يانغىن : بىر ئايال مۇساپىر جېنىمدىن ئۆتتى

رۇزى كېرەم يارى · ۋاقتى: 2014-3-7 12:59:15


	مۇھەببەت سەن نېمە دېدىم يېنىشلاپ ، ئۇ دېدى : مۇساپىر روھنىڭ قاتىلى ...

گۆر · ۋاقتى: 2014-3-7 13:06:16


	يانغىن يوللىغان ۋاقتى 2014-3-6 00:31 سېنى دېدىم ماۋۇ شېئىرىڭىزنى ياقتۇردۇم

گۆر · ۋاقتى: 2014-3-7 13:13:01


	gulbeden يوللىغان ۋاقتى 2014-3-5 21:46 بىر ئايال قەلبىڭدە مۇساپىر بولدى بىر ناخشا قەلبىڭدە ب ... يەنىلا گۈلبەدەننىڭ لىرىكىللىرىدىن گۈزەللىك پارلاپ تۇرىدىكەن

زۇلفىيە · ۋاقتى: 2014-3-7 16:07:40


	يانغىن ، بۇ بىر بۆلەك لىرىكىلىرىڭىزنى سۆيىنىش ئىچىدە ئوقۇپ چىقتىم . ....

تۆرىبەگ قىزى · ۋاقتى: 2014-3-7 16:55:50


	يانغىن بولۇپ ياندىڭ ئۆچمىدىڭ ، پەرۋانىلەر بولدى مەھلىيا . كۆكتە يۇلتۇز ئايلار گۈلبەدەن، گاھ مەلىكە، گاھ جۇلدۇر كىپەن . بىر تۈپ سېرىن قاقشال سۆگەتتەك ، قەلبى نۇرغا ئىشىكىڭ قىيا . دىلداشلىرىڭ، قەلبداشلىرىڭ ، سېنى دېدى، سېنىلا دېدى، ۋادەرىخا ، ئاھ ۋادەرىخا ( سەن قەلبىدە بولساڭ ئۇلارنىڭ ئۇلار سېنىڭ نەرىڭدە ئىدى)....؟

يانغىن · ۋاقتى: 2014-3-9 01:31:14


	بىز ئىككىمىز ئىككى تەرەپتە بىز ئىككىمىز ئىككى تەرەپتە مېنىڭ كۈنۈم يەنە قارايدى سېنىڭ يۈزۈڭ كۈلگىنى بىلەن ئىككى قولۇڭ قانغا بويالدى سەن نېمىشقا يۈرىكى قارا ؟ مەن نېمىشقا جىگىرى يارا ؟ قويساڭ مۇشۇ ئەسلى ئالەمنى كېتەي مەشرەپ چۆللىكى ئارا بىر قىز مېنىڭ باغرىمنى تىلدى قىلدى مېنى دوزاققا راۋان تىرىك تۇرۇپ كۆيدۈم جاھاندا كىمنىڭ دەردى كىملەرگە ئايان ؟ ..

ئەلرام · ۋاقتى: 2014-3-9 17:26:56


	يانغىن يوللىغان ۋاقتى 2014-3-9 01:31 بىز ئىككىمىز ئىككى تەرەپتە سەن نېمىشقا يۈرىكى قارا ؟ مەن نېمىشقا جىگىرى يارا ؟ قويساڭ مۇشۇ ئەسلى ئالەمنى كېتەي مەشرەپ چۆللىكى ئارا بۇ كۇپلىتنى تۆۋەندىكىدەك ئوقۇپ باقتىم ئىنىم؛ نە سەۋەپتىن يۈرىكىڭ قارا؟ ھەم نېمىشقا بۇ كۆڭلۈم يارا؟! ئويلا؛ قويساڭ ئەسلى ئالەمنى، كېتەي، مەشرەپ چۆللرى ئارا. سەۋەبىنى چۈشەندۈرمىدىم ئىنىم، كۆرسىلا بىلىدۇ دەپ.

gulbeden · ۋاقتى: 2014-3-9 22:52:01


	بىزنى ئىككى تەرەپتە دەيسەن بىزنى ئىككى تەرەپتە دەيسەن بۇ دۇنيادا قانچە تەرەپ بار؟ باھار كەلدى دەيدۇ باشقىلار ماڭا يەنە تۆكۈلمەكتە قار .. ئاغرىندىڭمۇ مەندىن شۇنچىلىك ئىككى قولۇم راستتىنلا قانمۇ ؟ شاماللاردەك تۇرسام تەلمۈرۈپ بۇ جاھاندا يەنە سەن خارمۇ ؟ سەنمۇ كەتكىن مەشرەپ چۆلىگە مەنمۇ كېتەي كەربالايىم بار سەن ئوۋچىدەك يايىڭنى كەردىڭ مەن كىيىكمەن بىر خۇدايىم بار .. بۇ يازمىنى ئاخىرىدا gulbeden تەھرىرلىگەن. ۋاقتى 2014-3-9 22:55

