گۈزەللىك قارىشىم [ئۇلانما كۆچۈرۈش]

گۈزەللىك قارىشىم



تاش مايماقنى تاشلاپ قاچ

ئىچ مايماقنى ئېلىپ قاچ

                              -ماقال

بارىمەن مەكتەپنىڭ يوللىرى تامان

ئالدىمدا ئاقساپراق ماڭىدۇ بىر قىز

گۈل سۈپەت جانانلار كۆرسىتىپ ئۇنى

مەسخىرە ئوقلىرى ياغىدۇ ئەنسىز

مەن قاندا ئويلىدىم ،مۇشۇدەم شۇچاغ

تەگسىز بىر خىيالغا پاتتىمغۇ چەكسىز

مۈرىسىگە ئېسىپ ،ئاھ،ئىغىر سومكىنى

ئۈمۈدۋار روھ بىلەن چامدا ئۇقىز

بىر كۈنى شۇ قىزنى ئۇچراتتىم يەنە

بىر نەرسە يادىلار چۆكۈپ ئىچىگە

سۆيۈنۈش ئىكىدە يوللىدىم ھۆرمەت

ئۆزگىلەر قەلبىدە كۆرۈمسىز قىزچاق

تەڭداشسىز گۈزەل بوپ كىردى قەلبىمگە

كۆزۈمدە كۆرگىنىم يالغانكەن ئەسلى

ھەر نەرسە قەلبىمدە باشقىچە ئايان

گۈزەللىك قارشىسىدىن گۈزەللىك ئىزدەپ

گۈزەللىك قارىشىم ئۆزگەردى شۇئان

گۈزەللەر ئالدىمدا نازلانسا قانچە

كۆرۈمسىز كۆرۈنەر كۆزۈمگە شۇنچە

ھاياتنىڭ قارشىسىدىن ئۆزۈمنى ئىزدەپ

قەلبىمنى تىڭشىدىم ،تىڭشاپ قانغۇچە


سۆيگۈ ئوربىتىسى



ئۇسسۇلچىنىڭ بېشى قايمايدۇ

نىگارىنى قانچە ئايلانسا...

مەن ئايلىنىپ سېنى ۋە سېنى

ئۇ ئايلىنىپ مېنى ۋە مېنى

سەن ئايلىنىپ باشقا بىرسېنى

تەبىئەتنىڭ ھادىسى كۆپتۇر

يامغۇر ،بوران ھەمدە ئاپئاق قار

(مۇھەببەتىتىن يارالدى ئىنسان)

شۇ سۆيگۈدە دۇنيا ئايلىنار!


بۇ يازمىنى ئاخىرىدا   abdurexit eli تەھرىرلىگەن. ۋاقتى  2012-5-14 13:22  

    سەمەندەرنىڭ يۇقارقى تېكىستتىنى ئوقۇپ  جالالىددىن رۇمىنىڭ مۇنۇ جۈملىسى ئېسىمدىن كەچتى:


بىر كۆك قۇشى دۇنيانىڭ قارشىسىغا قاراپ ئۇچماقتا،
ھېچنەگە قاراپ ئۇچماقتا.

قان بېرىش ...



دوستلۇرۇم ئاغرىق

مەن پىدائىي

قان بېرىمەن ئانا تىل ئۈچۈن ...!

قان بېرىش نۆۋىتى ماڭا كەلمىسىمۇ

يەنىلا ئالدىرايمەن قان بېرىشكە

قانلىرىمنى سۈزۈلدۈرسۇن ئارىف يولى ...

قۇتۇپلاشتۇق ،ئۇيۇشمىدۇق

كىم بىلەن كىم قاي روماننى بىللە يازدى؟!

رىغبەت ئاز ،پېتىشمىدۇق قۇسۇر ئىزدەپ

بۆرە...ئازسا بىر توپ خەلق بىللە ئازدى

دوستلۇرۇم ئاغرىق

مەن تىۋىپ

تومۇر تۇتۇپ كېسەل تاپىمەن...

"شېئىر بىر كېسەلدۇر ماڭا چاپلاشقان"

ئاستا-ئاستا يارنىڭ ئىشقىدا

قان بېرىشكە تەييار تۇرىمەن

كارۋىتىمدا بىر قۇچاق ئىلھام

چىقىپ كەتتىم ياتاقنى تاشلاپ

نەشتەرنى سانچىدى ھەسەل ھەرىسى

ھەر كېچە قان بەردىم شۇنچە ھاسراپ

مەن يوقلايمەن كېسەل كېچىلەرنى ...

تومۇرىمنى سۇغۇرۇپ ئېلىپ

كېچىلەرنى شېئىر قىلىپ يازدىم

گۈلخانلارنى ئايلاندىم ئۇزاق

"تاك...تاك...تاك...مەن كەلدىم"





ئوت كوچىسى

(گ)

قىش.سەھەر.

يۈرەكلەر مۇز .

ئايالنىڭ تېنىدەك سىھىرلىك مەشتە ،

كۆيىدۇ چاراسلاپ ئەرلەرنىڭ باغرى .

چوغدەك لەۋلەر ،

ئاتنىڭ يايلىدا قىززىغان بەللەر  ،

بادامدەك مەززلىك ،قۇۋەتلىك كۆزلەر،

"نۇر چاچىدۇ ئەرلەر شەھرىگە)

مەشتە ئوت،

مەشنى چۆرىدەپ ئولتۇرۇپ ،

ئوت ئىسنايدۇ بىر توپ ئەر ،

تالىشار ئوت تەپتىنى ،

بىر –بىرىگە پىچاق كۆتۈرۈپ .

دۇنيا تاز،

كېيۋالغان يەنە كەيمە چاچ.

رېئالىستلار ئالدامچى بولغاچ ،

چۆچەكلەردە بولدۇم پادىچى ،

سۆيۋەردىم مەلىكە قىزنى...

سۈركىلىدۇ بىزەڭ مۇشۇكلەر ،

تىنىقىنى پۇرىتىپ تۇرۇپ .

قىينىلىمەن مەۋھۇم ھىسياتتا،

كارۋات ئىڭراپ،ئىشەك پۇچۇلۇپ ...

ئاپتاپپەرەستك ئېچىلسا چىراي ،

ئايال چاقار ئەر مىغىزىنى .

ئايال

ئۇرۇش ياكى تىنىچلىق .

ئايال قەنت چاي .

ئىچسە –ئىچسە ئۇسسايدىغان .

قېشىڭ ئورغاق

يۈزۈڭ گىردە

چۈشۈمدىسەن ئوماق ئاي قىزى .

كېچىدە مەن

ئويغاق ئۆيۈمدە ...

ئاياللارنىڭ چۈشى نېمىدۇر ؟

مېنىڭ چۈشۈم ئاياللاردىدۇر !



سەن ئۈچۈنلا قالىمەن ياشاپ

(گ)

چاناقلار قەدەھتۇر ،كۆز يېشىم شاراپ ،

نىرۋىلار تالجىقتى سۈرەتكە قاراپ .

يۈندە رەڭگە كىردى شاتلىقىم ،

ئەسلىگۈم يوق ،سېنىلا ئويلاپ...

تىرناقلىرىم پاتتى كۆكسۈمگە،

ئالدىمدا مىڭ دەريا ئاقتى شارقىراپ .

