خۇش خەۋەر : ‹‹مۇقام خۇمارى ›› نەشىردىن چىقتى.   [ئۇلانما كۆچۈرۈش]

خۇش خەۋەر : ‹‹مۇقام خۇمارى ›› نەشىردىن چىقتى.

شېئىرىيەت ساھەسىدە ئۆزىگەخاس يول تۇتۇپ ، كەڭ شېئىر ھەۋەسكارلىرىنىڭ قەلبىدە ئۆز ئوبرازىنى تىكلىگەن ئىقتىدارلىق ياش شائىر ، سۆيۈملۈك قېرىندىشىمىز غوجىمۇھەممەد مۇھەممەدنىڭ ‹‹مۇقام خۇمارى›› ناملىق تۇنجى شېئىرلار توپلىمى نەشىردىن چىقتى .
شىنجاڭ خەلق نەشىرىياتى نەشىر قىلغان مەزكۇر توپلامغا شائىر غوجىمۇھەممەدنىڭ ‹‹مەست مۇقام ›› ... قاتارلىق 167 پارچە شېئىرى كىرگۈزۈلگەن بولۇپ ، 168 بەت  . توپلامدىكى شېئىرلار ئومۇمى سەۋىيە جەھەتتىن غوجىمۇھەممەدنىڭ يۇقۇرى بەدىئىي ئىستىداتىغا ۋەكىللىك قىلالمىسىمۇ ، لېكىن ، غوجىمۇھەممەدنى ، ئۇنىڭ شېئىرى تالانتىنى چۈشىنىدىغان ؛ ئۇنىڭ بىر پارچە شېئىر توپلىمىغا نەقەدەر تەقەززا بولغان كەڭ شېئىر ھەۋەسكارلىرىنىڭ چوقۇم بىر قىتىم ئوقۇپ چىقىشىغا ئەرزىيدۇ .  

مۇبارەك بولسۇن!  بولسا كىتابنىڭ مۇقاۋا، مۇندەرىجىسىنى سۈرەتلىك يوللاپ قويسىڭىز،  كۆرسەك بولاتتى.

بۇ  ئەدەبىيات ئاشىنالىرى ئۈچۈن كاتتا خوشخەۋەركەن...

دوستۇم غوجىمۇھەممەد مۇھەممەدگە مۇبارەك بولسۇن

قەھرىمان ئەپەندى ، ئالدىڭىزدا تولىمۇ خىجىلمەن . كىتاب تۈنۈگۈن ئۈرۈمچىدىن يولغا چىققان بولۇپ ، ھىلىغىچە غوجىمۇھەممەدنىڭ قولىغا تەگدى بەلكىم . ئۈرۈمچىدىكى بۇرادەرلەرنىڭ مەلۇماتىغا ئاساسەن يوللانغان بۇ تېمىغا ، كىتاب مۇقاۋىسىنى قىستۇرالمىدىم ، شۇڭا ئۆزرەمنى ئىلىك ئېلىپ ، مۇنبەرداشلارنىڭ تەخىر قىلىپ تۇرۇشىنى ئۆتۈنىمەن .  

مۇبارەك بولسۇن ئىنىم !  بىر شائىرنىڭ تۇنجى كىتابى خوشاللىقلار ئىچىدىكى ھەقىقى خوشاللىق . كەلگۇسىدە توم - توم كىتابلىرىڭ چوقۇم چىقىدۇ . مەن بۇنىڭغا ئىشىنىمەن . اللا - ھەممىمىزنى ئامان قىلسۇن . ئائىلەڭگە خوشاللىق ، قەلىمىڭگە بەركەت تىلەيمەن .

مۇبارەك بولسۇن

ئاخىرى غۇجىمۇھەممەد ئاكامنىڭ شېئىر توپلامىنى ۋاراقلاپ تۇرۇپ ئۇقۇيدىغان بولۇپتۇقتە... بەك ئۇزاق كۈتكەن ئىدۇق....

شائىرغا ئۇنىڭ كىتابى ئارلىق مۇبارەك بولسۇن.

مېنىڭچە غوجىمۇھەممەت، ئاسىمجان قاتارلىق ئىنىلىرىمىزنىڭ ئەسەرلىرى كەلگۈسى شىئېرىيەت قەسرىمىزنىڭ ئاساسىي تۈۋرىكى بولۇپ سانىلىشى مۈمكىن. ئۇلارنىڭ كىتاپلىرى چوققۇم تۈ*ركۈملەپ نەشر قىلىنىدۇ. ئۇلار ئەدەبىياتىمىزغا قوشقان ئەجىرلىرىگە يارىشا ھۆرمىتىمىزگە نائىل بولىدۇ. بۇنىڭغا ۋاقىت بىرنىمە دىسۇن. دىلى پاك بۇ قەلەمكەشلىرىمىزنىڭ ئۈمىدلىرىمىزنى يەردە قويمايدىغانلىقىغا ئىشىنىمەن!

مۇبارەك بولسۇن ، ئاستا كىتاپخانىغا بىرىپ ئىككى تال ئېلىۋالاي ، ئەتە ئۆگۈن تاپقىلى بولماي قالىدۇ چوقۇم ....

ئاغىينەمنى قىزغىن تەبرىكلەيمەن.

مۇبارەك بولسۇن ! مەنمۇ غۇجىمۇھەممەتنىڭ ئوقۇرمىنى ئىدىم، بولسا كىتاب مۇقاۋىسى يوللانغان بولسا ياخشى بولاتتى. ئەلۋەتتە سېتىۋالىمىز !

غوجىمۇھەممەتنىڭ  يىڭىدىن نەشىر  قىلىنغان  شېئىرلار  توپلىمىنى  مۇبارەكلەش بىلەن بىرگە ،ئۇنىڭ تىنىگە سالامەتلىك،تۇرمۇشىغا خاتىرجەملىك،ۋە ئىجادىيتىگە چەكسىز  ئۇتۇق تىلەيمەن!!!