯩﻘﯩﯖﯩﺰ ﻗﻮﺯﻏﯩﻠﯩﺪﯗ، ﺋﻪﻣﻤﺎ ﺑﯘ ﺧﯩﻞ ﻫﯧﺴﺪﺍﺷﻠﯩﻖ ﻗﯘﺩﺭﯨﺘﻰ ﻳﻪﻧﯩﻼ ﻫﻪﺳﯩﺮﻩﺕ ﭼﻪﻛﻜﯜﭼﯩﻨﯩﯔ ﺋﯚﺯ ﻫﯧﺲ - ﺗﯘﻳﻐﯘﺳﯩﺪﻩﻙ ﻛﯜﭼﻠﯜﻙ ﺑﻮﻟﻤﺎﻳﺪﯗ. ﺳﯩﺰ ﺧﯩﺰﻣﯩﺘﯩﯖﯩﺰﺩﻩ ﻣﯘﯞﺍﭘﭙﻪﻗﯩﻴﻪﺕ ﻗﺎﺯﯨﻨﯩﭗ ﺧﻮﺷﺎﻟﻠﯩﻖ ﺗﺎﭘﻘﺎﻥ ﭼﯧﻐﯩﯖﯩﺰﺩﯨﻜﻰ ﺭﻭﻫﯩﻲ - ﻫﺎﻟﯩﺘﯩﯖﯩﺰﻣﯘ ﺗﺎﻣﺎﻣﻪﻥ ﺷﯘﻧﯩﯖﻐﺎ ﺋﻮﺧﺸﺎﻳﺪﯗ  -   ﻣﯘﯞﺍﭘﭙﻪﻗﯩﻴﻪﺕ ﻗﺎﺯﺍﻧﻐﺎﻥ ﺋﺎﺩﻩﻡ، ﻣﯘﯞﺍﭘﭙﻪﻗﯩﻴﻪﺕ ﻗﺎﺯﯨﻨﯩﺶ ﺋﯩﺴﺘﯩﻜﯩﺪﻩ ﻳﯜﺭﮔﻪﻥ ﺑﺎﺷﻘﺎ ﺑﯩﺮﺳﻰ ﺋﺎﺷﯘ ﻣﯘﯞﺍﭘﭙﻪﻗﯩﻴﻪﺕ ﺧﻪﯞﯨﺮﯨﻨﻰ ﺋﺎﯕﻠﯩﻐﯩﻨﯩﺪﺍ ﺷﺎﺩﻻﻧﻐﯩﻨﯩﺪﯨﻨﻤﯘ ﺋﯚﺗﻪ ﺷﺎﺩﻟﯩﻘﻘﺎ ﭼﯚﻣﯜﺩﯗ.
ﻣﻪﻥ ﺋﯚﻳﺪﯨﻦ ﭼﯩﻘﯩﭗ، ﺑﯩﺮ ﺩﺍﻻﻧﺪﯨﻦ ﺋﯚﺗﯜﭖ ﻛﯧﺘﯩﯟﺍﺗﺎﺗﺘﯩﻢ، ﻏﻪﺭﻕ ﻣﻪﺳﺖ ﺑﻮﻟﯘﭖ ﻛﻪﺗﻜﻪﻥ ﺩﺍﻧﺘﯩﺴﻨﯩﯔ ﻫﻪﺭﻩﻣﺨﺎﻧﯩﻨﻰ ﻗﻮﻏﺪﺍﺵ ﻗﻮﺷﯘﻧﯩﺪﯨﻜﻰ ﺑﯩﺮ ﺋﻮﭘﯩﺘﺴﯧﺮ ﺑﯩﻠﻪﻥ ﺑﯩﻠﻠﻪ ﺗﯘﺭﻏﯩﻨﯩﻨﻰ ﻛﯚﺭﯛﭖ ﻗﺎﻟﺪﯨﻢ. ﺋﯘﻻﺭ ﻟﯩﺰﺍ ﯞﻩ ﺗﺎﻣﺎﺭﺍﻻﺭ ﺑﯩﻠﻪﻥ ﻫﺎﺭﺍﻕ ﺋﯩﭽﯩﺸﯟﯦﺘﯩﭙﺘﯘ. ﺩﺍﻧﺘﯩﺲ ﭘﺮﺍﻧﺴﯘﺯﭼﻪ ﺳﯚﺯﻟﻪﻳﺘﺘﻰ، ﻳﯧﻨﯩﺪﯨﻜﻰ ﻫﻪﻣﺮﯨﻴﻰ ﺑﻮﻟﺴﺎ ﺋﯘﺩﯗﻟﻠﯘﻕ ﺭﯗﺳﭽﯩﻐﺎ ﺗﻪﺭﺟﯩﻤﻪ ﻗﯩﻠﯩﭗ ﺑﯧﺮﯨﯟﺍﺗﺎﺗﺘﻰ. ﻟﯩﺰﺍ ﻻﭘﭙﯩﺪﻩ ﻣﺎﯕﺎ ﻗﺎﺭﯨﺪﻯ-ﺩﻩ، ﺳﯚﻳﯜﺵ ﺋﯩﺸﺎﺭﯨﺴﻰ ﻗﯩﻠﺪﻯ. ﺩﺍﻧﺘﯩﺲ ﻧﻪﺯﯨﺮﯨﻨﻰ ﻣﺎﯕﺎ ﺋﺎﻏﺪﯗﺭﯗﭖ، ﻣﯧﻴﯩﻘﯩﺪﺍ ﻛﯜﻟﮕﯩﻨﯩﭽﻪ ﻣﺎﯕﺎ:
-   ﺳﯩﺰ ﺑﯩﻠﻪﻥ ﺋﯚﺗﯜﺷﯩﻤﻪﻥ، ﺳﯩﺰ ﭘﯘﺷﻜﯩﻦ ﺑﻮﻟﯩﺴﯩﺰﻏﯘ ﺩﻩﻳﻤﻪﻥ، -   ﺩﯦﺪﻯ.
-   ﻛﻪﭼﯜﺭﯛﯓ، ﺳﯩﺰﻧﻰ ﺗﻮﻧﯘﻣﺎﻳﻤﻪﻥ، -   ﺩﯦﺪﯨﻢ ﻣﻪﻥ ﺳﻮﻏﺎﻗﻼ ﺟﺎﯞﺍﺏ ﺑﻪﺭﮔﻪﭺ ﺋﯘﻧﯩﯔ ﻳﯧﻨﯩﺪﯨﻦ ﺋﯚﺗﯜﭖ ﻛﯧﺘﯩﯟﯦﺘﯩﭗ.
-   ﻣﺎﻗﯘﻝ ﺋﻪﻣﯩﺴﻪ، ﺋﯘﻧﺪﺍﻗﺘﺎ ﻣﻪﻥ ﺋﯚﺯﯛﻣﻨﻰ ﺗﻮﻧﯘﺷﺘﯘﺭﯞﯦﺘﻪﻱ، -   ﺋﯘ ﻛﯩﺮﯨﺴﻠﻮﺩﯨﻜﻰ ﺋﻮﺭﻧﯩﺪﯨﻦ ﺷﺎﻗﻘﯩﺪﻩ ﺗﯘﺭﺩﻯ-ﺩﻩ، ﻣﺎﯕﺎ ﺳﯘﯕﺪﺍﺷﺘﻰ.
ﺋﯘ ﺑﯩﺮ ﻧﻪﭼﭽﻪ ﻣﺎﯕﺪﺍﻡ ﺋﺎﻟﺪﯨﻤﻐﯩﺮﺍﻕ ﺋﯚﺗﺘﻰ، ﻣﺎﯕﺎ ﺋﯧﮕﯩﻠﯩﭗ، ﺋﺎﺕ - ﺟﯚﻧﯩﻨﻰ ﺋﯧﻴﺘﺘﻰ. ﻣﻪﻥ ﺑﯧﻠﯩﻨﻪﺭ - ﺑﯧﻠﯩﻨﻤﻪﺱ ﺑﺎﺵ ﻟﯩﯖﺸﯩﺘﯩﭗ ﻗﻮﻳﯘﭖ، ﺋﺎﺭﺍﻣﺨﺎﻧﯩﻐﺎ ﻗﺎﺭﺍﭖ ﻣﺎﯕﺪﯨﻢ. ﺋﯘ ﺋﯧﻐﺎﯕﻼﭖ ﻣﺎﯕﻐﯩﻨﯩﭽﻪ ﺋﺎﺭﻗﺎﻣﺪﯨﻦ ﺋﻪﮔﯩﺸﯩﭗ ﻛﯧﻠﻪﺗﺘﻰ.
-   ﻣﻪﻥ ﭘﯧﺘﯩﺮﺑﻮﺭﮔﻘﺎ ﻳﯧﯖﯩﺪﯨﻦ ﻛﻪﻟﺪﯨﻢ، ﺳﯩﺰ ﺑﯩﻠﻪﻥ ﻧﺎﻫﺎﻳﺘﻰ ﺑﻪﻙ ﺗﻮﻧﯘﺷﻘﯘﻡ ﺑﺎﺭ ﺋﯩﺪﻯ، -   ﺩﯦﺪﻯ ﺋﯘ.
-   ﺑﯘ ﻳﻪﺭ ﺗﻮﻧﯘﺷﯘﺷﻘﺎ ﻗﻮﻻﻳﻠﯩﻖ ﺋﻪﻣﻪﺱ، -   ﻣﻪﻥ ﻧﯧﻤﯩﻼ ﺩﯦﮕﻪﻥ ﺑﯩﻠﻪﻥ ﺟﺎﯞﺍﺏ ﺑﻪﺭﻣﯩﺴﻪﻡ ﺑﻮﻟﻤﺎﻳﯟﺍﺗﺎﺗﺘﻰ.
-   ﻧﯧﻤﯩﺸﻘﺎ ﺷﯘﻧﺪﺍﻕ ﺩﻩﻳﺴﯩﺰ؟ ﺩﻩﻝ ﺋﯘﻧﯩﯔ ﺋﻪﻛﺴﯩﻨﭽﯩﻐﯘ! ﺑﯘ ﺋﯚﻱ ﺋﺎﺩﻩﻣﻠﻪﺭﻧﻰ ﺑﯩﺮ - ﺑﯩﺮﯨﮕﻪ ﻳﯧﻘﯩﻨﻼﺷﺘﯘﺭﯗﺩﯗ.
ﻣﻪﻥ ﻗﺎﺩﯨﻤﯩﻤﻨﻰ ﺷﯘﺋﺎﻧﻼ ﺗﻮﺧﺘﯩﺘﯩﭗ، ﺋﯘﻧﯩﯖﻐﺎ ﻏﻪﻳﺮﻯ ﺑﯩﺮ ﻧﻪﺯﻩﺭﺩﻩ ﻗﺎﺭﯨﺪﯨﻢ. ﺷﯘ ﻣﯩﻨﯘﺗﺘﺎ ﻣﻪﻥ ﺋﯚﺯﯛﻣﻨﯩﯔ ﻳﻪﻧﻪ ﻗﺎﻧﭽﯩﻠﯩﻚ ﺋﯩﻜﻜﻰ ﺑﯩﺴﻠﯩﻖ ﮔﻪﭘﻠﻪﺭﻧﻰ ﺋﺎﯕﻼﻳﺪﯨﻐﯩﻨﯩﻤﻨﻰ ﺑﯩﻠﻤﻪﻳﺘﺘﯩﻢ.
ﺑﯘ ﭼﺎﻏﺪﺍ ﺋﯘ ﻳﻪﻧﻪ ﻛﺎﺳﯩﻠﺪﯨﻐﯩﻠﻰ ﺗﯘﺭﺩﻯ:
-   ﺳﯩﺰ ﺩﺍﯕﻠﯩﻖ ﺷﺎﺋﯩﺮﻏﯘ، ﺑﯩﺮﺍﻕ ﺷﯧﺌﯩﺮﯨﻲ ﺗﯘﻳﻐﯘﻏﺎ ﺋﻪﯓ ﺑﺎﻱ ﺗﻪﺑﯩﺌﯩﻲ ﻫﺎﺩﯨﺴﯩﻠﻪﺭﻧﻰ ﺋﻮﻳﻼﭖ ﻛﯚﺭﺩﯨﯖﯩﺰﻣﯩﻜﯩﻦ؟
ﻣﻪﻥ ﺋﯘﻧﯩﯖﻐﺎ ﺋﺎﻟﻠﯩﻨﯧﻤﯩﻠﻪﺭﻧﯩﺪﯗﺭ ﺩﻩﻳﺪﯨﻐﺎﻥ ﺑﻮﻟﺴﺎﻡ، ﺗﯧﺨﯩﻤﯘ ﻛﯩﺮﯨﺸﯩﭗ ﻗﺎﻟﯩﺪﯨﻐﺎﻧﺪﻩﻙ ﺗﯘﺭﺍﺗﺘﻰ. ﺷﯘﯕﺎ، ﺋﯘﻧﯩﯔ ﻳﯧﻨﯩﺪﯨﻦ ﺷﯘﻧﺪﺍﻗﻼ ﻛﯧﺘﯩﭗ ﻗﺎﻟﻤﺎﻱ ﺩﯦﮕﻪﻥ ﻳﻪﺭﮔﻪ ﻛﻪﻟﺪﯨﻢ.
-   ﻣﻪﻥ ﺋﺎﻳﺎﻟﻼﺭﻏﺎ ﻗﺎﺭﻏﯩﻨﯩﻤﺪﺍ، ﺷﯘﻧﯩﺴﻰ ﻛﯚﯕﻠﯜﻣﮕﻪ ﻣﯘﺗﻠﻪﻕ ﺋﺎﻳﺎﻧﻜﻰ، ﺋﯘﻻﺭﻧﯩﯔ ﻫﻪﺭ ﺑﯩﺮﯨﺪﻩ ﺋﻮﺧﺸﺎﺷﻼ ﺋﻪﯞﺭﻩﺕ ﺑﺎﺭ. ﺷﯘﻧﺪﺍﻕ، ﺷﯘﻧﺪﺍﻕ، ﺑﯘ ﺋﻪﻗﻪﻟﻠﻰ ﺋﯩﺶ، ﻫﺎﻟﺒﯘﻛﻰ، ﻗﺎﻧﭽﯩﻠﯩﻚ ﺷﯧﺌﯩﺮﻻﺭﺩﺍ ﻣﯘﺷﯘﻧﺪﺍﻕ ﻗﻪﺗﺌﯩﻲ ﺋﯩﺸﻪﻧﭻ ﻳﯧﺰﯨﻠﻐﺎﻧﺪﯗ. ﻫﻪﺭﻗﺎﻧﺪﺍﻕ ﺑﯩﺮ ﺋﺎﻳﺎﻟﻨﯩﯔ ﻫﻪﺭﯨﻜﯩﺘﻰ، ﻳﯜﺭﯛﺵ - ﺗﯘﺭﯗﺷﯩﻐﺎ ﻧﯩﺴﺒﻪﺗﻪﻥ ﺑﯩﺰﺩﯨﻜﻰ ﺑﯘ ﺧﯩﻞ ﺋﯩﺸﻪﻧﭻ ﺑﯩﺰ ﺋﯜﭼﯜﻥ ﺑﯩﺮ ﻧﯩﺸﺎﻥ ﻛﯚﺭﺳﯩﺘﯩﭗ ﺑﯧﺮﯨﺪﯗ. ﺋﻪﮔﻪﺭ، ﺑﯩﺰﺩﻩ ﺑﯘﻧﺪﺍﻕ ﺋﯩﺸﻪﻧﭻ ﺑﻮﻟﻤﺎﻳﺪﯨﻜﻪﻥ، ﺋﯘ ﻫﺎﻟﺪﺍ ﺑﯩﺰ ﭼﻮﯕﻘﯘﺭ ﺋﺎﺯﺍﺑﻠﯩﻨﯩﻤﯩﺰ، ﭼﯜﻧﻜﻰ، ﺋﯩﺠﺘﯩﻤﺎﺋﯩﻲ ﻣﯘﻧﺎﺳﯩﯟﻩﺕ ﺟﻪﺭﻳﺎﻧﯩﺪﯨﻜﻰ ﺋﺎﻳﺎﻟﻼﺭﻧﯩﯔ ﻫﻪﺭﯨﻜﯩﺘﻰ، ﻳﯜﺭﯛﺵ - ﺗﯘﺭﯗﺷﻰ ﺧﯘﺩﺩﻯ ﺋﯘﻻﺭﻧﯩﯔ ﺋﻪﯞﺭﯨﺘﻰ ﻳﻮﻗﺘﻪﻛﻼ ﺳﯩﻴﺎﻗﻘﺎ ﻛﯩﺮﯨﯟﺍﻟﻐﯩﻨﯩﺪﻩﻙ ﺷﯘ ﻗﻪﺩﻩﺭ ﺳﺎﺧﺘﺎ!