يانغىن · ۋاقتى: 2014-3-10 18:38:15


	ئەرلەرنىڭ غېمى نېمە بولار ھاياتتا يەنە، ئويلىغۇم يوق ئىچىم سىقىلدى. ھەركىمدىن پەرۋاسىز يۈرگىنىم بىلەن، كىم بىلەرئىچىمگە نەلەر يېقىلدى. تاماكا چوغىدەك تۈگەپ كېتىمەن، بىر قىزنىڭ كۆزىگە قاراپ ئولتۇرۇپ. قويغىنا، ئەسكى چۈش، ئەسكى خىيالنى، ھېچكىممۇ قەلبىمنى قويماس تولدۇرۇپ. قۇرىغان بۇلاقتەك قۇرۇپ كەتمەكتە، قۇرىغان دەرەختۇر قىزلارنىڭ تېنى. جاھاننىڭ مەشۇقى ئۆلۈپ كەتكەندەك، يېڭىدىن باشلاندى ئەرلەرنىڭ غېمى ...

تۆتتاش · ۋاقتى: 2014-3-10 20:04:34


	ئىنىم، ئىجادىيەتلىرىڭىزگە ئۇتۇق تىلەيمەن.

سائادەت ساتتار · ۋاقتى: 2014-3-10 20:33:01


	ئىنىم يانغىننىڭ شېئىرىيەتتە قاسراق تاشلاۋاتقانلىقىنى سەزدىم. مۇساپىلىرىڭىزگە ئاق يول تىلەيمەن. بۇ شېئىرلارنى ساقلىۋالدىم.

ئۇز خۇي · ۋاقتى: 2014-3-11 02:03:27

ئەسكەرتىش: يوللىغۇچى چەكلەنگەن. مەزمۇننى كۆرەلمەيسىز .

يانغىن · ۋاقتى: 2014-3-12 00:06:28


	بەزىدە ... بەزى كۈتۈشلەر شېرىن شۇنچىلىك، بەرگۈڭ كېلىپ كېتەر جېنىڭنى. مەن بۇندا جاناننىڭ ۋاقىت بىلەن تەڭ، سېزىمەن ئىچىمدىن ئۆتكەنلىكىنى. بەزى ئازابلار شۇنچىلىك تاتلىق، رازى بولىسەن تەكرار چېكىشكە. رازى بولغاندەك سۆيگەن يارىڭنىڭ، قولىدىن بىر قەدەھ قاننى ئىچىشكە. بەزى ئۆلۈملەر شۇقەدەر گۈزەل، ئۆلگۈڭ كېلەر ھەتتا ھازىرلا. ئۆلگەندەك ھەممىدىن سۆيگەن كىشىڭنىڭ، جەننەتتەك خاتىرجەم، ئىسسىق قوينىدا ..

شاتلان · ۋاقتى: 2014-3-12 02:20:55


	gulbeden يوللىغان ۋاقتى 2014-03-05 21:46:28 بىر ئايال قەلبىڭدە مۇساپىر ب بۇ مۇشائىرە بەك پەيزى بوپتۇ

ARMAN · ۋاقتى: 2014-3-12 16:58:10


	gulbeden يوللىغان ۋاقتى 2014-3-9 22:52 بىزنى ئىككى تەرەپتە دەيسەن بىزنى ئىككى تەرەپتە دەيسە ... «بىز ئىككىمىز ئىككى تەرەپتە»ھەم ئۇنىڭغا يانداشقان گۈلبەدەننىڭ شېئىرىنى بەك ياقتۇردۇم.

ئۇز خۇي ئۇز خۇي توردا يوق جۇغلانما 1024	ۋاقتى: 2014-3-11 02:03:27 \| ھەممە قەۋەتنى كۆرۈش ئەسكەرتىش: يوللىغۇچى چەكلەنگەن. مەزمۇننى كۆرەلمەيسىز .
ئۇز خۇي ئۇز خۇي توردا يوق جۇغلانما 1024
	ئىنكاس ئېسىل ناچار جابدۇق پاش قىلىش