مەستلىكتە ئۇنتۇلۇپ كەتسەڭمۇ جانان،

مەن ئاغرىق،سۇيۇقلۇق تۇرار تامچىلاپ !...

(سائەتنىڭ تىلدا ئىسسىق تەشنالىق )

كىرپىكدەك توختىماي تۇرار لىكىلداپ.

يوللارنىڭمۇ نىرۋىسى ئاجىز،

پۇرسەت بەرمەس دەردنى تۆكۈشكە.

نەم قولۇمدا سىزدىم چېچىڭنى ،

دېرىزەمدىن ئۆتكەن كېچىگە...

مۇھەببەتلىك ئالەم ئىكەن بۇ ،

شۇڭا،ئۇيقۇم ھارامدۇر –ھارام.

يۈرەك سازدۇر ،لەرزان قولۇڭدا

سانسىز ئاشىق چەكسىز چېلىنغان !

چاناقلار قەدەھتۇر ،كۆزيېشىم شاراپ،

ئۆتىمەن بىر ئۆمۈر سېنىلا ساقلاپ .

مەن ئۈچۈن تۇغۇلغان بولمىساڭمۇگەر،

شائىرىڭ سەن ئۈچۈن قالىمەن ياشاپ!





كۈتۈش پەسلى



كۈتىمەن باھارنى ۋەياكى يازنى

قەلبىمگە ياغماقتا دەھشەت بىلەن قار

مۇز تۇتۇپ كەتتى ،ئاھ،مەندە باياۋان

ھارغىن بىر سەيياھنىڭ سول قوۋۇرغىسىدىن

ھۇشقىرىتىپ ئۆتمەكتە بارچە شىۋىرغان



قەلبىمنىڭ ئەڭ چوڭقۇر تىرەن يېرىدىن

ئاچقانتى بىر كاچكۇل ساماۋى بىر قول

قېنىمدا بىر بىلىق ئۈزىدۇ لەرزان

باھاردەك خىيالدا چېقىسام چۇل-چۇل



تۇرىمەن بىر يولنىڭ قاق ئوتتۇرسىدا

قاپقارا بىر چېكىت كېلەر مەن تامان

تىپچەكلەپ كەتتى ئاھ مەندىكى يۈرەك

پىت قەدەم يول يۈرۈپ كەلمەكتە جانان

قارايمەن كۆزلىرى بارار سوزۇلۇپ

تىنىقىم چاچلاردىن ئالىدۇ دەرمان

كىم بىلسۇن كۈتۈشنىڭ ئېلمىنېتلىرىنى

ھەممىسى يالغاندۇر ،ھەممىسى ئارمان

قۇشلارنى دەرەخلەر كۈتەمدىغاندۇر ؟

قۇشلارنى بىر ئاسمان كۈتەمدىغاندۇر ؟

ئەگەر مەن نىگارنى سۆيمەيلا قويسام

مېنى بىر ئۇلۇغلۇق كۈتەمدىغاندۇر؟

بىزنى ئاھ كۈتەركەن نۇرغۇن شەئىيلەر

بىزمۇ ھەم كۈتىمىز نۇرغۇن نەرسىنى

بۇدۇنيا بەزىدە بەرسىمۇ بىراق

بەزىدە بەرمەيدۇ كۈتكەن نەرسىنى ...

مەن سېنى كۈتكىلى بولدى ئىككى كۈن

كىرمىدىڭ ئايۋانغا قارلىغاچ بولۇپ

مەھەللەڭدىن قايرىلىدىغان دوقمۇشتا

كۈتتۈم ئاھ بىر سېنى قولدا گۈل تۇتۇپ!





يۈرەك يامغۇرى



كۈلىمەن گۈللەردەك قاقاقاپ تۇرۇپ

ۋەيەنە توزۇيمەن گۈللەردەك ئۈنسىز

مۇتلەق بىر ئازابقا قولۇمنى بېرىپ

مەن ساڭا دەيمەن ئاھ ماڭا تېگەمسىز ؟

ھىچكىمگە دەردىنى ئىيتمىدىم زىنھار

ئۆزۈملا تىك تۇراي ھەممە ئازاپقا

مەي باغلاپ پىشتى ئاھ سەندىكى ئۈزۈم

نېچۈنكى قوللىرىم يەتمەس ساپاققا؟

ساسلىققا ئايلاندى مەندىكى يۈرەك

ئۈن –تىنسىز چۆكمەكتە ئاڭا سىرلىرىم

(مەن سېنى سۆيۈشنى قىلسام ئىختىيار)

سەن ماڭا ئېسىلىپ سۆيەمسەن جېنىم ؟!





مېنىڭ ئىسمىم گۈل



مەن باھاردا قىزىل ئېچىلغان...

ئۈزۈپ ئالدى غولۇمدىن بىر كىم

سارغايماقتا سىرلىق ئەسلىمەم

جۇدۇنلاردا بەرگىم چېچىلغان !

كىپەنلەندى تېنىم مېنىڭكى

چىمەن ئىچرە يۈرمەكتە روھىم

گۈل چەمبىرەك بولدۇم كىم ئۈچۈن؟

ئاپئاق قارغا كۆمۇلدى جىسمىم

مېنىڭ ئسمىم گۈل

گۈلدەك ئېچىلىپ خار بولدۇم

بىر دۇنياغا...زار بولدۇم







سۆيگۈ خاتىرە مۇنارى



شەھەر ،ئۆيلەر ئۆرۈلدى رەت-رەت

ئۆرۈلمىدى بىر مۇنار ئەمما

مەڭگۈ تاشتەك تۇرار قەد كېرىپ

سۆيگۈمىزدىن بولغاچقا بىنا

ئۆرۈلمەيدۇ چۈشلەر مۇنارى

ئەقىدە خۇمدانىدىن بولغاچ خىشلىرى

مۇشەققەت بابىدا بولغاچقا داستان

ياڭرايدۇ يۈرەكتە ئاتلار كىشنىشى ...

سەددىچىن سىپىلىنى سالىدۇ قايتا

ئاشىقلار يۈرۈپ جاپانىڭ جاڭگىلىدا

(مۇھەببەت جەڭچىنى ياخشى كۆرىدۇ)

مۇھەببەت مەيدانى بۈيۈك بىر جەڭگاھ...!

مۇھەببەت يېقىملىق ،گۈزەل مۇزىكا

تەنلەر چېلىنار قاقشال بولغۇچە

روھلار چېلىنار قىيام بولغۇچە

تاكى چېلىنار زاۋال بولغۇچە...

كەچمىشنىڭ بەتلىرى ئۆرۈلەر بىر –بىر

ئۆرىلەر ئالبوملار،ئۆچمەس خاتىرە!...









سەن ئۈچۈ ن...



تىل ئىشلىتىش ئاپتونومىيىسى ئىچىدە

جاننى قاقشىتىپ سېنى سۈپەتلاۋاتىمەن

مىسرالار كۆز ياشلىرىمدىن پۈتكەن

ياقۇت مارجانلاردەك يالتىرىماقتا

ئامالسىزلىق مېۋىلرى تۆكۈلۈپ تۈگىدى

سېنى چەكسىز كۈتۈۋاتقان غوللار قاقشال بولۇپ كەتتى

يېرىلغان يول-يول يېرىقلاردىن دىۋىرقاي ئېقىپ چىقماقتا...