ﻣﯧﻨﯩﯔ ﻗﺎﺭﯨﺸﯩﻤﻐﺎ ﻗﯘﻳﯘﭖ ﻗﻮﻳﻐﺎﻧﺪﻩﻙ ﺋﻮﺧﺸﺎﭖ ﻛﯧﺘﯩﺪﯨﻐﺎﻥ ﺑﯘ ﻗﺎﺭﺍﺷﻨﻰ ﺋﺎﯕﻼﭖ ﺋﯩﺨﺘﯩﻴﺎﺭﺳﯩﺰ ﻛﯜﻟﯜﭖ ﺗﺎﺷﻠﯩﺪﯨﻢ ﻫﻪﻣﺪﻩ ﺋﯘ ﻣﯘﺑﺎﺩﺍ ﺭﯗﺱ ﺗﯩﻠﯩﻨﻰ ﺋﯚﮔﯩﻨﯩﭗ ﺑﻮﻟﺴﺎ، ﻣﻪﻥ ﻳﺎﺯﻏﺎﻥ ﭼﯚﭼﻪﻛﻠﻪﺭﻧﻰ ﺋﻮﻗﯘﭖ ﺑﯧﻘﯩﺸﻘﺎ ﺑﯧﺮﯨﺪﯨﻐﯩﻨﻤﻨﻰ ﺋﯧﻴﺘﺘﯩﻢ، ﺑﯘ ﭼﯚﭼﻪﻛﻠﻪﺭﺩﻩ ﺋﯘ ﺋﯧﻴﺘﯩﯟﺍﺗﻘﺎﻥ ﺋﯩﺸﻪﻧﭻ ﮔﯘﻣﺎﻧﻐﺎ ﺋﻮﺭﯗﻥ ﺑﯧﺮﻩﺗﺘﻰ.(17)
ﻣﻪﻥ ﻫﺎﻳﺎﻟﺸﯩﻤﺎﻳﻼ ﺋﯘﻧﯩﯖﺪﯨﻦ ﺋﺎﻳﺮﯨﻠﺪﯨﻢ، ﺳﻪﯞﻩﺑﻰ، ﺑﯘ ﻳﯩﮕﯩﺖ ﺑﯩﻠﻪﻥ ﻛﯚﯕﯜﻟﺴﯩﺰ ﭘﺎﺭﺍﯕﻠﯩﺸﯩﺸﻨﻰ ﺧﺎﻟﯩﻤﻐﺎﻧﯩﺪﯨﻢ. ﻣﯘﺑﺎﺩﺍ، ﺑﺎﺷﻘﺎ ﺳﻮﺭﯗﻥ، ﻣﯘﻧﺪﺍﻗﭽﻪ ﺋﯧﻴﺘﻘﺎﻧﺪﺍ ﺋﯘﻧﯩﯔ ﺋﻮﺭﻧﯩﺪﺍ ﺑﺎﺷﻘﺎ ﺑﯩﺮﺳﻰ ﺑﻮﻟﻐﺎﻥ ﺑﻮﻟﺴﺎ ﺑﻪﻟﻜﯩﻢ ﺑﯘ ﻛﯚﯕﯜﻟﻠﯜﻙ ﺗﯧﻤﯩﺪﯨﻜﻰ ﭘﺎﺭﺍﯓ ﺯﻭﻗﯘﻣﻨﻰ ﺗﺎﺭﺗﻘﺎﻧﻤﯘ ﺑﻮﻻﺭ ﺋﯩﺪﻯ. ﻟﯧﻜﯩﻦ، ﺩﺍﻧﺘﯩﺴﻨﻰ ﺗﯘﻧﺠﻰ ﻛﯚﺭﯛﺷﯜﻣﺪﯨﻼ ﺋﯘ ﺩﯦﺘﯩﻤﻐﺎ ﻳﺎﻗﻤﯩﻐﺎﻧﯩﺪﻯ. ﺋﯘﻧﯩﯔ ﺋﯜﺳﺘﯩﮕﻪ، ﻣﻪﻥ ﺗﻮﻱ ﻗﯩﻠﯩﭗ ﺋﯘﺯﺍﻕ ﺋﯚﺗﻤﻪﻳﻼ ﺟﯩﻨﺴﯩﻲ ﻣﯘﻫﻪﺑﺒﻪﺕ ﯞﻩ ﺋﻪﯞﺭﻩﺕ ﺧﯘﺳﯘﺳﯩﺪﺍ ﭘﺎﺭﺍﯕﻠﯩﺸﯩﺸﻘﺎ ﻗﯩﺰﯨﻘﻤﺎﺱ ﺑﻮﻟﯘﭖ ﻗﺎﻟﻐﺎﻧﯩﺪﯨﻢ، ﮔﻪﺭﭼﻪ ﻛﯚﯕﯜﻟﺪﯨﻜﯩﺪﻩﻙ ﺩﻭﺳﺘﻠﯩﺮﯨﻢ ﺑﯩﺮﮔﻪ ﺑﻮﻟﻐﺎﻧﺪﯨﻼ ﺋﻪﯓ ﺯﻭﻕ - ﺷﻮﻕ ﺑﯩﻠﻪﻥ ﺳﯚﺯﻟﯩﺸﯩﺪﯨﻐﺎﻥ ﭘﺎﺭﺍﯓ ﺗﯧﻤﯩﺴﻰ ﺑﻮﻟﻐﺎﻥ ﺑﻮﻟﺴﯩﻤﯘ. ﺷﯘﻧﻰ ﭼﯜﺷﯜﻧﯜﭖ ﻳﻪﺗﺘﯩﻤﻜﻰ، ﺋﻪﮔﻪﺭ، ﺗﻮﻱ ﻗﯩﻠﻐﺎﻥ ﺑﯩﺮ ﺋﻪﺭ ﺟﯩﻨﺴﯩﻴﻪﺗﺘﯩﻦ ﺳﯚﺯ ﺋﺎﭼﺴﺎ، ﺋﯘ ﺋﯚﺯﯨﻨﯩﯔ ﺧﻮﺗﯘﻧﯩﻨﻰ ﺳﯚﺯﻟﻪﻳﺪﯗ، ﭼﯜﻧﻜﻰ، ﺋﯘ ﻫﻪﺭ ﺑﯩﺮ ﺋﯧﻐﯩﺰ ﺑﺎﻫﺎﺩﺍ ﺧﻮﺗﯘﻧﯩﻨﻰ ﻧﻪﺯﻩﺭﺩﯨﻦ ﺳﺎﻗﯩﺖ ﻗﯩﻼﻟﻤﺎﻳﺪﯗ. ﺑﻪﻟﻜﻰ، ﺧﻮﺗﯘﻧﯩﻨﯩﯔ ﻧﺎﻣﯩﻐﺎ ﺩﺍﻍ ﻛﻪﻟﺘﯜﺭﯛﺷﻜﻪ ﺑﻮﻟﻤﺎﻳﺪﯗ.
ﻧﺎﺗﺎﻟﯩﻴﯩﮕﻪ ﺧﯩﻴﺎﻧﻪﺕ ﻗﯩﻠﻐﯩﻨﯩﻤﺪﯨﻦ ﺑﺎﺷﻼﭘﻼ، ﻣﻪﻥ ﮔﻪﭖ ﻗﯩﻠﻐﺎﺍﻧﺪﺍ، ﺋﯚﺯﯛﻣﮕﻪ ﺑﻮﻟﻐﺎﻥ ﭼﻪﻙ - ﺑﻮﻳﯘﻧﺘﯘﺭﯗﻗﻼﺭﺩﯨﻦ ﺑﻮﺷﯘﻧﯘﭖ  -   ﻣﻪﻥ ﻳﻪﻧﻪ ﺋﯚﺯﯛﻡ ﻳﺎﺧﺸﻰ ﻛﯚﺭﯛﺩﯨﻐﺎﻥ ﭘﺎﺭﺍﯕﻐﺎ ﻗﺎﻳﺘﯩﭗ ﻛﯧﺘﻪﺗﺘﯩﻢ، ﺋﻪﻣﻤﺎ ﺗﯩﻠﻐﺎ ﺋﺎﻟﯩﺪﯨﻐﯩﻨﯩﻢ ﺑﺎﺷﻘﺎ ﺋﺎﻳﺎﻟﻼﺭ ﺑﻮﻻﺗﺘﻰ. ﻫﺎﻟﺒﯘﻛﻰ، ﻣﻪﻥ ﭘﺎﺭﺍﯕﻼﺷﻘﺎﻥ ﺋﺎﺩﻩﻡ ﻣﯧﻨﯩﯔ ﮔﯧﭙﯩﻤﻨﻰ ﺋﯧﻘﯩﺘﻤﺎﻱ، ﺗﯧﻤﯩﺘﻤﺎﻱ ﻧﺎﺗﺎﻟﯩﻴﻪﮔﻪ ﻛﯚﺗﯩﺮﯨﭗ ﺑﺎﺭﺍﺗﺘﻰ. ﺋﺎﻫ، ﺧﯘﺩﺍ، ﺑﯘﻧﻰ ﻣﻪﻥ ﺋﻪﻣﺪﯨﻼ ﭼﯜﺷﯜﻧﯜﭖ ﻳﻪﺗﻜﻪﻥ، ﻛﯧﭽﯩﻜﯩﭗ ﺑﯩﻠﮕﻪﻧﯩﺪﯨﻢ.
ﻣﻪﻥ ﺷﻮﭘﺎﯕﺨﺎﻧﯩﺪﯨﻜﻰ ﺷﯘ ﺋﯩﺸﺘﯩﻦ ﻛﯧﻴﯩﻦ، ﺋﺎﻣﻤﯩﯟﯨﻲ ﺳﻮﺭﯗﻧﻼﺭﺩﺍ ﺩﺍﻧﺘﯩﺴﻨﻰ ﻫﻪﺭ ﺑﯩﺮ ﻛﯚﺭﮔﯩﻨﯩﻤﺪﻩ، ﻫﻪﻣﯩﺸﻪﻡ ﺋﯘﻧﯩﯔ ﻳﯘﺭﺕ - ﻣﺎﻛﺎﻧﯩﺪﯨﻦ ﺋﯧﻴﺮﯨﻠﯩﭗ ﻳﺎﺭ - ﻳﯚﻟﻪﻛﺴﯩﺰ ﻗﯧﻠﯩﯟﺍﺗﻘﺎﻧﺪﻩﻙ ﺑﯩﺮ ﺧﯩﻞ ﺷﯜﺑﻬﻪ ﺋﺎﺭﯨﻼﺵ ﻗﺎﺭﺍﯞﺍﺗﻘﯩﻨﯩﻨﻰ ﺳﯧﺰﻩﺗﺘﯩﻢ. ﺑﯩﺮ ﻗﯧﺘﯩﻢ ﺋﯘ ﻣﺎﯕﺎ ﻗﺎﭖ ﻳﯜﺭﻩﻛﻠﯩﻚ ﺑﯩﻠﻪﻥ ﻛﯚﺯﻟﯩﺮﯨﻨﻰ ﻗﯩﺴﯩﭗ ﻗﻮﻳﺪﻯ، ﺑﯩﺮﺍﻕ ﺋﯘ ﭼﯩﺮﺍﻳﯩﻤﺪﺍ ﻏﻪﺯﻩﭖ ﺋﻮﺗﻰ ﻛﯚﻳﯜﯞﺍﺗﻘﯩﻨﯩﻨﻰ ﻛﯚﺭﯛﭖ ﻗﺎﻟﺪﻯ، ﺷﯘﻧﺪﯨﻦ  ﻛﯧﻴﯩﻦ ﺋﯘ ﻣﺎﯕﺎ ﺋﯩﻜﻜﯩﻨﭽﯩﻠﻪﭖ ﺑﯘﻧﺪﺍﻕ ﻳﯧﻘﯩﻨﭽﯩﻠﯩﻖ ﻗﯩﻠﻤﺎﻳﺪﯨﻐﺎﻥ ﺑﻮﻟﺪﻯ.
ﺋﯘ ﻫﻪﺭ ﻗﯧﺘﯩﻢ ﻧﺎﺗﺎﻟﯩﻴﻪ ﺑﯩﻠﻪﻥ ﺗﺎﻧﺴﯩﻐﺎ ﭼﯜﺷﻜﻪﻧﺪﻩ، ﻫﻪﻣﯩﺸﻪﻡ ﺋﯘ ﺋﺎﻳﺎﻟﯩﻤﻨﻰ ﻳﻮﻟﺪﯨﻦ ﭼﯩﻘﯩﺮﯞﺍﺗﻘﺎﻧﺪﻩﻙ ﮔﯘﻣﺎﻥ ﻗﯩﻼﺗﺘﯩﻢ  -   ﺋﯘ، ﺋﺎﻳﺎﻟﯩﻤﻨﯩﯔ ﺋﺎﻟﺪﯨﺪﺍ ﺯﯨﻴﺎﺩﻩ ﻣﻪﻏﺮﯗﺭ ﻛﯚﺭﯛﻧﻪﺗﺘﻰ؛ ﺋﯘﻧﯩﯖﺪﺍ ﻫﻪﺭﻗﺎﻧﺪﺍﻕ ﺑﯩﺮ ﺭﻭﻣﺎﻧﺘﯩﻚ ﺗﯘﻳﻐﯘﺩﯨﻦ ﺋﻪﺳﻪﺭ ﻗﺎﻟﻤﯩﻐﺎﻧﺪﻩﻙ ﺷﯜﺑﻬﯩﻠﯩﻨﻪﺗﺘﯩﻢ. ﺑﯘﻧﺪﺍﻕ ﺋﻮﻱ - ﺧﯩﻴﺎﻟﻼﺭ ﻗﻪﻟﺒﯩﻤﻨﻰ ﭼﯩﺮﻣﺎﭖ ﻣﺎﯕﺎ ﺯﺍﺩﯨﻼ ﺋﺎﺭﺍﻡ ﺑﻪﺭﻣﻪﻳﺘﺘﻰ، ﺷﯘﯕﺎ ﻣﻪﻥ ﺑﻪﺯﻣﯩﺨﺎﻧﯩﺪﯨﻦ ﭼﯩﻘﯩﭗ، ﻗﺎﺭﺗﺎ ﺋﻮﻳﯘﻧﻠﯩﺮﯨﻐﺎ ﻣﻪﭘﺘﻦ ﺑﻮﻟﯘﺵ ﺋﺎﺭﻗﯩﻠﯩﻖ ﺋﺎﭼﭽﯩﻘﯩﻤﻨﻰ ﺑﺎﺳﺎﺗﺘﯩﻢ ﻳﺎﻛﻰ ﺑﯧﺮﯨﭗ ﺳﻪﺗﻪﯕﻠﻪﺭﻧﻰ ﻗﻮﻏﻼﻳﺘﺘﯩﻢ.
