كازاكلار ئاقسۇدا

ئەركمان ئەپەندىنىڭ ئەجرىگە رەخمەت.. مۇشۇنداق مۇھىم تارىخى ماترىيالدىن خەۋەردار  قىلغىنىڭىز بەك ئىسىل ئىش بوپتۇ... ئېزىزى ساۋۇت ئاكا سالامەت بولغاي.. بۇ يازمىنى ئاخىرىدا   (ئۈمىد) تەھرىرلىگەن. ۋاقتى  2013-10-14 23:02  

داۋامى گىدىككىنە بار ئىدى، كىتابقا كىرگۈزۈلمەي قالغان، يوللاشقا دىلغۇل بولۇپ قالدىم!

ئىسمىم ئىككى بوغۇم، يەنى «ئەركمان»!
«ئۇيغۇر كىشى ئىسىملىرى قامۇسى» (ۋەلى كەرىم كۆكئالپ) غا قاراڭ،  ئەركمان: سۆزى ئۆتۈدىغان، كۈچتىنگىر ئەركەك، دېگەن مەنادا. ناھايىتى قەدىم زاماندا،  يەنى  نوھ ئەلەيھىسسەلام ئوغلى يافەس ئوغلى تۈرك زامانىدا ئۇيغۇر ئەجدادلىرى قوللانغان ئىسىم. ياۋروپالىقلار (ساكسونلار) مۇشۇ  قەدىم ئۇيغۇرچە ئىسىمنىڭ ئاخىرىدىكى ‹‹مان›› سۆزىدىن «ئەر» دېگەن سۆزنى بىلگەن!

ئەسلىمىنىڭ داۋامى:

ﺗﺎرﻣﺎر
(ﺋﻪﺳﻠﯩﻤﻪ)
ﻣﯘﻗﻪددﯨﻤﻪ

1987- ﻳﯩﻠﻰ «ﺋﺎﻗﺴﯘ ﺋﻪدەﺑﯩﻴﺎﺗﻰ» ژۇرﻧﯩﻠﻰ ﺋﯘﻳﻐﯘر ﺗﻪﮬﺮﯨﺮ ﺑﯚﻟﯜﻣﯩﺪە ﺋﯩﺸﻠﻪپ ﻳﯜرﮔﻪن ﻛﯜﻧﻠﯩﺮﯨﻤﻨﯩﯔ ﺑﯩﺮﯨﺪە، ژۇرﻧﺎﻟﻨﻰ «ﻗﻪﺷﻘﻪر ﮔﯧﺰﯨﺘﻰ» ﺑﺎﺳﻤﺎ زاۋۇﺗﯩﻐﺎ ﺋﯚﺗﻜﯜزۈپ ﺑﯧﺮﯨﺶ ﺋﯜﭼﯜن (ﺷﯘ ﭼﺎغلاردا «ﺋﺎﻗﺴﯘ ﺋﻪدەﺑﯩﻴﺎﺗﻰ» ﻧﻰ «ﻗﻪﺷﻘﻪر ﮔﯧﺰﯨﺘﻰ» ﺑﺎﺳﻤﺎ زاۋۇﺗﯩﺪا ﺑﺎﺳﺘﯘراﺗﺘﯘق) ﻗﻪﺷﻘﻪرﮔﻪ ﻛﻪﻟﺪﯨﻢ ۋە ﺋﯩﺸﻨﻰ ﺗﯜﮔﯩﺘﯩﭗ ﻗﺎيتاشىمدا ﻣﺎراﻟﺒﯧﺸﻰ ﻧﺎﮬﯩﻴﻪ ﺑﺎزﯨﺮﯨﻐﺎ ﭼﯜﺷﯜپ ﺋﯚﺗﯜﺷﻜﻪ ﺗﻮﻏﺮا ﻛﻪﻟﺪى، ﺑﯩﺮ ﭼﺎﻳﺨﺎﻧﯩﺪا ﭼﺎي ﺋﯩﭽﯩﭗ ﺋﻮﻟﺘﯘرۇپ، ﺷﯘ ﻳﯘرﺗﻠﯘق 60 ﻳﺎﺷلاردﯨﻜﻰ رەﺟﻪب ﺋﺎﺧﯘن دﯦﮕﻪن ﺑﯩﺮ ﻛﯩﺸﻰ ﺑﯩﻠﻪن ﺳﯚﮬﺒﻪﺗﻠﯩﺸﯩﭗ ﻗﺎﻟﺪﯨﻢ. ﭘﺎراڭ ﺗﺎرﯨﺨﯩﻲ ﺳﻪﮬﯩﭙﯩﮕﻪ ﻛﯚﭼﯜپ، رەﺟﻪب ﺋﺎﺧﯘن ﺋﺎﯕﻠﯩﻐﯩﻨﻰ ﺑﻮﻳﯩﭽﻪ 1937-ﻳﯩﻠﯩﻐﺎ ﻣﯘﻧﺎﺳﯩﯟەﺗﻠﯩﻚ ﺑﯩﺮﻗﺎﺗﺎر ﺗﺎرﯨﺨﯩﻲ ۋەﻗﻪﻟﻪرﻧﻰ ﺳﯚزﻟﻪپ ﺑﻪردى.
ﺋﺎﻗﺴﯘﻏﺎ ﻗﺎﻳﺘﯩﭗ ﻛﻪﻟﮕﻪﻧﺪﯨﻦ ﻛﯧﻴﯩﻦ «ﺑﯘ، ﻣﯘﮬﯩﻢ ﺗﺎرﯨﺨﯩﻲ ۋەﻗﻪﻟﻪر ﺋﯩﻜﻪن» دەپ ﻗﺎراپ «ﺳﺎداﻗﻪت» ﻣﺎۋزۇﺳﯩﺪا ﺋﻮﭼﯧﺮﯨﻚ ﻗﯩﻠﯩﭗ ﺋﯩﺸﻠﻪپ «ﺋﺎﻗﺴﯘ ﺋﻪدەﺑﯩﻴﺎﺗﻰ» دا ئېلان ﻗﯩﻠﺪﯨﻢ. 1989- ﻳﯩﻠﻰ 10 - ﺋﺎﻳﺪا ﺗﻪﮬﺮﯨﺮ ﺑﯚﻟﯜم ﺋﯩﺸﺨﺎﻧﯩﺴﯩﺪا ﺋﻮﻟﺘﯘرﺳﺎم، ﺳﻪرﭘﯘچ ﺗﯘﻣﺎق كىيگەن، ﻣﻪﺳﺴﻪ - ﻛﺎلاﭼﻠﯩﻖ، ﺳﺎﻗﺎﻟﻠﯩﻖ، موللا ﺳﯜﭘﻪت ﺑﯩﺮ ﻛﯩﺸﻰ ﻛﯩﺮﯨﭗ ﻛﻪﻟﺪى. ﺳﺎلام - ﺳﺎھﻪﺗﺘﯩﻦ ﻛﯧﻴﯩﻦ ﺋﯘ ﻛﯩﺸﻰ:
ـــــ ﺋﯧﺰﯨﺰ ﺳﺎۋۇت دﯦﮕﻪن ﻛﯩﺸﻰ ﺑﯩﻠﻪن ﻛﯚرۈﺷﻜﯩﻠﻰ ﻣﺎراﻟﯟﯦﺸﯩﺪﯨﻦ ﻛﻪﻟﺪﯨﻢ، دەﻳﺪﯨﻐﺎن ﮔﯧﭙﯩﻢ ﺑﺎر ﺋﯩﺪى، ﻣﻪن ﻣﺎراﻟﯟﯦﺸﯩﻨﯩﯔ ﺷﺎﻗﯘر ﻳﯧﺰﯨﺴﯩﺪﯨﻦ ﺑﻮﻟﯩﻤﻪن، ﮬﺎزﯨﺮ ﺷﯘ ﻳﯧﺰا ﻣﻪﺳﭽﯩﺘﯩﻨﯩﯔ ﺋﯩﻤﺎﻣﻰ، ﺋﯩﺴﯩﻢ - ﻟﻪﻗﯩﻤﯩﻢ ﮬﺎﺷﯩﻢ موللام. «ﺋﺎﻗﺴﯘ ﺋﻪدەﺑﯩﻴﺎﺗﻰ» دﯨﻜﻰ «ﺳﺎداﻗﻪت» دﯦﮕﻪن ﺋﻮﭼﯧﺮﯨﻜﻨﻰ ﺋﻮﻗﯘدۇم. ﺋﺎﺷﯘ ﺋﻮﭼﯧﺮﯨﻜﺘﯩﻜﻰ ﺳﯘﻟﺘﺎﻧﺠﺎن ﻣﯧﻨﯩﯔ ﺋﺎﻛﺎم ﺑﻮﻟﯩﺪۇ. ﺋﯘ 1937- ﻳﯩﻠﻰ 7 -، 8 -، 9 -، 10- ئايلاردىكى ﺋﺎﺑﺪۇﻧﯩﻴﺎز، ﻣﺎﺧﻮﺳﻪن ﺋﯩﺴﻴﺎﻧﯩﺪا ﺑﺎﺷﺘﯩﻦ - ﺋﺎﺧﯩﺮ ﺋﺎﺑﺪۇﻧﯩﻴﺎز ﺑﯩﻠﻪن ﺑﯩﻠﻠﻪ ﺑﻮﻟﻐﺎن. ﺋﯜچ ﻳﯩﻞ ﺑﯘرۇن ﻗﺎزالاپ ﻛﻪﺗﺘﻰ. ﺋﻮﭼﯧﺮﯨﻜﻨﯩﯔ ﮬﻪﻣﻤﻪ ﻳﯧﺮى ﺋﺎﺳﺎﺳﻪن ﺗﻮﻏﺮا، ﻟﯧﻜﯩﻦ ﺋﺎﺧﯩﺮﯨﺴﻰ ﺧﺎم ﺑﻮﻟﯘپ ﻗﺎﭘﺘﯘ. ﺋﯚزۈﻣﻤﯘ ﺗﺎرﯨﺨﻘﺎ ﺑﻪك ﻗﯩﺰﯨﻘﯩﻤﻪن. ﮔﻪرﭼﻪ ﺗﻮﻟﯘق ﺑﻮﻟﻤﺎي ﻗﺎﻟﻐﺎن ﻳﯧﺮى ﻛﯩﭽﯩﻜﻜﯩﻨﻪ ﺑﯩﺮ ﺋﯩﺶ ﺑﻮﻟﻐﺎن ﺑﻮﻟﺴﯩﻤﯘ، ﻳﯜزدە ﻳﯜز ﺗﻮﻟﯘق، ﺗﻮﻏﺮا ﺑﻮﻟﯘپ ﻛﻪﺗﺴﯘن دەپ ﺋﺎﺗﺎﻳﯩﻦ ﺋﺎﻗﺴﯘﻏﺎ ﻛﻪﻟﺪﯨﻢ ـــــ دﯦﺪى. ﺑﯘ ﻛﯩﺸﯩﻨﯩﯔ ﺋﯩﻨﺘﺎﻳﯩﻦ ﻣﻪﺳﺌﯘﻟﯩﻴﻪﺗﭽﺎن روﮬﯩﺪﯨﻦ ﺑﻪك ﺗﻪﺳﯩﺮﻟﯩﻨﯩﭗ ﺧﯘش ﺑﻮﻟﺪۇم. رەﮬﻤﻪت ﺋﯧﻴﺘﺘﯩﻢ ۋە ﺋﻪﺳﻠﯩﻤﯩﻨﯩﯔ ﺋﺎﺧﯩﺮﯨﺴﯩﻐﺎ ﻳﯧﯖﻰ ﺗﺎرﯨﺨﯩﻲ ﺋﻪﮬﯟاﻟﻨﻰ ﺋﯘلاپ ﻗﺎﻳﺘﺎ ﺋﯩﺸﻠﯩﺪﯨﻢ.                    
                           ﺋﯧﺰﯨﺰ ﺳﺎۋۇت     1990- ﻳﯩﻞ ﺋﯩﻴﯘن

- 1 -

ﺑﯘ ﻗﯧﺘﯩﻤﻘﻰ ﭼﯧﻜﯩﻨﯩﺶ ﻧﺎﮬﺎﻳﯩﺘﻰ ﭘﺎت - ﭘﺎراﻗﭽﯩﻠﯩﻖ ﺑﯩﻠﻪن ﺑﺎﺷلاﻧﺪى، ﺋﯘﭼﯘرﻏﺎ ﺋﻪزەﻟﺪﯨﻦ ﮬﻪﻗﯩﻘﯩﻲ ﮬﻪرﺑﯩﻲ ﺳﻪرﻛﻪردﯨﻠﻪرﮔﻪ ﺧﺎس ﺳﻪﮔﻪﻛﻠﯩﻚ ﺑﯩﻠﻪن ﺋﻪﮬﻤﯩﻴﻪت ﺑﯧﺮﯨﺪﯨﻐﺎن ﺋﺎﺑﺪۇﻧﯩﻴﺎز ﺳﯩﺠﺎڭ ﺑﯘ ﻗﯧﺘﯩﻢ دۈﺷﻤﻪﻧﻨﯩﯔ ﺋﯚزﻟﯩﺮى ﺋﯜﭼﯜن ﻧﺎﮬﺎﻳﯩﺘﻰ ﺋﻪﭘﻠﯩﻚ ﭘﻪﻳﺘﻨﻰ تاللاپ ﮬﯘﺟﯘم ﻗﯩﻠﯩﺸﯩﺪﯨﻦ ﺗﺎﻣﺎﻣﻪن ﺧﻪۋەرﺳﯩﺰ ﻗﺎﻟﻐﺎﻧﯩﺪى.
ﺋﯘﻧﯩﯔ دۈﺷﻤﻪن ﺋﻪﮬﯟاﻟﯩﻨﻰ ﺋﯘﭼﯘرلاﺷﻘﺎ ﭼﯩﻘﺎرﻏﺎن ﺋﺎدەﻣﻠﯩﺮﯨﻨﯩﯔ ﺋﯩﭽﯩﺪﯨﻦ ﺳﺎتقىنلارنىڭ ﭼﯩﻘﯩﺸﻰ... ﺋﯩﻠﮕﯩﺮى ﻛﯚرۈﻟﻤﯩﮕﻪن ﺋﻪﮬﯟال. ﻣﺎﻧﺎ ﺑﯘ ﻗﯧﺘﯩﻤﻘﻰ ﻣﯘۋەﭘﭙﻪﻗﯩﻴﻪﺗﺴﯩﺰﻟﯩﻚ ﺷﯘﻧﯩﯔ دەﻟﯩﻠﻰ ﺋﻪﻣﻪﺳﻤﯘ؟
ﺋﺎﺑﺪۇﻧﯩﻴﺎز ﺳﯩﺠﺎڭ ﺑﯘﻧﯩﯖﺪﯨﻦ ﺋﯩﻠﮕﯩﺮﯨﻜﻰ ﺋﯘرۇشلاردىكى ﺋﯩﻠﮕﯩﺮﯨﻠﻪش - ﭼﯧﻜﯩﻨﯩﺸﻠﻪردە، ﺟﻪﯕﻠﻪردە، ﺋﯚزﯨﮕﻪ ﺳﺎدﯨﻖ ﺑﻮﻟﻐﺎن ﺟﻪﯕﭽﯩﻠﻪرﻧﯩﯔ ۋﯨﺠﺪان - ﺳﺎداﻗﯩﺘﯩﮕﻪ، ﺑﺎﺗﯘرﻟﯘق - ﺷﯩﺠﺎﺋﯩﺘﯩﮕﻪ ﺗﺎﻳﯩﻨﯩﭗ، ﺑﯩﮭﯘدە تالاپەتتىن ﺳﺎﻗلاپ ﻗﺎﻟﻐﺎن ۋە ﺋﻪﭘﭽﯩﻠﻠﯩﻚ ﺑﯩﻠﻪن دۈﺷﻤﻪﻧﮕﻪ ﮬﯘﺟﯘم ﻗﯩﻠﻐﺎن ﻳﺎﻛﻰ ﭼﯧﻜﯩﻨﮕﻪﻧﯩﺪى. ﺋﻪﻣﺪﯨﻠﯩﻜﺘﻪ ﺑﻮﻟﺴﺎ ﺋﯩﺶ ﺑﺎﺷﻘﯩﭽﻪ ﺗﯜس ﺋﺎﻟﻐﺎن، ﺋﯚزى ﭼﻮﯕﻘﯘر ﭼﯜﺷﯩﻨﯩﺪﯨﻐﺎن ۋە ﺋﯩﺸﯩﻨﯩﺪﯨﻐﺎن، ﺟﻪﯕﻠﻪردە ﺳﯩﻨﺎﻟﻐﺎن ﭘﯩﺪاﻛﺎر ﻳﯩﮕﯩﺘﻠﻪردﯨﻦ ﻗﯩﺮﯨﻘﭽﻪ ﺋﺎدەﻣﻨﻰ تاللاپ ﺑﯩﺮ ﻣﯘﮬﺎﭘﯩﺰەت ﺋﻪﺗﺮﯨﺘﻰ ﺗﯜزﮔﻪن. ﺋﯘ ﺋﻪڭ ﻗﯩﻴﯩﻦ ۋە ﺧﻪﺗﻪرﻟﯩﻚ ئىشلارنى ﺋﻪﻧﻪ ﺷﯘ ﻳﯩﮕﯩﺘﻠﻪرﻧﯩﯔ ﺟﻪﺳﯘرﻟﯘﻗﯩﻐﺎ - ﺳﺎداﻗﯩﺘﯩﮕﻪ ﺗﺎﻳﯩﻨﯩﭗ قىلاتتى. ﺋﻪﻣﺪﯨﻠﯩﻜﺘﻪ ۋەزﯨﻴﻪت ﺋﯚزﮔﯩﺮﯨﭗ، ﺷﯧﯔ ﺷﯩﺴﻪﻳﻨﯩﯔ ﮬﯚﻛﯜﻣﻪت ﻗﻮﺷﯘﻧﻰ ۋە ﺋﯘﻧﯩﯖﻐﺎ ﻳﺎردەﻣﻠﯩﺸﯩﭗ ﮬﻪرﯨﻜﻪت ﻗﯩﻠﯩﯟاﺗﻘﺎن ﻛﺎزاك ﻗﻮﺷﯘﻧﻰ ﺗﻪرەپ - ﺗﻪرەﭘﺘﯩﻦ ﻳﻮﭘﯘرۇﻟﯘپ ﻗﯩﺴﯩﭗ ﮬﯘﺟﯘﻣﻐﺎ ﺋﯚﺗﻜﻪن، ﺋﺎﺑﺪۇﻧﯩﻴﺎز ﺳﯩﺠﺎڭ ﺋﯜﭼﯜن ﻳﺎردەم ﺋﯜزۈﻟﮕﻪن، ﻗﯩﻴﯩﻦ ﺋﻪﮬﯟاﻟﻐﺎ ﻳﯜزﻟﻪﻧﮕﻪﻧﺪە، ﺋﺎﺷﯘ ﻳﯩﮕﯩﺘﻠﯩﺮى ﺋﺎرﯨﺴﯩﺪﯨﻜﻰ ﺋﻪڭ ﺋﯩﺸﻪﻧﭽﻠﯩﻚ ﺋﯘﭼﯘرچىلار ﮔﯘرۇﭘﭙﯩﺴﯩﻨﯩﯔ ﺑﺎﺷﻠﯩﻘﻰ ﻛﺎﻣﯩﻞ ﺋﯘﭼﯘرلاش ﺋﯜﭼﯜن ﻛﯧﺘﯩﭗ، ﺗﯘﻳﯘﻗﺴﯩﺰ ﻏﺎﻳﯩﺐ ﺑﻮﻟﺪى - دە، ﻗﺎﻳﺘﯩﭗ ﻛﻪﻟﻤﯩﺪى. ئېيتىشلارغا ﻗﺎرﯨﻐﺎﻧﺪا ﺋﯘ ﺋﺎﺑﺪۇﻧﯩﻴﺎز ﻳﯧﺘﻪﻛﭽﯩﻠﯩﻜﯩﺪﯨﻜﻰ ﺷﯧﯔ ﺷﯩﺴﻪي ﮬﺎﻛﯩﻤﯩﻴﯩﺘﯩﮕﻪ ﻗﺎرﺷﻰ ﻗﻮزﻏﺎﻟﻐﺎن ﻗﻮزغىلاڭچى ﻗﻮﺷﯘﻧﻨﯩﯔ ﻛﯧﻴﯩﻨﻜﻰ ﺋﯩﺴﺘﯩﻘﺒﺎﻟﯩﺪﯨﻦ ﺋﯜﻣﯩﺪ ﺋﯜزﮔﻪن ۋە ﺷﯧﯔ ﺷﯩﺴﻪي ﮬﯚﻛﯜﻣﯩﺘﻰ ﺗﻪرﯨﭙﯩﮕﻪ ﺋﯚﺗﯜپ ﻛﻪﺗﻜﻪن، ﺋﯘلارﻏﺎ ﻣﯘﮬﯩﻢ ﮬﻪرﺑﯩﻲ ﻣﻪﻟﯘﻣﺎتلارنى ﺑﻪرﮔﻪن. ﺑﯘ راﺳﺖ ﺋﯩﺶ ﺋﯩﺪى.
ﺋﺎﺑﺪۇﻧﯩﻴﺎز ﺳﯩﺠﺎﯕﻨﯩﯔ ﻛﯚزﻟﯩﺮﯨﺪﯨﻦ ﺋﯩﻜﻜﻰ ﻗﻪﺗﺮە ﻳﺎش ﺗﺎﻣﭽﯩﭗ، ﻣﻪﯕﺰىنى ﺑﻮيلاپ سىرغىپ ﭼﯜﺷﺘﻰ. ﺋﯘ ﺑﺎشقىلارنىڭ ﻛﯚرۈپ ﻗﺎﻟﻤﺎﺳﻠﯩﻘﻰ ﺋﯜﭼﯜن، ﻣﺎۋزېر ﺗﯘﺗﯘﻗﻠﯘق ﻗﻮﻟﯩﻨﯩﯔ ﺋﺎرﻗﯩﺴﻰ ﺑﯩﻠﻪن ﻳﺎﺷﻨﻰ سۈرتۈپ ﺗﺎﺷﻠﯩﺪى - دە، ﻟﻪۋﻟﯩﺮﯨﻨﻰ ﻗﺎﺗﺘﯩﻖ ﺑﯩﺮ ﭼﯩﺸﻠﯩﺪى، ﺑﺎرﻣﯩﻘﻰ ﺋﯩﺨﺘﯩﻴﺎرﺳﯩﺰ ﻣﺎۋزېرنىڭ ﺗﻪﭘﻜﯩﺴﯩﮕﻪ ﺗﯧﮕﯩﭗ كېتىپ «پاڭ» لا ﻗﯩﻠﯩﭗ ﺑﯩﺮ ﭘﺎي ﺋﻮق ﭼﯩﻘﯩﭗ ﻛﻪﺗﺘﻰ. ﻗﯧﭽﯩﭗ ﭼﯧﻜﯩﻨﯩﯟاﺗﻘﺎن ﺋﻪﺳﻜﻪرﻟﻪر ﺟﺎن ﻗﺎﻳﻐﯘﺳﯩﺪا ﻗﺎﻟﻐﺎﻧﻠﯩﻘﻰ ﺋﯜﭼﯜن ﺑﯘﻧﯩﯖﻐﺎ ﺋﯧﺮەن ﻗﯩﻠﯩﺸﯩﭗ ﻛﻪﺗﻤﯩﺪى. ﺷﯘ ﺗﺎﭘﺘﺎ ﺋﺎﺑﺪۇﻧﯩﻴﺎز ﺳﯩﺠﺎﯕﻨﯩﯔ ﻳﯜرﯨﻜﯩﻨﻰ ﺋﯧﻐﯩﺮ ﮬﻪﺳﺮەت، ﺋﺎﭼﭽﯩﻖ ﺋﻪﻟﻪم ﻗﺎپلىۋالغانىدى. ﺋﯘ ﻗﻮﻟﯩﻐﺎ ﻗﻮرال ﺋﯧﻠﯩﭗ، ﺟﻪڭ ﻗﺎﻳﻨﯩﻤﯩﻐﺎ ﺋﯚزﯨﻨﻰ ﺋﺎﺗﻘﺎﻧﺪﯨﻦ ﺑﯘﻳﺎن ﻛﯚزﯨﺪﯨﻦ ﻳﺎش ﭼﯩﻘﯩﺮﯨﭗ ﺑﺎﻗﻤﯩﻐﺎن ﺑﻮﻟﻐﯩﻴﺪى، ﺑﯘ راﺳﺖ. ﺋﯘ ﻧﻪﭼﭽﻪ ﻗﯧﺘﯩﻢ دۈﺷﻤﻪن ﻗﻮﻟﯩﻐﺎ ﭼﯜﺷﯜپ ﻗﺎﻟﻐﺎن، ﺋﯧﻐﯩﺮ ﻗﯩﻴﯩﻦ - قىستاقلارغا دۇچ ﻛﻪﻟﮕﻪﻧﺪﯨﻤﯘ ﻛﯩﺮﭘﯩﻜﯩﻨﻰ ﻧﻪم ﻗﯩﻠﻤﯩﻐﺎن، رەﻗﯩﺒﻠﯩﺮﯨﻨﻰ ﻣﻪﺳﺨﯩﺮە ﻗﯩﻠﻐﺎن، ﭘﻪﻳﺖ ﺗﯧﭙﯩﭗ ﺗﯘﺗﻘﯘﻧﻠﯘﻗﺘﯩﻦ ﻗﯧﭽﯩﭗ ﻗﯘﺗﯘﻟﻐﺎن. ﺟﻪڭ ﻣﻪﻳﺪاﻧﻠﯩﺮﯨﺪا ﺋﻪﺟﻪل ﺋﯘﻧﯩﯖﻐﺎ ﻧﻪﭼﭽﻪ ﻗﯧﺘﯩﻢ ﻳﯜزﻟﻪﻧﮕﻪن، ﺷﯘلارﻏﯩﻤﯘ ﭘﻪرۋا ﻗﯩﻠﻤﯩﻐﺎن، ﺋﻪﻣﺪﯨﻠﯩﻜﺘﻪ ﻛﯚزﯨﺪﯨﻦ ﻳﺎش ﭼﯩﻘﯩﺮﯨﺶ ﻧﯧﻤﯩﺴﻰ؟
«دوﺳﺘﻠﯩﺮﯨﻢ ﻣﻪﻧﺪﯨﻦ زﯦﺮﯨﻜﺘﻰ، دۈﺷﻤﯩﻨﯩﻢ ﺳﻪن ﮬﻪم زﯦﺮىك،
ﺑﯩﺮ ﻣﯩﺴﺎل ﺑﺎر: ﻣﻪن ﺋﯩﺸﻪﻧﮕﻪن ﺗﺎغ ﺋﺎرا ﻳﺎﺗﻤﺎس ﻛﯩﻴﯩﯩﻚ»
ﻳﺎﻛﻰ:
«ﺋﺎﻳﺮﯨﻠﻐﺎﻧﻐﺎ ﺋﯚﻟﻤﻪﻳﻤﻪن،
ﺋﻪﻗﯩﺪەﻣﮕﻪ ﻳﯩﻐلاﻳﻤﻪن.»
ۋەزﻧﻰ ﺋﻮﺧﺸﯩﻤﯩﻐﯩﻨﻰ ﺑﯩﻠﻪن ﻣﻪزﻣﯘﻧﻰ ﺋﻮﺧﺸﺎش ﺑﻮﻟﻐﺎن ﺑﯘ ﺧﻪﻟﻖ ﻗﻮﺷﺎﻗﻠﯩﺮى «ﻳﺎﻟﺖ» ﻗﯩﻠﯩﭗ ﺳﯩﺠﺎﯕﻨﯩﯔ ﻛﺎﻟﻠﯩﺴﯩﺪﯨﻦ ﺋﯚﺗﺘﻰ. ﺋﯘ ﻛﺎﻣﯩﻠﻐﺎ زﯨﻴﺎدە ﺋﯩﺸﻪﻧﮕﻪن ﺋﻪﻣﻪﺳﻤﯩﺪى؟ ﺋﯩﻨﺴﺎن ﺋﯜﭼﯜن ﺳﺎداﻗﻪﺗﺴﯩﺰﻟﯩﻚ ﺋﻪڭ ﭘﻪﺳﻜﻪشلىك ﻳﺎﻛﻰ ﺋﻪڭ ﺋﺎزاﺑﻠﯩﻖ زەرﺑﻪ ﺑﻮﻟﯘپ ﻗﺎﻟﯩﺪۇ.
ﺳﯩﺠﺎڭ دەﻣﺎﻟﻠﯩﻘﻘﺎ ﺑﯘ زەرﺑﯩﮕﻪ ﺑﻪرداﺷﻠﯩﻖ ﺑﯧﺮﯨﺸﻜﻪ ﻗﺎدﯨﺮ ﺑﻮلاﻟﻤﯩﺪى.
ﺳﯩﺠﺎڭ ﺋﻪﺗﺮاﭘﯩﻐﺎ ﭼﯜﺷﯜۋاﺗﻘﺎن ﺑﻮمبىلارنىڭ، ﺋﻮقلارنىڭ زەرﺑﯩﺴﯩﺪﯨﻦ ﭘﺎﻧﺎھلىنىش ﺋﯜﭼﯜن ﻗﺎﺗﺎر ﻛﻪﺗﻜﻪن ﻳﻮل ﻳﺎﻗﯩﺴﯩﺪﯨﻜﻰ ﺳﯚﮔﻪﺗﻠﻪرﻧﯩﯔ داﻟﺪﯨﺴﯩﻨﻰ ﻳﺎقىلاپ ﻗﯧﭽﯩﭗ ﻛﯧﺘﯩﯟﯦﺘﯩﭗ ﺋﺎﺷﯘلارﻧﻰ ﺧﯩﻴﺎﻟﯩﺪﯨﻦ ﻛﻪﭼﯜردى.
ﺋﺎﻳﻜﯚﻟﺪﯨﻦ ﻳﺎﯕﯧﺮﯨﻘﻘﺎ ﭼﯧﻜﯩﻨﮕﻪن ﻗﻮﺷﯘن ﻛﯧﭽﯩﻨﻰ ﺷﯘ ﻳﯧﺰﯨﺪا ﺋﺎرام ﺋﯧﻠﯩﺶ ﺑﯩﻠﻪن ﺋﯚﺗﻜﯜزدى. ﺗﺎڭ ﺋﯧﺘﯩﭗ ﺋﻪﺗﯩﮕﻪﻧﻠﯩﻚ ﺗﺎﻣﺎﻗﻘﺎ ﺋﻮﻟﺘﯘرۇﺷﯩﻐﺎ ﺋﺎﺳﻤﺎﻧﺪا ﺗﯘﻳﯘﻗﺴﯩﺰ ﺋﺎﻳﺮوپلانلار ﭘﻪﻳﺪا ﺑﻮﻟﺪى - دە، ﺑﻮمبىلاشنى ﺑﺎﺷﻠﯩﺪى. ﻳﻪردە دۈﺷﻤﻪن ﻗﻮﺷﯘﻧﻠﯩﺮى ﭘﻪﻳﺪا ﺑﻮﻟﺪى - دە، ﺷﯩﻤﺎل ۋە ﺷﻪرق ﺗﻪرەﭘﺘﯩﻦ ﻗﺎﭘﺴﺎپ ﮬﻪﻳﯟە ﺑﯩﻠﻪن ﮬﯘﺟﯘﻣﻐﺎ ﺋﯚﺗﺘﻰ. ﺋﻪﺳﻜﻪرﻟﯩﺮﯨﻨﻰ ﻟﻴﻪن - ﭘﻪﻳﻠﻪر ﺑﻮﻳﯩﭽﻪ رەﺗﻠﻪپ ﭼﯧﻜﯩﻨﯩﺶ ﺗﻪرﺗﯩﭙﯩﻨﻰ ﺋﻮرۇنلاشتۇرۇشقىمۇ ﺋﯜﻟﮕﯜرەﻟﻤﯩﺪى. ﺷﯘ ﺗﺎﭘﺘﺎ ﭼﯧﭽﯩﻠﯩﭗ ﻛﯧﺘﯩﭗ ﺑﺎرﻏﺎن ﻗﻮﺷﯘﻧﻨﻰ ﺗﻮپلاش ﺋﯜﭼﯜن ﺑﯩﺮ ﺑﺎﺗﯘر ﺳﻪرﻛﻪردە ﺑﻮﻟﯘﺷﻰ لازﯨﻢ.
ﺳﯩﺠﺎڭ ﻛﺎﻣﯩﻠﻨﯩﯔ ﺳﺎداﻗﻪﺗﺴﯩﺰﻟﯩﻜﻰ ﺗﯜﭘﻪﻳﻠﻰ ﺑﯩﺮدەﻣﻠﯩﻚ ﺋﯜﻣﯩﺪﺳﯩﺰﻟﯩﻜﻜﻪ ﭼﯜﺷﯜپ قالغان بولسىمۇ، ﺋﺎﺧﯩﺮ ﺑﯧﺸﯩﻨﻰ ﺳﯩﻠﻜﯩﯟەﺗﺘﻰ - دە، ﺋﺎﺗﻠﯩﻖ ﺋﺎﻳﻠﯩﻨﯩﭗ ﻳﯜرۈپ ۋارﻗﯩﺮاﺷﻘﺎ ﺑﺎﺷﻠﯩﺪى:
ـــــ ﺟﻪﯕﭽﯩﻠﻪر! ﻗﻮرﻗﻤﺎڭلار، ﮬﻮدۇﻗﻤﺎڭلار! ﻗﻮرﻗﻘﯘدەك ﺋﯩﺶ ﻳﻮق، ﺋﻪرﻧﻰ ﺟﻪﯕﮕﻪ ﻳﺎراﺗﻘﺎن! ﻗﻮﻟﯘڭلاردىكى ﻗﻮرال ﺑﯩﻠﻪن ﻗﻪﺗﺌﯩﻲ ﻗﺎرﺷﯩﻠﯩﻖ قىلىڭلار! ﺑﯩﻜﺎردﯨﻦ ﺑﯩﻜﺎرﻏﺎ ﺋﯚﻟﯜپ ﺑﯧﺮﯨﺶ ﻛﯘﭘﯘرﻟﯘق! ﺋﯧﺘﯩﺸﯩﭗ ﺗﯘرۇپ چېكىنىڭلار! ﺑﯩﻠﯩﭗ قېلىڭلار، ﺗﻮﭘﻠﯩﻨﯩﺪﯨﻐﺎن ﻳﯧﺮﯨﻤﯩﺰ ﺷﺎﻗﯘر، ﺋﻪﮔﻪر ﮬﺎزﯨﺮ ﺟﻪم ﺑﻮﻟﯘﺷﺎﻟﻤﯩﺴﺎق ﺷﺎﻗﯘردا ﺟﻪم ﺑﻮﻟﯩﺸﺎﻳﻠﻰ!
ۋارﻗﯩﺮاﺷﻨﯩﯔ ﺧﯧﻠﻰ ﺋﯜﻧﯜﻣﻰ ﺑﻮﻟﺪى، ﻗﺎﺗﺘﯩﻖ ﻗﻮرﻗﯘپ، ﭘﯩﺘﯩﺮاپ ﻛﯧﺘﯩﺸﻜﻪن ﺟﻪﯕﭽﯩﻠﻪر ﺑﯘ ﭼﺎﻗﯩﺮﯨﻖ ﺑﯩﻠﻪن ﮔﻮﻳﺎ ۋۇﺟﯘدﯨﻐﺎ ﻏﺎﻳﯩﺒﺘﯩﻦ ﻛﯜچ ﻗﻮﺷﯘﻟﻐﺎﻧﺪەك ﺟﺎﻧﻠﯩﻨﯩﺸﺘﻰ، ﭘﺎت - ﭘﺎراﻗﭽﯩﻠﯩﻖ ﺳﻪل ﺟﺎﻳﯩﻐﺎ ﭼﯜﺷﺘﻰ. دۈﺷﻤﻪﻧﮕﻪ ﻗﺎرﯨﺘﯩﭗ ﺋﯧﺘﯩﺸﯩﭗ ﺗﯘرۇپ ﭼﯧﻜﯩﻨﯩﺪﯨﻐﺎن ۋەزﯨﻴﻪت ﺷﻪﻛﯩﻠﻠﻪﻧﺪى. ﮔﻪرﭼﻪ ﺳﯩﺠﺎﯕﻨﯩﯔ ﺋﻪﺗﺮاﭘﯩﻐﺎ ﺗﻮﭘﻠﯩﺸﯩﭗ ﺗﻪرﺗﯩﭙﻠﯩﻚ ﻣﯘداﭘﯩﺌﻪ ﺗﻮرى ﮬﺎﺳﯩﻞ ﻗﯩﻠﯩﭗ ﭼﯧﻜﯩﻨﯩﺸﻨﻰ ﺋﯩﺸﻘﺎ ﺋﺎﺷﯘراﻟﻤﯩﻐﺎن ﺑﻮﻟﺴﯩﻤﯘ، ﮬﻪر ﮬﺎﻟﺪا دۈﺷﻤﻪﻧﻨﯩﯔ ﺷﯩﺪدەت ﺑﯩﻠﻪن ﺗﯘﻳﯘﻗﺴﯩﺰ ﺋﯩﻠﮕﯩﺮﯨﻠﻪش ﺳﯜرﺋﯩﺘﯩﮕﻪ ﺑﻪرﮬﻪم ﺑﯧﺮﯨﻠﺪى.

