كازاكلار ئاقسۇدا

كازاكلار ئاقسۇدا

(ئەسلىمە)

ﺋﯧﺰﯨﺰ ﺳﺎۋۇت

نەقىللەر

ﺋﻪﺳﻠﯩﻤﻪ كازاكلارغا ﻣﯘﻧﺎﺳﯩﯟەﺗﻠﯩﻚ ﺑﻮﻟﻐﯩﻨﻰ ﺋﯜﭼﯜن ﮬﻪم ﺋﯘلارﻧﯩﯔ ﺷﯩﻨﺠﺎﯕﻐﺎ، ﺋﺎﻗﺴﯘﻏﺎ ﻗﺎﻧﺪاق ﺳﻪۋەﺑﻠﻪر ﺑﯩﻠﻪن ﭘﻪﻳﺪا ﺑﻮﻟﻐﺎﻧﻠﯩﻘﻰ ﮬﻪﻗﻘﯩﺪە ﻗﯩﺴﻘﯩﭽﻪ ﭼﯜﺷﻪﻧﭽﯩﮕﻪ ﺋﯩﮕﻪ ﺑﻮﻟﯘش ﺋﯜﭼﯜن، ﻣﯘﻧﺎﺳﯩﯟەﺗﻠﯩﻚ ﺗﺎرﯨﺦ ماتېرىياللىرىغا  ﻣﯘراﺟﯩﺌﻪت ﻗﯩﻠﯩﺸﻘﺎ ﺗﻮﻏﺮا ﻛﻪﻟﺪى.

1920-ﻳﯩﻠﻰ ﺋﺎق ﺋﻮرۇس ﺋﺎﻟﻴﺎﻛﻮۋ (ﭼﺎرروﺳﯩﻴﻪﻧﯩﯔ ﻛﺎزاك ﺋﺎﺗﺎﻣﺎﻧﻰ) ﺳﻮۋﯦﺖ ﺋﯚﻛﺘﻪﺑﯩﺮ ئىنقىلابىدا ﺗﯧﺮە - ﭘﯩﺮەن ﺑﻮﻟﯘپ، ﺋﯩﻠﯩﻐﺎ ﻗﯧﭽﯩﭗ كېلىپ ﭙﺎﻧﺎﮬﻠﯩﻖ ﺗﺎﭘﺘﻰ. ﺋﯘﻧﯩﯔ ﺑﺎﺷﻘﯘرۇﺷﯩﺪا 1170 كىشىلىك ﻛﺎزاك ۋە ئاق ئورۇستىن ﺗﻪرﻛﯩﺐ ﺗﺎﭘﻘﺎن ﺋﯧﻐﯩﺮ - ﻳﯧﻨﯩﻚ ياراغلىق ﺋﻪﺳﻜﻪرى ﺑﺎر ﺋﯩﺪى. «ﺋﻪﻧﮕﻠﯩﻴﻪ ﺑﯘ ﺋﺎق ﺋﻮرۇس - ﻛﺎزاك ﻗﯩﺴﯩﻤﻠﯩﺮﯨﻨﻰ ﺋﯜرۈﻣﭽﻰ ﺋﺎرﻗﯩﻠﯩﻖ ﻗﻪﺷﻘﻪرگە، ئاندىن ﺋﻪﻧﮕﻠﯩﻴﻪﮔﻪ ﻗﺎرام ﮬﯩﻨﺪﯨﺴﺘﺎﻧﻐﺎ ﺋﯚﺗﻜﯜزۈپ ئايلاندۇرۇپ ﺋﻪﭘﻜﯧﻠﯩﭗ، ﺋﻮﺗﺘﯘرا ﺋﺎﺳﯩﻴﺎ ﺋﺎرﻗﯩﻠﯩﻖ روﺳﯩﻴﻪدﯨﻜﻰ ﺳﻮۋﯦﺖ ﮬﺎﻛﯩﻤﯩﻴﯩﺘﯩﻨﻰ تىكلەۋاتقان ﺳﻮۋﯦﺖ ﻗﯩﺰﯨﻞ ﺋﺎرﻣﯩﻴﻪﺳﻰ ﺑﯩﻠﻪن ﺳﻮﻗﯘﺷﺘﯘرﻣﺎﻗﭽﻰ ﺑﻮﻟﺪى. ﺑﯘ پىلانغا ﺷﯘ ﭼﺎﻏﺪﯨﻜﻰ ﺷﯩﻨﺠﺎڭ ﺋﯚﻟﻜﯩﺴﯩﻨﯩﯔ ﺑﺎﺷﻠﯩﻘﻰ ﻳﺎڭ زﯦﯖﺸﯩﯔ ﺋﯜﻧﯩﻤﯩﺪى. ﺋﯘلار نائىلاج ﺋﯩﻠﯩﺪا ﺗﯘرۇپ ﻗﺎﻟﺪى. ﺷﯘ ﺋﺎرﯨﺪا ﺳﻮۋﯦﺖ ﻗﯩﺰﯨﻞ ﺋﺎرﻣﯩﻴﻪﺳﻰ ﺋﯘﻳﻐﯘرلاردﯨﻦ ﺗﻪﺷﻜﯩﻠﻠﻪﻧﮕﻪن ﻣﻪﺧﭙﯩﻲ ﺟﺎزا ﺋﯩﺠﺮا ﻗﯩﻠﯩﺶ ﮔﯘرۇﭘﭙﯩﺴﯩﻨﻰ ﻛﯩﺮﮔﯜزۈپ، ﺋﺎق ﺋﻮرۇس - ﻛﺎزاك ﻗﻮﺷﯘﻧﯩﻨﯩﯔ ﺋﺎﺗﺎﻣﺎﻧﻠﯩﺮﯨﺪﯨﻦ ﺑﻮﻟﻐﺎن ﺑﺎﭼﯩﭻ ۋە دوﺗﻮۋلارﻧﻰ ﺋﯧﺘﯩﭗ ﺋﯚﻟﺘﯜردى. ﺋﺎﻟﻴﺎﻛﻮۋ ﺋﯚزﯨﻨﻰ ﻳﺎﻗﯩﻐﺎ ﺋﺎﻟﺪى. ﻛﯧﻴﯩﻦ ﺗﺎرﯨﺦ ﺳﻪﮬﻨﯩﺴﯩﺪە ﻛﯚرۈﻧﺪى» («ﺷﯩﻨﺠﺎﯕﻨﯩﯔ ﻗﯩﺴﻘﯩﭽﻪ ﺗﺎرﯨﺨﻰ» 3 - ﺗﻮم، ﺷﯩﻨﺠﺎڭ ﺧﻪﻟﻖ ﻧﻪﺷﺮﯨﻴﺎﺗﻰ)
«ﻗﯩﺰﯨﻞ رۇس - ﺷﯧﯔ ﺷﯩﺴﻪﻳﮕﻪ ﻳﺎردەم ﺑﻪرﮔﻪن ئالتايسكىلار ﺋﺎﺳﺎﺳﻪن ﻛﺎزاك، ﺋﺎق ئورۇسلار بولۇپ، 5000 ﻛﺎزاك، 2000 ئاق ئورۇستىن تەركىب تاپقان. ﺑﯘﻧﯩﯖﺪﯨﻦ 1000 ﻧﻪﭘﯩﺮى ﭼﺎر ﭘﺎدﯨﺸﺎﮬﻨﯩﯔ ﺋﺎﻟﺘﺎﻳﻐﺎ ﻗﯧﭽﯩﭗ ﺋﯚﺗﻜﻪن ﻛﺎزاكلار. 1000 ﻧﻪﭘﯩﺮى ﺳﻮۋﯦﺖ ﻗﯩﺰﯨﻞ ﺋﺎرﻣﯩﻴﻪﺳﯩﻨﯩﯔ ئايروپلان، ﺑﺮوﻧﯧﯟﯨﻚ ۋە ﻳﺎﺧﺸﻰ قوراللانغان ﺋﻮرۇس، 1000 ﻧﻪﭘﯩﺮى ﺗﻮرﻏﺎۋۇت موڭغۇللىرىدىن ﺋﯧﻠﯩﻨﻐﺎن ﺋﻪﺳﻜﻪرﻟﻪر، 2000 ﻧﻪﭘﯩﺮى ﮬﻪر ﺧﯩﻞ ﻣﯩﻠﻠﻪﺗﺘﯩﻦ ﻗﯘراﺷﺘﯘرۇﻟﻐﺎن ﺋﻪﺳﻜﻪرﻟﻪر...» ﺳﯧﯟﯨﻦ ﮬﯧﺪﯨﻦ: «ﻗﺎﭼﻘﯘن ﻣﺎﺟﯘﯕﻴﯩﯔ»

«ﭘﺮﯨﺸﻜﻮراﻛﻮۋ - ﭘﻮﻟﻜﻮۋﻧﯩﻚ. ﺋﯧﮕﯩﺰ، تەمبەل، ﻗﯩﺰﯨﻞ ﺑﯘرۇن، ﺋﺎدەﻣﻨﯩﯔ زوﻗﻰ ﻛﯧﻠﻪﺗﺘﻰ، ﻛﺎزاك ئىدى. ﺋﯚﻛﺘﻪﺑﯩﺮ ئىنقىلابىدا ﺋﯜرۈﻣﭽﯩﮕﻪ ﻗﯧﭽﯩﭗ كېلىپ تىجارەت ﻗﯩﻠﻐﺎن. ﺋﯜرۈﻣﭽﯩﺪﯨﻜﻰ ﻣﯘﮬﺎﺟﯩﺮلار ﻛﻮﭼﯩﺴﯩﺪا ﺋﻮﻟﺘﯘرﻏﺎن     1500دﯨﻦ ﺋﺎرﺗﯘق ﻛﺎزاﻛﻨﻰ ﺟﯩن ﺷﯘرﯦﻨﻨﯩﯔ ﺗﻪﻟﯩﭙﻰ ﺑﯩﻠﻪن ﺗﻪﺷﻜﯩﻠﻠﻪپ ﺑﯩﺮ ﻗﻮﺷﯘن ﺗﯜزﮔﻪن. ﭘﺮﺷﯩﻜﻮراﻛﻮۋ ﺋﺎﺷﯘ ﻗﻮﺷﯘﻧﻐﺎ ﺑﺎش ﺑﻮﻟﯘپ، ﺟﯩن ﺷﯘرﯦﻨﻨﯩﯔ ﮬﺎﻛﯩﻤﯩﻴﯩﺘﯩﻨﻰ ﻗﻮﻏﺪاﺷﻘﺎ ﺧﯩﺰﻣﻪت ﻗﯩﻠﻐﺎن. ﺟﯩﯔ ﺷﯘرﯦﻦ ﺋﺎﺷﯘ كازاكلارغا يەنە  ﺋﺎدەم ﺗﻮﻟﯘﻗلاپ ‹3 - ﺋﺎق ﺋﻮرۇس ﭘﻮﻟﻜﻰ› ﻗﯩﻠﯩﭗ ﻗﯘرۇپ ﭼﯩﻘﻘﺎن. ﻛﯧﻴﯩﻦ ﺟﯩن ﺷﯘرﯦﻦ ﭘﻮﻟﻜﻮۋﻧﯩﻚ ﭘﺮﯨﺸﻜﻮراﻛﻮۋ ﺑﺎﺷﭽﯩﻠﯩﻘﯩﺪﯨﻜﻰ ﺑﯘ كازاك پولكىنى ﻛﯚزﮔﻪ ئىلمىغان، ﻣﺎﺋﺎش-ﺗﻪﻣﯩﻨﺎﺗﻠﯩﺮﯨﻨﻰ ۋاقتى-قەرەلىدە بەرمىگەن، شۇڭا ئۇ ﻏﻪزەﭘﻠﯩﻨﯩﭗ ﺟﯩن ﺷﯘرﯦﻨﻨﻰ ﺋﺎﻏﺪۇرۇش ﮬﻪرﯨﻜﯩﺘﯩﮕﻪ ﻗﺎﺗﻨﺎﺷﺘﻰ. ﻛﯧﻴﯩﻦ ﺑﯘ ﻗﯩﺴﯩﻢ ﺷﯧﯔ ﺷﯩﺴﻪﻳﮕﻪ ﺧﯩﺰﻣﻪت ﻗﯩﻠﺪى. ﮬﺎزﯨﺮ ﺑﻮﻟﺴﺎ ﺳﻮۋﯦﺖ ﻗﯩﺰﯨﻞ ﺋﺎرﻣﯩﻴﻪﺳﯩﮕﻪ ﻗﻮﺷﯘﻟﯘپ، ﻗﯩﺰﯨﻞ ﺋﺎرﻣﯩﻴﻪ ‹ﺋﺎﻟﺘﺎﻳﯩﺴﻜﻰ›، ‹ﺗﺎرﺑﺎﻏﺎﺗﺎﻳﯩﺴﻜﻰ› ﻧﺎﻣﯩﺪا ﺷﯩﻨﺠﺎﯕﺪﯨﻜﻰ يېغىلىقلارنى  تىنچىتىش ﮬﻪرﯨﻜﯩﺘﯩﮕﻪ ﻗﺎﺗﻨﯩﺸﯩﯟاﺗﯩﺪۇ» (ﺳﯧﯟﯨﻦ ﮬﯧﺪﯨﻦ: «ﻗﺎﭼﻘﯘن ﻣﺎﺟﯘﯕﻴﯩﯩﯔ»، ﺷﯩﻨﺠﺎڭ ﺧﻪﻟﻖ ﻧﻪﺷﺮﯨﻴﺎﺗﻰ)
«ﺑﯧﻜﺪﯦﻴﯩﯟ ﮔﯧﻨﯧﺮال − ﺷﯧﯔ ﺷﯩﺴﻪﻳﻨﯩﯔ ﺋﯚﻟﻜﯩﻠﯩﻚ ﮬﯚﻛﯜﻣﻪت دالا ﺋﺎرﻣﯩﻴﻪﺳﯩﻨﯩﯔ ﺑﺎش ﻗﻮﻣﺎﻧﺪاﻧﻰ. ﺋﻮﺗﺘﯘرا ﺑﻮي، ساغلام، ﻗﺎۋۇل، ﺳﯧﻤﯩﺰرەك، ﺳﺎلاﭘﻪﺗﻠﯩﻚ، ﭼﯩﺮاﻳﯩﺪﯨﻦ ﻛﯜﻟﻜﻪ ﻳﯧﻐﯩﭗ ﺗﯘرﯨﺪﯨﻐﺎن، ﻗﻮﻟﻰ ﻛﯜﭼﻠﯜك ﺋﺎدەم ﺋﯩﺪى. ﺋﯘ ﭼﺎر ﭘﺎدﯨﺸﺎھ ﻧﯩﻜﻮلاي دەۋرﯨﺪە روﺳﯩﻴﻪ ﺋﺎرﻣﯩﻴﻪﺳﯩﺪە ﻣﻪﻧﺴﯩﭙﻰ ﻳﯘﻗﯩﺮى ﺋﯩﺪى. ﺳﻮۋﯦﺖ ﺋﯚﻛﺘﻪﺑﯩﺮ ئىنقىلابىدا ﭼﺎر ﭘﺎدﯨﺸﺎھ ﺋﺎﻏﺪۇرۇﻟﯘپ، ﺷﯩﻨﺠﺎﯕﻐﺎ ﻗﯧﭽﯩﭗ كېلىپ ﺋﯜرۈﻣﭽﯩﮕﻪ ﻛﻪﻟﮕﻪن. ﺷﯩﻤﺎﻟﯩﻲ ﺷﯩﻨﺠﺎﯕﺪا ﻣﺎﺟﯘﯕﻴﯩﯔ ۋە ﺟﺎڭ ﭘﯧﻴﻴﯘەﻧﻨﯩﯔ ﺋﯩﺴﻴﺎﻧﭽﻰ ﻗﯩﺴﯩﻤﻠﯩﺮﯨﻐﺎ ﻗﺎرﺷﻰ ﺋﯩﻠﻰ، ﺗﺎرﺑﺎﻏﺎﺗﺎي، ئالتايلاردا  ﺷﯧﯔ ﺷﯩﺴﻪﻳﮕﻪ ﻳﺎﻟﻠﯩﻨﯩﭗ ئۇرۇشلارغا ﻗﺎﺗﻨﺎﺷﻘﺎن. ﻛﺎزاك، ﺋﺎق ئورۇسلاردىن ﺗﻪﺷﻜﯩﻠﻠﻪﻧﮕﻪن ﺷﯩﻤﺎﻟﯩﻲ ﺋﺎرﻣﯩﻴﻪﮔﻪ ﺑﺎش ﻗﻮﻣﺎﻧﺪان ﺑﻮﻟﻐﺎن. ﺷﯘ يىللاردا ﺷﯧﯔ ﺷﯩﺴﻪﻳﻨﯩﯔ ﺗﻪﻟﯩﭙﻰ ﺑﯩﻠﻪن ﭼﯧﮕﺮادﯨﻦ ﺋﯚﺗﯜپ ﺷﯩﻨﺠﺎﯕﻐﺎ ﻛﯩﺮﮔﻪن ﺳﻮۋﯦﺖ ﺋﺎرﻣﯩﻴﻪﺳﯩﻨﯩﯔ ﺗﻪرﻛﯩﺒﯩﺪە ﮬﻪرﺑﯩﻲ ﮬﻪرﯨﻜﻪﺗﻠﻪرﮔﻪ ﻗﺎﺗﻨﺎﺷﻘﺎن. ﺷﯧﯔ ﺷﯩﺴﻪي ﺳﺎﺧﺘﯩﻠﯩﻖ ﻗﯩﻠﯩﭗ ﻛﯩﺸﯩﻠﻪرﻧﯩﯔ ﻛﯚزﯨﻨﻰ ﺑﻮﻳﺎش ﺋﯜﭼﯜن، ﺟﯘﯕﮕﻮ ﻗﯩﺴﯩﻤﻠﯩﺮﯨﻨﯩﯔ ﻛﯩﻴﯩﻤﯩﻨﻰ ﻛﻪﻳﮕﯜزۈپ، ﺷﯩﻨﺠﺎﯕﺪا ﺋﯚزﻟﻪﺷﻜﻪن ﻗﻮﺷﯘن ﻗﯩﻠﯩﭗ نىقابلىغان. ﺋﻪﻣﻪﻟﯩﻴﻪﺗﺘﻪ ﺑﯘ ﻗﻮﺷﯘﻧﻨﯩﯔ ﭘﻪردە ﺋﺎرﻗﯩﺴﯩﺪﯨﻜﻰ ﮬﻮﻗﯘﻗﻰ ﺳﻮۋﯦﺖ ﺋﯩﺘﺘﯩﭙﺎﻗﯩﻨﯩﯔ ﺗﯩﺰﮔﯩﻨﯩﺪە ﺑﻮﻟﻐﺎن». ( ﺳﯧﯟﯨﻦ ﮬﯩﺪﯨﻦ: «ﻗﺎﭼﻘﯘن ﻣﺎﺟﯘﯕﻴﯩﯔ»، ﺷﯩﻨﺠﺎڭ ﺧﻪﻟﻖ ﻧﻪﺷﺮﯨﻴﺎﺗﻰ)