20
ﺩﺍﻧﺘﯩﺴﻨﯩﯔ ﻣﯘﻫﻪﺑﺒﻪﺕ ﺗﻪﻟﯩﭙﻰ ﻗﻮﻳﻐﯩﻨﯩﻨﻰ ﻛﯚﺭﯛﭖ، ﺋﯚﺯﯛﻣﻨﯩﯔ ﺗﻮﻱ ﻗﯩﻠﻤﯩﻐﺎﻥ ﺑﻮﻳﺘﺎﻕ ﻣﻪﺯﮔﯩﻠﻠﯩﺮﯨﻤﺪﻩ ﺋﻪﺭﻟﻪﺭﻧﻰ ﮔﻪﺩﯨﻨﯩﮕﯩﭽﻪ ﺷﻮﯞﯞﯨﻐﺎ ﻣﯩﻠﯩﯟﻩﺗﻜﻪﻧﻠﯩﺮﯨﻢ ﻳﺎﺩﯨﻤﻐﺎ ﻳﯧﺘﯩﭗ ﻗﺎﻟﺪﻯ. «ﺋﯚﺗﻨﯩﮕﻪ ﻻﭘﻘﯘﺕ ﺋﺎﻟﻪﻡ، ﺩﯦﮕﻪﻧﺪﻩﻙ ﺋﻪﻣﺪﻯ ﺋﺎﻳﻠﯩﻨﯩﭗ ﻧﯚﯞﻩﺕ ﺳﺎﯕﺎ ﻛﻪﻟﺪﻯ» ﺩﯦﺪﯨﻢ ﻣﻪﻥ ﺋﯚﺯ - ﺋﯚﺯﯛﻣﮕﻪ. ﺑﻪﺭﻫﻪﻕ ﺗﻪﺗﯜﺭ ﭘﻪﻟﻪﻙ ﭼﻪﺭﺧﻰ ﺗﻮﻧﯩﻤﻨﻰ ﭘﯩﭽﯩﭗ ﺑﻮﻟﻐﺎﻧﯩﺪﻯ. ﺑﯘﺭﯗﻧﻘﻰ ﻣﻪﻥ ﺳﺎﺩﯨﺮ ﻗﯩﻠﻐﺎﻥ ﺋﯩﺸﻼﺭ ﻳﻪﻧﻪ ﺗﻪﻛﺮﺍﺭﻟﯩﻨﯩﯟﺍﺗﺎﺗﺘﻰ، ﺋﻪﻣﻤﺎ ﻣﻪﻥ ﺋﺎﺷﯘ ﺧﯩﻞ ﺷﻮﯞﯞﺍ ﮔﻪﺩﻩﻥ ﺋﻪﺭﻟﻪﺭﻧﯩﯔ ﺭﻭﻟﯩﻨﻰ ﺋﯧﻠﯩﯟﺍﺗﺎﺗﺘﯩﻢ، ﺧﻮﺗﯘﻧﯘﻡ ﺑﻮﻟﺴﺎ ﺗﯧﻨﯩﻨﻰ ﻟﯜﻛﭽﻪﻛﻠﻪﺭ ﺋﺎﭼﻜﯚﺯﻟﻪﺭﭼﻪ ﻗﻮﻏﻠﯩﺸﯩﺪﯨﻐﺎﻥ ﺋﺎﻳﺎﻟﻐﺎ ﺋﺎﻳﻠﯩﻨﯩﭗ ﻗﺎﻗﺎﻟﻐﺎﻧﯩﺪﻯ. ﺋﯘﻻﺭ ﺧﻮﺗﯘﻧﯘﻣﻐﺎ ﻧﯧﻤﯩﻠﻪﺭﻧﻰ ﺩﻩﻳﺪﯨﻐﺎﻧﺪﯗ، ﺋﯘﻧﻰ ﻗﺎﻧﺪﺍﻕ ﺋﯩﻨﺪﻩﻛﻜﻪ ﻛﻪﻟﺘﯜﺭﯨﺪﯨﻐﺎﻧﺪﯗ؟
ﺋﯚﺯﯛﻣﻨﻰ ﺋﯧﻠﯩﭗ ﺋﯧﻴﺘﺴﺎﻡ، ﻣﻪﻥ ﻫﻪﻣﯩﺸﻪ ﺯﯨﻴﺎﺩﻩ ﭼﯧﭽﻪﻥ ﺋﺎﻳﺎﻟﻼﺭﻏﺎ، ﺩﯗﻧﻴﺎﺩﺍ ﮔﯜﻟﻨﯩﯔ  ﺷﻪﻛﻠﯩﻨﻰ ﺋﯚﺯﮔﻪﺭﺗﯩﺸﺘﯩﻨﻤﯘ ﻳﺎﺧﺸﻰ ﺋﯩﺶ ﻳﻮﻕ، ﺩﻩﻳﻤﻪﻥ. ﺋﯘ ﺋﺎﻳﺎﻝ ﺋﯚﺯﯨﻨﻰ ﻣﺎﯕﺎ ﺑﯧﻐﯩﺸﻼﻳﺪﯗ، ﻣﻪﻥ ﺑﻪﺧﺶ ﺋﻪﺗﻜﻪﻥ ﻳﯧﯖﻰ ﺗﯘﻳﻐﯘﻻﺭ ﺋﺎﺭﻗﯩﻠﯩﻖ ﺋﯘ ﺋﯚﺯ ﺋﯧﺮﯨﻨﻰ ﺗﯧﺨﯩﻤﯘ ﺳﯚﻳﯜﺩﯨﻐﺎﻥ ﺑﻮﻟﯘﭖ ﻛﯧﺘﯩﺪﯗ. ﻫﺎﻣﺎﻗﻪﺕ ﺋﺎﻳﺎﻟﻼﺭﻏﺎ ﻣﻪﻥ ﺷﯘﻧﺪﺍﻕ ﺟﺎﻛﺎﺭﻻﻳﻤﻪﻥ: ﺋﯘﻻﺭ ﺑﯘﻧﺪﺍﻕ ﻛﯜﭼﻠﯜﻙ ﻫﯧﺴﺴﯩﻴﺎﺗﻘﺎ ﺗﯘﻳﯘﻧﻐﺎﻥ ﺟﯩﻨﺴﯩﻲ ﻣﯘﻫﻪﺑﺒﻪﺗﻜﻪ ﺋﻪﺯﻩﻟﺪﯨﻦ ﺋﻪﺭﻟﯩﺮﻯ ﺋﺎﺭﻗﯩﻠﯩﻖ ﺋﯧﺮﯨﺸﻪﻟﻤﻪﻳﺪﯗ. ﻫﺎﻟﺒﯘﻛﻰ، ﻣﻪﻥ ﺋﯚﺯﯛﻡ ﺋﺎﺭﻻﺷﻘﺎﻥ ﺋﺎﻳﺎﻟﻼﺭﻧﯩﯔ ﻫﻪﺭ ﺑﯩﺮﯨﮕﻪ ﺷﯘﻗﻪﺩﻩﺭ ﺋﻪﺳﺘﺎﻳﯩﺪﯨﻞ ﻣﯘﺋﺎﻣﯩﻠﻪ ﻗﯩﻠﯩﻤﻪﻥ.
ﻣﻪﻥ ﻧﺎﺗﺎﻟﯩﻴﻪﮔﻪ ﺋﯩﺸﯩﻨﯩﻤﻪﻥ، ﺑﯩﺮﺍﻕ ﺋﯘﻧﯩﯖﻐﺎ ﺑﺎﺷﻘﯩﻼﺭ ﺋﯘﻧﭽﯩﻠﯩﻚ ﺋﯩﺸﯩﻨﯩﭗ ﻛﻪﺗﻤﯩﺴﻪ ﻛﯧﺮﻩﻙ. ﺑﯘ ﺋﻪﻣﻪﻟﯩﻴﻪﺕ ﺋﯘﻧﯩﯔ ﺯﯦﺮﯨﻜﻤﻪﺳﺘﯩﻦ ﻧﺎﺯﯗ - ﻛﻪﺭﻩﺷﻤﻪ ﻗﯩﻠﻐﯩﻨﯩﺪﯨﻨﻤﯘ ﺋﯚﺗﻪ ﻏﻪﺯﯨﭙﯩﻤﻨﻰ ﻗﻮﺯﻏﺎﻳﺪﯗ. ﻣﻪﻥ ﺋﯚﺯﯛﻣﮕﻪ ﻫﯚﺩﺩﻩ ﻗﯩﻠﯩﻤﻪﻧﻜﻰ، ﺟﻪﻣﯩﻴﻪﺗﺘﻪ ﺋﯧﻘﯩﭗ ﻳﯜﺭﮔﻪﻥ ﺋﯚﺳﻪﻙ ﺳﯚﺯﻟﻪﺭ، ﻧﺎﻡ - ﺋﺎﺑﺮﻭﻱ ﯞﻩ ﻗﺎﺭﺍﺷﻼﺭ ﻣﻪﻥ ﺋﯜﭼﯜﻥ ﺋﯧﻴﺘﻘﺎﻧﺪﺍ، ﺋﯩﺸﻼﺭﻧﯩﯔ ﺋﻪﻣﻪﻟﯩﻲ ﺋﻮﺭﻧﯩﺪﯨﻨﻤﯘ ﻣﯘﻫﯩﻢ. ﺋﻪﯓ ﻳﺎﺧﺸﯩﺴﻰ، ﺋﯘ ﻣﻪﻟﯘﻡ ﻛﯩﺸﯩﻠﻪﺭ ﺑﯩﻠﻪﻥ ﻣﻪﺧﭙﯩﻲ ﺟﯩﻨﺴﯩﻲ ﻣﯘﻧﺎﺳﯩﯟﻩﺕ ﻗﯩﻠﺴﺎ (ﺋﻪﻣﻤﺎ ﺑﯩﺮ ﭘﺎﻳﻼ ﻗﯩﻠﺪﯗﺭﺳﺎ)، ﺋﯘ ﻳﯧﻤﯩﮕﻪﻥ ﻣﺎﻧﺘﯩﻨﯩﯔ ﭘﯘﻟﯩﻨﻰ ﺗﯚﻟﻪﭖ ﻛﻮﭼﺎ - ﻛﯘﻳﻼﺭﺩﺍ ﺳﯚﺯ - ﭼﯚﭼﻪﻛﻜﻪ ﻗﺎﻟﻐﯩﻨﯩﺪﯨﻦ ﻳﺎﺧﺸﯩﺮﺍﻕ ﺋﯩﻜﻪﻧﻠﯩﻜﯩﻨﻰ ﻫﯧﭽﻜﯩﻢ ﺑﯩﻠﻤﻪﻳﺪﯗ. ﻣﺎﻧﺎ ﺑﯘ ﻓﯩﻴﺎﺯﺍﻧﻤﯘﺳﻜﯩﻲ(18) ﻧﺎﺗﺎﻟﯩﻴﻪﻧﻰ ﻗﻮﻏﻠﯩﺴﺎ ﻧﯧﻤﻪ ﺩﻩﭖ ﻣﯧﻨﯩﯔ ﻣﻪﺳﺨﯩﺮﯨﻠﯩﻚ ﻛﯜﻟﯩﺪﯨﻐﯩﻨﯩﻢ  -   ﻛﯩﺸﯩﻠﯩﻚ ﻣﯘﻧﺎﺳﯩﯟﻩﺕ ﺟﻪﺭﻳﺎﻧﯩﺪﯨﻜﻰ ﺷﯘﻧﺪﺍﻕ ﺋﺎﺩﺩﯨﻲ، ﺗﻮﻣﭙﺎﻱ ﺑﯩﺮﺳﯩﻨﯩﯔ ﺋﯘﻧﻰ ﺋﯩﻨﺪﻩﻛﻜﻪ ﻛﻪﻟﺘﯜﺭﯞﯦﻠﯩﺸﯩﻐﺎ ﺯﯨﻨﻬﺎﺭ ﺋﯩﺸﻪﻧﻤﻪﻳﻤﻪﻥ. ﺑﯩﺮﺍﻕ، ﺩﺍﻧﺘﯩﺲ ﺧﻪﺗﻪﺭﻟﯩﻚ ﺷﻪﺧﺲ، ﭼﯜﻧﻜﻰ ﺋﯘﻧﯩﯔ ﻗﻪﺩﺩﻯ - ﻗﺎﻣﯩﺘﻰ ﻛﯧﻠﯩﺸﻜﻪﻥ، ﺋﯘﻧﯩﯔ ﺋﯜﺳﺘﯩﮕﻪ ﻗﻮﺭﯗﻧﯘﺷﻨﻰ ﺑﯩﻠﻤﻪﻳﺪﯗ. ﺑﺎﺭﺩﻯ - ﻛﻪﻟﺪﻯ ﻗﯩﻠﻐﯘﭼﯩﻼﺭﻧﯩﯔ ﻗﺎﺭﯨﺸﯩﭽﻪ، ﺋﻪﭘﻘﺎﭼﺘﻰ ﮔﻪﭘﻠﻪﺭ ﺋﯜﺳﺘﯩﺪﯨﻦ ﻣﯘﺷﯘ ﺋﯩﻜﻜﻰ ﺧﯩﻞ ﺧﯘﺳﯘﺳﻴﻪﺗﻜﻪ ﺋﯩﮕﻪ ﻛﯩﺸﯩﻠﻪﺭﻻ ﻏﺎﻟﯩﭗ ﻛﯧﻠﻪﻟﻪﻳﺪﯗ.
ﻣﻪﻥ ﺋﺎﺭﻗﺎﻣﺪﯨﻦ ﺑﻮﻟﻤﯩﻐﯘﺭ ﮔﻪﭘﻠﻪﺭﻧﻰ ﺗﯧﭙﯩﭗ ﻣﯧﻨﻰ ﻣﻪﺳﺨﯩﺮﻩ ﻗﯩﻠﯩﺸﺘﯩﻦ ﺑﯩﺰﺍﺭ. ﻣﻪﻥ ﺷﻮﯞﯞﺍ ﺋﯩﭽﯩﭗ ﻗﺎﻟﻤﺎﺳﻠﯩﻘﯩﻢ ﻛﯧﺮﻩﻛﻠﯩﻜﯩﮕﻪ ﺋﯩﺸﯩﻨﯩﻤﻪﻥ، ﻫﺎﻟﺒﯘﻛﻰ، ﺋﻪﻣﻪﻟﯩﻴﻪﺕ ﻣﯧﻨﯩﯔ ﺋﯩﺮﺍﺩﻩﻣﻨﯩﯔ ﺋﻪﻛﺴﯩﭽﻪ ﺑﻮﻟﯘﯞﺍﺗﻘﺎﻧﺪﻩﻙ ﺑﯩﻠﯩﻨﯩﺪﯗ. ﺋﻪﭘﻘﺎﭼﺘﻰ ﮔﻪﭘﻠﻪﺭ ﺋﯚﺯﯛﻣﮕﻪ ﺑﻮﻟﻐﺎﻥ ﺋﯩﺸﻪﻧﭻ ﺑﯩﻠﻪﻥ ﺗﻮﻟﻐﺎﻥ ﻗﻪﻟﺒﯩﻤﺪﻩ ﺷﯜﺑﻬﻪ ﭘﻪﻳﺪﺍ ﻗﯩﻠﻤﺎﻗﺘﺎ. ﻫﻪﺭ ﺑﯩﺮ ﺋﻪﺭ ﻧﺎﺗﺎﻟﯩﻴﻪﻧﯩﯔ ﺋﺎﻳﯩﻘﯩﻐﺎ ﺑﺎﺵ ﻗﻮﻳﻐﯩﻨﯩﺪﺍ، ﺋﯘ ﻗﺎﻧﭽﻪ ﻗﯧﺘﯩﻤﻼﭖ ﺯﯨﻨﺎ ﻗﯩﻠﯩﺶ ﭘﯘﺭﺳﯩﺘﻰ ﺑﯧﺮﯨﺪﯨﻐﺎﻧﺪﯗ. ﺋﯘﻧﯩﯔ ﺑﯘﻧﺪﺍﻕ ﻗﯩﻠﯩﺸﯩﺪﯨﻜﻰ ﺳﻪﯞﻩﺏ ﺯﺍﺩﻯ ﻧﻪﺩﻩ؟
21
ﻣﻪﻥ ﻧﺎﺗﺎﻟﯩﻴﻪﻧﻰ ﺩﺍﻧﺘﯩﺴﺘﺎ ﺳﯩﻔﯩﻠﯩﺲ ﻛﯧﺴﯩﻠﻰ ﺑﺎﺭﻟﯩﻘﯩﻐﺎ، ﺋﯘﻧﯩﯔ ﺑﯩﻠﻪﻥ ﺟﯩﻨﺴﯩﻲ ﻣﯘﻧﺎﺳﯩﯟﻩﺕ ﺋﯚﺗﻜﯜﺯﮔﻪﻥ ﻫﻪﺭﻗﺎﻧﺪﺍﻕ ﺑﯩﺮ ﺋﺎﻳﺎﻟﻐﺎ ﺳﯩﻔﯩﻠﯩﺲ ﻛﯧﺴﯩﻠﻰ ﻳﯘﻗﯩﺪﯨﻐﺎﻧﻠﯩﻐﺎ ﺷﯘﻧﺪﺍﻕ ﺋﯩﺸﻪﻧﺪﯛﺭﯞﻩﺗﺘﯩﻢ. ﻣﻪﻥ ﻧﺎﺗﺎﻟﯩﻴﻪﮔﻪ، ﺳﯩﻔﯩﻠﯩﺲ ﻛﯧﺴﯩﻠﯩﮕﻪ ﮔﯩﺮﯨﭙﺘﺎﺭ ﺑﻮﻟﻐﺎﻥ ﻫﻪﺭﻗﺎﻧﺪﺍﻕ ﺑﯩﺮ ﺋﻪﺭﺩﻩ ﮔﺎﻫﻰ ﭼﺎﻏﻼﺭﺩﺍ ﻛﯧﺴﻪﻟﻠﯩﻚ ﺋﺎﻻﻣﻪﺗﻠﯩﺮﻯ ﯞﺍﻗﺘﯩﻨﭽﻪ ﺋﯧﻨﯩﻖ ﻛﯚﺭﯛﻟﻤﻪﺳﻠﯩﻚ ﺋﺎﻻﻣﯩﺘﯩﻤﯘ ﺑﻮﻟﯘﺩﯗ، ﺑﯘﻧﺪﺍﻕ ﯞﻗﯩﺘﺘﺎ ﻛﯧﺴﻪﻟﻠﯩﻚ ﻳﻪﻧﯩﻼ ﻣﻪﯞﺟﯘﺕ ﺑﻮﻟﯘﭖ ﺗﯘﺳﯩﻤﯘ، ﻳﯘﻗﯘﺵ ﺋﯧﻬﺘﯩﻤﺎﻟﻠﯩﻘﻰ ﻛﯚﭖ ﺑﻮﻟﻤﺎﻳﺪﯗ، ﺑﯘ ﯞﺍﻗﯩﺘﺘﺎ ﻛﯧﺴﻪﻝ ﺑﻮﻟﻐﺎﻥ ﺋﻪﺭﻧﯩﯔ ﻫﯧﺴﺴﯩﻴﺎﺗﻰ ﻧﺎﻫﺎﻳﺘﻰ ﻛﯜﭼﯩﻴﯩﭗ ﻛﯧﺘﯩﺪﯗ، ﺩﯦﺪﯨﻢ. ﻣﺎﻧﺎ ﺑﯘ ﻣﯧﻨﯩﯔ ﻧﺎﺗﺎﻟﯩﻴﻪﻧﻰ ﺩﺍﻧﺘﯩﺴﺘﯩﻦ ﻳﯩﺮﺍﻕ ﺗﯘﺭﻏﯘﺯﯗﺵ ﺋﯜﭼﯜﻥ ﺋﻮﻳﻼﭖ ﺗﺎﭘﻘﺎﻥ ﭼﺎﺭﻩﻡ ﺋﯩﺪﻯ. ﺋﯘ ﻛﺎﺗﺮﯨﻨﻨﯩﯔ ﻫﺎﻣﺎﻥ ﺑﯩﺮ ﻛﯜﻧﻰ ﺋﯘﻧﻰ ﺋﯚﺯﯨﮕﻪ ﻣﯩﺴﺎﻝ ﻗﯩﻠﯩﭗ ﺗﯘﺭﯗﭖ، ﻣﯧﻨﯩﯔ ﻳﺎﻟﻐﺎﻥ ﺋﯧﻴﺘﻘﯩﻨﯩﻤﻨﻰ ﺋﯩﺴﭙﺎﺗﻼﻳﺪﯨﻐﺎﻧﻠﯩﻘﯩﻐﺎ ﺋﯩﺸﯩﻨﻪﺗﺘﻰ.