-2-

«ﺧﻪزﯨﻨﻪ، ۋاي ﺋﯩﺴﯩﺖ، ﺧﻪزﯨﻨﻪ دۈﺷﻤﻪن ﻗﻮﻟﯩﻐﺎ ﭼﯜﺷﯜپ ﻛﯧﺘﯩﺪﯨﻐﺎن ﺑﻮﻟﺪى!» ﺋﺎﺑﺪۇﻧﯩﻴﺎز ﺳﯩﺠﺎﯕﻨﯩﯔ ﻛﯚزﻟﯩﺮى ﺋﺎلاﻗﺰادﯨﻠﯩﻜﺘﯩﻦ ﭼﻪﻛﭽﯩﻴﯩﭗ ﻛﻪﺗﺘﻰ. دەرۋەﻗﻪ ﻣﯘﻛﻪﻣﻤﻪل ﺗﻮپ ﺑﻮﻟﯘپ ﺋﯘﻳﯘﺷﻘﺎن ﺑﯩﺮ ﻗﻮﺷﯘن ﺋﯜﭼﯜن ﺑﻪﻟﮕﯩﻠﯩﻚ ﺋﯩﻘﺘﯩﺴﺎد - ﺧﻪزﯨﻨﻪ ﺑﻮﻟﻤﯩﺴﺎ ﻗﺎﻧﺪاق ﻣﻪۋﺟﯘت ﺑﻮﻟﯘپ ﺗﯘرالاﻳﺪۇ؟ ﺷﯘچىۋالا ﺋﺎدەﻣﻨﻰ ﻗﺎﻧﺪاق ﺑﺎﻗﯩﺪۇ؟ ﻗﻮرال - ﻳﺎراغ، ﺋﻮق - دورىلارنى ﻗﺎﻧﺪاق ﮬﻪل ﻗﯩﻠﯩﺪۇ؟ ﺳﯩﺠﺎﯕﻨﯩﯔ ﻗﻮﺷﯘﻧﻰ ﭘﯘﻗﺮالاردﯨﻦ ﻗﺎﻧﯘنلاشتۇرۇلۇپ ﻳﯩﻐﯩﯟﯦﻠﯩﻨﻐﺎن سېلىقلار ﺑﻪدﯨﻠﯩﮕﻪ ﮬﯚﻛﯜﻣﻪﺗﺘﯩﻦ ﻗﻪرەللىك ۋە ﺑﻪﻟﮕﯩﻠﯩﻚ ﻳﺎردەم ﺋﯧﻠﯩﭗ ﺗﯘرﯨﺪﯨﻐﺎن ﻣﯘﻧﺘﯩﺰم ﮬﯚﻛﯜﻣﻪت ﻗﻮﺷﯘﻧﻰ ﺋﻪﻣﻪس، ﺑﻪﻟﻜﻰ ﻣﯘﺳﺘﻪﺑﯩﺖ ﺷﯧﯔ ﺷﯩﺴﻪﻳﻨﯩﯔ ﭼﯩﺮﯨﻚ ﮬﺎﻛﯩﻤﯩﻴﯩﺘﯩﮕﻪ ﻗﺎرﺷﻰ ﻛﯚﺗﯜرۈﻟﮕﻪن، ﮬﯧﭽﻘﺎﻧﺪاق ﻣﺎﻟﯩﻴﻪ ﺋﺎﺳﺎﺳﻰ ﻳﻮق ﺧﻪﻟﻖ ﻗﻮزغىلاڭچى ﻗﻮﺷﯘﻧﻰ، ﺧﻪﻟﻘﻨﯩﯔ ﻣﻪﻧﭙﻪﺋﻪﺗﻰ ﺋﯜﭼﯜن ﺋﻪﻛﺴﯩﻴﻪﺗﭽﻰ زوراۋانلارغا ﻗﺎرﺷﻰ ﻗﻮزﻏﺎﻟﻐﺎن ﻗﻮﺷﯘن، ﺋﻪﻣﺪى ﺋﯩﻘﺘﯩﺴﺎد دەپ ﺧﻪﻟﻘﻨﻰ ﺑﯘلاڭ - ﺗﺎلاڭ ﻗﯩﻠﺴﯘﻧﻤﯘ؟ ﺑﯘﻧﺪاق ﻗﻮﺷﯘﻧﻨﯩﯔ ﺋﯚﻣﺮى ﻛﯚﺗﻪ ﺑﻮﻟﯩﺪۇ. ﺳﯩﺠﺎڭ ﺑﯘﻧﻰ ﻳﺎﺧﺸﻰ ﭼﯜﺷﯩﻨﻪﺗﺘﻰ، ﺋﯘ ﺷﯘ ﺑﻮﻳﯩﭽﻪ ﻗﻪﺷﻘﻪردە ﺗﯘرﻏﺎن ﭼﺎغلاردا، ﮬﯚﻛﯜﻣﻪت ئىلاجىسىز ﮬﻪرﺑﯩﻲ ﻣﺎﻟﯩﻴﻪدﯨﻦ ﺧﯩﺮاﺟﻪت ﺋﺎﺟﺮﯨﺘﯩﭗ ﺑﯧﺮﯨﺸﻜﻪ ﻣﻪﺟﺒﯘر ﺑﻮﻟﻐﺎﻧﯩﺪى. ﺷﯧﯔ ﺷﯩﺴﻪي ﮬﯚﻛﯜﻣﯩﺘﯩﻨﯩﯔ ﻧﯩﻴﯩﺘﻰ ﺑﯘزۇﻟﯩﯟﯨﺪى، ﺋﯘلارﻣﯘ ﻧﯩﻴﯩﺘﯩﻨﻰ ﺑﯘزۇﺷﻘﺎ ﻣﻪﺟﺒﯘر ﺑﻮﻟﺪى. ﺷﯘﯕﺎ ﻣﺎﻟﯩﻴﻪ - ﺧﯩﺮاﺟﻪت ﺟﻪﮬﻪﺗﺘﯩﻦ ﻳﺎردەم ﺋﯜزۈﻟﺪى، ﺋﯘﻧﯩﯖﺴﯩﺰ ﺑﯘ ﻗﻮﺷﯘن ﺧﯩﺮاﺟﻪﺗﺴﯩﺰﻣﯘ ﻗﺎﻟﻤﯩﺪى. ﺧﻪﻟﻖ دەرﻳﺎ - ﺧﻪﻟﻖ ﺑﺎﻳﻠﯩﻖ، ﻳﻪﻧﻪ ﺷﯘ ﺧﻪﻟﻖ ﺋﯚز ﺋﯩﺨﺘﯩﻴﺎرﻟﯩﻘﻰ ﺑﯩﻠﻪن ﻗﻮﺷﯘﻧﻐﺎ ﺋﺎدەم، ﺋﺎش - ﺋﻮزۇق، ﺋﻮت - ﺳﺎﻣﺎن، ﺋﺎت - ﭼﺎرۋا، ﭘﯘل- ﻣﺎﻟﻠﯩﺮﯨﻨﻰ ﺋﺎﺗﺎﺷﺘﻰ.
ﻣﺎﻧﺎ ﺷﯘ ﺗﺎﭘﺘﺎ 300 ﻣﯧﺘﯩﺮﭼﻪ ﻧﯧﺮﯨﺪﯨﻜﻰ ﺳﺎزﻟﯩﻘﺘﺎ، ﺑﯩﺮ ﺗﻮپ ﻛﺎزاك ﺋﻪﺳﻜﻪرﻟﯩﺮﯨﻨﯩﯔ ﻗﻮرﺷﺎۋﯨﺪا ﻗﯧﻠﯩﭗ ﻗﺎﺗﺘﯩﻖ ﺗﯘرۇپ ﺋﯧﻠﯩﺸﻘﺎﻧﻠﯩﺮﯨﭽﻪ ﺋﯚﻟﯜپ ﻛﯧﺘﯩﺸﯩﯟاﺗﻘﺎن، ﻗﻮﺷﯘﻧﻨﯩﯔ ﻛﯚﭼﻤﻪ ﺧﻪزﯨﻨﯩﭽﻰ ﻳﯩﮕﯩﺘﻠﯩﺮﯨﻨﯩﯔ ﺋﯧﭽﯩﻨﯩﺸﻠﯩﻖ ﮬﺎﻟﯩﺘﯩﻨﻰ ﻛﯚرۈپ ﺗﯘرۇپ، ﻳﺎردەﻣﮕﻪ ﺑﺎراﻟﻤﺎﻳﯟاﺗﻘﺎن ﺳﯩﺠﺎڭ ﺋﻪﭘﺴﯘﺳﻠﯘق ﺋﯩﭽﯩﺪە «ﺧﻪزﯨﻨﻪ، ﺧﻪزﯨﻨﻪ» دەپ ﭘﯩﭽﯩﺮلاﻳﺘﺘﻰ. ﭼﯜﻧﻜﻰ ﻗﻮﻟﻰ ﺑﻮش ﺋﻪﻣﻪس، ﺋﻪﺗﺮاﭘﯩﻨﻰ ﺑﯩﺮﻗﺎﻧﭽﻪ ﻛﺎزاك ﺋﻪﺳﻜﻪرﻟﯩﺮى ﻗﻮرﺷﯩﯟاﻟﻐﺎن، ﺋﯘلارﻧﯩﯔ ﻧﯩﻴﻪﺗﻠﯩﺮى ﺳﯩﺠﺎﯕﻨﻰ ﺗﯩﺮﯨﻚ ﻗﻮﻟﻐﺎ ﭼﯜﺷﯜرۈش، ﺷﯧﯔ ﺷﯩﺴﻪﻳﮕﻪ ﺗﯩﺮﯨﻚ ﺗﺎﭘﺸﯘرۇپ ﺑﯧﺮﯨﺶ ﺋﯩﺪى. ﻟﯧﻜﯩﻦ ﺋﯘلار ﻗﺎﻧﭽﻪ ﺗﯩﺮﻛﯩﺸﯩﭙﻤﯘ ﺳﯩﺠﺎﯕﻨﻰ ﺗﯩﺮﯨﻚ ﻗﻮﻟﻐﺎ ﭼﯜﺷﯜرەﻟﻤﻪﻳﯟاﺗﺎﺗﺘﻰ. ﺳﯩﺠﺎﯕﻨﯩﯔ ﺋﻪﺗﺮاﭘﯩﺪﯨﻤﯘ ﻣﯘﮬﺎﺳﯩﺮە ﻗﯩﻠﯩﭗ ﺋﻪﺳﯩﺮﮔﻪ ﺋﯧﻠﯩﺶ ﺑﯩﻠﻪن ﻣﯘﮬﺎﺳﯩﺮﯨﺪﯨﻦ ﺑﯚﺳﯜپ، ﺋﻪﺳﯩﺮﻟﯩﻜﺘﯩﻦ ﻗﯘﺗﯘﻟﯘﺷﺘﯩﻦ ﺋﯩﺒﺎرەت ﮬﺎﻳﺎت - ﻣﺎﻣﺎﺗﻠﯩﻖ ﻗﯩﻠﯩﭻ - ﻧﻪﻳﺰە ﺟﯧﯖﻰ ﺑﻮﻟﯘۋاﺗﺎﺗﺘﻰ. ﺑﯩﺮ ﻛﯩﯟادرات ﻛﯩﻠﻮﻣﯧﺘﯩﺮ ﻛﯚﻟﯩﻤﯩﺪﯨﻜﻰ ﻳﯧﺮﯨﻤﻰ ﺳﺎزﻟﯩﻖ، ﻳﯧﺮﯨﻤﻰ ﺷﺎﻟﻠﯩﻖ ﺑﯘ ﺑﯩﺮ ﭘﺎرﭼﻪ ﺟﻪڭ ﻣﻪﻳﺪاﻧﯩﻐﺎ ﻳﯧﻴﯩﻠﻐﺎن ﺳﯩﺠﺎﯕﻨﯩﯔ ﺋﺎزﻏﯩﻨﺎ ﺋﻪﺳﻜﻪرﻟﯩﺮى ﺋﯚزﯨﺪﯨﻦ ﻧﻪﭼﭽﻪ ﮬﻪﺳﺴﻪ ﻛﯚپ، ﻗﻮرﺳﯩﻘﻰ ﺗﻮق، ﻳﯜرﯨﻜﻰ ﭘﯜﺗﯜن ﻛﺎزاك ﺋﻪﺳﻜﻪرﻟﯩﺮى ﺑﯩﻠﻪن ﻗﺎﻧﻠﯩﻖ ﺋﯧﻠﯩﺸﯩﯟاﺗﺎﺗﺘﻰ. ﺋﯘلار قەيسەرلىك ﺑﯩﻠﻪن ﺋﯧﻠﯩﺸﯩﯟاﺗﻘﺎن ﺑﻮﻟﺴﯩﻤﯘ، ﺳﺎن  ﺟﻪﮬﻪﺗﺘﯩﻦ ﭼﻪﻛﻠﯩﻨﯩﭗ ﻗﯧﻠﯩﭗ، ﺑﺎرا - ﺑﺎرا ﺋﯚﻟﯜپ ﺋﺎزلاپ ﻛﯧﺘﯩﭗ ﺑﺎراﺗﺘﻰ.
ﺳﯩﺠﺎﯕﻨﯩﯔ ﻛﯚزﻟﯩﺮﯨﮕﻪ ﺋﻪﺟﻪل ﻛﯚرۈﻧﯜﺷﻜﻪ ﺑﺎﺷﻠﯩﺪى. «ﺋﻪﺳﺘﺎﻏﭙﯘرۇللا! ﻣﯘﺷﯘ ﻳﻪردە ﺷﯧﮭﯩﺖ ﺑﻮﻟﯘپ ﻛﯧﺘﯩﻤﻪﻧﻤﯘ - ﻧﯧﻤﻪ؟ ﻗﻮﺷﯘن ﻗﺎﻧﺪاق قىلار؟ ﻣﻪﻳﻠﻰ ﺋﺎﺧﯩﺮﯨﻐﯩﭽﻪ...» ﺋﯘ ﺧﯩﻴﺎﻟﯩﻨﻰ داۋاملاشتۇرالمىدى ﺑﯩﺮ ﭘﺎي ﺋﻮق «ۋﯨﮋ» ﻗﯩﻠﯩﭗ ﻗﯘلاق ﺗﯜۋﯨﺪﯨﻦ ﺋﯚﺗﯜپ ﻛﻪﺗﺘﻰ. ﺳﯩﺠﺎڭ ﺑﯘ ﺋﻮﻗﻨﻰ ﺋﯚزﯨﮕﻪ ﺗﻪﮔﻜﻪﻧﺪەك ﮬﯧﺲ ﻗﯩﻠﺪى. «ﮬﯩﻢ، ﺋﯚﻟﺪۈﻣﻐﯘ ﺋﻪﻣﺪى» ﻟﯧﻜﯩﻦ ﺋﯘ ﺋﯚﻟﻤﯩﮕﻪﻧﯩﺪى، ﺳﯩﺠﺎڭ ﺑﯩﺮ ﺳﯩﻠﻜﯩﻨﯩﯟاﻟﺪى - دە، ﻧﯧﺮﯨﺪا ﺋﯚزﯨﻨﻰ ﻗﻮرۇﻟﻐﺎ ﺋﯧﻠﯩﯟاﺗﻘﺎن ﺑﯘرۇﺗﻠﯘق ﻛﺎزاﻛﻘﺎ ﻗﺎرﯨﺘﯩﭗ ﭼﺎﻗﻘﺎﻧﻠﯩﻖ ﺑﯩﻠﻪن ﻣﺎۋزﯨﺮدﯨﻦ ﺋﻮق ﺋﯜزدى، ﮬﯧﻠﯩﻘﻰ ﻛﺎزاﻛﻨﯩﯔ ﺑﯧﺸﻰ ﭘﺎﭼﺎﻗﻠﯩﻨﯩﭗ ﻳﻪرﮔﻪ ﻳﯧﻘﯩﻠﺪى، ﺋﯘﻧﯩﯖﻐﺎ ﻳﻮﭘﯘرۇﻟﻐﺎن ﻛﺎزاكلارنىڭ ﻳﯜرەﻛﻠﯩﻜﺮەﻛﻰ ﺷﯘ ﺑﻮﻟﺴﺎ ﻛﯧﺮەك، ﺋﯘﻧﯩﯔ ﻗﯧﺘﯩﻐﻰ ﭼﺎﭼﺮاپ ﻛﻪﺗﻜﻪن ﺑﯧﺸﯩﻨﻰ ﻛﯚرۈپ، ﻗﺎﻟﻐﺎﻧﻠﯩﺮى ﺋﺎرﻗﯩﺴﯩﻐﺎ ﻗﺎراپ ﭼﯧﻜﯩﻨﯩﺸﺘﻰ.
ﺷﯘﺋﺎن ﭘﯩﻠﯩﻤﻮﺗﻨﯩﯔ ﺗﺎ - ﺗﺎﺗﻠﯩﻐﺎن ﺋﺎۋازى ﺳﺎزﻟﯩﻘﻨﻰ زﯨﻞ - زﯨﻠﯩﮕﻪ ﻛﻪﻟﺘﯜرۈۋەﺗﺘﻰ، ﺳﯩﺠﺎڭ ﺷﺎرﺗﯩﺪە بۇرۇلۇپ ﻗﺎرﯨﯟﯨﺪى، ﺳﺎزﻟﯩﻖ ﺋﻮﺗﺘﯘرﯨﺴﯩﺪا ﭼﻮﺧﭽﯩﻴﯩﭗ ﺗﯘرﻏﺎن دۆﯕﻠﯜﻛﺘﻪ ﺑﯩﺮﺳﻰ «ﻣﺎﻛﺴﯩﻤﻜﺎ» ﭘﯩﻠﯩﻤﻮت ﺋﺎرﻗﯩﻠﯩﻖ ﻗﻮﺷﯘن خەزىنىچىلىرىنى ﻗﻮرﺷﺎپ ﻛﯧﻠﯩﯟاﺗﻘﺎن ﻳﯜزﭼﻪ ﻛﺎزاك ﺋﻪﺳﻜﻪرﻟﯩﺮﯨﻨﻰ ﺧﻪزﯨﻨﯩﭽﯩﻠﻪر ﺑﯩﻠﻪن ﻗﻮﺷﯘپ ﺋﻮﻗﻘﺎ ﺗﯘﺗﯘۋﯦﺘﯩﭙﺘﯘ، ﺧﻪزﯨﻨﯩﭽﻰ ﻳﯩﮕﯩﺘﻠﻪردﯨﻦ ئىككىلا ﻛﯩﺸﻰ ﻗﺎﻟﻐﺎن ﺑﻮﻟﯘپ، ﻳﻪرﮔﻪ ﭼﯜﺷﯜپ ﻛﻪﺗﻜﻪن، ﺋﺎت ﺋﺎﺳﺘﯩﺪا ﻗﺎﻟﻐﺎن ﺗﯧﺮە ﺧﺎلتىلاردىكى ﺋﺎﻟﺘﯘن - تىللالارنى ﺳﺎﻗلاپ ﻗﯧﻠﯩﺶ ﺋﯜﭼﯜن ﺟﺎن - ﺟﻪﮬﻠﻰ ﺑﯩﻠﻪن ﺋﯧﺘﯩﺸﯩﭗ ﻣﯘداﭘﯩﺌﻪ ﻗﯩﻠﻤﺎﻗﺘﺎ ﺋﯩﺪى، ﺋﯘلارﻧﻰ ﺋﺎﻳﺮﯨﯟاﻟﻤﺎﻗﻤﯘ ﻗﯩﻴﯩﻦ، ﺳﯩﺠﺎﯕﻤﯘ ﺳﻪل ﺑﯘرۇن ﺋﺎﺷﯘ ﺧﻪزﯨﻨﯩﭽﻰ ﻳﯩﮕﯩﺘﻠﻪردﯨﻦ ﺑﯩﺮﯨﻨﯩﯔ:
ـــــ ﺳﯘﻟﺘﺎن، ﺋﯘﻛﺎم، ﺑﯩﺰﮔﻪ ﻗﺎرﯨﻤﺎي دۈﺷﻤﻪﻧﻨﻰ ﺋﻮﻗﻘﺎ ﺗﯘت، ﺧﻪزﯨﻨﻪ ﺋﯘلارﻧﯩﯔ ﻗﻮﻟﯩﻐﺎ ﭼﯜﺷﯜپ ﻛﯧﺘﯩﭗ ﻗﺎﻟﻤﯩﺴﯘن! ﺳﯧﻨﯩﯔ ﺋﻮﻗﯘﯕﺪا ﺋﯚﻟﺴﻪك رازى!ـــــ  دﯦﮕﻪن ﺋﺎۋازى ﻗﯘﻟﯩﻘﯩﻐﺎ ﻛﯩﺮﯨﭗ ﻗﺎﻟﻐﺎﻧﯩﺪى.
«ﺳﯘﻟﺘﺎن! ﺑﯘ ﻗﺎﻳﺴﻰ ﺳﯘﻟﺘﺎن؟»
ﻛﺎزاكلار ﭼﯩﯟﯨﻨﺪەك ﻗﯩﺮﯨﻠﯩﺸﻘﺎ ﺑﺎﺷﻠﯩﺪى. ﭘﯩﻠﯩﻤﻮت ﺗﻮﺧﺘﯩﻤﺎي تارسىلدايتتى، ﻗﺎﺗﺘﯩﻖ ﮬﯧﺮﯨﭗ ﭼﺎﯕﻘﺎپ ﻛﻪﺗﻜﻪن ﺳﯩﺠﺎﯕﻨﯩﯔ ۋۇﺟﯘدﯨﻐﺎ ﻗﺎﻳﺘﯩﺪﯨﻦ ﻛﯜچ ﺋﯘلاﺷﺘﻰ - دە، ﺋﻮق ﺗﻪﮔﺴﯩﻤﯘ ﭼﯧﻜﯩﻨﯩﭗ ﺑﻮلاﻟﻤﺎي دﯨﯖﮕﺎكلاپ ﺋﺎﻳﻠﯩﻨﯩﭗ ﻳﯜرﮔﻪن ﻳﻪﺗﺘﻪ ﻛﺎزاﻛﻨﻰ ﺋﯧﺘﯩﭗ ﺗﺎﺷﻠﯩﺪى. ﺋﻪﻣﺪى ﻗﺎﻟﻐﺎﻧﻠﯩﺮﯨﻨﯩﯔ ﻳﯧﻘﯩﻦ ﻛﯧﻠﯩﺸﯩﮕﻪ، ﺳﯩﺠﺎڭ ﭘﯘرﺳﻪﺗﻨﻰ ﻏﻪﻧﯩﻤﻪت ﺑﯩﻠﯩﭗ، ﺟﻪﻧﯘب ﺗﻪرەﭘﺘﯩﻦ ﺋﺎﻳﻠﯩﻨﯩﭗ، ﭘﯩﻠﯩﻤﻮﺗﭽﯩﻜﻨﯩﯔ ﻗﯧﺸﯩﻐﺎ ﻗﺎراپ ﺋﺎت ﺳﺎﻟﺪى. ﺋﺎﯕﻐﯩﭽﻪ ﭘﯩﻠﯩﻤﻮت ﺋﻮﻗﯩﻨﯩﯔ زەرﺑﯩﺴﯩﺪﯨﻦ زور ﺗﺎلاﭘﻪت ﺗﺎرﺗﻘﺎن ﻛﺎزاك ﺋﻪﺳﻜﻪرﻟﯩﺮى ﮬﺎﻳﺎت ﻗﺎﻟﻐﺎن ﺋﺎزﻏﯩﻨﺎ ﺋﺎدەﻣﻠﯩﺮى ﺑﯩﻠﻪن ﭼﯧﻜﯩﻨﯩﺸﻜﻪ ﻣﻪﺟﺒﯘر ﺑﻮﻟﺪى.
ﺳﯩﺠﺎڭ ﭘﯩﻠﯩﻤﻮﺗﭽﯩﻜﻨﯩﯔ ﻗﯧﺸﯩﻐﺎ ﺋﺎت ﭼﺎﭘﺘﯘرۇپ ﻳﯧﺘﯩﭗ ﻛﻪﻟﮕﻪن ﭼﺎﻏﺪﯨﻤﯘ ﭘﯩﻠﯩﻤﻮت تارسىلداشتىن ﺗﻮﺧﺘﯩﻤﯩﻐﺎﻧﯩﺪى، ﮬﺎﻟﻘﯩﻠﯩﻖ ﭘﻪﻳﺘﺘﻪ ﺟﺎﻧﻐﺎ ﺟﺎن ﺋﯘﻟﯩﻐﺎن ﺑﯘﻧﺪاق ﭘﯩﺪاﻛﺎرﻟﯩﻖ - ﺳﺎداﻗﻪﺗﺘﯩﻦ ﻛﯚﯕﻠﻰ ﺳﯚﻳﯜﻧﯜپ ﮬﺎﻳﺎﺟﺎﻧلاﻧﻐﺎن ﺳﯩﺠﺎڭ ﭘﯩﻠﯩﻤﻮﺗﭽﻰ ﻳﯩﮕﯩﺘﻨﯩﯔ ﭼﯩﺸﻠﯩﺮى ﻛﯩﺮﯨﺸﻜﻪن، ﺋﺎﻏﺰى ﻛﯚﭘﯜﻛﻠﻪﺷﻜﻪن ﻏﻪزەبلىك، ﺋﯚزﯨﻨﻰ ﺋﯘﻧﺘﯘﻏﺎن ﮬﺎﻟﺪا ﭘﯩﻠﯩﻤﻮﺗﻘﺎ ﭼﺎﭘﻠﯩﺸﯩﭗ ﺋﻮق ﺋﯜزۈۋاﺗﻘﺎن ﺋﺎﺟﺎﻳﯩﭗ ﺑﺎﺗﯘراﻧﻪ ﮬﺎﻟﯩﺘﯩﮕﻪ زوﻗﻠﯩﻨﯩﭗ ﻗﺎراپ ﺗﯘرۇپلا ﻗﺎﻟﺪى. دۈﺷﻤﻪﻧﻠﻪر ﺑﯩﻠﻪن ﺋﯧﻠﯩﺸﯩﭗ ﺷﯧﮭﯩﺖ ﺑﻮﻟﻐﺎن ﺟﻪﯕﭽﯩﻠﻪرﻧﯩﯔ ۋە ﭘﯩﻠﯩﻤﻮﺗﭽﯩﻜﻨﯩﯔ زەرﺑﯩﺴﻰ ﺑﯩﻠﻪن ﺋﯚﻟﮕﻪن ﻛﺎزاكلارنىڭ ﺟﻪﺳﻪﺗﻠﯩﺮى ﺳﺎزﻟﯩق ﻳﯜزﯨﻨﻰ قاپلاپ ﻛﻪﺗﻜﻪن. زەي ﭘﯘراپ ﺗﯘرﯨﺪﯨﻐﺎن ﺳﺎزﻟﯩﻘﻨﯩﯔ ﺳﯘﻟﯩﺮى ﻗﯩﭙﻘﯩﺰﯨﻞ ﻗﺎﻧﻐﺎ ﺑﻮﻳﺎﻟﻐﺎن. 30 ﻛﯩﺸﯩﻠﯩﻚ ﺋﻪﺗﺮەت ﺑﻮﻟﯘپ ﺗﯜزۈﻟﮕﻪن ﻗﻮﺷﯘن ﻛﯚﭼﻤﻪ ﺧﻪزﯨﻨﯩﻨﻰ ﺳﺎﻗﻠﯩﻐﯘﭼﻰ ﺟﻪﯕﭽﯩﻠﻪرﻧﯩﯔ ﻛﯚﭘﯩﻨﭽﯩﺴﻰ ﺧﻪزﯨﻨﯩﻨﻰ ﺳﺎقلاپ ﻗﯧﻠﯩﺶ ﺳﺎداﻗﯩﺘﯩﻨﯩﯔ ﻛﯜﭼﻰ ﺑﯩﻠﻪن دۈﺷﻤﻪﻧﻠﻪر ﺑﯩﻠﻪن ﻳﻪﻛﻤﯘ ﻳﻪك ﺋﯧﻠﯩﺸﯩﭗ ﺷﯧﮭﯩﺖ ﺑﻮﻟﯘپ ﻛﯧﺘﯩﭙﺘﯘ. ﭘﻪﻗﻪت ﺋﺎﺧﯩﺮﯨﺪا ﻗﺎﻟﻐﺎن ﺋﯩﻜﻜﻰ ﻳﯩﮕﯩﺖ ﺋﯚز ﺋﺎرزۇﻟﯩﺮى ﺑﯩﻠﻪن ﭘﯩﻠﯩﻤﻮﺗﭽﯩﻜﻨﯩﯔ ﺋﻮﻗﯩﺪا ﺷﯧﮭﯩﺖ ﺑﻮﻟﯘپ ﻛﯧﺘﯩﭙﺘﯘ. ﺷﯘﻧﺪاق ﻗﯩﻠﻤﺎي ﻣﯘﻣﻜﯩﻦ ﺋﻪﻣﻪس، دۈﺷﻤﻪن ﺑﯩﻠﻪن ﺋﯚز ﮔﯩﺮەﻟﯩﺸﯩﭗ ﻛﻪﺗﻜﻪن ﺑﯘﻧﺪاق ﺟﻪڭ ﻣﻪﻳﺪاﻧﯩﺪا ﺋﺎﻳﺮﯨﯟاﻟﻤﺎﻗﻤﯘ ﺗﻪس. «ﺋﻪﭘﺴﯘس، ﺋﺎﻟﺘﯘﻧﺪەك ﺋﯧﺴﯩﻞ ﺋﺎدەﻣﻠﻪر ﺋﯩﺪى، ﺧﯘدا ﺋﯘلارﻧﯩﯔ ﻳﺎﺗﻘﺎن ﻳﯧﺮﯨﻨﻰ ﺟﻪﻧﻨﻪﺗﺘﻪ ﻗﯩﻠﻐﺎي!» ﺳﯩﺠﺎڭ ﺋﯘلارﻧﯩﯔ روﮬﯩﻐﺎ ﺧﻪﻳﺮ- دۇﺋﺎ ﻗﯩﻠﺪى - دە، ﻳﻪﻧﻪ ﺗﻮﺧﺘﯩﻤﺎي ﭘﯩﻠﯩﻤﻮت ﺋﯧﺘﯩﯟاﺗﻘﺎن ﻳﯩﮕﯩﺘﻜﻪ ﻛﯚز ﺳﺎﻟﺪى.
«ﺗﯧﺨﻰ ﻣﻪن ﺗﻮﻧﯘپ ﺋﯜﻟﮕﯜرەﻟﻤﯩﮕﻪن ﻗﺎﻳﺴﻰ ﻳﯩﮕﯩﺘﺘﯘ - ﺑﯘ؟» ﺳﯩﺠﺎڭ ﺗﯧﺨﯩﭽﻪ ﺋﯘﻧﯩﯔ ﺋﺎرﻗﯩﺴﯩﺪا ﺗﯘراﺗﺘﻰ، ﻳﯩﮕﯩﺘﻨﯩﯔ ﻳﯜزﯨﻨﻰ ﺗﺎزا ﺋﯧﻨﯩﻖ ﻛﯚرەﻟﻤﻪﻳﺘﺘﻰ.
ـــــ ﺑﻮﻟﺪى، ﺑﺎﺗﯘر ﻳﯩﮕﯩﺖ، ﺋﻪﻣﺪى ﺋﯧﺘﯩﺸﻨﻰ ﺗﻮﺧﺘﺎﺗﻘﯩﻦ! دۈﺷﻤﻪﻟﻪر ﭼﯧﻜﯩﻨﯩﭗ ﻛﻪﺗﺘﻰ!
ﭘﯩﻠﯩﻤﻮت ﻳﻪﻧﻪ تارسىلدايتتى، ﺳﯩﺠﺎڭ ﻗﺎھقاھلاپ ﻛﯜﻟﯜپ ﻛﻪﺗﺘﻰ.
ـــــ ﺑﺎرﯨﻜﺎللا ﺑﺎﺗﯘرۇم! ـــــ ﺳﯩﺠﺎڭ ﻛﯜﭼﻠﯜك ﻗﻮﻟﻠﯩﺮى ﺑﯩﻠﻪن ﺋﺎرﻗﺎ ﺗﻪرەﭘﺘﯩﻦ ﻛﯧﻠﯩﭗ ﺋﯘﻧﻰ ﻗﯘﭼﺎقلاپ ﺋﺎﻟﺪى، ـــــ ﺑﻮﻟﺪى ﺋﯧﺘﯩﺸﻨﻰ ﺗﻮﺧﺘﺎﺗﻘﯩﻦ! راستتىنلا دۈﺷﻤﻪﻧﻠﻪر ﭼﯧﻜﯩﻨﺪى، ﻣﻪن ﺋﺎﺑﺪۇﻧﯩﻴﺎز ﺑﻮﻟﯩﻤﻪن، ﻣﺎﯕﯩﻤﯘ ﺋﯩﺸﻪﻧﻤﻪﻣﺴﻪن؟!....
ﺷﯘندىلا ﻳﯩﮕﯩﺖ ﮬﻮﺷﯩﻐﺎ ﻛﻪﻟﮕﻪﻧﺪەك ﭘﯩﻠﯩﻤﻮت ﺋﯧﺘﯩﺸﻨﻰ ﺗﻮﺧﺘﺎﺗﺘﻰ - دە، ﺋﺎﺳﺘﺎﻏﯩﻨﻪ ﺋﯚرە ﺑﻮﻟﺪى، ﺳﯩﺠﺎﯕﻨﻰ ﻛﯚرۈپ ﮬﻪرﺑﯩﻲ ﻗﺎﺋﯩﺪە ﺑﻮﻳﯩﭽﻪ دﯨﻘﻘﻪﺗﺘﻪ ﺗﯘردى.
ـــــ ﮬﻪي ﺋﯘﻛﺎم ﺳﯘﻟﺘﺎن! ـــــ دەپ ۋارﻗﯩﺮﯨﯟەﺗﺘﻰ ﺳﯩﺠﺎڭ ﺧﯘﺷﺎﻟﻠﯩﻖ ۋە ﮬﺎﻳﺮاﻧﻠﯩﻖ ﺋﯩﻠﻜﯩﺪە، ـــــ ﻗﺎﻳﺴﻰ ﻳﯩﮕﯩﺘﻜﯩﻦ دﯦﺴﻪم ﺳﻪﻧﻜﻪﻧﺴﻪﻧﺪە، ﻣﯘﺷﯘ ﺗﺎﭘﺘﺎ ﻣﯧﻨﻰ ﻳﻪﻧﻪ ﺑﯩﺮ ﻗﯧﺘﯩﻢ ﺧﯘﺷﺎل ﻗﯩﻠﺪﯨﯖﻐﯘ!....
ﺳﯘﻟﺘﺎن ﺋﯩﺴﯩﻤﻠﯩﻚ 22 ﻳﺎشلاردىكى ﺗﻪﻣﺒﻪل، ﻛﯧﻠﯩﺸﻜﻪن، ﺑﯘرۇﺗﻠﯩﺮى ﻣﺎﻳﺴﺎ ﺑﻮﻟﻐﺎن، ﭼﯧﮭﺮﯨﺴﯩﺪﯨﻦ زﯨﻴﺎدە زﯦﺮەﻛﻠﯩﻚ، ﺑﺎﺗﯘرﻟﯘق ﺋﺎلاﻣﻪﺗﻠﯩﺮى ﺟﯩﻠﯟﯨﻠﯩﻨﯩﭗ ﺗﯘرﻏﺎن ﺑﯘ ﻳﯩﮕﯩﺘﻨﻰ ﻗﯘﭼﺎﻏﻠﯩﯟاﻟﻐﺎن ﺳﯩﺠﺎﯕﻨﯩﯔ ﻛﯜﭼﻠﯜك ﮔﻪۋدﯨﺴﻰ ﺷﯘ ﺗﺎﭘﺘﺎ ﻳﯧﻨﯩﻚ ﺗﯩﺘﺮﯨﻤﻪﻛﺘﻪ ﺋﯩﺪى. دﯦﻤﻪك، ﺳﯩﺠﺎڭ ﺋﯩﻜﻜﯩﻨﭽﻰ ﻗﯧﺘﯩﻢ ﻳﺎش ﺗﯚﻛﻤﻪﻛﺘﻪ ﺋﯩﺪى.

ئابدۇنىيازنىڭ شانۇ-شەۋكىتىگە ھەمدۇ-سەنا ئېيتىدىغان بىرەر ئاشق ھافىز يوق-دە بىزدە، ئېست!

     ئابدۇنىيازغا ھەمدۇ-سەنا ئېيتىدىغان ھافىز چىقمىسىمۇ، ئۇنىڭ ئىزى ھەم ئارزۇسىنى نۇرلاندۇردىغان ئەۋلاد چىقىشى مۇمكىن. ياخشى داۋاملاشتۇرۋاتىسىز، داۋامنىمۇ داۋاملىق كۆرسەم دەيمەن.
    بەزى تەرەپلىرى سىز چېلىۋاتقان تەمبۇرنىڭ ئاۋازىدەك يۈرەكنى تىتىرتىۋاتىدۇ، ھارماڭ.
بۇ يازمىنى ئاخىرىدا   ئەلرام تەھرىرلىگەن. ۋاقتى  2013-10-15 11:19  

ئەجداد چىقىشى مۇمكىن؟ ئەجدادلارنىڭ جىسمى كەتتى، روھى ئەنە ئابدۇنىيازنىڭ تۇرۇپتۇغۇ؟ ئەمدى شۇ نىيازلارنى يادلايدىغان ئاشق ھافىز ئەۋلادلارنى دەۋاتىمەن! بۇ يازمىنى ئاخىرىدا   ئەركمان تەھرىرلىگەن. ۋاقتى  2013-10-15 10:49  

    سىزنى كۈلدۈرگىنىمدىن ئۆزۈممۇ كۈلۈپ سالدىم ( ئۆزگەرتىپ قويدۇم)، يۈرەكنى ئېچىشتۇردىغان كەچمىشلەردىن ئازاپلىنىپ كۈلكىنى ئۇنتۇپ قالمايىلى يەنە، رەھمەت. داۋامىنى داۋاملىق كۆرسەم دەيمەن. بۇ يازمىنى ئاخىرىدا   ئەلرام تەھرىرلىگەن. ۋاقتى  2013-10-15 11:24  

forum.php?mod=viewthread&tid=3499



ئابدۇنىياز كامالنىڭ روھى ئۇنتۇلمىسۇن،...

