يانغىن : بىر ئايال مۇساپىر جېنىمدىن ئۆتتى

يانغىن · ۋاقتى: 2014-3-5 04:02:11


	بىر ئايال مۇساپىر جېنىمدىن ئۆتتى تاش يېقىلار ئاياقلىرىمغا، قان كېچىمەن ھەر بىر قېنىمدىن. قىلىچىنى يالىڭاچلىغان، بىر ئايال مۇساپىر ئۆتەر جېنىمدىن. قولۇم يەتمەيدۇ ئۇنىڭ قولىغا، قانداق يېتىمەن ھالىغا ئۇنىڭ. چاك چاك بولۇپ تىتىلماقتىمەن، مەن تۇرۇپمۇ بويىدا سۇنىڭ. مېنى كەچۈرگىن دىگۈم كېلىدۇ، مېنى كەچۈر دەيدۇ كىم ماڭا؟ بىر ئۆمۈر غېرىبمەن، بىر ئۆمۈر يالغۇز، باشقىنى بەرمەيمەن بەلكىم مەن ساڭا ..

ئەكبەرجان`ئوپال · ۋاقتى: 2014-3-5 04:40:13

سىرىنگۈل · ۋاقتى: 2014-3-5 08:58:22


	شىېرىڭىز بەك ياخشى چىقىپتۇ ئىنىم

قەلبىنۇر ئېلياس · ۋاقتى: 2014-3-5 10:02:56


	ماۋزۇ تولىمۇ چىرايلىق قويۇلۇپتۇ . تاش يېقىلار ئاياقلىرىمغا، قان كېچىمەن ھەر بىر قېنىمدىن. قىلىچىنى يالىڭاچلىغان، بىر ئايال مۇساپىر ئۆتەر جېنىمدىن. روھى دۇنيادىكى سېغىنىشقا گىرەلىشىپ كەتكەن ئىلاجىسىزلىق ۋە مۇھتاجلىقتەك چىن ئىنسانى تۇيغۇنى بۇ مىسرالاردا ئۇچراتتىم. شئېر بەلكىم مۇشۇنداق تۇيغۇ ھاسىلاتىدۇر .

yultuzay0997 · ۋاقتى: 2014-3-5 12:27:52


	ئىجات تۇلپارىڭىز ھارمىغاي ، بەك ياخشى چىقىپتۇ . بۇ يازمىنى ئاخىرىدا yultuzay0997 تەھرىرلىگەن. ۋاقتى 2014-3-5 12:28

ئايتېكىن · ۋاقتى: 2014-3-5 13:41:37


	يۈرىكىمنى مۇجۇقلاپ تۇرۇپ، قوللۇرۇڭنى سۇنغانسەن قايان. تۇرسا ئاچچىق نىدالىرىمدا، خۇن يۈرەكنىڭ قىسمىتى بايان. ھەر بىر سۇغۇق تىنىقلىرىمدا ، بىر گۈلخاننىڭ باردۇر نالىسى. كەچۇر دىيىش ،كېچىش نە ھاجەت؟ تەڭ تىلىنسا قەلىب يارىسى. ئۆرتەندىم -يۇ ،ئاڭلىتالمىدىم، قەلبىڭ مەندىن ئىكەن بەك يېراق، پۈتكۈل دۇنيا شاھىت سۆيگۈمنى ، نىچۈن سەنلا بىلمەيسەن بىراق؟

بەرگىيە · ۋاقتى: 2014-3-5 17:12:33


	شېئىرنىڭ ماۋزۇسى بەكلا دىققىتىمنى تارتتى. قات-قېتىمدىن سۆكۈلۈپ تۇرۇپ مەن مۇساپىر ئاياغلىرىڭدا..... دىگەن مىسرالار يادىمغا يەتتى.

gulbeden · ۋاقتى: 2014-3-5 21:31:37

تاشبالق · ۋاقتى: 2014-3-5 21:34:10


	شىئىرلىرى چۈش بىلەن رىئاللق گىرەلىشىپ كەتكەندەك تۇيغۇ بىرىدىكەن. ياقتۇردۇم.