«ﻣﺎﺟﯘﯕﻴﯩﯔ ﺷﯩﻤﺎﻟﺪا ﻣﻪﻏﻠﯘپ ﺑﻮﻟﯘپ ﺟﻪﻧﯘﺑﯩﻲ ﺷﯩﻨﺠﺎﯕﻐﺎ ﭼﯧﻜﯩﻨﺪى (1933 - ﻳﯩﻠﻰ 7 - 8 – ئايلار). ﺷﯧﯔ ﺷﯩﺴﻪﻳﻨﯩﯔ ﻛﻮﻧﺘﺮوﻟﻠﯘﻗﯩﺪﯨﻜﻰ ﺑﯩﺮﻟﻪﺷﻤﻪ ﻗﻮﺷﯘن ﺋﯘﻧﯩﯔ ﺑﯘﻳﺮۇﻗﻰ ﺑﯩﻠﻪن (ﺋﯚﻟﻜﻪ ﺋﺎرﻣﯩﻴﻪﺳﻰ ۋە «ﺋﺎﻟﺘﺎﻳﯩﺴﯩﻜﻰ»، «ﺗﺎرﺑﺎﻏﺎﺗﺎﻳﯩﺴﻜﻰ» ﻧﺎﻣﯩﺪﯨﻜﻰ ﺷﯧﯔ ﺷﯩﺴﻪﻳﮕﻪ ﮬﻪﻣﻜﺎرلاﺷﻘﯘﭼﻰ ﻛﺎزاك ﻗﻮﺷﯘﻧﻰ) ما جۇڭيىڭنى  ﺋﯩﻜﻜﻰ ﺗﻪرەﭘﺘﯩﻦ (ﺋﯩﻠﻰ ۋە ﺋﯜرۈﻣﭽﻰ ﺗﻪرەﭘﺘﯩﻦ) قوغلاپ زەربە بەردى. ﺋﯚﻟﻜﻪ ﻗﻮﺷﯘﻧﻠﯩﺮﯨﻨﯩﯔ ﻗﻮﻣﺎﻧﺪاﻧﻰ ﺷﻪرﻗﯩﻲ ﺷﯩﻤﺎل ﭘﯩﺪاﺋﯩﻴﻠﯩﺮﯨﻨﯩﯔ ﮔﯧﻨﯧﺮاﻟﻰ ليۇ بىن ﺋﯩﺪى (ﻟﻴﯘ ﺑﯩﻦ ﺷﻪرﻗﯩﻲ ﺷﯩﻤﺎل ﺋﺎرﻣﯩﻴﻪﺳﯩﺪﯨﻜﻰ ﭼﺎﻏﺪا ﺧﯧﻴﻠﯘﯕﺠﻴﺎڭ ﺋﯚﻟﻜﯩﻠﯩﻚ ﻗﻮﻏﺪﯨﻨﯩﺶ ﻗﯩﺴﻤﯩﻨﯩﯔ ﮔﯧﻨﯧﺮاﻟﻰ، ﻗﻮﻣﺎﻧﺪاﻧﻰ ﺋﯩﺪى). ﺋﯘﻧﯩﯔ ﻗﻮﻟﯩﺪا ﺗﻪﺧﻤﯩﻨﻪن 4 ﺗﯘەن ــــ 1000 دەك ﺋﺎدەم ﺑﺎر ﺋﯩﺪى. يەﻧﻪ ﺋﯘﻧﯩﯔ ﻗﻮل ﺋﺎﺳﺘﯩﺪا ﺷﻪرﻗﯩﻲ ﺷﯩﻤﺎل پىدائىي ﺋﺎرﻣﯩﻴﻪﺳﯩﻨﯩﯔ ﺋﺎﺗﺎﻗﻠﯩﻖ ﺋﻮﻓﯩﺘﺴﯧﺮﻟﯩﺮى - ﺟﯩﻠﯩﻦ ﺗﯘەﻧﯩﻨﯩﯔ ﺗﯘەﻧﺠﺎﯕﻰ ﺟﻴﺎڭ ﻳﯘﻓﯧﻦ، خېيلۇڭجياڭ دۆﻟﻪت ﻗﯘﺗﻘﯘزۇش ﺋﺎرﻣﯩﻴﻪﺳﯩﻨﯩﯔ ﻳﯩﯖﺠﺎﯕﻰ ﺳﯘڭ چىڭلىنلار ﺑﺎر ﺋﯩﺪى. («ﺷﯩﻨﺠﺎﯕﻨﯩﯔ ﻗﯩﺴﻘﯩﭽﻪ ﺗﺎرﯨﺨﻰ» 3 - ﺗﻮم 366 - ﺑﻪت، ﺷﯩﻨﺠﺎڭ ﺧﻪﻟﻖ ﻧﻪﺷﺮﯨﻴﺎﺗﻰ)
«ﺷﯧﯔ ﺷﯩﺴﻪﻳﻨﯩﯔ ﺑﯘﻳﺮۇﻗﻰ ﺑﻮﻳﯩﭽﻪ ﺋﯩﻠﯩﺪﯨﻦ ﺟﻪﻧﯘﺑﻘﺎ ﻳﯜرۈش ﻗﯩﻠﻐﺎن ﻟﻴﯘﺑﯩﻦ ﻗﻮﺷﯘﻧﻰ 1934 - يىل 3 - ﺋﺎﻳﻨﯩﯔ 22 - ﻛﯜﻧﻰ ﺋﺎﻗﺴﯘﻧﻰ ﺋﯩﺸﻐﺎل ﻗﯩﻠﯩﭗ ﻣﺎﺟﯘﯕﻴﯩﯔ ﺑﯩﻠﻪن ﺟﻪڭ ﻗﯩﻠﺪى. ﻣﺎﺟﯘﯕﻴﯩﯔ ﻗﻮﺷﯘﻧﻠﯩﺮﯨﻨﯩﯔ ﻛﯚپ ﻗﯩﺴﻤﯩﻨﻰ ئاقسۇدا ﻗﺎﻟﺪۇرۇپ، ﺋﯚزى ﺋﺎز ﻗﯩﺴﯩﻢ ﺑﯩﻠﻪن ﻣﺎراﻟﯟﯦﺸﯩﻐﺎ ﭼﯧﻜﯩﻨﺪى» (ﻳﯘﻗﯩﺮﯨﻘﻰ ﻛﯩﺘﺎب 388 - ﺑﻪت).
«1934 - يىل 4 - ﺋﺎﻳﺪا ﺋﯚﻟﻜﻪ ﻗﻮﺷﯘﻧﯩﻨﯩﯔ (شېڭ شىسەيگە ﺗﻪۋە ﻗﻮﺷﯘن ۋە ﺋﯚزﻟﻪﺷﺘﯜرۈﻟﮕﻪن ﻛﺎزاك ﻗﯩﺴﯩﻤﻠﯩﺮى) 10000 دەك ﺋﻪﺳﻜﯩﺮى ﺋﺎﻗﺴﯘدﯨﻦ ﻗﻪﺷﻘﻪرﮔﻪ ﻳﯜرۈش ﺟﻪرﻳﺎﻧﯩﺪا ﻣﺎراﻟﯟﯦﺸﯩﻨﻰ ﺋﯩﺸﻐﺎل ﻗﯩﻠﺪى» (ﻳﯘﻗﯩﺮﯨﻘﻰ ﻛﯩﺘﺎب 388 - ﺑﻪت).
«دەل ﺷﯘ ﭼﺎﻏﺪا ﺑﯘ ﺑﯩﺮﻟﻪﺷﻤﻪ ﺋﯚﻟﻜﻪ ﺋﺎرﻣﯩﻴﻪﺳﯩﻨﯩﯔ ﺗﻪرﻛﯩﺒﯩﺪە، ﭼﻪت رۇسلاردىن ﺋﯚزﻟﻪﺷﺘﯜرۈﻟﮕﻪن ﺳﻮۋﯦﺖ ﻗﯩﺰﯨﻞ ﺋﺎرﻣﯩﻴﻪﺳﯩﻨﯩﯔ ﺧﯩﻞ قوراللانغان ﺋﻮرۇس ﻗﯩﺴﯩﻤﻠﯩﺮى ﺑﻮﻟﻐﺎﻧﻠﯩﻘﺘﯩﻦ، ﺧﻪﻟﻘﺌﺎرادﯨﻜﻰ ﺋﻪﻛﺴﯩﻴﻪﺗﭽﻰ ﻛﯜﭼﻠﻪر (ﺑﻮﻟﯘﭘﻤﯘ ﺋﻪﻧﮕﯩﻠﯩﻴﻪ) ﻧﺎرازﯨﻠﯩﻖ ﺑﯩﻠﺪۈرۈپ، روﺳﯩﻴﻪﻟﯩﻜﻠﻪرﻧﯩﯔ ﻗﻪﺷﻘﻪرﮔﻪ - ﺟﻪﻧﯘﺑﻘﺎ ﻗﻮراﻟﻠﯩﻖ ﺋﻪﺳﻜﻪر ﭼﯩﻘﯩﺮﯨﭗ مۇداخىلە يۈرگۈزۈشىگە ﻳﻮل ﻗﻮﻳﻤﯩﺪى. ﺷﯘﻧﯩﯔ ﺑﯩﻠﻪن ﻗﻪﺷﻘﻪرﮔﻪ - ﺟﻪﻧﯘﺑﻘﺎ ﻟﻴﯘﺑﯩﻦ ﻗﻮﻣﺎﻧﺪاﻧﻠﯩﻘﯩﺪﯨﻜﻰ ﺷﯧﯔ ﺷﯩﺴﻪﻳﮕﻪ ﺗﻪۋە ﺟﯘﯕﺨﯘا ﻣﯩﻨﮕﻮ ﻗﻮﺷﯘﻧﻠﯩﺮى ﺋﯚﺗﯜپ، ﺳﻮۋﯦﺖ ﺋﯩﺘﺘﯩﭙﺎﻗﻰ ﻛﻮﻧﺘﺮوﻟﻠﯘﻗﯩﺪﯨﻜﻰ ‹ﺋﺎﻟﺘﺎﻳﯩﺴﻜﻰ› ۋە ‹ﺗﺎرﺑﺎﻏﺎﺗﺎﻳﯩﺴﻜﻰ› ﻛﺎزاك ﻗﯩﺴﯩﻤﻠﯩﺮى ۋاﻗﺘﯩﻨﭽﻪ ﻣﺎراﻟﯟﯦﺸﯩﺪا ﺗﻮﺧﺘﺎپ ﻗﺎﻟﺪى. ﭼﯜﻧﻜﻰ ﺑﯘ ۋاﻗﯩﺘﺘﺎ ﻗﻪﺷﻘﻪر ۋەزﯨﻴﯩﺘﻰ ﺑﻪك ﻣﯘرەﻛﻜﻪپ، ﮬﻪر ﺧﯩﻞ ﺋﯩﺴﻴﺎﻧﭽﻰ ﻛﯜﭼﻠﻪرﻧﯩﯔ داﺷﻘﺎﻳﻨﯩﻘﻰ ﺑﻮﻟﯘپ ﻗﺎﻟﻐﺎﭼﻘﺎ، ﻛﺎزاك  ﻗﯩﺴﯩﻤﻠﯩﺮى ﻣﯘﺷﯘﻧﺪاق ﺋﯩﻨﭽﻜﻪ ۋەزﯨﻴﻪﺗﻨﻰ ﻧﻪزەردە ﺗﯘﺗﯘپ، ﻣﺎراﻟﯟﯦﺸﯩﻨﯩﯔ ﺟﻪﻧﯘﺑﯩﻐﺎ ﺋﯚﺗﻤﯩﺪى. ﻣﺎراﻟﯟﯦﺸﻰ، ﺋۇﭼﺘﯘرﭘﺎن، ﻛﻪﻟﭙﯩﻦ، ﺋﺎۋات، ﺋﺎﻗﺴﯘ، ﺋﻮﻧﺴﯘ، ﻛﯘﭼﺎ، ﺗﻮﻗﺴﯘ، ﻛﻮرلا... ﻗﺎﺗﺎرﻟﯩﻖ ﺟﺎﻳلاردا ﺗﯘەن، ﻳﯩﯔ، ﻟﻴﻪﻧﻠﻪر ﺑﻮﻳﯩﭽﻪ ﺗﺎرﻗﺎق ﺋﻮرۇﻧلاﺷﺘﯘرۇﻟﯘپ، ﺗﺎﻛﻰ 1938 – يىللارغىچە  ﺷﯧﯔ ﺷﯩﺴﻪي ﺋﯜﭼﯜن ﺑﯘ ﻧﺎﮬﯩﻴﻪ - ۋىلايەتلەرنىڭ ﺋﺎﻣﺎﻧﻠﯩﻘﯩﻨﻰ ساقلاپ ﺑﻪرﮔﻪﻧﯩﺪى» («ﺋﯚﻣﻪر ئابدۇللا ﺑﯩﻠﻪن ﺑﻮﻟﻐﺎن ﺳﯚﮬﺒﻪت ﺧﺎﺗﯩﺮﯨﺴﻰ» دﯨﻦ، ﺋﯚﻣﻪر ئابدۇللا ﺷﯩﻨﺠﺎڭ ﺋﯜچ ۋﯨلاﻳﻪت ﺋﯩﻨﻘﯩلاﺑﯩﻐﺎ ﻗﺎﺗﺸﻘﺎن. 1950- ﻳﯩﻠﻰ ﺟﯘﯕﮕﻮ ﺧﻪﻟﻖ ﺋﺎزادﻟﯩﻖ ﺋﺎرﻣﯩﻴﻪﺳﯩﻨﯩﯔ 5 - ﻛﻮرﭘﯘس 13 - دﯨﯟﯨﺰﯨﻴﻪ -37 ﭘﻮﻟﻜﻰ ﺑﯩﻠﻪن ﺋﺎﻗﺴﯘﻏﺎ ﻛﯧﻠﯩﭗ، ﻛﯘﭼﺎﻏﺎ ﮬﺎﻛﯩﻢ، ﺋﺎﻗﺴﯘﻏﺎ ۋاﻟﻰ ﺑﻮﻟﻐﺎن. ﺟﯘﯕﮕﻮ ﻛﻮﻣﭙﺎرﺗﯩﻴﻪﺳﯩﻨﯩﯔ ﻣﯘﻧﻪۋۋەر ﺋﻪزاﺳﻰ ﺋﯩﺪى. ﺋﯘ ﺋﯚﺳﻤﯜرﻟﯜك دەۋرﯨﺪە ﺧﻮﺟﺎ ﻧﯩﻴﺎز ﮬﺎﺟﯩﻨﯩﯔ ﺧﺎس ﺧﯩﺰﻣﻪﺗﻜﺎرى ﺑﻮﻟﻐﺎن، 2007 - ﻳﯩﻠﻰ ۋاپات بولدى).
«1934- يىل 4 - ئايلاردا ﺳﻮۋﯦﺖ قىرغىزىستانىنىڭ ﭼﯧﮕﺮادﯨﻜﻰ ﻣﻪۋلاﻧﻮف ﻗﯩﺮﻏﯩﺰ ﺋﺎﺗﻠﯩﻖ ﭘﻮﻟﻜﻰ ﺋﻪرﻛﻪﺷﺘﺎم ﭼﯧﮕﺮا ﺋﯧﻐﯩﺰﯨﺪﯨﻦ ﺷﯩﻨﺠﺎﯕﻐﺎ ﻛﯩﺮﯨﭗ، ﺋﯚﻟﻜﻪ ﻗﻮﺷﯘﻧﯩﻐﺎ ﻳﺎردەﻣﻠﻪﺷﻜﻪﻧﯩﺪى. ﺋﯩﺴﮭﺎﻗﺒﻪﮔﻨﯩﯔ ئۇلۇغچات ﺋﻪرﻛﻪﺷﺘﺎم ﭼﯧﮕﺮاﺳﯩﻐﺎ ﻗﻮﻳﯘﻟﻐﺎن ﺷﯧﯔ ﺷﯩﺴﻪﻳﻨﯩﯔ ﻛﻮﻧﺘﺮوﻟﻠﯘﻗﯩﺪﯨﻜﻰ ﭼﯧﮕﺮا ﻗﻮﻏﺪاش ﻗﯩﺮﻏﯩﺰ - ﺋﯘﻳﻐﯘر ﺋﺎﺗﻠﯩﻖ ﭘﻮﻟﻜﯩﻤﯘ ﺋﯚﻟﻜﻪ ﻗﻮﺷﯘﻧﯩﻐﺎ ﻣﺎﺳﻠﯩﺸﯩﭗ ﺟﻪڭ ﻗﯩﻠﺪى، ﺋﯘرۇﺷﺘﯩﻦ ﻛﯧﻴﯩﻦ ﺑﯘ ﺋﯩﻜﻜﻰ ﻗﯩﺮﻏﯩﺰ ﭘﻮﻟﻜﻰ ﺋﯘﻟﯘﻏﭽﺎﺗﻘﺎ ﺋﻮرۇﻧلاﺷﺘﻰ».
(«ﺷﯩﻨﺠﺎڭنىڭ ﻗﯩﺴﻘﯩﭽﻪ ﺗﺎرﯨﺨﻰ» 3 - ﺗﻮم، 389 - ﺑﻪت، ﺷﯩﻨﺠﺎڭ ﺧﻪﻟﻖ ﻧﻪﺷﺮﯨﻴﺎﺗﻰ).