-3-
ﺋﯩﻴﯘﻧﻨﯩﯔ ﺋﻮﺗﺘﯘرﯨﻠﯩﺮى. ﻛﯜن ﺳﺎﻧﺎپ ﻛﯜﭼﯩﻴﯩﯟاﺗﻘﺎن ﺗﻮﻣﯘز ئىسسىقىنىڭ ﺗﻪﭘﺘﯩﺪﯨﻦ ﺑﯘﻏﺪايلار ﺳﯧﺮﯨﻖ ﺗﺎل ﺑﻮﻟﯘﺷﻘﺎ ﺑﺎﺷﻠﯩﻐﺎن، ﺋﯧﺘﯩﺰلاردىن ﭼﯧﻜﻪﺗﻜﯩﻠﻪرﻧﯩﯔ ﻣﯘﯕﻠﯘق ﭼﯩﺮﯨﻠﺪاﺷﻠﯩﺮى ﺋﺎﯕﻠﯩﻨﯩﭗ ﺗﯘراﺗﺘﻰ. ﺳﯧﺮﯨﻖ ﺗﺎل ﺑﯘﻏﺪايلارنىڭ ﻧﻪﻣﺨﯘش ﮬﯩﺪى ئادەمگە ﮬﯘزۇر ﺑﻪﺧﺶ ﺋﯧﺘﻪﺗﺘﻰ.
ﻣﺎراﻟﯟﯦﺸﻰ ﺷﻪﮬﯩﺮﯨﻨﻰ ﻏﻪﻟﯩﺒﯩﻠﯩﻚ ﺋﯩﺸﻐﺎل ﻗﯩﻠﻐﺎﻧﺪﯨﻦ ﻛﯧﻴﯩﻦ، ﺋﺎﻗﺴﯘﻧﻰ ﺋﯩﺸﻐﺎل ﻗﯩﻠﯩﺶ ﻧﯩﻴﯩﺘﯩﺪە ﺋﺎتلانغان ﻗﻮﺷﯘن ﺗﻮﭘﺎ - ﺗﻮزان ﻳﻮللاردا ﺟﺎﭘﺎﻟﯩﻖ ﺳﻪﭘﻪر ﻗﯩﻠﯩﭗ ﭼﯜﺷﺘﯩﻦ قىيىلاي دﯦﮕﻪﻧﺪە ﺷﺎﻗﯘر ﻳﯧﺰﯨﺴﯩﻐﺎ ﻛﯩﺮﯨﭗ ﻛﻪﻟﺪى. ﺷﺎﻗﯘر ﻣﺎراﻟﯟﯦﺸﯩﻨﯩﯔ ﺷﻪرﻗﯩﻲ ﺗﻪرﯨﭙﯩﺪە، زېمىنى كەڭ، ﺋﻮتلىرى بولۇق، سۈيى ئەلۋەك، ﺋﺎﺷﻠﯩﻘﻰ ﺋﻮﺧﺸﺎﻳﺪﯨﻐﺎن ﺑﺎي ﺑﯩﺮ ﻳﯧﺰا ﺑﻮﻟﯘپ، ﺧﯩﻠﯟەت، ﺗﯩﻨﭻ ﻣﺎﻛﺎن ئىدى. ﺋﻪﻣﺪﯨﻠﯩﻜﺘﻪ ﺋﻪل ﻛﯚﺗﯜرۈﻟﯜپ ﺋﻪﻛﺴﯩﻴﻪﺗﭽﻰ ﮬﯚﻛﯜﻣﻪﺗﻜﻪ ﻗﺎرﺷﻰ ﻳﯧﻐﯩﻠﯩﻖ ﺑﺎشلانغاندىن ﻛﯧﻴﯩﻦ، ﺑﯘ ﻳﻪرﻧﯩﯔ ﺗﯩﻨﭽﻠﯩﻘﻰ ﺑﯘزۇﻟﺪى. ﻛﯜن ﺋﯚﺗﯜپ ﺋﯘﻧﺪاق ﺋﻪﺳﻜﻪرﻟﻪر ﻛﯧﻠﯩﯟاﺗﻘﺎن، ﮬﻪﭘﺘﻪ ﺋﯚﺗﯜپ ﺑﯘﻧﺪاق ﺋﻪﺳﻜﻪرﻟﻪر ﻛﯧﻠﯩﯟاﺗﻘﺎن، ﮬﻪﻣﻤﯩﺴﻰ «ﺑﻪر» دەﻳﺘﺘﻰ.
ﻗﻮﺷﯘﻧﺪﯨﻜﯩﻠﻪرﻧﯩﯔ ﻛﯚﭘﯩﻨﭽﯩﺴﻰ دېھقانلاردىن ﺋﻪﺳﻜﻪرﻟﯩﻜﻜﻪ ﻛﯩﺮﮔﻪﻧﻠﻪر ﺑﻮﻟﻐﺎﭼﻘﺎ، ﺷﺎﻗﯘرﻧﯩﯔ ﻛﻪڭ زﯦﻤﯩﻨﻰ، ﺑﻮﻟﯘق ﺑﯘﻏﺪاﻳﻠﯩﺮى ﺋﯘلارﻧﯩﯔ ﻳﯜرەﻛﻠﯩﺮﯨﺪە زوق - ﮬﻪۋەس ﺋﻮﻳﻐﺎﺗﺘﻰ. ﺋﯘلار ﻳﯘرﺗﻠﯩﺮﯨﻨﻰ، ﺋﺎﺗﺎ - ﺋﺎﻧﺎ، ﻗﻮۋم - ﻗﯧﺮﯨﻨﺪاﺷﻠﯩﺮﯨﻨﻰ، ﺋﯧﺘﯩﺰ - ﺋﯧﺮﯨﻖ، ﺑﺎغ - ۋاراﻧﻠﯩﺮﯨﻨﻰ ﺋﻪﺳﻠﻪﺷﺘﻰ.
ﻗﻮﺷﯘﻧﻨﯩﯔ ﺋﻪڭ ﺑﯧﺸﯩﺪا ﻛﯧﻠﯩﯟاﺗﻘﺎن ﻗﯩﺮﯨﻖ ﻳﺎﺷلاردﯨﻜﻰ ﺋﯧﮕﯩﺰ، ﮔﻪۋدﯨﻠﯩﻚ، ﺳﺎﻗﺎل - ﺑﯘرۇﺗﺴﯩﺰ، ﺋﺎق ﺋﯚﯕﻠﯜك، ﻗﺎﯕﺸﺎﻟﯩﻖ، ﻗﺎرا ﻛﯚزﻟﯩﺮى ﺋﻮﻳﻨﺎپ ﺗﯘرﯨﺪﯨﻐﺎن، ۋۇﺟﯘدﯨﺪﯨﻦ ﺗﻪﻣﻜﯩﻨﻠﯩﻚ ﺑﯩﻠﻪن ﻗﻪﺗﺌﯩﻴﻠﯩﻚ، ﭼﯧﮭﺮﯨﺪﯨﻦ ﻏﯘرۇر ۋە ﭘﺎراﺳﻪت ﭘﺎرلاپ ﺗﯘرﯨﺪﯨﻐﺎن ﺑﯩﺮ ﻛﯩﺸﻰ ﺷﺎﻗﯘر ﻳﯧﺰﯨﺴﯩﻨﯩﯔ كۆﺟﯜم، ﺑﺎﻏﻠﯩﻖ ﺑﯩﺮ ﻛﻪﻧﺘﯩﮕﻪ ﻛﯩﺮﮔﻪﻧﺪە، ﺋﯧﺘﯩﻨﯩﯔ ﺗﯩﺰﮔﯩﻨﯩﻨﻰ ﺗﺎرﺗﺘﻰ - دە، ﻳﯧﻨﯩﺪﯨﻜﻰ ﮬﻪﻣﺮاﮬﻠﯩﺮﯨﻐﺎ ﺑﯘرۇﻟﯘپ:
ـــــ ﺑﯘ ﻳﻪردە ﺋﻪﺳﻜﻪرﻟﻪرﻧﻰ ﺑﯩﺮ ﺋﺎز دەم ﺋﺎﻟﺪۇرﺳﺎم ﺑﻮلارﻣﯩﻜﯩﻦ، ﮬﺎۋاﺳﻰ ﻳﺎﺧﺸﯩﺪەك ﻗﯩﻠﯩﺪۇ، ﺋﯘﻧﯩﯔ ﺋﯜﺳﺘﯩﮕﻪ ﺟﺎﮬﺎن ﺑﻪﻛﻤﯘ ﺋﯩﺴﺴﯩﭗ ﻛﻪﺗﺘﻰ، ﻛﻪﭼﺘﻪ ﮬﺎۋا ﺑﯩﺮﺋﺎز ﺳﺎﻟﻘﯩﻨﺪﯨﻐﺎﻧﺪا ﻣﺎﯕﺴﺎق، ﻛﯧﭽﯩﻠﯩﻚ ﻳﯜرۈش ﺑﯩﺮ ﺋﺎز ﻳﺎﺧﺸﻰ ﺑﻮلار دەﻳﻤﻪن، ﻗﺎﻧﺪاق ﻣﻮﻳﺪﯨﻨﻜﺎ؟ ـــــ دﯦﺪى.
ـــــ ﻣﻪﻧﻤﯘ ﺷﯘﻧﺪاق ﺋﻮﻳﻠﯩﯟىدىم، ـــــ دﯦﺪى ﻣﻮﻳﺪﯨﻨﻜﺎم دﯦﮕﻪن ﺋﻪﻟﻠﯩﻚ ﻳﺎﺷلاردﯨﻜﻰ ﺋﺎق ﺳﯧﺮﯨﻖ، ﺗﺎﺗﯩﺮاﯕﻐﯘ ﻳﯜزﻟﯜك، ﺳﺎﻗﺎﻟﺴﯩﺰ ﺋﻪﻣﻤﺎ ﺷﺎپ ﺑﯘرۇت، ﭼﯧﻘﯩﺮ ﻛﯚزﻟﯩﺮﯨﺪﯨﻦ ﺋﻮت ﭼﺎﻗﻨﺎپ ﺗﯘرﯨﺪﯨﻐﺎن، ﺋﯧﮕﯩﺰ ﺑﻮي، ﻏﻮﻟﻠﯩﺮى ﻛﻪڭ، ﺑﺎھادىر ﻗﺎﻣﻪﺗﻠﯩﻚ ﻛﯩﺸﻰ (ﺑﯘ ﻣﻮﻳﺪﯨﻦ ﺗﯘەﻧﺠﺎڭ ﺋﯩﺪى) ﺑﯘرۇﺗﯩﻨﻰ ﮬﯩﻤﯩﺮﯨﭗ ﺗﯘرۇپ، ـــــ ﺋﻪﻣﯩﺴﻪ قىسىمغا ﺋﯘﻗﺘﯘرۇش ﻗﯩﻠﯩﯟﯦﺘﻪﻳﻤﯘ؟
ـــــ ﺑﻮﻟﯩﺪۇ، ﻟﯧﻜﯩﻦ ﺋﻪﺗﺮاﭘﻘﺎ ﻗﻮﻳﯘﻟﯩﺪﯨﻐﺎن ﭘﻮﺳﺘﻨﻰ ﻛﯜﭼﻪﻳﺘﻪﻳﻠﻰ!
ﺋﺎﺑﺪۇﻧﯩﻴﺎز ﺳﯩﺠﺎڭ ﺗﻮﺧﺘﯩﻐﺎن ﻳﻪر ﻛﺎﺗﺘﺎ ﻗﻮرۇقلار ﺑﯩﻠﻪن ﺋﻮراﻟﻐﺎن، ﭼﯩﺮاﻳﻠﯩﻖ دەرۋازﯨﻠﯩﻖ ﭼﻮڭ ﺑﯩﺮ ﺑﺎﻏﻨﯩﯔ ﺋﺎﻟﺪﯨﺪﯨﻜﻰ ﺳﯘﻟﯩﺮى ﺷﯩﺮﯨﻠﺪاپ ﺋﯧﻘﯩﭗ ﺗﯘرﻏﺎن، ﺗﺎل – سۆگەتلەر ﺳﺎﻳﻪ ﺗﺎﺷلاپ ﺗﯘرﻏﺎن ﺗﻮﻟﯩﻤﯘ ﮬﺎۋاﻟﯩﻖ ﺑﯩﺮ ﺋﯚﺳﺘﻪﯕﻨﯩﯔ ﺑﻮﻳﻰ − ﻳﻮل ﺋﯜﺳﺘﻰ ﺋﯩﺪى. ﺋﺎﺑﺪۇﻧﯩﻴﺎز ﺳﯩﺠﺎڭ ﺋﯧﺘﯩﻨﯩﯔ ﭼﯘﻟﯟۇرﯨﻨﻰ ﻛﺎﻧﯩﯟاﻳﻐﺎ ﺗﯘﺗﻘﯘزۇپ، ﻗﻮﻟﯩﻨﻰ ﻳﯘﻏﯩﻠﻰ ﺳﯘ ﺑﻮﻳﯩﻐﺎ ﻛﯧﻠﯩﯟىدى، ﺋﯚﺳﺘﻪﯕﻨﯩﯔ ﻧﯧﺮى ﻗﯧﺘﯩﺪﯨﻜﻰ ﻳﻮﻏﺎن تېرەﻛﻜﻪ ﻗﻮل ﺑﯧﻐﯩﺸﯩﺪﯨﻦ ﺑﺎغلاپ ﺋﯧﺘﯩﯟﯦﺘﯩﻠﮕﻪن ﺑﯩﺮ ﻳﯩﮕﯩﺘﻜﻪ كۆزى ﭼﯜﺷﺘﻰ. ﻳﯩﮕﯩﺖ 20 ﻳﺎشلاردا ﺑﻮﻟﯘپ، ﻣﺎﺗﺎ ﺋﯩﺸﺘﺎﻧﺪﯨﻦ ﺑﺎﺷﻘﺎ ﻛﯩﻴﯩﻤﻠﯩﺮى ﺳﺎﻟﺪۇرۇۋﯦﺘﯩﻠﮕﻪن، ﻳﺎﻟﯩﯖﺎچ دۈﻣﺒﯩﺴﻰ ﺗﺎﻳﺎق زەرﺑﯩﺴﯩﺪﯨﻦ ﻗﺎﻧﻐﺎ بويىلىپ ﺋﺎلا - ﭼﯩﭙﺎر ﺑﻮﻟﯘپ ﻛﻪﺗﻜﻪن، ﺗﯩﻨﺠﯩﻘﺘﺎ ﺑﻮلاﻟﻤﺎي ﺑﯧﺸﻰ ﺳﺎڭگىلاپ ﮬﻮﺷﯩﺪﯨﻦ ﻛﻪﺗﻜﻪﻧﺪەك ﻛﯚزﯨﻨﻰ ﻳﯘﻣﯘۋاﻟﻐﺎﻧﯩﺪى.
ﺗﯘﻏﯘﻟﯘﺷﯩﺪﯨﻦ ﺋﻪرﻛﯩﻨﻠﯩﻜﻨﻰ ﻳﺎﺧﺸﻰ ﻛﯚرﯨﺪﯨﻐﺎن ﺳﯩﺠﺎڭ ئادەمدىن ئادەمگە ﻛﯧﻠﯩﺪﯨﻐﺎن زورﻟﯘقلارنى ﺋﻪزەﻟﺪﯨﻦ ﻳﺎﻗﺘﯘرﻣﺎﻳﺘﺘﻰ. ﺷﯘﯕﺎ ﺋﯘ زۇﻟﯘﻣﻐﺎ ﻗﺎرﺷﻰ ﻛﯚﺗﯜرۈﻟﯜپ ﺋﻪل ﺋﺎرالاپ ﭼﯧﭙﯩﭗ ﻳﯜرﻣﻪﻣﺪۇ. ﺳﯩﺠﺎﯕﻐﺎ ﮬﯧﻠﯩﻘﻰ ﻛﯚرۈﻧﯜش ﮬﺎر ﻛﻪﻟﺪى. ﻛﺎﻧﯩﯟاﻳﻐﺎ ﺑﯘﻳﺮۇپ، ﻳﯩﮕﯩﺘﻨﻰ ﺑﻮﺷﯩﺘﯩﭗ ﻗﻮﻳﻤﺎﻗﭽﻰ ﺑﻮﻟﺪى - ﻳﯘ ﻳﻪﻧﻪ ﺗﻮﺧﺘﺎپ ﻗﺎﻟﺪى. «ﺑﯘ ﻳﺎش ﻳﯩﮕﯩﺘﻨﯩﯔ ﮔﯘﻧﺎﮬﻰ ﻧﯧﻤﯩﺪۇر؟ ﮔﯘﻧﺎﮬﻰ ﮬﻪﻗﻤﯩﺪۇ ﻳﺎﻛﻰ ﻧﺎﮬﻪﻗﻤﯩﺪۇ؟ ﺋﻪﮔﻪر ﺋﻪل ﺋﯩﭽﯩﺪە ﻳﺎﻣﺎن ﺑﯩﺮ ﮔﯘﻧﺎھ ﻗﯩﻠﯩﭗ ﺋﺎﺳﻤﺎﻗﻘﺎ ﭼﯜﺷﯜپ ﻗﺎﻟﻐﺎن ﺑﻮﻟﺴﺎ، ﺑﯩﺮ ﻗﺎرا ﻳﯜرەك نا ﺋﻪﮬﻠﯩﻨﻰ ﻗﯘﺗﯘﻟﺪۇرۇپ ﻗﻮﻳﻐﺎن ﺑﻮﻟﯘپ ﻳﯜرﻣﻪي ﻳﻪﻧﻪ، ﺳﻮراپ ﻛﯚرەي».
ﺳﯩﺠﺎڭ ﻧﯧﺮﯨﺪا ﺋﯚزﻟﯩﺮﯨﮕﻪ ﻗﯩﺰﯨﻘﺴﯩﻨﯩﭗ ﺗﯘرﻏﺎن ﺗﯚت - ﺑﻪش ﻛﯩﺸﯩﺪﯨﻦ ﺳﻮرﯨﺪى. ﻟﯧﻜﯩﻦ ﺋﯘلار ﺑﯩﺮ - ﺑﯩﺮﯨﮕﻪ ﻗﺎرﯨﺸﯩﭗ ﻛﯜﻟﯜﻣﯩﺴﯩﺮەﺷﻜﻪﻧﻠﯩﺮﯨﭽﻪ ﺋﯜﻧﭽﯩﻘﻤﺎي ﺗﯘرﯨﯟاﻟﺪى. دﯦﻤﻪك، ﺋﯘلارﻧﯩﯔ ﺋﻪﻧﺪﯨﺸﻪ ﻗﯩﻠﯩﺸﯩﯟاﺗﻘﯩﻨﻰ ﺋﯧﻨﯩﻖ ﺋﯩﺪى. ﺳﯩﺠﺎڭ ﺋﯚزﯨﻤﯘ زۇﻟﯘم ﭼﻪﻛﻜﻪن ﺑﯩﺮ دﯦﮭﻘﺎن ﺑﺎﻟﯩﺴﻰ ﺑﻮﻟﻐﺎﭼﻘﺎ ﺋﯩﺸﻨﯩﯔ ﺗﯧﮕﯩﻨﻰ پەملىدى - دە، ﺋﻪﻣﺪى ﺋﯩﻜﻜﯩﻠﯩﻨﯩﭗ ﺗﯘرﻣﺎيلا ﺑﯘﻳﺮۇدى.
ـــــ ﺋﺎۋۇ ﻳﯩﮕﯩﺘﻨﻰ ﺋﺎﺳﻤﺎﻗﺘﯩﻦ ﭼﯜﺷﯜرۈڭلار!
ﻛﺎنىۋايلار ﮬﻪش - ﭘﻪش  دﯦﮕﯜﭼﻪ ﺋﯘﻧﻰ ﺋﺎﺳﻤﺎﻗﺘﯩﻦ ﭼﯜﺷﯜردى - دە، ﻳﯚﻟﻪﺷﺘﯜرۈپ ﺋﯚﺳﺘﻪڭ ﻗﯩﺮﻏﯩﻘﯩﺪﯨﻜﻰ ﻳﯘﻣﺸﺎق ﻗﯘﻣﻐﺎ ﻳﺎﺗﻘﯘزدى، ﺋﯚﺳﺘﻪﯕﺪﯨﻦ ئوچۇملاپ ﺳﻮﻏﯘق ﺳﯘ ﺋﯧﻠﯩﭗ ﻳﯜزﯨﮕﻪ ﺳﻪﭘﺘﻰ، دەم ﺋﯚﺗﯜپ ﻳﯩﮕﯩﺖ ﮬﻮﺷﯩﻐﺎ ﻛﻪﻟﺪى - دە، ﺋﯧﻐﯩﺮﻟﯩﺸﯩﭗ ﻛﻪﺗﻜﻪن ﻗﺎﭘﺎﻗﻠﯩﺮﯨﻨﻰ تەستە ﻛﯚﺗﯜرۈپ، ﻗﯘرۇپ ﻛﻪﺗﻜﻪن ﻟﻪۋﻟﯩﺮﯨﻨﻰ ﻳﺎﻟﯩﻐﯩﻨﯩﭽﻪ:
ـــــ ﺳﯘ، ﺳﯘ! ـــــ دەپ ﭘﯩﭽﯩﺮﻟﯩﺪى. دﯦﻤﯩﺴﯩﻤﯘ ﺋﯘﺳﺴﯘزﻟﯘق ﺋﯘﻧﯩﯖﻐﺎ ﺋﯧﻐﯩﺮ ﺋﺎزاب ﻛﻪﻟﺘﯜرﮔﻪﻧﯩﺪى. ﺋﯘﻧﯩﯖﻐﺎ ﺳﯘ ﺋﯩﭽﯜرۈﻟﺪى، ﻳﯩﮕﯩﺖ ﺳﻪل ﻣﺎﻏﺪۇرﯨﻐﺎ ﻛﯧﻠﯩﭗ ﻛﯚزﯨﻨﻰ ﻳﻮﻏﺎن ﺋﺎﭼﺘﻰ - دە، ﺋﺎﻟﺪىدىدىكى ﺗﺎﺳﻤﺎ ﺋﻮﺟﺎﯕﺪەي ﺑﯩﻠﻪن ﺋﻮراﻟﻐﺎن ﻗﯩﻠﯩﭻ - ﺗﺎﭘﺎنچا ئېسىشقان ﻗﻮراﻟﻠﯩﻖ ﻛﯩﺸﯩﻠﻪردﯨﻦ ﺋﯘلارﻧﯩﯔ ﺋﺎرﯨﺴﯩﺪﯨﻜﻰ ﺗﻪﻣﺒﻪل ﻛﯩﺸﯩﻨﻰ ﻛﯚرۈپ ﻳﻪﻧﻪ ﻛﯚزﯨﻨﻰ ﻳﯘﻣﯘۋاﻟﺪى، ﻳﯩﮕﯩﺘﻨﯩﯔ ﭼﯩﺮاﻳﯩﻨﻰ ﻗﻮرﻗﯘﻧﭻ ﻗﺎﭘﻠﯩﻐﺎﻧﺪەك ﻗﯩﻠﺪى.
ـــــ ﻳﯩﮕﯩﺖ، ـــــ دﯦﺪى ﺳﯩﺠﺎڭ، ﺋﯘﻧﯩﯔ ﺑﯧﺸﯩﻨﻰ ﻣﯧﮭﺮﯨﺒﺎﻧﻠﯩﻖ ﺑﯩﻠﻪن ﻳﯚﻟﻪپ ﺗﯘرۇپ، ـــــ ﻛﯩﻢ ﺑﻮﻟﯩﺴﻪن؟ ﻧﯧﻤﯩﺸﻘﺎ ﺋﯧﺴﯩﭗ ﻗﻮﻳﯘﻟﺪۇڭ؟ ﻗﻮرﻗﻤﺎ! راﺳﺖ ﮔﻪپ ﻗﯩﻞ! ﺑﯩﺰ ﺧﻪﻟﻖ ﻗﻮزﻏﯩلاﯕﭽﻰ ﺋﺎرﻣﯩﻴﻪﺳﯩﻨﯩﯔ ﺋﺎدەﻣﻠﯩﺮى ﺑﻮﻟﯩﻤﯩﺰ!
ﻳﯩﮕﯩﺖ ﺋﯩﻜﻜﯩﻨﭽﻰ ﻗﯧﺘﯩﻢ ﻛﯚزﯨﻨﻰ ﺋﺎﭼﺘﻰ، ﭼﯧﮭﺮﯨﺪە ﺋﻪﻣﺪى ﻛﯜﻟﯜﻣﺴﯩﺮەش ﭘﻪﻳﺪا ﺑﻮﻟﺪى.
ـــــ ﺋﺎﯕﻠﯩﻐﺎن، ـــــ دەپ ﭘﯩﭽﯩﺮﻟﯩﺪى ﺋﯘ قىينىلىپ تۇرۇپ، ـــــ ﺳﯩﻠﻪرﻧﻰ ﺗﯚت ﻛﯚز ﺑﯩﻠﻪن ﻛﯜﺗﻜﻪﻧﯩﺪﯨﻢ، ﺋﯩﺴﻤﯩﻢ ﺳﯘﻟﺘﺎن، ﺷﯘ ﻛﻪﻧﺘﻠﯩﻚ، ﺋﺎﺗﺎ-ﺋﺎﻧﺎم ﺋﯚﻟﯜپ ﻛﻪﺗﻜﻪن ﻳﯧﺘﯩﻢ ﺋﻮﻏﯘﻟﻤﻪن، ﺋﯘرۇق - ﺗﯘﻏﻘﺎﻧﻠﯩﺮﯨﻤﻤﯘ ﻳﻮق، ﺷﯘ ﻳﯧﺰﯨﻨﯩﯔ ﺑﯧﮕﻰ  ﺋﻮﺳﻤﺎن ﺑﻪﮔﻨﯩﯔ ﻣﺎﻟﯩﻴﻰ ﺋﯩﺪﯨﻢ، ﺋﯘﻧﯩﯔ ﭼﯩﺸﯩﻐﺎ ﺗﯧﮕﯩﭗ ﻗﻮﻳﯘپ، ﺑﯘ ﺟﺎزاﻏﺎ ﻳﻮﻟﯘﻗﺘﯘم، ﻣﺎﻧﺎ ﻣﺎۋۇ ﺑﺎغ ﺋﯚي ﺋﯘﻧﯩﯔ ﻣﯘﺷﯘ ﻛﻪنتتىكى چاھاربېغى، ﻗﻮرا - ﺟﺎﻳﻰ ﻳﯘﻗﯩﺮﯨﻘﻰ ﻛﻪﻧﺘﺘﻪ.
ـــــ ﻗﺎﻧﺪاق ﭼﯩﺸﯩﻐﺎ ﺗﯧﮕﯩﭗ ﻗﻮﻳﻐﺎﻧﯩﺪﯨﯔ؟
ﻳﯩﮕﯩﺖ ﺑﯩﺮ ﭘﻪس ﺗﯘرۇپ ﻗﺎﻟﺪى - دە، ﻏﻪﻳﺮەت ﻗﯩﻠﯩﭗ ﺋﯚرە ﺑﻮﻟﺪى، ﺳﯩﺠﺎڭ ﻳﯩﮕﯩﺘﻨﯩﯔ ﻛﯧﻠﯩﺸﻜﻪن ﭼﯩﺮاي - ﻗﺎﻣﯩﺘﯩﮕﻪ، ﺑﺎﺗﯘراﻧﻪ ﻗﯩﻴﺎﭘﯩﺘﯩﮕﻪ زوقلاندى.
ـــــ ﺋﯘﻧﯩﯔ ﺋﺎﻟﺪﯨﺪا ﻳﺎﺷﻠﯩﻖ ﻗﯩﻠﯩﭗ ﺳﺎﻟﻐﺎﻧﯩﺪﯨﻢ، ـــــ دﯦﺪى ﻳﯩﮕﯩﺖ ﺧﯩﺠﺎﻟﻪتتە قالغان ئادەمدەك دۇدۇقلاپ، ـــــ ﺋﻪﻣﺪى ﺋﻮﺳﻤﺎن ﺑﻪگ ﻣﯧﻨﻰ ﺋﯚﻟﺘﯜرۈۋﯦﺘﯩﺸﻰ ﻣﯘﻣﻜﯩﻦ، ﻛﻪﻧﺘﺘﯩﻜﯩﻠﻪرﻧﯩﯔ ﮬﻪﻣﻤﯩﺴﻰ ﺑﯩﻠﯩﺪۇ، ﺋﯘ ﺗﻮﻟﯩﻤﯘ زاﻟﯩﻢ ﺋﺎدەم، ﻳﺎﻟﻐﯘز ﺑﯩﺰگىلا ﺋﻪﻣﻪس، ﺧﻮﺗﯘن - ﺑﺎﻟﯩﻠﯩﺮى، ﺋﯘرۇغ - ﺗﯘﻏﻘﺎﻧﻠﯩﺮﯨﻐﯩﭽﻪ زاﻟﯩﻤﻠﯩﻖ ﻗﯩﻠﯩﺪۇ، ﻣﻪﻧﺴﻪپ - ﺷﯚﮬﺮەت ﺋﯜﭼﯜن ﺟﯧﻨﯩﻨﻰ ﺳﺎﺗﯩﺪۇ. ﺗﯚﻣﯜر ﺳﯩﺠﺎڭ، غوﺟﺎﻣﻨﯩﻴﺎز ﮬﺎجىملارمۇ ﺑﯘ ﻳﻪردە ﺋﺎﻳﻠﯩﻨﯩﭗ ﻳﯜرﮔﻪﻧﻠﯩﺮﯨﺪە، ﻳﺎردەم ﺑﻪرﻣﻪﻛﺘﻪ ﻳﻮق، ﺋﯘلارﻧﯩﯔ ﻛﻪﻟﮕﯜﺳﯩﮕﻪ ﺋﯩﺸﻪﻧﻤﻪي، ﻣﯚﻛﯜپ ﻳﯜردى، ﺑﯘ ﺋﯩﺸﻰ ﺋﯜﭼﯜن ﮬﯚﻛﯜﻣﻪﺗﺘﯩﻦ ﺷﺎﯕﻴﻮﻟﯘق ﻣﻪﻧﺴﻪﭘﻜﻪ ﺋﯧﺮﯨﺸﺘﻰ، ﺗﯧﺨﯩﻤﯘ ﺋﻪدەپ ﺋﻪل ﺑﯧﺸﯩﺪا زورﻟﯘق - زوﻣﺒﯘﻟﯘق ﻗﯩﻠﺪى. «ﺋﯩﺴﻴﺎنچىلارغا ﻳﺎﻧﺘﺎﻳﺎق ﺑﻮﻟﺪى» دەپ ﭼﯧﻘﯩﭗ ﺑﯩﺮﻣﯘﻧﭽﻪ ﺑﯩﮕﯘﻧﺎھ دﯦﮭﻘﺎنلارنى ﻧﺎﮬﻪق ﺟﺎزاﻏﺎ دۇﭼﺎر ﻗﯩﻠﺪى. ﺋﯘﻧﯩﯔ ﭼﺎﯕﮕﯩﻠﯩﺪﯨﻜﻰ دﯦﮭﻘﺎنلار ﺋﯘﻧﯩﯖﻐﺎ «ﮬﺎ - ﺷﺎ» دﯦﻴﻪﻟﻤﻪﻳﻤﯩﺰ.
ﺳﯩﺠﺎﯕﻨﯩﯔ ۋە ﺋﯘﻧﯩﯔ ﻗﯧﺸﯩﺪﯨﻜﻰ ﮬﻪﻣﺮاﮬﻠﯩﺮﯨﻨﯩﯔ ﻗﻮﺷﯘﻣﯩﻠﯩﺮى ﺗﯜرۈﻟﺪى، ﭼﯩﺮاﻳﻰ ﻏﻪزەبلىك ﺗﯜس ﺋﺎﻟﺪى.
ـــــ ﺋﻪﮔﻪر ﮔﯧﭙﯩﯔ راﺳﺖ ﺑﻮﻟﺴﺎ، ﺳﯧﭙﻰ ﺋﯚزﯨﺪﯨﻦ ﺑﻮﻟﻐﺎن ﻣﯘﻧﺎﭘﯩﻖ ﺋﯩﻜﻪن ﺋﯘ!
ـــــ ﺗﺎزا ﺑﯩﺮ ﺋﻪدەﭘﻠﻪپ ﻗﻮﻳﻤﯩﺴﺎق ﺑﻮﻟﻤﺎﻳﺪﯨﻜﻪن ﺋﻪﻣﯩﺴﻪ، ﻗﺎدﯨﺮ، دەرﮬﺎل ﺋﺎﺗﻠﯩﻨﯩﭗ ﺋﻮﺳﻤﺎن ﺑﻪگ دﯦﮕﻪﻧﻨﻰ ﻗﻪﻳﻪردﯨﻦ ﺑﻮﻟﺴﯩﻤﯘ ﺗﯧﭙﯩﭗ ﻛﻪﻟﺘﯜر!
ﺳﯩﺠﺎﯕﻨﯩﯔ ﺑﯘﻳﺮۇﻗﯩﻨﻰ ﺋﺎﻟﻐﺎن ﻗﺎدﯨﺮ دﯦﮕﻪن ﺑﺎﮬﺎدﯨﺮ ﻗﺎﻣﻪت ﻛﺎﻧﯩﯟاي ﻳﯩﮕﯩﺖ دەرﮬﺎل ﺋﺎتلاندى-دە  ھايت-ھۇيت  دېگۈچە ﭼﯧﭙﯩﭗ كۆزدىن غايىب بولدى.
ـــــ راﺳﺖ ﺋﯧﻴﺘﻘﯩﻨﺎ ﺋﯘﻛﺎم، ﺋﯘﻧﯩﯔ ﺋﺎﻟﺪﯨﺪا ﻗﺎﻧﺪاق ﻳﺎﺷﻠﯩﻖ ﻗﯩﻠﯩﭗ ﻗﻮﻳﺪۇڭ؟
ـــــ ﺟﺎﻧﺎﺑﯩﻠﯩﺮى ﺑﯘﻧﻰ ﺳﻮراپ ﻧﯧﻤﻪ قىلىدىلا؟  ﻳﺎﺷﻠﯩﻖ دﯦﮕﻪن ﺳﯩﻠﯩﻨﯩﯔ ﺑﺎﺷﻠﯩﺮﯨﺪﯨﻨﻤﯘ ﺋﯚﺗﻜﻪن ﺑﻮﻟﻐﯩﻴﺪى؟ ﺷﯘﻧﭽﯩﻠﯩﻚ دﯦﮕﯩﻨﯩﻤﻤﯘ ﻳﯧﺘﻪر!...