ئىچىمدىكى چەكسىز يۇمشاق قۇرت

لۆمشىۋاتىدۇ سەندىن ئۈمۈدۋار ھالدا

قار ياغدى

يېشىللىقنى سىغىنغان پىتى

ھىلال ئورغاق

زەھەرلىك ئوت...

كۆزۈڭنىڭ قارىسى كۆپ ئىدى

ئاتماس كېچىلەر

كارۋىتىمنىڭ ئۈنى پۈتكەن پىچىرلاپ سېنى!

شەپەقتەك قىززارغان ئالما يۈزلىرىڭ

مەن قارشقا پىتىنالمايدىغان ئوماق خاللىرىڭ

چېكىلگەن ئۈزۈمدەك ياقۇت لەۋلىرىڭ

كىيىكتەك ئۈركىگەك نازۇك بەللىرىڭ

ماگىنىتتەك ئۆزىگە تارتىدۇ ئىشقىڭ

ئاھ ،جېنىمنىڭ جانلىرى

خەلقىمنىڭ خانلىرى

شەرتسىز تەسلىم بولۇش

سەن ئۈچۈن تۇغۇلۇش

مەن نېمە ئۈچۈن ئۆلىۋالمايدىغانىقىمنى بىلىمەن

نېمە ئۈچۈن ؟ھەممىسى پەقەت سەن ئۈچۈن

مۇھەببەت ،پەقەت سەن ئۈچۈن !





مېنىڭ ئسمىم شام



كېچىنىڭ ئۆيۈمگە باستۇرۇپ كىرگەندىكى ھالىتىنى تەسسەۋۇر قىلالمايمەن

ياستۇقنىڭ قاچانلاردا شامدان بولۇۋالغانلىقىنى بىلمەيمەن

بوستانلىقلارنىڭ قاچانلاردا باياۋان بولۇۋالانلىقىنى بىلمەيمەن

كۆلنىڭ قاي زامانلاردا قاپقارا ساسلىققا ئايلانغانلىقىنى بىلمەيمەن

بالىلىق فانتازىيەمدە شامنى چىمداپ ئۆچۈرگەنلىكىم غۇۋا يادىمدا

خىجىلچان يۈزۈمنىڭ مەش يېنىدىن ئۆتۈپ كېتىۋىتىپ پىشقان ئالمىغا ئايلانغانلىقى غۇۋا يادىمدا

قوي باققان يەردە ئۇخلاپ قېلىپ بىر كىمنىڭ قۇمۇشقا ئوت قويىۋەتكەنلىكى غۇۋا يادىمدا ...

بىراق ،مېنىڭ ئىسمىم شام

كىرپىكىم كۆيىدۇ سېنىڭ قۇياشتەك چاقنىغان لېۋىڭدە

يىلىكىم يىغلايدۇ شامدەك تەن بىلەن سۇنىڭ سۈركىلش تاۋۇشىدا

ئورۇندۇقتا تاشتەك ئولتۇرۇپ،شامدەك ئېرى مۈكچەيمىگۈچە ئۈستەلگە

پەي.مۇسكۇل.تېرەم قىززىتمام ئۆلەر پەلەككىچە...

دانكو بۈگۈن يۈرىكىنى ئاشىقىغا تۇتقۇزۇپ قويۇپ ھوقۇشنىڭ ئېغىزىدا جان تالاشماقتا

بىر پارچە قىپقىزىل گىلەم ...ئېرىق بويىدا...بىر دەرىزە غۇۋا يورۇپ تۇرماقتا

بىئارام شامدان

ئاھ كۆڭلۈمدە خىلمۇ –خىل گۇمان ...!









سۇئال سورىغۇچى ...



                                                                               سەن كۆزلىرىڭ بىلەن سۇئال سورىساڭ ،مەن يۈرىكىمنىڭ تىپىرلىشى بىلەن جاۋاپ بېرىمەن .چۈنكى،مېنىڭ سۆز ئىشلىتىش فۇنكىسىيەمنىڭ قىممەت ساھەسى قولۇڭنىڭ ئۇچىدىن چوڭقۇر ھاڭلارغا يۈزلەنگەن.سەن ئىنچىكە،تولغان پۇتۇڭ بىلەن سۇئال سورىساڭ ،مەن قارا بېسىپ تەرلىگەن بولىمەن .چۈنكى،يىلىكىمدە كۆيگەن بىر پارچە ئوت چېكەتكىدە ك چىرىلداپ...ئاتتەك كىشنەشلەرگە يۈزلەنگەن. سەن تولغان بەدىنىڭ بىلەن سۇئال سورىساڭ ،مەن قززىپ قېلىپ چۈش كۆرىمەن .چۈنكى،مەن يېشىلمەيدىغان ئىششىق سىرلىرىغا مەپتۇن بولغان كاككۇكتەك ساراڭ-سەۋداغا يۈزلەنگەن.سەن چېچىڭ بىلەن سۇئال سورىساڭ ،20يىللىق ئۇيقىسىز كېچىلەرماڭا قارا يۈزلۈك قىلار .چۈنكى،سېنى ساقلاپ ئايمۇ پادىچى بولۇپ كەتتى پادىلارنى ئەگەشتۈرۈپ ئاتماس تاڭلارغايۈزلەنگەن.سېنىڭ يۇقىرى سەۋىيىلىك سۇئاللىرىڭ گاس،گاچا،پاڭ،ئەماغا ئايلاندۇردى .چۈنكى ئىششىق دەۋاسىنى سوايدىغان ئورگان-كىيىك ئۆزى جاۋاپخانغا يۈزلەنگەن.ئەي،سۇئال سورىغۇچى ھۆر-غىمان مەن ساڭا جاۋاپ بېرىش ئۈچۈن كەلگەن –كەلمىگەنلىكىمنى بىلمەيمەن .چۈنكى ،بىراق ھىچكىم جاۋاپ بېرەلمەيدىغانلىقى ئۈچۈن بىپەرۋا ئىنسانغا يۈزلەنگەن.ئەي، كۈندۈز!مېنى تۇرمۇش ھەلەكچىلىكدە ئادەملىك ھىسياتىمدىن ياتلاشتۇرما.





قۇتۇپ سىرى



ئىسسىق ،

سوغۇق ،

سۇ.

ئىسسىق،

ئىسسىق،

بىزارلىق.

سوغۇق ،

سوغوق،

...



