ئابدۇرېھىم زۇنۇن: ئەللىكىنچى داۋان ئالدىدا [ئۇلانما كۆچۈرۈش]

                                               
ئەللىكىنچى داۋان ئالدىدا
     

سەبىيلىك گۈلزارىم قالدى يىراقتا،
بۇلۇتقا يەم بولدى ياشلىق قۇياشىم.
يۈز ئۆرۈپ باھارىم، قويدى پىراقتا،
سوغۇق كۈز يۈزلەندى بولۇپ قاياشىم.

ئاي، يىللار ئېتىلغان ئوقتەك ئۇچۇپ تېز،
ئاتلاتتى بىرى كەم ئەللىك داۋاندىن.
ئايلاندىم يېتىلگەن شىرغا، پۈكمەي تىز
چىشلەتتىم يەر، غالىب كېلىپ قاۋاندىن...

قار ياغقان چوققىغا ئايلاندى بېشىم،
كەچمىشلەر گۈل چەكتى يۈزلىرىمگە ھەم.
يامغۇردەك تۆكۈلدى ئۆكۈنۈش يېشىم،
بوش كەتكەچ غەنىيمەت پۇرسەتلەر ھەلەم.

بىلمەيمەن، داۋاندىن قالدى نەچچىسى،
ئالدىمنى تورايدۇ نېمىلەر يەنە؟
پۈتكەندە ئۆمرۈمنىڭ تەڭدىن تولىسى،
يۇلقۇندۇم بېرەي دەپ ھاياتقا مەنە.

ئارقامغا قايرىلىپ باقسام، بۇرادەر،
ئىزىمنى ئۆچۈرۈپ كەپتۇ شاماللار.
چېكەي دەپ تاشلارغا ئۆچمەس نەقىشلەر،
ئالدىم قول، يەلكەمگە قەلەم ــ قوراللار.

ھېچ ئىشقا پۇتلاشماس چېچىمدىكى ئاق،
تومۇردا قانلىرىم ئوقچۇپ ئاقىدۇ.
روھىم ياش، يۈرىكىم ئۇرۇپ تۇرار ساق،
تەپەككۇر قۇشۇممۇ قانات قاقىدۇ...

باقىمەن ئەتراپقا ياش بۈركۈت مىسال،
تىكىلسەم، پولاتنى تېشەر كۆز نۇرۇم.
سايرايمەن مۇنبەردە، تىلىم ئەمەس گال،
يول يۈرسەم، داڭگالچە بىلىنمەس قۇرۇم*...

كېلىمەن ھەر قاچان روھىمنى بىلەپ،
مۈشكۈللەر تېغىغا كۆكسۈمنى ئۇرۇپ.
يۈرمەيمەن بىراۋدىن رىزقىمنى تىلەپ،
چىڭدايمەن ھاياتلىق ئۇلۇمنى قۇرۇپ.

بېلىمگە چىگدىم چىڭ سۇبات پوتىسى،
پارقىرار قولۇمدا قەلەم ــ قىلىچىم.
ئارقامدا قالدى نى تىك تاغ يوتىسى،
ئۇچتۇم، چىڭ تارتىلغاچ جۈرئەت كىرىچىم.

بەل باغلاپ جەڭگاھقا ئات سالدىم بۈگۈن،
ئۆزۈمگە ھېچ كۆڭۈل بۆلمەيدىغاندەك.
بىلىمەن، يوق ئەمدى ماڭا ياخشى كۈن،
ئېكەيمەن ئۆزۈمنى ئۆلمەيدىغاندەك.

بولمىسا ئادەمدە ئۈمىد، ئېتىقاد...،
ھايۋاندىن پەرقسىز بولۇپ قالىدۇ.
تاغ يېرىپ، باشلىسام سۇ، بولۇپ پەرھاد،
ئەل يادلاپ روھىمنى، بەھرە ئالىدۇ.
...........
كۈرەشكە ئاتلاندىم يىغىپ پىكرىمنى،
گۈلۈم، باق ئەمەلىي ئىشىمغا، قېنى!
گەر ئۇتۇپ چىقمىسام رەقىبلىرىمنى
بۇ جەڭدە، ئەل: «ئوغلۇم» دېمىسۇن مېنى!
بۇ يازمىنى ئاخىرىدا   ئا.زۇنۇن تەھرىرلىگەن. ۋاقتى  2012-3-30 16:30  

  مۇنبەرگە تىزىملاتقاندا «ئابدۇرېھىم زۇنۇن» دەپ يازسام «پاتمىدى» دەپ تۇرىۋېلىپ، «ئا.زۇنۇن» دەپ يازسام قوبۇل قىلغانىدى. تولۇق ئىسمىمنى چىقىدىغان قىلىپ قويساڭلار. رەھمەت! بۇ يازمىنى ئاخىرىدا   ئا.زۇنۇن تەھرىرلىگەن. ۋاقتى  2012-3-30 16:31  

ئابدۇرېھىم مۇئەللىمگە ئوتلۇق سالام!

