قارامايدا ‹‹دەۋر مىلودىيەسى شىئېرىيەت سەپىرى پائالىيىتى›› ئۆتكۈ

شىنجاڭ ئۇيغۇر ئاپتونوم رايونلۇق پارتكوم تەشۋىقات  بۆلۈمى ئۇيۇشتۇرغان، شىنجاڭ ئۇيغۇر ئاپتونوم رايونلۇق ئەدەبىيات – سەنئەتچىلەر  بىرلەشمىسى، شىنجاڭ يازغۇچىلار جەمئىيىتى، قاراماي شەھەرلىك ئەدەبىيات -  سەنئەتچىلەر بىرلەشمىسى بىرلىكتە تەشكىللىگەن «دەۋر مىلودىيەسى-شىنجاڭ  شېئىرىيەت سەپىرى»نىڭ قارامايدىكى مۇشائىرە پائالىيىتى 2014-يىلى 11-ئاينىڭ 7-كۈنى  قاراماي شەھىرىدە ئۆتكۈزۈلدى. پائالىيەتكە ئاپتونوم رايونلۇق ئەدەبىيات – سەنئەتچىلەر بىرلەشمىسى،  يازغۇچىلار جەمئىيىتىنىڭ رەئىسى ئازات سۇلتان، قاراماي شەھەرلىك خەلق  ھۆكۈمىتىنىڭ مۇئاۋىن باشلىقى ئابلىكىم ئەزىز ۋە قاراماي شەھىرىدىكى مۇناسىۋەتلىك  ئورۇنلارنىڭ رەھبەرلىرى، كادىر ۋە خىزمەتچىلىرىدىن بولۇپ 400 دىن ئارتۇق كىشى  قاتناشتى.

پائالىيەتتە ئاپتونوم رايونلۇق ئەدەبىيات – سەنئەتچىلەر بىرلەشمىسى،  يازغۇچىلار جەمئىيىتىنىڭ رەئىسى ئازات سۇلتان، قاراماي شەھەرلىك خەلق  ھۆكۈمىتىنىڭ مۇئاۋىن باشلىقى ئابلىكىم ئەزىز سۆز قىلدى.  شائىرلىرىمىزدىن  سەمەت  ئابدۇراخمان قۇچىغۇن، ئەسقەر ياسىن، ئادىل تۇنىياز، ئەركىن نۇر، ئوسمان قاۋۇل،  ئىبراھىم نىياز، ئايبېك ئۆمەر ئۇيغۇرى، مۇھەممەت مەمتىلى، گۈزەلنۇر مۇتەللىپ، مەريەم مۇھەممەد، ئارزۇگۈل ئابدۇرېھىم، دىلنۇر ياسىن، ئەلىجان ئوبۇل خەنجەر، غالىپ توختى، ئەركىن  مۇھەممەد كامالى قاتارلىقلار ئۆز ئەسەرلىرىنى دېكلاماتسىيە قىلدى. قاراماي شەھەرلىك 2-ئوتتۇرا مەكتەپ ئوقۇغۇچىلىرى ۋەتەنپەرۋەر شائىر لۇتپۇللا مۇتەللىپنىڭ << جۇڭگو>>، ئاتاغلىق شائىر تىيىپجان ئېلىيوفنىڭ <<ۋەتەن ھەققىدە غەزەل>> ناملىق شېئىرلىرىنى دېكلاماتسىيە قىلغاندا كەيپىيات تېخىمۇ ئەۋجىگە چىقتى.

دىكلاماتسىيە پائالىيىتىنىڭ ئاخىرىدا شىنجاڭ ئۇيغۇر ئاپتونوم رايونلۇق  ئەدەبىيات-سەنئەتچىلەر بىرلەشمىسىنىڭ رەئىسى، شىنجاڭيازغۇچىلار جەمئىيىتىنىڭ  رەئىسى، ئاتاقلىق ئەدەبىيات تەتقىقاتچىسى، دوكتۇر يېتەكچىسى  ئازات سۇلتان  ئەپەندى «دەۋرمىلودىيەسى – شىنجاڭ شېئىرىيەت سەپىرى پائالىيىتى»نى ئۆتكۈزۈشنىڭ  ئەھمىيىتى،رولى ھەمدە مەدەنىيەتنى خەلق ئارىسىغا، نېفىتلىك ئىشچىلىرى ئارىسىغا  يۈزلەندۈرۈپ،زامانىۋى مەدەنىيەت يارىتىشنىڭ زۆرۈرلۈكى شۇنداقلا باش شۇجى شى  جىنپىڭنىڭ يېقىندائەدەبىيات-سەنئەت خىزمەتچىلىرى مەمەلىكەتلىك سۆھبەت يىغىنىدا  قىلغان مۇھىم سۆزىنىڭ روھى ھەققىدە لىكسىيە سۆزلىدى.