ﻗﺎﻧﺨﻮر ﭼﯧﺮﻧﯩﻴﻮف

ﺋﻪﻣﺪى ﺋﯚز ﮔﯧﭙﯩﻤﯩﺰﮔﻪ ﻛﯧﻠﻪﻳﻠﻰ. ﺑﯘﻧﻰ ﺧﯩﺰﻣﻪﺗﺪﯨﺸﯩﻢ ﺋﺎﺑﻠﻪت ﻗﯧﻴﯘم ﺑﯩﺮ ﻗﯧﺘﯩﻤﻠﯩﻖ ﺳﯚﮬﺒﻪﺗﺘﻪ ﺳﯚزﻟﻪپ ﺑﻪرﮔﻪن، ﺋﺎﺑﻠﻪت ﻗﯧﻴﯘﻣﻐﺎ ﺑﻮﻟﺴﺎ ﻣﯘﺷﯘ ۋەﻗﻪﻟﻪرﮔﻪ ﺑﯩﯟاﺳﯩﺘﻪ ﺋﯩﺸﺘﯩﺮاك ﻗﯩﻠﻐﺎن ﻗﯧﻴﻨﺎﺗﯩﺴﻰ ﺋﯩﻤﺎم ﻣﻪﮬﺪى ﺗﯚﻣﯜر ﺋﺎﻛﺎ ﺳﯚزﻟﻪپ ﺑﻪرﮔﻪن ﺋﯩﻜﻪن. ﺋﺎﺑﻠﻪت ﻗﯧﻴﯘم ﮬﺎزﯨﺮ ﺋﺎﻗﺴﯘ ۋﯨلاﻳﻪﺗﻠﯩﻚ ﺋﻪدەﺑﯩﻴﺎت - ﺳﻪﻧﺌﻪﺗﭽﯩﻠﻪر ﺑﯩﺮﻟﻪﺷﻤﯩﺴﻰ «ﺋﺎﻗﺴﯘ ﺋﻪدەﺑﯩﻴﺎﺗﻰ» ﺗﻪﮬﺮﯨﺮ ﺑﯚﻟﯜﻣﯩﺪە ﻣﯘﮬﻪررﯨﺮ ﺑﻮﻟﯘپ ﺋﯩﺸﻠﻪﻳﺪۇ ﺑﯘ ﻳﯩﻞ 58 ياش (2009-يىلى).
ﺑﺎﻳﺎن ﻗﯩﻠﻤﺎﻗﭽﻰ ﺑﻮﻟﻐﺎن ﺗﯚۋەﻧﺪﯨﻜﻰ ۋەﻗﻪ، ﺋﯚز ۋاﻗﺘﯩﺪا ﺋﯚﻛﺘﻪﺑﯩﺮ ئىنقىلابىدا روﺳﯩﻴﻪدﯨﻦ ﻗﯧﭽﯩﭗ ﭼﯩﻘﯩﭗ ﺋﯩﻠﻰ، ﺗﺎرﺑﺎﻏﺎﺗﺎي، ﺋﺎﻟﺘﺎي... ﻗﺎﺗﺎرﻟﯩﻖ جايلاردا ﭘﺎﻧﺎﮬﻠﯩﻨﯩﭗ ﺟﺎن ﺑﺎﻗﻘﺎن، ﻛﯧﻴﯩﻦ ﺟﯩن ﺷﯘرﯦﻦ ۋە ﺷﯧﯔ ﺷﯩﺴﻪي ﮬﺎﻛﯩﻤﯩﻴﯩﺘﯩﻨﻰ ﻣﯘﺳﺘﻪﮬﻜﻪﻣﻠﻪپ ﺑﯧﺮﯨﺸﻜﻪ ياللانغان كازاكلارنىڭ ﺋﺎﻗﺴﯘدا ﭘﻪﻳﺪا ﺑﻮﻟﯘپ، ﻳﻪرﻟﯩﻚ ﭘﯘﻗﺮا - ﺋﺎﮬﺎﻟﯩﻠﻪرﮔﻪ ﻳﯜرﮔﯜزﮔﻪن ﻗﻪﺑﯩﮫ ﺟﯩﻨﺎﻳﻪﺗﻠﯩﺮﯨﻨﯩﯔ ﺑﯩﺮى. ﺑﯘ ﺟﯩﻨﺎﻳﻪﺗﻨﻰ ﺷﯧﯔ ﺷﯩﺴﻪﻳﮕﻪ ﻳﺎردەﻣﻠﯩﺸﯩﭗ، ﻣﺎﺟﯘﯕﻴﯩﯖﻨﻰ ﺟﻪﻧﯘﺑﻘﺎ ﺳﯜرۈپ قوغلاپ ﻛﯧﻠﯩﯟاﺗﻘﺎن «ئالتايسكىلار» ﻧﯩﯔ ﺑﯩﺮ ﻟﻴﻪﻧﺠﺎﯕﻰ ¬¬¬¬ـــــ ﻛﺎزاك ﭼﯧﺮﻧﯩﻴﻮف ﺳﺎدﯨﺮ ﻗﯩﻠﻐﺎﻧﻠﯩﻘﻰ ﺋﯜﭼﯜن، ﭘﯘﻗﺮالار ﺋﯘﻧﯩﯖﻐﺎ «ﻗﺎﻧﺨﻮر ﭼﯧﺮﻧﯩﻴﻮف» دەپ ﻟﻪﻗﻪم ﻗﻮﻳﯘپ ﺋﻪﺳﻠﻪﺷﻜﻪن...
A
ئابلەت  قەييۇم  ئەسلەپ شۇنداق داۋام قىلىدۇ: ﻗﯧﻴﻨﺎﺗﺎم ﺋﯩﻤﺎم ﻣﻪﮬﺪى ﺗﯚﻣﯜرﻧﯩﯔ ﺋﯧﻴﺘﯩﭗ ﺑﯧﺮﯨﺸﯩﭽﻪ، ﺑﯘ ۋەﻗﻪ 1933 - ﻳﯩﻠﻰ 9 -ئايلاردا ﺑﻮﭘﺘﯩﻜﻪن، ﺷﯘ چاغلاردا ﻣﺎﺟﯘﯕﻴﯩﯖﻨﻰ قوغلاپ ﻣﺎﯕﻐﺎن «ﺋﺎﻟﺘﺎﻳﯩﺴﻜﻰ» ﻛﺎزاك ﭘﻮﻟﻜﯩﻨﯩﯔ ﻟﻴﻪﻧﺠﺎﯕﻰ ﭼﯧﺮﻧﯩﻴﻮف ﺋﻪﺳﻜﻪرﻟﯩﺮﯨﻨﻰ ﺋﯧﻠﯩﭗ ﻗﯘﻣﺒﺎﺷﻘﺎ ﭼﯜﺷﺘﻰ (ﺋﯘ ﭼﺎﻏﺪا ﮬﺎزﯨﺮﻗﻰ دۆﻟﻪت ﺗﺎﺷﻴﻮﻟﻰ ﻳﻮق، ﺧﺎن ﻳﻮﻟﻰ ﺋﺎرﻗﯩﻠﯩﻖ ﻗﯘﻣﺒﺎش، ﺋﺎۋات، ﻣﺎراﻟﯟﯦﺸﻰ ﺋﺎرﻗﯩﻠﯩﻖ ﻗﻪﺷﻘﻪرﮔﻪ ﺋﯚﺗﻪﺗﺘﻰ). ﻗﯧﻴﻨﺎﺗﺎم ﺋﯩﻤﺎم ﻣﻪﮬﺪى ﺗﯚﻣﯜرﺋﺎﺧﯘن ﻗﯘﻣﺒﺎﺷﻠﯩﻖ ﺑﻮﻟﯘپ، ﺷﯘ ﭼﺎﻏلاردا 15~16 ياشلاردا ﺋﯩﻜﻪن.
ﺑﯩﺮ ﻛﯜﻧﻰ ﺋﯧﻐﯩﺮ - ﻳﯧﻨﯩﻚ ياراغلىق ﺋﺎﺗﻠﯩﻖ ﻛﺎزاك ﺋﻪﺳﻜﻪرﻟﻪر ﻗﯘﻣﺒﺎش ﺑﺎزﯨﺮﯨﻨﻰ قاپلاپ ﻛﯧﺘﯩﭙﺘﯘ. ﺋﯘلار ﺑﻪك ﮬﺎﻛﺎۋۇر، زوراۋان، ﺋﻪﺧلاﻗﺴﯩﺰ ﺋﯩﻜﻪن. ﻳﻪرﻟﯩﻚ ﭘﯘﻗﺮالارﻏﺎ ﮬﻪر ﺧﯩﻞ ئالۋان - سېلىقلارنى ﺳﯧﻠﯩﭗ ﺋﺎزاﺑﻠﯩﻐﺎن. ئاياللارغا ﭘﻮﺧﯘرﻟﯘق ﻗﯩﻠﻐﺎن. ﻗﯧﻴﻨﺎﻧﺎم ﺷﯘﻧﺪاق ﺋﻪﺳﻠﯩﮕﻪﻧﯩﺪى: ﺑﯩﺮ ﻛﯜﻧﻰ ﻗﯘﻣﺒﺎﺷﻠﯩﻖ ﮬﯧﺰﯨﺒﻪﮔﻨﯩﯔ ﺑﯧﺪﯨﺴﯩﻨﻰ ﺋﻮردۇق، ﻣﻪن ۋە ﻗﯘﻣﺒﺎﺷﻠﯩﻖ ﻗﺎدﯨﺮ دﯦﮕﻪن 19~20 ﻳﺎﺷلاردﯨﻜﻰ ﻳﯩﮕﯩﺖ ﮬﯧﺰﯨﺒﻪﮔﻨﯩﯔ ﻳﯩﻠﻠﯩﻘﭽﻰ ﭼﺎﻛﺎرﻟﯩﺮى ﺋﯩﺪۇق.  ﭼﯜش ۋاﻗﺘﻰ ﺑﻮلاي دﯦﮕﻪﻧﯩﺪى. ﺑﯧﺪە ﺋﻮرۇۋاﺗﺴﺎق ﻗﯘﻣﺒﺎﺷﻘﺎ ﭼﯜﺷﻜﻪن ﺋﯩﻜﻜﻰ ﻗﻮراﻟﻠﯩﻖ ﻳﺎش ﺋﻮرۇس (ئەمەلىيەتتە كازاك، كىشىلەر كازاكلارنى بىلمىگەچكە ئورۇس، دەپ بىلىشەتتى) ﺋﻪﺳﻜﻪر ﻳﺎﺧﺸﻰ ﻛﯩﻴﯩﻨﮕﻪن، ﻗﯘلاق، ﺑﻮﻳﯘن، ﻗﻮﻟﻠﯩﺮى ﺋﺎﻟﺘﯘن زﯨﺒﯘ - زﯨﻨﻨﻪﺗﻠﻪر ﺑﯩﻠﻪن ﺗﻮﻟﻐﺎن ﭼﯩﺮاﻳﻠﯩﻖ ﺋﯩﻜﻜﻰ ﺋﯘﻳﻐﯘر قىزنى ﻣﻪﺟﺒﯘرﯨﻲ ﮬﻪﻳﺪەپ ﻛﯧﻠﯩﭗ،  ﻣﯩﻠﺘﯩﻘﻠﯩﺮﯨﻨﻰ ﭼﻪﺗﺘﯩﻜﻰ ﻗﯩﺮ ﭼﯧﺘﯩﮕﻪ ﺗﺎﺷلاپ ﻗﻮﻳﯘپ، ﺑﯩﺰدﯨﻦ ﻧﯧﺮﯨﺮاق ﺑﯩﺮ ﺳﯚﮔﻪﺗﻨﯩﯔ داﻟﺪﯨﺴﯩﻐﺎ ﺋﺎﭘﯩﺮﯨﭗ ﺑﺎﺳﻘﯘﻧﭽﯩﻠﯩﻖ ﻗﯩﻠﺪى. ﺋﺎﻧﺪﯨﻦ ﺑﯘ ئاياللارنىڭ ﺋﺎﻟﺘﯘن زﯨﺒﯘ - زﯨﻨﻨﻪﺗﻠﯩﺮﯨﻨﻰ ﺑﯘﻟﯩﻐﯩﻠﻰ  تۇرۇۋىدى، ئاياللار ﭼﯩﺮﻗﯩﺮﯨﺸﯩﭗ ﻗﺎرﺷﯩﻠﯩﻖ ﻗﯩﻠﺪى. ﺋﯩﻜﻜﻰ ﺋﻮرۇس ﻳﯧﻨﯩﺪﯨﻜﻰ غىلابىغا ﺳﯧﻠﯩﻘﻠﯩﻖ ﻣﯩﻠﺘﯩﻖ ﻧﻪﻳﺰﯨﺴﯩﻨﻰ  ﺋﯧﻠﯩﭗ ﺋﯩﭙﭙﻪت ﻳﯧﺮﯨﮕﻪ، ﻗﻮرﺳﺎﻗﻠﯩﺮﯨﻐﺎ ﺗﯩﻘﯩﭗ ﺋﯚﻟﺘﯜرۈۋەﺗﺘﻰ. ﮬﯧﻠﯩﻘﻰ ﺋﯩﻜﻜﻰ ﺋﻮرۇس ئالتۇنلارنى ﺗﺎﻟﯩﺸﯩﭗ ﺑﯩﺮ - ﺑﯩﺮى ﺑﯩﻠﻪن ﺗﯘﺗﯘﺷﻘﯩﻠﻰ ﺗﯘرﻏﺎﻧﺪا، ﻳﯧﻨﯩﻤﺪا ﺑﯧﺪە ﺋﻮرۇۋاﺗﻘﺎن ﺗﻪﻣﺒﻪل، ﺟﯩﮕﻪرﻟﯩﻚ ﻳﯩﮕﯩﺖ ﻗﺎدﯨﺮ ﺑﯘ زوراۋاﻧﻠﯩﻘﻘﺎ ﭼﯩﺪاپ ﺗﯘراﻟﻤﺎي (ﺋﯘ ﺋﯩﻜﻜﻰ قىز ﺑﯩﺰﻧﯩﯔ ﺧﻮﺟﺎﻳﯩﻨﯩﻤﯩﺰﻧﯩﯔ ﻗﯩﺰﻟﯩﺮى ﺋﯩﺪى) ﺋﻮرﻏﺎﻗﻨﻰ ﺋﯧﻠﯩﭗ ﻳﯜﮔﯜرۈپ ﺑﺎرﻏﯩﻨﯩﭽﻪ ئورۇسلارغا ﺋﯧﺘﯩﻠﯩﭗ ﭼﺎﭘﻘﯩﻨﺪﯨﺪى. ﻛﯜﺗﯜﻟﻤﯩﮕﻪن ﺑﯘ ﮬﯘﺟﯘﻣﺪﯨﻦ ﻗﻮرﻗﯘپ ﻛﻪﺗﻜﻪن  ئورۇسلار  ﻣﯩﻠﺘﯩﻘﻠﯩﺮﯨﻨﯩﻤﯘ ﺋﯧﺴﯩﮕﻪ ﺋﺎلاﻟﻤﺎي ۋاي - دات ﺳﯧﻠﯩﺸﯩﭗ ﺗﻮۋﻟﯩﺸﯩﭗ ﻛﻪﺗﺘﻰ. ﻗﺎدﯨﺮ ﺋﯧﺘﯩﻠﯩﭗ ﺑﺎرﻏﯩﻨﯩﭽﻪ ﺑﯩﺮ ﺋﻮرۇﺳﻨﯩﯔ ﺑﯧﺸﯩﻨﻰ ﺋﯜزۈپ، ﻳﻪﻧﻪ ﺑﯩﺮﯨﻨﯩﯔ ﻗﺎرﻧﯩﻨﻰ ﻳﯧﺮﯨﯟەﺗﺘﻰ - دە ﻗﯧﭽﯩﭗ ﻛﻪﺗﺘﻰ. ﻣﻪﻧﻤﯘ ﻗﺎﭼﺘﯩﻢ. ﭼﯜﺷﺘﯩﻦ ﻛﯧﻴﯩﻦ ئورۇسلار ﻛﻪﻧﺖ ﺋﯩﭽﯩﮕﻪ ﻳﯧﻐﯩﭗ ﻛﯧﺘﯩﭙﺘﯘ. ﺋﯘلارﻧﯩﯔ ﭼﯧﺮﻧﯩﻴﻮف دﯦﮕﻪن ﻟﻴﻪﻧﺠﺎﯕﻰ ﺋﻪﺳﻜﻪرﻟﯩﺮى ﺑﯩﻠﻪن ﺋﯚﻟﺘﯜرۈﻟﮕﻪن ﺋﯩﻜﻜﻰ ﺋﻮرۇﺳﻨﯩﯔ ﺋﯚﻟﯜﻛﯩﻨﻰ ﺗﯧﭙﯩﭗ ﻗﺎﺗﺘﯩﻖ ﻏﻪزەﭘﻠﯩﻨﯩﭗ ﻛﯧﺘﯩﭙﺘﯘ. ﺋﯚﻟﺘﯜرﮔﯜﭼﯩﻠﻪرﻧﻰ ﺗﺎﭘﺎﻟﻤﺎي ﻳﺎۋۇزﻟﯩﺸﯩﭙﺘﯘ. ﻛﻪﻧﺘﺘﯩﻜﯩﻠﻪرﻧﯩﯔ ﮬﯧﭽﻘﺎﻳﺴﯩﺴﻰ ﺋﯚﻟﺘﯜرﮔﯜﭼﯩﻠﻪرﻧﻰ ﺋﯧﻴﺘﯩﭗ ﺑﻪرﻣﯩﮕﻪن. ﭼﯧﺮﻧﯩﻴﻮف ﻏﻪزﯨﭙﯩﻨﻰ ﺑﺎﺳﺎﻟﻤﺎي:
ـــــ قىزلارنىڭ ﺋﯩﮕﯩﺴﻰ ﻛﯩﻢ؟ ـــــ دەپ ﺳﻮراﺷﺘﯘرۇپ، ﻗﯘﻣﺒﺎش ﻳﯧﺰﯨﺴﯩﻨﯩﯔ ﺑﻪگ - ﺷﺎﯕﻴﻮﺳﻰ ﮬﯧﺰﯨﺒﻪﮔﻨﯩﯔ ﻗﯩﺰﻟﯩﺮى ﺋﯩﻜﻪﻧﻠﯩﻜﯩﻨﻰ ﺑﯩﻠﯩﭗ، ﻛﻪﻧﺖ ۋە ﺋﻪﺗﺮاﭘﯩﺪﯨﻜﻰ ﻳﯧﺰا - ﻛﻪﻧﺘﻠﻪردﯨﻜﻰ ﺋﯘﻳﻐﯘر دﯦﮭﻘﺎﻧلارﻧﻰ ﭼﯚﭼﯜﺗﯜش ﺋﯜﭼﯜن ﺑﯩﺮ ﻳﻪرﮔﻪ توپلاپ، ﮬﯧﺰﯨﺒﻪﮔﻨﻰ ﺗﯘﺗﯘپ ﺑﺎﻏﻠﯩﺘﯩﭗ ﺋﯧﻠﯩﭗ ﻛﻪﭘﺘﯘ. ﺑﻪﮔﻨﯩﯔ ﺋﯩﺸﯩﻜﻰ ﺋﺎﻟﺪﯨﺪا ﻳﻮﻏﺎن ﺑﯩﺮ ﺗﯜپ ﺳﯚﮔﻪت ﺑﺎر ﺋﯩﻜﻪن، ﺑﺎدرا ﺷﺎﺧﻠﯩﺮى ﺑﻪك ﻳﻮﻏﯩﻨﺎپ ﻛﻪﺗﻜﻪﻧﯩﻜﻪن. ﮬﯧﺰﯨﺒﻪﮔﻨﯩﯔ ﻗﻮﻟﯩﻨﻰ ﺋﺎرﻗﯩﺴﯩﻐﺎ باغلاپ، ﺋﺎرﻏﺎﻣﭽﺎ ﺑﯩﻠﻪن ﺋﯧﺴﯩﭗ ﺳﯚﮔﻪﺗﻜﻪ ﭼﯩﻘﯩﺮﯨﭗ، ﺋﺎﻧﺪﯨﻦ زور ﺋﯩﻜﻜﻰ ﺑﺎدرا ﺷﺎﺧﻨﻰ دېھقانلارغا ﺋﺎرﻏﺎﻣﭽﺎ ﺑﯩﻠﻪن ﻣﻪﺟﺒﯘرﯨﻲ ﺋﻪﮔﺪۈرۈپ، ﮬﯧﺰى ﺑﻪﮔﻨﯩﯔ ﺑﯩﺮ ﭘﯘﺗﯩﻨﻰ ﺋﻮﺷﯘﻗﯩﺪﯨﻦ، ﻳﻪﻧﻪ ﺑﯩﺮ ﭘﯘﺗﯩﻨﯩﻤﯘ ﺋﺎرﻏﺎﻣﭽﺎ ﺑﯩﻠﻪن ﺑﺎدرا شاخلارغا ﺗﯧﯖﯩﭗ ﺑﺎﻏﻠﯩﻐﺎن، ﮬﯧﺰﯨﺒﻪﮔﻨﯩﯔ ﻧﺎﻟﻪ - ﭘﻪرﻳﺎدﻟﯩﺮﯨﻐﺎ ﭘﯩﺴﻪﻧﺖ ﻗﯩﻠﻤﺎي رەﮬﯩﻤﺴﯩﺰﻟﯩﻚ ﺑﯩﻠﻪن بادرىلارنى ﻗﻮﻳﯘۋەﺗﻜﻪن. ﺑﺎدرا شاخلىرى ﺋﺎرﻗﯩﺴﯩﻐﺎ ﻳﺎﻧﻐﺎﻧﺪا ﭼﺎﺗﯩﺮﯨﺴﻰ ﻛﯧﺮﯨﻠﯩﭗ ﻗﺎﺗﺘﯩﻖ ﺋﺎزاﺑلاﻧﻐﺎن. ﭼﯧﺮﻧﯩﻴﻮف ﭼﺎﺗﯩﺮﯨﺴﯩﻨﯩﯔ ﻳﯩﺮﺗﯩﻠﻤﯩﻐﯩﻨﯩﻨﻰ ﻛﯚرۈپ، ﺗﺎﭘﺎﻧﭽﯩﺴﯩﺪﯨﻦ ﭼﺎﺗﯩﺮا ﺋﻮﺗﺘﯘرﯨﺴﯩﻐﺎ ﺋﻮق ﺋﯧﺘﯩﭗ ﭼﯧﻘﯩﯟەﺗﻜﻪﻧﺪﯨﻦ ﻛﯧﻴﯩﻦ، ﭼﺎﺗﺮا ﺳﯚﯕﻪك ﺋﺎﺟﺮاپ ﺗﺎرﺳﯩﻠﺪاپ ﻳﯩﺮﺗﯩﻠﯩﭗ ﻛﯩﻨﺪﯨﻚ، ﻗﻮرﺳﺎق، ﻛﯚﻛﺮەك، ﺋﻮﻣﯘرﺗﻘﺎ، ﺗﻪﯕﻤﯘﺗﻪڭ ﺋﯩﻜﻜﻰ ﺑﯚﻟﻪك ﺑﻮﻟﯘپ ﻛﺎرﻧﯩﻴﯩﻐﺎ ﻳﻪﺗﻜﻪﻧﺪە ﺗﻮﺧﺘﯩﻐﺎن. ﺋﯜﭼﻪي - ﺋﯚﭘﻜﯩﻠﯩﺮى ساڭگىلاپ  ﻗﺎﻟﻐﺎن. ئورۇسلار ﺋﻪﻧﻪ ﺷﯘﻧﺪاق دەﮬﺸﻪﺗﻠﯩﻚ ﺋﯚچ ﺋﺎﻟﻐﺎن. ﻗﻮرﻗﯘپ ﻛﻪﺗﻜﻪن  دېھقانلار ﺋﯘلار ﻛﻪﺗﻜﻪﻧﺪﯨﻦ ﻛﯧﻴﯩﻦ ﮬﯧﻠﯩﻘﻰ ليەنجاڭنى «ﻗﺎﻧﺨﻮر ﭼﯧﺮﻧﯩﻴﻮف» دەپ قارغاشقان.(داۋامى)
                          ﺧﺎﺗﯩﺮﯨﻠﻪپ رەﺗﻠﯩﮕﯜﭼﻰ: ﺋﯧﺰﯨﺰ ﺳﺎۋۇت
B
ﻣﻪن(ﺋﯧﺰﯨﺰ ﺳﺎۋۇت) 1959 - ﻳﯩﻠﻰ ﻗﻪﺷﻘﻪر ﻳﯧﺰا ﺋﯩﮕﯩﻠﯩﻚ ﺗﯧﺨﻨﯩﻜﻮﻣﯩﻨﻰ ﭘﯜﺗﺘﯜرۈپ ئاقسۇ ﺷﻪﮬﯩﺮﯨﻨﯩﯔ (ﺋﯩﻠﮕﯩﺮى ﻧﺎﮬﯩﻴﻪ ئىدى) ﺑﻪﺷﺘﯜﮔﻤﻪن ﻳﯧﺰﯨﺴﯩﻐﺎ خىزمەتكە تەقسىملەندىم.
1961- يىل 9- ئاينىڭ ﺋﺎﺧﯩﺮﯨﺪا، ﺷﯘ ﻳﯧﺰﯨﻨﯩﯔ دەرﻳﺎ ﻳﺎﻗﯩﺴﯩﺪﯨﻜﻰ «ﺋﺎزاد» ﺑﺎﺷﻘﯘرۇش راﻳﻮﻧﯩﻨﯩﯔ ﻗﺎش ﺑﻮﻳﻰ ﻛﻪﻧﺘﯩﮕﻪ ﻛﯜزﮔﻰ ﺑﯘﻏﺪاي ﺗﯧﺮﯨﻠﻐﯘﺳﯩﻨﯩﯔ ﺳﯜﭘﻪت ئەھۋالىدىن مەلۇمات ئېلىشقا ﻛﻪﻟﺪﯨﻢ. ﺧﯩﺰﻣﻪت ﺟﻪرﻳﺎﻧﯩﺪا ﺋﺎﺷﯘ ﻛﻪﻧﺘﻨﯩﯔ دﯦﮭﻘﺎﻧﭽﯩﻠﯩﻖ ﺗﯧﺨﻨﯩﻜﻰ، ﺋﯧﮕﯩﺰ، ﮔﻪۋدﯨﻠﯩﻚ، ﻗﻮﯕﯘر يۈزلۈك، ﺑﯘرۇﺗﻠﯘق، ﻛﯚزﻟﯩﺮى ﻳﻮﻏﺎن ﮬﻪم ﻗﯩﺰارﻏﺎن، ﺋﻮﻳﻨﺎپ ﭘﺎرﻗﯩﺮاپ ﺗﯘرﯨﺪﯨﻐﺎن ﻗﯘۋاﻧﺠﺎن ﺋﯩﺴﯩﻤﻠﯩﻚ ﺳﯜرﻟﯜك ﻗﯩﻴﺎﭘﻪﺗﻠﯩﻚ 40 ياشلاردىكى ﺑﯩﺮﺳﻰ ﺑﯩﻠﻪن تونۇشىپ ﻗﺎﻟﺪﯨﻢ. ﻗﯘۋاﻧﺠﺎن ﺳﯜرﻟﯜك، ۋەﮬﯩﻤﯩﻠﯩﻚ ﻛﯚرۈﻧﮕﯩﻨﻰ ﺑﯩﻠﻪن ﺋﻪﻣﻪﻟﯩﻴﻪﺗﺘﻪ ﺋﯩﻨﺘﺎﻳﯩﻦ ﻣﯘلاﻳﯩﻢ، ﻛﻪﻣﺘﻪر، ﺧﯘﺷﺨﯘي، ﭼﯩﻘﯩﺸﻘﺎق ﻛﯩﺸﯩﻜﻪن. ﺑﯩﺮ ﻗﺎﻧﭽﻪ ﻛﯜندىلا ﭼﯩﻘﯩﺸﯩﭗ دوﺳﺘﻠﯩﺸﯩﭗ ﻛﻪﺗﺘﯘق. ﺑﯩﺮ ﻛﯜﻧﻰ ﺋﯘ ﻣﯧﻨﯩﯔ ﺋﺎﻗﺴﯘ ﺷﻪﮬﯩﺮى ﺋﯩﭽﯩﺪﯨﻦ ﺋﯩﻜﻪﻧﻠﯩﻜﯩﻤﻨﻰ ﺋﺎﯕلاپ، ﻛﯩﻤﻨﯩﯔ ﺑﺎﻟﯩﺴﻰ ﺋﯩﻜﻪﻧﻠﯩﻜﯩﻤﻨﻰ ﺳﻮرﯨﺪى. ﻗﺎﺳﺴﺎپ ﺳﺎۋۇﺗﺨﺎن دﯦﮕﻪن ﻛﯩﺸﯩﻨﯩﯔ ﺑﺎﻟﯩﺴﻰ ﺋﯩﻜﻪﻧﻠﯩﻜﯩﻤﻨﻰ ﺑﯩﻠﮕﻪﻧﺪﯨﻦ ﻛﯧﻴﯩﻦ، ﻧﺎﮬﺎﻳﯩﺘﻰ ﺳﯚﻳﯜﻧﮕﻪن ﮬﺎﻟﺪا:
ـــــ ۋاي، ﻣﻪن ﺳﺎۋۇﺗﺨﺎن ﺋﺎﻛﺎم ﺑﯩﻠﻪن قەدىناس دوستلاردىن. ﻣﻪن ﺋﺎﻗﺴﯘدا ﺋﯘزۇن ﺗﯘرﻏﺎن. ﺋﻪﺳﻜﻪر ۋاﻗﺘﯩﻤﺪا، داﺋﯩﻢ ﻗﯩﺴﯩﻢ ﺋﺎﺷﺨﺎﻧﯩﺴﯩﻐﺎ ﺋﺎﺷﯘ ﺳﺎۋۇﺗﺨﺎن ﺋﺎﻛﺎﻣﺪﯨﻦ ﮔﯚش ﺋﺎلاﺗﺘﯩﻢ، ﺋﯚﻳﯩﮕﯩﻤﯘ ﻛﯚپ ﻗﯧﺘﯩﻢ ﻛﯩﺮﯨﭗ ﺗﯘز - ﺗﺎﺋﺎﻣﻠﯩﺮﯨﻐﺎ داﺧﯩﻞ ﺑﻮﻟﻐﺎن. ﻳﺎﺧﺸﻰ ﻛﯩﺸﻰ ﺋﯩﺪى، - دﯦﺪى. ﻳﻪﻧﻪ ﺋﯘ ﺋﯧﭽﯩﻠﯩﭗ - ﻳﯧﻴﯩﻠﯩﭗ ﺋﻪﺳﻜﻪر ۋاﻗﺘﯩﺪا ﺋﯚزى ﻛﯚرﮔﻪن ﺑﯩﺮ ﺋﯩﺸﻨﻰ ئەسلەپ  بەردى. ﻣﻪن ﺋﯘ چاغلاردا ﻳﺎش، ﺗﺎرﯨﺨﯩﻲ ۋەقەلەرگە ﺋﺎﻧﭽﻪ ﻗﯩﺰﯨﻘﻤﺎﻳﺪﯨﻐﺎن ﺑﻮﻟﻐﺎﭼﻘﺎ، ﺗﻪﭘﺴﯩﻠﯩﻲ  زىغىرلاپ ﺳﻮراپ ﺑﺎﻗﻤﺎﭘﺘﯩﻤﻪن. ﺋﯘ ﻛﯩﺸﯩﻨﯩﯔ ﺑﯧﺸﯩﺪﯨﻦ ﻛﯚپ ﺋﯩﺴﺴﯩﻖ - سوغۇقلار ﺋﯚﺗﻜﻪن ﺑﻮﻟﯘپ، ﺷﯘ ﭼﺎﻏلاردﯨﻜﻰ ﺗﺎرﯨﺨﯩﻲ ۋەﻗﻪﻟﻪرﻧﯩﯔ ﻛﯚﭘﯩﻨﭽﯩﺴﯩﺪﯨﻦ ﺧﻪۋﯨﺮى ﺑﺎر خېلىلا ﺋﻮﻗﯘﻣﯘﺷﻠﯘق ﻛﯩﺸﯩﻜﻪن. ﮬﺎزﯨﺮ ﺋﯚز ۋاﻗﺘﯩﺪا ﺋﺎﺷﯘ ﺗﺎرﯨﺨﯩﻲ ۋەقەلەرنى زىغىرلاپ ﺳﻮرﯨﯟاﻟﻤﯩﻐﯩﻨﯩﻤﻐﺎ ﻧﺎﮬﺎﻳﯩﺘﻰ ﭘﯘﺷﺎﻳﻤﺎن ﻗﯩﻠﯩﻤﻪن. ﺗﯚۋەﻧﺪە ﺑﺎﻳﺎن ﻗﯩﻠﯩﭗ ﺑﯧﺮﯨﺪﯨﻐﯩﻨﯩﻢ ﻗﯘۋاﻧﺠﺎﻧﻨﯩﯔ ﺷﯘ ﭼﺎﻏﺪا ﺳﯚزﻟﻪپ ﺑﻪرﮔﻪن ﻛﻪﭼﯜرﻣﯩﺸﻠﯩﺮىنىڭ ئېسىمدە قالغانلىرى (ﺋﯧﺰﯨﺰ ﺳﺎۋۇت).
(داۋامى بار،  ئاغزىمدا تاماكا چىشلەگلىك، تاماكا كۈللىرى كونۇپكا تاختىسىغا چۈشۈپ كېتىۋاتىدۇ، بىر ئىككى بىگىز بارمىقىم بىلەن بەكلا ئاستا ئۇرۇۋاتىمەن، ئالدىمدىكى «شىنجاڭ تارىخ ماتېرىياللىرى» نىڭ 2012- يىللىق مەجمۇئەسى تولا يېپىلىپ ئاۋارە قىلىۋاتىدۇ).

