«شىنجاڭ شېئىرىيەت سەپىرى» دېكلاماتسىيە پائالىيىتى ئېلىپ بېرىلدى

سەپەر قىلسا شېئىرىيەت،
زوق ئالىدۇ خەقىيەت.
تەشنە بولغان چاڭقاق روھ-
يايراپ كۈلەر  غەلبىيەت...

ئىبنۇرى كۆزئەينەك تاقاپ تۇرۇپ يازغان «خەقىيەت» دېگەن سۆزنى مەنمۇ كۆزئەينەك تاقاپ تۇرۇپ ئوقۇپ باقسام «خەلقىيەت» بولۇپ كۆرۈنگەندەك قىلدى ... مەن خاتا ئوقۇۋالمىغاندىمەن ھە ؟  

5-ئاينىڭ 15-كۈنى <<شىنجاڭ شېئىرىيەت سەپىرى >> دېكلاماتسىيە ئۆمىكى خوتەن پىداگوگىكا ئالى تېخنىكومىدا دېكلاماتسىيە پائالىيىتى ئېلىپ باردى. پائالىيەتكە خەلق قۇرۇلتىيى خوتەن ۋىلايەتلىك خىزمەت كومىتىتىنىڭ مۇدىرى ئۆتكۈر ئالىم،ئاپتونوم رايونلۇق ئەدەبىيات – سەنئەتچىلەر بىرلەشمىسى، يازغۇچىلار جەمئىيىتىنىڭ مۇئاۋىن رەئىسى غەيرەت ئاسىم،خوتەن ۋىلايەتلىك مەمۇرى مەھكىمىنىڭ مۇئاۋىن ۋالىسى گۈلنىساخان مەتنىياز قاتارلىق رەھبەرلەر ۋە خوتەن ۋىلايىتىدىكى يازغۇچى، شائىرلار، ئوقۇتقۇچى - ئوقىغۇچىلاردىن بولۇپ 1000 دىن ئارتۇق كىشى قاتناشتى.خوتەن دىيارىدىكى شائىرلاردىن ئابدۇللا سۇلايمان، ئابدۇقادىر سادىر، مۇختار سۈپۈرگى، ئابدۇرىشىت ئېلى قاتارلىقلار پائالىيەتتە شېئىر ئوقىدى. خوتەن يېڭى قاشتېشى سەنئەت ئۆمىكىنىڭ ئارتىسلىرى پائالىيەت ئارلىقىدا سەنئەت نومۇرلىرىنى ئورۇنداپ بەردى.

    «شئېرىيەت سەپىرى»نىڭ قەدىمى بۈگۈن 16-ماي ئەتىگەن سائەت 8:00 دە قاراقاش دىيارىغا يىتىپ كەلدى. شېئىر دىكلىماتسىيە قىلىش پائالىيىتى ناھىيەلىك كىنو-تىياتىرخانىدا ئۆتكۈزۈلمەكچى. ئەپسۇسكى، بۈگۈن «ئۈچ ئەل»خىزمىتى تەكشۈرۈلىدىغان بولغاچقا نەخمەيدانغا قاتنىشالمايدىغان بولدۇم. ئىسىت!

دوستۇم ئابدۇرېشىت، دوپپا ساڭا بەكمۇ يارىشىپتۇ. دوپپا كېيىپ شېئىر ئوقۇۋاتقان سۈرىتىڭ ماڭا پىشقان قەلەم ئەھلىلىرىنىڭ مەردانە تۇرقىنى ئەسلەتتى. ساڭا يەنىمۇ كاتتا سەھنىلەر نىسىپ بولغاي!
شۇ قاتاردا يەنە ئابدۇللا سۇلايمان، ئابدۇقادىر سادىر ۋە مۇختار سۈپۈركى قاتارلىق ئۇستاز شائىرلارنىمۇ تەبرىكلىگۈم كېلىۋاتىدۇ: مۇبارەك بولسۇن ئۇستازلار!