قاراماي شەھەرلىك ئەدەبىيات سەنئەتچىلەر بىرلەشمىسى پارتىگۇرۇپىسىنىڭ شۇجىسى، "مايبۇلاق" ژۇرنىلىنىڭ باش مۇھەررىرى دولقۇن تۇرغۇن پائالىيەتكە رىياسەتچىلىك قىلماقتا

قاراماي شەھەرلىك ھۆكۈمەتنىڭ مۇئاۋىن باشلىقى ئابلىكىم ئەزىز تەبرىك سۆزى سۆزلىمەكتە

ئاپتونوم رايۇنلۇق ئەدەبىيات - سەنئەتچىلەر بىرلەشمىسىنىڭ رەئىسى، يازغۇچىلار جەمئىيىتىنىڭ رەئىسى ئازات سۇلتان پائالىيەتتە سۆز قىلماقتا

ئەدىپ غالىپ توختى پائالىيەتتە مەرھۇم ۋارىسجان تۇردى (ۋارىس ھۆكۈمەت) نىڭ "قارمايغا مەدىھيە" ناملىق شىئېرىنى ئوقوماقتا

شائىر سەمەت ئابدۇراخمان پائالىيەتتە "ياخشى" ناملىق غەزىلىنى دىكلاماتسىيە قىلماقتا

شائىر مۇھەممەت مەمتىلى پائالىيەتتە "سالام ساڭا پىشقەدەملەر" ناملىق شىئېرىنى ئوقۇماقتا

شائىر ئادىل تۇنىياز پائالىيەتتە ئۆزىنىڭ "سۇ" ناملىق شىئېرىنى دىكلاماتسىيە قىلماقتا

شائىر، نەسىرچى ئوسمان قاۋۇل پائالىيەتتە ئۆزىنىڭ "ئۇ مېنىڭ يۈرىكىم ئىدى" ناملىق نەسىرىنى ئوقۇماقتا


شائىر ، ئەدەبىي تەرجىمان ئىبراھىم نىياز پائالىيەتتە ئۆزىنىڭ "قاراماينىڭ يۈرىكى" ناملىق شىئېرىنى دىكلاماتسىيە قىلماقتا


شائىر ئەسقەر ياسىن "ئېھ،ئانا مەن ساڭا ئوخشايمەن قەۋەت" ناملىق شىئېرىنى دىكلاماتسىيە قىلماقتا

شائىرە، نەسىرچى ئارزۇگۈل ئابدۇرېھىم ئۆزىنىڭ "قاراماينىڭ تىنىقى" ناملىق نەسىرىنى ئوقۇماقتا

شائىرە دىلنۇر ياسىن ئۆزىنىڭ "ئاتا قەسىدىسى" ناملىق شىئېرىنى ئوقۇماقتا

شائىرە مەريەم مەمتىمىن ئۆزىنىڭ "باغۋەنمەن" ناملىق شىئېرىنى ئوقۇماقتا

شائىر، ئەدەبىي تەرجىمان ئەركىن نۇر "بىر مۇھاجىرنىڭ تىلىدىن" ناملىق شىئېرىنى ئوقۇماقتا

يازغۇچى، نەسىرچى گۈزەلنۇر مۇتەللىپ "بۇ شەھەرنىڭ ئەركە قىزىمەن" ناملىق نەسىرىنى ئوقۇماقتا

شائىر ئايبەك ئۆمەر ئۇيغۇرى "ۋەتەن لىرىكىسى" ناملىق شىئېرىنى ئوقۇماقتا

ئوبزورچى، شائىر ئەلىجان ئوبۇل خەنجىرى ئۆزىنىڭ "مۇئەللىم" ناملىق شىئېرىنى ئوقۇماقتا


شائىر، يازغۇچى ئەركىن مۇھەممەت كامالى ئۆزىنىڭ "تاڭ لېرىكىسى" ناملىق شىئېرىنى ئوقۇماقتا

مانا مۇشىنداق ياخشى پالىيەتنىڭ داۋامى ئۈزۈلمىگەي!

پۈتۈن شىنجاڭ مىقياسىدا تەرتىپلىك ئېلىپ بېرىلىۋاتقان بۇ قېتىمقى پائالىيەت نۆۋىتىدە ئەدىبلىرىمىزنىڭ دەۋر تەقەززا بولۇۋاتقان ئەدەبىيات يۆنىلىشى بويىچە ئىجادىيەت قىزغىنلىقىنى يۇقۇرى كۆتىرىدىغان، يۇرت-ئايماقلاردىكى ئەدىبلەرنىڭ رىشتىسىنى باغلايدىغان تولىمۇ ئەھمىيەتلىك پائالىيەت بولۇپ، ھەرقايسى ناھىيە، يېزا قىشلاقلارغىچە كېڭەيتىلسە،ئىجتىمائىي ئۈنۈمى تېخىمۇ يۇقۇرى كۆتىرۈلگۈسى!