ﭘﯘﻗﺮالار ﺑﯩﺰ ﺋﺎﻳﻜﯚﻟﺪﯨﻦ ﻛﻪﺗﻜﯜﭼﯩﻠﯩﻚ ﺋﯚزﻟﯜﻛﯩﺪﯨﻦ ﺗﻮپ - ﺗﻮپ ﮬﺎﻟﺪا ﺗﻮﺧﯘ - ﺗﯘﺧﯘم، ﺋﺎﺷﻠﯩﻖ - ﻣﺎي، ﮔﯚش - ﭼﺎرۋا، ﺋﻮﺗﯘن، ﺑﯧﺪە - سامانلارنى ﺋﯧﻠﯩﭗ ﻛﯧﻠﯩﭗ ﻛﯚﯕﯜﻟﻠﯩﺮﯨﻨﻰ ﺑﯩﻠﺪۈرۈﺷﺘﻰ. ﮔﯘڭ ﻟﯩﻴﻪﻧﺠﺎﯕﻨﯩﯔ ﺋﯘﻧﯩﻤﯩﻐﯩﻨﯩﻐﺎ ﻗﻮﻳﻤﺎي ﺋﺎلاﮬﯩﺪە ﺳﻮۋﻏﺎﺗلار ﺑﯩﻠﻪن ﻛﯚﯕﯜل ﺑﯩﻠﺪۈردى. ﺋﯘ ﺷﯘﻧﺪاق ﻗﯩﻠﯩﭗ كازاكلارنىڭ ﺑﯩﺮ ﻗﯧﺘﯩﻤﻠﯩﻖ ﻗﯩﺮﻏﯩﻨﭽﯩﻠﯩﻘﯩﻨﻰ ﺗﻮﺳﯘپ ﻗﺎﻟﺪى. ﮔﯘڭ ﻟﻴﻪﻧﺠﺎڭ ﭼﯧﺮﻧﯩﻴﻮﻓﻨﯩﯔ ﺗﯘﻳﯘﻗﺴﯩﺰ ﺋﯚچ ﺋﯧﻠﯩﺸﯩﺪﯨﻦ ﺳﺎﻗﻠﯩﻨﯩﺶ ﺋﯜﭼﯜن، ئەتراپقا ﭘﻮﺳﺖ ﻗﻮﻳﯘپ ﮬﻮﺷﻴﺎر ﺗﯘردى. ﭼﯧﺮﻧﯩﻴﻮف ۋە ﻛﺎزاك ﭘﻮﻟﻜﻰ ﻗﺎﻳﺘﺎ ﺋﻪﺳﻜﯩﻠﯩﻚ ﻗﯩﻠﯩﺸﻘﺎ ﭘﯧﺘﯩﻨﺎﻟﻤﯩﺪى.
1937- يىل 10 - ﺋﺎﻳﻨﯩﯔ ﺋﺎﺧﯩﺮﻟﯩﺮﯨﺪا ﺋﯩﺴﻴﺎن ﺑﯧﺴﯩﻘﺘﯘرۇﻟﺪى. ﺷﯩﻨﺠﺎﯕﺪﯨﻜﻰ يېغىلىقلار ﺋﺎﺳﺎﺳﻪن ﺋﺎﻳﺎﻏﻠﯩﭗ، ﺷﯧﯔ ﺷﯩﺴﻪﻳﻨﯩﯔ ﮬﺎﻛﯩﻤﯩﻴﻪت ﺳﯜرۈش دەۋرى ﺑﺎﺷلاﻧﺪى. ﺋﯘ ﮬﻪرﺑﯩﻲ ﻗﯩﺴﯩﻤﻠﯩﺮﯨﻨﻰ ﻗﺎﻳﺘﯩﺪﯨﻦ ﺗﻪﺷﻜﯩﻠﻠﯩﺪى.
ﺷﻪرﻗﯩﻲ ﺷﯩﻤﺎل ﺋﺎرﻣﯩﻴﻪﺳﯩﻨﯩﯔ ﮔﯧﻨﯧﺮاﻟﻰ ﺳﯘڭ ﭼﯩﯖﻠﯩﻦ ﺋﺎﻗﺴﯘ ﮔﺎرﻧﯩﺰون ﺳﯩﻠﯩﯖﻰ ﺑﻮﻟﺪى، ﮔﯘڭ ﻟﻴﻪﻧﺠﺎﯕﻤﯘ ﺷﻪرﻗﯩﻲ ﺷﯩﻤﺎل ﭘﯩﺪاﺋﯩﻴﻠﯩﺮﯨﺪﯨﻦ ﺑﻮﻟﻐﺎﭼﻘﺎ، ﺳﯘڭ ﭼﯩﯖﻠﯩﻦ ﺑﯩﻠﻪن ﺑﯩﯟاﺳﯩﺘﻪ ﺗﻮﻧﯘش ﺋﯩﺪى. ﮔﺎرﻧﯩﺰون ﻣﯘﮬﺎﭘﯩﺰەت ﻟﻴﻪﻧﻰ ﻗﯘرۇﻟﻐﺎﻧﺪا ﺋﯘﻧﻰ ﺷﻴﺎۋﺷﻴﺎۋ (ﻣﺎﻳﻮر) ﺋﯘﻧﯟاﻧﻰ ﺑﯩﻠﻪن ﺑﯘ ﻟﯩﻴﻪﻧﻨﯩﯔ ﻟﯩﻴﻪﻧﺠﺎﯕﻠﯩﻘﯩﻐﺎ ﺋﻪﭘﻜﻪﻟﺪى. ﺑﯘ ﻟﯩﻴﻪﻧﺪە ﺋﯘﻳﻐﯘر ﺋﻪﺳﻜﻪرﻟﻪر ئاز، ﻛﯚﭘﻰ ﺧﻪﻧﺰۇ ﺋﯩﺪى. ﮔﯘڭ ﻟﻴﻪﻧﺠﺎڭ ﻣﻪﻧﺪﯨﻦ ﺋﺎﻳﺮﯨﻠﯩﺸﻘﺎ ﻛﯚزى ﻗﯩﻴﻤﺎي ﺋﺎﺷﯘ ﻣﯘﮬﺎﭘﯩﺰەﺗﭽﯩﻠﻪر روﺗﯩﺴﯩﻐﺎ ﺋﯧﻠﯩﭗ ﭼﯩﻘﯩﭗ ﺷﻴﺎۋۋېي ﺋﯘﻧﯟاﻧﯩﻐﺎ ﺋﯚﺳﺘﯜرۈپ، ﻣﯘﮬﺎﭘﯩﺰەت 2 - ﭘﻪﻳﯩﮕﻪ ﭘﻪﻳﺠﺎڭ ﻗﯩﻠﺪى. ﺑﯘ ﺧﯩﺰﻣﻪﺗﻨﻰ 1939 - يىل 7 - ئايلارغىچە ﺋﯚﺗﯩﺪﯨﻢ.
دەل ﺷﯘ ﺋﺎﻳﺪا ﺳﯘڭ ﭼﯩﯖﻠﯩﻦ ﺳﯩﻠﯩﯔ ﺋﯜرۈﻣﭽﯩﮕﻪ ﻳﯚﺗﻜﻪپ ﻛﯧﺘﯩﻠﺪى (ﻛﯧﻴﯩﻦ ﺋﯘﻧﻰ ﺷﯧﯔ ﺷﯩﺴﻪي ﺗﯜرﻣﯩﺪە ﺋﯚﻟﺘﯜرۈۋﯦﺘﯩﭙﺘﯘ - دەپ ﺋﺎﯕﻠﯩﺪۇق). ﺋﯘﻧﯩﯔ ﺋﻮرﻧﯩﻐﺎ ﺧﯘاڭ ﺧﻮﭼﯩﯔ ﮔﯧﻨﯧﺮال ﺋﺎﻗﺴﯘﻏﺎ ۋاﻟﯩﻲ ﮬﻪم ﮔﺎرﻧﯩﺰون ﺳﯩﻠﯩﯖﻰ ﺑﻮﻟﯘپ ﻛﻪﻟﺪى (ﺋﺎﯕﻠﯩﺴﺎق، ﺋﯘ ﻛﯩﺸﻰ ﺋﻪﺳﻠﯩﺪە ﺟﯘﯕﮕﻮ ﻛﻮﻣﭙﺎرﺗﯩﻴﻪﺳﯩﻨﯩﯔ ﺋﻪزاﺳﻰ ﺋﯩﻜﻪن). ﮔﯘڭ ﻟﯩﻴﻪﻧﺠﺎﯕﻨﻰ ﺷﯧﯔ ﺷﯩﺴﻪﻳﻨﯩﯔ ﻗﻮﻟﯩﺪﯨﻜﻰ ﺷﯩﻨﺠﺎڭ ﺋﯜرۈﻣﭽﻰ ﮔﺎرﻧﯩﺰوﻧﯩﻐﺎ، ﮔﺎرﻧﯩﺰون ﻣﯘﮬﺎﭘﯩﺰەت ﻳﯩﯖﯩﻨﯩﯔ ﺟﯘﯕﺸﺎۋ ﺋﯘﻧﯟاﻧﻠﯩﻖ ﻳﯩﯖﺠﺎﯕﻰ ﻗﯩﻠﯩﭗ ﻳﯚﺗﻜﯩﺪى. ﺋﯘ، ﻣﯧﻨﯩﻤﯘ ﻳﻪﻧﻪ ﺋﯜرۈﻣﭽﯩﮕﻪ ﺳﯚرەپ ﺋﯧﻠﯩﭗ ﺑﺎردى. ﺟﯘﯕﯟېي ﺋﯘﻧﯟاﻧﯩﺪا ﮔﺎرﻧﯩﺰوﻧﻨﯩﯔ ﺧﺎس ﻓﯘﮔﯘەﻧﻠﯩﺮﯨﺪﯨﻦ ﺑﻮﻟﯘپ ۋەزﯨﭙﻪ ﺋﯚﺗﯩﺪﯨﻢ. 1945- ﻳﯩﻠﻰ ﺷﯧﯔ ﺷﯩﺴﻪي ﺋﯩﭽﻜﯩﺮﯨﮕﻪ − ﻣﻪرﻛﻪزﮔﻪ ﻳﯚﺗﻜﯩﻠﯩﭗ ﻛﯧﺘﯩﭗ، ﺋﯘﻧﯩﯔ دەۋرى ﺋﺎﺧﯩﺮلاﺷﺘﻰ. ﺋﻮرﻧﯩﻨﻰ ﮔﻮﻣﯩﻨﺪاﯕﻨﯩﯔ ﮬﺎﻛﯩﻤﯩﻴﯩﺘﻰ ۋە ﮔﻮﻣﯩﻨﺪاڭ ﻗﯩﺴﯩﻤﻠﯩﺮى ﺋﯩﮕﯩﻠﯩﺪى. ﮔﯘڭ ﻟﯩﻴﻪﻧﺠﺎﯕﻤﯘ ﺗﯘﻳﯘﻗﺴﯩﺰ ﻏﺎﻳﯩﺐ ﺑﻮﻟﺪى. ﻳﯚﺗﻜﯩﺪﯨﻤﯘ ﻳﺎﻛﻰ ﻧﯧﻤﻪ ﺑﻮﻟﺪى ﺋﯘﻗﺎﻟﻤﯩﺪﯨﻢ، دﯨﺪارﻟﯩﺸﺎﻟﻤﯩﺪۇق. ﻗﺎﻳﺘﺎ ﺋﯘﭼﺮاﺗﻤﯩﺪﯨﻢ. ﻣﻪن ﺑﯩﺮ ﺋﺎز ﺳﺎﻧﻠﯩﻖ ﻣﯩﻠﻠﻪﺗﺘﯩﻦ ﻛﯧﻠﯩﭗ ﭼﯩﻘﻘﺎن ﮬﻪرﺑﯩﻲ ﺑﻮﻟﻐﺎﭼﻘﺎ، ﮔﻮﻣﯩﻨﺪاڭ ﺷﯩﻨﺠﺎڭ ﮔﺎرﻧﯩﺰون ﺷﺘﺎﺑﯩﻤﯘ ﺑﺎﺷﻘﯩﭽﻪ ﻗﺎرﯨﻤﺎي، داۋاﻣﻠﯩﻖ ﮔﺎرﻧﯩﺰون ﺳﯩﻠﯩﯖﺒﯘ ﺷﯩﺘﺎﺑﯩﺪا ﻗﺎﻟﺪۇرۇپ ﺋﯩﺸﻠﻪﺗﺘﻰ. ﻣﯧﻨﻰ «ﻳﻪرﻟﯩﻜﻠﻪر ﺑﯩﻠﻪن ﻣﯘﻧﺎﺳﯩﯟەﺗﻠﯩﺸﻪﻟﻤﻪﻳﺪۇ» دەپ ﻗﺎراپ ﺋﺎرﻗﺎ ﺳﻪپ ﺗﻪﻣﯩﻨﺎت ﺧﯩﺰﻣﯩﺘﯩﮕﻪ ﺳﺎﻟﺪى. ﻗﻮﻟﯘﻣﺪﯨﻦ ﻛﻪﻟﮕﻪن ﺋﯩﺸلار ﺑﯩﻠﻪن ﭘﺎلاﻗﺸﯩﭗ ﻳﯜردۈم.
1947- ﻳﯩﻠﻰ 9 - ئايلاردا ﻣﻪﺳﺌﯘت ﺋﻪﭘﻪﻧﺪى ﺷﯩﻨﺠﺎڭ ﺋﯚﻟﻜﯩﺴﯩﮕﻪ رەﺋﯩﺲ ﺑﻮﻟﺪى. ﺋﻮﻏﻠﻰ ﺋﻪرﺗﻮﻏﺮۇل ﺋﯩﭽﻜﯩﺮﯨﺪﯨﻜﻰ ﺋﯘﻧﯩﯟﯦﺮﺳﯩﺘﯧﺘﻨﻰ ﭘﯜﺗﺘﯜرۈپ ﻛﯧﻠﯩﭗ، ﺋﯚﻟﻜﯩﻠﯩﻚ ﺳﻪﻧﻴﯩﺨﯘي (ﭘﺎلاﺗﺎ، ﻗﯘرۇﻟﺘﺎي ﻛﻮﻣﯩﺘﯧﺘﻰ) دا ﻣﯘﮬﯩﻢ ﺧﯩﺰﻣﻪﺗﻜﻪ ﻗﻮﻳﯘﻟﻐﺎﻧﯩﻜﻪن. ﺋﯘ، ﺋﯚزﯨﮕﻪ ﺑﺎﺗﯘر، ﺗﻪﻣﻜﯩﻦ، زﯦﺮەك، ﮬﻪرﺑﯩﻲ ﺗﻪﻟﯩﻢ ﻛﯚرﮔﻪن، ﮬﻪرﺑﯩﻲ ﻣﺎﮬﺎرﯨﺘﻰ ﻳﺎﺧﺸﻰ ﺑﯩﺮ ﺋﯘﻳﻐﯘر ﻣﯘﮬﺎﭘﯩﺰەﺗﭽﻰ ﺗﻪﻟﻪپ ﻗﯩﻠﻐﺎﻧﻠﯩﻘﺘﯩﻦ، ﮔﻮﻣﯩﻨﺪاڭ شىنجاڭ ﮔﺎرﻧﯩﺰون ﺷﯩﺘﺎﺑﻰ ﺋﯩﺰدەپ، ﺳﻮراپ، تاللاپ ﻣﯧﻨﻰ لاﻳﯩﻖ ﺗﯧﭙﯩﭗ، ﺋﻪرﺗﻮﻏﺮۇﻟﻐﺎ ﺧﺎس ﻣﯘﮬﺎﭘﯩﺰەﺗﭽﻰ ﻗﯩﻠﯩﭗ ﭼﯩﻘﯩﺮﯨﭗ ﺑﻪردى. ﺑﯘ ﭼﺎﻏﺪا ﺳﯘڭ ﺷﯩﻠﻴﻪن ﮔﺎرﻧﯩﺰوﻧﻨﯩﯔ ﺋﯩﺸﻠﯩﺮﯨﻨﻰ ﻛﻮﻧﻜﺮﯦﺖ ﺑﺎﺷﻘﯘراﺗﺘﻰ. ﻣﻪﺳﺌﯘت ﺋﻪﭘﻪﻧﺪى ۋە ئەرتوغرۇللار ﺷﯩﻨﺠﺎڭ «ﺋﯜچ ۋىلايەت ئىنقىلابى» ﺗﻪرەﭘﻨﯩﯔ ۋە ﺋﯚﻟﻜﻪ ﺧﻪﻟﻘﯩﻨﯩﯔ ﻧﺎرازﯨﻠﯩﻘﯩﻨﯩﯔ ﺑﯧﺴﯩﻤﻰ ﺑﯩﻠﻪن 1949- ﻳﯩﻠﻨﯩﯔ ﺑﯧﺸﯩﺪا رەﺋﯩﺴﻠﯩﻚ ۋەزﯨﭙﯩﺴﯩﺪﯨﻦ قالدى، ﺑﯘرﮬﺎن ﺷﻪﮬﯩﺪى رەﺋﯩﺲ بولدى، ﺋﻪرﺗﻮﻏﺮۇﻟﻤﯘ ۋەزﯨﭙﯩﺴﯩﺪﯨﻦ ﻗﯧﻠﯩﭗ، ﺑﺎﺷﻘﺎ ﺧﯩﺰﻣﻪﺗﻠﻪرﮔﻪ ﺋﯩﺸﻠﯩﺘﯩﻠﺪى (ﺋﻪرﺗﻮﻏﺮۇل ﺷﯩﻨﺠﺎڭ ﺋﺎزاد ﺑﻮﻟﻐﺎﻧﺪا ﻗﻮﻟﻐﺎ ﺋﯧﻠﯩﻨﯩﭗ ﺋﺎﻗﺴﯘدﯨﻜﻰ «ﻗﻮرول دۆڭ» ﺗﯜرﻣﯩﺴﯩﺪە ﺋﯚزﮔﻪرﺗﯩﻠﺪى. 1970- يىللاردا ﺟﺎزا ﻣﯘددﯨﺘﻰ ﺗﻮﺷﯘپ ﺋﯚزﮔﯩﺮﯨﭗ، ﺗﯜرﻣﻪ ﺋﻮرﮔﯩﻨﯩﻨﯩﯔ ﻣﺎﺋﺎﺷﻠﯩﻖ ﺧﯩﺰﻣﻪﺗﭽﯩﺴﻰ ﺑﻮﻟﯘپ ﺋﯩﺸﻠﻪپ ﻳﯜرﮔﻪن ﻛﯜﻧﻠﯩﺮﯨﻨﯩﯔ ﺑﯩﺮﯨﺪە ﻟﯩﻖ ﺋﯘن ﺧﺎﻟﺘﯩﺴﻰ ﺑﯧﺴﯩﻠﻐﺎن، ﺗﯚت ﺋﺎﺗﻠﯩﻖ ﭘﯩﮕﯩﻠﯘ ﮬﺎرۋﯨﻨﯩﯔ ﺋﯜﺳﺘﯩﺪە ﺋﻮﻟﺘﯘرۇپ، ﺗﯜرﻣﻪ ﺋﺎﺷﺨﺎﻧﯩﺴﯩﻐﺎ ﺋﯘن ﺋﯧﻠﯩﭗ ﻛﯧﺘﯩﯟﯦﺘﯩﭗ ﮬﺎرۋا ﺋﺎﻏﺪۇرۇﻟﯘپ ﻛﻪﺗﻜﻪﻧﻠﯩﻜﺘﯩﻦ، ﺋﯘن ﺧﺎﻟﺘﯩﻠﯩﺮﯨﻨﯩﯔ ﺋﺎﺳﺘﯩﺪا ﻗﯧﻠﯩﭗ زەﺧﻤﯩﻠﯩﻨﯩﭗ ﺋﯚﻟﯜپ ﻛﻪﺗﺘﻰ). ﺋﺎزادﻟﯩﻘﻨﯩﯔ ﮬﻪرﭘﯩﺴﯩﺪﯨﻜﻰ داۋاﻟﻐﯘپ ﺗﯘرﻏﺎن ۋەزﯨﻴﻪﺗﺘﻪ، ﻣﺎﯕﺎ ﻗﺎراﻳﺪﯨﻐﺎن ﺋﺎدەم ۋە ﺋﻮرﮔﺎﻧﻤﯘ ﻳﻮق. ﻓﯘﮔﯘەﻧﻠﯩﻚ ۋەزﯨﭙﻪم ﺋﯚزﻟﯜﻛﯩﺪﯨﻦ ﻗﯧﭙﻘﺎﻟﺪى. ﮬﻪر ﻛﯩﻢ ﺋﯚز ﻏﯧﻤﻰ ﺑﯩﻠﻪن ﺑﻮﻟﯘپ ﻛﻪﺗﻜﻪﭼﻜﻪ ﺗﯩﻨﻪپ ﻳﯜردۈم. ﻗﺎرﯨﺴﺎم ﻗﻮراﻟﻠﯩﻖ ﮬﻪرﺑﯩﻲ ﺧﯩﺰﻣﻪﺗﺘﯩﻨﻤﯘ زﯦﺮﯨﻜﯩﭙﺘﯩﻤﻪن. ﻳﯘرﺗﻨﻰ، ﺋﺎﺗﺎ - ﺋﺎﻧﺎم، دوﺳﺘﻠﯩﺮﯨﻤﻨﻰ ﺳﯧﻐﯩﻨﯩﭙﺘﯩﻤﻪن، «بولدىلا!» دەپ ﻗﻮل ﺳﯩﻠﻜﯩﭗ، پەشنى قېقىپ ﮬﯧﭽﻜﯩﻤﮕﻪ تىنمايلا ﺋﺎﻗﺴﯘ ﺑﻪﺷﺘﯜﮔﻤﻪﻧﮕﻪ ﻛﯧﻠﯩﭗ دﯦﮭﻘﺎن ﺑﻮﻟﯘپ ﻛﻪﺗﺘﯩﻢ.