ﻧﺎﺗﺎﻟﯩﻴﻪ ﺑﻪﺯﻣﯩﺪﻩ ﺩﺍﻧﺘﯩﺲ ﺑﯩﻠﻪﻥ ﺋﯘﺯﺍﻗﺘﯩﻦ - ﺋﯘﺯﺍﻕ ﺗﺎﻧﺴﺎ ﺋﻮﻳﻨﺎﻳﺘﺘﻰ، ﺋﺎﻧﺪﯨﻦ ﺋﯚﻳﮕﻪ ﻗﺎﻳﺘﯩﭗ ﻛﯧﻠﯩﯟﯦﺘﯩﭗ، ﻗﻮﺭﺳﯩﻘﯩﺪﺍ ﮔﻪﭖ ﻳﺎﺗﻘﯘﺯﺍﻟﻤﺎﻱ ﺋﯘﻧﯩﯔ ﻳﻪﻧﻪ «ﻛﯧﺴﻪﻟﺪﯨﻦ ﻗﯘﺗﯘﻟﯘﭖ ﻗﺎﻟﻐﺎﻥ»ﻟﯩﻘﯩﻨﻰ ﺋﯧﻴﺘﯩﭗ ﺗﺎﺷﻼﻳﺘﺘﻰ. ﺑﯘ ﯞﺍﻗﯩﺘﺘﺎ ﺋﯘﻧﯩﯔ ﻛﯚﺯﻟﯩﺮﻯ ﻧﯘﺭﻟﯘﻧﯘﭖ ﻛﯧﺘﻪﺗﺘﻰ، ﻣﯧﻨﯩﯔ ﻗﯘﭼﺎﻏﻼﺷﻠﯩﺮﯨﻤﻐﯩﻤﯘ ﺯﻭﺭ ﻫﺎﻳﺎﺟﺎﻥ ﺑﯩﻠﻪﻥ ﺟﺎﯞﺍﺏ ﻗﺎﻳﺘﯘﺭﺍﺗﺘﻰ. ﺷﯘﻧﯩﺴﻰ ﻛﯚﯕﻠﯜﻣﮕﻪ ﺋﺎﻳﺎﻥ ﺑﻮﻟﺪﯨﻜﻰ، ﻧﺎﺗﺎﻟﯩﻴﻪ ﻣﯧﻨﯩﯔ ﻗﯩﺰﻏﯩﻨﻠﯩﻘﯩﻤﻐﺎ ﺑﯩﭙﻪﺭﯞﺍ ﺑﻮﻟﯘﭖ ﻗﺎﻟﻐﺎﻧﻠﯩﺮﯨﺪﺍ، ﺋﻪﯓ ﻳﺎﺧﺸﯩﺴﻰ ﺋﯘﻧﻰ ﺑﻪﺯﻣﯩﻠﻪﺭﮔﻪ ﺋﺎﭘﺎﺭﺳﺎﻡ ﺑﻮﻟﻐﯘﺩﻩﻙ، ﺷﯘﻧﺪﯨﻼ ﺩﺍﻧﺘﯩﺲ ﺗﺎﻧﺴﺎ ﺋﻮﻳﻨﯩﻐﺎﻧﺪﺍ ﺋﯘﻧﻰ ﭼﯩﯔ ﻗﯘﭼﺎﻏﻼﻳﺪﯨﻜﻪﻥ، ﺑﯘﻧﯩﯔ ﺑﯩﻠﻪﻥ ﺋﯘ ﺗﺎﯓ ﺋﺎﺗﻘﯘﭼﻪ ﻣﻪﻥ ﺑﯩﻠﻪﻥ ﺳﯩﺮﺩﯨﺸﯩﭗ ﭼﯩﻘﯩﺪﯨﻜﻪﻥ. ﻣﺎﻧﺎ ﺷﯘﻻﺭﻧﻰ ﺋﻮﻳﻠﯩﻐﯩﻨﯩﻤﺪﺍ، ﻗﺎﺗﺘﯩﻖ ﻳﯩﺮﮔﯩﻨﯩﭗ ﻛﯧﺘﯩﻤﻪﻥ، ﺑﯩﺮﺍﻕ ﻣﺎﯕﯩﻤﯘ ﺑﺎﺷﻘﺎ ﭼﺎﺭﻩ ﻳﻮﻕ، ﺋﻪﯓ ﺋﺎﺧﯩﺮﻯ ﻣﻪﻥ ﺷﯘﻻﺭﺩﯨﻦ ﭘﻪﻗﻪﺕ ﻗﺎﺑﺎﻫﻪﺗﻠﯩﻚ ﺧﯘﺷﺎﻟﻠﯩﻘﻼ ﺗﺎﭘﺎﻻﻳﺪﯨﻐﺎﻧﻠﯩﻘﯩﻤﻨﻰ ﻫﯧﺲ ﻗﯩﻠﯩﺸﻘﺎ ﺑﺎﺷﻠﯩﺪﯨﻢ.
ﺋﯘﻧﯩﯔ ﻫﻪﺭﻗﺎﻧﺪﺍﻕ ﺑﯩﺮ ﺋﻪﺭﻛﻪﻙ ﺑﯩﻠﻪﻥ ﺋﯩﭻ - ﭘﻪﺵ ﺗﺎﺭﺗﯩﺸﯩﯟﺍﺗﻘﯩﻨﯩﻨﻰ ﭼﯧﻠﯩﻘﺘﯘﺭﯗﭖ ﻗﺎﻟﻐﯘﺩﻩﻙ ﺑﻮﻟﺴﺎﻡ، ﺋﯚﺯ - ﺋﯚﺯﯛﻣﮕﻪ ﺷﻪﺭﻣﻪﻧﺪﯨﻠﻪﺭﭼﻪ ﺷﯩﯟﯨﺮﻻﻳﻤﻪﻥ: ﺳﯩﻠﻪﺭ ﻣﺎﯕﺎ ﯞﺍﻛﺎﻟﯩﺘﻪﻥ ﺋﯩﺶ ﻗﯩﻠﯩﯟﺍﺗﯩﺴﯩﻠﻪﺭ! ﻫﺎﻟﺒﯘﻛﻰ، ﺋﯩﭽﯩﻤﻨﻰ ﺭﻩﺷﯩﻚ ﺋﻮﺗﻰ ﺋﯚﺭﺗﻪﻳﺪﯗ. ﺑﯩﺮ ﻗﯧﺘﯩﻢ، ﻣﻪﻥ ﺑﻪﺯﻣﯩﺨﺎﻧﯩﺪﺍ ﻧﺎﺗﺎﻟﯩﻴﻪﻧﯩﯔ ﮔﺮﺍﻑ H ﺑﯩﻠﻪﻥ ﺗﺎﻧﺴﺎ ﺋﻮﻳﻨﺎﯞﺍﺗﻘﺎﻧﻠﯩﻘﯩﻐﺎ ﺩﯨﻘﻘﻪﺕ ﻗﯩﻠﺪﯨﻢ، ﺋﯘﻧﯩﯔ ﻗﻮﻟﯩﻨﻰ ﺋﯜﭺ ﻗﯧﺘﯩﻢ ﺳﯚﻳﯜﺷﯩﮕﻪ ﻳﻮﻝ ﻗﻮﻳﯘﺷﯩﻨﻰ ﺋﻮﻳﻼﭘﻤﯘ ﺑﺎﻗﻤﯩﻐﺎﻧﯩﺪﯨﻢ. ﺋﯚﻳﮕﻪ ﻗﺎﻳﺘﯩﭗ ﻛﯧﻠﯩﭙﻼ ﺗﺎﻣﺪﯨﻜﻰ ﺋﯧﺴﯩﻐﻠﯩﻖ ﺷﻪﻣﺸﯩﺮﯨﻤﻨﻰ ﺷﺎﺭﺗﻼ ﻗﯩﻠﯩﭗ ﻗﯩﻨﯩﺪﯨﻦ ﺳﯘﻏﯘﺭﯞﺍﻟﺪﯨﻢ-ﺩﻩ، ﻧﺎﺗﺎﻟﯩﻴﻪﻧﻰ ﻗﻮﭘﺎﻟﻠﯩﻖ ﺑﯩﻠﻪﻥ ﺗﯩﺰﻟﯩﺮﯨﻤﻐﺎ ﻳﯩﻘﯩﺘﯩﭗ، ﺷﻪﻣﺸﻪﺭﻧﻰ ﺑﻮﻏﯘﺯﯨﻐﺎ ﺗﻪﯕﻠﯩﺪﯨﻢ. «ﺋﯧﻴﺘﻪ، -   ﺩﯦﺪﯨﻢ ﻣﻪﻥ، -   ﺳﻪﻥ H ﺑﯩﻠﻪﻥ ﻳﯧﺘﯩﭗ ﺑﺎﻗﺘﯩﯖﻤﯘ - ﻳﻮﻕ؟» ﻧﺎﺗﺎﻟﯩﻴﻪ ﻗﻮﺭﻗﯘﻧﭽﺘﯩﻦ ﺋﯚﺯﯨﻨﻰ ﻳﻮﻗﯘﺗﯘﭖ ﻗﻮﻳﻐﺎﻧﯩﺪﻯ، ﺋﯘﻧﯩﯔ ﺑﻪﺩﯨﻨﻰ ﻗﯘﺗﯘﻳﯘﭖ، ﺷﻪﻫﯟﺍﻧﯩﻲ ﻧﻪﭘﺴﻰ ﺗﺎﻗﯩﻠﺪﺍﭖ ﻛﻪﺗﻜﻪﻧﺪﻩﻙ ﻻﻏﯩﻠﺪﺍﻳﺘﺘﻰ. «ﻣﻪﻥ ﺑﺎﻟﯩﻤﯩﺰﻧﯩﯔ ﻧﺎﻣﻰ ﺑﯩﻠﻪﻥ ﻗﻪﺳﻪﻡ ﻗﯩﻠﯩﭗ ﺑﯧﺮﯨﻤﻪﻧﻜﻰ، ﻣﻪﻥ ﺳﯩﺰﮔﻪ ﺳﺎﺩﯨﻖ»، -   ﻧﺎﺗﺎﻟﯩﻴﻪ ﻛﯚﺯﻟﯩﺮﯨﻤﮕﻪ ﺩﺍﺩﯨﻞ ﺗﯩﻜﯩﻠﮕﯩﻨﯩﭽﻪ ﺷﯘﻧﺪﺍﻕ ﺩﯦﺪﻯ ﺑﻮﻏﯘﻕ ﺋﺎﯞﺍﺯﺩﺍ.
ﻣﯘﺑﺎﺩﺍ، ﺋﯘ ﺳﻪﻝ - ﭘﻪﻟﻼ ﺋﺎﺭﯨﺴﺎﻟﺪﻯ ﺑﻮﻟﻐﺎﻥ ﻳﺎﻛﻰ ﺟﺎﯞﺍﺏ ﺑﻪﺭﮔﻪﻧﺪﻩ ﻛﯚﺯﻟﯩﺮﯨﻨﻰ ﻣﻪﻧﺪﯨﻦ ﺋﯧﻠﯩﭗ ﻗﺎﭼﻘﺎﻥ ﺑﻮﻟﺴﺎ، ﻣﻪﻥ ﺋﯘﻧﯩﯔ ﻗﯧﯩﻨﯩﻨﻰ ﺗﯚﻛﯜﺷﻜﻪ ﺗﻪﻳﻴﺎﺭ ﺋﯩﺪﯨﻢ، ﺑﯘﻧﯩﺴﻰ ﺋﯘﻧﯩﯔ ﻛﯚﯕﻠﯩﮕﯩﻤﯘ ﺋﺎﻳﺎﻥ ﺋﯩﺪﻯ. ﺋﯘ ﺷﯘﻧﺪﺍﻕ ﻗﻪﺳﻪﻡ ﻗﯩﻠﯩﯟﺍﺗﺴﺎ، ﺋﯘﻧﯩﯖﻐﺎ ﻳﻪﻧﻪ ﻗﺎﻧﺪﺍﻗﻤﯘ ﺋﯩﺸﻪﻧﻤﻪﻱ ﻣﯘﻣﻜﯩﻦ ﺑﻮﻟﺴﯘﻥ؟ ﻣﻪﻥ ﺋﯘﻧﻰ ﻳﻮﺗﺎﻣﺪﯨﻦ ﺋﯩﺘﺘﯩﺮﯞﻩﺗﺘﯩﻢ، ﺋﯘ ﺑﯩﺮﺍﻗﻼ ﭘﺎﻻﻗﻘﯩﺪﻩ  ﻳﻪﺭﮔﻪ ﻳﯩﻘﯩﻠﺪﻯ. ﻫﻪﺭ ﻗﯧﺘﯩﻤﻘﻰ ﻛﯜﻧﺪﻩﺷﻠﯩﻚ ﺋﻮﺗﻰ ﻣﻪﻧﺪﻩ ﺋﻪﺳﻪﺑﯩﻴﻠﻪﺭﭼﻪ ﺷﻪﻫﯟﺍﻧﯩﻴﻠﯩﻖ ﻗﻮﺯﻏﯩﺘﯩﺶ ﺑﯩﻠﻪﻥ ﺋﺎﺧﯩﺮﻟﯩﺸﺎﺗﺘﻰ. ﻧﺎﺗﺎﻟﯩﻴﻪ ﻳﻪﺭﺩﻩ ﺋﯩﻨﺠﯩﻘﻼﭖ ﻳﺎﺗﺎﺗﺘﻰ. «ﺋﯘﻧﯩﯔ ﺑﯩﻠﻪﻥ ﻳﺎﺗﻘﯘﻡ ﻛﻪﭘﻜﻪﺗﻜﯩﻨﯩﻨﻰ ﺋﯘ ﭼﻮﻗﯘﻡ ﺑﯩﻠﺪﻯ». ﻣﻪﻥ ﺋﻪﻧﻪ ﺷﯘﻧﺪﺍﻕ ﺋﻮﻳﻠﯩﻐﺎﭺ ﺋﯘﻧﯩﯔ ﺋﯧﺘﯩﻜﯩﻨﻰ ﻗﺎﻳﺮﯨﺪﯨﻢ. ﺋﯘﻧﯩﯔ ﻳﻮﺗﯩﺴﻰ ﻏﯩﻖ ﻗﺎﻥ ﺗﯘﺭﺍﺗﺘﻰ، ﺋﯚﺯﯛﻣﮕﻪ ﻫﻪﻳﺮﺍﻥ ﻗﺎﻟﺪﯨﻢ، ﻗﺎﻧﺪﺍﻗﺴﯩﮕﻪ ﺋﯘﻧﯩﯔ ﺋﻪﯞﺭﯨﺘﯩﺪﯨﻦ ﺋﯧﻘﯩﯟﺍﺗﻘﺎﻥ ﺧﯘﻥ ﺑﯘﺭﻧﯘﻣﻐﺎ ﭘﯘﺭﯨﻤﯩﺪﯨﻜﯩﻨﻪ. ﺧﻮﺗﯘﻧﯘﻡ ﺑﻮﻳﯩﺪﯨﻦ ﺋﺎﺟﺮﺍﭖ ﻛﻪﺗﻜﻪﻧﯩﺪﻯ.
ﺗﯘﻧﺠﻰ ﺑﺎﻟﯩﻤﯩﺰ ﻳﻮﺭﯗﻕ ﺩﯗﻧﻴﺎﻏﺎ ﻛﯚﺯ ﺋﺎﭼﻘﺎﻧﺪﯨﻦ ﺑﺎﺷﻼﭘﻼ ﺋﯩﻜﻜﯩﻨﭽﯩﻠﻪﭖ ﺑﺎﻻ ﺋﺎﻟﻤﺎﺳﻤﻪﻥ، ﺩﻩﭖ ﻧﯩﻴﻪﺕ ﻗﯩﻠﻐﺎﻧﯩﺪﯨﻢ. ﺳﻪﯞﻩﺑﻰ، ﺋﯘﻧﯩﯔ ﺗﯘﻏﯘﺕ ﺋﯜﺳﺘﯩﺪﻩ ﺟﺎﻥ - ﺟﻪﻫﻠﻰ ﺑﯩﻠﻪﻥ ﭼﯩﺮﻗﯩﺮﺍﺷﻠﯩﺮﯨﻨﻰ ﺋﯩﻜﻜﯩﻨﭽﯩﻠﻪﭖ ﺋﺎﯕﻠﯩﻤﯩﺴﺎﻣﻜﻪﻥ، ﺩﻩﭖ ﺋﻮﻳﻼﻳﺘﺘﯩﻢ. ﺋﯘ ﺋﯧﻠﯩﺸﯩﭗ ﻗﺎﻟﻐﺎﻧﺪﻩﻙ ﭼﯩﺮﻗﯩﺮﺍﻳﺘﺘﻰ، ﺋﯘﻧﯩﯖﻐﺎ ﺋﯩﭽﯩﻢ ﺳﯧﺮﯨﻠﯩﭗ ﻛﻪﺗﻜﯩﻨﻰ ﯞﻩ ﺋﯘﻧﯩﯖﻐﺎ ﺑﯩﺮﻩﺭ ﻳﺎﺭﺩﻩﻡ ﻗﯩﻼﻟﻤﯩﻐﯩﻨﯩﻢ ﺋﯜﭼﯜﻥ ﻛﯚﺯ ﭼﺎﻧﺎﻗﻠﯩﺮﯨﻢ ﻟﯩﻘﻘﯩﺪﻩ ﻳﺎﺷﻘﺎ ﺗﻮﻟﻐﺎﻧﯩﺪﻯ. ﻣﻪﻥ ﺋﯚﺯ - ﺋﯚﺯﯛﻣﻨﻰ ﺗﯩﻠﻼﻳﺘﺘﯩﻢ، ﺋﯘﻧﯩﯖﻐﺎ ﻣﯘﺷﯘﻧﺪﺍﻕ ﻛﯜﻟﭙﻪﺗﻠﻪﺭﻧﻰ ﺋﯧﻠﯩﭗ ﻛﻪﻟﮕﻪﻥ ﺑﻮﯞﺍﻗﻨﯩﻤﯘ ﻗﺎﻏﺎﻳﺘﺘﯩﻢ. ﺋﯩﻜﻜﯩﻨﭽﻰ ﺑﺎﻟﯩﻨﻰ ﺷﯘﯕﺎ ﺋﻪﺗﻪﻱ ﻛﯧﭽﯩﻜﯩﭗ ﺋﺎﻻﻳﻠﻰ ﺩﻩﭖ ﺋﻮﻳﻠﯩﻐﺎﻧﯩﺪﯨﻢ، ﺷﯘﻏﯩﻨﯩﺴﻰ، ﺗﻪﯕﺮﻯ ﺋﯘﻧﻰ ﻣﯧﻨﯩﯔ ﻛﯚﺯﯛﻣﭽﯩﻼ ﭼﯜﺷﯜﺭﯞﻩﺗﻜﻪﻧﯩﺪﻯ.