5-ئاينىڭ 16- ۋە 14-كۈنلىرى قارقاش ناھىيەسى ۋە خوتەن ناھىيە باغچى مەركىزى باشلانغۇچ مەكتىپىدە ئۆتكۈزۈلگەندېكلاماتسىيە پائالىيەتلىرىدىن كۆرۈنىشلەر

شائىر ئابدۇرېشىت ئېلىنىڭ ئۈندىدارىمغا قالدۇرۇپ قويۇشىچە، بۇ پائالىيەت بۈگۈن چۈشتىن بۇرۇن قارقاشتا ئۆتكۈزۈلۈپتۇ.
.......
تەكلىپىم: ھەرقايسى يۇرت،شەھەرلەردىكى مۇشۇ پائالىيەتكە قاتناشقان دوستلارنىڭ ھىچبولمىسا يانغۇندا تارتقان نەق مەيدان سۈرەتلىرى بولسىمۇ، ۋاقتى-ۋاقتىدا تەمىنلەپ تۇرۇشنى ئۈمىد قىلاتتىم. تولىمۇ ئەپسۇس... ھەممەيلەن بەك ئالدىراش ئوخىشايدۇ.

5-ئاينىڭ 16- ۋە 14-كۈنلىرى قارقاش ناھىيەسى ۋە خوتەن ناھىيە باغچى مەركىزى باشلانغۇچ مەكتىپىدە ئۆتكۈزۈلگەندېكلاماتسىيە پائالىيەتلىرىدىن كۆرۈنىشلەر

5-ئاينىڭ 16- كۈنى «دەۋىر مىلودىيەسى-شىنجاڭ شېئىرىيەت سەپىرى» مۇشائىرە پائالىيىتىگە قاتناشقان ئەدىبلەر خوتەن شەھىرىدە شائىر، ئەدەبىي تەرجىمان مۇھەممەت چاۋار ئاكىنىڭ ئۆيىگە بېرىپ ئۇنى يوقلىدى ھەم سالامەتلىكىنىڭ تېزدىن ئەسلىگە كېلىشىنى ئۈمىد قىلىپ ياخشى تىلەكلىرىنى بىلدۈرۈشتى.

بۇ ئۇزۇن سەپەر ناھايىتى ئەھمىيەتلىك مەنىلىك بوپتۇ.  مۇشۇنداق پائالىيەتلەرنىڭ ئايىغى ئۈزۈلمىگەي.

ئەدىپلەر خوتەن پېداگوگىكا ئالىي تېخنىكومىدا :





بۇ يازمىنى ئاخىرىدا   پەرھات كازىم تەھرىرلىگەن. ۋاقتى  2014-5-17 19:05  

ئەدىپلەر خوتەن پېداگوگىكا ئالىي تېخنىكومىدا :




]





بۇ يازمىنى ئاخىرىدا   پەرھات كازىم تەھرىرلىگەن. ۋاقتى  2014-5-17 19:27  

شائېر بەختى نەدىكەن
(«شىنجاڭ شېئىريەت سەپرى» شېئىر دىكلمامۇشائېرە پائىليىتىگە بېغىشلاپ )

ئابدۇغوپۇر ئۆمەر مەرگەن
شېئىر سۆيگۈ ئەلچىسى ئەل-ئاۋامغا ئەزەلدىن،
چۈنكى مۇھتاج ۋەتەنمۇ مۇھەببەتكە، پەرۋىشكە.
نەگە بارماي ئارمىنىم ئەل قەلبىدە ياشنىماق،
شائېر بەختى ئوخشايدۇ جاھان كەزدى دەرۋىشكە.

قەلەملىرىم ئۇھسېنىپ يىغلاپ كىتەر بەزىدە،
ئەلمىساقتىن شائېرلار خالىي ئەمەس قايغۇدىن.
ئانا يۇرتۇم ئىشقىدا كۈل بولغاچقا بۇ يۈرەك،
كېچەلمىدىم ھەر دەقىق مۇھەببەتلىك تۇيغىدىن.