رەھمەت، ئىنىم بۈركۈت! بۇ يازمىنى ئاخىرىدا   ئا.زۇنۇن تەھرىرلىگەن. ۋاقتى  2012-3-30 19:34  

دىدار غەنىمەت مۇئەللىم ، سىلىگە ساقلىق يار بولغاي .

رەھمەت، سىڭلىم گۆھەر!

                 كېلىمەن ھەر قاچان روھىمنى بىلەپ،
                 مۈشكۈللەر تېغىغا كۆكسۈمنى ئۇرۇپ.
                 يۈرمەيمەن بىراۋدىن رىزقىمنى تىلەپ،
                 چىڭدايمەن ھاياتلىق ئۇلۇمنى قۇرۇپ.
ياخشى چىققان كۇپلىت.


يۈزىنچى داۋاندىنمۇ بىمالال ئۆتۈپ كېتىشىڭىزگە تىلەكداشمەن.

يۈزىنچى داۋاندىنمۇ بىمالال ئۆتۈپ كېتىشىڭىزگە تىلەكداشمەن.

   يالغۇزەك، تىلەكلىرىڭىزنىڭ ئىجابەت بولىشىنى تىلەيمەن. كۆپ رەھمەت!
   ئادەمدە نېمە كەم بولسا، شۇنىڭغا بەكرەك ئىنتىلىدىكەن. يېشىمنىڭ چوڭىيىشىغا ئەگىشىپ، ۋاقىنىڭ ناھايىتى تېز ئۆتۈپ كېتىۋاتقانلىقىنى ھېس قىلماقتىمەن. شۇڭا، قاملاشسىندۇر، قالماشمىسىندۇر كاللامغا كەلگەن ھېس-تۇيغۇلىرىمنى مۇشۇنداق خاتىرلەپ قويىۋاتىمەن. بۇنى ياخشى شېئىر دېگىلى بولمىسىمۇ، مېنىڭ بىر خىل تۇيغۇمدىن ئىبارەت...

      ھاياتلىق ـــ تۈگمەن

ھاياتلىق بىر تۈگمەن، ھەركىشى ــ ئۈگۈت،
بولىدۇ ئىككى تاش ئارىسىدا ئۇن.
بەزىلەر سوزۇلسا لەڭمەندەك ئۇزۇن،
تۈگىلەر بەزىلەر يۈرەك - باغرى خۇن...
بۇ يازمىنى ئاخىرىدا   ئا.زۇنۇن تەھرىرلىگەن. ۋاقتى  2012-3-31 16:33  

ئابدۇرېھىم مۇئەللىمنىڭ داۋانلاردىن دادىل ئۆتۈپ كېتىشىگە تىلەكداشمىز!
تاتلىق رۇبائىيلار ئۈزۈلمىگەي!

   سالام، ئابدۇرېھىم ئىنىم، سىزگە سالامەتلىك يار بولسۇن .

     ۋەئەلەيكومئەسسالام! سالامەتلىك ئۆزلىرىگىمۇ يار بولسۇن، ئىدىل ئاغا! ئۆزلىرىنى ئاسرىسىلا!

     مەرھابا ئەركىن! مەقسىتىڭىزنى چۈشەندىم، ھېچنېمە بولمايدۇ. رۇبائىيلارنى داۋاملىق يوللاپ تۇرىمەن. سىزگە سالامەتلىك يار بولسۇن، ئۆزىڭىزنى ئاسراڭ!

                      ئىككى پارچە

ئىشىك تاقاش ئۈچۈن قوزۇق، دەم كېرەك،
چارىپايغا ئوت - چۆپ، سامان، يەم كېرەك.
ھاياتلىقتا تۇرمۇش، روزغار ھەم كېرەك،
ئادەملەرگە شۇڭا ئەقىل، پەم كېرەك...
       ※    ※    ※     ※      ※  
ئالدىغا سېلىۋالدى كۆڭلۈم مېنى،
ئويلايمەن كېچە- كۈندۈز گۈلۈم، سېنى.
چۆرگۈلەپ بۇراڭ قويدەك تۇرالمايمەن،
دورا قىل بۇ كېسەلگە ئۆزۈڭ، قېنى...!

بۇ يازمىنى ئاخىرىدا   ئابدۇرېھىم زۇنۇ تەھرىرلىگەن. ۋاقتى  2012-4-22 23:11