ﻳﻪﺭﺩﯨﻜﻰ ﻗﺎﻥ ﺋﺎﺭﯨﺴﯩﺪﺍ ﺑﯩﺮ ﭘﺎﺭﭼﻪ ﺋﯘﮊﯗﻝ ﻗﺎﻥ ﭘﺎﺭﭼﯩﺴﻰ ﻳﺎﺗﺎﺗﺘﻰ، ﺑﯘ ﭼﯩﺮﺍﻳﻰ ﺋﻪﻣﺪﯨﻼ ﺷﻪﻛﯩﻠﻠﯩﻨﯩﺸﻜﻪ ﺑﺎﺷﻠﯩﻐﺎﻥ ﺑﻮﯞﺍﻕ ﺋﯩﺪﻯ.
ﻫﯧﻠﯩﻤﯘ ﻳﺎﺧﺸﻰ، ﺗﻪﻟﯩﻴﯩﻤﯩﺰﮔﻪ ﻳﺎﺭﯨﺸﺎ ﻗﺎﻥ ﺑﯩﺮﺩﻩﻣﺪﯨﻼ ﺗﻮﺧﺘﺎﭖ ﻗﺎﻟﺪﻯ، ﺋﯘﻧﯩﯔ ﺋﺎﻏﺮﯨﻘﯩﻤﯘ ﭘﻪﺳﻪﻳﺪﻯ، ﺋﺎﺭﯨﺪﯨﻦ ﺑﯩﺮﻩﺭ ﻛﯜﻥ ﺋﯚﺗﻪ - ﺋﯚﺗﻤﻪﻳﻼ ﻧﺎﺗﺎﻟﯩﻴﻪ ﺑﺎﻻ ﺋﯧﻠﯩﺶ ﻛﻮﻳﯩﻐﺎ ﭼﯜﺷﺘﻰ.
22
ﺧﯘﻥ، ﻛﯚﺯﻯ ﻳﻮﺭﯗﻏﺎﻧﺪﺍ ﭼﯩﻘﯩﺪﯨﻐﺎﻥ ﻗﺎﻥ، ﺑﻮﻳﯩﺪﯨﻦ ﺋﺎﺟﺮﺍﭖ ﻛﻪﺗﻜﻪﻧﺪﻩ ﺗﯚﻛﯜﻟﯩﺪﯨﻐﺎﻥ ﻗﺎﻥ  -   ﻗﺎﻧﻐﺎ ﺑﻮﻳﺎﻟﻐﺎﻥ ﺋﺎﻳﺎﻝ. ﺋﻪﺭ ﻛﯩﺸﻰ، ﻛﯚﯞﺭﯛﻙ ﺋﺎﺳﺘﯩﺪﺍ ﻧﻪﻗﻪﺩﻩﺭ ﺟﯩﻖ ﺳﯘ، ﺩﯦﻴﯩﺸﯩﺪﯗ. ﺋﺎﻳﺎﻝ ﺑﻮﻟﻐﺎﻥ ﻛﯩﺸﻰ، ﺋﯘﻧﺪﺍ ﺋﺎﻗﻤﯩﻐﺎﻥ ﻗﺎﻧﭽﯩﻼﭖ ﻗﺎﻧﻼﺭ، ﺩﯦﻴﯩﺸﯩﺪﯗ. ﻗﯩﺰﻻﺭ ﻗﯩﺰﻟﯩﻖ ﭘﻪﺭﺩﯨﺴﻰ ﺑﯘﺯﯗﻟﻐﺎﻧﺪﺍ ﺋﻪﻣﻪﺱ، ﺑﻪﻟﻜﻰ ﺗﯘﻧﺠﻰ ﺋﺎﺩﻩﺕ ﺋﻪﯞﺟﯩﮕﻪ ﭼﯩﻘﻘﺎﻧﺪﺍ ﺋﯩﭙﭙﯩﺘﯩﻨﻰ ﻳﻮﻗﯩﺘﯩﺪﯗ.
23

ﻣﻪﻥ ﺑﻪﺧﺖ ﺋﯩﻠﻜﯩﺪﻩ ﻣﯘﻫﺎﺑﺒﻪﺕ ﭘﻪﻳﺰﯨﻨﻰ ﺳﯜﺭﯨﯟﺍﺗﻘﯩﻨﯩﻤﺪﺍ، ﻫﺎﻳﺎﺗﯩﻢ، ﺗﯘﺭﻣﯘﺷﯘﻡ ﺷﯘ ﺯﺍﻣﺎﺗﻼ ﺷﺎﺩﻟﯩﻖ ﻧﯘﺭﯨﻐﺎ ﭼﯚﻣﯜﻟﯩﺪﯗ. ﻣﻪﻳﻠﻰ ﺋﯚﺗﻜﻪﻥ ﻛﯜﻧﻠﯩﺮﯨﻤﺪﻩ ﺑﻮﻟﺴﯘﻥ ﯞﻩ ﻳﺎﻛﻰ ﻛﻪﻟﮕﯜﺳﯩﻤﺪﻩ ﺑﻮﻟﺴﯘﻥ،  ﻣﯘﻫﺎﺑﺒﻪﺕ ﻣﯧﻨﻰ ﺗﻪﺷﯟﯨﺸﻠﻪﻧﺪﯛﺭﮔﻪﻥ ﺋﻪﻣﻪﺱ. ﺋﻪﮔﻪﺭﺩﻩ، ﻣﯧﻨﯩﯔ ﻗﻪﻟﺒﯩﻢ ﻫﯧﭽﻨﻪﺭﺳﻪ ﻳﻮﻕ ﻗﯘﭘﻘﯘﺭﯗﻕ ﺑﻮﻟﯘﭖ ﻗﺎﻟﻐﯘﺩﻩﻙ ﺑﻮﻟﺴﺎ، ﺋﻮﻱ - ﺧﯩﻴﺎﻟﯩﻢ ﺋﯚﺗﻤﯜﺷﻜﻪ ﻳﺎﻛﻰ ﻛﻪﻟﮕﯜﺳﯩﮕﻪ ﺑﯘﺭﯗﻟﯘﺩﯗ-ﺩﻩ، ﺑﯘﻻﺭﻧﯩﯔ ﻫﻪﻣﻤﯩﺴﻰ ﺋﯚﻟﯜﻡ ﺑﯩﻠﻪﻥ ﺋﺎﺧﯩﺮﻟﯩﺸﯩﺪﯗ، ﻣﯧﻨﯩﯔ ﻗﻪﻟﺒﯩﻤﻨﯩﻤﯘ ﺋﯧﻐﯩﺮ ﻫﻪﺳﺮﻩﺕ ﭼﯩﺮﻣﯩﯟﺍﻟﯩﺪﯗ. ﺷﯘﯕﺎ، ﺋﻪﺟﻪﻟﻠﯩﻚ ﻣﯩﻨﯘﺗﻼﺭﺩﺍ، ﭘﻪﻗﻪﺕ ﻣﯘﻫﻪﺑﺒﻪﺗﻼ ﻣﯧﻨﻰ ﻗﯘﺗﻘﯘﺯﺍﻻﻳﺪﯗ: ﺋﯘ ﺑﯩﺰﻧﻰ ﺋﯚﺗﻤﯜﺵ ﯞﻩ ﻛﻪﻟﮕﯜﺳﯩﻨﯩﯔ ﻗﻮﻳﻨﯩﺪﯨﻦ ﺗﺎﺭﺗﯩﭗ ﭼﯩﻘﯩﺮﯨﺪﯗ، ﺋﯘ ﺯﺍﻣﺎﻥ - ﯞﺍﻗﯩﺘﻨﻰ ﺑﯜﮔﯜﻧﺪﻩ، ﺷﺎﺩ - ﺧﻮﺭﺍﻣﻠﯩﻖ ﻛﯜﻧﻠﻪﺭﺩﻩ ﺗﻮﺧﺘﯩﺘﯩﭗ ﻗﻮﻳﺎﻻﻳﺪﯗ.
ﺋﻪﮔﻪﺭ ﯞﺍﻗﯩﺖ ﺋﺎﺷﯩﻖ - ﻣﻪﺷﯘﻗﻼﺭ ﺋﯜﭼﯜﻥ ﺋﯧﻘﯩﺸﺘﯩﻦ ﺗﻮﺧﺘﯩﺴﺎ، ﺋﯘ ﻫﺎﻟﺪﺍ ﯞﺍﻗﯩﺘﻨﻰ ﺗﻮﺧﺘﯩﺘﯩﭗ ﻗﻮﻳﺎﻻﻳﺪﯨﻐﺎﻥ ﺑﯩﺮﺩﯨﻦ - ﺑﯩﺮ ﻗﯘﺩﺭﻩﺕ  -   ﻫﻪﻣﯩﺸﻪﻡ ﻗﺎﻳﻨﺎﻕ ﺳﯚﻳﮕﯜ - ﻣﯘﻫﻪﺑﺒﻪﺕ ﺋﯩﻠﻜﯩﺪﻩ ﻳﺎﺷﺎﺵ ﺋﯩﻜﻪﻧﻠﯩﻜﯩﺪﯨﻦ ﺩﯦﺮﻩﻙ ﺑﯧﺮﯨﺪﯗ. ﻫﺎﻟﺒﯘﻛﻰ، ﺑﯩﺮﻻ ﺋﺎﻳﺎﻝ ﺑﯩﻠﻪﻥ ﻫﻪﻣﯩﺸﻪﻡ ﻗﺎﻳﻨﺎﻕ ﻣﯘﻫﻪﺑﺒﻪﺗﻠﯩﺸﯩﭗ ﺋﯚﺗﻜﯩﻠﻰ ﺑﻮﻟﻤﺎﻳﺪﯗ، ﺷﯘﯕﺎ ﻣﻪﻥ ﺩﺍﯞﺍﻣﻠﯩﻖ ﺋﻮﺧﺸﯩﻤﯩﻐﺎﻥ ﺑﺎﺷﻘﺎ ﺋﺎﻳﺎﻟﻼﺭﻧﻰ ﺳﯚﻳﯜﻣﻪﻥ.
24
ﻧﺎﺗﺎﻟﯩﻴﻪﻧﯩﯔ ﺑﻮﻳﯩﺪﺍ ﻗﺎﻟﻐﺎﻧﺪﯨﻼ ﻣﻪﻥ ﺋﺎﻧﺪﯨﻦ ﺧﺎﺗﯩﺮﺟﻪﻡ ﺑﻮﻟﺪﯗﻡ. ﭼﯜﻧﻜﻰ، ﺋﯘﻧﯩﯔ ﺋﻪﺱ - ﻳﺎﺩﻯ ﺑﺎﻻ ﺗﯘﻏﯘﺷﻨﯩﯔ ﺗﻪﺭﻩﺩﺩﯗﺗﻰ ﺑﯩﻠﻪﻧﻼ ﻗﺎﻟﻐﺎﻧﯩﺪﻯ، ﺑﯘ ﻫﯧﭻ ﺑﻮﻟﻤﯩﻐﺎﻧﺪﺍ ﺋﯘﻧﯩﯔ ﺋﯚﺯﯨﻨﻰ ﺑﺎﺷﻘﯩﻼﺭﻏﺎ ﻛﯚﺯ - ﻛﯚﺯ ﻗﯩﻠﯩﺸﺘﯩﻦ ﺳﺎﻗﻼﭖ ﻗﺎﻻﻻﻳﺘﺘﻰ، ﺑﯘﻧﯩﯖﻠﯩﻖ ﺑﯩﻠﻪﻥ ﮔﻪﺭﭼﻪ ﺋﯘ ﺷﯘ ﺧﯩﻞ ﺋﺎﺭﺯﻭﺩﯨﻦ ﺗﻮﻟﯘﻕ ﻗﻮﻝ ﺋﯜﺯﻣﯩﮕﻪﻥ ﺗﻪﻗﺪﯨﺮﺩﯨﻤﯘ. ﻣﺎﻧﺎ ﺑﯘ ﻣﯧﻨﯩﯔ ﻧﯧﻤﻪ ﺋﯜﭼﯜﻥ ﺋﺎﻣﺎﻟﻨﯩﯔ ﺑﺎﺭﯨﭽﻪ ﺋﯘﻧﯩﯔ ﺑﻮﻳﯩﺪﺍ ﻗﺎﻟﺪﯗﺭﯗﭖ ﻗﻮﻳﯘﺷﻘﺎ ﺗﯩﺮﯨﺸﻘﺎﻧﻠﯩﻘﯩﻤﻨﯩﯔ ﺳﯩﺮﻯ، ﮔﻪﺭﭼﻪ ﺷﯘﻧﺪﺍﻕ ﻗﯩﻠﯩﺶ ﻣﯧﻨﯩﻤﯘ ﻫﺎﻻﻙ ﻗﯩﻠﯩﺪﯨﻐﯩﻨﯩﻨﻰ ﺑﯩﻠﯩﭗ ﺗﯘﺭﺳﺎﻣﻤﯘ. ﻣﻪﻥ ﺑﺎﻻ ﺗﯧﭙﯩﺶ ﺑﯩﻠﻪﻥ ﺑﯩﺮﮔﻪ ﮔﯘﻧﺎﻫ ﻗﯩﻠﯩﯟﺍﺗﺎﺗﺘﯩﻢ.
ﻧﺎﺗﺎﻟﯩﻴﻪﻧﯩﯔ ﺑﻮﻳﯩﺪﺍ ﻗﺎﻟﺴﺎ ﻣﯧﻨﯩﯔ ﺋﯜﭼﯜﻧﻤﯘ ﻗﻮﻻﻳﻠﯩﻖ ﺑﻮﻻﺗﺘﻰ، ﭼﯜﻧﻜﻰ، ﺑﯘ ﻣﻪﻥ ﺑﺎﺷﻘﺎ ﺋﺎﻳﺎﻟﻼﺭﻏﺎ ﺋﯩﻨﺘﯩﺰﺍﺭ ﺑﻮﻟﯘﭖ ﻳﯜﺭﮔﻪﻧﻠﯩﺮﯨﻤﺪﻩ، ﻣﺎﯕﺎ ﻳﺎﺧﺸﻰ ﺩﻩﺳﺘﻪﻙ ﺑﻮﻻﺗﺘﻰ. ﺋﯘ، ﻗﻮﺭﺳﺎﻕ ﻛﯚﺗﯩﺮﯨﭙﺌﻪﯓ ﺋﺎﺧﯩﺮﻗﻰ ﺑﯩﺮﻧﻪﭼﭽﻪ ﺋﯧﻴﻰ ﻗﺎﻟﻐﺎﻧﺪﺍ، ﻣﯧﻨﻰ ﻳﯧﻘﯩﻦ ﻛﻪﻟﮕﯩﻠﻰ ﻗﻮﻳﻤﯩﺪﻯ، ﺳﻪﯞﻩﺑﻰ، ﺩﻭﺧﺘﯘﺭﻧﯩﯔ ﺋﯧﻴﺘﯩﺸﯩﭽﻪ، ﺑﯘﻧﺪﺍﻕ ﻗﯩﻠﯩﺶ ﻫﺎﻣﯩﻠﯩﮕﻪ ﺯﯨﻴﺎﻧﻠﯩﻘﻤﯩﺶ. ﺋﯘ ﻣﯧﻨﯩﯔ ﭼﯜﺷﻪﻧﺪﯛﺭﯛﺷﻠﯩﺮﯨﻤﮕﻪ ﭼﺎﻟﯟﺍﻗﯩﻐﯩﻠﻰ ﺗﯘﺭﺩﻯ. ﻣﻪﻥ ﺋﻪﻟﻪﻣﺪﯨﻦ ﻳﯧﺮﯨﻠﻐﯘﺩﻩﻙ ﺑﻮﻟﺪﯗﻡ - ﺩﻩ، ﺋﺎﻧﺪﺍﻗﺘﺎ ﻣﻪﻥ ﭘﺎﻫﯩﺸﻪﻟﻪﺭﻧﯩﯔ ﻳﯧﻨﯩﻐﺎ ﺑﯧﺮﯨﭗ ﻛﯧﻠﯩﻤﻪﻥ، ﺩﯦﺪﯨﻢ. ﺋﻪﺟﻪﺑﻠﯩﻨﻪﺭﻟﯩﻜﻰ ﺷﯘﻛﻰ، ﻧﺎﺗﺎﻟﯩﻴﻪ ﺳﻮﻏﯘﻗﻘﺎﻧﻠﯩﻖ ﺑﯩﻠﻪﻥ ﻣﺎﻗﯘﻝ ﺑﻮﻟﻐﺎﻧﯩﺪﻯ، ﺋﻪﻣﻤﺎ ﺋﯘ ﻣﯧﻨﯩﯔ ﺋﺎﻟﻠﯩﻘﺎﻧﺪﺍﻕ ﺑﯩﺮ ﺋﺎﺷﻨﺎﻣﻨﯩﯔ ﻳﯧﻨﯩﻐﺎ ﺋﻪﻣﻪﺱ، ﺑﻪﻟﻜﻰ ﺋﯚﻟﭽﻪﻣﻠﯩﻚ ﭘﺎﻫﯩﺸﻪﻧﯩﯔ ﻳﯧﻨﯩﻐﺎ ﺑﯧﺮﯨﭗ ﻛﯧﻠﯩﺸﯩﻤﻨﻰ ﺗﻪﻟﻪﭖ ﻗﯩﻠﺪﻯ.