ئابدۇللا ﺋﻪﻳﺴﺎ ﺑﯩﻠﻪن ﺑﻮﻟﻐﺎن ﺳﯚﮬﺒﻪت ﺧﺎﺗﯩﺮﯨﺴﻰ

ئابدۇللا ﺋﻪﻳﺴﺎ ﺋﺎﻗﺴﯘ ۋﯨلاﻳﯩﺘﯩﻨﯩﯔ ﻣﺎﺋﺎرﯨﭗ ﺳﺎﮬﻪﺳﯩﺪﯨﻜﻰ ﻛﯚزﮔﻪ ﻛﯚرۈﻧﮕﻪن ﺗﯚﮬﭙﯩﻜﺎر زﯨﻴﺎﻟﯩﻴﺴﻰ. ﺋﯘ، ﺋﺎﻗﺴﯘ ۋﯨلاﻳﻪﺗﻠﯩﻚ ﻣﺎﺋﺎرﯨﭗ ﺋﯩﺪارﯨﺴﯩﻨﯩﯔ ﺑﺎﺷﻠﯩﻘﻰ، ﺋﺎﻗﺴﯘ ۋﯨلاﻳﻪﺗﻠﯩﻚ ﺳﯩﻔﻪﻧﻨﯩﯔ ﺋﯩﻠﻤﯩﻲ ﻣﯘدﯨﺮى... ﻗﺎﺗﺎرﻟﯩﻖ ۋەزﯨﭙﯩﻠﻪرﻧﻰ ﺋﯚﺗﯩﮕﻪن. ئابدۇللا ﺋﻪﻳﺴﺎ ﺋﺎﻗﺴﯘ ۋﯨلاﻳﯩﺘﯩﻨﯩﯔ ﻛﻪﻟﭙﯩﻦ ﻧﺎﮬﯩﻴﻪﺳﯩﺪە ﺗﯘﻏﯘﻟﯘپ، ﺑﺎﻟﯩﻠﯩﻖ، ﺋﯚﺳﻤﯜرﻟﯜك دەۋرﯨﻨﻰ ﻛﻪﻟﭙﯩﻨﺪە ﺋﯚﺗﻜﯜزﮔﻪن. ﺑﯘ، ئابدۇللا ئەيسا ﺑﯩﻠﻪن ﺋﯚﺗﻜﯜزﮔﻪن ﺑﯩﺮ ﻗﯧﺘﯩﻤﻠﯩﻖ ﺳﯚﮬﺒﻪت ﺋﻪﺳﻠﯩﻤﯩﺴﻰ. ﻣﻪرﮬﯘم 2001- ﻳﯩﻞ 10 - ﺋﺎﻳﻨﯩﯔ 17 - ﻛﯜﻧﻰ ﺋﺎﻟﻪﻣﺪﯨﻦ ﺋﯚتتى.         
                                               ـــــ ﺋﯧﺰﯨﺰ ﺳﺎۋۇت
ئابدۇللا ئەيسا ئەسلەپ شۇنداق بايان قىلىدۇ: ﺋﺎﻛﺎم ﺋﻪشەت ﺋﻪﻳﺴﺎ 1934- ﻳﯩﻠﻰ ﻣﺎﮬﻤﯘد شىجاڭلار (ﻣﺎﮬﻤﯘت ﻣﯘﮬﯩﺘﻰ) ﺋﺎﻗﺴﯘدﯨﻦ ﺋﯚﺗﻜﻪﻧﺪە ﺋﻪﺳﻜﻪر ﺑﻮﻟﯘپ ﻗﻮﺷﯘﻟﯘپ، ﻣﺎﮬﻤﯘت ﺷﯩﺠﺎﯕﻨﯩﯔ ﮬﻪرﺑﯩﻲ ﻳﯜرۈﺷﻠﯩﺮﯨﮕﻪ ﻗﺎﺗﻘﺎﺷﻘﺎﻧﯩﺪى. ﻛﯧﻴﯩﻦ ﻗﻪﺷﻘﻪردﯨﻜﻰ ﺋﯘﻳﻐﯘر ﺋﺎﺗﻠﯩﻖ 6 - دﯨﯟﯨﺰﯨﻴﻪﻧﯩﯔ 33 - ﭘﻮﻟﻜﯩﺪا (3 - ﭘﻮﻟﻚ) ﭘﻮلات ﺗﯘەﻧﺠﺎﯕﻨﯩﯔ ﻗﻮﻟﯩﺪا ﻳﯧﯖﯩﺴﺎردا ﺗﯘرﻏﺎﻧﯩﻜﻪن. ﺋﺎﻛﺎﻣﻨﯩﯔ ﺋﯧﻴﺘﯩﭗ ﺑﯧﺮﯨﺸﯩﭽﻪ، ﺷﯘ ﭼﺎﻏﺪا ﻛﻪﻟﭙﯩﻨﺪﯨﻦ ﺋﯚزى ﺑﯩﻠﻪن ﻗﻮﺷﯘﻟﯘپ 30 دەك ﻳﯩﮕﯩﺖ ﺋﻪﺳﻜﻪر ﺑﻮﻟﯘپ ﻛﯧﺘﯩﭙﺘﯩﻜﻪن.
1936- ﻳﯩﻠﻰ ﺋﻪﺗﯩﻴﺎزدا ﻛﻪﻟﭙﯩﻨﺪﯨﻦ ﺑﺎرﻏﺎن يىگىتلەر ﻗﺎﺗﺘﯩﻖ ﮬﻪرﺑﯩﻲ ﺗﯘرﻣﯘﺷﻘﺎ ﻛﯚﻧﻪﻟﻤﯩﺪى، ﻗﻮراﻟﻰ ۋە ﺋﺎﺗﻠﯩﺮﯨﻨﻰ ﺋﯧﻠﯩﭗ ﻛﻪﻟﭙﯩﻨﮕﻪ ﻗﯧﭽﯩﭗ ﻛﯧﻠﯩﭗ دﯦﮭﻘﺎن ﺑﻮﻟﯘۋاﻟﻐﺎﻧﯩﺪى. 6- دﯨﯟﯨﺰﯨﻴﻪ ﺷﯩﺘﺎﺑﯩﺪﯨﻦ ﺋﺎﻗﺴﯘدﯨﻜﻰ ﺳﺎﻟﻰ دوﺗﻪﻳﮕﻪ (ﺳﺎﻟﻰ دورﻏﺎ) ﻗﯧﭽﯩﭗ بېرىۋالغانلارنى ﺗﯘﺗﯘپ ﺋﺎت، ﻗﻮراﻟﻠﯩﺮى ﺑﯩﻠﻪن ﻗﯩﺴﯩﻤﻐﺎ ﻣﺎﯕﺪۇرۇش ﮬﻪﻗﻘﯩﺪە ﺑﯘﻳﺮۇق ﻛﻪﻟﮕﻪن. ﺳﺎﻟﻰ دوﺗﻪي ساقچىلارنى ﺋﯩﺸﻘﺎ ﺳﯧﻠﯩﭗ ﺋﺎﻛﺎم ﺋﻪﺷﻪت ﺋﻪﻳﺴﺎ ﺑﺎﺷﻠﯩﻖ ﮬﻪﻣﻤﻪ قاچقۇنلارنى ﻗﻮرال، ﺋﺎﺗﻠﯩﺮى ﺑﯩﻠﻪن ﺗﯘﺗﯘپ ﻗﺎﻣﯩﺪى. ﺋﺎﺗﺎ - ﺋﺎﻧﯩﻠﯩﺮى ﻳﯘرت ﭼﻮﯕﻠﯩﺮﯨﻨﻰ ﺋﯩﺸﻘﺎ ﺳﯧﻠﯩﭗ، ﭘﯘل ﺧﻪﺟﻠﻪپ ﺋﯘلارﻧﻰ ﺗﯜرﻣﯩﺪﯨﻦ ﺋﺎزاد ﻗﯩﻠﺪۇردى. ﻟﯧﻜﯩﻦ ﮬﻪﻣﻤﯩﺴﯩﻨﻰ ﺳﺎﻗﭽﯩلارﻧﯩﯔ ﻧﺎزارﯨﺘﯩﺪە ﻳﻪﻧﻪ ﺋﻪﺳﻠﯩﺪﯨﻜﻰ ﻗﯩﺴﯩﻤﻐﺎ ﺋﯧﻠﯩﭗ ﻛﻪﺗﻜﻪﻧﯩﺪى. ﺋﺎﻛﺎﻣﻨﯩﯔ ﺋﯧﻴﺘﯩﭗ ﺑﯧﺮﯨﺸﯩﭽﻪ 1936- ﻳﯩﻠﻰ ﻛﯜزدە ﻣﺎﮬﻤﯘت ﺷﯩﺠﺎڭ ﻳﯧﯖﯩﺴﺎردا ﭘﻮﻟﻚ ﺟﻪﯕﭽﯩﻠﯩﺮﯨﻨﻰ ﻳﯩﻐﯩﭗ، ﺋﯚزى ﺑﯩﺮ دۆﯕﺪە ﺗﯘرۇپ ﻛﺎﺗﺘﺎ ﻧﯘﺗﯘق ﺳﯚزﻟﯩﮕﻪن. ﮬﻪرﺑﯩﺮ ﺳﯚز ﺋﺎرﯨﻠﯩﻘﯩﺪا ﺟﻪﯕﭽﯩﻠﻪر ﻣﯩﻠﺘﯩﻘﻠﯩﺮﯨﻨﻰ ﺑﺎﺷﻠﯩﺮﯨﺪﯨﻦ ﺋﯧﮕﯩﺰ ﻛﯚﺗﯜرۈپ «ﺋﺎﻣﯩﻦ، ﺋﺎﻣﯩﻦ!» دەپ چۇقان سېلىشىپ، ﻗﻪﻳﺴﻪر ﺋﯩﺮادﯨﻠﯩﺮﯨﻨﻰ ﺑﯩﻠﺪۈرﮔﻪن. ﻧﯘﺗﯘق ﺗﻪﺳﯩﺮﻟﯩﻚ، ﻳﯩﻐﯩﻦ ﮬﻪﻳﯟەﺗﻠﯩﻚ ۋە ﻛﺎﺗﺘﺎ ﺑﻮﻟﻐﺎن. ﻳﯩﻐﯩﻨﺪﯨﻦ ﻛﯧﻴﯩﻦ ﻛﺎﺗﺘﺎ ﮬﻪرﺑﯩﻲ ﭘﺎرات ﺑﻮﻟﻐﺎن. ﭘﺎراﺗﺘﺎ ﺑﺎرﻟﯩﻖ ﺟﻪﯕﭽﯩﻠﻪر ﮬﻪﻳﯟەت ﺑﯩﻠﻪن ﻣﯩﻠﺘﯩﻘﻠﯩﺮﯨﻨﻰ ﺑﺎﺷﻠﯩﺮﯨﻦ ﺋﯧﮕﯩﺰ ﻛﯚﺗﯜرۈپ، «ﺋﺎﻣﯩﻦ!» دەپ ﺗﻮۋﻟﯩﺸﯩﭗ ﺋﯚﺗﻜﻪﻧﯩﻜﻪن. 1934- يىل 4 - ﺋﺎﻳﻨﯩﯔ 2 - ﻛﯜﻧﻰ ﻣﺎﮬﻤﯘد ﺳﯩﺠﺎڭ ﺷﯧﯔ ﺷﯩﺴﻪﻳﻨﯩﯔ زﯨﻴﺎﻧﻜﻪﺷﻠﯩﻜﯩﺪﯨﻦ ﺋﻪﻧﺪﯨﺸﻪ ﻗﯩﻠﯩﭗ، ﮬﯩﻨﺪﯨﺴﺘﺎﻧﻐﺎ ﭼﯩﻘﯩﭗ ﻛﯧﺘﯩﺶ ﺋﺎﻟﺪﯨﺪا 6 - دﯨﯟﯨﺰﯨﻴﻪﻧﯩﯔ 33 -، 34 - ﭘﻮﻟﻚ ﺑﺎﺷﻠﯩﻘﻠﯩﺮﯨﻨﻰ ۋە ﺑﺎرﻟﯩﻖ ﺋﻮﻓﯩﺘﺴﯧﺮ - ﺟﻪﯕﭽﯩﻠﻪرﻧﻰ ﻳﯩﻐﯩﭗ، ﺑﯩﺮ دۆﯕﺪە ﺋﯘلار ﺑﯩﻠﻪن ۋﯨﺪاﻟﯩﺸﯩﺶ ﻧﯘﺗﻘﻰ ﺳﯚزﻟﯩﮕﻪن. ﺋﯘ:
ـــــ ﮬﺎزﯨﺮ ﻣﻪن ﺋﯜﭼﯜن ۋەزﯨﻴﻪت ﺧﻪﺗﻪرﻟﯩﻚ ﺑﻮﻟﻤﺎﻗﺘﺎ. ﺷﯘﯕﺎ ﭼﻪﺗﻜﻪ ﻛﯧﺘﯩﭗ ﺑﺎرﯨﻤﻪن. ﺋﯩﻜﻜﻰ ﻳﯩﻠﺪﯨﻦ ﻛﯧﻴﯩﻦ ﻣﻪن ﭼﻪﺗﺘﯩﻦ ﻗﻮرال - ﻳﺎراغ ﺋﯧﻠﯩﭗ ﻗﺎﻳﺘﯩﭗ ﻛﯧﻠﯩﭗ ﻗﺎﻳﺘﺎ ﻛﯚﺗﯜرۈﻟﯜپ، ﺷﯧﯔ ﺷﯩﺴﻪﻳﻨﯩﯔ ﺋﻪﻛﺴﯩﻴﻪﺗﭽﯩﻞ ﮬﺎﻛﯩﻤﯩﻴﯩﺘﯩﻨﻰ ﺋﺎﻏﺪۇرۇپ ﺗﺎﺷلاپ، ﮬﻪر ﻣﯩﻠﻠﻪت ﺧﻪﻟﻘﯩﻨﻰ زۇﻟﯘم - ﺋﺎﺳﺎرەﺗﺘﯩﻦ ﻗﯘﺗﯘﻟﺪۇرﯨﻤﯩﺰ. ﺷﯘﯕﺎ ﺋﯚزۈﯕلارﻧﻰ ﻣﯘﺳﺘﻪﮬﻜﻪم ﺗﯘﺗﯘپ، ﮬﻪرﺑﯩﻲ ﻣﻪﺷﯩﻘﻨﻰ ﻗﯩﻠﭽﻪ ﺑﻮﺷﺎﺷﺘﯘرﻣﺎي ﻳﺎﺧﺸﻰ ﺗﻪرﺑﯩﻴﻪﻟﯩﻨﯩﯖلار! ﺋﯩﺘﺘﯩﭙﺎق ﺑﻮﻟﯘﯕلار! ﻗﻮراﻟﻨﻰ ﻗﻪﺗﺌﯩﻲ ﭼﯩﯔ ﺗﯘﺗﯘﯕلار!... ـــــ دﯦﮕﻪن. ﺋﺎﻧﺪﯨﻦ ﮬﻪرﺑﯩﻲ ﻛﯧﯖﻪش ﭼﺎﻗﯩﺮﯨﭗ، ﭘﯜﺗﯜن ﺟﻪﯕﭽﻰ - ﺋﻮﻓﯩﺘﺴﯧﺮلارﻧﯩﯔ ﺋﯩﺸﺘﯩﺮاﻛﯩﺪا 6 - دﯨﯟﯨﺰﯨﻴﻪﮔﻪ ﻣﯘۋەﻗﻘﻪت ﻗﻮﻣﺎﻧﺪان ﺳﺎﻳﻠﯩﻐﺎن. ﺳﺎﻳلاﻣﺪا ﺟﻪﯕﻠﻪردە ﺳﯩﻨﺎﻟﻐﺎن ﺋﺎﺗﺎﻗﻠﯩﻖ ﭘﻮﻟﻜﻮۋﻧﯩﻜلار، ﻟﯩﻴﻪﻧﺠﺎﯕلار ﻛﯚرﺳﯩﺘﯩﻠﮕﻪن ﺑﻮﻟﺴﯩﻤﯘ، ﺗﯘەن دەرﯨﺠﯩﻠﯩﻚ ﺋﻮﻓﯩﺘﺴﯧﺮلار، ﺟﻪﯕﭽﯩﻠﻪر ﮬﯧﭽﻜﯩﻤﻨﻰ ﺳﺎﻳﻠﯩﻤﺎي، ﺗﻮﻗﺴﯘﻧﻠﯘق ﺋﺎﺑﺪۇﻧﯩﻴﺎز ﻛﺎﻣﺎل دﯦﮕﻪن ﻟﯩﻴﻪﻧﺠﺎﯕﻨﻰ ﺳﺎﻳﻠﯩﻐﺎن. ﻧﻪﺗﯩﺠﯩﺪە ﺋﺎﺑﺪۇرۇﺳﯘل ﻧﯩﻴﺎز ﻛﺎﻣﺎل(ﺋﺎﺑﺪﯨﻨﯩﻴﺎز ﻛﺎﻣﺎل) 6 - ﺷﯩﻐﺎ ﻣﯘۋەﻗﻘﻪت ﺷﯩﺠﺎڭ ﺑﻮﻟﻐﺎن.
1938- ﻳﯩﻠﻰ ﻣﻪن(ئابدۇللا ئەيسا) 8 ﻳﺎﺷلاردا ﺋﯩﺪﯨﻢ. ﺷﯧﯔ ﺷﯩﺴﻪﻳﮕﻪ ﻗﺎرﺷﻰ ﺋﺴﯩﻴﺎن ﻛﯚﺗﯜرﮔﻪن ﺋﺎﺑﺪۇﻧﯩﻴﺎز ﺋﻪﺳﻜﻪرﻟﯩﺮى ﺑﯩﻠﻪن ﻛﻪﻟﭙﯩﻨﮕﻪ ﻛﯧﻠﯩﭗ 10 ﻛﯜﻧﺪەك ﺗﯘردى. ﭘﯘﻗﺮالار ﺑﻪك ﻗﯩﺰﻏﯩﻦ ﻗﺎرﺷﻰ ﺋﺎﻟﻐﺎﻧﯩﺪى. ﻧﯧﻤﻪ ﺑﻮﻟﺪى، ﺗﯘﻳﯘﻗﺴﯩﺰلا ﺋﺎﺑﺪۇﻧﯩﻴﺎز ﻗﯩﺴﯩﻤﻠﯩﺮى ﭼﯧﻜﯩﻨﯩﭗ ﻛﻪﻟﭙﯩﻨﺪﯨﻦ ﭼﯩﻘﯩﭗ ﻛﻪﺗﺘﻰ. ﺋﺎرﻗﯩﺪﯨﻦ ﺋﻮرۇس، ﻗﯩﺮﻏﯩﺰ ﺋﻪﺳﻜﻪرﻟﻪر ﻛﯧﻠﯩﺸﺘﻰ، ﺋﻮرۇﺳلار ﻳﯘرت ﺋﯩﭽﯩﺪﯨﻜﻰ ﭘﯩﺴﻪﻧﺪى - ﻣﯘﻧﺎﭘﯩﻘلارﻧﯩﯔ ﭼﯧﻘﯩﺸﺘﯘرۇﺷﻰ ﺑﯩﻠﻪن «ﺋﯩﺴﻴﺎﻧﭽﯩلارﻏﺎ ﺋﯚي - ﻣﺎﻛﺎن، ﺋﺎش - ﺋﻮزۇق ﺑﻪرﮔﻪن» دﯦﮕﻪن ﺗﯚﮬﻤﻪت - ﮔﯘﻧﺎﮬلارﻧﻰ ﺋﺎرﺗﯩﭗ ﻳﯘرت ﭼﻮﯕﻠﯩﺮﯨﺪﯨﻦ ﮬﺎﺷﯩﻢ ﺑﻪگ، ﺋﯩﺒﺮاﮬﯩﻢ ﺧﺎﯕﺘﯘ، ﺋﺎﺑﺪۇل ﻣﯩﺮاپ... ﻗﺎﺗﺎرﻟﯩﻖ ﻛﯩﺸﯩﻠﻪرﻧﻰ ﺳﺎي ﻳﺎﻗﯩﺴﯩﻐﺎ ﺋﯧﻠﯩﭗ ﺑﯧﺮﯨﭗ ﭼﯧﭙﯩﯟەﺗﺘﻰ.
ﻳﻪﻧﻪ ﺷﯘ ﭼﺎﻏﺪا ﺑﯩﺮ ﻟﯩﻴﻪﻧﺪەك ﺋﻮرۇس ﺋﻪﺳﻜﻪر ﻳﯘرت ﺋﯩﭽﯩﺪﯨﻜﻰ ﻳﺎش قىز-چوكانلارنى ﺗﻮﭘلاپ ﮬﺎﻳﺪاپ ﻗﯩﭙﻴﺎﻟﯩﯖﺎچ ﻗﯩﻠﯩﭗ ﻛﻪﻧﺖ ﺋﯩﭽﯩﺪﯨﻜﻰ ﺟﺎﻣﺎﺋﻪت ﺳﯘ ﺋﯩﭽﯩﺪﯨﻐﺎن ﭼﻮڭ ﻛﯚﻟﺪە ﺳﯘﻏﺎ ﭼﯜﺷﻜﻪن، ﺟﺎﻣﺎﺋﻪﺗﻨﯩﯔ ﻛﯚزﯨﺪە قىز-چوكانلارغا باسقۇنچىلىق ﻗﯩﻠﯩﺸﻘﺎن، ﻣﻪﻧﻤﯘ ﺑﯘ ﺋﯩﺸلارﻧﻰ ﺑﺎﺷﻘﺎ ﺑﺎﻟﯩلارﻏﺎ ﻗﯧﺘﯩﻠﯩﭗ ﻛﯚرﮔﻪﻧﯩﺪﯨﻢ. ﺑﯘ ﺋﻪﺧلاﻗﺴﯩﺰ زوراۋاﻧﻠﯩﻘلارﻏﺎ ﻧﺎرازى ﺑﻮﻟﯘپ، ﻏﻪزەﭘﻠﯩﻨﯩﭗ ﮔﻪپ ﻗﯩﻠﻐﺎﻧلاردﯨﻦ ﮬﺎﻣﯘت ﺋﯘﺷﺘﯩﮕﻪر، ﺋﻪﻣﻪت ﺑﻮﻳﺎﻗﭽﯩلارﻧﻰ ﺋﯧﺘﯩﯟەﺗﻜﻪﻧﯩﺪى.