1

قوقاسلاردا ئۇسسۇل ئويناپ ماڭا كۆز ياش جانان بولدى

تولغىنىمەن يۆگىمەچتەك ياپراقلىرىم خازان بولدى

قاش ئۇچۇرۇپ ،كۆز ئوينىتىپ نىگاھىمدا قىلساڭ نازىن

كىرپىكىڭنىڭ قارشىسىدا باغرىم جۇل-جۇل يامان بولدى

كۆزلىرىمدىن يۈتكەندە سەن ،ئازاپ يۇتۇپ يۈرگەندە تەن

سۈكۈتنىڭ تەكتىدە كۈتتۈم قايغۇم ئۇلۇغ پىنھان بولدى

كەلگىنىڭدە چىرايىمدىن پارلاپ چىقسا قۇياش ئاپتاپ

لىكىن سەندە ھاۋا رايى بۇلۇتلۇق بوپ ئايان بولدى

مەن ھاجەتمەن سۆيگۈڭ ئۈچۈن ھاجەتلىرىم راۋا بولماس

نىگارسېنىڭ پىراقىڭدا ماڭا ھىجران چاپان بولدى





توختىماي كاچاتلار يۈرەكنى ھىجران

(گ)

غىرىب كۈيگە چالىدۇ قولۇم

قىلماقچى بولغاندەك سىرىمنى ئاشكار

باقتىم كۆككە نە يۇلتۇزمۇ يوق

تۈن.ئاي.كارىۋات بەك سوغۇق باقار

ئازابىم ئىڭرايدۇ كارىۋاتلىرىمغا

ياستۇقمۇ مەن بىلەن خىيالغا چۆككەن

ئازاپلار دوزاقتىن پۈتۈن بىر كېچە

ماڭا سوت ئاچقىلى ئۆيۈمگە كۆچكەن  !

تەلمۈرۈپ باقىمەن قاپلىغان تۇمان

كۆڭلۈمنىڭ پارچىسى ئاسمان پەلەكنى

توختىماي كاچاتلار يۈرەكنى ھىجران

كۆز يېشىم نەمدىسە يەرنى ئىتەكنى ...









سۆيۈش مەڭگۈلۈك



قاياققا قارىسام ئايالدۇر ئايال

كۆزۈمنى يۇمساممۇ قەلبىمدە خىيال

شۇلاردىن زىرىكىپ تۇرساممۇ يەنە

كۆزۈمدىن يۈتمەيدۇ ئەشۇ بىر جامال

ئاياللار ۋاقتىمنى ئۆلتۈردى خىلى

مەن ئۆزۈم ۋاقىتنىڭ شۇنداق بىخىلى

بولدى قىل ئۆزۈمنى ئۆزۈمنى قايتۇر ئۆزۈمگە

ئۆزۈمنى سەنچىلىك سۆيمىدىم تىخى!

مەن سېنى سۆيمىدىم ،سۆيدۈم ئۆزۈمنى

سۆيگۈڭدە ئۆگەندىم قانداق سۆيۈشنى

سۆيگۈنىڭ چوققىلىق داۋانلىرىدىن

تىكىدەك غۇيۇلداپ سەكرەپ  ئۆتۈشنى

ئايالدىن زىرىكىمەن قەلبىمدە ئايال

ئايالسىز ياشاشقا بارمىدۇر ئامال ؟!

بەزىدە ئەركىنلىك بېرىسەن ماڭا

بەزىدە مەڭگۈلۈك قىلىسەن قامال

سېنىڭسىز ياشاشنى قىلمىدىم خىيال ...









قەلبىمدىكى چىغىر يول





قەلبىمدىكى چىغىر يول ئارا

ئۇششاق دەسسەپ كېلىدۇ بىر قىز

كۆز ئالدىمدا چىغىر يول ئەنە

غىرىپلىقنى يېپىنغان سەنسىز

چىغىر يوللار تىلىققان شۇ تاپ

ئىشقىڭ ئۇنى قويغانمۇ قىيناپ ؟

ئاسمانمۇ ھەم قاپاقنى تۈرۈپ

گۈزەللىكنى يوقاتقان ئاپتاپ !



ئوت ئۆچۈرۈش ...



   ئوت ئۆچۈرۈش مانىۋىرىغا قاتناشتىم .ھەممە ئوت ئۆچتى، بىراق مېنڭى قەلبىمدىكى ئوت تىخىمۇ يالقۇنجاپ كەتتى.چۈنكى ،مەن سېنى ئوت ئۆچۈرگىچىلەر ئارىسىدا كۆرۈپ قالغان ئىدىم ...بۇ ئوتنى ھىچكىم كۆرمىدى ،مەنلا كۆرمەكتىمەن ،ھىس قىلماقتىمەن ،بۇ ئوت ھامىنى مېنى نابۇت قىلىدىغىنى ئىنىق ئىدى ... ئىچىدە ياشاش نېمىدىگەن تەس؟تىرىك دوزىخىڭ شۇمىدى جانان ؟!



ئايرىلغانغا ئۆلمەيدۇ ئادەم

(گ)

سەنسىز پەقەت ياشىيالماسمەن

دېگەن ئىدىم ئايرىلار چاغدا

ئازاپ چەكتىم (ئۆلۈپ كەتمىدىم )

ياشاپ كەلدىم كەڭرى جاھاندا

ئايرىلىش ئازابى نەقەدە ئىغىر!...

ھىجراندىن مۈكچىيىپ قالاركەن ئادەم

ۋاقىت توختاپ چالىدۇ چاۋاك

شۇنچە شىرىن ئۆلۈممۇشۇدەم

ئىچ –ئىچىمدىن قاينايدۇ يىغا

نېمىشقا؟دەپ سۇئال قويىمەن

ئازاپ مېنەر مېنى ئات قىلىپ

ئامال قانچە ؟!چېپىپ كېتىمەن ...

ئۆتۈپ كېتىپ ئاشۇ چاغلارمۇ

ئازاپ ماڭا بوپ قالدى تاتلىق

ئويلاپ باقسام ئازاپ دېگەننى

بىر چەككۈزۈپ قويۇپتۇ ياشلىق !

ئايرىلغانغا ئۆلمەيدۇ ئادەم

ئازابىغا سالىدۇ بىر دەم

ئازاپقا تىغ ئۇرۇپ بارسا ھەر كۈلكەم

قانداقمۇ ئۇنتالاي گۈزەل مەلىكەم ؟





كىتابىم قېتىدا بىر تال ئەتىرگۈل



كىتابىم قېتىدا بىر تال ئەتىرگۈل

ياتىدۇ خۇش ھىدغا چۆمۈپ شۇنچىلىك

ئايلىنار كىتاپنى بىرتوپ كىپىنەك

(قاينىدى قېنىمدا تاتلىق كۈنچىلىك )

ئەتىرگۈل بەرگىنى يېيىپ نىگاردەك

كەل جېنىم دېگەندەك ماڭا  باقىدۇ

ئەپسۇسكى قېنىمدا شۇڭغۇيدۇ يىلان

زەھرىنى چېچىپ بىھۇش قىلدۇ ...

تولغىنىپ كېتىمەن نىگار ئىشقىدا

ئازابلار ياماشقان تېنىمگە شۇ تاپ

بىلمىدىم خۇشاللىق كىملەرگە ئاشىق ؟

مەن ئۈچۈن سائەتلەر قالماقتا توختاپ !





ئازابنىڭ ئۆيىدە



ئازاپنىڭ ئۆيىدە باداشقان قۇرۇپ

ئىچىمەن قەدەھكە تولدۇرۇپ شاتلىق

ئازاپلار مۈرەمنى تۇتىدۇ شۇدەم

ئالدىمدا ئازاپنڭ ھالىمۇ چاغلىق

ئۇ ماڭا تۇتىدۇ تاتلىق تۈرۈملەر

مەن ئۈچۈن باش ئېگىپ بولۇپ پاي پىتەك

يولۋاسنڭ ئۇۋىسى ھازىر مەن ئۈچۈن   

تۇيۇلار ئاۋارە يۇۋاش مۈشۈكتەك

دېرىزە تۈۋىگە باردىم غادىيىپ

دېرىزە سىرتىدا يىغلار بىر بالا

بىر چاغدا مەنمۇ ھەم شۇنداق يىغلىغان

ئازابىم بەك ئىغىر ئىدى قاپقارا...