ﺷﯘﻧﺪﺍﻕ ﻗﯩﻠﯩﭗ، ﭘﺎﻫﯩﺸﻪﻧﯩﯔ ﻗﯧﺸﯩﻐﺎ ﺑﯧﺮﯨﺸﻘﺎ ﻣﻪﺟﺒﯘﺭﻻﻧﻐﺎﻥ ﺑﻮﻟﺴﺎﻣﻤﯘ ﻣﻪﻥ ﺋﯚﺯﯛﻣﻨﯩﯔ ﺯﯨﻨﺎﺧﻮﺭﻟﯘﻗﯩﻨﻰ ﺗﯘﻧﺠﻰ ﻗﯧﺘﯩﻢ ﺑﻮﻳﻨﯘﻣﻐﺎ ﺋﺎﻟﺪﯨﻢ. ﻛﯚﯕﻠﯜﻡ ﺋﯧﭽﯩﻠﯩﭗ ﻗﺎﻟﻐﺎﻧﯩﺪﻯ. ﺷﯘﻧﺪﺍﻗﺘﯩﻤﯘ، ﺋﯘﻧﯩﯖﻐﺎ ﺗﻪﺳﻪﻟﻠﻰ ﺑﯧﺮﯨﺸﻨﻰ ﺋﻮﻳﻼﻳﺘﺘﯩﻢ، ﭘﺎﻫﯩﺸﻪﻟﻪﺭ  ﻣﯧﻨﯩﯔ ﺟﯩﻨﺴﯩﻲ ﻫﻪﯞﯨﺴﯩﻤﻨﯩﻼ ﻗﺎﻧﺪﯗﺭﺍﻻﻳﺪﯨﻐﺎﻧﻠﯩﻘﯩﻨﻰ، ﺑﯘﻧﯩﯖﻠﯩﻖ ﺑﯩﻠﻪﻥ ﺋﯘﻧﯩﯖﻐﺎ ﺑﻮﻟﻐﺎﻥ ﻣﯘﻫﻪﺑﺒﯩﺘﯩﻤﻨﯩﯔ ﻗﯩﻠﭽﯩﻤﯘ ﺳﯘﺳﻠﯩﺸﯩﭗ ﻗﺎﻟﻤﺎﻳﺪﯨﻐﺎﻧﻠﯩﻘﯩﻨﻰ ﺋﯧﻴﺘﺎﺗﺘﯩﻢ.
ﺑﯘ ﺋﯩﺶ ﻧﺎﺗﺎﻟﯩﻴﻪ ﻣﺎﺷﻜﺎﻏﺎ ﻗﻮﺭﺳﺎﻕ ﻛﯚﺗﻪﺭﮔﻪﻧﺪﻩ ﻳﯜﺯ ﺑﻪﺭﮔﻪﻧﯩﺪﻯ. ﻣﺎﺷﻜﺎ ﺗﯘﻏﯘﻟﯘﭖ ﺑﻮﻟﻐﺎﻧﺪﯨﻦ ﻛﯧﻴﯩﻨﻤﯘ ﺋﯘ ﻣﯧﻨﻰ ﺟﺎﻻﭘﻼﺭﻧﯩﯔ ﻳﯧﻨﯩﻐﺎ ﺑﯧﺮﯨﭗ ﻛﻪﻝ، ﺩﯦﮕﻪﻥ ﺑﯘ ﮔﯧﭙﯩﺪﯨﻦ ﻳﯧﻨﯩﯟﺍﻟﻤﺎﻳﺪﯨﻐﺎﻧﺪﻩﻙ ﻗﯩﻼﺗﺘﻰ. ﺑﯩﺮ ﻗﯧﺘﯩﻢ، ﻣﯧﻨﯩﯔ ﺑﻪﻙ ﻗﯩﻠﯩﺸﻘﯘﻡ ﻛﻪﭘﻜﻪﺗﺘﻰ، ﺷﯘﻏﯩﻨﯩﺴﻰ، ﻧﺎﺗﺎﻟﯩﻴﻪﺩﻩ ﻫﯧﺴﺴﯩﻴﺎﺗﺘﯩﻦ ﺋﻪﺳﻪﺭﻣﯘ ﻳﻮﻕ ﺋﯩﺪﻯ. ﻣﻪﻥ ﻛﺎﺭﯨﯟﺍﺗﺘﯩﻦ ﺗﯘﺭﯗﭖ، ﺋﻪﯕﻨﯩﻤﻨﻰ ﻛﯩﻴﯩﺸﻜﻪ ﺗﯘﺗﯘﻧﺪﯗﻡ. ﻧﺎﺗﺎﻟﯩﻴﻪ ﻣﺎﯕﺎ: «ﻧﻪﺩﯨﻜﻰ ﺋﻪﺭﺯﺍﻥ ﺑﯩﺮ ﭘﺎﺳﻜﯩﻨﯩﻨﯩﯔ ﻗﯧﺸﯩﻐﺎ ﺑﯧﺮﯨﭗ ﻳﯜﺭﻣﻪﯓ، ﺋﺎﻟﻠﯩﻘﺎﻧﺪﺍﻕ ﺑﯩﺮ ﻛﯧﺴﻪﻟﻠﻪﺭﻧﻰ ﻳﯘﻗﺘﯘﺭﯞﺍﻟﯩﺴﯩﺰ، ﺋﯘﻧﻰ ﺋﻪﻛﯩﻠﯩﭗ ﻣﺎﯕﺎ ﻳﯘﻗﺘﯘﺭﯨﺴﯩﺰ» ﺩﯦﺪﻯ ﺯﻩﻫﻪﺭﺧﻪﻧﺪﯨﻠﯩﻚ ﺑﯩﻠﻪﻥ.
ﺩﻩﺳﻠﯩﯟﯨﺪﻩ ﻣﻪﻥ ﭘﺎﻫﯩﺸﯩﻠﻪﺭﻧﻰ ﺋﯩﺰﻟﻪﺵ ﺑﯩﻠﻪﻧﻼ ﻛﯘﭘﺎﻳﯩﻠﻪﻧﺪﯨﻢ، ﭼﯜﻧﻜﻰ، ﻣﻪﻥ ﺗﻮﻧﯘﺵ - ﺑﯩﻠﯩﺸﻠﻪﺭﻧﯩﯔ ﺋﯚﺳﻪﻙ ﺗﺎﺭﻗﯩﺘﯩﭗ ﻳﯜﺭﯛﺷﻠﯩﺮﯨﻨﻰ ﺧﺎﻟﯩﻤﺎﻳﺘﺘﯩﻢ، ﺋﯘﻻﺭﻏﺎ: «ﻣﻪﻥ ﺧﻮﺗﯘﻧﯘﻣﻐﺎ ﺳﺎﺩﯨﻖ ﺋﻪﻣﻪﺱ» ﺩﻩﻳﺘﺘﯩﻢ.
ﻧﺎﺗﺎﻟﯩﻴﻪ ﺟﺎﻻﭘﻼﺭﻧﯩﯔ ﮔﯧﭙﯩﻨﻰ ﭼﯩﻘﺎﺭﻏﺎﻥ ﺑﻮﻟﺴﯩﻤﯘ، ﺑﯩﺮﺍﻕ ﺋﯘﻧﯩﯔ ﺑﺎﺷﻘﺎ ﺋﺎﻳﺎﻝ ﺯﺍﺗﯩﺪﯨﻦ ﻛﯜﻧﻠﻪﺷﻠﯩﺮﻯ ﺑﺎﺭﻏﺎﻧﭽﻪ ﺋﯧﺸﯩﭗ ﻛﻪﺗﺘﻰ. ﻧﺎﯞﺍﺩﺍ، ﻣﻪﻥ ﺑﻪﺯﻣﯩﺨﺎﻧﯩﺪﺍ ﺋﺎﻟﻠﯩﻘﺎﻧﺪﺍﻕ ﺑﯩﺮﻩﺭ - ﻳﯧﺮﯨﻢ ﺋﺎﻳﺎﻟﻐﺎ ﻗﺎﺭﺍﭖ ﻗﻮﻳﻐﺎﻥ ﺑﻮﻟﺴﺎﻣﻤﯘ، ﻧﺎﺗﺎﻟﯩﻴﻪ ﻏﻪﺯﻩﭘﺘﯩﻦ ﻳﯧﺮﯨﻠﻐﯘﺩﻩﻙ ﺑﻮﻟﯘﭖ ﺋﯚﭺ ﺋﯧﻠﯩﺸﻘﺎ ﻛﯩﺮﯨﺸﻪﺗﺘﻰ-ﺩﻩ، ﺑﺎﺷﻘﺎ ﺋﻪﺭﻟﻪﺭ ﺑﯩﻠﻪﻥ ﺋﯩﺶ - ﭘﻪﺵ ﺗﺎﺭﺗﯩﺸﯩﺸﻘﺎ ﺋﺎﺭﺍﻥ ﺗﯘﺭﺍﺗﺘﻰ.
ﺑﯩﺮ ﺩﻭﺭﺍﻡ ﻣﻪﻥ ﺷﺎﻫﺰﺍﺩﻩ ﺧﺎﻧﯩﺸﯩﻨﯩﯔ ﻗﻮﻟﯩﻐﺎ ﺳﯚﻳﯜﭖ ﻗﻮﻳﻐﯩﻨﯩﻤﺪﺍ، ﺑﺎﺵ ﺑﺎﺭﻣﯩﻘﻰ ﺑﯩﻠﻪﻥ ﺑﯩﮕﯩﺰ ﺑﺎﺭﻣﯩﻘﯩﻨﻰ ﻛﯧﺮﯨﭗ ﺗﯘﺭﯗﭖ، ﺋﺎﻟﻠﯩﻘﺎﻧﺪﺍﻕ ﺋﻪﺯﺍﻏﺎ ﺳﯩﻤﯟﻭﻝ ﺑﻮﻟﻐﺎﻥ ﺑﯘ ﻳﻪﺭﻧﻰ ﻳﺎﻻﭖ ﻗﻮﻳﯩﯟﺍﺗﺎﺗﺘﯩﻢ. ﻧﺎﺗﺎﻟﯩﻴﻪ ﻳﻪﺭﺩﯨﻦ ﺋﯜﻧﮕﻪﻧﺪﻩﻛﻼ ﭘﻪﻳﺪﺍ ﺑﻮﻟﯘﭖ ﻗﺎﻟﺪﻯ ﯞﻩ ﺑﯘﻧﯩﯖﻐﺎ ﺩﯨﻘﻘﯩﺘﯩﻨﻰ ﺋﺎﻏﺪﯗﺭﺩﻯ.
ﺋﯘ، ﺑﯩﺮﺩﯨﻨﻼ ﻏﻪﺯﻩﭘﺘﯩﻦ ﻳﯧﺮﯨﻠﻐﯘﺩﻩﻙ ﺑﻮﻟﯘﭖ ﻛﻪﺗﻜﻪﻧﯩﺪﻯ، ﭼﯜﻧﻜﻰ، ﺑﯩﺰ ﺗﻮﻱ ﺧﯧﺘﻰ ﺋﺎﻟﻐﺎﻧﺪﺍ ﻣﻪﻥ ﺋﯘﻧﯩﯔ ﻗﻮﻟﯩﻨﻰ ﻣﺎﻧﺎ ﺷﯘﻧﺪﺍﻕ ﺗﻪﺭﯨﺰﺩﻩ ﺳﯚﻳﯜﭖ ﻗﻮﻳﻐﺎﻧﯩﺪﯨﻢ. ﺷﯘ ﻛﯜﻧﻰ ﻛﻪﭼﺘﻪ ﺑﻪﺯﻣﻪ ﺗﺎﺭﻗﯩﻐﺎﻧﺪﺍ، ﺋﯘ ﻣﯧﻨﯩﯔ ﻛﺎﭼﯩﺘﯩﻤﻐﺎ ﭼﺎﯕﯖﯩﺪﻩ ﺑﯩﺮ ﺗﻪﺳﺘﻪﻙ ﺳﺎﻟﺪﻯ-ﺩﻩ، ﻣﯩﯔ ﻳﯧﺮﯨﺪﯨﻦ ﺗﯚﻛﯜﻟﯜﭖ ﺗﯘﺭﯗﭖ ﺷﯘﻧﺪﺍﻕ ﺩﯦﺪﻯ: «ﺳﻪﻥ ﻧﯧﻤﯩﺸﻘﺎ ﻣﻪﻥ ﺑﯩﻠﻪﻥ ﺗﻮﻱ ﻗﯩﻠﻐﺎﻥ؟ ﻧﯧﻤﻪ ﺩﻩﭖ ﺑﺎﺷﻘﺎ ﺋﺎﻳﺎﻟﻼﺭﻏﺎ ﺳﺎﻗﺎﻝ ﺗﺎﺷﻼﭖ ﻳﯜﺭﯨﺴﻪﻥ؟ ﺳﻪﻥ ﺋﻪﺯﻩﻟﺪﯨﻦ ﻣﯧﻨﻰ ﻳﺎﺧﺸﻰ ﻛﯚﺭﯛﭖ ﺑﺎﻗﻤﯩﻐﺎﻥ، ﺳﻪﻥ ﻣﯧﻨﯩﯔ ﭼﯩﺮﺍﻳﯩﻤﻨﯩﻼ ﺩﻩﭖ ﺋﺎﻟﻐﺎﻥ! ﻣﺎﻧﺎ ﺋﻪﻣﺪﻯ ﻣﯧﻨﯩﯖﺪﯨﻦ ﭼﯧﻨﯩﯟﺍﺗﺎﻣﺴﻪﻥ؟ ﻫﯘ، ﺗﻮﻳﻤﯩﻐﯘﺭ ﭼﻮﺷﻘﺎ!»
ﻣﻪﻥ ﺋﯘﻧﯩﯔ ﺋﺎﻟﺪﯨﺪﺍ ﺗﯩﺰﻟﯩﻨﯩﭗ ﺗﯘﺭﯗﭖ، ﻣﯧﻨﯩﯔ ﮔﯧﭙﯩﻤﻨﻰ ﺋﺎﯕﻠﯩﺴﺎﯕﭽﯘ، ﺩﯦﺪﯨﻢ. ﻗﻪﺳﻪﻡ ﻗﯩﻠﯩﻤﻪﻧﻜﻰ، ﺋﯘﻧﻰ ﻳﺎﺧﺸﻰ ﻛﯚﺭﯛﺩﯨﻐﯩﻨﯩﻤﻐﺎ، ﺳﯚﻳﯜﺩﯨﻐﯩﻨﯩﻤﻐﺎ ﻗﯩﻞ ﺳﯩﻐﻤﺎﻳﺘﺘﻰ. ﺋﻪﻣﻤﺎ، ﻣﻪﻥ ﺟﯩﻤﻰ ﺋﻪﻣﻪﻟﯩﻴﻪﺗﻨﻰ ﺋﯘﻧﯩﯖﻐﺎ ﻳﯩﭙﯩﺪﯨﻦ ﻳﯩﯖﻨﯩﺴﯩﻐﯩﭽﻪ ﭼﯜﺷﻪﻧﺪﯛﺭﺳﻪﻡ ﺑﻮﻟﻤﺎﻳﺘﺘﻰ، ﭼﯜﻧﻜﻰ، ﺋﯘ ﺋﻪﻣﺪﻯ ﻣﯧﻨﯩﯔ ﻗﻪﻟﺒﯩﻤﻨﻰ ﻣﯘﻫﻪﺑﺒﻪﺕ ﺑﯩﻠﻪﻥ ﻟﻪﺭﺯﯨﮕﻪ ﺳﺎﻻﻟﻤﺎﻳﺘﺘﻰ، ﺋﻪﻣﻤﺎ، ﻣﻪﻥ ﺑﯩﻠﻪﻥ ﻳﯧﯖﯩﺪﯨﻦ ﺗﻮﻧﯘﺷﻘﺎﻥ ﻫﻪﺭﻗﺎﻧﺪﺍﻕ ﺑﯩﺮ ﺋﺎﻳﺎﻝ ﺯﺍﺗﻰ ﺋﯜﭼﯜﻥ ﺑﯘ ﻫﯧﭽﻘﺎﻧﭽﻪ ﮔﻪﭖ ﺋﻪﻣﻪﺱ ﺋﯩﺪﻯ. ﺑﯘﻧﺪﺍﻕ ﺋﯩﻘﺮﺍﺭ ﻗﯩﻠﯩﺶ، ﻣﻪﯕﮕﯜ ﺳﺎﻗﺎﻳﻤﺎﺱ ﻗﻪﻟﺐ ﺟﺎﺭﺍﻫﯩﺘﻰ ﭘﻪﻳﺪﺍ ﻗﯩﻼﺗﺘﻰ، ﻧﺎﺗﺎﻟﯩﻴﻪ ﺑﯘ ﻗﻪﻟﺐ ﺟﺎﺭﺍﻫﯩﺘﯩﻨﻰ ﻫﻪﺭﮔﯩﺰﻣﯘ ﺳﺎﻗﺎﻳﺘﺎﻟﻤﺎﻳﺘﺘﻰ.