كەلدىم مەھمۇد، نەۋائىي، لۇتۇنلارغا ئەگىشىپ،
قۇلاق ياقتىپ كۈن بويى شائېرلارنىڭ سۆزىگە.
ھەسرەتلىرىم قاپسىلىپ تۇرار يۈرەك قېتىمدا،
باقتىم مۇڭلۇنۇپ ئەل-ئاۋامنىڭ كۆزىگە.

زېھنىم ئۆتكۈر قىلىچتەك تىغ ئۇرسىمۇ رەقىبلەر،
تاۋلىنىدۇ شېئىرلا قېىم ھەتتا گېنىمدا،
مۇھەببەتلىك ئالەمگە تۆرەلگىنىم ئۈچۈنلا،
شائېرلارنىڭ كۈلكىسى ھامان ھاياجىنىمدا.

شۆھرەت پەرەس كىشلەردىن ئۆمۈرۋايەت  يىراق مەن،
ئىنساپسىزلىق يات ماڭا ئىش تۇتمايمەن قاۋاندەك.
سەتچىلىككە قالغۇم يوق يىرتىق چاپان كىيسەممۇ،
يات ئەر بىلەن بىر ئۆيدە تۇتلۇپ قالغان جۇۋاندەك.

لاپ ئۇرمايمەن ھىچكىمگە مەنمەنچىگە كىم خۇشتار،
قەلبىم سىغار پەقەتلا مېنڭ كىچىك كىمەمگە.
پەرىقلىققۇ چىن ئىنسان ھايۋان بىلەن پۈتۈنلەي،
ئەل قاتارى چوڭ بولۇپ كۆرەڭلەيتىم نېمەمگە.

ئەل سۆيگۈسى يورتىدۇ تۈنلەردىمۇ دىلىمنى،
قەلەم تۇتۇپ تالاي تاڭ ئاتتى شۇڭا ھەمىشە.
چارچىساممۇ ئۇيقۇسىز شۇ بىچچارە تۈنلەردە،
ئېلھام مېنى يۆلەيدۇ قىلىپ مەندىن ئەندىشە.

يىقىلساممۇ تالاي رەت يىتۋالمىدىم چاپلىشىپ،
پەستە قالدىم مەن خالاس چىقتى ۋىجدان پەللىگە.
ئۈمۈد ماڭا يار-يۈلەك ئىشەنمىسەڭ قاراپ باق،
باچكىسى بار پاختەكنىڭ تۈركى سۇنغان چەللىدە.

ئاتا-ئانام تاپلىغان «ئەلدىن چىقما بالام »دەپ،
ئاۋام-خەلق مىسالەن ئوخشايدىكەن دېڭىزغا.
ئۇنۇتمايمەن شۇ سەۋەپ ھوسۇل ئالسام ئېتىزنى،
رەھمىتىم بار ھەتېخى يەردە قالغان ئېڭىزغا.

ئەلدىن ئەزىز نېمەم بار ئەل ئوغلىمەن زىلالدەك،
ئېگىلمەسكە ھەددىممۇ لاچىن ئۇۋسى يەدىكەن.
ئەل ئىشىمۇ ئۆز ئىشىم ۋايسىمايمەن شۇ سەۋەب،
ئەل-ئاۋامنىڭ ئالقىشى-ئەسلى شائېر بەختىكەن.
2014-يىلى 16-ماي

بۇ يازمىنى ئاخىرىدا   -مەرگەن- تەھرىرلىگەن. ۋاقتى  2014-5-18 01:29  

يۈرەك تىۋىشلىرنى ئاۋامغا يەتكۈزۈپ ،دىللارنى - دىللارغا تۇتاشتۇرۋاتقان سەپەردىكى موھتىرەملەرگە ھاردۇق يەتمىگەي.

    شېئېرىيەت كارۋانلىرىنىڭ مۇساپىللىرى  نۇرانە مەنزىلگە قەدەملىنىپتۇ!  بۇ ئەھمىيەتلىك پائالىيەتلەر تۈرۈتكۈسىدە چوغلانغان ئوت يۈرەك  ئەدىپلىرىمىزنىڭ خاسىيەتلىك قەدەملىرىدىن گۈللەر ئۈنگۈسى.