gulbeden · ۋاقتى: 2014-3-5 21:46:28


	بىر ئايال قەلبىڭدە مۇساپىر بولدى بىر ناخشا قەلبىڭدە بولدى ئېيتىلىپ بىر ھىجران كىملەرنىڭ باغرىنى تىلدى؟ بىر چەكسىز ھەسرەتكە يېقىلىپ تۇرۇپ بىر ئايال قەلبىڭدە مۇساپىر بولدى .. سېغىنار بەلكىم ئۇ دەرتلىك قەلبىدە سېغىنار لاچىنىڭ سوققان توشقاننىڭ جاڭگالدا پارلىغان ئۆي- ئۇۋىسىنى سېغىنار بەختىنى بەختى قاچقاننىڭ ئۇ ئاڭلاپ ئولتۇرۇپ زار يىغىسىنى بىر ئايال قەلبىڭدە مۇساپىر بولدى بىر ئايال قەلبىڭدە مۇساپىر بولدى! مىڭ پاي ئوق قەلبىگە تېگىدۇ ئەمدى ئېتىڭنىڭ ئالدىدىن ئاشقان سارغايغان ساماندەك سارغىيىپ ئۆتىدۇ ئەمدى .. بۇ يازمىنى ئاخىرىدا gulbeden تەھرىرلىگەن. ۋاقتى 2014-3-5 21:47

دىلداش · ۋاقتى: 2014-3-5 23:53:33

يانغىن · ۋاقتى: 2014-3-6 00:31:22


	سېنى دېدىم گۈل ئېچىلدى ، گۈلنى دېمىدىم ، سۇ ئېچىلدى سۇنى دېمىدىم . سەن ئېچىلماي تۇرغىنىڭ بىلەن، سېنى دېدىم،سېنىلا دېدىم . شاخلىرىڭغا قولۇم يەتمەستۇر، چاچلىرىڭغا قولۇم يەتمەستۇر. بوسۇغاڭغا يېقىلدى كۆڭلۈم، قوغلىساڭمۇ يەنە كەتمەستۇر. سېنى دېدىم، جان سېنى دېدىم، بىر قېتىممۇ دېمىدىڭ مېنى. سېنى سۆيۈش گۇناھىم بولسا، مىڭ قامچا ئۇر، چاچلىرىڭ قېنى ؟

يانغىن · ۋاقتى: 2014-3-6 00:57:54


	بىر لۈكچەكنىڭ ھەسرىتى بىگىزنىڭ ئۇچىدەك بارماقتىن كىرىپ، يۈرەكتىن چىقىدۇ ئاسىي خىياللار. بىرتال يىلاندەك سوزۇلۇپ ياتتىم، پىچاقتەك ئۆتىدۇ قاتىل ئاياللار . كېچىرەڭ چاچلىرى مېنىڭ بوينۇمدا، قىل ئارغامچىلار ئۆتتى جېنىمدىن. بىرگۈزەل ئايالنى قۇچاغلاپ ياتسام، بوغما يىلانلار قوپتى يېنىمدىن. يۈگۈردۈم -يۈگۈردۈم مەيدەمنى ئاچتىم تاشلارغا تامچىغان قېنىم گۈل بولدى. چۈشۈمدە بىر ئايال كۈلگەنتى تاتلىق، بۇلۇتنىڭ ئېتىكى يەنە كۈل بولدى..

مەھلىيا · ۋاقتى: 2014-3-6 01:02:04


	بارمىقىڭ قاناتقان ئاھۇ-زارىمنىڭ، ئاخىرقى مەنزىلى يۈرۈكۈڭ ئىدى. يىلاندەك سوزۇلۇپ ياتقان چېغىڭدا، بىرلىرى-سەن ئۇنىڭ قاتىلى،دېدى. چاچلىرىم پايانداز ئۆتەر يولۇڭغا، كېچىنىڭ زۇلمىتى-ھېجراننىڭ رېڭى. بىر بىھۇش ئايالنى قۇچاقلاپ ياتساڭ، بىرلىرى-سەن ئۇنىڭ قاتىلى،دېدى. يۈگۈردۈڭ،يۈگۈردۈڭ مەيدەڭنى ئاچتىڭ، بار ئىكەن كۆكسۈڭدە كەچمىشنىڭ دېغى. چۈشۈڭدە جىلمىيىپ كۈلگەن چېغىمدا، بىرلىرى-سەن ئۇنىڭ قاتىلى،دېدى.

ئۈمىدجان قادىرى · ۋاقتى: 2014-3-6 01:11:43


	بۇ لىرىكىنى كېچىكىپ كۆرگىنىمدىن خىجىلمەن.شائىرنى قۇتلۇقلايمەن.