ﻣﺎﻧﺎ، ﺷﯘ ﺗﯘﺭﻗﻰ ﺋﯘ ﻫﻪﻣﻤﻪ ﺋﯩﺸﻨﻰ ﺋﯚﺯﻯ ﭼﯜﺷﯜﻧﯜﭖ ﻗﺎﻟﺪﻯ. ﺷﯘ ﻣﯩﻨﯘﺗﺘﺎ، ﻣﯧﻨﯩﯔ ﺑﯩﺮﺩﯨﻦ - ﺑﯩﺮ ﻗﻮﻟﯘﻣﺪﯨﻦ ﻛﯧﻠﯩﺪﯨﻨﻰ ﺋﺎﺷﯘ ﻗﻮﺭﻗﯘﻧﭽﻠﯘﻕ ﻛﯜﻧﻠﻪﺭﻧﻰ ﺋﺎﻣﺎﻟﻨﯩﯔ ﺑﺎﺭﯨﭽﻪ ﻛﻪﻳﻨﯩﮕﻪ ﺳﻮﺭﻩﺵ  -   ﺋﯘ ﮔﻮﻳﺎ ﺋﯚﺯﻯ ﺋﯘﺯﯗﻧﻨﯩﯖﻴﺎﻗﻰ ﺋﯜﻣﯩﺪ ﻛﯜﺗﯜﭖ ﻛﻪﻟﮕﻪﻥ ﺋﺎﺷﻨﯩﺴﯩﺪﯨﻦ ﺋﺎﻳﺮﯨﻠﯩﭗ ﻗﺎﻟﻐﺎﻧﺪﻩﻙ ﺋﯜﻣﯜﺩﺳﯩﺰﻟﯩﻚ ﺩﯗﻧﻴﺎﺳﯩﻐﺎ ﻳﯜﺯﻟﻪﻧﮕﻪﻧﯩﺪﻯ.
ﺷﯘﻧﺪﺍﻕ ﻗﯩﻠﯩﭗ، ﻣﻪﻥ ﺋﯘﻧﯩﯖﻐﺎ: ﺋﻪﺭ ﻛﯩﺸﻰ ﺑﺎﺷﻘﺎ ﺋﺎﻳﺎﻟﻼﺭﻧﻰ ﻗﻮﻏﻠﯩﺸﯩﭗ ﻳﯜﺭﮔﯩﻨﯩﺪﻩ، ﺳﯚﻳﯜﻣﻠﯜﻙ ﺑﯩﺮ ﺋﺎﻳﺎﻝ ﺑﯩﻠﻪﻥ ﺗﻮﻱ ﻗﯩﻠﯩﺪﯨﻐﺎﻧﻠﯩﻘﯩﻨﻰ، ﺋﯘﻧﯩﯔ ﺋﯚﺯ ﺋﺎﻳﺎﻟﯩﻐﺎ ﺑﻮﻟﻐﺎﻥ ﻣﯘﻫﻪﺑﺒﯩﺘﯩﻨﻰ «ﻗﻮﻏﺪﺍﺵ»ﻗﺎ، ﻧﯩﻜﺎﻫ ﻳﺎﻟﻘﯘﻧﯩﻨﻰ ﺳﺎﻗﻼﺷﻘﺎ ﺑﻪﻙ ﺩﯨﻘﻘﻪﺕ ﻗﯩﻠﯩﺪﯨﻐﯩﻨﯩﻨﻰ ﺋﯧﻴﺘﺘﯩﻢ. ﻣﻪﻥ ﺋﯘﻧﯩﯖﻐﺎ ﻳﻪﻥ، ﺑﺎﺷﻘﺎ ﺋﺎﻳﺎﻝ ﺑﯩﻠﻪﻥ ﺑﯩﺮﮔﻪ ﻳﺎﺗﻘﺎﻥ ﺑﻮﻟﺴﺎﻡ، ﺋﯘﻧﻰ ﺷﯘ ﺋﯩﺸﺘﯩﻦ ﻛﯧﻴﯩﻨﻼ ﺗﺎﻣﺎﻣﻪﻥ ﺋﯘﻧﺘﯘﭖ ﻛﯧﺘﯩﺪﯨﻐﯩﻨﯩﻤﻨﻰ، ﻫﺎﻟﺒﯘﻛﻰ، ﺑﯘﻧﯩﯖﻠﯩﻖ ﺑﯩﻠﻪﻥ ﻧﺎﺗﺎﻟﯩﻴﯩﮕﻪ ﺑﻮﻟﻐﺎﻥ ﻣﯘﻫﻪﺑﺒﯩﺘﯩﻤﻨﯩﯔ ﺳﯘﺳﻼﭖ ﻗﺎﻟﻤﺎﺳﺘﯩﻦ، ﺋﻪﻛﺴﯩﻨﭽﻪ ﺗﯧﺨﯩﻤﯘ ﻛﯜﭼﯩﻴﯩﭗ ﻛﯧﺘﯩﺪﯨﻐﯩﻨﯩﻨﻰ، ﺋﯧﻴﺘﺘﯩﻢ. ﺑﺎﺷﻘﺎ ﺋﺎﻳﺎﻟﻼﺭ ﺑﯩﻠﻪﻥ ﻳﯧﺘﯩﺶ ﻟﻪﺯﺯﯨﺘﻰ ﻗﻪﻟﺒﯩﻤﺪﻩ ﺳﺎﻗﻠﯩﻨﯩﭗ ﻗﺎﻟﻤﺎﻳﺘﺘﻰ، ﺷﯘ ﺋﯩﺸﺘﯩﻦ ﻛﯧﻴﯩﻦ، ﻧﺎﺗﺎﻟﯩﻴﯩﮕﻪ ﺗﻮﻟﯘﭖ - ﺗﺎﺷﻘﺎﻥ ﻫﯧﺴﺴﯩﻴﺎﺗﯩﻢ ﺑﯩﻠﻪﻥ ﺗﺎﺷﻠﯩﻨﺎﺗﺘﯩﻢ. ﺷﯘ ﺋﺎﺧﺸﯩﻤﻰ ﺋﯘﻧﯩﯖﻐﺎ ﺑﻮﻟﻐﺎﻥ ﺟﯩﻨﺴﯩﻲ ﻫﻪﯞﯨﺴﯩﻤﻨﯩﯔ ﺗﯧﺨﯩﻤﯘ ﻛﯜﭼﯩﻴﯩﭗ ﻛﯧﺘﯩﺪﯨﻐﯩﻨﯩﻨﻰ ﺋﯩﺴﭙﺎﺗﻼﭖ ﻗﻮﻳﻐﯩﻨﯩﻤﺪﯨﻦ ﻛﯧﻴﯩﻦ ﺧﯘﺷﺎﻟﻠﯩﻖ ﺋﯩﭽﯩﺪﻩ، ﭘﺎﻫﯩﺸﻪ ﻫﻪﻡ ﺋﺎﺷﻨﯩﻨﯩﯔ ﮔﯧﭙﯩﻨﻰ ﭼﯩﻘﯩﺮﯨﺶ ﺋﺎﺭﻗﯩﻠﯩﻖ ﺋﯚﺯﯛﻣﻨﯩﯔ ﺋﻪﺭﻛﯩﻨﻠﯩﻚ ﺩﺍﺋﯩﺮﯨﺴﯩﻨﻰ ﻛﯧﯖﻪﻳﺘﯩﯟﺍﻟﻐﯩﻨﯩﻤﻨﻰ ﺋﻮﻳﻠﯘﺩﯗﻡ.
-   ﺋﻪﮔﻪﺭ، ﺳﯩﺰ ﺑﯩﺮ ﻗﺎﻧﺪﺍﻕ ﻛﯧﺴﻪﻟﻠﻪﺭﻧﻰ ﻳﯘﻗﺘﯘﺭﯞﺍﻟﺴﯩﯖﯩﺰ ﻣﻪﻥ ﻗﺎﻧﺪﺍﻕ ﻗﯩﻠﯩﻤﻪﻥ؟ -   ﺩﻩﻳﺘﺘﻰ ﻧﺎﺗﺎﻟﯩﻴﻪ ﻫﻪﻣﯩﺸﻪ ﻣﺎﯕﺎ.
-   ﻣﺎﯕﺎ ﻫﯧﭻ ﺋﯩﺶ ﺑﻮﻟﻤﺎﻳﺪﯗ، -   ﺩﻩﻳﺘﺘﯩﻢ ﻣﻪﻥ ﺋﯚﺯﯛﻣﻨﯩﯔ ﺋﻪﺭﻟﯩﻚ ﻧﻮﭘﯘﺯﯗﻡ ﻫﻪﻣﺪﻩ ﺋﯘﻧﯩﯔ ﺳﺎﺩﺩﯨﻠﯩﻘﯩﺪﯨﻦ ﭘﺎﻳﺪﯨﻠﯩﻨﯩﭗ ﺋﯘﻧﻰ ﺋﯩﺸﻪﻧﺪﯛﺭﯛﺷﻜﻪ ﺗﯩﺮﯨﺸﯩﭗ.
ﺩﯦﻤﯩﺴﯩﻤﯘ ﻣﻪﻥ ﺑﻪﻙ ﺋﯧﻬﺘﯩﻴﺎﺕ ﻗﯩﻼﺗﺘﯩﻢ. ﻣﻪﻥ ﺑﺎﺭﯨﺪﯨﻐﺎﻥ ﭘﺎﻫﯩﺸﯩﺨﺎﻧﯩﺪﺍ، ﭘﺎﻫﯩﺸﻪﻟﻪﺭﮔﻪ ﺧﻮﺟﺎﻳﯩﻦ ﺋﺎﻳﺎﻟﻼﺭ ﺧﯘﺩﺩﻯ ﺋﯚﺯ ﺋﺎﭘﯩﺴﯩﺪﻩﻛﻼ ﻛﯚﻳﯜﻧﻪﺗﺘﻰ. ﺋﯘﻧﯩﯔ ﺋﯜﺳﺘﯩﮕﻪ، ﺟﯩﻤﺎ ﻗﯩﻠﯩﺸﺘﯩﻦ ﺋﺎﯞﺍﻝ ﻣﻪﻥ ﺋﯘ ﻗﯩﺰﻻﺭﻧﻰ ﺑﯩﺮﻣﯘ - ﺑﯩﺮ ﺗﻪﻛﺸﯜﺭﯛﭖ ﭼﯩﻘﺎﺗﺘﯩﻢ. ﺋﯘﻻﺭﻧﯩﯔ ﺗﯧﻨﯩﻨﻰ ﺋﯩﻨﭽﯩﻜﯩﻠﻪﭖ ﻛﯚﺯﯨﺘﯩﭗ، ﻳﻪﻝ ﺗﺎﺷﻤﺎ ﯞﻩ ﭼﯩﻘﺎﻥ - ﺟﺎﺭﺍﻫﻪﺗﻠﻪﺭﻧﯩﯔ ﺑﺎﺭ - ﻳﻮﻗﻠﯘﻗﯩﻐﺎ ﻗﺎﺭﺍﻳﺘﺘﯩﻢ، ﺋﯘﻻﺭﻧﯩﯔ ﻗﻮﻟﺘﯘﻕ ﻫﻪﻣﺪﻩ ﭼﺎﺗﺮﺍﻗﻠﯩﺮﯨﻨﻰ ﺳﯩﻼﭖ ﺋﯚﺳﻤﻪ ﺑﺎﺭ - ﻳﻮﻗﻠﯘﻗﯩﻨﻰ ﺗﻪﻛﺸﯜﺭﻩﺗﺘﯩﻢ، ﺋﯘﻻﺭﻧﯩﯔ ﺋﯧﻐﯩﺰﻟﯩﺮﯨﻨﻰ ﻣﺎﯕﺎ ﻗﺎﺭﯨﺘﯩﭗ ﻳﻮﻏﺎﻥ ﺋﺎﭼﻘﯘﺯﯗﭖ، ﺋﯘﺯﯗﻥ ﭼﯩﻘﺎﺭﻏﺎﻥ ﺗﯩﻠﻠﯩﺮﯨﻐﺎ ﻗﺎﺭﺍﭖ ﺑﺎﻗﺎﺗﺘﯩﻢ. ﻣﻪﻥ ﺋﯘﻻﺭﻧﯩﯔ ﻫﻪﺭ ﺑﯩﺮ ﺋﻪﺯﺍﺳﯩﺪﯨﻜﻰ ﭘﯘﺭﺍﻕ ﯞﻩ ﺭﻩﯕﮕﻪ ﻗﺎﺭﺍﭘﻼ ﺋﯘﻻﺭﻧﯩﯔ ﻛﯧﺴﻪﻝ ﻳﺎﻛﻰ ﺳﺎﻗﻠﯩﻘﯩﻐﺎ ﻫﯚﻛﯜﻡ ﻗﯩﻼﻻﻳﺘﺘﯩﻢ. ﺷﯘﯕﺎ، ﺑﯩﺮ ﭘﺎﻫﯩﺸﯩﺨﺎﻧﯩﺪﯨﻜﯩﻠﻪﺭ ﻫﻪﺗﺘﺎ ﻣﯧﻨﻰ «ﺩﻭﺧﺘﯘﺭ» ﺩﻩﯞﯦﻠﯩﺸﻘﺎﻧﯩﺪﻯ.
ﻣﯧﻨﯩﯔ ﭘﯘﺭﺍﺵ ﺳﯧﺰﯨﻤﯩﻢ ﺋﺎﻻﻫﯩﺪﻩ ﻛﯜﭼﻠﯜﻙ ﺋﯩﺪﻯ، ﭘﯘﺭﺍﭖ ﺋﺎﺭﻗﯩﻠﯩﻖ ﻫﯧﻴﯩﺰ ﻣﻪﺯﮔﯩﻠﯩﺪﯨﻜﻰ ﻫﻪﺭﻗﺎﻧﺪﺍﻕ ﺑﯩﺮ ﺋﺎﻳﺎﻟﻨﻰ ﭘﻪﺭﻕ ﺋﯧﺘﻪﻟﻪﻳﺘﺘﯩﻢ. ﻫﯧﻠﯩﻬﻪﻡ ﺋﯧﻨﻖ ﺋﯧﺴﯩﻤﺪﻩ ﺗﯘﺭﯗﭘﺘﯘ، ﺑﯩﺮ ﻗﯧﺘﯩﻢ ﻣﻪﻥ ﺋﺎﻧﻨﺎﺕ(19) ﻧﯩﯔ ﺗﯧﻨﯩﺪﯨﻦ ﻛﯧﻠﯩﯟﺍﺗﻘﺎﻥ ﺷﯘ ﺧﯩﻞ ﺗﻮﻧﯘﺵ ﭘﯘﺭﺍﻗﻨﻰ ﺳﯧﺰﯨﯟﺍﻟﺪﯨﻢ-ﺩﻩ، ﺋﯘﻧﯩﯖﺪﯨﻦ: «ﻗﯩﺰﯨﻞ ﮔﯜﻝ ﺑﯩﻠﻪﻥ ﻗﯘﻟﯘﻟﯩﺨﻮﺭ ﺑﯧﻠﯩﻖ ﺋﯩﭽﯩﺪﻩ ﻗﺎﻳﺴﯩﺴﯩﻨﻰ ﺑﻪﻛﺮﺍﻕ ﻳﺎﻗﺘﯘﺭﯨﺴﯩﺰ؟» ﺩﻩﭖ ﺳﻮﺭﯨﻐﺎﻧﯩﺪﯨﻢ، ﭼﯩﺮﺍﻳﻰ ﻗﯩﺰﯨﻞ ﮔﯜﻟﺪﻩﻙ ﻗﯩﺰﯨﺮﯨﭗ، ﺗﯩﻨﯩﻘﻠﯩﺮﯨﺪﯨﻦ ﻗﯘﻟﯘﻟﯩﺨﻮﺭ ﺑﯧﻠﯩﻖ ﭘﯘﺭﯨﻘﻰ ﺋﯘﺭﯗﻟﻐﺎﻧﯩﺪﻯ.