چىراغنىڭ سايىسى ئىكەن قاراڭغۇ

يولۋاسنىڭ ئۇۋىسى شۇنچە بىخەتەر

تەبەسسۇم ئەيلىگەچ ئازاپقا شۇدەم

ھاياتىم مەنىگە تولغان شۇقەدەر !



رەسىملىك شېئىر



قەلبىمنى قاپلىسا ئەينەك كەبى مۇز

ئوينايدۇ بىر كىملەر چاڭغا تىيلىپ

يېشۋەتتى تۈگمىسىنى

ئاھ راھەت ئاھ راھەت چىلىق چىلىق سۇ

قايرىلدى ئۇ بىردىن باشقا كوچىغا

كۆزۈمدىن ئاققىنى تارىممۇ نىلمۇ ؟

ئېچىپ قويۇپ ئىشىكىن قىيا

ئۇچۇپ كىردىڭ بولۇپ نۇر زىيا

بىر يۇلتۇز قوندى مېنىڭ كۆكسۈمگە

مېنى ئەمگىلى

مەن قوندۇم ۋە ياكى سېنىڭ كۆكسۈڭگە

سەندە ئۆلگىلى...

دەريا بولۇپ تاشساڭ كۆلۈمگە

تاشلاپ قويۇپ كەتمە چۆلۈڭدە

يۇمۇۋالغىن كۆزلىرىڭنى يا

قايتىپ كېتەي يالغۇز ئۆزۈمگە

يىرتىلغان يۈرەكنىڭ پۇرىقى

ئىسنىڭ لەيلىگەن ئاۋازى

دۈپۈلدەيدۇ چوڭقۇر بىر جايدا

ئېغىزىمدا غورىنىڭ تەمى!

كۆزۈمگەيۈگۈردى بىر تامچە بارخان

يۈگۈردۈم قەبرە تامان قۇچاقلاشقىلى ...

ۋانگوكنىڭ كېسىۋىتىلگەن قۇلىقى...

ئىزدەپ يۈرەرھىچكىمنى

دىلىمنىڭ بۆشۈكىدە

ئىششىق بوۋىقى

ئارامىمدا قويمايدۇ مېنى

قاقشار

يىغلار

بۇ ئانىسى تاشلىۋەتكەن بوۋاق

بىر كىملەرنى يىغلايدۇ ئۇزاق

دەردىمنى يۆگەپ كونا گېزىتقا

ئاستا...

ئاستا

ئاستا

ئاستا

ئاستا

ئاستا

ئاستا

چېكىۋەتتىم!





مەن ۋە تۆمۈر تۇمشۇق



مەن

تېرەك ...

غولۇمدا قۇرت

كەلمەيسەن نېمىشقا تۆمۈر تۇمشۇق ؟





ئاچچىق ۋە تاتلىق



ھەسەلدە ئاچچىق بار زەھەردە تاتلىق

گۈللەردە رەزىللىك پاتقاقتا شاتلىق

كۈلەر بىر تاتلىق

شاۋقۇندا سۈكۈت بار سۈكۈتتە شاۋقۇن

چوغلاردۇر مۇز چىراي يۈرەكتە يالقۇن

دەريادا قاغجىراش قۇملاردا كۆز ياش

ئوتۇنلار كۆيمەيدۇ كۆيىدۇ ھۆللۈك !

كۆكسۈمگە نۇر چاچسا سىرلىق بىر قۇياش

بىر پارچە ئازاپ بار تورۇس ئۈستىدە

پولنىڭ ئۈستىدە تاتلىق مەسخىرە

يۈرەككە ئېسىلغان قاتار سۈرىتىڭ

مەن ئۈچۈن تاتلىق ۋە ئاچچىق ئەسلىمە...





ئۆمۈچۈك خانىش

1

ئۆمۈچۈك خانىش

تورۇسقا توقۇيدۇ نەپىس شېئىرنى

ئىلھاملىرى كېلەر قەيەردىن ؟

ئۇ يازمايدۇ بەلكىم ھىچكىمنى

شېئىر يازار ئۇنتۇپ ھەممىنى

يازغانلىرى غۇۋامۇ نېمە؟

چۈشدنمىدىم پەقەت ھىچنىمە

يا ئىددىيىسى كەتكەن ئالدىغا

يازا بەلكىم كەلگۈسىمىزنى ...

ئۇرغۇ رىتىم قاپىيە

خانىش قولىدا ۋايىغا يەتكەن

ھىسيات دېگەن شۇنچىلىك نەپىس

ھاياتىغا چىرمىشىپ كەتكەن

ئۆمۈچۈك خانىشقا بىر غىرىپ شائىر

ئۆلگۈدەك قىلماقتاھەۋەس!

سەۋرچانلىق مەڭگۈ ئاڭا يار

شېئىر يازار بىكاردىن بىكار ...

ئۆمۈچۈك خانىش ئەڭ ئۇلۇغ شائىر

بايقىماي يۈرگەنمىز بەلكىم بىز ئۇنى

گۈزەل نەپىس شېئىرى بىلەن

نوبىل مۇكاپاتى ئالار بىر كۈنى

ئۇيازىدۇ

بەلكىم يازماس يازماس ھىچنىمە...

2

چىۋىن ھەرە

نەپىس شېئىر ئۇنىڭ قولىدا

توقۇۋىتەر مىسرالىرىغا...

ئىشىڭ تورۇس دېرىزە

ئىلھامىدا چەكلىك دائىرە

سۈپۈركىدۇ ئوبزۇرچى

ئۆمۈچۈك خانىش شېئىرلىرىغا

كېسەك قىلىپى...

كۆزنى يۇمۇپ !

جاھىل ئىشەك كونا ئىددىيە

تاشلىمايدۇ مەڭگۈ خۇيىنى

سۆرەپ بارارتونۇش كوچىغا

قاتماللىق بېسىلغان تونۇش ھارۋىنى



سەن كەلمىدىڭ

(گ)

سېنى سۆيگۈم كەلمىدى يەنە

سۆيۈش نېمە ؟سۆيۈش ھىچنىمە

تېرەكلەردە قاقىلدار ھىجران

گۈل ئىشقىدا ئازاپ ھۈپپىدە

ئېچىلىپتۇ پاتقاق كۆكسۈمدە...