ﺑﯩﺮ ﻛﯜﻧﻰ ﺋﯜچ ﺋﺎﻳﺮوﭘﯩلان ﺋﯘﭼﯘپ ﻛﯧﻠﯩﭗ ﻛﻪﻟﭙﯩﻨﻨﻰ ﺋﻪﮔﯩﺪى. ﺑﯩﺮﺳﯩﻨﯩﯔ ﻣﺎي ﺗﯜﮔﻪپ ﻛﯧﺘﯩﭙﺘﯩﻜﻪن، ﻳﻪرﮔﻪ ﻗﻮﻧﺪى، ﻟﯧﻜﯩﻦ ﺗﻮرﻣﯘزﯨﻨﻰ ﺗﯘﺗﺎﻟﻤﺎي ﻏﯩﻠﺪﯨﺮلاپ ﻣﺎﯕﻐﯩﻨﯩﭽﻪ، ﻛﻪﻟﭙﯩﻨﻨﯩﯔ ﺟﻪﻧﯘﺑﯩﺪﯨﻜﻰ ﺳﺎي ﻳﺎﻗﯩﺴﻰ ﺑﯩﻠﻪن ﺑﯧﺮﯨﭗ ﺗﺎﻏﻘﺎ ﺋﯜﺳﯜپ ﺗﻮﺧﺘﺎپ ﻗﺎﭘﺘﯩﻜﻪن. ﻗﺎﻟﻐﺎن ﺋﯩﻜﻜﻰ ﺋﺎﻳﺮوﭘﯩلان ﺋﻪﮔﯩﭗ ﻛﯧﺘﯩﭗ ﻗﺎﻟﺪى. ﻛﻪﻟﭙﯩﻨﺪﯨﻜﻰ ﭼﻮڭ - ﻛﯩﭽﯩﻚ ﻛﯩﺸﯩﻠﻪر، ﺋﻪر - ﺋﺎﻳﺎﻟلار، ﺋﯘﺷﺸﺎق ﺑﺎﻟﯩلار (ﻣﻪﻧﻤﯘ ﺑﺎر)، ﺋﯩﻠﮕﯩﺮى ﺋﺎﻳﺮوﭘﯩلان دﯦﮕﻪﻧﻨﻰ ﻛﯚرۈپ ﺑﺎﻗﻤﯩﻐﺎن ﺑﻮﻟﻐﺎﭼﻘﺎ ﻗﯩﺰﯨﻘﯩﭗ، ﺗﻮپ - ﺗﻮپ ﮬﺎﻟﺪا ﺑﯧﺮﯨﭗ ﻛﯚردۇق. ﺗﯘﻣﺸﯘﻗﻰ ﻣﺎﻛﭽﯩﻴﯩﭗ ﻛﯧﺘﯩﭙﺘﯘ. ﺑﺎﺷﻘﺎ ﭼﻮڭ زەﺧﯩﻤﻠﻪﻧﻤﻪﭘﺘﯘ، ﻛﯧﻴﯩﻦ ﺋﻮرۇس ﺗﯧﺨﻨﯩﻜلار ﻛﯧﻠﯩﭗ ﺋﺎﻳﺮوﭘﯩلاﻧﻨﯩﯔ ﻗﯘﻳﺮۇﻗﯩﻐﺎ ﺋﺎرﻏﺎﻣﭽﺎ - ﺗﻮﺷﯘﯕلارﻧﻰ ﺑﺎﻏلاپ، ﺟﺎﻣﺎﺋﻪﺗﻜﻪ ﺳﯚرۈﺗﯜپ، ﺗﺎﻏﺪﯨﻦ ﺋﺎﺟﺮﯨﺘﯩﭗ ﺳﺎﻳﻐﺎ ﺋﯧﻠﯩﭗ ﻛﻪﻟﺪى. ﻣﻪﻧﻤﯘ ﺑﺎﻟﯩلارﻏﺎ ﻗﻮﺷﯘﻟﯘپ، ﻗﯩﻦ - ﻗﯩﻨﯩﻤﻐﺎ ﭘﺎﺗﻤﺎي ﺧﯘﺷﺎل ﺑﻮﻟﻐﺎن ﮬﺎﻟﺪا ﺋﺎﻳﺮوﭘﯩلاﻧﻨﻰ ﺳﯚرۈﺷﯜپ ﺑﻪرﮔﻪﻧﯩﺪﯨﻢ. ﺗﯧﺨﻨﯩﻜلار ﻣﺎﻛﭽﺎﻳﻐﺎن ﺗﯘﻣﺸﯘﻗﯩﻨﻰ ﺳﻪﻧﺪەل ۋە ﺑﻮﻟﻘﺎ- ﺑﺎزﻏﺎﻧلارﻧﯩﯔ ۋاﺳﯩﺘﯩﺴﻰ ﺑﯩﻠﻪن ﺋﯘرۇپ - ﺗﯜزﻟﻪپ ﺋﻪﺳﻠﯩﮕﻪ ﻛﻪﻟﺘﯜردى. ﺑﯩﺮ ﻣﺎﺷﯩﻨﯩﺪا ﻣﺎي ﺋﯧﻠﯩﭗ ﻛﻪﭘﺘﯩﻜﻪن، ﺋﺎﻳﺮوﭘﯩلاﻧﻐﺎ ﻗﺎﭼﯩﻠﯩﺪى. ﺋﺎﻧﺪﯨﻦ ﺟﺎﻣﺎﺋﻪﺗﻜﻪ، ﺋﺎﻳﺮوﭘﯩلاﻧﻨﯩﯔ ﺷﺎﻣﺎل ﭘﯩﻠﺪﯨﺮﻟﯩﻐﯘﭼﯩﻨﻰ ﺋﺎرﻏﺎﻣﭽﯩلار ﺑﯩﻠﻪن ﺑﺎﻏلاپ ﺗﺎرﺗﻘﯩﻠﻰ ﻗﻮﻳﺪى. ﻣﻪﻧﻤﯘ ﻗﯩﻦ - ﻗﯩﻨﯩﻤﻐﺎ ﭘﺎﺗﻤﺎي ﺧﯘﺷﺎل ﺑﻮﻟﯘپ ﺗﺎرﺗﯩﺸﯩﭗ ﺑﻪردﯨﻢ. ﺑﺎﻟﯩلارﻏﺎ ﺋﻮﻳﯘن ﺑﻮﻟﯘپ ﺑﻪرﮔﻪﻧﯩﺪى. ﺑﯩﺮ ﺋﻮرۇس ﺗﯧﺨﻨﯩﻚ ﺑﯩﺰ ﺋﺎرﻏﺎﻣﭽﯩلارﻧﻰ ﺗﺎرﺗﯩﯟاﺗﻘﺎﻧﺪا، ﺋﻮرۇﺳﭽﻪ «ﺋﻪدﯨﻦ، دۇۋا، ﺗﯩﺮى...» دەپ ﺳﺎﻧﺎپ ﺗﯘرﻏﺎﻧﯩﺪى. ﺗﯧﺰ ﺋﻮت ﺋﺎﻟﻤﺎي ﺑﯩﺮ ﺳﺎﺋﻪﺗﭽﻪ ﺋﺎﺷﯘﻧﺪاق ﺗﻪﻛﺮار ﮬﻪﭘﯩﻠﻪﺷﻜﻪﻧﺪﯨﻦ ﻛﯧﻴﯩﻦ ﺋﺎﻧﺪﯨﻦ ﺋﻮت ﺋﺎﻟﺪى. ﺳﺎﻳﺪا ﺋﺎزراق ﻣﺎﯕﺪۇرۇپ ﺳﯩﻨﺎق ﻗﯩﻠﯩﭗ ﻛﯚرۈپ ﺋﺎﻧﺪﯨﻦ ﺋﯘﭼﯘرۇپ ﺋﯧﻠﯩﭗ ﻛﻪﺗﻜﻪﻧﯩﺪى.
ﺋﺎﻳﺮوﭘﯩلان ﻛﯧﺘﯩﭗ ﺑﯩﺮ ﮬﻪﭘﺘﯩﺪﯨﻦ ﻛﯧﻴﯩﻦ، ﻗﻪﺷﻘﻪر ﺗﻪرەﭘﺘﯩﻦ ﺑﯩﺮ داﻧﻪ زەرەﮬﻠﻰ ﺗﺎﻧﻜﺎ (ﺋﯜﺳﺘﻰ ﺗﯚﻣﯜر ﻗﺎﭘﻘﯩلار ﺑﯩﻠﻪن ﻗﺎﭘلاﻧﻐﺎن رﯦﺰﯨﻨﻜﻪ ﭼﺎﻗﻠﯩﻖ ﺗﺎﻧﻜﺎ - ﺑﯩﺮوﻧﯧﯟﯨﻚ) ﻛﻪﻟﭙﯩﻨﮕﻪ ﻛﯩﺮدى، ﮬﻪﻳﺪەپ ﻛﻪﻟﮕﻪﻧﻠﻪر ﺷﻮﭘﯘر، ﺋﻪﺳﻜﻪر، ﻛﻮﻣﺎﻧﺪﯨﺮلارﻧﯩﯔ ﮬﻪﻣﻤﯩﺴﻰ ﺧﻪﻧﺰۇلار ﺋﯩﻜﻪن. ﺑﯘلار ﺷﯧﯔ ﺷﯩﺴﻪﻳﻨﯩﯔ ﺋﯚﻟﻜﻪ ﺋﺎرﻣﯩﻴﻪﺳﯩﺪﯨﻦ ﺋﯩﻜﻪن. ﻛﻪﻟﭙﯩﻨﺪﯨﻜﻰ ﻗﯧﺮى - ﻳﺎش، ﺋﻪر - ﺋﺎﻳﺎل ۋە ﺑﺎﻟﯩلار ﻛﯚرﮔﯩﻠﻰ ﻛﯧﻠﯩﭗ ﺋﻮﻟﯩﺸﯩﯟاﻟﺪۇق. ﺋﯧﮕﯩﺰ - ﺋﻮرۇﻗﺮاق ﺧﻪﻧﺰۇ ﻛﻮﻣﺎﻧﺪﯨﺮ ﺧﻪﻧﺰۇ ﺗﯩﻠﯩﺪا ﺑﯩﺰﮔﻪ ﺷﯘﻧﺪاق دﯦﺪى:
ـــــ ﺋﻪﻳﻴﺎ، زﯨﯟازا (ﺋﺎﺑﺪۇﻧﯩﻴﺎز ﻗﯩﺴﯩﻤﻠﯩﺮﯨﻨﻰ دەﻳﺪۇ) ﺗﻪي ﻟﻰ ﺧﻪﻳﺪﯨﺨﯩﻦ! ـــــ دەپ ﺋﯘزۇن ﻛﺎﻟﺪﯨﺮلاپ ﻛﻪﺗﺘﻰ ۋە ﺑﯩﺮوﻧﯧﯟﯨﻜﻨﯩﯔ ﺋﯘ ﻳﻪر - ﺑﯘ ﻳﻪرﻟﯩﺮﯨﻨﻰ ﻛﯚرﺳﻪﺗﺘﻰ. ﺋﺎﻧﺪﯨﻦ رﯦﺰﯨﻨﻜﻪ ﭼﺎﻗلارﻧﯩﻤﯘ ﻛﯚرﺳﻪﺗﺘﻰ. ﻗﺎرﯨﺴﺎق ﺳﺎﭘلا ﺋﻮق ﺋﯩﺰﻟﯩﺮى ﺑﺎر ﺋﯩﻜﻪن. ﭘﻮلات ﻗﺎﭘﻘﯩلارﻧﻰ ﺗﯧﺸﯩﭗ ﺋﯚﺗﻪﻟﻤﻪﭘﺘﯘ. ﭼﺎﻗلارﻧﻰ ﺗﯧﺸﯩﯟەﺗﻜﻪن ﺋﻮﺧﺸﺎﻳﺪۇ. ﭼﻪﻣﻠﻪپ - ﻳﻪﻣﻠﯩﮕﻪن ﻳﯧﺮى ﺗﯘرﯨﺪۇ. ﮬﯧﻠﯩﻘﻰ ﺧﻪﻧﺰۇ ﻛﻮﻣﺎﻧﺪﯨﺮ ﮔﯧﭙﯩﻨﻰ داۋام ﻗﯩﻠﯩﭗ ﻳﻪﻧﻪ ﺷﯘﻧﺪاق دﯦﮕﻪﻧﯩﺪى:
ـــــ زﯨﯟازا ﺗﻪي ﻟﻰ ﺧﻪﻳﺪﯨﺨﯩﻦ. ۋوﻣﯩﻨﺪﯨﻜﻰ ﻳﯩﮕﺎ جەنسىنى ﺟﯩﮕﺎدﯨﻔﺎڭ ﭼﺎﯕﺒﯩلا، ﺟﻪﻧﯩﺴﻰ ﺳﯩلا، ﺗﺎﻣﻤﺎدى... - دەپ ﺗﯩﻠﻠﯩﺪى ﮬﻪم ﺑﯩﺮوﻧﯧﯟﯨﻚ زەﻣﺒﯩﺮەﻛﻨﯩﯔ ﺋﯜﺳﺘﯩﺪﯨﺮەك ﭘﯩﻠﯩﻤﻮت ﺑﺎر ﺋﯩﻜﻪن، ﭘﯩﻠﯩﻤﻮت ﺳﯧﭙﻰ ﭼﯩﻘﯩﭗ ﺗﯘرﻏﺎن ﺗﯚﺷﯜﻛﻨﻰ ﻛﯚرﺳﻪﺗﺘﻰ. ﺋﯘﻧﯩﯔ ﮔﯧﭙﯩﻨﯩﯔ ئورامىدىن ﺋﺎﺑﺪۇﻧﯩﻴﺎزﻧﯩﯔ ﺟﻪﯕﭽﯩﻠﯩﺮﯨﻨﯩﯔ ﺑﯩﺮوﻧﯧﯟﯨﻜﻘﺎ ﺋﯘﭼﺮﯨﻐﺎﻧﺪا ﻗﺎﭼﻤﺎي ﺷﯩﺪدەت ﺑﯩﻠﻪن ﺋﻮق ﻳﺎﻏﺪۇرﻏﺎﻧﻠﯩﻘﻰ، ﻛﺎر ﻗﯩﻠﻤﯩﻐﺎﻧﺪﯨﻦ ﻛﯧﻴﯩﻦ، ﭘﯩﻠﯩﻤﻮت ﺳﯧﭙﻰ ﭼﯩﻘﯩﭗ ﺗﯘرﻏﺎن ﺗﯚﺷﯜﻛﻜﻪ ﻗﺎرﯨﺘﯩﭗ ﺋﯧﺘﯩﭗ، ﺷﻮﭘﯘرﻧﻰ ﺋﯚﻟﺘﯜرﮔﻪﻧﻠﯩﻜﯩﻨﻰ ﺋﯘﻗﺘﯘق.
ﺋﺎﻛﺎﻣﻨﯩﯔ دﯦﻴﯩﺸﯩﭽﻪ، ﺋﺎﺑﺪۇﻧﯩﻴﺎزﻧﯩﯔ ﻗﯩﺴﯩﻤﻠﯩﺮى ﻛﻪﻟﭙﯩﻨﺪﯨﻦ ﭼﯧﻜﯩﻨﯩﭗ ﺋﺎﻳﻜﯚﻟﮕﻪ ﻛﯧﻠﯩﭗ ﺗﯘرﻏﺎن ﻣﻪزﮔﯩﻠﺪە، ﺋﺎﻗﺴﯘ ﺷﻪﮬﯩﺮى ﺗﻪرەﭘﺘﯩﻦ ﺋﯜچ ﻣﺎﺷﯩﻨﯩﺪا ﺷﯧﯔ ﺷﯩﺴﻪﻳﻨﯩﯔ ﻗﻮراﻟﻠﯩﻖ ﺋﻪﺳﻜﻪرﻟﯩﺮى (ﮬﻪﻣﻤﯩﺴﻰ ﺧﻪﻧﺰۇلار ﺋﯩﻜﻪن) ﺋﺎﻳﻜﯚﻟﮕﻪ ﮬﯘﺟﯘم ﻗﯩﻠﯩﭗ ﻛﻪﻟﮕﻪن. ﺋﺎﻛﺎم ﺑﺎر ﺋﯩﺴﻴﺎﻧﭽﯩلارﻧﻰ ﺋﺎﻳﻜﯚل ﻳﯧﺰا ﺑﺎزار ﺋﯩﭽﻰ ﺋﯧﻐﯩﺰﯨﺪا ﻳﻮل ﺗﻮﺳﯘپ ﻣﺎﺷﯩﻨﯩلارﻏﺎ ﺋﻮق ﻳﺎﻏﺪۇرﻏﺎن، ﺋﯘلار ﻣﺎﺷﯩﻨﺎ ﺋﯜﺳﺘﯩﺪە ﺗﯘرۇپ ﻗﺎﺗﺘﯩﻖ ﻗﺎرﺷﯩﻠﯩﻖ ﻛﯚرﺳﻪﺗﻜﻪن، ﺋﺎﻛﺎﻣلار ﺋﺎﻟﺪﯨﺪﯨﻜﻰ ﻣﺎﺷﯩﻨﯩﻨﯩﯔ ﭼﺎﻗﯩﻐﺎ ﺋﯧﺘﯩﭗ ﻳﯧﻠﯩﻨﻰ ﭼﯩﻘﯩﺮﯨﯟەﺗﻜﻪﻧﺪﯨﻦ ﻛﯧﻴﯩﻦ، ﻣﺎﺷﯩﻨﺎ ﺋﺎﻟﺪﯨﻐﺎ ﻣﺎﯕﺎﻟﻤﺎي ﻗﺎﻟﻐﺎن. ﺋﺎﺷﯘ ﻣﺎﺷﯩﻨﯩﺪﯨﻜﻰ ﺋﻪﺳﻜﻪرﻟﻪرﻧﯩﯔ ﮬﻪﻣﻤﯩﺴﻰ ﻗﯩﺮﯨﻠﯩﭗ ﻛﻪﺗﻜﻪن (40 ﭼﻪ ﺋﺎدەم). ﻗﺎﻟﻐﺎن ﻣﺎﺷﯩﻨﯩلار ﺋﺎرﻗﯩﺴﯩﻐﺎ ﺑﯘرۇﻟﯘپ ﺋﺎﻗﺴﯘ ﺗﻪرەﭘﻜﻪ ﻗﯧﭽﯩﭗ ﻛﻪﺗﻜﻪن. ﺋﺎﻛﺎﻣلار ﻣﺎﺷﯩﻨﺎ ۋە ﻗﻮرال - دورﯨلارﻧﻰ ﺋﻮﻟﺠﺎ ﺋﺎﻟﻐﺎن. ﺑﯘ ﺋﯩﺸﺘﯩﻦ ﺋﯜچ ﻛﯜن ئۆتكەندىن ﻛﯧﻴﯩﻦ، ﺋﻮرۇﺳلارﻧﯩﯔ ﺋﺎﻳﺮوﭘﯩلاﻧﻠﯩﺮى ﺋﺎﻳﻜﯚل ﺑﺎزﯨﺮﯨﻨﻰ ﻗﺎرا - ﻗﻮﻳﯘق ﺑﻮﻣﺒﺎردﯨﻤﺎن ﻗﯩﻠﻐﺎن. ﻧﯘرﻏﯘن ﺋﯚﻳﻠﻪر، ﺑﺎغ - ۋاران، ﺋﯧﺘﯩﺰدﯨﻜﻰ زﯨﺮاﺋﻪت، ﻣﺎل - ﭼﺎرۋﯨلار ۋەﻳﺮان ﺑﻮﻟﻐﺎن. ﺑﯩﺮ ﺑﯚﻟﻪك ﺋﻪر - ﺋﺎﻳﺎل، ﻗﯧﺮى - ﻳﺎش ۋە ﻛﯩﭽﯩﻚ ﺑﺎﻟﯩلار ﺋﯚﻟﯜپ ﻳﺎرﯨلاﻧﻐﺎن. ﺋﺎﺑﺪۇﻧﯩﻴﺎز ﺋﺎﻛﺘﯩﭗ ﻣﯘداﭘﯩﺌﻪ ﺋﯘرۇﺷﻰ ﺗﻪﺷﻜﯩﻠﻠﻪپ ﻗﻪﺗﺌﯩﻲ ﻗﺎرﺷﯩﻠﯩﻖ ﻛﯚرﺳﻪﺗﻜﻪن. ﺋﺎﺗﺎﻗﻠﯩﻖ ﻣﻪرﮔﻪﻧﻠﻪرﻧﻰ ﺗﻪﺷﻜﯩﻠﻠﻪپ ﺋﯧﮕﯩﺰ ﺗﯧﺮەﻛﻠﻪرﮔﻪ ﭼﯩﻘﯩﺮﯨﭗ، ﺑﻮﻣﺒﺎردﯨﻤﺎن ﻗﯩﻠﯩﯟاﺗﻘﺎن ﺋﺎﻳﺮوﭘﯩلاﻧلارﻏﺎ ﺋﯜزۈﻟﺪۈرﻣﻪي ﺋﻮق ﺋﺎﺗﻘﺎن (ﺋﺎﻳﺮوﭘﯩلاﻧلار ﺑﻪش ﺋﯩﻜﻪن). ﺋﺎﻛﺎﻣﻤﯘ ﺋﺎﻳﻜﯚل ﺑﺎزﯨﺮى ﺋﯩﭽﯩﺪە ﺑﯩﺮ ﻳﻮﻏﺎن ﺗﯧﺮەﻛﻨﯩﯔ ﺋﯜﺳﺘﯩﮕﻪ ﭼﯩﻘﯩﭗ ﺋﻮق ﺋﺎﺗﻘﺎن ﺋﯩﻜﻪن. ﻧﻪﺗﯩﺠﯩﺪە ﺑﯩﺮ ﺋﺎﻳﺮوﭘﯩلاﻧﻐﺎ ﺋﻮق ﺗﯧﮕﯩﭗ ﻗﺎرا ﺋﯩﺲ ﭼﯩﻘﯩﺮﯨﭗ ﻟﻪﭘﻪﯕﺸﯩﮕﻪن ﭘﯧﺘﻰ ﺋﺎۋات ﻧﺎﮬﯩﻴﻪ داﺋﯩﺮﯨﺴﯩﺪﯨﻜﻰ ﻛﯚك ﻳﺎﻧﺘﺎق دﯦﮕﻪن ﻳﻪرﮔﻪ ﭼﯜﺷﯜپ ﮔﯜم ﺑﻮﻟﻐﺎن. ﺋﺎﻛﺎم «ﺋﻮﻗﯩﻤﯩﺰ ﺗﯜﮔﻪپ ﻛﯧﺘﯩﭗ ﺋﺎﺧﯩﺮى ﺋﺎۋاﺗﻘﺎ ﭼﯧﻜﯩﻨﯩﭗ، ﻏﻮرو ﭼﯚﻟﺪە ﺋﯘرۇﺷﺘﯘق، ﺋﺎﻧﺪﯨﻦ ﺷﯘ ﻳﻪردە ﺗﺎرﻣﺎر ﺑﻮﻟﺪۇق، ﺗﺎرﯨﻢ - ﺧﻮﺗﻪن دەرﻳﺎﺳﻰ ﻗﻮﺷﯘﻟﯩﺪﯨﻐﺎن ﻳﻪردە ﻛﯚپ ﺋﻪﺳﻜﻪرﻟﯩﺮﯨﻤﯩﺰ ﺋﯚﻟﯜپ، ﺑﯩﺮ ﻗﯩﺴﻤﻰ ﺋﻪﺳﯩﺮﮔﻪ ﭼﯜﺷﺘﻰ. ﺑﯩﺰﻧﯩﯔ ﻟﻴﻪﻧﻤﯘ ﺋﻪﺳﯩﺮﮔﻪ ﭼﯜﺷﺘﻰ. ﺋﻮﻓﯩﺘﺴﯧﺮلارﻧﻰ ﺋﺎﻳﺮﯨﯟاﻟﺪى، ﻧﯧﻤﻪ ﻗﯩﻠﺪى ﺋﯘﻗﻤﯩﺪۇق، ﺋﺎدەﺗﺘﯩﻜﻰ ﺟﻪﯕﭽﯩﻠﻪرﮔﻪ ﭘﯘل، ﻛﯩﻴﯩﻢ ﺑﯧﺮﯨﭗ ﻗﺎﻳﺘﯘردى، ﻛﻪﻟﭙﯩﻨﮕﻪ ﻗﺎﻳﺘﯩﭗ ﻛﯧﻠﯩﭗ دﯦﮭﻘﺎن ﺑﻮﻟﯘپ ﻛﻪﺗﺘﯘق»
ﺋﺎﺑﺪۇﻟلا ﺋﻪﻳﺴﺎ ﺋﻪﺳﻠﻪپ ﺷﯘﻧﺪاق دﯦﮕﻪﻧﯩﺪى. 1934 - ﻳﯩﻠﯩﺪﯨﻦ 1939 - ﻳﯩﻠﯩﻐﯩﭽﻪ ﺋﺎﻗﺴﯘ ۋﯨلاﻳﯩﺘﯩﮕﻪ، ﺧﻮﺟﺎ ﻧﯩﻴﺎز ﮬﺎﺟﯩﻢ ۋە ﻣﺎﮬﻤﯘت ﻣﯘﮬﯩﺘﯩﻨﯩﯔ ﺳﻪﭘﺪاش - ﻗﻮﻣﺎﻧﺪاﻧﻠﯩﺮﯨﺪﯨﻦ ﻧﯩﻴﺎز ﺷﯧﺮﯨﭙﻰ (ﻧﯩﻴﺎز دوﺗﻪي) ۋە ﺳﺎﻟﻰ دورﻏﺎ (ﺳﺎﻟﻰ دوﺗﻪي) ﻟﻪر دوﺗﻪي (ۋاﻟﻰ) ﺑﻮﻟﺪى. ﮬﻪر ﺋﯩﻜﻜﯩﻠﯩﺴﻰ 1936 - ۋە 1937 - ﻳﯩﻠلارﻧﯩﯔ ﺋﺎﺧﯩﺮﯨﺪا ﺋﯜرۈﻣﭽﯩﮕﻪ ﺋﯧﻠﯩﭗ ﻛﯧﺘﯩﻠﯩﭗ ﻳﻮﻗﯩﺘﯩﻠﺪى. ﺋﻮرﻧﯩﻐﺎ ﺳﯘڭ ﺳﯩﻠﯩﯔ (ﺳﯘڭ ﭼﯩﯖﻠﯩﻦ) ۋاﻟﻰ (دوﺗﻪي) ﮬﻪم ﺋﺎﻗﺴﯘ ﮔﺎرﻧﯩﺰوﻧﯩﻐﺎ ﺳﯩﻠﯩﯔ ﺑﻮﻟﺪى، ﺑﯘ ﭼﺎﻏﺪا ﻣﻪن ۋﯨلاﻳﻪﺗﻠﯩﻚ ﺳﯩﻔﻪﻧﻨﻰ ﭘﯜﺗﻜﯜزۈپ، ﺋﯜرۈﻣﭽﯩﺪﯨﻜﻰ ﺳﺎﻗﭽﻰ ﻣﻪﻛﺘﻪﭘﺘﻪ ﺋﻮﻗﯘﺷﻘﺎ ﻛﻪﻟﮕﻪﻧﯩﺪﯨﻢ. 1939- ﻳﯩﻠﻰ ﺳﯘڭ ﺳﯩﻠﯩﯔ ﺋﯜرۈﻣﭽﯩﮕﻪ ﻳﯚﺗﻜﻪپ ﻛﯧﺘﯩﻠﯩﭗ ﺋﻮرﻧﯩﻐﺎ ﺧﯘاڭ خۇيچىڭ ﮔﯧﻨﯧﺮال ۋاﻟﻰ ﮬﻪم ﮔﺎرﻧﯩﺰون ﺳﯩﻠﯩﯔ ﺑﻮﻟﯘپ ﻛﻪﭘﺘﯘ. 1942- يىلنىڭ ﺑﯧﺸﯩﺪا ﺋﻮﻗﯘش ﭘﯜﺗﻜﯜزۈپ ﻛﻪﻟﺴﻪم ﺑﺎر ﺋﯩﻜﻪن. ﺑﯩﺰﻧﯩﯔ ﺧﯩﺰﻣﻪت ﺗﻪﻗﺴﯩﻤﺎﺗﯩﻤﯩﺰﻏﺎ ﻗﺎﺗﻨﯩﺸﯩﭗ ﻧﺎزارەت ﻗﯩﻠﯩﭗ ﺗﯘرﻏﺎن ﺋﯩﺪى. ﺋﻪﺳﻠﯩﺪە ﺧﯘاڭ ﺧﯘﻳﭽﯩﯔ ﺟﯘﯕﮕﻮ ﻛﻮﻣﭙﺎرﺗﯩﻴﻪﺳﯩﻨﯩﯔ ﺋﻪزاﺳﻰ ﺋﯩﻜﻪن، ﮬﻪرﺑﯩﻲ ﻓﻮرﻣﯩﻨﻰ ﭘﺎﻛﯩﺰ، رەﺗﻠﯩﻚ ﻛﯩﻴﯩﭗ، ﺗﯜﮔﻤﯩﻠﯩﺮﯨﻨﻰ ﺋﯧﺘﯩﭗ، ﺷﻪﭘﻜﯩﺴﯩﻨﻰ ﻗﯩﺮلاپ، ﺋﯚﺗﯩﻜﯩﻨﻰ ﭘﺎرﻗﯩﺮﯨﺘﯩﭗ، ﺳﯚﻟﻪﺗﻠﯩﻚ ﻳﯜرﯨﺪﯨﻐﺎن ﮔﻪپ - ﺳﯚزﻟﯩﺮى ﺋﻮﭼﯘق - ﻳﻮرۇق ﺧﯘﺷﺨﯘي ﺋﺎدەم ﺋﯩﺪى.
                                              ـــــ  ﺋﯧﺰﯨﺰ ﺳﺎۋۇت