ـــــ ﻳﯩﮕﯩﺘﻨﯩﯔ ﺋﯧﻴﺘﻘﺎﻧﻠﯩﺮﯨﻤﯘ ﮬﻪق ﺳﯩﺠﺎڭ ﺟﺎﻧﺎﺑﯩﻠﯩﺮى ـــــ دﯦﺪى ﻛﯧﻴﯩﻦ ﻛﯧﻠﯩﭗ ﮔﻪپ ﺗﯩﯖﺸﺎپ ﺗﯘرﻏﺎن ﺋﺎﭘﭙﺎق ﺳﺎﻗﺎﻟﻠﯩﻖ ﺑﯩﺮ ﺑﻮۋاي ﺳﯩﺠﺎﯕﻨﯩﯔ ﺋﺎﻟﺪﯨﻐﺎ ﻛﯧﻠﯩﭗ، ـــــ ﺋﻮﺳﻤﺎن ﺑﻪگ دﯦﮕﻪن ﮬﻪﻗﯩﻘﻪﺗﻪن ﺋﺎﭼﻜﯚز، زاﻟﯩﻢ ﺋﺎدەم، ﺑﯘ ﻛﯩﺸﯩﻠﻪر ﮬﯧﻠﻰ ﻗﻮرﻗﻘﺎﻧﻠﯩﻘﺘﯩﻦ ﺳﻮﺋﺎﻟﻠﯩﺮﯨﻐﺎ ﺟﺎۋاب ﺑﯧﺮەﻟﻤﯩﺪى. ﭼﯜﻧﻜﻰ ﺋﯘﻧﯩﯔ ﺋﺎﻳﻐﺎﻗﭽﯩﻠﯩﺮى ﻛﯚپ، ﺋﯧﻘﯩﺘﻤﺎي - ﺗﯧﻤﯩﺘﻤﺎي ﺑﯧﺮﯨﭗ ﻳﻪﺗﻜﯜزﯨﺪۇ، ﺷﯘ ﺗﺎﭘﺘﯩﻤﯘ ﺋﻪﺗﺮاﭘﺘﺎ ﺋﯘﻧﯩﯔ ﻗﯘلاﻗﻠﯩﺮى ﻳﻮق دﯦﮕﯩﻠﻰ ﺑﻮﻟﻤﺎﻳﺪۇ، ﻟﯧﻜﯩﻦ ﻣﻪن ﻗﻮرﻗﻤﺎﻳﻤﻪن، ﻗﯧﺮﯨﻐﺎﻧﺪا ﺑﻮﻟﺴﯩﻤﯘ ﮬﻪﻗﻨﻰ ﺳﯚزﻟﻪپ ﺋﯘ دۇﻧﻴﺎﻏﺎ ﻛﯧﺘﻪي. ﺑﯘ ﺑﺎي ﺋﺎﺗﻤﯩﺸﺘﯩﻦ ﺋﺎﺷﻘﯩﻨﯩﻐﺎ ﻗﺎرﯨﻤﺎي ﺧﻮﺗﯘﻧﭙﻪرەﺳﺖ ﺋﺎدەم، ﺷﻪرﯨﺌﻪﺗﺘﻪ ﺑﯩﺮ ﺋﻪرﮔﻪ ﻛﯚپ ﺑﻮﻟﻐﺎﻧﺪا ﺗﯚت خاﺗﯘن راۋا، ﺋﯘﻧﯩﯖﺪﯨﻦ ﺋﯧﺸﯩﭗ ﻛﻪﺗﻤﯩﺴﯘن دﯦﮕﻪﻧﯩﻜﻪن. ﺋﻪﻣﻤﺎ ﺋﯘ ﮬﺎزﯨﺮ 10 دﯨﻦ ﺋﺎرﺗﯘق خاﺗﯘن ﺋﺎﻟﺪى، ﮬﻪﻣﻤﯩﺴﻰ ﺋﯚزﯨﻨﯩﯔ ﺑﺎﻟﯩﺴﯩﺪەك ﻳﺎش ﻗﯩﺰ - ﭼﻮﻛﺎن، ﺋﯘﻧﯩﯔ دﯦﻴﯩﺸﯩﭽﻪ ﺗﯧﺨﻰ ﺑﯘﻣﯘ ﺋﺎزﻣﯩﺶ، ﻣﯘﺳﯘﻟﻤﺎن ﺧﻪﻟﯩﭙﯩﺴﻰ ﮬﺎرۇن رەﺷﯩﺪلار، ﭘﺎدﯨﺸﺎھ 400 دﯨﻦ ﺋﺎرﺗﯘق خاﺗﯘن - ﻛﯧﻨﯩﺰەك ﺗﯘﺗﻘﺎﻧﻤﯩﺶ، ﻟﯧﻜﯩﻦ ﺋﯘ ﺑﺎر خاﺗﯘﻧﻠﯩﺮﯨﻨﯩﯔ ﺗﯜزۈﻛﺮەك ﮬﯚددﯨﺴﯩﺪﯨﻦ ﭼﯩﻘﺎﻟﻤﺎﻳﺪۇ، ﺷﯘﻧﺪاق ﺑﻮﻟﻐﺎﻧﺪﯨﻜﯩﻦ ھويلا ﺋﯩﭽﯩﮕﻪ ﺳﻮلاپ ﻗﻮﻳﯘﻟﻐﺎن ﺑﯘ ﻳﺎش ﻧﻪرﺳﯩﻠﻪرﻧﯩﯔ ﺋﯩﭽﻰ ﭘﯘﺷﻤﺎﻣﺪۇ؟ ﮬﻪر ﻧﻪرﺳﻪ ﺋﯚز ﺧﯩﻠﻰ ﺑﯩﻠﻪﻧﺪە، ﺋﯘلارﻧﯩﯔ ﺋﺎرﯨﺴﯩﺪﯨﻦ ﺑﯩﺮﺳﯩﻨﯩﯔ ﻳﯩﮕﯩﺘﯩﻤﯩﺰ ﺳﯘﻟﺘﺎﻧﻐﺎ ﻛﯚﯕﻠﻰ ﭼﯜﺷﯜپ ﻗﺎﭘﺘﯘ، ﻛﯚرۈپ ﺗﯘرۇپتىلا، ﺳﯘﻟﺘﺎن ﺑﺎﻟﯩﻤﯘ ﮬﻪرﻗﺎﻧﺪاق ﻗﯩﺰ - ﭼﻮﻛﺎنلار ﺑﯩﺮلا ﻛﯚرﺳﻪ ﻳﺎرﯨﺘﯩﭗ ﻗﺎﻟﻐﯘدەك ﺑﻪرﻧﺎ ﻳﯩﮕﯩﺖ. ﺋﺎدەﻣﻨﯩﯔ ﺑﻪرﻧﺎﻟﯩﻘﻰ ﮔﯘﻧﺎھ ﺋﻪﻣﻪس، ﺋﯩﮕﻪم ﺋﯚزى ﺷﯘﻧﺪاق ﻳﺎراﺗﻘﺎن ﺋﻪﻣﻪﺳﻤﯘ؟ ﺋﯘﻧﯩﯔ ﮔﯘﻧﺎﮬﻰ ﻣﺎﻧﺎ ﻣﯘﺷﯘﻧﺪاق ﻳﺎﺷﭽﯩﻠﯩﻖ.
ﺑﻮۋاﻳﻨﯩﯔ ﻗﺎملاشقان ﺳﯚزﻟﯩﺮى ﺳﯩﺠﺎڭ ۋە ﺋﯘﻧﯩﯔ ﮬﻪﻣﺮاﮬﻠﯩﺮﯨﻨﻰ ﺑﻪﻛﻤﯘ ﻗﯩﺰﯨﻘﺘﯘردى. ﺋﺎﺧﯩﺮﯨﺪا ﺋﯘلار ﺑﯩﺮ - ﺑﯩﺮﯨﮕﻪ ﻗﺎراپ ﻛﯜﻟﯜﻣﺴﯩﺮەﺷﺘﻰ، ﺑﺎرا - ﺑﺎرا ﻛﯜﻟﯜﻣﺴﯩﺮەﺷﻠﻪر ﻗﺎﮬﻘﺎﮬﻠﯩﻐﺎن ﻛﯜﻟﻜﯩﮕﻪ ﺋﺎيلاندى. ﺋﯘلارﻧﯩﯔ ﻛﯜﻟﯜﺷﯩﺪﯨﻤﯘ ﺳﻪۋەب ﺑﺎر، ﭼﯜﻧﻜﻰ ﺋﯘلارﻧﯩﯔ ﻛﯚﭘﯩﻨﭽﯩﻠﯩﺮى ﺋﯚز ﻳﯘرﺗﻠﯩﺮﯨﺪﯨﻜﻰ ﭼﺎﻏﻠﯩﺮﯨﺪا ﻧﺎﻣﺮاﺗﻠﯩﻖ دەﺳﺘﯩﺪﯨﻦ بايلارغا ﻣﺎلاي، ﻳﯩﻠﻠﯩﻘﭽﻰ ﺑﻮﻟﻐﺎنلار، ﺷﯘﯕﺎ ﺑﯘﻧﺪاق ﻳﺎﺷﻠﯩﻘﻨﯩﯔ ﺳﯩﺮﯨﻨﻰ ﭼﯜﺷﯩﻨﯩﭗ ﻛﯧﺘﻪﺗﺘﻰ. ﺋﺎﺑﺪۇﻧﯩﻴﺎز ﺳﯩﺠﺎﯕﻨﻰ ﺋﺎﻟﺴﺎق ﺋﺎﺷﯘﻧﺪاق ﻳﺎﺷﻠﯩﻖ ﺳﻪۋەﺑﻰ ﺑﯩﻠﻪن ﻳﺎﻣﺎن ﻛﯜﻧﮕﻪ ﻗﯧﻠﯩﭗ، ﺋﻪرﻛﯩﻨﻠﯩﻚ ﺋﯜﭼﯜن ﻛﯚﺗﯜرۈﻟﯜپ ﭼﯩﻘﻘﺎن ﻛﯩﺸﯩﻠﻪرﻧﯩﯔ ﺑﯩﺮﺳﻰ ﺋﻪﻣﻪﺳﻤﯘ؟ ﻣﺎﻧﺎ ﺑﯘ ﺋﻮﺧﺸﺎﺷﻠﯩﻖ ﺑﯩﺮ ﺗﻪرەﭘﺘﯩﻦ ﺋﯘلارﻧﯩﯔ ﻗﻪﻟﺒﯩﺪە زالىملارغا ﻗﺎرﺷﻰ ﻧﻪﭘﺮەت ﻗﻮزﻏﺎﺗﺴﺎ، ﺑﯩﺮ ﺗﻪرەﭘﺘﯩﻦ ﺳﯘﻟﺘﺎﻧﻐﺎ ئېچىندى، ﺋﯘﻧﯩﯔ «ﻳﺎﺷﻠﯩﻘﻰ»غا  ھەۋەسلىنىپ  كۈلدى.
ـــــ ﮔﯘﻧﺎﮬﯩﯔ ﮬﻪﻗﯩﻘﻪﺗﻪن ﺋﯧﻐﯩﺮ ﺋﯩﻜﻪن ﻳﯩﮕﯩﺖ! ـــــ دﯦﺪى ﺗﯧﺨﯩﭽﻪ ۋﯨﻠﯩﻘﻠﯩﻐﺎن ﻛﯜﻟﻜﯩﺴﯩﻨﻰ ﺗﻮﺧﺘﯩﺘﺎﻟﻤﯩﻐﺎن ﮬﺎﻟﺪا ﺋﯘﻧﯩﯔ ﻗﻮﻟﺘﯘﻗﯩﺪﯨﻦ ﻳﯚﻟﻪپ ﺗﯘرﻏﯘزۇپ، ـــــ ﻛﯩﺸﯩﻨﯩﯔ ﻧﯩﻜﺎﮬﯩﺪﯨﻜﻰ خاﺗﯘﻧﻐﺎ ﺑﯘﻧﺪاق ﻳﻮﻟﺴﯩﺰﻟﯩﻖ ﻗﯩﻠﺴﺎق، ﺷﻪرﯨﺌﻪت - ﻗﺎﻧﯘن ﺑﯘﻧﯩﯖﺪﯨﻨﻤﯘ ﺋﯧﻐﯩﺮ ﺟﺎزالارﻏﺎ ﺑﯘﻳﺮۇﺷﻰ ﻣﯘﻣﻜﯩﻦ ﺋﯩﺪى، ﺋﻪﻣﻤﺎ ﺳﯧﻨﯩﯔ ﺑﯘ ﺋﯩﺸﻠﯩﺮﯨﯖﻐﺎ ﺑﯩﺮﻧﻪرﺳﻪ دﯦﮕﯩﻠﻰ ﺑﻮﻟﻤﯩﻐﯘدەك، ﺑﻮﭘﺘﯘ، ﮔﯘﻧﺎﮬﯩﯖﻨﻰ ﻣﻪنلا ﻛﻪﭼﯜرۈۋﯦﺘﻪي، ﺑﯩﺰﮔﻪ ﺋﻪﺳﻜﻪر ﺑﻮلاﻣﺴﻪن؟
ﺋﺎران دەﺳﺴﻪپ ﺗﯘرﻏﺎن ﻳﯩﮕﯩﺘﻨﯩﯔ ﺑﯘ ﮔﻪپ ﺑﯩﻠﻪن ﺟﯩﺴﻤﯩﻐﺎ ﻏﺎﻳﯩﺒﺘﯩﻦ ﻛﯜچ ﻗﻮﺷﯘﻟﻐﺎﻧﺪەك ﺑﻮﻟﺪى، ﻛﯚزﻟﯩﺮى ﻧﯘرﻟﯩﻨﯩﭗ، ﺳﯩﺠﺎﯕﻐﺎ ﮬﯚرﻣﻪت ﺑﯩﻠﻪن ﺗﯩﻜﯩﻠﺪى، «ﺧﺎﺗﺎ ﺋﺎﯕلاۋاﺗﻤﺎﻳﺪﯨﻐﺎﻧﺪﯨﻤﻪن؟»، ﺋﻪﺳﻜﻪر ﺑﻮﻟﯘش ئۇنىڭ ﺋﯘزۇﻧﺪﯨﻦ بۇيانقى ﺋﺎرزۇﺳﻰ ﺋﯩﺪى، ﺷﯘﯕﺎ ﺋﯘزۇﻧﺪﯨﻦ ﺑﯧﺮى ﻣﯘﺷﯘﻧﺪاق ﭘﯘرﺳﻪﺗﻨﻰ ﻛﯜﺗﯜپ ﻳﯜرەﺗﺘﻰ، ﺋﻪﻣﺪى ﺟﻪڭ ﻣﻪﻳﺪاﻧﻰ ﺋﯘﻧﻰ ﺑﺎﺗﯘرﻟﯘﻗﻘﺎ ﭼﺎﻗﯩﺮﻣﺎﻗﺘﺎ ﺋﯩﺪى. ﺋﯘ ﻗﻮﻟﯩﻐﺎ ﻗﻮرال ﺋﯧﻠﯩﭗ ﺋﻮﺳﻤﺎن ﺑﻪگ ۋە ﺋﯘلارﻏﺎ ﺋﻮﺧﺸﺎشلارغا ﻳﺎﻧﺘﺎﻳﺎق ﺑﻮﻟﯘپ، ﺋﯘﻧﯩﯔ ﺋﯩﻠﯩﻜﯩﻨﻰ ﺷﻮرﯨﻐﺎن ﺋﻪﻛﺴﯩﻴﻪﺗﭽﻰ زوراۋانلارنىڭ ﺗﻪﺧﺘﻰ - ﺑﻪﺧﺘﯩﻨﻰ ﻛﯜل ﻗﯩﻠﯩﭗ ﺳﻮرۇپ، ﺋﯧﺰﯨﻠﮕﻪن ﺧﻪﻟﻘﻘﻪ ﺑﻪﺧﺖ - ﺳﺎﺋﺎدەت ﺋﯧﻠﯩﭗ ﻛﻪﻟﺴﻪ - ﮬﻪ؟!
ـــــ ﻣﯘﺷﯘ ﮔﻪﭘﻠﯩﺮى راستلا ﺑﻮﻟﺴﺎ، ﺋﻪﺳﻜﻪر ﺑﻮﻟﯘپ ﺟﺎن - ﺳﺎداﻗﯩﺘﯩﻢ ﺑﯩﻠﻪن ﺧﯩﺰﻣﻪت ﻗﯩلاﺗﺘﯩﻢ، ﻣﯧﻨﯩﯔ ﺗﺎرﺗﯩﺸﯩﺪﯨﻐﺎن ﮬﯧﭽﻨﻪرﺳﻪم، ﮬﯧﭽﻜﯩﻤﯩﻢ ﻳﻮق، ﻳﯧﮕﺎﻧﯩﻤﻪن.
ـــــ ﺑﺎرﯨﻜﺎللا، ئىرادەڭ ﺧﯧﻠﻰ قاتتىققۇ ﺳﯧﻨﯩﯔ، ـــــ دﯦﺪى ﻣﻮﻳﺪۇن ﺗﯘەﻧﺠﺎڭ ﻛﯜﻟﯜپ. ﺋﺎﯕﻐﯩﭽﻪ ﻛﺎﻧﯩﯟاﻳﻨﯩﯔ ﮬﻪﻣﺮاﮬﻠﯩﻘﯩﺪا ﺋﻮﺳﻤﺎن ﺑﻪﮔﻤﯘ ﻛﻪپ ﻗﺎﻟﺪى. ﺋﯘ ﺋﯧﮕﯩﺰ ﺑﻮي، ﺋﻮرۇق، ﻛﻪﻛﻪ ﺳﺎﻗﺎل، ﻗﺎراﻣﺘﯘل ﻳﯜزﻟﯜك ﺑﯩﺮ ﺋﺎدەم ﺑﻮﻟﯘپ، ﺷﯘ زاﻣﺎﻧﻨﯩﯔ ﺑﻪﮔﻠﯩﺮى ﺳﯩﻴﺎﻗﯩﺪا ﻛﯩﻴﯩﻨﮕﻪﻧﯩﺪى. ﺋﯘ 100 ﻣﯧﺘﯩﺮﭼﻪ ﻧﯧﺮﯨﺪﯨﻦ ﺋﺎﺗﺘﯩﻦ ﭼﯜﺷﺘﻰ - دە، ﺋﯩﻜﻜﻰ ﻗﻮﻟﯩﻨﻰ ﻛﯚﻛﺴﯩﮕﻪ ﺋﯧﻠﯩﭗ ﺳﯩﺠﺎﯕﻨﯩﯔ ﺋﺎﻟﺪﯨﻐﺎ ﻛﯧﻠﯩﺸﻜﻪ ﺑﺎﺷﻠﯩﺪى. ﺑﺎﻳﻨﯩﯔ ﭼﯩﺮاﻳﻰ ﺗﺎﺗﺎرﻏﺎن، ﻗﻮرﻗﯘﻧﭻ ﺋﺎلاﻣﯩﺘﻰ ﺋﻪﻛﺲ ﺋﯧﺘﻪﺗﺘﻰ. ﺋﺎرﻗﯩﺴﯩﺪا ﺋﯩﻜﻜﻰ دﯦﺪەك ﭼﻮڭ ﺋﯩﻜﻜﻰ ﻟﯧﮕﻪﻧﺪە ﺟﯘلاﻟﯩﻨﯩﭗ ﺗﯘرﻏﺎن تىللا-ئالتۇنلارنى ﻛﯚﺗﯜرۈپ ﻛﯧﻠﯩﯟاﺗﺎﺗﺘﻰ، ﻳﻪﻧﻪ ﺋﺎرﻗﯩﺴﯩﺪا ﺋﻮن - ﺋﻮﻧﺒﻪﺷﭽﻪ ﺋﺎدەم (ﺋﯧﮭﺘﯩﻤﺎل ﺑﯘلارﻣﯘ ﺑﺎﻳﻨﯩﯔ ﺋﺎدەﻣﻠﯩﺮى ﺑﻮﻟﺴﺎ ﻛﯧﺮەك) ﻳﺎراﻣﻠﯩﻖ 10 ﺋﺎت، ﺋﯩﻜﻜﻰ ﻛﺎلا ۋە 15 ﭼﻪ ﺑﻮرداق ﻗﻮيلارنى ﺋﺎﻟﺪﯨﻐﺎ ﺳﯧﻠﯩﭗ، ﻳﯧﺘﯩﻠﻪپ دېگۈدەك ﻛﯧﻠﯩﯟاﺗﺎﺗﺘﻰ. ﺑﯘ، ﺑﺎﻳﻨﯩﯔ ﻛﻪﻧﺘﻜﻪ ﭼﯜﺷﻜﻪن ﻗﻮﺷﯘﻧﻐﺎ ﺋﺎﺗﯩﻐﺎن ﺗﯚﮬﭙﯩﻠﯩﺮى ﺋﯩﺪى. ﺋﯧﮭﺘﯩﻤﺎل ﺑﺎﻳﺎﻣﻘﻰ ﺋﺎﻗﺴﺎﻗﺎل ﺑﻮۋاي ﺋﯧﻴﺘﻘﺎﻧﺪەك «ﻗﯘلاق» لار، ﺳﯩﺠﺎﯕﻨﯩﯔ ﺳﯚزﻟﯩﺮﯨﻨﻰ ﻳﻪﺗﻜﯜزﮔﻪن ﺑﻮﻟﺴﺎ ﻛﯧﺮەك، ﺋﯚزﯨﻨﻰ ﭼﻪﺗﻜﻪ ﺋﯧﻠﯩﺸﻘﺎ ﺋﯜﻟﮕﯜرەﻟﻤﻪي ﻗﺎﻟﻐﺎن ﺑﻪگ ﺑﯘ ﻗﯧﺘﯩﻢ ﺑﯧﺸﯩﺪا ﺋﻪﺟﻪل ﻗﯘﺷﯩﻨﯩﯔ ﺋﻪﮔﯩﭗ ﻳﯜرﮔﯩﻨﯩﻨﻰ ﮬﯧﺲ ﻗﯩﻠﯩﭗ، ﻣﯘﺷﯘ ﭼﺎرﯨﻠﯩﺮى ﺋﺎرﻗﯩﻠﯩﻖ ﻗﯘﺗﯘﻟﯘﺷﻨﯩﯔ ﻳﻮﻟﯩﻨﻰ ﺋﯩﺰدﯨﮕﻪن ﺑﻮﻟﺴﺎ ﻛﯧﺮەك. ﺋﺎﯕﻐﯩﭽﻪ ﻛﺎﻧﯩﯟاﻳﻤﯘ ﻛﯧﻠﯩﭗ ﻗﯧﻠﯩﭗ، ﺋﺎﻟﺪﯨﻐﺎ ﺳﯧﻠﯩﭗ ﺋﻪﭘﻜﻪﻟﮕﻪﻧﯩﺪى.
ـــــ ﺋﻪﺳﺴﺎلاﻣﯘ ﺋﻪﻟﻪﻳﻜﯘم ﺳﯩﺠﺎڭ ﺟﺎﻧﺎﺑﯩﻠﯩﺮى، ـــــ دﯦﺪى ﺋﯧﮕﯩﻠﯩﭗ ﺗﯘرۇپ، ـــــ ﻳﯘرﺗﯩﻤﯩﺰﻏﺎ ﺧﯘش كېلىشىپلا، ﭘﺎي - ﻗﻪدەﻣﻠﯩﺮﯨﮕﻪ رەﮬﻤﻪت، ﮬﻪرﺑﯩﺮﻟﯩﺮى ﺋﯜﭼﯜن ﺧﯩﺰﻣﻪت  ﻛﻪﻣﯩﺮﯨﻨﻰ  ﺑﯧﻠﯩﻤﮕﻪ  ﺑﺎﻏﻠﯩﺪﯨﻢ،  ﻗﯘﻳﺎﺷﺘﻪك  ﻧﯘرﻟﯘق ﻣﯘﺳﯘﻟﻤﺎن ﻗﻮﺷﯘﻧﻰ...
ـــــ ﺑﻮﻟﺪى، ﮔﻪﭘﻨﻰ ﺋﺎز ﻗﯩﻞ! ـــــ دﯦﺪى ﺋﺎﺑﺪۇﻧﯩﻴﺎز ﺳﯩﺠﺎڭ ﺗﻪرﯨﻨﻰ ﺗﯜرۈپ، ﭼﯜﻧﻜﻰ ﺋﯘﻧﯩﯔ ﻳﺎﻏﻠﯩﻤﺎ ﭼﻪﻟﭙﻪك ﺋﯩﻜﻜﻰ ﻳﯜزﻟﯩﻤﻪ ﺳﯚزﻟﯩﺮﯨﺪﯨﻦ ﺋﻮﻏﯩﺴﻰ ﺋﯚرﻟﯩﮕﻪﻧﯩﺪى.
ـــــ ﺑﯘ ﻳﯩﮕﯩﺘﻨﻰ ﺑﯩﺰﮔﻪ ﺋﻪﺳﻜﻪرﻟﯩﻜﻜﻪ ﺑﯧﺮﯨﯟﯦﺘﯩﺴﻪن، ﻳﻪﻧﻪ ﺋﻪﻣﺮﯨﯖﺪﯨﻜﻰ ﻧﯩﺴﺎﺧﺎن ﺋﺎﻳﯩﻤﻨﻰ ﺷﯘ ﺗﺎﭘﺘﺎ ﺗﺎرﺗﯩﯟاﺗﻘﺎن ﻛﯜﻟﭙﻪﺗﻠﻪردﯨﻦ ﺋﺎزاد ﻗﯩﻠﯩﺴﻪن، ﻣﯘﺷﯘ ﻳﻪردىلا ﺷﻪرﯨﺌﻪﺗﻜﻪ ﻣﯘۋاﭘﯩﻖ ﺋﻪﻣﺮﯨﯖﺪﯨﻦ ﺟﯘدا ﻗﯩﻠﯩﺴﻪن! ﺋﯘلارﻧﻰ ﺋﯧﻠﯩﭗ ﻛﯧﺘﯩﻤﯩﺰ!
ﺋﻮﺳﻤﺎن ﺑﻪﮔﻨﯩﯔ ﭼﯩﺮاﻳﻰ ﻗﺎرﯨﺪاپ ﻛﻪﺗﺘﻰ - دە، ﻛﯚز ﻗﯘﻳﺮۇﻗﯩﺪا ﺋﯚزﯨﮕﻪ ﺗﯩﻜﯩﻠﯩﭗ ﺗﯘرﻏﺎن ﺳﯘﻟﺘﺎﻧﻐﺎ ﻏﻪزەب ﺑﯩﻠﻪن ﻗﺎراپ ﻗﻮﻳﺪى. ﻳﻪﻧﻪ ﻛﯚزﯨﻨﻰ ﻳﯚﺗﻜﻪپ ﻗﯩﻠﯩﭻ دەﺳﺘﯩﺴﯩﻨﻰ ﭼﯩﯔ ﺳﯩﻘﯩﻤﺪاپ، ﺋﯚزﯨﮕﻪ ﺟﯩﺪدﯨﻲ ﻧﻪزەر ﺑﯩﻠﻪن ﺗﯩﻜﯩﻠﯩﭗ ﺟﺎۋاب ﻛﯜﺗﯜپ ﺗﯘرﻏﺎن ﺳﯩﺠﺎﯕﻐﺎ ﻗﺎراپ ﺗﯩﺘﺮەپ ﻛﻪﺗﺘﻰ، «ﺋﻪﭘﺴﯘس، ﺳﺎﯕﺎ ﺋﺎﻣﻪت ﻛﻪپ ﻗﺎﻟﺪى - دە ﺳﯘﻟﺘﺎن، ﺑﻮﻟﻤﯩﺴﺎ ﺋﺎﭘﺘﺎپقا ﻗﺎخلاپ ﺋﯚﻟﺘﯜرۈۋﯦﺘﻪي دﯦﯟﯨﺪﯨﻢ، ﺳﻪن ﺗﯘزﻛﻮر ﻧﺎﺋﻪﮬﻠﯩﻨﻰ، ﻣﯘﻧﯘ ﺋﻪﺗﯩﺴﻰ ﺗﯜﺗﻪك ﺋﯩﭽﯩﺪە ﻗﺎﻟﯩﺪﯨﻐﺎﻧﻠﯩﻘﯩﻨﻰ ﺑﯩﻠﻤﻪي ﻳﯜرﮔﻪن ﻗﺎرا ﻗﻮرﺳﺎقلار ﺋﺎﻟﺪﯨﺪا ﻧﯧﻤﻪ دﯦﮕﯜﻟﯜك، ﮬﺎزﯨﺮ ﺋﺎﻣﻪت ﺷﯘلاردا! ﻳﺎق،  دﯦﺴﻪڭ ﺟﺎﻧﺪﯨﻦ ﺟﯘدا ﺑﻮﻟﯩﺴﻪن» ﺑﻪگ ﭼﯩﺮاﻳﯩﻐﺎ ﻛﯜﻟﻜﻪ ﻳﯜگرىتىپ ﺗﻪزﯨﻢ ﻗﯩﻠﺪى:
ـــــ ﮔﯘﻧﺎﮬﻜﺎرلارﻧﯩﯔ ﮔﯘﻧﺎﮬﻰ ﺋﯧﻐﯩﺮ ﺋﯩﺪى، ﻟﯧﻜﯩﻦ ﺟﺎﻧﺎﺑﯩﻠﯩﺮﯨﺪەك ﻳﯘرت ﻏﯧﻤﯩﺪە ﻳﯜرﮔﻪن ﺑﯩﺮ ﻣﯘﺳﯘﻟﻤﺎن ﺳﻪردارﻧﯩﯔ ﻟﻪۋزﯨﻨﻰ ﺋﺎﻟﻤﺎﺳﻠﯩﻘﻘﺎ ﻧﯧﻤﻪ ﮬﻪددﯨﻢ، ﻣﻪن رازى.
ﺷﯘ ﻳﻪردىلا ﻗﻮﺷﯘن ﻗﺎزﯨﻨﯩﯔ ﺋﯩﺸﺘﯩﺮاﻛﯩﺪا، ﻧﯩﺴﺎﺧﺎﻧﻨﯩﯔ ﺑﻪگ ﺑﯩﻠﻪن ﺑﻮﻟﻐﺎن ﻧﯩﻜﺎھ ﺋﯩﺸﻰ ﺋﺎﻳﺮﯨﯟاش ﻗﯩﻠﯩﻨﺪى، ﺳﯘﻟﺘﺎﻧﻨﯩﯔ ﺑﻮﻟﺴﺎ ﺋﯧﻐﯩﺰ ﻣﺎﻗﯘﻟﻠﯘﻗﻰ ﺑﯩﻠﻪن ﺗﯜﮔﯩﺪى.
ـــــ ﻳﻪﻧﻪ! ـــــ دﯦﺪى ﺳﯩﺠﺎڭ ﺑﯘ ئىشلارنى ﺗﯜﮔﻪﺗﻜﻪﻧﺪﯨﻦ ﻛﯧﻴﯩﻦ،ـــــ ﻧﯩﺴﺎﺧﺎﻧﻨﯩﯔ ﻣﯧﮭﺮى ﮬﻪﻗﻘﻰ ۋە ﺑﯘ ﻳﯩﮕﯩﺘﻨﯩﯔ ﺋﯩﺶ ﮬﻪﻗﻘﯩﻨﻰ ﺷﻪرﯨﺌﻪﺗﻜﻪ لاﻳﯩﻖ ﺋﺎﻳﺮﯨﯟﯦﺘﯩﺸﯩﯔ ﻛﯧﺮەك!
ﺑﯘﻣﯘ ﺷﻪرﯨﺌﻪﺗﻜﻪ لاﻳﯩﻖ ﺑﯩﺮ ﺗﻪرەپ ﻗﯩﻠﯩﻨﺪى، ﺑﺎي ﻳﻪﻧﻪ ﺑﯩﺮ ﻣﯘﻧﭽﻪ تىللالارنى ئايرىدى.
ـــــ ﺑﯘ ﺋﻪﭘﻜﻪﻟﮕﻪﻧﻠﯩﺮﯨﻢ ﮬﻪرﺑﯩﻴﻠﯩﺮﯨﮕﻪ ﺋﺎﺗﯩﻐﺎن ﺗﯚﮬﭙﻪم ﺋﯩﺪى، ـــــ دﯦﺪى ﺑﺎي تىللا ۋە ﺋﺎت - ﭼﺎرۋىلارنى ﻛﯚرﺳﯩﺘﯩﭗ ﺗﯘرۇپ، ـــــ ﺋﺎز ﻛﯚرﻣﻪي ﻣﻪﻗﭙﯘل قىلغايلا، ﻳﻪﻧﻪ ﺟﺎﻧﺎﺑﯩﻠﯩﺮى ﺑﺎﺷﻠﯩﻖ ﭘﯜﺗﻜﯜل ﻗﻮﺷﯘن ﺟﻪﯕﭽﯩﻠﯩﺮى ﻣﺎﯕﺎ ﺑﯩﺮ ﻛﯜن مېھمان ﺑﻮﻟﯘپ ﺑﻪرﺳﯩﻜﻪن، ﻛﯜﭼﯜﻣﻨﯩﯔ ﻳﯧﺘﯩﺸﯩﭽﻪ ﺧﯩﺰﻣﻪت ﻗﯩﻠﺴﺎم، ﻗﻮﻧﺎﻟﻐﯘ، ﺋﺎش - ﺋﻮزۇق، ﺋﻮت - ﺳﺎﻣﺎن... ﮬﻪﻣﻤﯩﺴﻰ ﺗﻪﻳﻴﺎر.
ـــــ ﺑﯘﻧﯩﯖﺪﯨﻦ ﺋﯩﻠﮕﯩﺮﯨﻜﻰ ﻛﻪﻟﮕﻪﻧﻠﻪرﮔﯩﻤﯘ ﻣﯘﺷﯘﻧﺪاق ﻗﯩﻠﻐﺎﻧﻤﯩﺪﯨﯔ ﻳﺎﻛﻰ ﻣﯚﻛﯜۋﯦﻠﯩﭗ... ﻣﻪﺳﯩﻠﻪن، ﺧﻮﺟﺎﻧﯩﻴﺎز ﮬﺎﺟﯩﻢ، ﺗﯚﻣﯜر ﺳﯩﺠﺎڭلارغا دەﻳﻤﻪن، ـــــ ﺳﯩﺠﺎڭ ﺳﯩﻨﭽﻰ ﻛﯚزﻟﯩﺮﯨﻨﻰ ﺑﺎﻳﻐﺎ مىقتەك تىكتى.
    ـــــ ...
ـــــ ﮔﻪپ ﻗﯩﻠﻪ، ﺷﯧﯔ ﮬﯚﻛﯜﻣﯩﺘﯩﮕﻪ ﻗﯘﻳﺮۇق ﺷﯩﭙﺎﯕﻠﯩﺘﯩﭗ ﻗﺎﻧﭽﯩﻠﯩﻚ ﻳﯜز ﺗﺎﭘﺘﯩﯔ، ﺷﻪرﯨﺌﻪﺗﺘﻪ ﺋﯩﻨﺴﺎن - ﺋﯩﻨﺴﺎﻧﻐﺎ زۇﻟﯘم ﻗﯩﻠﺴﺎ دەۋزﯨﺨﻰ دﯦﻴﯩﻠﮕﻪن، ﺋﯚز ﻗﯧﺮﯨﻨﺪﯨﺸﯩﯔ ﺑﻮﻟﻐﺎن ﺋﻪﮬﻠﻰ ﺟﺎﻣﺎﺋﻪﺗﻨﻰ ﻗﺎﯕﻐﯩﺮ ﻗﺎﺧﺸﯩﺘﯩﭗ، ﻗﺎرﺷﻰ چىققانلارنى ﮬﯚﻛﯜﻣﻪﺗﻜﻪ ﭼﯧﻘﯩﭗ ﭘﺎدﯨﺸﺎھ ﺑﻮﻟﻤﺎﻗﭽﯩﻤﯩﺪﯨﯔ، ﻧﯧﻤﻪ ﮔﺎﭼﺎ ﺑﻮﻟﯘپ ﻗﺎﻟﺪﯨﯖﻤﯘ ﻣﯘﻧﺎﭘﯩﻖ، ﻧﯧﺮﯨﻐﺎ ﺋﺎﭘﯩﺮﯨﭗ چېپىۋېتىڭلار ﺑﯘ ﻣﯘﻧﺎﭘﯩﻘﻨﻰ!
ـــــ ﺳﯩﺠﺎڭ ﺟﺎﻧﺎﺑﯩﻠﯩﺮى... ﺳﯩﺠﺎڭ ﺟﺎﻧﺎﺑﯩﻠﯩﺮى... ﺑﯩﺮ ﻗﻮﺷﯘق ﻗﯧﻨﯩﻤﻨﻰ ﺗﯩﻠﻪﻳﻤﻪن!...ـــــ ﺋﻮﺳﻤﺎن ﺑﻪگ ﺋﯚﻣﯩﻠﻪپ ﻛﯧﻠﯩﭗ ﺳﯩﺠﺎﯕﻨﯩﯔ ﭘﯘﺗﯩﻐﺎ ﺋﯧﺴﯩﻠﯩﭗ ﻳﯧﻠﯩﻨﯩﺸﻘﺎ ﺑﺎﺷﻠﯩﺪى. ﺋﺎﯕﻐﯩﭽﻪ، بىساتىدىكى ﺑﺎر تىللا - ﻳﺎﻣﺒﯘلارﻧﻰ ﻳﻪﻧﻪ ﺋﯩﻜﻜﻰ ﻟﯩﮕﻪﻧﮕﻪ ﺗﯩﺰﯨﭗ ﻛﯚﺗﯜرﮔﯩﻨﯩﭽﻪ ﺋﻮﻏﻠﯩﻤﯘ ﻳﯧﺘﯩﭗ ﻛﯧﻠﯩﭗ، ﺳﯩﺠﺎﯕﻨﯩﯔ ﺋﺎﻟﺪﯨﺪا ﺗﯩﺰ ﭘﯜﻛﺘﻰ.
ـــــ ﺳﯩﺠﺎڭ، ـــــ دﯦﺪى ﻗﯧﺸﯩﺪا ﺗﯘرﻏﺎن ﻣﯘﺷﺎۋﯨﺮ ﺋﺎﺑﺪۇﻗﺎدﯨﺮ ﮬﺎﺟﻰ ﻳﯘﻣﺸﯩﻐﯩﺴﻰ ﻛﻪﻟﻤﯩﮕﻪن، ﺟﻪﮬﻠﻰ ﻗﺎﺗﻘﺎن ﺋﺎﺑﺪۇﻧﯩﻴﺎز ﺳﯩﺠﺎﯕﻨﯩﯔ ﻗﯘﻟﯩﻘﯩﻐﺎ ﺷﯩﯟﯨﺮلاپ، ـــــ ﺋﯚزﻟﯩﺮﯨﻨﻰ ﺳﻪل ﺑﯧﺴﯩﯟاﻟﻐﺎن ﺑﻮلسىلا، ﮔﻪرﭼﻪ ﺋﯘ ﺋﯚﻟﯜﻣﮕﻪ لاﻳﯩﻖ ﺑﯩﺮ ﻣﯘﻧﺎﭘﯩﻖ ﺑﻮﻟﺴﯩﻤﯘ، ﮬﺎزﯨﺮﭼﻪ ﺋﯘﻧﻰ ﺋﯚﻟﺘﯜرﻣﻪﻳﻠﻰ، ﺧﻪﻟﻖ، ﺟﺎﻣﺎﺋﻪت ﺋﯩﭽﯩﺪﯨﻜﻰ ﻗﺎتلاملاردا ﻳﺎﺧﺸﻰ ﺗﻪﺳﯩﺮ ﺑﻪرﻣﻪﻳﺪۇ. ﻗﻮرﻗﯘﻧﭽﯩﺪﯨﻦ ﺑﻮﻟﺴﯩﻤﯘ ﺗﻪﻟﯩﭙﯩﻤﯩﺰﮔﻪ ﻛﯚﻧﺪى. ﻳﻪﻧﻪ ﺑﯩﺰﮔﻪ ﺗﺎرﺗﯘق ﻗﯩﻠﯩﻨﯩﯟاﺗﻘﺎن ﺑﯘ ﭼﺎرۋا، مال- دۇﻧﻴﺎلار ﺋﺎرﻗﯩﻠﯩﻖ ﺋﺎﺧﺘﺎ ﻗﯩﻠﯩﻨﺪى. ﻗﻮﺷﯘن ﺧﻪزﯨﻨﯩﺴﯩﮕﻪ ﭘﯘﻟﻰ ﻛﯧﺮەك. ﺋﻪﻣﺪى ﺋﯘ خېلىلا ﭼﯚﭼﯜدى، ﻛﯧﻴﯩﻦ ﺋﻮڭشىلىپ ﻛﯧﺘﻪر...