تېخى ئالدىنقى كۈنىلا ئوسمان قاۋۇل ۋە ئىبراھىم نىياز ئاكىلاردىن بۇ پائالىيەتنىڭ ئۇچۇرىنى ئاڭلاپ تولىمۇ سۆيۈنگەنىدىم. بۈگۈن توردىن بۇ پائالىيەتنىڭ مۇۋاپىقىيەتلىك ئۆتكۈزۈلگەنلىك خەۋىرىنى ئاڭلاپ بەكمۇ خۇش بولدۇم. مۇشۇنداق ئەھمىيەتلىك پائالىيەتلەرنى تەشكىللىگەن ۋە پائالىيەتكە قىزغىنلىق بىلەن ئىشتىراك قىلغانلارنىڭ تېنى ساغلام، زېھنى يەنىمۇ ئۆتكۈر، ئىجادىي ئىزدىنىشلىرى تېخىمۇ مول، ئۇتۇقلۇق بولسۇن !
قارامايدىكى مەرىپەت سۆيەر رەھبەرلەر ۋە دوستلارغا سەمىمىي سالام - ئېھتىرام! بۇ پائالىيەتنىڭ سۈرەتلىك كۆرۈنۈشلىرى بىزنى قارامايدىكى قەلەمكەش ئۇستازلار ۋە دوستلار بىلەن يەنە بىر قېتىم دىدارلىشىش پۇرسىتىگە ئېرىشتۈرىدۇ، بۇنىڭ ئۈچۈن تېما ئىگىسىگە ئالاھىدە تەشەككۈر ئېيتىمەن.

بۇ پائالىيەتنىڭ داۋاملاشقىنىدىن بەك خۇرسەن بولدۇم .

مۇبارەك بولسۇن

       بۇ پائالىيەت قەدىمىنىڭ پۈتۈن شىنجاڭنى بىر ئايلىنىپ، جۇڭغارنىڭ يۈرىكىگە جايلاشقان قارامايغا يېتىپ بېرىپ نېفىت ئىشچى-خىزمەتچىلىرى ئارىسىدا ياڭرىشى خۇشاللىنارلىق ئىش. بۇ پائالىيەتنىڭ ئىجابىي تەسىرى ۋە رولى تۆۋەن بولمىدى. بۇ خىل پائالىيەتلەرنى ھەرخىل ناملار بىلەن پات-پات ئېلىپ بېرىش كېرەكلىكىنى ھېس قىلدۇق، بولسا بۇلبۇللارنى ئالماشتۇرۇپ ئېلىپ بارسا، ئۈنىمى تېخىمۇ ياخشى بولىشى مۇمكىن. ئازاد مۇئەللىمگە ساقلىق يار بولغاي!

شىنجاڭ ئۇيغۇر ئاپتونوم رايونلۇق پارتكوم تەشۋىقات  بۆلۈمى ئۇيۇشتۇرغان بۇ پائالىيەتنىڭ قەدەممۇ قەدەم كىڭىيىۋاتقانلىقىمدىن خۇرسەن بولدۇم. بۇ مۇناسىۋەتتە قارامايدىكى بارلىق قەدىردانلارغا سالام يوللايمەن. تىما يوللۇغۇچىغا رەھمەت.

بەك ياخشى پائالىيەت ئىكەن،داۋامى ئۈزۈلمىگەي!بارلىق ئۇستاز،ئەزىزلەرگە،قەلەمكەش دوستلارغا سېغىنىشلىق سالام!

پائالىيەت رەسىملىرىدىن يەنە يوللاپ قويۇلسا،بەك ياخشى بولاركەن.قارىمايلىق قېرىنداشلارغا،ئۇستاز،قەلەمكەش دوستلارغا سالام! بۇ يازمىنى ئاخىرىدا   Ali تەھرىرلىگەن. ۋاقتى  2014-11-8 21:29  

پائالىيەت ئارىلىقدىكى ئېكىسكۇرسىيە ۋە زىيارەت


قاراماي نېفىتلىك موزىيىدا

[size=18.3999996185303px]قاراماي نېفىتلىك موزىيىدا

ئازات سۇلتان قارامايغا بېغىشلىما يېزىپ بەرمەكتە

ئادىل تۇنىياز قارامايغا بېغىشلىما يېزىپ بەرمەكتە

سېلىم بوۋىنى يوقلاش

قاراماي كۇتۇپخانىسىدا

رەئىس ئازات سۇلتان مۇخبىرلارنىڭ زىيارىتىنى قوبۇل قىلماقتا

دىكلاماتسىيە پائالىيىتىدىن كېيىن رەئىس ئازات سۇلتان قارامايدا زامانىۋى مەدەنىيەت ھەققىدە لېكسىيە سۆزلىدى


ئازات سۇلتان قارامايدىكى بىر قىسىم ئايال ئەدەبلەر بىلەن بىللە

رەئىس ئازات سۇلتاننىڭ لېكسىيەسىگە قاراماي شەھەرلىك پارتىكوم تەشۋىقات بۆلۈمىنىڭ مۇئاۋىن باشلىقى مۇتەللىپ كېرىم رىياسەتچىلىك قىلماقتا

رەئىس ئازات سۇلتان لېكسىيە سۆزلىمەكتە

دەم ئېلىش ئارىلىقىدىكى سۆھبەت

قارامايدىكى ئەدىبلەر يىغىلىشى