ﺗﯚرە ﺋﻪﭘﻪﻧﺪى ﺑﯩﻠﻪن ﺋﯧﻠﯩﭗ ﺑﯧﺮﯨﻠﻐﺎن ﺳﯚﮬﺒﻪت ﺧﺎﺗﯩﺮﯨﺴﻰ

ﺗﯚرە ﺋﻪﭘﻪﻧﺪى ﻛﻪﻟﭙﯩﻦ ﻧﺎﮬﯩﻴﻪﺳﯩﺪﯨﻦ، ﮬﺎزﯨﺮ 88 ﻳﺎش ۋە ﺋﺎﻗﺴﯘ ۋﯨلاﻳﻪﺗﻠﯩﻚ 1 - ﺋﻮﺗﺘﯘرا ﻣﻪﻛﺘﻪﭘﻨﯩﯔ ﭘﯧﻨﺴﯩﻴﻪﮔﻪ ﭼﯩﻘﻘﺎن ﺋﻮﻗﯘﺗﻘﯘﭼﯩﺴﻰ. ﺑﯘ ﺑﯩﺮ ﻗﯧﺘﯩﻤﻠﯩﻖ ﺋﺎﻏﺰاﻛﻰ ﺳﯚﮬﺒﻪﺗﻨﯩﯔ ﺧﺎﺗﯩﺮﯨﺴﻰ.
ـــــ ﺋﯧﺰﯨﺰ ﺳﺎۋۇت


ئابدۇللا ﺋﻪﻳﺴﺎﻧﯩﯔ ﺋﺎﻛﯩﺴﻰ ﺋﻪﺷﻪت ﺋﻪﻳﺴﺎﻧﯩﯔ ﺋﻪﺳﻜﻪر ﺑﻮﻟﻐﯩﻨﻰ راﺳﺖ، ﻣﯧﻨﯩﯔ ﺋﯩﻨﯩﻢ ﺋﺎﺑﺪۇرﯦﮭﯩﻤﻤﯘ 1937- ﻳﯩﻠﻰ 8 - ﺋﺎﻳﺪا ﺋﺎﺑﺪۇﻧﯩﻴﺎز ﻛﻪﻟﭙﯩﻨﮕﻪ ﻛﻪﻟﮕﻪﻧﺪە ﻛﯚﭘﭽﯩﻠﯩﻚ ﻳﺎﺷلارﻏﺎ ﻗﻮﺷﯘﻟﯘپ ﺋﻪﺳﻜﻪر ﺑﻮﻟﻐﺎﻧﯩﺪى، ﺋﺎﺑﺪۇﻧﯩﻴﺎز ﺳﯩﺠﺎﯕﻨﯩﯔ ﺋﻪﺳﻜﻪرﻟﯩﺮى دﯦﮭﻘﺎﻧلارﻧﯩﯔ ﺑﺎﻏﻠﯩﺮﯨﻐﺎ ﭼﯜﺷﻜﻪن، ﺋﺎﺑﺪۇﻧﯩﻴﺎز ﺑﻮﻟﺴﺎ ﻳﯘرت ﻛﺎﺗﺘﯩﻠﯩﺮﯨﺪﯨﻦ ﺋﯩﺒﺮاﮬﯩﻢ ﺧﺎﯕﺘﯘﻧﯩﯔ ﺋﯚﻳﯩﮕﻪ ﭼﯜﺷﻜﻪن، ﻣﻪن (تۆرە ئەپەندى) ﺷﯘ ﭼﺎﻏﺪا 8 ﻳﺎﺷلاردا  ﺋﯩﺪﯨﻢ، ﺋﺎﺑﺪۇﻧﯩﻴﺎز ﺋﯩﺒﺮاﮬﯩﻢ ﺧﺎﯕﺘﯘﻧﯩﯔ ﺋﯚﻳﯩﮕﻪ ﭼﯜﺷﻜﻪﻧﺪە، ﻓﯘﮔﯘەن ﻳﺎزﻟﯩﻖ ﺋﺎﺷﺨﺎﻧﺎ - ﺋﻮﭼﺎﻗﻨﯩﯔ ﺋﯜﺳﺘﯩﺪﯨﻜﻰ ﺗﻮﺳﻤﺎ ﺑﺎﻟﺪاق ﻳﺎﻏﺎﭼﻘﺎ ﻗﻮﻧﯘپ ﺋﻮﻟﺘﯘرﻏﺎن ﭘﺎﺧﺘﻪﻛﻨﻰ ﺳﻮﻗﯩﯟﯦﺘﯩﺪۇ. ﺋﺎﺑﺪۇﻧﯩﻴﺎزﻣﯘ ﻣﺎﮬﺎرەت ﻛﯚرﺳﻪﺗﻤﻪﻛﭽﻰ ﺑﻮﻟﯘپ ﻗﻮﻟﯩﻐﺎ ﻣﯩﻠﺘﯩﻖ ﺋﯧﻠﯩﭗ، ﺋﯩﺒﺮاﮬﯩﻢ ﺧﺎﯕﺘﯘﻧﯩﯔ 10 ﻳﺎﺷﻠﯩﻖ ﺋﻮﻏﻠﯩﻨﯩﯔ ﺑﯧﺸﯩﻐﺎ ﭼﯩﻨﻪ ﻗﻮﻳﯘپ ﺋﯧﺘﯩﭗ ﭼﯜﺷﯜرۈپ ﻣﺎﮬﺎرەت ﻛﯚرﺳﻪﺗﻜﻪﻧﺪى.
1937- ﻳﯩﻠﻰ 9 - ﺋﺎﻳﻨﯩﯔ ﺑﯧﺸﯩﺪا ﺳﻮۋﯦﺘﻨﯩﯔ ﺋﻮرۇس، ﻗﯩﺮﻏﯩﺰلاردﯨﻦ ﺗﻪﺷﻜﯩﻠﻠﻪﻧﮕﻪن «ﺗﯚﺗﯩﻨﭽﯩﻠﻪر» دﯦﮕﻪن ﻗﻮراﻟﻠﯩﻖ ﻗﯩﺴﯩﻤﻠﯩﺮى ﺋﯘﭼﺘﯘرﭘﺎن ﻗﺎﻗﺸﺎل ﻳﻮﻟﻰ ﺑﯩﻠﻪن ﮬﯘﺟﯘم ﻗﯩﻠﯩﭗ ﻛﻪﻟﭙﯩﻨﮕﻪ ﻛﯩﺮﮔﻪﻧﺪە، ﺋﺎﺑﺪۇﻧﯩﻴﺎز ﻗﯩﺴﯩﻤﻠﯩﺮﯨﻨﻰ ﻛﻪﻟﭙﯩﻨﺪﯨﻦ ﭼﯧﻜﯩﻨﺪۈرۈپ ﺋﺎﻳﻜﯚل، ﺋﺎۋات ﺗﻪرەﭘﻜﻪ ﺋﯚﺗﯜپ ﻛﻪﺗﺘﻰ. ﻛﻪﻟﭙﯩﻨﺪﯨﻜﻰ ﺋﻪر - ﺋﺎﻳﺎل، ﻗﯧﺮى - ﻳﺎش ۋە ﻛﯩﭽﯩﻚ ﺑﺎﻟﯩلارﻣﯘ ﻛﯚرﮔﻪﻧﯩﺪۇق، ﺋﻮرۇﺳلار «ﺋﺴﯩﻴﺎﻧﭽﯩلارﻏﺎ ﻳﺎن ﺗﺎﻳﺎق ﺑﻮﻟﺪى» دەپ ﻛﻪﻟﭙﯩﻨﻨﯩﯔ ﻳﯘرت ﭼﻮﯕﻠﯩﺮﯨﺪﯨﻦ ﮬﺎﺷﯩﻢ ﺑﻪگ، ﺋﯩﺒﺮاﮬﯩﻢ ﺧﺎﯕﺘﯘ، ﺋﺎﺑﺪۇل مىرابلارنى ﺳﺎي ﻳﺎﻗﯩﺴﯩﻐﺎ ﺋﺎﭘﯩﺮﯨﭗ ﻳﺎﻣﻐﯘر ﺳﯜﻳﻰ ﺋﺎﻗﻘﺎن ﺋﯧﻘﯩﻦ ﺋﯩﭽﯩﺪە قىلىچ ﺑﯩﻠﻪن ﭼﯧﭙﯩﯟەﺗﺘﻰ. ﺋﯘلارﻧﯩﯔ ﺧﻮﺗﯘن - ﺑﺎﻟﯩﻠﯩﺮى، ﺋﯘرۇق - ﺗﯘﻏﻘﺎﻧﻠﯩﺮى ﺟﻪﺳﻪﺗﻠﻪرﻧﻰ ﻣﻪﮬﻪﻟﻠﻪ ﺋﯩﭽﯩﮕﻪ ﺋﯧﻠﯩﭗ ﻛﯩﺮﯨﺸﻜﻪ ﭘﯧﺘﯩﻨﺎﻟﻤﺎي، ﺋﻮرۇﺳلار ﻛﻪﺗﻜﻪﻧﺪﯨﻦ ﻛﯧﻴﯩﻦ ﺋﺎﻧﺪﯨﻦ ﭘﯘراپ ﭼﯩﺮﯨﭗ ﻛﻪﺗﻜﻪن، ﺑﯚرﯨﻠﻪر ﺗﺎرﺗﻘﯘﺷلاپ زﯨﺪە ﻗﯩﻠﻐﺎن ﺟﻪﺳﻪﺗﻠﻪرﻧﻰ ﻣﻪﮬﻪﻟﻠﻪ ﺋﯩﭽﯩﮕﻪ ﺋﻪﭘﻜﯧﻠﯩﭗ دەﭘﻨﻪ ﻗﯩﻠﻐﺎﻧﯩﺪى. ﺋﺎﺑﺪۇﻧﯩﻴﺎزلارﻧﻰ ﻗﻮﻏلاپ ﻛﻪﺗﻜﻪن ﺋﻮرۇﺳلارﻧﯩﯔ ﺑﯩﺮ ﺋﺎﻳﺮوﭘﯩلاﻧﻰ ﻳﯧﻐﻰ ﺗﯜﮔﻪپ ﻛﯧﺘﯩﭗ ﻛﻪﻟﭙﯩﻨﺪﯨﻜﻰ ﺑﯩﺮ ﺗﯜزﻟﻪﯕﮕﻪ ﭼﯜﺷﯩﺪۇ. ﺗﻮﺧﺘﯩﺘﺎﻟﻤﺎي ﻗﯧﻠﯩﭗ ﺑﯩﺮ ﻳﺎرﻏﺎ ﺋﯜﺳﯜپ ﺗﻮﺧﺘﺎﭘﺘﯘ، ﺗﯘﻣﯘشۇقى ﻣﺎﻛﭽﯩﻴﯩﭗ ﻛﻪﺗﻜﻪﻧﯩﻜﻪن. ﺋﻮرۇﺳلار ﺗﺎﻣﺎﺷﺎ ﻛﯚرﮔﯩﻠﻰ ﻛﻪﻟﮕﻪن ﻛﻪﻟﭙﯩﻨﯩﯔ ﻗﯧﺮى-  ﻳﺎش، ﺋﻪر - ﺋﺎﻳﺎل، ﻛﯩﭽﯩﻚ بالىلارنى ﺳﻪﭘﻪرۋەر ﻗﯩﻠﯩﭗ، ﺋﺎﻳﺮوﭘﯩلاﻧﻨﯩﯔ ﻗﯘﻳﺮۇﻗﯩﻐﺎ ﺋﺎرﻏﺎﻣﭽﯩلارﻧﻰ ﺑﺎﻏلاپ، ﺳﯚرﯨﻴﻪﻟﻤﯩﮕﻪﻧﺪە ﺋﺎت - ﻛﺎلا، ﺗﯚﮔﯩﻠﻪرﻧﻰ ﭼﯧﺘﯩﭗ ﺳﯚرﯨﺘﯩﭗ ﺗﯜزﮔﻪ ﺋﯧﻠﯩﭗ ﭼﯩﻘﺘﻰ. ﺑﯘ ﺋﯩﺶ ﻛﻪﻟﭙﯩﻨﻠﯩﻜﻠﻪرﮔﻪ ﺗﺎﻣﺎﺷﺎ ﺑﻮﻟﯘپ ﺑﻪردى. ﺑﯩﺰ ﺑﺎﻟﯩلارﻣﯘ ﺧﯘﺷﺎل ﭼﯘﻗﺎن - ﺳﯜرەن ﺳﯧﻠﯩﺸﯩﭗ ﺗﺎرﺗﯩﺸﯩﭗ ﺑﻪردۇق. ﺋﺎﻧﺪﯨﻦ ﺋﻮرۇس ﺋﯘﺳﺘﯩلار ﻛﯧﻠﯩﭗ، ﺳﻪﻧﺪەل، ﺑﻮﻟﻘﯩلار ﺑﯩﻠﻪن ﻣﺎﻛﭽﺎﻳﻐﺎن ﻳﻪرﻟﯩﺮﯨﻨﻰ ﺗﯜزﻟﻪپ، ﻣﺎي ﺳﻪﭘﻠﻪپ ﺋﯘﭼﯘرۇپ ﺋﯧﻠﯩﭗ ﻛﻪﺗﻜﻪﻧﯩﺪى.
ﺋﺎﺑﺪۇﻧﯩﻴﺎزﻧﯩﯔ ﺋﺎدەﻣﻠﯩﺮى ﺋﺎۋات - ﻏﻮرۇ ﭼﯚﻟﺪە ﺗﺎرﻣﺎر ﺑﻮﻟﯘپ ﺗﻪرەپ ﺗﻪرەﭘﻜﻪ ﭘﯩﺘﯩﺮاپ ﻛﻪﺗﻜﻪن. ﺑﯩﺮ ﺗﻮپ ﺟﻪﯕﭽﯩﻠﻪرﮔﻪ ﺷﺎﻗﯘردا ﺋﺎﺑﺪۇﻧﯩﻴﺎز ﺷﯘﻧﺪاق ﺑﯘﻳﺮۇق ﺑﻪرﮔﻪن:
ـــــ ﺑﯩﺰﻧﯩﯔ ﺋﻮق - دورﯨﻤﯩﺰ ﺗﯜﮔﯩﺪى، ﺋﺎﻣﺎﻟﺴﯩﺰ ﻗﺎﻟﺪۇق، ﺋﯚﻟﺴﻪك ﻗﯩﻴﺎﻣﻪﺗﺘﻪ ﻛﯚرۈﺷﻪﻳﻠﻰ، ﺟﻪﯕﭽﯩﻠﻪر ﮬﺎزﯨﺮدﯨﻦ ﺑﺎﺷلاپ ﻗﻮﺷﯘن ﺗﺎرﻗﯩﺘﯩﻠﺪى. ﺋﺎﺳﺘﯩﯖلاردﯨﻜﻰ ﺋﺎت، يېنىڭلاردىكى ﭘﯘل - ﺑﯩﺴﺎت، ﻗﻮراﻟﻠﯩﺮﯨﯖلار ﺋﻪﻣﺪى ﻗﯩﺴﯩﻤﻨﯩﯔ ﺋﯩﮕﯩﻠﯩﻜﯩﺪە ﺋﻪﻣﻪس، ﺋﯚزۈﯕلارﻧﯩﯔ ﺋﯩﺨﺘﯩﻴﺎرﻟﯩﻘﯩﺪا ﺑﻮﻟﯩﺪۇ. ﺗﺎرﻗﯩﻠﯩﭗ ﻳﯘرﺗﯘﯕلارﻏﺎ ﻛﯧﺘﻪﻣﺴﯩﻠﻪر ﻳﺎﻛﻰ ﺧﺎﻟﯩﻐﺎن ﺗﻪرەﭘﻠﻪرﮔﻪ ﻛﯧﺘﻪﻣﺴﯩﻠﻪر ﺗﯘرﻣﯘش ﻛﻪﭼﯜرﺳﻪﯕلار ﺑﻮﻟﯩﺪۇ!
ﺷﯘ ﭼﺎﻏﺪا ﺋﯩﻨﯩﻢ ﺋﺎﺷﯘ ﺗﻮﭘﺘﺎ ﺑﺎر ﺋﯩﻜﻪن. ﺋﺎﺑﺪۇﻧﯩﻴﺎزﻧﯩﯔ ﺑﯘﻳﺮۇﻗﯩﺪﯨﻦ ﻛﯧﻴﯩﻦ، ﻧﯘرﻏﯘن ﺟﻪﯕﭽﯩﻠﻪر ﺑﯩﻠﻪن ﻛﻪﻟﭙﯩﻨﮕﻪ ﻳﯧﻨﯩﭗ ﻛﯧﻠﯩﭗ، دﯦﮭﻘﺎن ﺑﻮﻟﯘپ ﻛﻪﺗﺘﻰ. ﻛﯧﻴﯩﻦ ﺟﺎﮬﺎن ﺗﯩﻨﺠﯩﻐﺎﻧﺪا ﮬﯚﻛﯜﻣﻪت ﺳﺎﻗﭽﯩﻠﯩﺮى ﻛﯧﻠﯩﭗ ﺋﯘلارﻧﻰ ﺳﯜرۈﺷﺘﯜرۈپ ﻗﻮراﻟلارﻧﻰ ﻳﯩﻐﯩﯟاﻟﺪى. ﺑﯩﺮ ﻣﻪزﮔﯩﻞ ﺳﻮﻟﯩﻐﺎﻧﯩﺪى، ﻳﯘرت ﻛﺎﺗﺘﯩﻠﯩﺮى ﺋﺎرﯨﻐﺎ ﻛﯩﺮﯨﭗ ﺗﯩﻠﻪپ ﺋﯚﻳﻠﯩﺮﯨﮕﻪ ﻗﺎﻳﺘﯘرۇپ ﺋﻪﻛﻪﻟﺪى.
ﺋﺎﺑﺪۇﻧﯩﻴﺎز ﻛﯚﭼﻤﻪ ﻏﻪزﯨﻨﯩﺴﯩﻨﻰ ﻛﻪﻟﭙﯩﻨﺪﯨﻜﻰ ﺋﺎﺑﺪۇل ﻣﯩﺮاﭘﻨﯩﯔ ﺋﯚﻳﯩﮕﻪ ﭼﯜﺷﯜرۈپ ﭘﻮﺳﺖ ﻗﻮﻳﻐﺎﻧﯩﺪى.
ﺋﻮرۇﺳلارﻧﯩﯔ ﺑﯩﺮ ﺋﺎﻳﺮوﭘﯩلاﻧﻰ ﺋﺎﺑﺪۇﻧﯩﻴﺎزﻧﯩﯔ ﺟﻪﯕﭽﯩﻠﯩﺮى ﺗﻪرﯨﭙﯩﺪﯨﻦ ﺋﺎﻳﻜﯚﻟﺪە ﺳﻮﻗﯘﻟﯘپ ﺷﺎﻗﯘرﻏﺎ ﭼﯜﺷﯜپ ﻛﯧﺘﯩﭙﺘﯩﻜﻪن. ﺋﺎﺑﺪۇﻧﯩﻴﺎزلارﻧﯩﯔ ﺋﻮﻗﻰ ﺗﯜﮔﻪپ ﻛﯧﺘﯩﭗ ﻣﻪﻏﻠﯘپ ﺑﻮﻟﺪى. ﺑﻮﻟﻤﯩﺴﺎ ﺋﯧﻠﯩﺸﯩﭗ ﺷﯧﯔ ﺷﯩﺴﻪﻳﻨﻰ ﻣﻪﻏﻠﯘپ ﻗﯩلاﺗﺘﻰ. ﺳﻮۋﯦﺖ ﺋﯩﺘﺘﯩﭙﺎﻗﯩﻨﯩﯔ ﻳﺎردﯨﻤﻰ ﺑﻮﻟﻤﯩﻐﺎن ﺑﻮﻟﺴﺎ، ﺋﺎﺑﺪۇﻧﯩﻴﺎزﻧﻰ ﺗﺎرﻣﺎر ﻗﯩلاﻟﻤﺎﻳﺘﺘﻰ.

