ھەسەت قىلىمەن
يېشىل دەرەخ ساڭا ھەسەت قىلىمەن،
مېنىڭ دەرەخلىرىم كەتتى قۇرۇپ.
شىلدىرلىغان سۇلار ساڭا ھەسەت قىلىمەن،
مېنىڭ دېڭىزىم كەتتى قۇمغا توشۇپ.
قۇش ،ساڭا ھەسەت قىلىمەن،
مېنىڭ پەرۋازىم ئۆلگەن!
چىمەنلەر سىزلەرگىمۇ ھەسەت قىلىمەن،
قۇياشنىڭ نۇرى ماڭا سىڭا چۈشكەن.
مەن ھاياتنى سۆيمىدىم ئەمەس،
ھايات ماڭا قىلدى بېخىللىق،
مۇھەببەتكە بولسام مەستانە ، ،
پۈرۇشتۇردى چىرايىنى، ئەجەپ بىر قىلىق؟
شامال ،ساڭا ھەسەت قىلىمەن،
تاغلىرىمنى سەندەك قېنىپ سۆيەلمىدىم.
قۇياش ،ساڭا ھەسەت قىلىمەن،ھەسەت،
مۇزلىغان يۈرەككە ھارارەت بېرەلمىدىم.
ئۆلۇم، ساڭىمۇ ھەسەت قىلىمەن، ھەسەت،
خۇرجىنىڭغا قاچىلايسەن، قويماي ھەممىنى،
بىراق مەن ئۆلتۈرەلمىدىم ھېچ،
ھەسرىتىمنى، دەرتلىرىمنى، قايغۇمنى.
ئېخ ھا يات،
مەن ئەمەس، ئەسلى سەن قىزغانچۇق،
شۇندىمۇ باغلىدىم ساڭا ئىشق،
ۋىجداننى ساقلىدىم پاكىز،غۇرۇرۇم ئەمەس كەمتۈك،
مەن ۋىجدانىمغا قىلمايمەن ھەسەت!
2010 .10.8
بۇ يازمىنى ئاخىرىدا مەسئۇد تەھرىرلىگەن. ۋاقتى 2012-3-31 21:52
يوللىغان ۋاقتى 2012-3-30 20:15:54