ـــــ ﺑﯘ ﻣﺎل - دۇﻧﻴﺎلار ﺧﻪﻟﻘﻨﯩﯔ ﻗﺎن - ﺗﻪرﯨﺪﯨﻦ ﻳﯩﻐﯩﭗ ﺋﯧﻠﯩﻨﻐﺎن، ﺑﯩﺰ ﺋﺎﻟﺴﺎق ﮬﺎلال ﺑﻮﻟﯘرﻣﯘ؟ ﭘﯘﻗﺮالارﻏﺎ ﺋﯩﻠﻪﺷﺘﯜرۈپ ﺑﻪرﺳﻪﻛﻤﯩﻜﯩﻦ - ﻳﻪ؟
ـــــ ﻳﻮﻗﺴﯘ ﺳﯩﺠﺎڭ، ﮬﻪرﮔﯩﺰ ﮬﺎرام ﺑﻮﻟﻤﺎﻳﺪۇ، ـــــ دﯦﺪى ﻣﯘﺷﺎۋﯨﺮ ﺋﺎﺑﺪۇﻗﺎدﯨﺮ ﮬﺎﺟﻰ ﺳﻪﻣﯩﻤﯩﻴﻠﯩﻚ ﺑﯩﻠﻪن ﭼﯜﺷﻪﻧﺪۈرۈﺷﯩﻨﻰ داۋام ﻗﯩﻠﯩﭗ، ـــــ ﺋﯘ، ﭘﯘﻗﺮالاردﯨﻦ ﻳﯩﻐﯩﭗ ﺋﺎﻟﻐﺎن ﺑﻮﻟﺴﺎ، ﺑﯩﺰﻣﯘ ﺷﯘ ﭘﯘﻗﺮالارﻧﯩﯔ ﺋﺎزادﻟﯩﻘﻰ، ﺋﻪﻣﯩﻨﻠﯩﻜﻰ، ﺑﻪﺧﺖ - ﺳﺎﺋﺎدﯨﺘﻰ ﺋﯜﭼﯜن ﺳﻪرپ ﻗﯩﻠﯩﻤﯩﺰﻏﯘ؟ ﮬﺎزﯨﺮ ﭘﯘﻗﺮالارﻏﺎ ﺗﺎرﻗﯩﺘﯩﭗ ﺑﻪرﺳﻪك، ﺑﯩﺰ كېتىپلا ﮬﯚﻛﯜﻣﻪﺗﻨﯩﯔ ﮬﻪر ﺧﯩﻞ، ﮬﻪر رەﯕﺪﯨﻜﻰ ﺳﺎﻟﺠﯩﻠﯩﺮى ﻳﯧﭙﯩﺸﯩﭗ ﻛﯧﻠﯩﭗ ﺑﯩﺮﻧﻰ ﻗﻮﻳﻤﺎي ﻳﯩﻐﯩﭗ ﺋﺎﻟﯩﺪۇ. ﺑﯩﺰ ﺗﯚﭘﯩﺪە ﺗﯘراﻟﻤﺎﻳﻤﯩﺰ - دە، ﮬﺎزﯨﺮﻧﯩﯔ ﺋﯚزﯨﺪە ﺋﯘﻧﻰ ﻗﻮﺑﯘل ﻗﯩﻠﻐﯩﻨﯩﻤﯩﺰ دۇرۇس.
ـــــ ﮬﯩﻢ...ـــــ ﺳﯩﺠﺎڭ ﺑﯩﺮ ﭘﻪس ﺋﻮﻳﻠﯩﻨﯩﭗ ﺗﯘردى - دە، ﻗﺎﻳﯩﻠﻠﯩﻘﯩﻨﻰ ﺑﯩﻠﺪۈرۈپ ﺑﺎش ﻟﯩﯖﺸﯩﺘﺘﻰ، ﺋﺎﻧﺪﯨﻦ ﺋﻮﺳﻤﺎن ﺑﻪﮔﻜﻪ ﻗﺎراپ:
ـــــ ﺧﻪﻳﺮ، ﺑﯘ ﻗﯧﺘﯩﻢ ﺋﺎﻣﺎن ﻗﺎﻟﺪﯨﯔ، ﮔﯘﻧﺎﮬﯩﯖﻨﻰ ﺋﻮﺑﺪان ﺗﻮﻧﯘپ، ﺋﻪل- ﺟﺎﻣﺎﺋﻪﺗﻜﻪ زۇﻟﯘم ﺳﺎﻟﻤﺎ! ﺋﻪﮔﻪر ۋەدەﯕﮕﻪ خىلابلىق ﻗﯩﻠﺴﺎڭ، ﻳﻪﻧﻪ ﺋﻪل ﺑﺎر، ﻛﯚز - ﻗﯘلاق ﺑﺎر!
ـــــ ﮬﯩﻤﻤﻪﺗﻠﯩﺮﯨﮕﻪ ﻣﯩﯔ رەﮬﻤﻪت ﺳﯩﺠﺎڭ ﺋﺎﺗﺎ، ﮔﻪﭘﻠﯩﺮﯨﻨﻰ ﻣﯩﯔ ﻣﻪرﺗﯩﺒﻪ ﻗﯘﻟﯩﻘﯩﻤﺪا ﺗﯘﺗﯩﻤﻪن، ﺋﻪﻟﮕﻪ ﮬﻪرﮔﯩﺰ زۇﻟﯘم ﺳﺎﻟﻤﺎﻳﻤﻪن، ﺋﻪﻣﺪى ﻣﺎل - دۇﻧﻴﺎﻟﯩﺮﯨﻤﻨﻰ...
ـــــ ﺑﻮﻟﺪى ﺋﻪﻣﺪى، ـــــ دەپ ﺳﯩﻠﻜﯩﺪى ﺑﯘ ﺋﯘزۇﻧﻐﺎ ﺳﻮزۇﻟﻐﺎن ﻣﯩﻨﻨﻪﺗﺪارﻟﯩﻖ ﺳﯚزﻟﯩﺮﯨﺪﯨﻦ زﯦﺮﯨﻜﻜﻪن ﺳﯩﺠﺎڭ ﻗﻮﻟﯩﻨﻰ ﺷﯩﻠﺘﯩﭗ، ـــــ ﻗﯧﻨﻰ ﻛﯧﻴﯩﻦ ﻛﯚرﯨﻤﯩﺰ. ﺑﯜﮔﯜن مېھمان ﺑﻮلاﻟﻤﺎﻳﻤﯩﺰ!
ﺷﯘﻧﺪاق ﻗﯩﻠﯩﭗ ﺳﯩﺠﺎڭ ﺑﯘ ﻳﻪردﯨﻜﻰ ئىشلارنى ﺗﯜﮔﯩﺘﯩﭗ، ﻧﯩﺴﺎﺧﺎن ﺋﺎﻳﯩﻤﻨﻰ ﺗﯘﻣﺸﯘق ﻳﯧﺰﯨﺴﯩﺪﯨﻜﻰ ﺋﺎﺗﺎ - ﺋﺎﻧﯩﺴﯩﻨﯩﯔ ﺋﺎﻟﺪﯨﻐﺎ ﺋﻪۋەﺗﯩﯟەﺗﺘﻰ،  ﺳﯘﻟﺘﺎﻧﻨﻰ ﻗﻮﺷﯘﻧﻐﺎ ﻗﻮﺑﯘل ﻗﯩﻠﯩﭗ، ﻛﯧﭽﯩﺪە ﻳﻪﻧﻪ ﮬﻪرﺑﯩﻲ ﻳﯜرۈﺷﻨﻰ ﺑﺎﺷﻠﯩﺪى...
ﺋﺎﺑﺪۇﻧﯩﻴﺎز ﺳﯩﺠﺎﯕﻨﯩﯔ ﻗﯩﺴﯩﻤﻠﯩﺮى ﺷﯧﯔ ﺷﯩﺴﻪي ﻗﯩﺴﯩﻤﻠﯩﺮى ﺑﯩﻠﻪن ﻏﻪﻟﯩﺒﯩﻠﯩﻚ ﺋﯘرۇش ﻗﯩﻠﯩﭗ، ﺋﯘلارﻧﻰ ﺳﯜرۈپ - ﺗﻮﻗﺎي ﻗﯩﻠﺪى - دە، ﺋﺎﻗﺴﯘ دەرﻳﺎﺳﯩﻨﯩﯔ ﺋﯘ ﻗﯧﺘﯩﻐﺎ ﺋﯚﺗﻜﯜزۈۋﯦﺘﯩﭗ، دەرﻳﺎﻧﯩﯔ ﺷﯩﻤﺎﻟﯩﻲ - ﺷﻪرﻗﯩﻲ ﻟﯩﻨﯩﻴﻪﺳﯩﺪە ﻣﯘداﭘﯩﺌﻪدە ﺗﯘرۇﺷﻘﺎ ﻣﻪﺟﺒﯘر ﻗﯩﻠﺪى. دﯦﻤﻪك، ﺋﺎﺑﺪۇﻧﯩﻴﺎز ﺳﯩﺠﺎڭ ﻗﯩﺴﯩﻤﻠﯩﺮى ﺋﺎﻗﺴﯘ ﺷﻪﮬﯩﺮﯨﮕﻪ 10 - 20 ﻛﯩﻠﻮﻣﯧﺘﯩﺮ ﺋﺎرﯨﻠﯩﻘﻘﯩﭽﻪ ﻗﯩﺴﺘﺎپ ﻛﯧﻠﯩﭗ ﺗﻪﮬﺪﯨﺖ ﺳﯧﻠﯩﭗ ﺗﯘرﻏﺎﻧﯩﺪى.
ﺑﯩﺮ ﻛﯜﻧﻰ ﺳﯩﺠﺎڭ ﺋﺎﻳﻜﯚل ﺑﺎزﯨﺮﯨﺪﯨﻜﻰ ﺑﺎش ﺷﯩﺘﺎپ ﻗﯩﻠﯩﻨﻐﺎن ﺋﯚﻳﺪە ﮬﻪﻣﺮاﮬﻠﯩﺮى ﺑﯩﻠﻪن ئىشلار خۇسۇسىدا ﻛﯧﯖﯩﺸﯩﭗ ﺋﻮﻟﺘﯘرﻏﯩﻨﯩﺪا، ﻛﺎﻧﯩﯟاي دەرﻳﺎ ﺑﻮﻳﻰ ﺋﺎﻟﺪﯨﻨﻘﻰ ﺳﻪپ ﻗﯩﺴﯩﻤﻠﯩﺮﯨﺪﯨﻜﻰ «ﺧﺎن ﻛﻮۋرۈﻛﻰ» ﻟﯩﻨﯩﻴﻪﺳﯩﻨﻰ ﻣﯘداﭘﯩﺌﻪ ﻗﯩﻠﯩﺪﯨﻐﺎن ﺳﺎدﯨﺮ ﻟﻴﻪﻧﺠﺎڭ ﺑﯩﻠﻪن ﺑﯩﻠﻠﻪ، ﺷﯘ ﻟﯩﻴﻪﻧﺪە ﺧﯩﺰﻣﻪت ﻗﯩﻠﯩﯟاﺗﻘﺎن ﺳﯘﻟﺘﺎﻧﻨﻰ ﮬﻪم ﺳﯩﻴﯩﺖ ﺋﯩﺴﯩﻤﻠﯩﻚ ﮔﻪۋدﯨﻠﯩﻚ، ﺳﯧﻤﯩﺰ، ﻗﺎرا ﭼﻮﻗﯘر، 40 ياشلاردىكى ﻗﻮرققىنىدىن ﺗﯜﮔﯜﻟﯜپ ﻛﻪﺗﻜﻪن ﺷﯧﯔ ﺷﯩﺴﻪي ﮬﯚﻛﯜﻣﯩﺘﯩﻨﯩﯔ ﺑﯩﺮ ﺟﺎﺳﻮﺳﯩﻨﻰ ﺑﺎشلاپ ﻛﯩﺮدى.
ـــــ ﮬﻪ ﺋﯘﻛﺎم ﺳﯘﻟﺘﺎن ﺑﺎرﻣﯘ ﺳﻪن؟ ﻗﺎﻧﺪاﻗﺮاق، ﺋﻪﺳﻜﻪرﻟﯩﻜﻜﻪ ﻛﯚﻧﯜپ ﻗﺎﻟﺪﯨﯖﻤﯘ؟ ﻳﺎﻛﻰ ﮬﯧﻠﯩﻤﯘ ﻳﺎﺷﻠﯩﻖ ﻗﯩﻠﯩﭗ ﻳﯜرەﻣﺴﻪن؟
ﺳﯩﺠﺎﯕﻨﯩﯔ ﭼﺎﺧﭽﺎق ﺋﺎرىلاش ﺑﯘ ﺳﯚزﻟﯩﺮﯨﺪﯨﻦ ﺋﯘﻧﯩﯔ ﮬﻪﻣﺮاﮬﻠﯩﺮى ﺷﺎﻗﯘردا ﺑﻮﻟﯘﻧﻐﺎن ئىشلارنى ﺋﯧﺴﯩﮕﻪ ﺋﯧﻠﯩﺸﺘﻰ - دە، ﻗﺎھقاھلاپ ﻛﯜﻟﯜﺷﯜپ ﻛﻪﺗﺘﻰ.
ـــــ ﻳﻮﻗﺴﯘ ﺳﯩﺠﺎڭ، ـــــ دﯦﺪى ﺳﯘﻟﺘﺎن ﺧﯩﺠﺎﻟﻪت ﺋﺎرىلاش ﻛﯜﻟﯜﻣﺴﯩﺮەپ، ـــــ ﺋﯩﻠﺘﯩﭙﺎﺗﻠﯩﺮﯨﻨﯩﯔ ﺷﺎراﭘﯩﺘﯩﺪﯨﻦ ﻗﻮﺷﯘﻧﺪا ﻛﯜﻧﯜم ﻳﺎﺧﺸﻰ ﺋﯚﺗﯜۋاﺗﯩﺪۇ، ﺋﻪﻣﻤﺎ ﮬﯧﻠﯩﻐﯩﭽﻪ ﺑﯩﺮ ﺗﯚﮬﭙﻪ ﻳﺎرﯨﺘﺎﻟﻤﺎي ﻳﯜرﯨﻤﻪن.
ـــــ ﺗﻮلا ﻛﻪﻣﺘﻪرﻟﯩﻚ ﻗﯩﻠﻤﺎ! ـــــ دﯦﺪى ﺳﺎدﯨﺮ ﻟﯩﻴﻪﻧﺠﺎڭ، ـــــ ﻣﺎﻧﺎ ﻣﺎۋۇ ﺟﺎﺳﻮﺳﻨﻰ ﺗﯘﺗﯘۋاﻟﻐﯩﻨﯩﯔ ﺗﯚﮬﭙﻪ ﺋﻪﻣﻪﺳﻤﯘ؟
ﺷﯘ ﭼﺎﻏﺪا، ﺳﯩﺠﺎڭ ﺑﺎﺷﻠﯩﻖ ﮬﻪﻣﻤﻪﻳﻠﻪن ﺷﯜﻣﺸﯩﻴﯩﭗ ﺗﯘرﻏﺎن ﮬﯧﻠﯩﻘﻰ ﭼﻮﻗﯘرﻏﺎ ﻗﺎراﺷﺘﻰ.
ﺋﻪﮬﯟال ﻣﯘﻧﺪاق ﺋﯩﺪى.
ﺋﯘ ﻛﻪﻣﻠﻪردە ﺋﺎﻗﺴﯘ دەرﻳﺎﺳﯩﺪا ﻛﯧﻴﯩﻨﻜﻰ ﭼﺎغلاردا ﻛﯩﺸﯩﻠﻪر «ﺟﺎﻛﯚﺑﺮۈك» دەپ ﺋﺎﺗﺎﺷﻘﺎن ﻛﯚۋرۈك ﻳﻮق ﺑﻮﻟﯘپ، ﭘﻪﻗﻪت ﺗﻮﭘﻠﯘق، ﺋﺎﻳﻜﯚل ﺋﯩﭽﻰ ﺑﯩﻠﻪن كاشغەر، ﺋﯜرۈﻣﭽﻰ ﺗﻪرەﭘﻠﻪرﮔﻪ ﻳﯜرۈﺷﯩﺪﯨﻐﺎن ﻛﻮﻧﺎ «ﺧﺎن ﻳﻮﻟﻰ» دﯦﮕﻪن ﻳﻮل ﺋﯘدۇﻟﯩﻐﺎ ﺗﻮﻏﺮىلاپ ﺳﯧﻠﯩﻨﻐﺎن «ﺧﺎن ﻛﯚۋرۈﻛﻰ» دەپ ﺋﺎﺗﯩﻠﯩﺪﯨﻐﺎن ﺋﺎددﯨﻐﯩﻨﺎ ﻳﺎﻏﺎچ ﻛﯚۋرۈك ﺑﻮﻟﯩﺪﯨﻐﺎن، ﺋﯘﭼﺘﯘرﭘﺎﻧﻐﺎ ﻗﯩﺶ، ﺋﻪﺗﯩﻴﺎز ﻛﯜﻧﻠﯩﺮى ﺋﺎرال ﻳﯧﺰﯨﺴﻰ ﺋﺎرﻗﯩﻠﯩﻖ ﻣﯧﯖﯩﻠﺴﯩﻤﯘ، ﺋﻪﻣﻤﺎ ﻳﺎز، ﻛﯜز ﻛﯜﻧﻠﯩﺮى دەرﻳﺎﻏﺎ ﻛﻪﻟﻜﯜن ﻛﯧﻠﯩﭗ ﻛﻪﺗﻜﻪﻧﻠﯩﻜﺘﯩﻦ، ﻳﻪﻧﻪ ﺷﯘ «ﺧﺎن ﻛﻮﺑﺮۈﻛﻰ» دﯨﻦ ﺋﯚﺗﯜپ ماڭماڭ  بولمايتتى. «ﺧﺎن ﻛﯚﺑﺮۈﻛﻰ» ﻧﯩﯔ ﻏﻪربى، ﺟﻪﻧﯘبىنى ﺋﺎﺑﺪۇﻧﯩﻴﺎز ﺳﯩﺠﺎﯕﻨﯩﯔ ﻗﯩﺴﯩﻤﻠﯩﺮى ﺳﺎقلاپ ﻳﺎﺗﺎﺗﺘﻰ. ﺑﯩﺮ ﻛﯜﻧﻰ ﺳﯘﻟﺘﺎن ﺋﯘﺷﺘﯘﻣﺘﯘت ﻟﻴﻪن ﭼﯜﺷﻜﻪن ﻗﻮرۇﻧﯩﯔ ﺋﺎﻟﺪﯨﺪا  ﻗﺎرا ﭼﻮﻗﯘر «ﻗﻪﻟﻪﻧﺪەر» ﻟﯩﻚ كۇلا - ﺟﻪﻧﺪﯨﺴﯩﻨﻰ ﻛﯩﻴﯩﭗ، ﻗﻮﻟﯩﻐﺎ ﮬﺎﺳﺎ ۋە ﺳﺎﭘﺎي ﺗﯘﺗﻘﺎن ﮬﺎﻟﺪا «ﮬۇ» ﺗﺎرﺗﯩﭗ ﻳﯜرﮔﻪن ﺑﯩﺮ ﻗﻪﻟﻪﻧﺪەرﻧﻰ ﻛﯚرۈپ ﻗﺎﻟﯩﺪۇ - دە، ﺋﯘﻧﯩﯖﻐﺎ دﯨﻘﻘﯩﺘﻰ ﻗﻮزﻏﯩﻠﯩﺪۇ. ﺳﯘﻟﺘﺎﻧﻨﯩﯔ ﻧﻪزەرىدە ﺋﯘ ﮬﯧﭻ دﯨﯟاﻧﯩﮕﻪ ﺋﻮﺧﺸﯩﻤﺎﻳﺪۇ، يۈرۈش-تۇرۇشى، ﮬﻪرﯨﻜﻪت - ﻗﯩﻠﯩﻘﻠﯩﺮى ﺧﯘددى زورلاپ ﻗﯩﻠﯩﯟاتقاندەك، ﻗﻮلاﺷﻤﯩﻐﺎﻧﺪەك ﻛﯚرۈﻧﯩﺪۇ، ﺋﻮﻗﯘﻏﺎن ﮬﯧﻜﻤﻪت - ﻧﺎﺧﺸﯩﻠﯩﺮﯨﻤﯘ ﺗﺎﻗﻘﺎ - ﺗﯘﻗﻘﺎ، ﺳﯘﻟﺘﺎن ﮔﯘﻣﺎﻧﺴﯩﺮاﻳﺪۇ - دە، ﭼﺎﻧﺪۇرﻣﺎي دەرۋازا ﺳﯩﺮﺗﯩﻐﺎ ﭼﯩﻘﯩﭗ دﯨﯟاﻧﯩﮕﻪ ﭘﯘل ﺑﯧﺮﯨﺪۇ، ﮔﻪپ ﺳﻮراﻳﺪۇ، ﺷﯘﻧﺪاق ﻗﯩﻠﯩﭗ ﺋﯘﻧﯩﯔ ﺑﯩﻠﻪن ﺳﯩﺮداش ﺑﻮﻟﯘپ ﻗﺎﻟﯩﺪۇ، دﯨﯟاﻧﻪ ﻟﻴﻪن ﺟﺎيلاشقان ﻛﻪﻧﺖ ﺋﯩﭽﯩﺪە ﺑﯩﺮ ﻗﺎﻧﭽﻪ ﻛﯜن ﺗﯘرۇپ ﻗﺎﻟﯩﺪۇ. ﺷﯘ ﺋﺎرﯨﺪا ﺳﯘﻟﺘﺎن ﺋﯘﻧﯩﯔ ﺑﯩﻠﻪن ﺑﯩﻠﻠﻪ ﺑﻮﻟﯘپ ﻗﺎﻟﻐﺎﻧﻠﯩﺮﯨﺪا، ﮬﻪ دەپ ﺋﯚز ﻗﻮﺷﯘﻧﻰ ﺗﻮﻏﺮﯨﻠﯩﻖ ﮔﻪپ ﺋﯧﭽﯩﭗ «ﻏﻪﻳﯟەت - ﺷﯩﻜﺎﻳﻪت» ﻗﯩﻠﯩﭗ ﺑﯧﺮﯨﭗ ﻳﯜرۈپ، ﮬﯧﻠﯩﻘﻰ دﯨﯟاﻧﯩﻨﯩﯔ ﺋﯚز ﺳﺎلاﮬﯩﻴﯩﺘﯩﻨﻰ ﺋﺎﺷﻜﺎرا ﻗﯩﻠﯩﺸﯩﻐﺎ ﻣﻪﺟﺒﯘر ﻗﯩﻠﯩﺪۇ. دﯨﯟاﻧﻪ ﺳﯘﻟﺘﺎﻧﻐﺎ ﺑﺎرا - ﺑﺎرا ﺋﯩﺸﯩﻨﯩﭗ ﺳﯩﺮ ﺋﯧﻴﺘﯩﺪۇ، ﺋﻪﺳﻠﯩﺪە ﺋﯘ ﺋﯘﭼﺘﯘرﭘﺎﻧﺪﯨﻦ روﺳﯩﻴﻪﮔﻪ، روﺳﯩﻴﻪدﯨﻦ ﺋﯘﭼﺘﯘرﭘﺎﻧﻐﺎ ﻣﺎل ﺋﯚﺗﻜﯜزۈپ ﭘﺎﻳﺪا ﺗﯧﭙﯩﭗ ﻳﯜرﮔﻪن، ﺗﻪۋەﻟﯩﻜﻰ ﺋﯧﻨﯩﻖ ﺋﻪﻣﻪس ﺋﺎدەم ﺑﻮﻟﯘپ ﺋﯩﺴﻤﻰ ﺳﯩﻴﯩﺖ ﺋﯩﺪى. ﺋﺎﻗﺴﯘﻏﯩﻤﯘ ﻳﻮل ﺗﻮﺳﯘﻟﻤﺎﺳﺘﯩﻦ ﺑﯘرۇن ﻣﺎل ﺋﻪﻛﻪﻟﮕﻪن، ﺋﺎﯕﻐﯩﭽﻪ ﻳﻮل ﺗﻮﺳﯘﻟﯘپ ﻗﺎﻟﻐﺎن، ﺷﯘ ﺋﺎرﯨﺪا، ﺷﯧﯔ ﺷﯩﺴﻪﻳﻨﯩﯔ ﺋﺎﻗﺴﯘدﯨﻜﻰ ﮬﻪرﺑﯩﻲ ﻗﯩﺴﻤﯩﻐﺎ ﺟﺎﺳﻮس ﺑﻮﻟﯘپ ﻗﺎﻟﯩﺪۇ. ﺋﯘﻧﯩﯔ ﺷﯘ ﺗﯘرﻗﯩﺪﯨﻜﻰ ۋەزﯨﭙﯩﺴﻰ ﺋﺎﺑﺪۇﻧﯩﻴﺎز ﺳﯩﺠﺎڭ ﻗﯩﺴﯩﻤﻠﯩﺮﯨﻨﯩﯔ ﺋﺎرﯨﺴﯩﻐﺎ دﯨﯟاﻧﻪ ﺳﯜﭘﻪت ﻛﯩﺮﯨﯟﯦﻠﯩﭗ ﺋﻪﮬﯟال ﺋﯩﮕﯩﻠﻪش، ﺋﯩﮕﯩﻠﯩﮕﻪن ﺋﻪﮬﯟاﻟﻠﯩﺮﯨﻨﻰ ﺋﺎﻗﺴﯘدﯨﻜﻰ ﺷﯧﯔ ﻗﯩﺴﯩﻤﻠﯩﺮﯨﻨﯩﯔ ﭘﺎت ﻳﯧﻘﯩﻨﺪا ﺑﺎﺷلاﻳﺪﯨﻐﺎن ﺟﺎزا ﮬﯘﺟﯘﻣﯩﻨﯩﯔ ﻛﻮﻧﻜﺮﯦﺖ پىلان - ﺧﻪرﯨﺘﯩﻠﯩﺮى ﺑﯩﻠﻪن ﻗﻮﺷﯘپ ﺋﯘﭼﺘﯘرﭘﺎﻧﻐﺎ ﺋﯚﺗﯜپ، ﭼﯧﮕﺮﯨﺪا ﮬﻪرﯨﻜﻪت ﻗﯩﻠﯩﯟاﺗﻘﺎن، ﺷﯧﯔ ﺷﯩﺴﻪﻳﮕﻪ ﺋﺎرﻗﺎ ﺗﯩﺮەك ﺑﻮﻟﯘۋاﺗﻘﺎن روﺳﯩﻴﻪ ﺋﺎﮔﯧﻨﺘﻠﯩﻘﯩﻐﺎ ﻳﻪﺗﻜﯜزۈش ﺋﯩﺪى. ﺋﻪﻣﻤﺎ دﯨﯟاﻧﻪ ﺋﺎﺑﺪۇﻧﯩﻴﺎز ﺳﯩﺠﺎڭ ﻗﻮﺷﯘﻧﻠﯩﺮﯨﻐﺎ ﺳﯘﻗﯘﻧﯘپ ﺋﻪﮬﯟال ﺋﯩﮕﯩﻠﻪش ۋەزﯨﭙﯩﺴﯩﻨﻰ دﯦﮕﻪن ﺑﻮﻟﺴﯩﻤﯘ، ﺋﯘﭼﺘﯘرﭘﺎﻧﻐﺎ ﻳﻪﺗﻜﯜزﯨﺪﯨﻐﺎن ﮬﯘﺟﯘم پىلانى ﺗﻮﻏﺮﯨﻠﯩﻖ زادى ﮔﻪپ ﻗﯩﻠﻤﺎﻳﺪۇ، ﺷﯘﻧﺪاق ﺑﻮﻟﺴﯩﻤﯘ ﺳﯘﻟﺘﺎن ﭼﺎﻧﺪۇرﻣﺎﻳﺪۇ. ﺋﻪﻣﻤﺎ ﺋﯘﻧﯩﯔ ﮬﺎﺳﯩﺴﯩﻐﺎ دﯨﻘﻘﯩﺘﻰ ﭼﯜﺷﯜپ ﻗﺎﻟﯩﺪۇ. ﺋﯘ ﮬﻪرﻗﺎﻧﺪاق ﺋﻪﮬﯟاﻟﺪا ﮬﺎﺟﻪﺗﺨﺎﻧﯩﻐﺎ ﻛﯩﺮﮔﻪﻧﺪﯨﻤﯘ، ﮬﻪﺗﺘﺎ ﻳﺎﺗﻘﺎﻧﺪﯨﻤﯘ ﮬﺎﺳﯩﻨﻰ زادى ﻗﻮﻟﯩﺪﯨﻦ ﻧﯧﺮى ﻗﯩﻠﻤﺎﻳﺘﺘﻰ. ﺑﯩﺮ ﻗﯧﺘﯩﻢ ﺳﯘﻟﺘﺎن ﻣﺎراپ ﺗﯘرۇپ، ﺋﯘﻧﯩﯔ ﺑﯩﺮ ﺗﺎم داﻟﺪﯨﺴﯩﺪا ﮬﺎﺟﻪﺗﻜﻪ ﺋﻮﻟﺘﯘرﻏﺎن ﺑﻮﻟﯘپ، ﮬﯩﻤﯩﺮﯨﻠﮕﻪن ﺑﯩﺮ ﭘﺎرﭼﻪ ﻗﻪﻏﻪزﻧﻰ ﮬﺎﺳﯩﻨﯩﯔ ﺋﯩﭽﯩﮕﻪ ﺗﯩﻘﯩﯟەﺗﻜﻪﻧﻠﯩﻜﯩﻨﻰ ﻛﯚرۈپ ﻗﺎﻟﯩﺪۇ (ﮬﺎﺳﺎ ﺋﻮﺗﺘﯘرﯨﺪﯨﻦ ﺋﺎﺟﺮاﻳﺪﯨﻐﺎن ﺑﻮﻟﯘپ ﺋﯩﭽﻰ ﻛﺎۋاك ﺋﯩﺪى). «ﮬﻪ، ﮬﺎﺳﯩﺪا ﮔﻪپ ﺑﺎر ﺋﯩﻜﻪﻧﺪە» دەپ ﺋﻮيلايدۇ ﺳﯘﻟﺘﺎن. ﺋﯘ ﮬﯧﻠﯩﻘﻰ ﻗﻪﻏﻪزﻟﻪرﻧﯩﯔ ﭼﻮﻗﯘم ﺋﯚزى ﺋﯧﻴﺘﯩﭗ ﺑﻪرﮔﻪن «ﻣﻪﻟﯘﻣﺎت» لار ﺋﯩﻜﻪﻧﻠﯩﻜﯩﻨﻰ ﭘﻪرەز ﻗﯩﻠﯩﺪۇ. «ﻗﺎﭼﺎن ﻳﯧﺰﯨﭗ ﺋﯜﻟﮕﯜرﮔﻪﻧﺪۇ - ﺋﯘ؟» ﺳﯘﻟﺘﺎن ﺋﻪﻣﺪى ﺋﯘﻧﻰ ﺗﯘﺗﯘش ﭘﻪﻳﺘﯩﻨﯩﯔ ﻛﻪﻟﮕﻪﻧﻠﯩﻜﯩﻨﻰ ﮬﯧﺲ ﻗﯩﻠﯩﭗ، ﺳﺎدﯨﺮ ﻟﻴﻪﻧﺠﺎﯕﻐﺎ ﺋﻪﮬﯟاﻟﻨﻰ ﻣﻪﻟﯘم ﻗﯩﻠﯩﺪۇ - دە، ﺷﯘ ﻛﯜﻧﻰ ﻛﻪﭼﺘﻪ ﺋﯘﻧﻰ ﻗﻮﻟﻐﺎ ﺋﺎﻟﯩﺪۇ.
ﺳﯘﻟﺘﺎﻧﻨﯩﯔ ﭘﻪرەزﻟﯩﺮى ﺗﺎﻣﺎﻣﻪن ﺗﻮﻏﺮا ﺑﻮﻟﯘپ ﭼﯩﻘﯩﺪۇ. ﮬﯧﻠﯩﻘﻰ ﻗﻪﻏﻪز دەرۋەﻗﻪ ﺳﯘﻟﺘﺎن ﻳﺎﻟﻐﺎﻧﺪﯨﻦ ﺋﯧﻴﺘﯩﭗ ﺑﻪرﮔﻪن «ﮬﻪرﺑﯩﻲ ﻣﻪﻟﯘﻣﺎت» ۋە ﺷﯘ ﺑﻮﻳﯩﭽﻪ ﺳﯩﺰﯨﯟاﻟﻐﺎن ﻗﻮﺷﯘﻧﻨﯩﯔ ﺋﻮرۇﻧﻠﯩﺸﯩﺶ ﺋﻪﮬﯟاﻟﻰ ﺧﻪرﯨﺘﯩﺴﻰ ﺋﯩﻜﻪن، ﻳﻪﻧﻪ ﺑﺎﺷﻘﺎ ﺑﯩﺮ ﭘﺎرﭼﻪ ﻣﺎﺗﯧﺮﯨﻴﺎل ﺑﻮﻟﯘپ، ﺋﯘ، ﺷﯧﯔ ﺷﯩﺴﻪﻳﻨﯩﯔ ﺋﺎﻗﺴﯘدﯨﻜﻰ ﻗﯩﺴﯩﻤﻠﯩﺮﯨﻨﯩﯔ ﭘﺎت ﺋﺎرﯨﺪا ﺑﺎشلايدىغان ﮬﯘﺟﯘﻣﻨﯩﯔ ۋاﻗﺘﻰ، ﺋﺎدەم ﺳﺎﻧﻰ، ﻗﻮرال - ﻳﺎراغ ﺗﻪﻳﻴﺎرﻟﯩﻘﻰ، ﮬﯘﺟﯘم ﻟﯩﻨﯩﻴﻪﺳﻰ ﻗﺎﺗﺎرﻟﯩﻖ ﺋﻪﮬﯟاللار ﻳﯧﺰﯨﻠﻐﺎن ﻣﻪﻟﯘﻣﺎت ۋە ﺧﻪرﯨﺘﻪ ﺑﻮﻟﯘپ، ﺋﺎﺑﺪۇﻧﯩﻴﺎز ﺳﯩﺠﺎڭلار ﺋﯜﭼﯜن ﺑﻪﻛﻤﯘ ﻣﯘﮬﯩﻢ ﻣﺎﺗﯧﺮﯨﻴﺎﻟلار ﺋﯩﺪى.
ﺋﻪﻧﻪ ﺷﯘ ﻣﺎﺗﯧﺮﯨﻴﺎللارغا ﺋﺎﺳﺎﺳﻪن، ﺳﯩﺠﺎڭ ﺗﯧﺰﻟﯩﻚ ﺑﯩﻠﻪن قىسىمنى ﻗﺎﻳﺘﯩﺪﯨﻦ ﺋﻮرۇنلاﺷﺘﯘرۇپ، ﻣﯘداﭘﯩﺌﻪ ﺗﻪﻳﻴﺎرﻟﯩﻘﯩﻨﻰ ﻛﯜﭼﻪﻳﺘﯩﯟاﻟﺪى، ﺋﯘلار 500 ﻛﯩﺸﯩﻠﯩﻚ ﺧﯩﻞ ﻗﻮراللانغان ﺋﻪﺳﻜﯩﺮى ﺑﯩﻠﻪن ﮬﯘﺟﯘﻣﻐﺎ ﺋﯚﺗﻜﻪﻧﺪە، ﺑﯩﺮ ﻳﻮلىلا ﻗﺎﻳﺘﯘرﻣﺎ زەرﺑﻪ ﺑﯩﻠﻪن ﺗﺎرﻣﺎر ﻗﯩﻠﯩﭗ ﻏﻪﻟﯩﺒﯩﮕﻪ ﺋﯧﺮﯨﺸﺘﻰ. ﺟﻪﯕﺪە 150 ﺗﺎﻟﺪﯨﻦ ﺋﺎرﺗﯘق ﻣﯩﻠﺘﯩﻖ، ﺑﯩﺮﻗﺎﻧﭽﻪ ﻣﺎﻛﺴﯩﻤﻜﺎ ﭘﯩﻠﯩﻤﻮت، ﻳﻪﺷﯩﻚ - ﻳﻪﺷﯩﻚ ﺋﻮق، ﺑﯩﺮ داﻧﻪ ﺋﺎﭘﺘﻮﻣﻮﺑﯩﻞ ... ﻗﺎﺗﺎرلىقللارنى ﻏﻪنىيمەت ﺋﺎﻟﺪى. ﻏﻪﻟﯩﺒﯩﺪﯨﻦ ﻛﯧﻴﯩﻦ ﭼﻮڭ ﭘﺎرات ﺋﯚﺗﻜﯜزۈﻟﯜپ، ﺳﯘﻟﺘﺎن زور داغ - دۇﻏﺎ ﺋﯩﭽﯩﺪە ﺗﻪﻗﺪﯨﺮﻟﻪﻧﮕﻪﻧﯩﺪى.