ﻣﻪﻥ ﻧﺎﺳﭽﯘﻛﯩﻦ ﺑﯩﻠﻪﻥ ﺋﯘﻧﯩﯔ ﺳﯩﮕﺎﻥ ﺋﺎﻳﺎﻟﻰ ﻫﯧﻴﯩﺰ ﻛﯚﺭﮔﻪﻥ - ﻛﯚﺭﻣﯩﮕﻪﻧﻠﯩﻜﯩﻨﻰ ﺑﯩﻠﻪﻟﻪﻳﻤﻪﻥ ﺩﻩﭖ ﺑﺎﻏﻠﯩﺸﺎﺗﺘﯩﻢ. ﻫﻪﺭ ﺩﻭﺭﺍﻡ ﻣﻪﻥ ﺋﯘﺗﯘﯞﺍﻻﺗﺘﯩﻢ، ﮔﯧﭙﯩﻢ ﺑﯩﺮﻩﺭ - ﻳﯧﺮﯨﻢ ﻗﯧﺘﯩﻤﻤﯘ ﺧﺎﺗﺎ ﭼﯩﻘﯩﭗ ﻗﺎﻟﻤﺎﻳﺘﺘﻰ. ﻣﻪﻥ ﺗﺎﻧﺴﺎ - ﺑﻪﺯﻣﯩﻠﻪﺭﮔﻪ ﻗﺎﺗﻨﯩﺸﯩﺸﻘﺎ ﺋﺎﻣﺮﺍﻕ ﺋﯩﺪﯨﻢ، ﻫﻪﻣﺪﻩ ﺋﺎﺩﻩﺕ ﻛﯚﺭﯛﭖ ﻗﺎﻟﻐﺎﻥ ﺋﺎﻳﺎﻟﻼﺭﻧﻰ ﺗﻮﻧﯘﯞﺍﻻﻻﻳﺘﺘﯩﻢ. ﺑﻪﺭﻧﺎ، ﻳﺎﺵ ﭼﺎﻏﻠﯩﺮﯨﻤﺪﺍ ﺋﯚﺯﯛﻣﻨﯩﯔ ﺯﯦﺮﻩﻛﻠﯩﻜﯩﮕﻪ ﺗﺎﻳﻨﯩﭗ، ﻣﻪﻥ ﺑﯩﻠﻪﻥ ﺗﺎﻧﺴﺎ ﺋﻮﻳﻨﺎﯞﺍﺗﻘﺎﻥ ﺋﺎﻳﺎﻟﻼﺭﻧﯩﯔ ﺋﻮﯕﺎﻳﺴﯩﺰ ﻳﻪﺭﻟﯩﺮﯨﻨﻰ ﺗﯘﺗﯘﯞﯦﻠﯩﭗ ﻛﯚﯕﻠﯜﻣﻨﻰ ﺋﺎﭼﺎﺗﺘﯩﻢ، ﺋﻪﯓ ﺳﻪﺗﻪﯓ ﺋﺎﻳﺎﻟﻼﺭﻣﯘ ﺋﯚﺯ ﺗﯧﻨﯩﻨﻰ ﻣﺎﯕﺎ ﺗﺎﭘﺸﯘﺭﺍﺗﺘﻰ، ﻫﻪﻣﺪﻩ ﻣﯧﻨﯩﯔ ﺑﺎﺷﻘﺎ ﺋﯩﻘﺘﯩﺪﺍﺭﻟﯩﺮﯨﻤﻨﯩﻤﯘ ﺳﯩﻨﺎﭖ ﺑﺎﻗﻘﯘﺳﻰ، ﭘﯘﺭﺍﺵ ﺳﯧﺰﯨﻤﯩﻤﻨﯩﯔ ﺭﺍﺳﺘﺘﯩﻨﻼ ﺷﯘ ﻗﻪﺩﻩﺭ ﻛﯜﭼﻠﯜﻛﻠﯩﻜﯩﻨﻰ ﻛﯚﺭﯛﭖ ﺑﺎﻗﻘﯘﺳﻰ ﻛﯧﻠﻪﺗﺘﻰ.
ﻧﺎﺗﺎﻟﯩﻴﻪ ﻫﻪ ﺩﯦﺴﻪ ﻣﻪﻥ ﺋﺎﺭﯨﻼﺷﻘﺎﻥ ﭘﺎﻫﯩﺸﯩﻠﻪﺭﻧﻰ ﺗﯩﻠﻐﺎ ﺋﺎﻻﺗﺘﻰ. ﺑﯩﺮ ﻗﯧﺘﯩﻢ، ﻳﻮﺗﻘﺎﻧﺪﺍ ﻳﯧﺘﯩﭗ ﺋﯘ ﻣﻪﻧﺪﯨﻦ، ﺋﯘﻻﺭﻧﯩﯔ ﺋﯚﺯﻯ ﻗﯩﻠﻤﯩﻐﺎﻥ ﻗﺎﻧﺪﺍﻕ ﺋﯩﺶ - ﻫﻪﺭﯨﻜﻪﺗﻠﻪﺭﻧﻰ ﻗﯩﻠﯩﺪﯨﻐﯩﻨﯩﻨﻰ ﺳﻮﺭﺍﭖ ﻗﺎﻟﺪﻯ. ﺑﯘﻧﯩﯔ ﺑﯩﻠﻪﻥ ﺑﯩﺮﺩﯨﻨﻼ ﻫﯧﺴﺴﯩﻴﺎﺗﯩﻢ ﺋﯘﺭﻏﯘﭖ ﻛﻪﺗﺘﻰ-ﺩﻩ، ﻫﺎﻳﺎﺟﺎﻧﻐﺎ ﭼﯚﻣﮕﻪﻥ ﻫﺎﻟﺪﺍ ﺋﯘﻧﯩﯖﻐﺎ ﺋﯚﺟﯜﺭ - ﺑﯚﺟﯜﺭﯨﮕﯩﭽﻪ ﺳﯚﺯﻟﻪﺷﻜﻪ ﺑﺎﺷﻠﯩﺪﯨﻢ، ﺋﻪﻟﺒﻪﺗﺘﻪ ﻣﻪﻥ ﺑﯘﻧﺪﺍﻕ ﻗﯩﻠﻤﺎﺳﻠﯩﻘﯩﻢ ﻛﯧﺮﻩﻙ ﺋﯩﺪﻯ.
-   ﭘﻮﻗﺘﯩﻦ ﺳﯧﺴﯩﻖ ﻧﯧﻤﯩﻠﻪﺭﻛﻪﻥ، -   ﺩﯦﺪﻯ ﻧﺎﺗﺎﻟﯩﻴﻪ ﻳﯩﺮﮔﯩﻨﯩﺶ ﺋﯩﭽﯩﺪﻩ، ﻣﺎﯕﺎ ﺗﻪﺗﯜﺭ ﻗﺎﺭﺍﭖ. ﻣﯧﻨﯩﯔ ﮔﻪﭘﻠﯩﺮﯨﻢ ﺋﻪﻣﻪﻟﯩﻴﻪﺗﺘﻪ ﺋﯘﻧﯩﯔ ﺟﯩﻨﺴﯩﻲ ﻫﻪﯞﯨﺴﯩﻨﻰ ﻗﻮﺯﻏﺎﭖ ﻗﻮﻳﻐﺎﻧﻠﯩﻘﯩﻨﻰ ﺑﺎﻳﻘﯩﺪﯨﻢ، ﺷﯘﯕﺎ ﺋﯘﻧﯩﯔ ﻛﻪﻳﻨﯩﺪﯨﻦ ﻛﯧﻠﯩﭗ ﺑﯩﺮ ﺗﻪﻥ، ﺑﯩﺮ ﯞﯗﺟﯘﺗﻖ ﺋﺎﻳﻠﯩﻨﯩﭗ ﻛﻪﺗﺘﯩﻢ، ﺋﯘﻣﯘ ﺋﯜﻥ - ﺗﯜﻧﺴﯩﺰﻻ ﻣﺎﻗﯘﻝ ﺑﻮﻟﺪﻯ.
ﻧﺎﺗﺎﻟﯩﻴﻪ ﻣﻪﻥ ﺑﯩﻠﻪﻥ ﺗﻪﯓ ﻳﯘﻗﯘﺭﻯ ﭘﻪﻟﻠﯩﮕﻪ ﻳﻪﺗﻜﻪﻧﯩﺪﻯ، ﺑﯩﺮﺍﻕ ﺋﯘ ﺑﯘﻧﻰ ﺑﯧﻠﯩﻨﺪﯛﺭﻣﻪﺳﻠﯩﻜﻜﻪ ﺗﯩﺮﯨﺸﺎﺗﺘﻰ، ﺋﯘ ﺑﺎﺷﺘﯩﻦ - ﺋﺎﺧﯩﺮ ﻣﺎﯕﺎ ﺋﺎﺭﻗﯩﺴﯩﻨﻰ ﻗﯩﻠﯩﭗ ﻳﺎﺗﻘﯩﻨﻰ ﻳﺎﺗﻘﺎﻧﯩﺪﻯ، ﻣﯧﻨﻰ ﻧﻪ ﻗﯘﭼﺎﻏﻼﭖ، ﻧﻪ ﺗﻪﺷﻪﻛﻜﯘﺭ ﺋﻮﺭﻧﯩﺪﺍ ﺳﯚﻳﯜﭘﻤﯘ ﻗﻮﻳﻤﺎﻳﺘﺘﻰ. ﺋﯘﻧﯩﯔ ﻣﺎﯕﺎ ﺑﻮﻟﻐﺎﻥ ﻣﯘﺋﺎﻣﯩﻠﯩﺴﻰ ﺑﺎﺭﻏﺎﻧﭽﻪ ﺋﻪﻝ - ﺋﺎﻏﯩﻴﻨﯩﻠﯩﺮﯨﻤﻨﯩﯔ ﭘﺎﻫﯩﺸﻪﻟﻪﺭﮔﻪ ﯞﻩ ﺧﻮﺗﯘﻧﻠﯩﺮﯨﻐﺎ ﺗﯘﺗﻘﺎﻥ ﻣﯘﺋﺎﻣﯩﻠﯩﺴﯩﮕﻪ ﺋﻮﺧﺸﺎﭖ ﻗﯧﻠﯩﯟﺍﺗﺎﺗﺘﻰ  -   ﺋﯘﻻﺭ ﭘﺎﻗﯩﺴﯩﻨﻰ ﻗﺎﻧﺪﯗﺭﯗﭖ ﺑﻮﻟﯘﭘﻼ ﺩﯛﻣﺒﯩﺴﯩﻨﻰ ﻗﯩﻠﯩﭗ ﺑﻮﻟﯩﺸﯩﭽﻪ ﺧﻮﺭﻩﻙ ﺗﺎﺭﺗﯩﭗ ﺋﯘﺧﻼﭖ ﻛﯧﺘﻪﺗﺘﻰ. ﺷﯘﻧﺪﺍﻕ، ﻧﺎﺗﺎﻟﯩﻴﻪ ﻣﯧﻨﻰ ﺳﯚﻳﻤﻪﻳﺪﯗ، ﻣﯧﻨﻰ ﻳﺎﺧﺸﻰ ﻛﯚﺭﻣﻪﻳﺪﯗ. ﻣﻪﻥ ﺑﯘ ﻧﯘﻗﺘﯩﻨﻰ ﭼﯜﺷﯩﻨﯩﭗ ﻳﻪﺗﻜﯩﻨﯩﻤﺪﻩ، ﺋﯘﻧﻰ ﺋﺎﻣﺎﻟﻨﯩﯔ ﺑﺎﺭﯨﭽﻪ ﺋﺎﭼﭽﯩﻖ ﻳﯜﺗﻜﯜﺯﺳﻪﻡ ﺩﻩﻳﺘﺘﯩﻢ. ﺋﯘﻧﯩﯔ ﺟﯩﻨﺴﯩﻲ ﻫﻪﯞﯨﺴﻰ ﻗﻮﺯﻏﯩﻠﯩﭗ ﻗﺎﻟﺴﺎ، ﺋﯚﺯ ﻫﻪﯞﯨﺴﯩﻨﻰ ﻣﻪﻥ ﺋﺎﺭﻗﯩﻠﯩﻖ ﻗﺎﻧﺪﯗﺭﺍﺗﺘﻰ، ﺑﻮﻟﻤﯩﺴﺎ ﻛﯚﭘﯜﻧﭽﻪ ﻫﺎﻟﻼﺭﺩﺍ ﭼﯩﺪﺍﭖ ﺋﯚﺗﯜﯞﯦﺮﻩﺗﺘﻰ.
(ﺩﺍﯞﺍﻣﻰ ﺑﺎﺭ)
-   -   -   -   -   -   -   -   -   -   -   -   -   -   -   -   -   -   -   -   -   -   -   -   -   -   -   -   -  
ﺋﯩﺰﺍﻫﺎﺗﻼﺭ:
(14) ﻧﺎﺳﭽﯘﻛﯩﻦ  -   ﺑﺎﯞﯨﻞ ﯞﻭﻳﻨﻮﯞﯨﭻ ﻧﺎﺳﭽﯘﻛﯩﻦ(1850  -  (ﭘﯘﺷﻜﯩﻨﻨﯩﯔ ﻳﯧﻘﯩﻦ ﺩﻭﺳﺘﻰ ﺑﻮﻟﯘﭖ، ﻣﻮﺳﻜﯟﺍﻏﺎ ﺋﻮﻟﺘﯘﺭﺍﻗﻼﺷﻘﺎﻥ.
(15) ﺋﻮﻟﯧﻨﻜﺎ  -   ﺋﻮﻟﯧﻨﻜﺎ ﺋﺎﻧﺪﺭﯦﻴﯧﯟﻧﺎ، ﻧﺎﺳﭽﯘﻛﯩﻨﻨﯩﯔ ﺳﯩﮕﺎﻥ ﺋﺎﺷﻨﯩﺴﻰ، ﺋﯘﻻﺭ ﺗﻮﻱ ﻗﯩﻠﻤﺎﻱ ﺗﯘﺭﯗﭖ ﺑﯩﺮ ﺋﯚﻳﺪﻩ ﻳﺎﺷﯩﻐﺎﻥ.
(16) ﻣﺎﺭﯨﻴﺎ ﺋﺎﻟﯧﻜﺴﺎﻧﺪﺭﻭﯞﻧﺎ ﭘﯘﺷﻜﯩﻨﻨﺎ(1832 - 1919)، ﭘﯘﺷﻜﯩﻨﻨﯩﯔ ﻗﯩﺰﻯ.
(17) ﭘﯘﺷﻜﯩﻦ ﺑﻪﻟﻜﯩﻢ ﺑﯘ ﻳﻪﺭﺩﻩ ﺋﯚﺯﯨﻨﯩﯔ «ﭼﺎﺭ ﭘﺎﺩﯨﺸﺎﺳﻰ ﻧﯩﻜﯩﺘﺎ ﯞﻩ ﺋﯘﻧﯩﯔ ﻗﯩﺮﯨﻖ ﻗﯩﺰﻯ» ﻧﺎﻣﻠﯩﻖ ﺷﯧﺌﯩﺮﯨﻲ ﭼﯚﭼﯩﻜﯩﻨﻰ ﻛﯚﺯﺩﻩ ﺗﯘﺗﻘﺎﻥ ﺑﻮﻟﺴﺎ ﻛﯧﺮﻩﻙ. ﺋﯘ، ﺑﯘ ﺷﯧﺌﯩﺮﯨﻲ ﭼﯚﭼﻪﻛﺘﻪ ﺋﺎﺷﯘ ﺳﺎﻫﯩﭙﺠﺎﻣﺎﻝ ﻗﯩﺮﯨﻖ ﻗﯩﺰﻧﯩﯔ ﺟﯩﻨﺴﯩﻲ ﺋﻪﺯﺍﺳﯩﻨﯩﯔ ﻳﻮﻗﻠﯘﻗﯩﻨﻰ، ﻗﯩﺰﻻﺭﻧﯩﯔ ﺧﻪﺗﻪﺭﻟﯩﻚ ﺳﻪﺭﮔﯜﺯﯛﺷﺘﯩﻠﯩﺮﻯ ﺟﯩﻨﺴﯩﻲ ﺋﻪﺯﺍﻏﺎ ﺋﯧﺮﯨﺸﯩﺶ ﺋﯩﻜﻪﻧﻠﯩﻜﯩﻨﻰ ﺗﻪﺳﯟﯨﺮﻟﻪﻳﺪﯗ.
(18) ﻓﯩﻴﺎﺯﺍﻧﻤﯘﺳﻜﯩﻲ   -   ﭘﯧﺘﯩﺮ ﺋﺎﻧﺪﺭﯨﻴﯧﯟﯨﭻ ﻓﯩﻴﺎﺯﺍﻧﻤﯘﺳﻜﯩﻲ (1792  -   1878) ﺷﺎﺋﯩﺮ، ﺋﻮﺑﺰﻭﺭﭼﻰ، ﺋﯘ ﭘﯘﺷﻜﯩﻨﻨﯩﯔ ﻳﺎﺧﺸﻰ ﺩﻭﺳﺘﻰ.
(19) ﺋﺎﻧﻨﺎﺕ  -   ﺋﺎﻧﻨﺎ ﻧﯩﻜﻮﻻﻳﯧﯟﻧﺎ ﯞﻭﻟﻒ(1857  -   1799) ﻧﻰ ﻛﯚﺭﺳﯩﺘﯩﺪﯗ.

جاللاتنىڭ ھېمىمتىگە ئاپرىن!

كېرىمجان ئەپەندىنىڭ سېلىشتۇرما تەتقىقاتى مۇنبەردىن ئۆكسىمىگەي.