سەن كەلىدىڭ قىشنىڭ قوينىغا

قۇياش بولۇپ باھارنى ئېلىپ

يەر ئاستىدا قاينايدۇ ماگما

سىغىنغان يۈرىگىم سىغىنغان كۆزلەر

بىر پارچە قەغەزدە ك كەتتى يېرتلىپ

بىز ماڭغان يوللاغا ...ياتار چېچىلىپ

كۆز ياشلىرىمنى

سېتىۋىتەيمۇ يولدا ئۇچرىغان بىر قەلەندەرگە...؟

ياكى يىپقا ئۆتكۈزۈپ

مارجان قىلىپ ئېسىۋالايمۇ ؟

نىم بولدىكىن يۈرەك دەمدەرگە ؟

بۇقۇلدايدۇ يارىنى كۈيلەپ

ئىزلىرىمنىڭ مەڭزىدۇر قان قان

سۆيمەسلىكىم يالغاندۇر يالغان

مەن ئولتۇرۇپ قىرنىڭ بېشىدا

قاقلدايمەن بىر سېنى جانان

كۆزلىرىمنى يۇمۇپ چىڭ يۇمۇپ

پەقەت سېنى قىلىمەن خىيال

تۇيغۇمدىكى چىغىر يول ئارا

سەن كېلىسەن مېڭىپ بىمالال

ھاياقاندىن يېرىلدى كۆكسۈم

خۇشاللىقىم ئۆلگىنى ئىنىق

سېنى كۆرمەك بولدۇم ۋە لىكىن

كۆرەلمىدىم كۆردۈم باھارنى

ئازابىڭدا چايقالدىم يىنىك

ئۆزئۆزۈمگە پاتتىم شۇنچىلىك ...

ۋاقىت ناملىق كىتاپنىڭ

ئۆرۈلمەكتە بەتنىڭ ئارقىسى

چاچلىرىڭدا قارايدى دۇنيا

بۇگۈن ۋاقتىم كەتتى قىز پىتى

كۆكتەچولپان چاقنايدۇ جۈپ-جۈپ

شائىرنىڭ يۇلتۇزى تەنھا ۋە غىرىب

توقۇمىچى قىز ۋە پادىچى يىگىت

كەتتى يەنە تانسىغا جىمجىت...

يېپىلدى ئىشىكلەر ھاياجان بىلەن

سىرتتا قالغىنى غىرىب بىر شائىر

مۇھەببەت  ئىللىقلىق ئۆينىڭ ئىچىدە

تالاداسەرسانلىق غىرىبلىق ھازىر

زۆھرەيىم قەيەردە؟خىيالدا شائىر

تاھىرمۇ شائىردۇر شائىرمۇ تاھىر

ئازاپنى يېپىنىپ قايتتىم كۆلبىگە

شۇڭغۇدۇم كېچە قاراڭغۇ ئىچىگە

ئىشىك ھەم تاملارمۇ خائىن ساتقىنلار

ئەجەپ بىر سىقىلىپ قالدىم ئۆيۈمدە...!

كارۋىتىم ئازاپقا بولماقتاتەڭكەش

ئازابىم مۇقامنى توۋلاپ ئەۋجىگە

قولۇمدائازاپنىڭ دورىسى تۈتۈن

كارۋىتىم ئاستىدا بار ئىدى پىۋا

تۇيۇقسىز كەپ قالدى بۇلار ئېسىمگە؟...

"دىلىمغا ئېسىلغان قاتار سۈرىتىڭ"

ئازاپتەك لەيلىدى پىۋا كۆپۈكى

ئازاپتا مەسىت بولغان ئۆيۈممۇ شۇدەم

روھلىنىپ ياتىدۇ شىشە پۇچىقى

خۇشاللىق يار بولدى پەقەتلا بىر دەم

يەنە

سەھەردە

شاخلاردا قۇشلار

ئىيتىشماقتا ئازاپ چۆچىكى...!

بېسىپ كەلدى قۇياش لەشكىرى

دېرىزەمدىن تۆكۈلگەندە نۇر

پۇتلىرىمنى سۆرەپ ھاياجان

باغچا  تامان بولىمەن راۋان

يىغىر بلۇپ كەتكەن كۆكسۈمدە

ۋىژىلدايدۇ چىۋىن خىرامان

شائىرىڭنىڭ ھالى بەك يامان

ئۆكۆز كەبى سۆرەيدۇ ساپان

سۆيگۈنىڭ توڭ دۆڭلۈكلىرىدە !

سەن كەلمەپسەن يەنە باغچىغا

خۇش پۇراقلق ھىدڭىنى ئىلىپ

"بارمىقىڭنى ئويناپ ئولتۇرۇپ"

سۆيگۈڭنى مەن چېكەمگە قسىپ

قۇشقا شاخقا دۇنياغىمۇ ھەم

سېنى قېنىپ پۇراپ ئولتۇرۇپ

بىر چۆچەكنى بېرىمەن ئىيتىپ :

ئۇ كېلۋاتىدۇ... دەپ

ئەگەر منى سۉيمەكچى بولساڭ



ئەگەر منى سۉيمەكچى بولساڭ

لەۋلىرىمگە سۉيمە بولدى ،بەس

قەلبىمدىكى نازۇك بىر تۇيعۇ

لۋىڭدىكى ھىسلاردا ئەمەس

ئەگەر منى سۉيمەكچى بولساڭ  

تىپتىنىچ سۉي پەقەت سىعىنىشىمنى

......

بولۇپ قالسام ...

چاقماق بولۇپ قالسام ئەگەردە

مورىكەشكە بەرمەيتتىم كسەل

سۉيگۅ ئۅچۅن يانسام دەقىقە

ئارمانلىرىم چچەكلەر تۅگەل

بولۇپ قالسام ئەگەردە بىر ئوت

نامرات چالعا برەتتىم سۉيگۅ

كۅندەشلىكتە كەتسە قىش يىراق

يازدەك مھىر برەتتم سەزگۅ

بولۇپ قالسام ئەگەر بىر تال شام

ئاداققىچە تۉكەتتىم كۉز ياش

زۇلمەتلەردىن ئچىپ نۇرلۇق يول

مەن دانكوعا بولاتتىم سەپداش ...

بولۇپ قالسام بىر تال سەرەڭگە

پەرۋانىچۅن بولاتتىم قۇربان  

مەن سەرەڭگە ساتقۇچى قىزعا

بولاتتىم ئىسسىق كاڭ ،بولۇپ مھرىبان

كۉڭلۅم سەندە يەنىلا سەندە



ئايرىلعاندا تىلىققان كۉزلەر

ئۇچراشقاندا كتىدۇ چاقناپ

كۉڭلۅم سەندە يەنىلا سەندە

نمە قىلاي ئۉزۅمنى ئاقلاپ !

كۉزلىرىمدىن ئۇچىدۇيۇلتۇز

حىيالىمعا كىرگەندە نىگار

كۉڭلۅم سەندە يەنىلا سەندە

ئۇنتاي دەيمەن يەنىلا بىكار

مە ندۇنيادىن ئايرىلعان قۇمۇش

ھىچكىم چالماس مەندىن نەي ياساپ

كۉڭلۅم سەندە يەنىلا سەندە

نەيچى قىزنى ئۉتىمەن ساقلاپ

تاڭسىڭ بولۇپ كىتەي دىگەنتىم

كۉنەلمىدىم گۉشسىز ھاياتقا

كۉڭلۅم سەندە يەنلا سەندە

بەلكىم مەنمۇ ،سەنمۇ ئازابتا!؟

ھىجراننى ئۅچ تالاق قىلماقچى بولسام  



گۅل ئۅچۅنلا سوقسىمۇ يۅرەك

گۅل بولمىدى بۇلبۇلعا تالىق

ياقا يىرتىپ يۅرسىمۇ يۅرەك

ئاڭا ھىجران بولدىعۇ ياتلىق

ھىجران بىلەن توي قىلدىم قاچان

تۇعۇلدى ئۇنىڭدىن تۅگىمەس ئازاب

ھىجراننى ئۅچ تالاق قىلماقچى بولسام

ئەرىز قىپ ئۇ منى قىلدىعۇ حاراب...!