-4-

ـــــ ﭘﯜﺗﯜن ﻗﻮﺷﯘن ﻧﺎﻣﯩﺪﯨﻦ ﺳﺎﯕﺎ ﺋﯩﻜﻜﯩﻨﭽﻰ ﻗﯧﺘﯩﻢ ﺗﻪﺷﻪﻛﻜﯜر ﺑﯩﻠﺪۈرﯨﻤﻪن، ﺑﯘ ﻗﯧﺘﯩﻢ ﺧﻪزﯨﻨﯩﻨﻰ ﺳﺎﻗلاپ ﻗﯧﻠﯩﺸﺘﺎ ﺋﺎلاﮬﯩﺪە ﺧﯩﺰﻣﻪت ﻛﯚرﺳﻪﺗﺘﯩﯔ، ﻣﻪن ﺋﺎﻟﺪﯨﺮاش ﻳﯜرﮔﻪن ﺋﺎدەم ﺑﻮﻟﻐﺎﭼﻘﺎ ﻗﻪدرﯨﯖﮕﻪ ﻳﯧﺘﯩﭗ ﺑﻮلاﻟﻤﯩﺪﯨﻢ، ﺋﻪﭘﯘ قىلارسەن، ﺋﻪﻣﺪى ﮔﻪﭘﻨﻰ ﻗﻮﻳﯘپ ﺋﯩﺸﻘﺎ ﻛﯜﭼﻪﻳﻠﻰ، دۈﺷﻤﻪن ﻗﺎﻳﺘﺎ ﮬﯘﺟﯘم ﻗﯩﻠﯩﭗ ﻛﯧﻠﯩﺸﻰ ﻣﯘﻣﻜﯩﻦ، ﺧﻪزﯨﻨﯩﻨﻰ ﻗﺎﻧﺪاق قىلارمىز، ﺧﻪزﯨﻨﻪ ﺑﺎﺷﻠﯩﻘﻰ ﺷﯧﮭﯩﺖ ﺑﻮﻟﯘپ ﻛﯧﺘﯩﭙﺘﯘ، ﺋﻪﻣﺪى ﻛﯩﻤﻨﻰ ﻗﻮﻳﺎرﻣﻪن؟ـــــ ﺳﯩﺠﺎڭ ﺋﻮق ﺗﻪﮔﻜﻪن ﺋﺎتلار ﺋﺎﺳﺘﯩﺪا ﻗﺎﻟﻐﺎن، ﺋﺎﻏﺰى ﺋﯩﺰﻣﯩﻠﯩﻨﯩﭗ ﻗﯘﻟﯘپ ﺋﯘرۇﻟﻐﺎن ﺋﻮن ﻧﻪﭼﭽﻪ ﺗﯧﺮە ﺧﺎلتىلارغا ﻛﯚز ﺳﺎﻟﺪى، ﺋﯘﻧﯩﯖﺪا ﺳﺎپلا تىللا، ﺋﺎﻟﺘﯘن، ﻛﯜﻣﯜش ﺋﺎقچىلار ﺑﻮﻟﯘپ، ﻗﻮﺷﯘﻧﻨﯩﯔ ﻛﯚﭼﻤﻪ ﺧﻪزﯨﻨﯩﺴﻰ ﺷﯘ ﺋﯩﺪى.
ـــــ ﻣﻪﻧﭽﯘ؟ ـــــ دﯦﺪى ﺳﯘﻟﺘﺎن ﺋﻮت ﭼﺎﻗﻨﺎپ ﺗﯘرﻏﺎن ﻛﯚزﻟﯩﺮﯨﻨﻰ ﺳﯩﺠﺎﯕﻐﺎ ﺗﯩﻜﯩﭗ، ـــــ ﺧﻪزﯨﻨﻪ ﺑﺎﺷﻠﯩﻘﻰ ﻣﻪن ﺑﻮلاي، ﺋﻪﺗﺮاﭘﺘﺎ ﺗﯩﻨﻪپ ﻳﯜرﮔﻪﻧﻠﻪرﻧﻰ ﻳﯩﻐﺎﻳﻠﻰ، ﺋﯘلاردﯨﻦ تاللاپ ﺧﻪزﯨﻨﻪ ﺋﻪﺗﺮﯨﺘﻰ ﺗﻪﺷﻜﯩﻠﻠﻪﻳﻠﻰ، ﻣﺎﯕﺎ ﺋﯩﺸﻪﻧﻤﻪﻣﺪىلا - ﻳﻪ، ﺳﯩﺠﺎڭ؟
ـــــ ﻳﺎق - ﻳﺎق ﺋﯘﻛﺎم، ﺳﺎﯕﺎ ﺋﯩﺸﻪﻧﻤﻪﻳﺪﯨﻐﺎنغا ﻧﯧﻤﻪ ﮬﻪددﯨﻢ، ﺑﯘ زادىلا ﺋﯧﺴﯩﻤﮕﻪ ﻛﻪﻟﻤﻪﭘﺘﯘ. ﺑﯘ ﺳﺎﯕﺎ ﺋﯩﺸﻪﻧﻤﯩﮕﻪﻧﻠﯩﻜﯩﻤﺪﯨﻦ ﺋﻪﻣﻪس، ﺳﯧﻨﻰ ﺋﺎﻳﯩﻐﺎﻧﻠﯩﻘﯩﻤﺪﯨﻦ. ﺑﯩﻠﻪﻣﺴﻪن؟ ﺷﯘ ﺗﺎﭘﺘﺎ ﺑﯘ ﺑﻪﻛﻤﯘ ﺋﺎۋارﯨﭽﯩﻠﯩﻘﻰ ﺗﻮلا، ﻣﻪﺳﺌﯘﻟﯩﻴﯩﺘﻰ ﺋﯧﻐﯩﺮ ﺋﯩﺶ.
ﺳﯩﺠﺎڭ ﻛﯚزﯨﻨﻰ ﻳﻮﻏﺎن ئاچقىنىچە ﺳﯘﻟﺘﺎﻧﻨﯩﯔ ﺑﺎش - ﺋﺎﻳﯩﻐﯩﻐﺎ ﺳﻪﭘﺴﯧﻠﯩﭗ ﻗﺎراپ ﭼﯩﻘﺘﻰ. ﺋﺎﻧﺪﯨﻦ ﻛﯜﭼﻠﯜك ﺑﺎرﻣﺎﻗﻠﯩﺮى ﺑﯩﻠﻪن ﺳﯘﻟﺘﺎﻧﻨﯩﯔ ﻣﯜرﯨﺴﯩﺪﯨﻦ ﭼﯩﯔ ﻗﺎﻣﺎللاپ ﺗﯘﺗﺘﻰ، ﺑﯘ ﺋﯘﻧﯩﯔ زﯨﻴﺎدە ﺷﺎدﻟﯩﻘﻰ، ﮬﺎﻳﺎﺟﺎنلاﻧﻐﺎﻧﻠﯩﻘﯩﻨﯩﯔ ﺑﻪﻟﮕﯩﺴﻰ ﺋﯩﺪى.
ـــــ ﺗﻮۋا، ﺋﺎدەﻣﻨﻰ ﺑﯩﻠﻤﻪك ﺋﺎﺟﺎﻳﯩﭗ ﺋﯩﺸﻜﻪن، ﺳﯧﻨﻰ ﻳﯧﯖﻰ ﺋﻪﺳﻜﻪرﻟﯩﻜﻜﻪ ﺋﺎﻟﻐﯩﻨﯩﻤﺪا ﻣﯘﻧﭽﯩﻠﯩﻚ ﺑﺎﺗﯘرﻟﯘقلار ﭼﯩﻘﺎر دەپ زادى ﺋﻮﻳﻠﯩﻤﯩﻐﺎﻧﯩﻜﻪﻧﻤﻪن. ﺑﻮﻟﯩﺪۇ، ﺑﯜﮔﯜﻧﺪﯨﻦ ﺑﺎشلاپ ﺋﻪﻣﯩﺴﻪ ﺳﻪن ﺧﻪزﯨﻨﻪ ﺑﺎﺷﻠﯩﻘﻰ ﺑﻮل!
ﺋﯘلار ﺋﯩﺰدەپ ﻳﯜرۈپ ﻳﻪﻧﻪ 100 ﭼﻪ ﺋﺎدەﻣﻨﻰ ﻳﯩﻐﺎﻟﯩﺪى. ﺋﯘلار ﺋﺎرﯨﺴﯩﺪﯨﻦ 10 ﭼﻪ ﺋﺎدەﻣﻨﻰ ﺗﺎللاپ ﺧﻪزﯨﻨﻪ ﮔﯘرۇﭘﭙﯩﺴﻰ ﺗﯜزدى. ﺋﺎﻧﺪﯨﻦ ﺳﯘﻟﺘﺎﻧﻨﻰ ﺑﺎﺷﻠﯩﻖ ﻗﯩﻠﺪى - دە، ﺷﺎﻗﯘر ﺗﻪرەﭘﻜﻪ ﻳﻮل ﺋﯧﻠﯩﺸﺘﻰ.
ﺷﯘﻧﺪﯨﻦ ﺑﺎﺷلاپ ﺳﯘﻟﺘﺎن ﺗﺎﻛﻰ ﺷﺎﻗﯘرﻏﺎ ﻳﯧﺘﯩﭗ ﺑﺎرﻏﯘﭼﻪ ﺋﺎﺑﺪۇﻧﯩﻴﺎز ﺳﯩﺠﺎڭ ﺑﯩﻠﻪن ﺑﯩﻠﻠﻪ ﺑﻮﻟﺪى. ﺳﻪﭘﻪر ﻧﺎﮬﺎﻳﯩﺘﻰ ﻣﯜﺷﻜﯜل، ﮬﻪ دېسىلا ﮬﺎۋادﯨﻦ دۈﺷﻤﻪن ﺋﺎﻳﺮوپلانلىرى ﻗﻮغلاپ ﺑﻮمبىلايتتى، ﻳﻪردﯨﻦ ﺋﺎﺗﻠﯩﻖ ﻛﺎزاك ﺋﻪﺳﻜﻪرﻟﯩﺮى ﭘﻪﻳﺪا ﺑﻮﻟﯘپ ﺋﻮﻗﻘﺎ ﺗﯘﺗﺎﺗﺘﻰ، ﭼﯚل - ﺟﻪزﯨﺮﯨﻠﻪردە ﻛﯚﭘﻠﯩﮕﻪن ﺷﯧﮭﯩﺘﻠﻪرﻧﯩﯔ ﻛﯧﭙﻪﻧﺴﯩﺰ ﺟﻪﺳﻪﺗﻠﯩﺮﯨﻨﻰ ﻗﺎﻟﺪۇرۇپ ﻳﻪﻧﻪ ﻳﻪرﻛﻪن ﺗﻪرەﭘﻜﻪ ﭼﯧﻜﯩﻨﻪﺗﺘﻰ. ﺳﻪﭘﻪر ﺟﻪرﻳﺎﻧﯩﺪا ﭘﯩﺘﯩﺮاپ ﻛﻪﺗﻜﻪﻧﻠﻪر ﻳﻪﻧﻪ ﻟﻴﻪن، ﭘﻪﻳﻠﻪر ﺑﻮﻳﯩﭽﻪ ﭘﻪﻳﺪا ﺑﻮﻟﯘپ ﺳﯩﺠﺎﯕﻨﯩﯔ ﺋﺎﺳﺎﺳﯩﻲ ﻗﻮﺷﯘﻧﯩﻐﺎ ﻗﻮﺷﯘلاﺗﺘﻰ. ﺷﯘﻧﺪاق ﻗﯩﻠﯩﭗ ﻳﻪﻧﻪ ﻗﻮﺷﯘن ﺋﺎﺳﺎﺳﯩﻲ ﺟﻪﮬﻪﺗﺘﯩﻦ  ﺋﻪﺳﻠﯩﮕﻪ ﻛﯧﻠﯩﺸﻜﻪ ﺑﺎﺷﻠﯩﺪى. ﻣﯘﺷﯘﻧﺪاق ﺟﺎﭘﺎﻟﯩﻖ ﺳﻪﭘﻪرﻟﻪر ﺋﺎرﻗﯩﻠﯩﻖ ﺷﺎﻗﯘرﻏﺎ ﺗﻮپلاشقاندا، ﻣﺎراﻟﺒﯧﺸﻰ داﺋﯩﺮﯨﺴﯩﺪە ﻳﻮل ﺗﻮﺳﯘپ ﻳﺎﺗﻘﺎن ﻛﺎزاك ﻗﯩﺴﯩﻤﻠﯩﺮﯨﻨﯩﯔ ﮬﯘﺟﯘﻣﯩﻐﺎ دۇچ ﻛﯧﻠﯩﺸﺘﻰ - دە، ﻳﻪﻧﻪ ﺑﯩﺮ ﻗﯧﺘﯩﻢ ﻗﺎﺗﺘﯩﻖ ﺗﯧﺮە - ﭘﯩﺮەن ﺑﻮﻟﺪى. ﺳﯘﻟﺘﺎﻧﻨﯩﯔ ﺧﻪزﯨﻨﻪ ﺋﻪﺗﺮﯨﺘﻰ ﺳﯩﺠﺎﯕﺪﯨﻦ ﺋﺎﻳﺮﯨﻠﯩﭗ ﻛﯧﺘﯩﭗ ﻗﺎﻟﺪى، ﺳﯩﺠﺎڭ ﻳﻪرﻛﻪن دەرﻳﺎﺳﯩﺪﯨﻜﻰ ﺋﯚرﻛﻪﺷﻠﻪپ ﺋﯧﻘﯩﯟاﺗﻘﺎن ﺷﯩﺪدەﺗﻠﯩﻚ ﻛﻪﻟﻜﯜﻧﮕﻪ ﻗﺎرﯨﻤﺎي دەرﻳﺎﻧﯩﯔ ﻗﯩﺮﻏﯩﻘﯩﻐﺎ ﺋﯚﺗﯜپ ﻛﻪﺗﻜﻪن، ﺳﯘﻟﺘﺎنلار ﺋﯜﻟﮕﯜرۈﺷﻪﻟﻤﯩﮕﻪﻧﯩﺪى.
ـــــ ﻗﺎﻧﺪاق قىلارﻣﯩﺰ؟ ـــــ دﯦﺪى ﺗﻪﻣﺘﯩﺮەپ ﻗﺎﻟﻐﺎن ﺳﯘﻟﺘﺎن ﺋﺎۋۇﺗﺎﺧﯘن دﯦﮕﻪن 50 ﻳﺎشلاردﯨﻜﻰ ﺋﯚزى ﺋﯩﺸﯩﻨﯩﺪﯨﻐﺎن ﮬﻪﻣﺮاﮬﯩﻐﺎ،ـــــ ﺧﻪزﯨﻨﻪ ﺋﻮرۇسلارنىڭ ﻗﻮﻟﯩﻐﺎ ﭼﯜﺷﯜپ ﻛﻪﺗﻤﯩﺪى. ﺋﻪڭ ﻳﺎﺧﺸﯩﺴﻰ، ﺋﯘﻧﻰ دەرﻳﺎﻏﺎ ﺗﯚﻛﯜۋﯦﺘﯩﭗ، ﺑﯩﺰﻣﯘ ﺗﯧﺰدﯨﻦ ﺋﯘ ﻗﺎﺗﻘﺎ ﺋﯚﺗﯜپ ﻛﯧﺘﻪﻳﻠﻰ، ﺑﻮﻟﻤﯩﺴﺎ ﺋﻪﺳﯩﺮﮔﻪ ﭼﯜﺷﯜپ ﻗﺎﻟﯩﻤﯩﺰ. ﺳﯩﺠﺎﯕﻐﺎ ﺋﻪﮬﯟاﻟﻨﻰ ﺋﻪﻳﻨﻪن ﻳﻪﺗﻜﯜزﯨﻤﯩﺰ.
ـــــ ﻣﯧﻨﯩﯖﭽﻪ، ـــــ دﯦﺪى ﺋﺎۋۇﺗﺎﺧﯘن ﺋﻪﻗﯩﻞ ﻛﯚرﺳﯩﺘﯩﭗ، ـــــ ﺑﯘﻧﯩﯖﺪﯨﻦ ﻧﯧﻤﻪ ﭘﺎﻳﺪا؟ ﺋﯘﻧﯩﯖﺪﯨﻦ ﻛﯚرە ﺟﺎﯕﮕﺎل ﺋﯩﭽﯩﺪﯨﻦ ﺑﻪﻟﮕﯩﻠﯩﻚ ﻳﻪرﻧﻰ ﺗﺎللاپ ﻛﯚﻣﯜۋﯦﺘﻪﻳﻠﻰ، ﻣﻪﻳﻠﻰ ﻛﯩﻤﻠﻪر ﺑﻮﻟﻤﯩﺴﯘن ﺑﯘ ﺋﺎﻟﺘﯘﻧﺪﯨﻦ ﺋﺎدەﻣﻠﻪر ﭘﺎﻳﺪىلانسۇن!
ـــــ ﺳﯩﺠﺎﯕﻐﺎ ﻧﯧﻤﻪ دەرﻣﻪن؟
ـــــ ﺑﯘ دﯦﮕﻪن ﺋﯘرۇش ﺋﯘﻛﺎم، ﮬﺎزﯨﺮ ﮬﻪﻣﻤﯩﺪﯨﻦ ﻣﯘﮬﯩﻤﻰ ﺟﺎﻧﻨﻰ ﺳﺎقلاش ﺑﻮﻟﯘپ ﻗﺎﻟﺪى، ﺟﺎن ﺑﻮﻟﺴﺎ ﺟﺎﮬﺎن ﺋﻪﻣﻪﺳﻤﯘ؟ ﺑﯘﻧﻰ ﺳﯩﺠﺎﯕﻤﯘ ﭼﯜﺷﯩﻨﯩﺪۇ.
ﺳﯘﻟﺘﺎن ﻛﯚﻣﯜﺷﻜﻪ ﻗﺎﻳﯩﻞ ﺑﻮﻟﺪى. ﺋﯘلار دەرﻳﺎ ﺑﻮﻳﯩﻐﺎ ﻳﯧﻘﯩﻦ ﺑﻮﻟﻐﺎن ﻗﻮﻳﯘق ﺗﻮﻏﺮاﻗﺰار ﺟﺎﯕﮕﺎﻟﻠﯩﻘﺘﯩﻦ ﺋﺎﺳﺎن ﺗﺎﭘﻘﯩﻠﻰ ﺑﻮﻟﯩﺪﯨﻐﺎن ﺑﻪﻟﮕﯩﻠﯩﻚ ﺑﯩﺮ ﻳﻪرﻧﻰ ﺗﺎللاپ ﺋﻮرا ﻛﻮلاﺷﺘﻰ - دە، ﺧﻪزﯨﻨﯩﻨﻰ ﻛﯚﻣﯜۋەﺗﺘﻰ (ﻛﯧﻴﯩﻦ ﻗﻮزغىلاڭ ﺑﯧﺴﯩﻘﺘﯘرۇﻟﯘپ، ﺑﯩﺮﻗﺎﻧﭽﻪ ﻳﯩﻞ ﺋﯚﺗﻜﻪﻧﺪﯨﻦ ﻛﯧﻴﯩﻦ، ﺷﯧﯔ ﮬﯚﻛﯜﻣﯩﺘﯩﻨﯩﯔ ﺋﺎدەﻣﻠﯩﺮى ﺋﺎﻟﺘﯘن ﺑﺎر ﻳﻪرﻧﻰ تېپىۋېلىشتى، ﺑﯘﻧﯩﻤﯘ ﺧﺎئىنلار ﻛﯚرﺳﯩﺘﯩﭗ ﺑﻪرﮔﻪﻧﯩﻜﻪن، خەزىنىنى ﺷﯧﯔ ﺷﯩﺴﻪﻳﮕﻪ ﺋﻪۋەﺗﯩﭗ ﺑﻪرﮔﻪن). ﺋﺎﻧﺪﯨﻦ ﺋﯘلار ﻳﻪﯕﮕﯩﻠﻠﯩﺸﯩﭗ دەرﻳﺎدﯨﻦ ﺋﯚﺗﯜپ ﻛﯧﺘﯩﺸﻨﯩﯔ ﺗﻪرەددۇﺗﯩﻐﺎ ﻛﯩﺮﯨﺸﯩﯟاﺗﻘﺎﻧﺪا، ﻗﻮغلاپ ﻛﯧﻠﯩﯟاﺗﻘﺎن ﺑﯩﺮ ﺗﻮپ ﻛﺎزاﻛلارﻧﯩﯔ ﻗﻮﻟﯩﻐﺎ ﺋﻪﺳﯩﺮﮔﻪ ﭼﯜﺷﯜپ ﻗﺎﻟﺪى.

