رەسسام چاشقان [ئۇلانما كۆچۈرۈش]

17- نۆۋەتلىك «خانتەڭرى ئەدەبىيات مۇكاپاتى» غا ئېرىشكەن ئەسەر:



رەسسام چاشقان



ياسىن ئابدۇقادىر



تاختىسىنى كۆتۈرۈپ،

چاشقان چىقتى دالىغا.

بوياقلارنى بۇزاتتى،

سىزالمىغان ھالىغا.



سىزالماستىن ھېچنىمە،

كەچنى قىلدى بىردەمدە.

بۇغداي سىزدى ئاخىرى،

قورسىقىنىڭ دەردىدە.



بالىسىنى سىزسىمۇ،

سىزالمىدى بۆشۈكنى.

ئۇ ئوينىشىپ ئولتۇرۇپ،

سىزىپ سالدى مۈشۈكنى.



ئۆزى سىزىپ تۇرۇقلۇق،

رەسىمدىكى مۈشۈكنى.

قورقۇپ كىتىپ ئۆزىچە،

قاچتى ئىزدەپ تۆشۈكنى.





ــ «تارىم غۇنچىلىرى» ژۇرنىلى 2008-يىل 4-سانىدىن ئېلىندى

ياخشى يېزىلغان شېئىركەن . ئىنكاسىم ئارقىلىق ساقلىۋالاي.

بالىلار ئەدەبىياتىمۇ؟

تاتلىق، تېتىشلىك چىقىپتۇ. بالىلار ھەم چوڭلارمۇ مۇشۇنداق شېئىرلارغا موھتاج.

ھەي،مەنمۇ قاچان ئىرىشەرمەن؟ تېخىمۇ تىرىشاي.

  ئەينى يىلى ‹ تارىم غۇنچىلىرى› ژورنىلىدىن ئوقۇغاندىمۇ بۇ شېئىردىن تولىمۇ ھوزۇرلانغان ئىدىم. بەرىكەتلىك بولۇڭ. . ‹ ياش قەلەم سەھىپىسى› گە تونۇشتۇرغاندا يوللانغان شېئرلىرىڭىزمۇ بەك تاتلىق، چۈچۈك، مەنىلىك ئىكەن، كۈلكە ئىچىدە ھوزۇرلىنىپ ئوقۇپ چىقتىم.

قىزىقارلىق شېئىركەن.

بۇ شېئىرنىڭ مەزمۇنىنى كۆپ تەرەپلىمىلىك چۈشىنىشكىمۇ بولىدىكەن.قەلىمىڭىزگە بەركەت بولسۇن.

يىتىم چاشقان

قۇربان ئابلىمىت

مەن بىر يىتىم چاشقانمەن،
داداممۇ يوق، ئاناممۇ.
ئوينايدىغان سېنىڭدەك،
لەگلىكىممۇ چاناممۇ.
يوقتۇر ھەتتا بوينىقىم،
سەكرەيدىغان تاناممۇ.

باردۇر پەقەت بىر ئۆيۈم،
ئىشىكلىرى يوق لېكىن.
ئوغۇرلىسام ئاشلىقنى
مەن بىلمەيمەن يەيدۇ كىم؟

دېھقان ئاكام بەك ئوبدان،
مېنىڭ ئۈچۈن ئىشلەيدۇ.
چارچىسىمۇ ئېتىزدا،
ھاردىم-تالدىم دىمەيدۇ.

مۆشۇك ئاتلىق كۈشەندە،
ماڭا چاڭگال سالسىمۇ.
دېھقان ئاكام ئۆيىدىن،
بۇغداي، قوناق، ئۇنىدىن،
مېھرىمنى ھىچ ئۈزمەيمەن.
بۇ يەردىلا ياشىسام،
ئۆزۈم يىتىم بولساممۇ،
يىتىملىكنى سەزمەيمەن.

ياسنجان مۇئەللىمنىڭ«رەسسام چاشقان»ناملىق توپلىمى نەشىردىن چىقىپتۇ!پات ئارىدا بازارغا سېلىنىدىكەن!!
مۇبارەك مۇئەللىم!!! بۇ يازمىنى ئاخىرىدا   ئەخەت تەھرىرلىگەن. ۋاقتى  2013-1-30 20:34  

مۇبارەك بولسۇن

ھەقىقەتەن ياخشى يېزلىپتۇ

قايتا قايتا ئوقۇساممۇ يەنەشۇ باشتىكى ھاياجان... بۇ يازمىنى ئاخىرىدا   شەھلاھ تەھرىرلىگەن. ۋاقتى  2013-5-12 02:05  

bak yahxi yeziliptu. ilhamliringiz barikat tapsun

رەسسام چاشقان(2)


رەسسام چاشقان چىقىپتۇ،
ئېتىزلىققا ئويناشقا.
چۈشۈپ كۆزى بىردىنلا،
قاراپ قاپتۇ ئوتياشقا.

ئارىسىدا ئوتياشنىڭ،
باركەن مۈشۈك بالىسى.
قېچىش مۈمكىن بولماپتۇ،
يېقىن بولغاچ ئارىسى.

تېپىپ چاشقان بىر ئەقىل،
قولغا ئېلىپ بوياقنى.
سىزىپتۇ چوڭ قىلىپلا،
دۈمچەك بەلگە-سوراقنى.

ماھارىتى چاشقاننىڭ،
ياراپ كېتىپ ئاسلانغا.
ھاڭۋېقىپلا قاپتۇمىش،
ئۇ بىرھازا ھەريانغا.

پۇرسەت كېلىپ «پەرت»قىلىپ،
قېچىۋاپتۇ چاشقانمۇ.
ياسىنجاننىڭ ئىجادى،
رەسىم ئىكەن ئاسلانمۇ....

ھى..ھى..ھى....(مەنمۇ يېزىپ باقتىم. «رەسسام چاشقان»نىڭ داۋامىنى. مازاق قىلىشمىغايلا)