مىرئەھمەد مامۇت ؛ ئىككى شېئىر [ئۇلانما كۆچۈرۈش]

ئىككى شېئىر


مېنىڭ ئەمەس سەندىكى ئارمان



سەن بولغۇدەك ئەمەسمەن ، ئەمەس ،
بولالمايسەن سەنمۇ مەندەك مەن .
كېلەلمەيسەن باھارنى باشلاپ ،
ساھىللارغا نۇر چاچقان بىلەن .


سېنىڭ ئەمەس مەندىكى سۆيگۈ ،
مېنىڭ ئەمەس سەندىكى ئارمان .
بولغان بىلەن تۇنجى مۇھەببەت ،
ئۆلگەن بىزدە ئوتلۇق ھاياجان .


ئېلىپ كەتتىڭ مىھرىڭنى مەندىن ،
ئېلىپ كەتتىم سۆيگۈمنى مەنمۇ .
بەزەن توزۇپ كېتەركەن سۆيگۈ ،
ئىككى يۈرەك كۆيگەن بىلەنمۇ .




مەن شېئىرنى ئۇنتىغان كۈندە



تۇيغۇلىرىم كەتتى ئىزىقىپ ،
كۆرۈنمىدى شېئىر چۈشىمدە .
ھاياتىمنىڭ كەتتى شادلىقى ،
مەن شېئىرنى ئۇنتىغان كۈندە .

مۇساپىردەك يۈردۈم توختىماي ،
مەنزىل قايان بىلمىدىم ئەسلا .
مەن يادلىغان ئاشۇ شېئىرنى ،
بىر رەت ئەسلەپ باقمىدىم قايتا.

تۇتالمىدىم ئۆزۈمنى تەمكىن ،
ھىسلىرىمنى ئىپ كەتتى شامال .
ئارزۇلارمۇ گۈم بولدى ، ئۆلدى ،
مەندىن رەنجىپ يوقالدى ۋىسال .


قالدىم يالغۇز ، قالدىم يىگانە ،
ئەسلىمەمدە يوقتۇر ھىچنىمە .
ئون بەش كۈن ئۇ ئون بەش مىڭ ئازاپ ،
مەن شېئىرنى ئۇنتىغان كۈندە .

بۇ يازمىنى ئاخىرىدا   مىرئەھمەد مامۇت تەھرىرلىگەن. ۋاقتى  2012-5-4 22:10  

ئىنىم كىچىك تۇرۇپلا يازغان شېئىرلىرىڭىزدىن سۈيۈندۈم ،  كەلگۈسىدە تېخىمۇ كۆپ ئىجادىيەتلەرنى قولغا كەلتۈرۈشۈڭىزگە تىلەكداشمەن ،قوللىرىڭىزغا دەرت كەلمىسۇن .

شېئىرىڭىز ياخشى چىقىپتۇ. بۇندىن كېيىنكى ئىجادىيەتلىرىڭىز گە تېخىمۇ يۇقىرى پەرۋاز تىلەيمەن.

شىئېرىڭىزنى ياقتۇردۇم ،مۇشۇنداق يېقىشلىق ، تېتىملىق مىسرالىرىڭىز ئۆكسۈپ قالمىغاي .

    شېئىرىڭىزنى مەنمۇ ياقتۇردۇم، سىزگە تېخىمۇ زور نۇسرەتلەر يار بولغاي!

ئېلىپ كەتتىڭ مىھرىڭنى مەندىن ،
ئېلىپ كەتتىم سۆيگۈمنى مەنمۇ .
بەزەن توزۇپ كېتەركەن سۆيگۈ ،
ئىككى يۈرەك كۆيگەن بىلەنمۇ .


ماڭا  ماۋۇ كۇبلىتى بەك يارىدى.... ئىنىم، قەلىمىڭىز بەرىكەتلىك بولغاي....

ئۇستازلاردىن يۇلۇز ، ئابدۇقادىر سادىر ، ئابلەت قادىرى ، ئابدۇرىھىم زۇنۇن ، مۇھەممەد توختىلارنىڭ ئاددىي يازمامنى ياختۇرۇپ كۆرگىنگە كۆپ رەخمەت . سىلەرگە يارىغۇدەك شېئىر يازالىغىنىمدىن پەخىرلىنىمەن . مەن تىخىمۇ ياخشى شېئىر يېزىش ئۈچۈن تىرىشىمەن .