-5-

ﺳﯘﻟﺘﺎن ﮬﻮﺷﯩﻐﺎ ﻛﻪﻟﮕﯩﻨﯩﺪە، ﺋﯚزﯨﻨﻰ ﺑﯩﺮ ﺋﻪﺳﻜﻰ ﺋﯧﻐﯩﻠﺪا ﻛﯚردى، ﺋﯧﻐﯩﻞ ﺋﯩﭽﯩﺪﯨﻦ ﻛﺎلا ﭼﯩﻠﻪﺳﯩﻨﯩﯔ ﮬﯩﺪى ﺑﯩﺨﺴﯩﭗ ﺗﯘراﺗﺘﻰ، ﺋﯘﻧﯩﯔ ﺑﯧﺸﻰ زﯨﯖﯩﻠﺪاپ ﺋﺎﻏﺮﯨﻴﺘﺘﻰ، ﮬﯧﻠﯩﻘﻰ ﻛﺎزاك ﻣﯩﻠﺘﯩﻖ ﭘﺎﻳﻨﯩﻜﻰ ﺑﯩﻠﻪن ﻗﺎﺗﺘﯩﻖ ﺋﯘرۇۋەﺗﻜﻪﻧﯩﺪى. ﺋﺎرﻗﯩﺴﯩﻐﺎ قايرىپ ﺑﺎﻏﻠﯩﯟﯦﺘﯩﻠﮕﻪن ﻗﻮﻟﻰ سىرقىراپ ﺋﺎﻏﺮﯨﭗ، ﭘﯘﺗﻠﯩﺮى ﺋﯘﻳﯘﺷﯘپ ﻛﻪﺗﻜﻪﻧﯩﺪى، ﺋﯘ ﺋﺎچ ﮬﻪم ﺋﯘﺳﺴﯘز ﻗﻮﻳﯘﻟﻐﺎﭼﻘﺎ، ﻟﻪۋﻟﯩﺮى ﻗﯘرۇپ، ﻣﺎﻏﺪۇرﺳﯩﺰﻟﯩﻨﯩﭗ ﻛﻪﺗﻜﻪن، ﺋﯘ ﺷﯘ ﺗﺎﭘﺘﺎ ﺋﻪﺳﯩﺮﻟﯩﻜﻨﯩﯔ ﻗﺎﻧﺪاق ﺋﯩﻜﻪﻧﻠﯩﻜﯩﻨﻰ ﺗﺎزا ﭼﯜﺷﻪﻧﺪى. ﺋﯘ ﺷﯘ ﺗﺎﭘﺘﺎ ﺋﺎﺑﺪۇﻧﯩﻴﺎز ﺳﯩﺠﺎڭ ۋە ﺋﻪﮔﻪﺷﺘﯜرۈپ ﺋﯧﻠﯩﭗ ﻣﺎﯕﻐﺎن ﻗﻮﺷﯘنلارنىﺋﻪﺳﻠﯩﺪى، «ﺋﯘلار ﻗﺎﻧﺪاق ﻗﯩﻠﻐﺎﻧﺪۇ؟ ﺋﯘ ﻗﺎﺗﻘﺎ ﺗﯩﻨﭻ - ﺋﺎﻣﺎن ﺋﯚﺗﯜپ ﻛﯧﺘﻪﻟﯩﮕﻪﻧﻤﯩﺪۇ؟ ﺳﯩﺠﺎڭ ﻧﯧﻤﻪ دﯦﮕﻪن ﺑﺎﺗﯘر، ﺋﯚز ﺋﻪﻗﯩﺪﯨﺴﯩﮕﻪ ﺳﺎدﯨﻖ ﺋﺎدەم - ﮬﻪ؟ ﻣﯘﻧﺪاق ﺋﺎدەم ﻛﻪم ﺗﯧﭙﯩﻠﯩﺪۇ. ﺋﯘﻧﯩﯔ ۋۇﺟﯘدﯨﺪا ﻧﻪﭼﭽﻪ ﻳﯩﻞ ﺑﯩﻠﻠﻪ ﺋﯩﺸﻠﯩﮕﻪن، ﻗﺎﻧﻠﯩﻖ ﺟﻪﯕﻠﻪرﻧﻰ ﺑﯩﻠﻠﻪ ﻗﯩﻠﻐﺎن ﺳﻪﭘﺪاﺷﻠﯩﺮﯨﻨﻰ ﺗﺎشلاپ، دۈﺷﻤﻪﻧﮕﻪ ﺗﻪﺳﻠﯩﻢ ﺑﻮﻟﯩﺪﯨﻐﺎن ﻳﺎﻛﻰ ﭼﻪﺗﻜﻪ ﺟﯧﻨﯩﻨﻰ ﺋﯧﻠﯩﭗ ﭼﯩﻘﯩﭗ ﻛﯧﺘﯩﺪﯨﻐﺎن ﻧﯩﻴﻪت زادىلا ﻳﻮق ﺋﯩﺪى. ﺋﯘ داﺋﯩﻢ ﻗﺎراﯕﻐﯘ ﺗﺎغققىلا ﺋﯘﻟﯘﺷﯘپ ﺋﺎﻟﺴﺎم، ﻗﺎﻳﺘﯩﺪﯨﻦ ﻛﯜچ ﻳﯩﻐﯩﭗ ﻛﯚﺗﯜرۈﻟﯜپ ﭼﯩﻘﺎﺗﺘﯩﻢ دەپ ﺋﺎرزۇ ﻗﯩلاﺗﺘﻰ. ﺋﺎرزۇﺳﯩﻐﺎ ﻳﻪﺗﻜﯜزﮔﻪﻳﺴﻪن ئىلاﮬﯩﻢ. ﻟﯧﻜﯩﻦ ﻣﻪن ﺋﯘﻧﯩﯔ ﺗﺎﭘﺸﯘرۇﻗﯩﻨﻰ ﺋﻮرۇﻧﺪﯨﻴﺎﻟﻤﯩﺪﯨﻢ. ﮔﻪرﭼﻪ ﺧﻪزﯨﻨﯩﻨﻰ دۈﺷﻤﻪن ﻗﻮﻟﯩﻐﺎ ﺗﺎرﺗﺘﯘرۇپ ﻗﻮﻳﻤﯩﻐﺎن ﺑﻮﻟﺴﺎﻣﻤﯘ، ﺋﻪﻣﻤﺎ ﺋﺎﺧﯩﺮﯨﻐﯩﭽﻪ ﺋﯘﻧﯩﯔ ﺑﯩﻠﻪن ﺑﯩﻠﻠﻪ ﺑﻮلاﻟﻤﯩﺪﯨﻢ، ﺋﻪﭘﺴﯘس...» ﺋﯘ ﺋﻪﺗﺮاﭘﯩﻐﺎ ﻗﺎراپ، ﻳﺎﻟﻐﯘز ﺋﻪﻣﻪﺳﻠﯩﻜﯩﻨﻰ، ﺋﯘ ﻳﻪردﯨﻦ ﺑﯘ ﻳﻪردﯨﻦ ﺗﯧﺮﯨﭗ ﺗﻮﺷﯘپ ﺋﻪﺳﯩﺮ ﻗﯩﻠﻐﺎن ﻳﻪﻧﻪ 100 ﭼﻪ ﺋﺎدەﻣﻨﯩﯔ ﻣﯘﺷﯘ ﺋﯧﻐﯩﻠﺪا، ﭼﯩﻠﻪﮔﻪ ﻣﯩﻠﯩﻨﯩﭗ ﻳﯧﺘﯩﺸﻘﯩﻨﯩﻨﻰ ﻛﯚردى. ﺋﺎۋۇﺗﺎﺧﯘﻧﻤﯘ ﻣﺎﻧﺎ قېشىدىلا ﮬﺎﺳﯩﺮاپ ﻳﯧﺘﯩﭙﺘﯘ.
ﺋﺎرﯨﺪﯨﻦ ﺑﯩﺮﻗﺎﻧﭽﻪ ﻛﯜن ﺋﯚﺗﯜپ، ﻛﺎزاكلار ﺋﯘلارﻧﻰ ﺷﯧﯔ ﺷﯩﺴﻪﻳﻨﯩﯔ ﻳﻪرﻟﯩﻚ ﺳﺎﻗﭽﻰ ﻗﯩﺴﯩﻤﻠﯩﺮﯨﻐﺎ ﺋﯚﺗﻜﯜزۈپ ﺑﻪردى. ﺷﯧﯖﻐﺎ ﻳﺎردەم ﺑﻪرﮔﯜﭼﻰ ﻛﺎزاكلار ﺑﯩﻠﻪن ﺗﻮﺧﺘﺎم ﺷﯘﻧﺪاق ﺋﯩﻜﻪن. ﺋﻪﺳﯩﺮﻟﻪر ﺋﻪﺳﯩﺮ ﭼﯜﺷﻜﻪن ﺟﻪڭ ﻣﻪﻳﺪاﻧﻠﯩﺮﯨﻨﯩﯔ ﺗﻪۋەﻟﯩﻜﻰ ﺑﻮﻳﯩﭽﻪ ﺑﯩﺮ ﺗﻪرەپ ﻗﯩﻠﯩﻨﯩﺪﯨﻜﻪن. ﺳﯘﻟﺘﺎنلارنىڭ ﺟﻪڭ راﻳﻮﻧﻰ ﺋﺎﻗﺴﯘ ﺗﻪۋەﻟﯩﻜﯩﮕﻪ ﻣﻪﻧﺴﯘپ دەپ ﻗﺎرﯨﻠﯩﭗ، ﺑﯘ ﺑﯩﺮ ﺗﻮپ ﺋﻪﺳﯩﺮﻟﻪر ﺋﺎﻗﺴﯘﻏﺎ ﺋﯚﺗﻜﯜزۈپ ﺑﯧﺮﯨﻠﯩﺪﯨﻐﺎن ﺑﻮﻟﺪى. ﺋﯩﻠﮕﯩﺮى ﺋﻪﺳﯩﺮﮔﻪ ﭼﯜﺷﻜﻪﻧﻠﻪر، ﺑﯘﻳﺮۇق ﻛﯧﻠﯩﭗ ﺑﻮﻟﻐﯘﭼﻪ كازاكلار ﺗﻪرﯨﭙﯩﺪﯨﻦ ﭼﯚﻟﻠﻪرﮔﻪ ﮬﻪﻳﺪەپ ﺑﯧﺮﯨﻠﯩﭗ ﺗﻮپ ﮬﺎﻟﺪا ﭘﯩﻠﯩﻤﻮت ﺋﻮﻗﯩﻐﺎ ﺗﯘﺗﯘپ ﻗﯩﺮﯨﯟﯦﺘﯩﻠﮕﻪن. ﺑﻪزﯨﻠﯩﺮى ﺗﺎﻏﺎرﻏﺎ ﺳﻮﻟﯩﻨﯩﭗ ﺑﯧﻨﺰﯨﻦ ﭼﯧﭽﯩﭗ ﻛﯚﻳﺪۈرۈۋﯦﺘﯩﻠﮕﻪن. ﺑﻪزﯨﻠﯩﺮى ﺋﻮرىلارغا ﺗﯩﺮﯨﻚ ﻛﯚﻣﯜۋﯦﺘﯩﻠﮕﻪن. ﻳﻪﻧﻪ ﺑﻪزﯨﻠﯩﺮى ﻗﯩﻠﯩﭻ ﺑﯩﻠﻪن ﭼﯧﭙﯩﭗ ﺋﯚﻟﺘﯜرۈﻟﮕﻪن. ﮬﯧﻠﯩﻤﯘ ﻳﺎﺧﺸﻰ ﺳﯘﻟﺘﺎﻧﻨﯩﯔ ﺋﻪﺟﯩﻠﻰ ﻳﻪﺗﻤﯩﮕﻪﻧﯩﻜﻪن ﺗﯩﺮﯨﻚ ﻗﺎﻟﺪى. ﻣﺎﻧﺎ ﺋﻪﻣﺪى ﺋﯘ ﺋﯘﻳﻐﯘر، ﺧﻪﻧﺰۇ ﺋﺎرىلاش ﺳﺎﻗﭽﻰ ﻗﯩﺴﻤﯩﻨﯩﯔ ﻧﺎزارﯨﺘﯩﺪە، ﭘﯩﻴﺎدە ﺳﻪﭘﻪر ﺑﯩﻠﻪن ﺋﺎﻗﺴﯘ ﺗﻪرەﭘﻜﻪ ﻛﯧﺘﯩﭗ ﺑﺎراﺗﺘﻰ. ﺳﯘﻟﺘﺎن ﻣﯘلاﻳﯩﻢ، ﮔﯧﭙﯩﺪە ﺗﯘرﯨﺪﯨﻐﺎن ﺟﯩﮕﻪرﻟﯩﻚ ﻳﯩﮕﯩﺖ ﺑﻮﻟﻐﺎﭼﻘﺎ، ﺳﻪﭘﻪر ﺟﻪرﻳﺎﻧﯩﺪا ﺳﺎقچىلارنىڭ ﻟﻴﻪﻧﺠﺎﯕﻰ ﺑﻮﻟﻤﯩﺶ ﺑﯩﺮ ﺋﯘﻳﻐﯘر ﻛﯩﺸﻰ ﺑﯩﻠﻪن ﭼﯩﻘﯩﺸﯩﭗ ﻗﺎﻟﺪى. ﺋﺎﻧﺪا - ﻣﯘﻧﺪاق ﮔﻪﭘﻠﯩﺸﯩﭗ ﻳﯜرۈپ، ﺋﺎﺧﯩﺮﯨﺪا ﺋﯘﻧﻰ ﺋﻪﺳﯩﺮﻟﻪردﯨﻦ ﺋﺎﻳﺮﯨﭗ  ئاتلارغا ﻗﺎراﻳﺪﯨﻐﺎن، ﻳﯜﮔﯜر - يېتىم ئىشلارﻏﺎ ﺳﺎﻟﯩﺪﯨﻐﺎن ﺑﻮﻟﺪى. ﺳﯘﻟﺘﺎن ﺋﯚزى ﺑﯩﺮﺋﺎز ﺑﻮﻟﺴﯩﻤﯘ ﺋﻪرﻛﯩﻨﻠﯩﻜﻜﻪ ﺋﯧﺮﯨﺸﻜﻪﻧﺪﯨﻦ ﻛﯧﻴﯩﻦ، ﻟﻴﻪﻧﺠﺎﯕﻐﺎ ﻳﺎﻟﯟۇرۇپ ﻳﯜرۈپ ﺋﺎۋۇﺗﺎﺧﯘﻧﻨﯩﻤﯘ ﺋﯚزﯨﮕﻪ ﻳﺎردەﻣﭽﻰ ﻗﯩﻠﯩﯟاﻟﺪى.
ﻗﯘﻣﺒﺎش ﻳﯧﺰﯨﺴﯩﻐﺎ ﻛﻪﻟﮕﻪﻧﺪە ﺋﯘلار دەم ﺋﯧﻠﯩﺸﻘﺎ ﺗﻮﺧﺘﺎﺷﺘﻰ. ﻛﻪچ ﻛﯩﺮﯨﭗ ئاتلارنىڭ ﻗﯧﺸﯩﺪﯨﻦ ﻗﺎﻳﺘﯩﭗ ﭼﯩﻘﯩﯟاﺗﻘﺎن ﺳﯘﻟﺘﺎﻧﻨﯩﯔ ﻗﯘﻟﯩﻘﯩﻐﺎ ﺗﺎم داﻟﺪﯨﺴﯩﺪا ﻟﻴﻪﻧﺠﺎﯕﻨﯩﯔ ﺑﯩﺮﺳﻰ ﺑﯩﻠﻪن ﭘﺎراﯕﻠﯩﺸﯩﯟاﺗﻘﺎن ﺋﺎۋازى ﺋﺎڭلاﻧﺪى، ﭘﺎراڭ ﺋﺎرﯨﺴﯩﺪا ﺋﯚزﯨﻨﯩﯔ ﺋﯩﺴﻤﻰ ﭼﯩﻘﯩﭗ ﻗﺎﻟﻐﯩﻨﻰ ﺋﯜﭼﯜن ﺗﻮﺧﺘﺎپ ﺗﯩﯖﺸﺎﺷﻘﺎ ﻣﻪﺟﺒﯘر ﺑﻮﻟﺪى.
ـــــ ﺋﻪﺳﺘﺎ! ـــــ دەﻳﺘﺘﻰ ﻟﻴﻪﻧﺠﺎڭ ﻳﻪﻧﻪ ﺑﯩﺮﯨﮕﻪ ﭘﻪس ﺋﺎۋاز ﺑﯩﻠﻪن،ـــــ ﺋﻪﺳﻠﯩﺪە ﺑﯘلارﻧﻰ ﺋﯚﻟﺘﯜرﻣﻪﻳﺪﯨﻐﺎن ﺑﻮﻟﻐﺎن، ﺋﻪﻣﺪﯨﻠﯩﻜﺘﻪ ﮬﯚﻛﯜﻣﻪﺗﻨﯩﯔ پىلانى ﺋﯚزﮔﯩﺮﯨﭙﺘﯘ. ﺋﯘلارﻧﻰ ﺷﻪﮬﻪرﮔﻪ ﺋﺎﭘﯩﺮىپلا ﺗﯩﺮﯨﻚ ﻛﯚﻣﯩﺪﯨﻜﻪن، ﺑﯘ ﺷﯧﯔ ﺷﯩﺴﻪﻳﻨﯩﯔ ﺑﯘﻳﺮۇﻗﻰ ﺋﯩﻜﻪن، ئېسىت ﺋﯘلارﻏﺎ ﺋﯩﭽﯩﻢ سىيرﯨﻠﯩﯟاﺗﯩﺪۇ، ﺑﻮﻟﯘﭘﻤﯘ ﮬﯧﻠﯩﻘﻰ ﺳﯘﻟﺘﺎن دﯦﮕﯩﻨﻰ ﻳﺎش، ﺟﯩﮕﻪرﻟﯩﻚ ﻳﺎﺧﺸﻰ ﻳﯩﮕﯩﺖ ﺋﯩﺪى. ﻗﺎﭼﯘرۇۋﯦﺘﻪي دﯦﺴﻪم، ﺑﯧﺸﯩﻤﺪﯨﻦ ﻗﻮرﻗﯩﻤﻪن. ﺋﯘﺷﺸﺎق ﺑﺎﻟﯩﻠﯩﺮﯨﻢ ﺑﺎر، ﭘﺎﻧﺎﮬﺴﯩﺰ ﻗﺎﻟﯩﺪۇ. ﺋﻪﺳﯩﺮﻟﻪرﮔﻪ ﺑﻮﻟﻐﺎن ﻧﺎزارەﺗﻨﻰ ﻛﯜﭼﻪﻳﺘﯩﺶ، ﺑﯩﺮەرﺳﻰ ﻗﺎﭼﯘرۇپ ﻗﻮﻳﯘﻟﺴﺎ، ﻗﺎﺗﺘﯩﻖ ﺟﺎزاﻏﺎ ﺗﺎرﺗﯩﺶ ﮬﻪﻗﻘﯩﺪە ﺑﯘﻳﺮۇق ﻛﻪﻟﺪى.
ـــــ ﺑﯩﺰدە ﻧﯧﻤﻪ ئىلاج ﺋﺎداش، ـــــ دﯦﺪى ﻟﻴﻪﻧﺠﺎﯕﻨﯩﯔ ﺳﯚﮬﺒﻪﺗﺪﯨﺸﻰ، ـــــ ﺑﯩﺰ دﯦﮕﻪن ﺋﻪﺳﻜﻪر، ﺑﯘﻳﺮۇﻗﻨﻰ ﺋﯩﺠﺮا ﻗﯩﻠﻤﯩﺴﺎڭ ﺋﯚزۈڭ ﺑﺎلاﻏﺎ ﻗﺎﻟﯩﺪﯨﻐﺎن ﮔﻪپ، ﺧﯘداﻳﯩﻢ ﺋﯚزى ﻛﻪﭼﯜرەر...
ـــــ ﮬﻪ راﺳﺖ، ﻳﺎﺗﺎر ﭼﺎﻏﺪا ﺋﻪﺳﯩﺮﻟﻪرﻧﻰ پۇختىلاپ ﺑﺎﻏﻠﯩﯟەﺗﻜﯩﻦ، ﭘﻮستلارنى ﻛﯜﭼﻪﻳﺘﻜﯩﻦ.
ـــــ ﮬﯧﻠﯩﻘﻰ ﺳﯘﻟﺘﺎن دﯦﮕﻪﻧﻨﯩﻤﯘ ﺑﺎﻏﻠﯩﯟﯦﺘﯩﻤﻪﻧﻤﯘ؟
ﻟﻴﻪﻧﺠﺎڭ ﺑﯩﺮ ﭘﻪس ﺋﻮﻳﻠﯩﻨﯩﭗ ﺗﯘرۇپ ﻗﺎﻟﺪى - دە، ﺋﺎﻧﺪﯨﻦ ﻛﻪﺳﻜﯩﻦ رەت ﻗﯩﻠﯩﭗ:
ـــــ ﻳﺎق، ﺋﯘﻧﻰ ﺑﺎﻏﻠﯩﻤﯩﺴﺎﯕﻤﯘ ﺑﻮلار، ﺧﯧﻠﻰ ﮔﯧﭙﻰ ﺟﯩﯔ ﻳﯩﮕﯩﺖ ﻛﯚرۈﻧﯩﺪۇ ـــــ دﯦﺪى.
ﺳﯘﻟﺘﺎﻧﻨﯩﯔ ﻳﯜرﯨﻜﻰ «ﻗﺎرت» ﻗﯩﻠﯩﭗ ﻗﺎﻟﺪى، ﺗﯩﺮﯨﻚ ﻛﯚﻣﯜﻟﯜش ﻧﯧﻤﻪ دﯦﮕﻪن دەﮬﺸﻪﺗﻠﯩﻚ - ﮬﻪ؟ ﺋﯘ ﻳﺎﺷﺎﺷﻨﻰ ﺧﺎلاﻳﺘﺘﻰ. «ﻳﺎق، ﺋﯚﻟﻤﻪﺳﻠﯩﻚ ﻛﯧﺮەك، ﺋﻪڭ ﻳﺎﺧﺸﯩﺴﻰ ﭘﯘرﺳﻪت ﺗﯧﭙﯩﭗ ﻗﯧﭽﯩﺶ ﻛﯧﺮەك. 22 ﻳﺎﺷﺘﺎ ﺗﯘرۇپ ﻳﻪر ﺋﺎﺳﺘﯩﻐﺎ ﺗﯩﺮﯨﻚ ﻛﯚﻣﯜﻟﯜپ ﻛﯧﺘﯩﺶ دﯦﮕﻪن ﺑﻪﻛﻤﯘ ﺋﯧﭽﯩﻨﯩﺸﻠﯩﻖ ﺋﯩﺸﻘﯘ؟ ﻳﻪﻧﻪ ﻛﯧﻠﯩﭗ ﺷﯘﻧﺪاق ﺑﻮﻟﯩﺪﯨﻐﯩﻨﯩﻨﻰ ﺑﯩﻠﯩﭗ ﺗﯘرۇپ ﻗﯧﭽﯩﭗ ﻛﯧﺘﯩﺶ ﺋﯩﻤﻜﺎﻧﯩﻴﯩﺘﻰ ﺑﺎر ﺗﯘرۇپ، ﺋﯚزﯨﻨﻰ ﻗﯘﺗﯘﻟﺪۇرﻣﺎﺳﻠﯩﻖ ﺟﯩﻨﺎﻳﻪت - ﺋﻪﺧﻤﻪﻗﻠﯩﻖ» ﺳﯘﻟﺘﺎن ﻗﯧﭽﯩﺶ ﻧﯩﻴﯩﺘﯩﮕﻪ ﻛﻪﻟﮕﻪن ﺑﻮﻟﺴﯩﻤﯘ، ﺋﻪﻣﻤﺎ ﻛﯚز ﺋﺎﻟﺪﯨﺪا ﺋﯘﺷﺘﯘﻣﺘﯘت ﮬﯧﻠﯩﻘﻰ ﺳﺎﻗﭽﻰ ﻟﻴﻪﻧﺠﺎڭ ﭘﻪﻳﺪا ﺑﻮﻟﺪى - دە، ﭼﯩﺮاﻳﯩﻨﻰ ﺧﯩﺠﺎﻟﻪت ﺑﯧﺴﯩﭗ، ﺋﺎرﯨﺴﺎﻟﺪﯨﻠﯩﻘﺘﺎ ﻗﺎﻟﺪى. «ﺋﻪﮔﻪر ﻣﻪن ﻗﯧﭽﯩﭗ ﻛﻪﺗﺴﻪم، ﺋﯘﻧﻰ ﺑﺎلاﻏﺎ ﺋﯩﺘﺘﯩﺮﮔﻪن ﺑﻮﻟﻤﺎﻣﺪﯨﻤﻪن. ﺋﯘ ﻣﺎﯕﺎ ﺋﯩﺸﻪﻧﮕﯩﻨﻰ ﺋﯜﭼﯜن، ﻗﻮل - ﭘﯘﺗﯘﻣﻨﻰ ﺑﻮﺷﯩﺘﯩﭗ ﺋﺎت ﺑﺎﻗﺎر ﻗﯩﻠﯩﭗ، ۋاﻗﺘﯩﻨﭽﻪ ﺑﻮﻟﺴﯩﻤﯘ ﺋﺎزاﺑﺘﯩﻦ ﺧﺎلىي ﻗﯩﻠﺪى. ﮬﺎزﯨﺮﻗﻰ ۋاﻗﯩﺘﺘﺎ ﺑﯘ دﯦﮕﻪن ﭼﻮڭ ﻳﺎﺧﺸﯩﻠﯩﻖ» ﺳﯘﻟﺘﺎن ﻗﺎﺗﺘﯩﻖ روﮬﯩﻲ ﺋﺎزاﺑﺘﺎ ﻗﺎﻟﺪى، ﻗﺎراﯕﻐﯘﻣﯘ ﭼﯜﺷﺘﻰ، ﺋﻪﺳﯩﺮﻟﻪر ﭼﻮڭ ﺋﯚﻳﺪە ﺗﯚت ﺋﻪﺗﺮاﭘﻰ ﻗﻮراﻟﻠﯩﻖ ﺳﺎقچىلارنىڭ ﻗﻮرﺷﺎۋﯨﺪا ﻗﻮﻟﻠﯩﺮى ﺑﺎﻏلاﻗﻠﯩﻖ ﻳﯧﺘﯩﺸﻤﺎﻗﺘﺎ. ﺋﯘلارﻧﯩﯔ ﻛﯚﭘﯩﻨﭽﯩﺴﻰ ﺗﻪﻗﺪﯨﺮﮔﻪ ﺗﻪن ﺑﻪرﮔﻪن ﮬﺎﻟﺪا، ﺑﯩﺮ ﻛﯜﻧﻠﯜك ﮬﺎﻳﺎت ﻟﻪززﯨﺘﯩﻨﻰ ﻏﻪﻧﯩﻤﻪت ﺑﯩﻠﯩﭗ، ﺋﯘﻳﻘﯘﻏﺎ ﻛﯧﺘﯩﺸﻜﻪن، ﺋﻪﺗﯩﻜﻰ ﺗﻪﻗﺪﯨﺮﯨﺪﯨﻦ ﺧﻪۋەرﺳﯩﺰ ﺋﻪﻣﻪﺳﻤﯘ؟ ﺋﻪﻣﻤﺎ ﺳﯘﻟﺘﺎﻧﻨﯩﯔ ﻛﯚزﯨﮕﻪ ﻗﺎﻧﺪاﻗﻤﯘ ﺋﯘﻳﻘﺎ ﻛﻪﻟﺴﯘن. ﺋﯘ ﺳﺎداﻗﻪت ﺑﯩﻠﻪن ﺳﺎداﻗﻪﺗﺴﯩﺰﻟﯩﻜﺘﯩﻦ ﺋﯩﺒﺎرەت ﺋﯩﻜﻜﻰ ﺗﺎش ﺋﺎرﯨﺴﯩﺪا ﻗﯩﺴﯩﻠﯩﭗ ﺗﯘرﻣﺎﻗﺘﺎ ﺋﯩﺪى. ﺋﺎﺧﯩﺮى ﺋﯘ ﺋﻮيلا - ﺋﻮيلا ﻗﻪﺗﺌﯩﻲ ﻗﯧﭽﯩﺶ ﻗﺎرارﯨﻐﺎ ﻛﻪﻟﺪى. «ﺳﺎداﻗﻪﺗﻨﯩﯔ ﻳﻮﻟﻰ ﺑﻮﻟﯘﺷﻰ ﻛﯧﺮەك» دەپ ﺗﻪﺳﻪللىي ﺑﻪردى ﺋﯘ ﺋﯚز ﺋﺎزاﺑﯩﻐﺎ، ﺋﯩﻜﻜﯩﻤﯩﺰ ﺋﯩﻜﻜﻰ ﻳﻮﻟﺪﯨﻜﻰ ﻛﯩﺸﻰ، ﻣﻪﻗﺴﻪﺗﻠﯩﺮﯨﻤﯩﺰﻣﯘ ﺑﺎﺷﻘﺎ، ﺋﯘﻧﯩﯔ ﺋﯜﺳﺘﯩﮕﻪ ﻛﯧﻠﯩﯟاﺗﻘﺎن ﻗﯩﺴﻤﻪﺗﻤﯘ ﺷﯘ ﺗﯘرﺳﺎ، ﺑﻮﻟﺪىلا...»
ﺗﯘن ﻧﯩﺴﭙﻰ، ﺳﯩﺮﺗﺘﺎ ﭼﯧﻜﻪﺗﻜﯩﻠﻪرﻧﯩﯔ ﭼﯩﺮﯨﻠﺪاﺷﻠﯩﺮى، ﺋﺎتلارنىڭ پۇشقۇرتىشلىرىدىن ﺑﺎﺷﻘﺎ ﺗﯩﯟﯨﺶ ﻳﻮق ﺋﯩﺪى. ﺳﯘﻟﺘﺎن زور ﺟﺎﺳﺎرەت ﺑﯩﻠﻪن ﺋﺎﺳﺘﺎﻏﯩﻨﺎ ﺋﻮرﻧﯩﺪﯨﻦ ﻗﻮزﻏﺎﻟﺪى - دە، ﺗﯩﯟﯨﺶ ﭼﯩﻘﺎرﻣﺎي ﺋﺎۋۇﺗﺎخۇننىڭ ﻗﯧﺸﯩﻐﺎ ﻛﻪﻟﺪى. ﺑﯩﺮ ﮬﺎزا ﺋﯘﻧﯩﯖﻐﺎ ﻗﺎراپ ﺗﯘردى. «نېمىلا ﺑﻮﻟﺴﺎ ﺳﻪﭘﺪﯨﺸﯩﻢ، ﺗﺎشلاپ ﻛﻪﺗﻤﻪي، ﺋﯘﻧﯩﯖﻐﺎ ﺋﯧﻴﺘﯩﭗ ﺑﺎﻗﺎي». ﺋﯘ ﺋﺎۋۇﺗﺎﺧﯘﻧﻨﻰ ﻳﯧﻨﯩﻜﻜﯩﻨﻪ ﺋﯩﺮﻏﯩﺘﺘﻰ. ﺋﺎۋۇﺗﺎﺧﯘﻧﻤﯘ ﺋﯘﺧﻠﯩﻤﯩﻐﺎﻧﯩﺪى. ﺋﯘ ﻣﯘددﯨﺌﺎﺳﯩﻨﻰ ﺋﯧﻴﺘﯩﯟﯦﺪى، ﺋﺎۋۇﺗﺎﺧﯘن ﻗﻮرﻗﻘﺎن ﮬﺎﻟﺪا:
ـــــ ﺋﯘﻛﺎم، ﺑﯘﻧﺪاق ﮔﻪﭘﻨﻰ ﺋﯩﻜﻜﯩﻨﭽﻰ ﻗﯩﻠﯩﺸﻤﺎﻳﻠﻰ، ﺳﯧﺰﯨﭗ ﻗﺎﻟﺴﺎ ﺗﯧﺮﯨﻤﯩﺰﻧﻰ ﺳﻮﻳﯩﺪۇ ـــــ دﯦﺪى. ﺋﯩﻨﺴﺎﻧﻨﻰ ﭼﯜﺷﻪﻧﻤﻪك ﻗﯩﻴﯩﻦ ﮔﻪپ! ﺳﯘﻟﺘﺎﻧﻨﯩﯔ ﻳﻪﻧﻪ ﻗﯩﻠﻤﺎﻗﭽﻰ ﺑﻮﻟﻐﺎﻧﻠﯩﺮى تىلىدىلا ﻗﯧﺘﯩﭗ ﻗﺎﻟﺪى - دە، ﺋﯘﻧﯩﯖﻐﺎ ﺋﯧﭽﯩﻨﯩﺶ ﺑﯩﻠﻪن ﻗﺎراپ ﻗﺎﻟﺪى.
ـــــ ﺋﺎۋۇﺗﻜﺎ، ـــــ دﯦﺪى ﺳﯘﻟﺘﺎن ﺋﻪﻣﺪى ﻣﯘددﯨﺌﺎﻟﯩﺮﯨﻨﻰ ﻳﻮﺷﯘرۇپ ﺗﯘرۇپ، ـــــ ﻣﻪن ﻣﯘﻧﺪاقلا دەپ ﻗﻮﻳﺪۇم، ﺋﯧﻴﺘﻘﺎﻧﻠﯩﺮى ﺗﻮﻏﺮا، ﺋﻪﺗﺮاﭘﯩﻤﯩﺰ ﻗﺎت - ﻗﺎت ﺳﺎﻗﭽﻰ ﺑﯩﻠﻪن ﺋﻮراﻟﻐﺎن ﺗﯘرﺳﺎ ﻗﺎﻧﺪاﻗﻤﯘ ﻗﺎﭼﺎلاﻳﻤﯩﺰ.
ﺳﯘﻟﺘﺎن ﮔﻪﭘﻨﻰ ﺑﯧﺴﯩﻘﺘﯘرۇپ ﺋﯘﺧﻠﯩﻐﺎن ﺑﻮﻟﯘپ ﻳﯧﺘﯩﯟاﻟﺪى. دەم ﺋﯚﺗﯜپ ﺋﯚي ﺋﯩﭽﯩﺪﯨﻦ ﺧﻮرەك ﺋﺎۋازﻟﯩﺮى ﻛﯚﺗﯜرۈﻟﺪى. ﺋﺎۋۇﺗﺎﺧﯘﻧﻤﯘ ﻏﻪرق ﺋﯘﻳﻘﯘﻏﺎ ﻛﻪﺗﺘﻰ. ﺳﯘﻟﺘﺎن ﭘﯘرﺳﻪﺗﻜﻪ ﺗﻪۋەﻛﻜﯜل ﻗﯩﻠﺪى - دە، ﺷﺎﻗﻘﯩﺪە ﺋﻮرﻧﯩﺪﯨﻦ ﺗﯘرۇپ، ﺋﺎۋايلاپ دەﺳﺴﻪپ ﺳﯩﺮﺗﻘﺎ ﭼﯩﻘﺘﻰ. ﭘﻮستلارنىڭ ﮬﻪﻣﻤﯩﺴﻰ ﻏﻪرق ﺋﯘﻳﻐﯘﻏﺎ ﻛﻪﺗﻜﻪﻧﯩﺪى. ﺋﯘ ﺑﯩﺮﺳﯩﻨﯩﯔ ﻗﻮﻟﯩﺪﯨﻦ ﻣﯩﻠﺘﯩﻘﻨﻰ ﺋﺎﻟﺪى. ﺗﯩﺮەك ﺷﯧﺨﯩﻐﺎ ﺋﯩﻠﯩﻐﻠﯩﻖ ﺑﯩﺮ ﺗﯩﺰﯨﻖ ﺋﻮﻗﻨﻰ ﺋﺎﻟﺪى. ﺋﯧﻐﯩﻠﻐﺎ ﻛﯩﺮدى - دە، ﻛﯜﻧﺪۈزى ﻛﯚرۈپ ﻗﻮﻳﻐﺎن ﻳﺎراﻣﻠﯩﻖ ﺋﯩﻜﻜﻰ ﺋﺎرﻏﯩﻤﺎﻗﻨﻰ ﺋﯩﮕﻪرﻟﯩﺪى. ﭘﻪم ﺑﯩﻠﻪن ﺳﯩﺮﺗﻘﺎ ﭼﯩﻘﯩﭗ، ﺗﺎم داﻟﺪﯨﺴﯩﺪا ﺋﺎتلارنىڭ ﺑﯩﺮﯨﮕﻪ ﺋﯩﺮﻏﯩﭗ ﻣﯩﻨﺪى - دە، ﺗﯜن ﻗﻮﻳﻨﯩﻐﺎ ﺷﯘﯕﻐﯘدى.

-6-

ﺳﯘﻟﺘﺎن ﻳﻪﻧﻪ ﺋﻪرﻛﯩﻨﻠﯩﻜﻜﻪ ﺋﯧﺮﯨﺸﺘﻰ. «ﻗﺎﻧﺪاق ﻗﯩﻠﯩﺶ ﻛﯧﺮەك؟ ﻳﯘرﺗﯩﻐﺎ ﻗﺎﻳﺘﯩﭗ ﺗﯩﺮﯨﻜﭽﯩﻠﯩﻚ ﻗﯩﻠﯩﺶ ﻛﯧﺮەﻛﻤﯘ؟ ﻳﺎﻛﻰ ﺟﺎﮬﺎﻧﻨﯩﯔ ﺑﺎﺷﻘﺎ ﺑﯩﺮ ﺧﯩﻠﯟەت ﻳﯧﺮﯨﮕﻪ ﻛﯧﺘﯩﭗ ﺟﺎﮬﺎﻧﺪارﭼﯩﻠﯩﻖ ﻗﯩﻠﯩﺶ ﻛﯧﺮەﻛﻤﯘ؟ ﻳﺎق، ﻗﻪﻳﻪرگىلا ﺑﺎرﺳﺎڭ ﺗﻮﺳﺎق، ﺋﺎﺑﺪۇﻧﯩﻴﺎز ﺳﯩﺠﺎﯕﺪەك ﺋﺎدەﻣﻤﯘ، ﺋﯚزﯨﻨﻰ ﻳﺎﻗﯩﻐﺎ ﺋﺎلاﻟﯩﻐﯘدەك ﺷﺎراﺋﯩﺘﻰ ﺗﯘرۇپ، ﻳﻪﻧﻪ ﺋﯚز ﻣﻪﻗﺴﯩﺘﻰ ﺋﯜﭼﯜن ﺋﻪڭ زور قىيىنچىلىقلار ﺑﯧﺸﯩﻐﺎ ﺗﯚﻛﯜﻟﯜپ ﺗﯘرﺳﯩﻤﯘ، ﺋﯩﺮادﯨﺴﯩﺪﯨﻦ ﻳﺎﻧﻤﯩﺪى، ﻣﻪن ﻛﯩﻢ ﺋﯩﺪﯨﻢ ﺷﯘﻧﭽﻪ؟ ﺑﺎر ﺋﺎماللار ﺑﯩﻠﻪن ﺳﯩﺠﺎﯕﻨﻰ ﺗﯧﭙﯩﺸﯩﻢ، ﺋﯘﻧﯩﯔ ﺑﯩﻠﻪن ﮬﺎﻳﺎت ﻣﺎﻣﺎﺗﺘﺎ ﺑﯩﻠﻠﻪ ﺑﻮﻟﯘﺷﯘم ﻛﯧﺮەك...
ﺋﯘ ﻛﯜﻧﺪۈزى دەرﻳﺎ ﺳﺎﮬﯩﻠﻰ ﺑﻮيلاپ، ﻗﯧﻠﯩﻦ ﺋﻮرﻣﺎﻧﻠﯩﻖ، ﻳﯘﻟﻐﯘن، ﻗﻮﻣﯘﭼﺰارﻟﯩﻖ ﺋﺎرﯨﺴﯩﺪا ﺋﺎرام ﺋﯧﻠﯩﭗ، ﻛﯧﭽﯩﺴﻰ ﻳﻮل ﻳﯜرۈپ، ﺋﺎۋاﺗﺘﯩﻦ ﻳﺎﻧﺪاپ ﺋﯚﺗﺘﻰ - دە، ﺷﺎﻗﯘرﻏﺎ ﻛﯧﺘﯩﺪﯨﻐﺎن ﻳﻪﻛﻪن دەرﻳﺎﺳﯩﻨﯩﯔ ﺳﺎﮬﯩﻠﯩﺪﯨﻜﻰ ﺋﺎۋاﺗﻘﺎ ﺗﻪۋە ﻛﻮلاس دﯦﮕﻪن ﻳﻪردﯨﻜﻰ ﺗﻮﻏﺮاﻗﻠﯩﻖ ﺋﻮتلاققا ﻳﯧﺘﯩﭗ ﻛﻪﻟﺪى، ﻳﻮللار ﺳﯘﻟﺘﺎﻧﻐﺎ ﺑﻪش ﻗﻮﻟﺪەك ﺋﺎﻳﺎن، ﺋﯘ ﺑﯘ ﻳﻪرﻟﻪرﻧﻰ ﻗﺎﻧﭽﻪ ﻗﯧﺘﯩﻢ دەﺳﺴﻪپ ﺋﯚﺗﯜپ ﺋﺎﻳﻠﯩﻨﯩﭗ ﻳﯜرﮔﻪن ﺋﻪﻣﻪﺳﻤﯘ؟ ﺳﯘﻟﺘﺎﻧﻨﯩﯔ ﺋﯧﻠﯩﯟاﻟﻐﺎن ﺋﻮزۇﻗﯩﻤﯘ ﺗﯜﮔﻪپ ﻗﺎﻟﺪى. ﺋﯘ ﺑﯩﺮ ﭼﯚﭘﻠﯜﻛﺘﻪ دﯦﻤﯩﻨﻰ ﺋﺎﻟﻐﯩﻠﻰ ﺋﻮﻟﺘﯘردى. «ﻗﻪﻳﻪردﯨﻦ ﺋﺎش - ﺋﻮزۇق ﺗﯧﭙﯩﺶ ﻛﯧﺮەك» ﻣﻪﮬﻪﻟﻠﻪ ﺋﯩﭽﯩﮕﻪ ﻛﯩﺮﮔﯩﻠﻰ ﺑﻮﻟﻤﺎﻳﺪۇ» ﺋﯘ ﺋﻪﺗﺮاﭘﻘﺎ ﻗﺎراﺷﻘﺎ ﺑﺎﺷﻠﯩﺪى. ﻛﯚزى ﺋﯚزﯨﺪﯨﻦ ﺑﻪش - ﺋﺎﻟﺘﻪ ﻳﯜز ﻣﯧﺘﯩﺮﭼﻪ ﻧﯧﺮﯨﺪﯨﻜﻰ ﻳﻮﻏﺎن ﺗﻮﻏﺮاﻗﻨﯩﯔ ﺗﯜۋﯨﺪﯨﻜﻰ ﻛﻪﭘﯩﮕﻪ ﭼﯜﺷﺘﻰ. «ﻣﺎﻟﭽﻰ ﻛﻪﭘﯩﺴﻰ!...» ﺋﯘ ﺧﯘﺷﺎﻟﻠﯩﻘﯩﺪﯨﻦ ﺳﻪﻛﺮەپ ﺋﻮرﻧﯩﺪﯨﻦ ﺗﯘردى - دە، ﺋﯧﺘﯩﻐﺎ ﻣﯩﻨﺪى، ﺋﻪﻣﺪى ﺋﯘﻧﯩﯖﻐﺎ ﻗﻮرﺳﺎق ﺗﻮﻳﻐﯘزۇﺷﻨﯩﯔ ﺋﯩﻤﻜﺎﻧﯩﻴﯩﺘﻰ ﺗﯧﭙﯩﻠﻐﺎﻧﯩﺪى.
ﺑﯩﺮ ﺋﺎﺗﻨﻰ ﻣﯩﻨﯩﭗ، ﺑﯩﺮ ﺋﺎﺗﻨﻰ ﻳﯧﺘﯩﻠﻪپ ﻛﯧﻠﯩﯟاﺗﻘﺎن ﻗﻮراﻟﻠﯩﻖ ﻛﯩﺸﯩﻨﻰ ﻛﯚرﮔﻪﻧﺪە، ﻣﺎﻟﭽﯩﻨﯩﯔ ﻗﻮرﻗﯘپ ﺋﻪرۋاﮬﻰ ﺋﯘﭼﺘﻰ - دە، ﺋﺎﻟﺪىدﯨﻜﻰ ﺋﯩﻜﻜﻰ- ﺋﯜچ ﻳﯜزﭼﻪ ﻣﺎﻟﻨﻰ، ﻗﻮﺗﺎﻧﻨﻰ ﺗﺎشلاپ ﻗﯧﭽﯩﺸﻘﺎ ﺑﺎﺷﻠﯩﺪى. ﺳﯘﻟﺘﺎن ﺷﯘﻧﭽﻪ ﻳﺎﻟﯟۇرۇپ ﺑﺎﻗﻘﺎن ﺑﻮﻟﺴﯩﻤﯘ، ﻣﺎﻟﭽﻰ ﻗﺎراﭘﻤﯘ ﻗﻮﻳﻤﺎي ﻛﯚزدﯨﻦ ﻏﺎﻳﯩﺐ ﺑﻮﻟﺪى. «ﻧﯧﻤﻪ ئىلاج؟»  دﯦﺪى ﺳﯘﻟﺘﺎن ﺋﯚز - ﺋﯚزﯨﮕﻪ ﭘﯩﭽﯩﺮلاپ ﺋﺎﭼﭽﯩﻘﻘﯩﻨﺎ ﻛﯜﻟﯜﻣﺴﯩﺮﯨﮕﻪن ﮬﺎﻟﺪا«ياغى قىيامەتلىرى ﮬﻪﻣﻤﯩﻨﻰ ﻗﻮرﻗﯩﺘﯩﯟەﺗﺘﻰ ﺋﻪﻣﻪﺳﻤﯘ؟». ﺳﯘﻟﺘﺎن ﺋﺎﺗﺘﯩﻦ ﭼﯜﺷﯜپ، ﻳﯜﮔﻪﻧﻠﯩﺮﯨﻨﻰ ﺋﯧﻠﯩﯟەﺗﺘﻰ - دە، ﭘﯘﺗﻠﯩﺮﯨﻨﻰ ﭼﯜشەپ ﺋﻮﺗﻘﺎ ﻗﻮﻳﯘۋەﺗﺘﻰ. ﺋﯚزى ﺋﻮتلاپ ﻳﯜرﮔﻪن ﻗﻮيلار ﺋﺎرﯨﺴﯩﺪﯨﻦ ﭼﻮﯕﺮاق ۋە ﺳﯧﻤﯩﺰ ﺑﯩﺮ ﻗﻮﻳﻨﻰ ﺗﯘﺗﯘپ ﺳﻮﻳﺪى. ﻛﻪﭘﯩﺪە ﭼﻮڭ ﺑﯩﺮ ﻗﺎزان، ﺗﯘز، ﮬﻪﻣﻤﻪ ﻧﻪرﺳﻪ ﺑﺎر ﺋﯩﻜﻪن، ﺋﻮﭼﺎﻗﻘﺎ ﺋﻮت ﻳﯧﻘﯩﭗ، ﺑﯘلاﻗﺘﯩﻦ ﺳﯘ ﺋﻪﭘﻜﯧﻠﯩﭗ ﻗﺎزاﻧﻨﻰ ﺗﻮﻟﺪۇردى، ﮔﯚﺷﻠﻪرﻧﻰ ﺳﯧﻠﯩﭗ ﺋﻮت ﻳﯧﻘﯩﭗ ﻗﺎﻳﻨﺎﺗﺘﻰ، ﺑﯘ ئىشلارنى ﻗﯩﻠﯩﭗ ﺑﻮﻟﯘپ، ﻳﯧﻨﯩﺪﯨﻦ ﺋﯩﻜﻜﻰ داﻧﻪ ﻛﯜﻣﯜش ﺗﻪﯕﮕﻪ ﺋﯧﻠﯩﭗ ﻛﻪﭘﻪ ﺋﯩﭽﯩﺪﯨﻜﻰ ﺗﺎﺧﺘﺎ ﺋﯜﺳﺘﯩﮕﻪ ﻗﻮﻳﯘپ ﻗﻮﻳﺪى - دە (ﺑﯘ ﺗﯘز ﮬﻪﻗﻘﻰ ﺋﯩﺪى) ﺋﺎز - ﭘﺎز ﺳﺎرﻏﯩﻴﯩﺸﻘﺎ ﺑﺎﺷﻠﯩﻐﺎن ﭼﯩﻢ ﺋﻮتلار ﺋﯜﺳﺘﯩﮕﻪ ﺋﯚزﯨﻨﻰ ﺗﺎﺷﻠﯩﺪى. ﻛﯚزى ﺋﻪﻣﺪى ﺋﯘﻳﻘﯘﻏﺎ ئىلىشىۋىدى، ﻳﯧﻘﯩﻦ ﺋﺎرﯨﺪا ﺋﺎﻟﻠﯩﻜﯩﻤﻠﻪرﻧﯩﯔ ﺧﻪﻧﺰۇﭼﻪ ﻛﺎﻟﺪﯨﺮلاﺷﻘﺎن ﺋﺎۋازى ﺋﺎﯕلاﻧﻐﺎﻧﺪەك ﻗﯩﻠﺪى. ﺳﯘﻟﺘﺎن ﭼﯚﭼﯜپ ﻛﻪﺗﺘﻰ - دە، ﺷﺎرتلا ﺋﻮرﻧﯩﺪﯨﻦ ﺗﯘرۇپ، ﺋﻮقلاپ ﺗﻪﻳﻴﺎر ﻗﯩﻠﯩﭗ ﻳﯧﻨﯩﺪﯨﻜﻰ ﻳﻪرﮔﻪ ﻗﻮﻳﯘپ ﻗﻮﻳﻐﺎن ﻣﯩﻠﺘﯩﻘﯩﻐﺎ ﻗﻮل ﺳﻮزدى. ﻟﯧﻜﯩﻦ ﺋﯜﻟﮕﯜرەﻟﻤﯩﺪى. ﺑﯧﺸﯩﺪا 4 ﻧﻪﭘﻪر ﻗﻮراﻟﻠﯩﻖ ﺋﻪﺳﻜﻪر، ﺋﯘﻧﯩﯖﻐﺎ ﻣﯩﻠﺘﯩﻘﻠﯩﺮﯨﻨﻰ دﯨﯟەﻳﻠﻪپ ﺗﯘراﺗﺘﻰ. «ﻳﻪﻧﻪ ﻗﻮﻟﻐﺎ ﭼﯜﺷﻜﻪن ﺋﻮﺧﺸﯩﻤﺎﻳﻤﻪﻧﻤﯘ؟» ﺋﯘ ﺑﯧﺸﯩﻨﻰ ﻛﯚﺗﯜرۈپ ﺋﯚزﻟﯩﺮﯨﮕﻪ ﻗﻮرال دﯨﯟەﻳﻠﻪپ ﺗﯘرﻏﺎن ﺋﺎدەﻣﻠﻪرﮔﻪ ﻛﯚزى ﭼﯜﺷﺘﻰ.«ﺋﯘلار، ﻣﺎﻓﯘﻳﯩﯟەﻧﻨﯩﯔ ﭘﯩﺘﯩﺮاپ ﻛﻪﺗﻜﻪن ﺋﻪﺳﻜﻪرﻟﯩﺮﯨﺪﯨﻨﻜﻪﻧﺪە» دەپ ﭘﻪرەز ﻗﯩﻠﺪى. ﺋﯘﻧﯩﯔ ﭘﻪرﯨﺰى ﺗﻮﻏﺮا ﺋﯩﺪى.
ـــــ ﺳﻪن ﻧﯧﻤﻪ ﺋﺎدەم؟ ـــــ دەپ ﺳﻮرﯨﺪى ﺋﯘلارﻧﯩﯔ ﺋﺎرﯨﺴﯩﺪﯨﻦ ﺋﯧﮕﯩﺰ ﺑﻮي ﺑﯩﺮﺳﻰ ﺋﯘﻳﻐﯘر ﺗﯩﻠﯩﻨﻰ ﺑﯘزۇپ ﺳﯚزﻟﻪپ.
ـــــ ﮬﻪ، ﻛﯧﻠﯩﺸﺴﯩﻠﻪ، ﻛﯧﻠﯩﺸﺴﯩﻠﻪ، ـــــ دﯦﺪى ﺳﯘﻟﺘﺎﻧﻤﯘ ﻣﯘلاﻳﯩﻤﻠﯩﻖ ﺑﯩﻠﻪن، ﻟﯧﻜﯩﻦ ﻛﯚزى ﻣﯩﻠﺘﯩﻘﺘﺎ ﺋﯩﺪى،ـــــ ﻣﻪن ﺋﺎﺑﺪۇﻧﯩﻴﺎز ﺳﯩﺠﺎﯕﻨﯩﯔ ﺋﺎدەﻣﻠﯩﺮﯨﺪﯨﻦ ﺑﻮﻟﯩﻤﻪن، ﻗﻮﺷﯘﻧﺪﯨﻦ ﺋﺎﻳﺮﯨﻠﯩﭗ ﻗﯧﻠﯩﭗ ﺑﯘ ﻳﻪرﻟﻪرﮔﻪ ﻛﯧﻠﯩﭗ ﻗﺎﻟﺪﯨﻢ. ﻗﻮرﺳﺎق ﺋﺎچ، ﻣﯘﺷﯘﻧﺪاق ﻗﯩﻠﯩﺸﻘﺎ ﻣﻪﺟﺒﯘر ﺑﻮﻟﺪۇم، ﻣﺎﻧﺎ ﮔﯚﺷﻤﯘ ﭘﯩﺸﺎي دەپ ﻗﺎﻟﺪى، كېلىڭلار، ﺑﯩﻠﻠﻪ ﻳﻪﻳﻠﻰ!
ﺋﯘلار ﺑﯩﺮ - ﺑﯩﺮﯨﮕﻪ ﻗﺎراﺷﺘﻰ - دە، دەرﮔﯘﻣﺎن ﺑﻮﻟﯘپ ﻧﯧﺮﯨﻐﺎ ﺋﻮﻟﺘﯘرۇﺷﺘﻰ  ۋە ﺋﯚزﺋﺎرا ﺧﻪﻧﺰۇﭼﻪ ﻛﺎﻟﺪﯨﺮلاﺷﺘﻰ. ﺳﯘﻟﺘﺎن ﺋﯘرۇش ﻣﻪﻳﺪاﻧﻠﯩﺮﯨﺪا، ﻣﺎﻓﯘﻳﯜەﻧﻨﯩﯔ ﻟﻴﻪن، ﻳﯩﯖﻠﯩﺮﯨﺪﯨﻜﯩﻠﻪر ﺑﯩﻠﻪن ﺋﺎلاﻗﯩﻠﯩﺸﯩﭗ ﻳﯜرﮔﻪﻧﻠﯩﺮﯨﺪە، ﺧﻪﻧﺰۇﭼﯩﻨﻰ ﺋﺎز - ﺗﻮلا ﭼﯜﺷﯩﻨﯩﺪﯨﻐﺎن ﺑﻮﻟﻐﺎﻧﯩﺪى. ﺋﯘلارﻧﯩﯔ ﻗﯩﻠﯩﺸﻘﺎن  ﺳﯚزﻟﯩﺮﯨﺪﯨﻦ «ﺑﯘ ﺑﯩﺮ ﮔﯘﻣﺎﻧﻠﯩﻖ ﺋﺎدەم ﺋﯩﻜﻪن، ﻣﻪﻳﻠﻰ ﻛﯩﻢ ﺑﻮﻟﺴﯘن، ﺋﯘﻧﻰ ﻛﯚزدﯨﻦ ﻳﻮق ﻗﯩلاﻳﻠﻰ. ﺑﻮﻟﻤﯩﺴﺎ ﺑﯩﺰﮔﻪ ﻛﺎشىلا ﻗﯩﻠﯩﺪۇ» دﯦﮕﻪن ﻣﻪﻧﯩﻠﻪرﻧﻰ ﭼﯜﺷﻪﻧﮕﻪن ﺳﯘﻟﺘﺎن ﭘﯘرﺳﻪﺗﻨﻰ ﻏﻪﻧﯩﻤﻪت ﺑﯩﻠﯩﭗ ﺋﯘﺷﺘﯘﻣﺘﯘت ﻣﯩﻠﺘﯩﻘﻘﺎ ﻗﻮل ﺳﻮزدى - دە، ﺗﯧﺰﻟﯩﻚ ﺑﯩﻠﻪن ﺋﺎرﻗﯩﺴﯩﻐﺎ ﺑﯘرۇﻟﯘپ ﭼﺎﻗﻤﺎﻗﻨﻰ ﺑﯧﺴﯩﯟەﺗﺘﻰ، «ﮔﯘم» ﻗﯩﻠﻐﺎن ﺋﺎۋاز ﺑﯩﻠﻪن ﺗﻪڭلا ﺑﯩﺮ ﭘﺎي ﺋﻮق ﺋﯘدۇل ﻗﺎﺗﺎر ﺋﻮﻟﺘﯘرۇﺷﻘﺎن ﺋﯜچ ﻧﻪﭘﻪر ﺗﯘﯕﮕﺎﻧﻨﻰ ﻳﯩﻘﯩﺘﺘﻰ. ﺑﯩﺮﺳﻰ ﭼﺎﭼﺮاپ ﻗﻮﭘﯘپ  ﺳﯘﻟﺘﺎﻧﻐﺎ ﺋﯧﺴﯩﻠﯩﯟىدى، ﻣﯩﻠﺘﯩﻖ ﭘﺎﻳﻨﯩﻜﻰ ﺑﯩﻠﻪن ﺋﯘرۇپ ﻳﯩﻘﯩﺘﺘﻰ - دە، ﺑﯧﺴﯩﯟﯦﻠﯩﭗ ﮔﯧﻠﯩﺪﯨﻦ ﺑﻮﻏﯘپ ﺋﯚﻟﺘﯜرۈۋەﺗﺘﻰ.
ﺋﺎدەم ﺋﯚﻟﺘﯜرۈش ﻧﻪﻗﻪدەر ﻳﯩﺮﮔﯩﻨﯩﭽﻠﯩﻚ ۋە ﻗﻮرﻗﯘﻧﭽﻠﯘق - ﮬﻪ؟ ﺋﯘ ﮬﺎﻳﺎت - ﻣﺎﻣﺎﺗﻠﯩﻖ ﺟﻪﯕﻠﻪردە، ﻳﯩﺮاﻗﺘﯩﻦ ﺗﯘرۇپ ﺋﻮق ﺋﯜزۈپ ﺋﺎدەم ﺋﯚﻟﺘﯜرﮔﻪن ﺑﻮﻟﺴﯩﻤﯘ، ﺋﻪﻣﻤﺎ ﺑﯜﮔﯜﻧﻜﯩﺪەك ﻳﯧﻘﯩﻦ ﺗﯘرۇپ، ﻗﻮﻟﻰ ﺑﯩﻠﻪن ﺗﯘﺗﯘپ ﺋﺎدەم ﺋﯚﻟﺘﯜرۈپ ﺑﺎﻗﻤﯩﻐﺎﻧﯩﺪى. ﻧﯧﻤﻪ ﺋﯩلاج، ﮔﯧﺰى ﻛﻪﻟﮕﻪﻧﺪە ﺋﯚزﯨﻨﻰ ﺳﺎقلاش ﺋﯜﭼﯜن ﺋﺎﺷﯘﻧﺪاق ﺋﺎدەم ﺋﯚﻟﺘﯜرۈﺷﻜﻪ ﻣﻪﺟﺒﯘر ﺑﻮﻟﺪى، ﻟﯧﻜﯩﻦ ﺋﯚﻟﺘﯜرۈپ ﺑﻮﻟﯘپ ﺋﯘﻧﻰ ﻗﺎﺗﺘﯩﻖ ﺑﯩﺮ ﻳﯩﺮﮔﯩﻨﯩﺶ - ﻏﻪﺷﻠﯩﻚ ﺳﻪزﮔﯜﺳﻰ ﭼﯘﻟﻐﯩﯟاﻟﺪى. ﺑﯘ ﻧﯧﻤﻪ ﺋﯜﭼﯜن؟ ﺑﯘ ﺳﻮﺋﺎﻟﻐﺎ ﺳﯘﻟﺘﺎن ﺗﯜزۈك ﺟﺎۋاب ﺗﺎﭘﺎﻟﻤﯩﺪى. ﺋﯘ، ﻗﻮﻟﻠﯩﺮﯨﻨﻰ ﻳﯘﻳﯘپ، ﮔﯚﺷﻠﻪردﯨﻦ ﺳﯜزدى. ﺋﺎﻟﺪﯨﺮاپ ﺗﻮﻳﻐﯘﭼﻪ ﻳﯧﺪى - دە، ﺋﺎﺷﻘﯩﻨﯩﻨﻰ ﻣﺎﻟﭽﯩﻨﯩﯔ ﺧﺎﻟﺘﯩﺴﯩﻐﺎ ﺗﯩﻘﯩﭗ، ﻳﻪﻧﻪ ﺋﯘﻧﯩﯔ ﺑﻪش - ﺋﺎﻟﺘﯩﺪەك زاﻏﺮا ﻧﯧﯩﻨﻰ، ﺋﺎزراق ﺗﺎﻟﻘﯩﻨﯩﻨﻰ ﺋﯧﻠﯩﭗ، ﺋﺎتلاﻧﻐﯩﻨﯩﭽﻪ ﺷﺎﻗﯘرﻏﺎ ﻳﯜرۈپ ﻛﻪﺗﺘﻰ.