ھىجراننىڭ عەلۋىسى بەكمۇ بەك يامان

ئۇ ھامان منىدۇ منى ئات قىلىپ

باللىرىم تىللايدۇ دەھشەت تىل بىلەن

يىعلايدۇ يۅرىكىم قانچە تىلىقىپ

ھىجراندىن ئايرىلىپ كتەيمۇ دىدىم

ئازابلار ئوينايدۇ ھۇجرامدا ئويۇن

مۇھەببەت ھالىمعا چالىدۇ چاۋاك

ئۇ ماڭا نمىشقا ئاچمايدۇ قويۇن؟

ئايرىلىش شىرىنمۇ ۋە ياكى دەھشەت



تومۇرىمدا ئاقار غالىب ئوت

قانچە رەت مۇنچىغا چۈشتۈم ھىجراندا

ئايرىلىش شىرىنمۇ ۋەياكى دەھشەت

ياش تۆكۈپ يىغلايدۇ بىرى كۈلداندا

مۇھەببەت ئۇ سەندىن ئالىدۇ سۆيگۈ

ۋە ساڭا قايتۇرار ھىجران يا ئازاپ

ئايرىلىش شىرىنمۇ ۋە ياكى دەھشەت

حىيالىم شۇ تاپتا چگىش بىر تاناپ

يۅرەك بوعۇق ،چىرايىم تۇتۇق

ھەممەيەر قاراڭعۇ،يوقتۇر يورۇقلۇق

ئايرىلىش شىرىنمۇ ۋە ياكى دەھشەت

كۉزلىرىم قايعۇدىن مەھكەم يۇمۇقلۇق

ئايرىلىش شىرىنمۇ ۋەياكى دەھشەت

ئايرىلىش قاباھەت،ئۇدۇر قىيامەت

ئايرىلىش تۇعىدۇ يپيىڭى ھىجران

ئۇ شۇنداق رەھىمسىز ،عالىب قىياپەت ...

بالىلىقىم قالدى يىراقتا



بالىلىقىم قالدى يىراقتا

لاي سۇ ئىچكەن ئانا سەھرادا

بالىلىققا قايتاي دېسەملا

بۇرتۇم كۆكلەپ قالار  باھاردا

ئورغاق بىلەن ئورۇپ بۇرتۇمنى

بالىلىققا قايتايمۇ دېدىم

ئانا سەھرا بالىلىقىمنى

قايتۇرامدۇ ئۇنى بىلمىدىم

بىز قوي باققان كەڭرى جاڭگاللار

تۈگەل ئېتىز بولۇپ كېتىپتۇ

بالىلىقنىڭ يالدامىسى بوپ

ئالدىمدا بىر توغراق يېتىپتۇ ...

توغراق ماڭا قارىدى تونۇش

قورۇقلاردا پارلىدى كۈلكە...!

-قايسى شامال كەلدى ئۇچۇرۇپ

مەندەك قاقشال توغراق تۈۋىگە.

بولدى ئېيتما ،مەن ئۆزۈم ئېيتاي

قانالمىدىم بالىلىققا -دە

بالىلىلقنىڭ ئېقىنلىرىدا

ئاقالمىدىم بولۇپ لىققىدە .

ئاڭلا بالام مېنىڭمۇ سەندەك

بالىلىققا بەكمۇ قايىتقۇم بار

ئانا سەھرا قۇچاقلىرىدا

سەبىي بوۋاق بولۇپ كەتكۈم بار

قايتالمىدىم بالىلىقىمغا

بالىلىقىم قالغاچ يىراقتا

پەقەت ئەشۇ توغراقلا مېنى

ئاپىرىدۇ بالىلىقىمغا !

يارىم قالدى كۆز يەتكۈسىز يىراقتا

(يېتىز ئىزىدىن  )

( يۇرتۇم قالدى كۆز يەتكۈسىز يىراقتا )

ئەمما ھەمرا ھ ماڭا ئۇنىڭ باغلىرى

ئوتقاش ياغىلىق چېگىۋالغان يار بىلەن

چاھار باغدا سەيلە قىلغان چاغلىرى ...

يارغا بولغان ساداقىتىم بەك تىرەن

يارىم ماڭا تۇيۇلىدۇ گۈل -چىمەن

ئۆركەش ياساپ تۇرار دائىم چاچلىرى

زەپ ياراشقان يۈزلىرىگە خاللىرى

بىر نىگاھتا ئاغرىتىدۇ جانلىرى !

ھىچ يېرىدىن تاپالمايسەن بىر ئىۋەن .

يارىم قالدى كۆز يەتكۈسىز يىراقتا

يۈرەك سېزىك بولۇپ قاپتۇ شۇ يارغا ...



مىسرا ماڭا مەڭگۈلۈك كۆلبە



نىگار مەندىن ئۆرىسىمۇ يۈز

سۆيگۈم ياپراق تۆكمىدى كۈزدە

شېئىر ماڭا مەڭگۈ تەسەللىى

مىسرا ماڭا مەڭگۈلۈك كۆلبە

دوستۇم ئىزدەپ كەلمەيدۇ مېنى

ئىزدەپ قويار ئىلھام ئاتلىق قىز

بىر مىسرانى تۇتقۇزۇپ ماڭا

كۆزلىرىمدىن ئۇچۇپ ئۆتەر تېز .

مىسرايىمدىن ئىزدىمىگىن ياش

نۇمۇس ماڭا ياش تۆكۈپ ياشاش

قەلەم ،قەغەز ،مىسرا ئىچرە مەن

غىرىىبلىقنى يېپىنغان قۇياش ...



غىرىب ۋە غىرىبلىق

ياتىمەن قۇچاقلاپ قۇرۇق كارۋاتنى

كارۋاتتا نەئىسسىق چاقنار غىرىبلىق

ئەزرائىل بولۇپ كىر خانەمگە نىگار

ساڭا جان بېرىمەن كۈلۈپ بىر تاتلىق

قەبرىلەر بېشىمدا ئوقۇيدۇ ناخشا

ناخشىدىن تارايدۇ يەنە غىرىبلىق

تەنھا تېرەكتىكى غىرىىب بىر قاغا

مېنى يا خەلقىمنى قاقىلدار سوغۇق .

غىرىبلىق ئات قىلىپ مېنىدۇ مېنى

ۋە مېنى چاپتۇرار تەگسىز خىيالغا

خىياللار ئۇپۇققا تۇتاشقان گويا ...

بۇلۇتلار يغىلار ئۈستۈمگە بىردىن

تىنالماي قالىمەن ھاۋا بەك دىمىق

شاررىدە چىلەكلەپ ياغىدۇ يامغۇر

نىگارىم ئېسىمگە كەلگەندۇر .

لەگلەك ئۇچۇرغۇچى



ئۈزۈلگەندە ئىشقىمىزنىڭ تانىسى  

ئۇچۇپ كەتتى لەگلەكلىرىم قاياققا ؟

ئۇلۇغقىنە سەرگەردانە تۇيغۇدا

مامكاپ گۈلى سەرگەردانە قەلبىمدۇر

خۈنۈك ئايۋە يۇلتۇزچاقلار دوستۇمدۇر

ئۇلۇغ ئاللا مەن تىلىسەم بەرگىنىڭ

ھىجران بىلەن توي قىلغان كۈن قاچاندۇر ؟!

