ھايات يولۇمدا تۇرىسەن تاتلىق كۈلۈپ (نەسر) [ئۇلانما كۆچۈرۈش]

ھايات يولۇمدا تۇرىسەن تاتلىق كۈلۈپ. جۈپ كۆزلىرىڭدىن تارىغان سۆيگۈ ئوچقۇنلىرى ، ۋۇجۇد مەملىكىتىمنى كۆيدۈرۈپ، ساڭا ئاشىق خىياللىرىمنى سەرسانە قىلدى. ساڭا تەلمۈرگەن كۆزلىرىمدىن تامچىغان  تەنھالىق كۈتۈشلىرىم، يولۇڭغا تەلپۈنۈپ سەندىن سەدىقە تىلەيدۇ.  گۇگۇمدىكى مۇڭ باسقان ۋاقىتلاردا ياقا يىرتىپ يىغلىغان سۈكۈتلىرىم، ھىجراندىكى كەچمىشلىرىنى سېتىۋېتىپ، يۇلتۇزلارغا ئايلىنىپ كەتتى. يازنىڭ مەيىن  شامالىدا سەگىدەپ يۈرگەن ئىستەكلىرىم، ئۆمچەيگەن ئەسلىمىلىرىمگە بويۇنداپ قاراپ، زارىققان كۈنلىرىمگە ۋىزا بىجىرمەكتە.
ھايات يولۇمدا تۇرىسەن تاتلىق كۈلۈپ. ئوماق كۈلكىلىرىڭدە مەست بولغان تۇيغۇم، ئاتەش نەپەسلىرىڭگە تېۋىنغىنىچە ، يول-يوللاردا تۇرىدۇ بۇزلاپ. چۈشلىرىم گىرۋەكلىرىدە تىترەپ تۇرغان سېغىنىشلىرىم ، ئارمان سائىللىرىدا تۇرار مەڭدەرەپ. سۈزۈككىنە ھەسرەتلىرىم دومسايغان كىملىكىمدە رىۋايەت ئوقۇپ،  قەلبىم قەسرىسىگە شۇڭغىدى ئاستا.
ھايات يولۇمدا تۇرىسەن تاتلىق كۈلۈپ. مۇڭلانغان تەنھالىقىمغا رەڭلەر بېرىپ . ساڭا ئاشىق كۆزلىرىم  لەۋلىرىڭدە تۈنەيدۇ  ھەر تۈن. يۈرۈكۈم ئوردىسىدا ئىسيان كۆتۈرگەن ۋىسال دەملىرى ،ئۈمۈد مەيدانلىرىدا چالماقتا ساپايى. تاتلىق تاتلىق كۈلۈشلىرىڭدە ئىڭرىغان بەخت شولىسى ،سۆيگۈ پەسىللىرىمدە  تۇرار ناز قىلىپ.   

تىلى يەڭگىل ،لىرىكىلىق خۇۇسۇسىيەتكە ئىگە بوپتۇ.مەيىن شامالنىڭ شىۋىرلاشلىرىدەك.رومانتىكىلىقىمۇ گەۋدىلىنىپتۇ.لېكىن كارتىنا-كۆرۈنۈشلەرگە تويۇنالماي قاپتۇ.