-7-
ﻣﺎﻧﺎ، ﺷﺎﻗﯘر ﻳﯧﺰﯨﺴﯩﻨﯩﯖﻤﯘ دەرەﺧﻠﯩﺮى ﻛﯚرۈﻧﺪى. ﺋﯚزﯨﻨﻰ دۇﻧﻴﺎﻏﺎ ﻛﻪﻟﺘﯜرۈپ، ﮬﺎﻳﺎﺗﻠﯩﻖ ﺷﺎراﺋﯩﺘﻰ ﺑﯩﻠﻪن ﺗﻪﻣﺘﯩﻠﻪپ ﭼﻮڭ ﻗﯩﻠﻐﺎن ﻗﻪدﯨﺮدان ﻳﯘرتىنىڭ ھىدى ﻧﯧﻤﯩﺪﯦﮕﻪن خۇشبۇي-ﮬﻪ؟ ﺳﯘﻟﺘﺎن ﺗﻮﻏﺮاق ۋە ﻳﯘﻟﻐﯘﻧﺰارلىقلارنى ﺋﺎرالاپ ﻣﯚﻛﯜپ - ﭼﯚﻛﯜپ ﻳﯜرۈپ، ﻧﺎﻣﺎزدﯨﮕﻪر ۋاﻗﺘﯩﺪا ﺷﺎﻗﯘر ﺗﻪۋەﺳﯩﮕﻪ  ﻳﯧﺘﯩﭗ ﻛﻪﻟﮕﻪﻧﯩﺪى. ﺋﻪﺳﻠﯩﻲ ﻣﯘدددﯨﺌﺎﻳﻰ ﺑﻮﻳﯩﭽﻪ ﺳﯘﻟﺘﺎن ﺷﺎﻗﯘر ﻳﯧﺰﯨﺴﯩﻨﯩﯔ ﺋﯩﭽﯩﮕﻪ ﻛﯩﺮمەيلا ﺟﺎﯕﮕﺎل ﻳﺎقىلاپ، ﻛﯧﭽﯩﻚ ﺗﯧﭙﯩﭗ دەرﻳﺎﻧﯩﯔ ﻧﯧﺮى ﻗﯧﺘﯩﻐﺎ ﺋﯚﺗﯜپ ﻛﯧﺘﯩﺶ، ﺷﯘ ﺋﺎرﻗﯩﻠﯩﻖ ﺳﯩﺠﺎﯕﻨﯩﯔ ﺗﻮﭘﯩﻨﻰ ﺋﯩﺰدەپ ﺗﯧﭙﯩﭗ ﻗﻮﺷﯘﻟﯘﺷﻰ ﻛﯧﺮەك ﺋﯩﺪى. ﺋﯘﻧﯩﯔ ﭘﻪرﯨﺰﯨﺪە ﺋﺎﺑﺪۇﻧﯩﻴﺎز ﺳﯩﺠﺎڭ ﺷﯘ ﭼﺎﻏﺪا ﻣﻪرﻛﯩﺖ ﻳﺎﻛﻰ ﻳﻪرﻛﻪن ﺋﻪﺗﺮاﭘﯩﺪا ﮬﻪرﯨﻜﻪﺗﻠﯩﻨﯩﭗ ﻳﯜرﮔﻪن ﺑﻮﻟﯘﺷﻰ مۇمكىن ﺋﯩﺪى. ﻗﯩﺴﻤﻪت ﺋﯘﻧﻰ ﺷﯘ ﺋﺎرزۇ - ﻣﻪﻗﺴﻪﺗﻜﻪ ﻳﻪﺗﻜﯜزەرﻣﯘ ﻳﺎﻛﻰ ﻳﻮﻟﯩﻨﻰ ﺗﻮﺳﯘپ ﻗﻮﻳﺎرﻣﯘ؟
ﺋﯘ ﻳﯘرت ﺋﯩﭽﯩﮕﻪ ﻛﯩﺮﮔﻪﻧﺪﯨﻦ ﻛﯧﻴﯩﻦ ﺋﯩﺮادﯨﺴﻰ ﺑﻮﺷﺎﺷﺘﻰ، ﻳﯘرﺗﯩﻨﻰ ﺳﯧﻐﯩﻨﯩﺸﻨﯩﯔ ﻛﯜﭼﻠﯜك ﺗﻪﻗﻪززاﺳﻰ ﺋﯜﺳﺘﯜن ﻛﻪﻟﺪى. ﺋﯩﺨﺘﯩﻴﺎرﺳﯩﺰ ﺋﯧﺘﯩﻨﯩﯔ ﺑﯧﺸﯩﻨﻰ ﻛﻪﻧﺖ ﺗﻪرەﭘﻜﻪ ﺑﯘرﯨﺪى. ﺋﯘ ﻳﻮﺷﯘرۇﻧﯘپ دﯦﮕﯜدەك ﻛﻪﻧﺖ ﺋﯩﭽﯩﮕﻪ ﻛﯩﺮﯨﭗ ﻛﻪﻟﺪى. ﺑﯘ ﭼﺎﻏﺪا خېلىلا ﻗﺎراﯕﻐﯘ ﭼﯜﺷﻜﻪﻧﯩﺪى. ﻛﻪﻧﺘﻜﻪ ﻛﯩﺮﯨﺸﻨﯩﻐﯘ ﻛﯩﺮدى، ﻟﯧﻜﯩﻦ ﻛﯩﻤﻨﯩﯖﻜﯩﮕﻪ ﺑﺎرار؟ ﺋﯘ ﺋﻪزەﻟﺪﯨﻦ ﺋﯚي ﻣﺎﻛﺎﻧﻰ ﻳﻮق، ﺑﺎيلارنىڭ ﺋﯩﺸﯩﻜﯩﺪە ﻣﺎلاﻳﻠﯩﻘﺘﺎ ﻛﯜن ﻛﻪﭼﯜرۈپ ﻛﻪﻟﮕﻪن ﺑﯩﺮ ﻳﯧﺘﯩﻢ ﺑﺎلا، ﺗﺎلادا ﺗﯜنىسۇنمۇ؟ «ﮔﯜﭘﭙﯩﺪە» ﺋﯘﻧﯩﯔ ﺋﯧﺴﯩﮕﻪ ﻛﯩﭽﯩﻜﯩﺪە ﺑﯩﻠﻠﻪ ﺋﻮﻳﻨﺎپ ﺋﯚﺳﻜﻪن ﻗﻪدﯨﻨﺎس دوﺳﺘﻰ ﻗﺎدﯨﺮ ﻛﻪﻟﺪى. «ﺷﯘﻧﯩﯖﻜﯩﺪە ﺑﯩﺮ ﻛﯧﭽﻪ ﺗﯜﻧﻪپ ﺋﯚﺗﻪي».
ﻗﻪدﯨﻨﺎس دوستلار ﻗﯩﺰﻏﯩﻦ ﻗﯘﭼﺎﻗﻠﯩﺸﯩﭗ ﻛﯚرۈﺷﺘﻰ، داﺳﺘﯩﺨﺎن ﺋﯜﺳﯩﺘﯩﺪە ﺋﻮﻟﺘﯘرۇپ ﻛﯚﯕﯜﻟﻠﯜك ﻣﯘﯕﺪاﺷﺘﻰ. ﺳﯘﻟﺘﺎن ﻗﺎدﯨﺮ ﺋﺎرﻗﯩﻠﯩﻖ ﺳﯩﺠﺎڭ ﮬﻪﻗﻘﯩﺪە ﺧﯧﻠﻰ ﻳﯧﯖﻰ يېڭى خەۋەرگە ئئېرىشتى. ﺳﯩﺠﺎﯕﻨﯩﯔ ﻗﻮﺷﯘﻧﻠﯩﺮى دەرﻳﺎدﯨﻦ ﺋﯚﺗﻜﯜﭼﻪ ﻧﺎﮬﺎﻳﯩﺘﻰ ﻛﯚپ ﭼﯩﻘﯩﻤﻐﺎ ﺋﯘﭼﺮاﭘﺘﯘ، ﺑﻪزﯨﻠﯩﺮى ﺋﺎﻳﺮوپلان ﮬﯘﺟﯘﻣﯩﺪا ﮬﺎلاك ﺑﻮﭘﺘﯘ، ﺋﯩﻨﺸﺎئاللاھ، ﺳﯩﺠﺎڭ ﺑﯩﺮ ﺗﻮپ ﺑﺎﺗﯘر ﻳﯩﮕﯩﺘﻠﯩﺮى ﺑﯩﻠﻪن ﺑﯩﻠﻠﻪ ﻧﯧﺮى ﻗﺎﺗﻘﺎ ﺋﯚﺗﯜۋاﭘﺘﯘ، ﺋﺎﯕلاشلارغا ﻗﺎرﯨﻐﺎﻧﺪا ﻣﻪﻛﯩﺖ ﺋﻪﺗﺮاﭘﯩﺪا ﺋﺎﻳﻠﯩﻨﯩﭗ ﻳﯜرﮔﯩﺪەك، ﺗﯧﺨﻰ ﻗﺎراﯕﻐﯘ ﺗﺎﻏﻘﺎ ﺋﯘلاﺷﻘﯘﭼﻰ ﺑﻮﻟﻤﺎﭘﺘﯘ.
ـــــ ﺋﻮﺳﻤﺎن ﺑﻪﮔﻨﯩﯔ ﺋﻪﮬﯟاﻟﻰ ﻗﺎﻧﺪاﻗﺮاق؟ ـــــ دەپ ﺳﻮرﯨﺪى ﺳﯘﻟﺘﺎن، ـــــ ﺋﯘ ﻛﯜﻧﺪﯨﻜﻰ ﺳﯩﺠﺎﯕﻨﯩﯔ ﮔﯧﭙﯩﻨﻰ ﻗﯘﻟﯩﻘﯩﺪا ﺗﯘﺗﺘﯩﻤﯘ ﻳﺎﻛﻰ ﻳﻪﻧﻪ ﺋﺎﺷﯘ ﻗﯩﻠﻤﯩﺸﻠﯩﺮﯨﻨﻰ ﺗﻪﻛﺮارلاپ ﻳﯜرەﻣﺪۇ؟
ـــــ ﮬﻪي، ﺳﯜت ﺑﯩﻠﻪن ﻛﯩﺮﮔﻪن ﺧﯘي، ﺟﺎن ﺑﯩﻠﻪن ﭼﯩﻘﯩﺪۇ، دﯦﮕﻪﻧﺪەك ﺋﻪسلىي ﺗﻪﺑﯩﺌﯩﺘﻰ ﭼﺎﻳﺎن ﺑﻮﻟﻐﺎﭼﻘﺎ، ﺳﯩﺠﺎڭ كېتىپلا ﻳﻪﻧﻪ ﻗﯩﻠﯩﺪﯨﻐﯩﻨﯩﻨﻰ ﻗﯩﻠﺪى. ﺳﯩﺠﺎﯕﻨﯩﯔ ﺑﯘ ﻗﯧﺘﯩﻢ ﺷﺎﻗﯘردا رۇسلارنىڭ ﮬﯘﺟﯘﻣﯩﻐﺎ ﺋﯘﭼﺮﯨﺸﯩﻤﯘ، ﺷﯘ ﻟﻪﻧﻪﺗﮕﻪرﻟﻪرﻧﯩﯔ ﭼﯧﻘﯩﻤﭽﯩﻠﯩﻘﻰ ﺑﯩﻠﻪن ﺑﻮﻟﺪى ﺋﻪﻣﻪﺳﻤﯘ؟ ﺋﯧﺴﯩﺖ! ﻧﯘرﻏﯘن ﺑﺎﺗﯘرلار زاﻳﻪ ﺑﻮﻟﯘپ ﻛﯧﺘﻪﺗﺘﻰ!
ﺳﯘﻟﺘﺎن لېۋىنى ﻗﺎﺗﺘﯩﻖ ﺑﯩﺮ ﭼﯩﺸﻠﯩﺪى - دە، ﺑﯩﺮ ﭘﻪس ﺷﯜﻛﻠﻪپ ﻛﻪﺗﺘﻰ. ﺷﯘ ﺗﺎﭘﺘﺎ ﻳﯜرﯨﻜﯩﺪە ﻛﯜﭼﻠﯜك ﻗﯩﺴﺎس ﺋﻮﺗﻰ لاۋۇﻟﺪاپ ﻛﻪﺗﻜﻪﻧﯩﺪى. ﺑﯩﺮاق ﺑﯘ ﺋﻮت ﺑﯩﺮ ﺋﯘﻧﯩﯔ ﻳﯜرﯨﻜﯩﺪە - دە، ﺷﯘ ﺗﺎﭘﺘﺎ ﺋﻮﺳﻤﺎن ﺑﻪﮔﻨﻰ ﻛﯚﻳﺪۈرۈپ ﻛﯜل ﻗﯩﻠﯩﯟﯦﺘﻪﻟﻪﻣﺪۇ؟ ﻣﯘﻣﻜﯩﻦ ﺋﻪﻣﻪس! ﺷﺎراﺋﯩﺖ ﻳﻮق! ﺋﯘلار ﺋﯘزۇن ﺳﯩﺮدﯨﺸﯩﭗ ﺋﻮﻟﺘﯘردى، ﭘﯩﺸﯘرۇﻟﻐﺎن ﺧـﻮراز ﮔﯚﺷﯩﻨﻰ ﭘﻮﻟﻮ ﺑﯩﻠﻪن راﺳﺎ ﻣﻪززە ﻗﯩﻠﯩﭗ ﻳﯧﻴﯩﺸﺘﻰ - دە، راسلانغان ﺋﻮرۇﻧﻐﺎ ﻛﯩﺮﯨﭗ ﻛﯚز ﻳﯘﻣﺪى.
ﺳﯘﻟﺘﺎن ﺑﺎش ﺋﻪزان ۋاﻗﺘﯩﺪا ﻛﻪﻧﺖ ﺋﯩﭽﯩﺪﯨﻦ ﭼﯩﻘﯩﭗ ﻛﻪﺗﻤﻪﻛﭽﻰ ﺋﯩﺪى، ﺳﻪزﮔﯜﺳﻰ ﺋﯘﻧﻰ ﺋﺎﻟﺪاپ ﻗﻮﻳﻐﺎن ﺋﻪﻣﻪس، ﺑﯘ ﺋﯘﻧﯩﯔ ﮬﻪرﺑﯩﻴﻠﻪرﮔﻪ ﺧﺎس ﺋﺎدﯨﺘﻰ ﺋﯩﺪى. قايسى بىر ئىلىمدە  بۇنى «شەرتلىك رېفېلىكىس» دېيىشسە كېرەك. دﯦﻤﻪك، ﺋﯘ ﻗﺎﻳﺴﻰ ﺋﯩﺸﻨﻰ ﻗﺎﭼﺎن، ﻗﻪﻳﻪردە ﻗﯩﻠﯩﺸﻨﻰ ﻛﯚﯕﻠﯩﮕﻪ ﭘﯜﻛﻜﻪن ﺑﻮﻟﺴﺎ، ﻣﻪﻳﻠﻰ ﺋﻮﻳﻐﺎق ﻣﻪﻳﻠﻰ ﺋﯘﺧﻠﯩﻐﺎن ﺑﻮلسۇن، ﺷﯘ ۋاﻗﯩﺖ ﺋﯩﭽﯩﺪە ﺋﯧﺴﯩﮕﻪ ﻛﻪﻟﺘﯜرۈپ ﭘﺎﺋﺎﻟﯩﻴﻪت قىلاﺗﺘﻰ، ﺋﻪﻣﺪى ﺋﯘﻧﯩﯔ «رﯦﻔﻠﯧﻜﺲ» ﻟﯩﺮﯨﮕﻪ ﻧﯧﻤﻪ ﺑﻮﻟﻐﺎﻧﺪۇ؟ ﺑﯘ ﻗﯧﺘﯩﻢ ﺳﻪزﮔﯜﺳﻰ ﺋﯘﻧﻰ ﺋﺎﻟﺪاپ ﻗﻮﻳﺪى. ﻛﯚﯕﻠﯩﮕﻪ ﭘﯜﻛﻜﻪن ﭘﻪﻳﺘﺘﻪ ﺋﻮرﻧﯩﺪﯨﻦ ﺗﯘرۇپ ﺋﺎﺗﻠﯩﻨﺎﻟﻤﯩﺪى. ﺋﯧﮭﺘﯩﻤﺎل ﺑﯘ ﺋﯘﻧﯩﯔ ﺗﯘﻏﯘﻟﻐﺎن ﻳﯧﺰﯨﺴﯩﻐﺎ ﻛﯩﺮﯨﭗ، ﻳﯧﻨﯩﻨﻰ ﺋﯚزى ﺗﻮﻧﯘش - ﻳﯧﻘﯩﻤﻠﯩﻖ، ﻗﻪدﯨﺮﻟﯩﻚ زﯦﻤﯩﻨﻐﺎ ﻳﯧﻘﯩﭗ ﻳﺎﺗﻘﺎﻧﻠﯩﻘﯩﺪﯨﻦ ﺑﻮﻟﺴﺎ ﻛﯧﺮەك. ﺋﯘ ﻛﯜن ﻧﻪﻳﺰە ﺑﻮﻳﻰ ﺋﯚرﻟﯩﮕﻪﻧﺪە ﺋﺎران ﺋﯘﻳﻘﯘدﯨﻦ ﺋﻮﻳﻐﺎﻧﺪى. «ﺋﺎپلا، ﻛﯧﭽﯩﻜﯩﭙﺘﯩﻤﻪن!»  ﺳﯘﻟﺘﺎن ﺋﺎﻟﺪﯨﺮاپ ﺋﻮرﻧﯩﺪﯨﻦ ﺗﯘردى. ﭼﺎلا - ﺑﯘلا ﻳﯘﻳﯘپ ﻧﺎﺷﺘﺎ ﻗﯩﻠﺪى. ﺷﯘ ﺋﺎرﯨﺪا ﺋﻮﭼﯘق ﺋﯩﺸﯩﻜﺘﯩﻦ، ﺋﯩﺸﯩﻚ ﺋﯘدۇﻟﯩﺪﯨﻜﻰ ﺗﯜۋرۈﻛﻜﻪ ﻗﺎﯕﺘﯘرۇﻟﯘپ، ﺗﻮرۋا ﺑﯩﻠﻪن ﻗﻮﻧﺎق ﻛﻪﻳﺪۈرۈﻟﯜپ قاڭتۇرۇلغان ﺋﺎتلارغا ﺳﻪپ ﺳﺎﻟﺪى - دە، ﻳﯜرﯨﻜﻰ «ﺟﯩﻐﻐﯩﺪە» ﻗﯩﻠﯩﭗ ﻗﺎﻟﺪى. ﭼﯜﻧﻜﻰ ﺋﺎتلار ﻗﯘﻳﺮۇﻗﻠﯩﺮﯨﻨﻰ ﻛﯚﺗﯜرۈپ ﺗﺎل - ﺗﺎل كېرﯨﮕﯩﻨﯩﭽﻪ، ﻗﯘلاﻗﻠﯩﺮﯨﻨﻰ دﯨﯖﮕﺎﻳﺘﯩﭗ، ﺧﺎرﺗﯩﻠﺪﯨﺸﯩﭗ ﻗﺎﻟﻐﺎﻧﯩﺪى. ﺋﺎتلار ﻧﺎﮬﺎﻳﯩﺘﻰ ﺳﻪزﮔﯜر ﻧﻪرﺳﻪ، ﺋﻪﺳﻜﻪر ﺑﻮﻟﻐﺎنلار ﺋﺎﺗﻨﯩﯔ ﻗﯘﻳﺮۇق ﻳﯧﻴﯩﺸﯩﻐﺎ ﺋﺎلاﮬﯩﺪە دﯨﻘﻘﻪت ﻗﯩﻠﯩﺪۇ. ﺑﯘ ﺑﯩﺮ ﺧﻪۋپ - ﺧﻪﺗﻪرﻧﯩﯔ يېقىنلاۋاﺗﻘﺎﻧﻠﯩﻘﯩﻨﻰ ﺑﯩﻠﺪۈرەﺗﺘﻰ. ﺳﯘﻟﺘﺎﻧﻨﯩﯔ ﻛﯚﯕﻠﻰ ﺑﯩﺮەر ﻧﻪرﺳﯩﻨﻰ ﺳﻪزﮔﻪﻧﺪەك ﺑﻮﻟﺪى - دە، ﺷﺎقلا ﺋﻮرﻧﯩﺪﯨﻦ ﺗﯘرۇپ، ﺷﻮﺗﺎ ﺑﯩﻠﻪن ﺋﯚﮔﺰﯨﮕﻪ ﭼﯩﻘﯩﭗ ﺋﻪﺗﺮاﭘﻘﺎ ﺳﻪﭘﺴﺎﻟﺪى. دﯦﮕﻪﻧﺪەك، ﺋﯩﻜﻜﻰ-ئۈچ يۈز  ﻣﯧﺘﯩﺮچە ﺋﺎرﯨﻠﯩﻘﺘﺎ 100 ﭼﻪ ﻗﻮراﻟﻠﯩﻖ ﭼﯧﺮﯨﻚ ﭼﻪﻣﺒﻪر ﺷﻪﻛﻠﯩﺪە ﻗﻮرﺷﺎپ ﻛﯧﻠﯩﯟاﭘﺘﯘ. ﻗﻮرال، ﻗﯩﻠﯩﭻ، ﻧﻪرﺳﯩﻠﻪر ﮬﻪﻣﻤﯩﺴﻰ ﺋﺎت ﺋﯜﺳﺘﯩﺪە ﺋﯩﺪى، ﺋﯚﮔﺰﯨﺪﯨﻦ ﺋﺎت ﺋﯜﺳﺘﯩﮕﻪ ﺋﯚزﯨﻨﻰ ﺋﺎﺗﻘﺎن ﺳﯘﻟﺘﺎن دەل ﺋﯩﮕﻪرﻧﯩﯔ ﺋﯜستىگىلا ﭼﯜﺷﺘﻰ. ﻗﯩﻠﯩﭽﯩﻨﻰ ﺳﯘﻏﯘرۇپ، ﭼﯘﻟﯟۇرﯨﻨﻰ ﻛﻪﺳﺘﻰ.
ـــــ دەرۋازﯨﻨﻰ ﻳﻮﻏﺎن ﺋﯧﭽﯩﯟەت! دۈﺷﻤﻪن! ـــــ دەپ ۋارﻗﯩﺮﯨﺪى ﺋﯘ تېڭىرﻗﺎپ ﻗﺎﻟﻐﺎن ﻗﺎدﯨﺮﻏﺎ. ﻗﺎدﯨﺮ دەرۋازﯨﻨﻰ ﺋﺎران ﺋﯧﭽﯩﭗ ﺋﯜﻟﮕﯜردى. ﺳﯘﻟﺘﺎن ﺋﺎﯕﻐﯩﭽﻪ ﻣﯩﻠﺘﯩﻘﻨﻰ ﺗﻪﻳﻴﺎرلاپ ﺋﯜﻟﮕﯜردى - دە، دەرۋازﯨﺪﯨﻦ ﺋﻮﻗﺘﻪك ﺋﯧﺘﯩﻠﯩﭗ ﭼﯩﻘﯩﭗ ﻛﻪﺗﺘﻰ، ﻳﻪﻧﻪ ﺑﯩﺮ ﺋﺎت ﻗﯧﭙﻘﺎﻟﺪى. دۈﺷﻤﻪﻧﻠﻪرﻣﯘ ﺋﯘﻧﻰ ﺋﯚﮔﺰﯨﺪىلا ﻛﯚرۈپ ﻗﺎﻟﻐﺎﭼﻘﺎ، ۋارﻗﯩﺮﯨﺸﯩﭗ ﭼﺎﻗﯩﺮﯨﺸﯩﭗ ﺋﯘﻧﻰ ﻗﻮغلاشتى، ﺳﯘﻟﺘﺎن ﭼﯧﭙﯩﭗ ﻛﯧﺘﯩﯟﯦﺘﯩﭗ ﺋﺎرﻗﯩﺴﯩﻐﺎ ﻗﺎرﯨﯟىدى، ﺑﻪگ ﺑﯩﺮ ﺧﻪﻧﺰۇ ﺋﻮﻓﯩﺘﺴﯧﺮﻧﯩﯔ ﺑﯧﻘﯩﻨﯩﻐﺎ ﻛﯩﺮﯨﯟﯦﻠﯩﭗ، ﺑﯩﺮ ﻧﯧﻤﯩﻠﻪرﻧﻰ دەپ ﭼﯧﭙﯩﭗ ﻛﯧﻠﯩﯟﯦﺘﯩﭙﺘﯘ. ﺳﯘﻟﺘﺎن ﻗﺎرﯨﻐﺎ ﺋﺎﻟﺪى - دە، ﺗﻪﭘﻜﯩﻨﻰ ﺑﯧﺴﯩﯟەﺗﺘﻰ، «ﮔﯜم» ﻗﯩﻠﻐﺎن ﺋﺎۋاز ﺑﯩﻠﻪن ﺗﻪڭلا ﺋﻮﺳﻤﺎن ﺑﻪﮔﻨﯩﯔ ﻣﯧﯖﯩﺴﻰ ﭼﯧﭽﯩﻠﯩﭗ ﻛﻪﺗﺘﻰ. ﺷﯘﻧﺪاق ﺑﻮﻟﺴﯩﻤﯘ، دۈﺷﻤﻪﻧﻠﻪر ﻳﺎﻧﻤﺎﺳﺘﯩﻦ ﻗﻮغلاپ ﻛﻪﻟﻤﻪﻛﺘﻪ. ﺋﻮقلار ﺳﯘﻟﺘﺎﻧﻨﯩﯔ ﺋﻪﺗﺮاﭘﯩﻐﺎ ﻳﺎﻣﻐﯘردەك ﺗﯚﻛﯜﻟﻪﺗﺘﻰ. ﺋﺎرﯨﻠﯩﻖ ﻣﯘﺳﺎﭘﻪ ﻗﯩﺴﻘﯩﺮاپ، دۈﺷﻤﻪﻧﻠﻪر ﻳﯧﻘﯩﻨﻠﯩﺸﯩﭗ ﻗﺎلاي دﯦﺪى، ﻣﺎﻧﺎ، ﻛﯜۋەﺟﻪپ ﺷﯩﺪدەﺗﻠﯩﻚ دوﻟﻘﯘنلاپ ﺋﯧﻘﯩﯟاﺗﻘﺎن لاﻳﻘﻰ ﻳﻪرﻛﻪن دەرﻳﺎﺳﯩﻤﯘ ﻛﯚرۈﻧﺪى، ﺳﯘﻟﺘﺎﻧﻨﯩﯔ ﻳﻮﻟﻰ ﻛﯧﺴﯩﻠﺪى، ﺋﯘ دەرﻳﺎ ﺑﻮﻳﯩﺪا ﺑﯩﺮ ﺋﯩﻜﻜﻰ ﺋﺎيلاندى - دە، ﺋﺎﺗﻨﯩﯔ ﺑﯧﺸﯩﻨﻰ دەرﻳﺎ ﺗﻪرەﭘﻜﻪ ﺑﯘراپ ﻗﺎﻣﭽﺎ ﺋﯘردى. «ﺗﻪۋەﻛﻜﯜل ۋاﭘﺎدار ﺟﺎﻧﯩﯟارﯨﻢ! ﺋﯚﻟﺴﻪك دەرﻳﺎدا ﺋﯚﻟﻪﻳﻠﯘق، دۈﺷﻤﻪن ﻗﻮﻟﯩﻐﺎ ﺗﯩﺮﯨﻚ ﭼﯜﺷﻤﻪﻳﻠﯘق!».
ﺋﺎت ﺋﯩﮕﯩﺴﯩﻨﯩﯔ ﺋﯧﻴﺘﻘﯩﻨﯩﻨﻰ ﺳﻪزﮔﻪﻧﺪەك ﻗﺎﻣﭽﺎ زەرﺑﯩﺪﯨﻦ ﺋﺎﻟﺪى ﭘﯘﺗﯩﻨﻰ ﺗﯩﻚ ﻛﯚﺗﯜردى - دە، ﺋﺎﻧﺪﯨﻦ دەرﻳﺎﻏﺎ ﺋﯚزﯨﻨﻰ ﺋﺎﺗﺘﻰ، ﻳﻮﭘﯘرۇﻟﯘپ ﻛﻪﻟﮕﻪن دۈﺷﻤﻪﻧﻠﻪر ﻗﯩﺮﻏﺎﻗﺘﺎ ﺋﺎﻳﻠﯩﻨﯩﭗ ۋارﻗﯩﺮﯨﺸﯩﭗ دوﻟﻘﯘن ﻳﯧﺮﯨﭗ ﺋﯜزۈپ ﻛﯧﺘﯩﯟاﺗﻘﺎن ﺳﯘﻟﺘﺎﻧﻨﻰ ﺑﯩﺮ ﭘﻪس ﺋﻮﻗﻘﺎ ﺗﯘﺗﺘﻰ - دە، ﻗﺎرﯨﺴﻰ ﻳﯜﺗﻜﻪﻧﺪﯨﻦ ﻛﯧﻴﯩﻦ، «دەرﻳﺎ ﻳﯘﺗﯘۋەﺗﺘﻰ» ﮔﻪ ﭼﯩﻘﯩﺮﯨﭗ ﻛﯧﺘﯩﭗ ﻗﯧﻠﯩﺸﺘﻰ.