مەن قۇش ئەمەس ئەركىنلىككە تەلپۈنگەن

يالغۇزلۇقنىڭ تىكەنلىرى سانجىلدى

ئوت يېنىغا كېلەلمەيمەن ،قورقىمەن

بارمىقىمنىڭ يارىلىرى شەلۋەرەپ

سۈرىتىڭگە بىر قارىسام مىڭ يىللىق

ئازاپلىرىڭ سورىلىدۇ ئەزۋەيلەپ ...

ئۇچۇش دېگەن ئاسان ئىكەن تەس بىراق

ئۇچۇپ تۇرۇپ ئەركىنلىكتىن ئايرىلىش

رېئاللىقنىڭ دالاسىدا يۈگرەيمەن

تەس ئىكەن ئاھ،ياسالمىغا ئايلىنىش...

تەنھالىق تەسۋىرى

يىغا تۇتىدۇ

كىم يىغلىتىدۇ ؟

كىم قول ياغلىق بىلەن

كۆڭلۈڭنى ئۇتىدۇ

مىسكىنلىك سازلىقلىرى

چۈشكۈنلۈك پاتقاقلىرى

ئاھ،تەن چاقلىرى

پاتتىمۇ ،پاتىدۇ ...

جىمغۇرلۇق تىغلىرى

يۈرەكنى تىلىدۇ

يىغىلىشلاردىن قاچىسەن  

ياكى بېشىڭ ئاغرىيدۇ

خىيالنىڭ رەزىل چايانلىرى

سېنى چاقىدۇ

كۈلكەڭ كەمدىن كەم

ئاشلىرىڭدىن كىتىدۇ تەم ھەم

دەم تارتىدىغان ئەجدىرھادەك

تەنھالىققا بولماقتىمەن تەم !

ئۇيقۇ قاچار كۆزۈڭدىن

رەڭلەر يۈتەر يۈزۈڭدىن

بىزارلىقلار كەتمەس سۆزۈڭدىن

تويماقتىسەن ئۆزۈڭدىن .

جىملىق

چەكسىز ۋە چوڭقۇر

بۇلۇتلار يىغىلدى ،ساقلاۋاتىمەن

ئەتە يا ئۆگۈن ياغىدۇ يامغۇر

ئاندىن

ھەققىي ئايلىنىمەن ئۆزۈمگە !...

مىنىڭ يىلنامەم



1991-يىلى مەن تۇغۇلمىغان

2011-يىلى 2-ئايدا تۇغۇلغان

لىكىن يگىرمە ياشقا كىردىم .

كىتابلار مېنىڭ دادام

ئازابلار مېنىڭ ئانام !

(توسما يار مېنى چىكەي بىر نەپەس  )

ئۆرۈلدى يۈرەك ئىچىمگە بايان

رەزىل بىر مەسخىرە قىلدىم ئۆزۈمنى

قاپقارا كۆمۈرلۈك ،چەكسىز باياۋان ...

تۇخۇم نەدىن كەلگەن ؟توخۇ تۇخۇمدىن

مەن نەدەن كەلگەن ؟ ئىنتىقامدىن ...!

مەن ھىچيەردە تۇغۇلمىغان ،ھىچيەردە مەن يوق

ۋەتىنىم يۇرەكتۇر يۇرەكتە سەن يوق

مەن سەنئەت ياراتمىدىم ،سەنئەت مېنى يارىتىدۇ

مەن دۇنياغا قارىمىدىم دۇنيا مېنى قارىتىدۇ

شۇڭقارنى ئەركىنىلك ئۇچۇرىدۇ

لىكىن كېچە مەندە ئىچىنى بوشىتىدۇ ...

سالجىدەك چاپلاشما ،تىنىم جېنىمغا

چاپاننى سالغاندەك سالغىلى بولماس

ئۆزۈمدىن ئىنتىقام ئالغۇم كەلسىمۇ

ئۆزىنىڭ جېنىنى ئۆزى ئالالماس

قەلىبدە بولىدۇ بارچە گۈزەللەك

قەلىبدە بولىدۇ بارچە رەزىللىك

ئۆزۈڭدىن باشقىسى قۇرۇق بىر بوشلۇق

ياشاشمۇ ئەسلىدە شۇنچە ھۇزۇرلۇق ...

ئېسىلىپ ئۆلىۋالغانلارنى مەدھىيلەيمەن

خۇشال ياشىغانلارغا ھەۋەس قىلىمەن

پاھىشە بولۇپ قالمىغا نلىقىمدىن گۇمانلىنىمەن ...؟

ئالقىنىمنى ئېچىپ تۇغۇلغانلىقىمنى بىلىمەن

شۇڭا مەندە ھىچكىم قالمىدى

تىلەيمەن پەقەتلا مۇقەددەس سۆيگۈ

مەنىسىز ئىشلارمۇ ماڭا قالمىدى ...

1
بۇ يازمىنى ئاخىرىدا   سەمەندەر تەھرىرلىگەن. ۋاقتى  2012-5-26 14:17  

نوپۇس دەپتىرىمدە سەن يوق



نوپۇس دەپتىرىمدە سەن يوق

ھامان بىر كۈنى قىتلىسەن نوپۇسىمغا سەن

قېتىدۇ ئوماق پەرزەنىتلەر ...

مەن دىلىمدىن سۆيگەن مەلىكەم

لەۋلەردىن قەلىبگىچە

سۆيگۈدىن ئۆلۈمگىچە

نوپۇسىمدىن قاچمىغىن جېنىم .

قىلىن دېگىن ،كۈلگىن پىخىلداپ

ئاھ، سەن مېنىڭ ئوماق ئايالىم !

كۆمۈر دېسەڭ يۈرۇگىمدىن ئال

ئىللىتاي مەن ئۆينى گۈرۈلدەپ

ئەرلىك دېسەڭ كۆزلىرىمدىن ئال

قوغداي سېنى ھەسەل ھەرىدەك

سېممىتىرىك گۈزەللىك بىزدە

سەن مىنىڭ ھۆرمىتىم

مەن سېنىڭ ئىززىتىڭ

ئالتۇن ئۈزۈككە ياقۇت كۆز باللىلار ...

سۆيگۈنىڭ ،ئاھ،ئۇلۇغلىقىدا

(كۈن نۇرىدا كۈلدى چىمەنزار )

نوپۇس دەپتىرىمدە سەن يوق

رەسىمىمدە تەنھا يالغۇزلۇق

تەكلىماكاندە تەنھا بىر كارۋان

يالغۇزلۇق بوپ دەھشەتلىك چايان

ماڭا ھۇجۇم قىلماقتا ھامان

نوپۇس دەپتىرىمىنىڭ بىر ۋارىقى يوق

تۇرمۇش جۈملەم پۇچۇقتۇر پۇچۇق

داستانىمغا يازدىم كىرىش سۆز :

توي قىلايلى يارىم گۈلسۇرۇخ!

نوپۇس دەپتىرىمدە سەن يوق

سەنسىز يولۇم تۇتۇقتۇر تۇتۇق ...