ﭘﻪﺗﺘﺎر ﺋﯩﻤﯩﻦ ﺑﯩﻠﻪن ﺑﻮﻟﻐﺎن ﺳﯚﮬﺒﻪت ﺧﺎﺗﯩﺮﯨﺴﻰ

ﭘﻪﺗﺘﺎر ﺋﯩﻤﯩﻦ 84 ﻳﺎش، ﺋﻮﻧﺴﯘ ﻧﺎﮬﯩﻴﻪ ﺑﺎزﯨﺮﯨﺪﯨﻦ. ﺋﻮﻧﺴﯘ ﻧﺎﮬﯩﻴﻪﻟﯩﻚ 1 - ﺋﻮﺗﺘﯘرا ﻣﻪﻛﺘﻪﭘﺘﯩﻦ ﭘﯧﻨﺴﯩﻴﻪﮔﻪ ﭼﯩﻘﻘﺎن ﭘﯧﺸﻘﻪدەم ﺋﻮﻗﯘﺗﻘﯘﭼﻰ. 2005 - ﻳﯩﻠﯩﺪﯨﻜﻰ ﺳﯚﮬﺒﻪﺗﺘﻪ ﺧﺎﺗﯩﺮﯨﮕﻪ ﺋﯧﻠﯩﻨﻐﺎن.
ـــــ ﺋﯧﺰﯨﺰ ﺳﺎۋۇت

1936- يىل 6 - ﺋﺎي ﺗﻮﻣﯘز ﻛﯩﺮﮔﻪن ﭼﺎغ ﺋﯩﺪى. ﻣﻪن ﺷﯘ ﭼﺎﻏﺪا 7 ﻳﺎﺷلاردا ﺋﯩﺪﯨﻢ. ﺑﯩﺮ ﺑﯩﻨﻪﭘﺘﻪ ﻛﯜﻧﻰ (ﺑﺎزار ﺋﻪﻣﻪس ﻛﯜﻧﻰ) ﺑﺎﻟﯩلار ﺑﯩﻠﻪن ﺋﻪﺷﻤﻪ ﺑﯘلاﻗﻨﯩﯔ ﺑﻮﻳﯩﺪﯨﻜﻰ ﺋﯧﮕﯩﺰ ﻳﺎر ﺋﯜﺳﺘﯩﺪە «ﺋﻮرداﻳﺎر» ﻧﺎﻣﻠﯩﻖ ﻛﻮﻧﺎ ﻗﻪﻟﺌﻪﻧﯩﯔ ﻣﻪﻳﺪاﻧﯩﺪا ﺋﻮﻳﻨﺎپ ﻳﯜرﮔﻪﻧﯩﺪﯨﻢ (ﺑﯘ ﻗﻪﻟﺌﻪﻧﻰ بەدۆﻟﻪت ـــــ ﻳﺎﻗﯘب ﺑﻪگ 1870 - ﻳﯩﻠلاردا ﺋﻪﺳﻠﯩﺪﯨﻜﻰ ﺳﻪﺋﯩﺪﯨﻴﻪﺧﺎﻧﻠﯩﻘﯩﻨﯩﯔ ﺧﺎﻧﻰ ﺳﻪﺋﯩﺪﺧﺎﻧﻨﯩﯔ ﺋﻮﻏﻠﻰ ﺋﺎﺑﺪۇرەﺷﯩﺪﺧﺎن ﺋﺎﻗﺴﯘﻏﺎ ﮬﺎﻛﯩﻢ ﺑﻮﻟﯘپ ﺗﯘرﻏﺎﻧﺪا ﺳﺎﻟﺪۇرﻏﺎن ﻛﻮﻧﺎ ﺋﯩﺰﯨﻐﺎ ﻛﯧﯖﻪﻳﺘﯩﭗ ﺳﺎﻟﺪۇرﻏﺎﻧﯩﻜﻪن، ﮬﺎزﯨﺮﻣﯘ ﺧﺎراﺑﯩﺴﻰ ﺑﺎر).
بىردىنلا ﭘﻪﺳﺘﻪ ﺑﯘلاق ﺑﯧﺸﯩﺪا ﻛﯩﺸﯩﻠﻪرﻧﯩﯔ: «ﺋﺎۋۇ ﻗﯩﻠﯩﭻ ﻛﯚﺗﯜرﮔﻪن ﺋﻮرۇس ﺑﯩﺮﺳﯩﻨﻰ ﺋﺎﻟﺪﯨﻐﺎ ﺳﯧﻠﯩﭗ ﮬﻪﻳﺪەپ ﻛﯧﻠﯩﯟاﺗﯩﺪۇ، ﭼﺎﭘﯩﺪﯨﻐﺎن ﺋﻮﺧﺸﯩﻤﺎﻣﺪۇ؟» دﯦﮕﻪن ﺋﺎۋازﻟﯩﺮى ﺋﺎﯕلاﻧﺪى. ﻳﺎر ﺋﯜﺳﺘﯩﺪﯨﻦ ﭘﻪﺳﻜﻪ ﻗﺎرﯨﺴﺎق راﺳﺖ دﯦﮕﻪﻧﺪەك ﺑﻮﻳﻰ ﺋﯧﮕﯩﺰ، ﺳﯧﺮﯨﻖ، ﺳﺎﻗﺎﻟﻠﯩﻖ، ﺷﯧﯔ ﺷﯩﺴﻪﻳﻨﯩﯔ ﺋﻪﺳﻜﯩﺮى ﻓﻮرﻣﯩﺴﯩﻨﻰ ﻛﻪﻳﮕﻪن، ﻗﻮﻟﯩﺪا ﻳﺎﻟﺘﯩﺮاپ ﻳﺎﻟﯩﯖﺎﭼلاﻧﻐﺎن ﻗﯩﻠﯩﭻ ﺗﯘﺗﻘﺎن ﺑﯩﺮ ﺋﻮرۇس ﺋﻮﺗﺘﯘرا ﺑﻮي، ﺑﯘﻏﺪاي ﺋﯚﯕﻠﯜك، ﻗﺎرا ﺑﯘرۇﺗﻠﯘق، ﻳﺎلاﯕﺒﺎش، ﻗﻮﻟﻰ ﺋﺎرﻗﯩﺴﯩﻐﺎ ﻗﯩﻠﯩﭗ ﺑﺎﻏلاﻧﻐﺎن ﺑﯩﺮ ﺋﺎدەﻣﻨﻰ ﺋﺎﻟﺪﯨﻐﺎ ﺳﯧﻠﯩﭗ ﮬﻪﻳﺪەپ ﻛﯧﻠﯩﯟاﺗﯩﺪۇ. ﺑﯘ ﺋﺎدەم ﺋﻪﺳﻠﯩﺪە ﺑﻮز دۆﯕﻠﯜك ﺑﯩﺮ ﻗﯩﺮﻏﯩﺰ ﭼﺎرۋﯨﭽﻰ ﺋﯩﻜﻪن، 30 ﻳﺎﺷلاردا ﺋﯩﺪى. ﺋﻮرۇس ﺋﻮﻧﺴﯘ ﻧﺎﮬﯩﻴﻪﺳﯩﻨﯩﯔ ﺗﯚﻣﯜرﭼﻰ دەرۋازا ﺗﻪرەﭘﺘﯩﻦ ﺷﻪرق تەرەپتىكى ﺋﻪﺷﻤﻪ ﺑﯘلاق ﺗﻪرەﭘﻜﻪ ﻗﺎراپ ﺳﻮزۇﻟﻐﺎن ﭼﻮڭ ﻛﻮﭼﺎ ﺑﯩﻠﻪن ﮬﯧﻠﯩﻘﻰ ﻗﯩﺮﻏﯩﺰﻧﻰ ﮬﻪﻳﺪەپ ﺋﻪﺷﻤﻪ ﺑﯘلاق ﺗﯜۋﯨﮕﻪ ﻛﻪﻟﺪى. ئادەملەر ﺗﻪرەپ - ﺗﻪرەﭘﺘﯩﻦ ﺑﯘ ﺋﯩﺸﻨﻰ ﻛﯚرﮔﯩﻠﻰ ﻳﯩﻐﯩﻠﯩﺸﻘﺎ ﺑﺎﺷﻠﯩﺪى. ﻣﻪﻧﻤﯘ ﻗﯩﺰﯨﻘﯩﭗ، بالىلار ﺑﯩﻠﻪن دۈﭘﯜرﻟﯩﺸﯩﭗ ﻳﯜﮔﯜرﮔﯩﻨﯩﻤﭽﻪ ﻗﯩﻴﺎ - ﭼﯩﻴﺎلار ﺑﯩﻠﻪن ﭘﻪﺳﻜﻪ ﻳﯜﮔﯜرۈپ ﭼﯜﺷﺘﯜم ۋە ﺋﯘلاﺷﻘﺎن ﺗﻮﭘﻨﯩﯔ ﺋﺎﻟﺪﯨﻐﺎ ﺋﯚﺗﯜۋاﻟﺪﯨﻢ.
ﺷﯘ ﻳﯩﻠلاردا، ﺷﯧﯔ ﺷﯩﺴﻪي ﺋﯜﭼﯜن ﺧﯩﺰﻣﻪت ﻗﯩﻠﯩﯟاﺗﻘﺎن ﺑﯩﺮ ﻛﺎزاك ﭘﻮﻟﻜﻰ (ﻓﯩﻴﻮدوروف ﺷﺎﯕﺸﻴﺎۋﻧﯩﯔ ﭘﻮﻟﻜﻰ) ﺋﻮﻧﺴﯘ ﻧﺎﮬﯩﻴﻪ ﺑﺎزﯨﺮﯨﻨﯩﯔ «ﺳﺎدﯨﻘﯩﻴﻪ» ﺑﺎﺷلاﻧﻐﯘچ ﻣﻪﻛﺘﯩﭙﯩﮕﻪ ﭼﯜﺷﻜﻪن. ﮬﯧﻠﯩﻘﻰ ﻗﯩﺮﻏﯩﺰﻧﯩﯔ ﺋﯩﺴﻤﻰ ﺋﯩﺒﺮاي ﺋﯩﻜﻪن. ﺋﻮرۇﺳلار ﺑﻮز دۆﯕﮕﻪ ﻣﯩﻨﯩﻚ ﺋﺎت ﻳﯩﻐﻘﯩﻠﻰ ﭼﯩﻘﯩﭗ ﺋﺎﮬﺎﻟﯩلارﻏﺎ ﺋﺎت ﺋﺎﻟﯟﯨﯖﻰ ﺳﯧﻠﯩﭗ زوﻣﺒﯘﻟﯘق ﻗﯩﻠﻐﺎن. ﺋﯩﺒﺮاﻳﻐﺎ ﻛﻪﻟﮕﻪﻧﺪە ﺋﯧﺘﯩﻨﻰ ﺑﻪرﻣﻪي، ﻛﺎزاك ﺋﻮرۇﺳلار ﺑﯩﻠﻪن ﺗﯘﺗﯘﺷﯘپ ﻗﺎﻟﻐﺎن. ﺋﯩﺒﺮاﻳﻨﻰ ﺷﯘ ﻳﻪردﯨلا ﺋﯘرۇپ - ﺗﯧﭙﯩﭗ ﺋﯧﺘﯩﻨﻰ ﻣﻪﺟﺒﯘرﯨﻲ ﺋﯧﻠﯩﯟﯦﻠﯩﭗ ﺋﯚزﯨﻨﻰ ﺑﺎﻏلاپ ﺋﻮﻧﺴﯘ ﺑﺎزﯨﺮﯨﻐﺎ ﺋﯧﻠﯩﭗ ﻛﻪﻟﮕﻪن، ﺑﯜﮔﯜن ﺑﻮﻟﺴﺎ ﺋﺎﺷﯘ «ﮔﯘﻧﺎﮬﻰ» ﺋﯜﭼﯜن ﺋﯚﻟﯜﻣﮕﻪ ﺑﯘﻳﺮۇﻟﻐﺎﻧﯩﻜﻪن. ﺋﻮرۇس ﮬﯧﻠﯩﻘﻰ ﻗﯩﺮﻏﯩﺰﻧﻰ ﺋﻪﺷﻤﻪ ﺑﯘلاق ﺑﯧﺸﯩﺪﯨﻦ ﭘﻪﺳﻜﻪ ﺋﯧﻠﯩﭗ ﭼﯜﺷﯜپ ﻳﻪﻧﻪ ﻏﻪرﺑﻜﻪ - ﻳﯧﯖﻰ ﺳﺎراﻳﻨﯩﯔ ﺋﺎﻟﺪﯨﻐﺎ ﻛﯧﺘﯩﺪﯨﻐﺎن ﻛﻮﭼﺎ ﺑﯧﺸﯩﺪﯨﻜﻰ «غەزنەھويلا» دەپ ﺋﺎﺗﯩﻠﯩﺪﯨﻐﺎن ﺷﯩﻤﺎﻟﻐﺎ ﻗﺎﻳﺮﯨﻠﻐﺎن ﻛﯩﭽﯩﻚ ﻛﻮﭼﺎ ﺋﯧﻐﯩﺰﯨﺪﯨﻜﻰ ﺑﺎي ﺳﯩﺠﺎﯕﻨﯩﯔ (ﺋﯩﺴﻤﺎﻳﯩﻞ ﮬﺎﺟﯩﻨﯩﯔ) ﺋﯩﻜﻜﻰ ﻗﻪۋەﺗﻠﯩﻚ ﺋﯧﺴﯩﻞ ﻗﻮرۇﺳﻰ (ﮬﺎزﯨﺮ ﺑﯘ ﻳﻪرﮔﻪ ﻧﯘرﻣﯘﮬﻪﻣﻤﻪت ﮬﺎﺟﯩﻤﻨﯩﯔ 4 ﻗﻪۋەﺗﻠﯩﻚ ﺑﯩﻨﺎﺳﻰ ﭼﯜﺷﺘﻰ) ﺋﺎﻟﺪﯨﺪﯨﻜﻰ ﻣﻪﻳﺪاﻧﻐﺎ ﺋﯧﻠﯩﭗ ﻛﻪﻟﺪى - دە، ﺋﻮﻟﺘﯘرﻏﯘزۇپ ﺑﯧﺸﯩﺪﯨﻦ ﺑﯧﺴﯩﭗ ﺋﻪﮔﺪى ۋە ﻗﯩﻠﯩﭻ ﺑﯩﻠﻪن ﭼﺎﭘﺘﻰ. ﺑﺎش ﺑﯩﺮ ﻗﯧﺘﯩﻤﺪﯨلا ﻳﻪرﮔﻪ ﭼﯜﺷﺘﻰ، ﻗﺎن ﺑﻪك ﻛﯚپ ﭼﯩﻘﯩﭗ ﻛﻪﺗﺘﻰ. ﺑﯩﺰ ﺑﺎﻟﯩلار ﺑﯘﻧﻰ ﻛﯚرۈپ ﻗﻮرﻗﯘﺷﯘپ ﭼﯩﺮﻗﯩﺮﯨﺸﯩﭗ ﻗﯧﭽﯩﭗ ﻛﻪﺗﺘﯘق.
                                        ـــــ   ﺋﯧﺰﯨﺰ ﺳﺎۋۇت

ﻗﻮﻟﯘﻣﺪﯨﻜﻰ ﻛﺎزاك ﺑﻪرﮔﻪن ﺋﺎﻟﺘﯘنلار ﺑﯩﻠﻪن ﺷﻪﮬﻪرﮔﻪ ﻳﺎﻛﻰ ﺑﺎﺷﻘﺎ ﺑﯩﺮەر ﺟﺎﻳﻐﺎ ﻛﯧﺘﯩﭗ ﻣﺎﻛﺎﻧﻠﯩﺸﯩﭗ ﺗﯩﺮﯨﻜﭽﯩﻠﯩﻚ ﻗﯩﻠﯩﭗ ﻛﯧﺘﻪﻟﻪﻳﺘﺘﯩﻢ، ﺑﯘ ﺋﺎلتۇنلار ﺗﯘرﻣﯘﺷﯘﻣﻐﺎ ﺑﺎﻳﺎﺷﺎد ﻳﯧﺘﻪﺗﺘﻰ. ﺑﯩﺮاق ﺗﯘﻏﯘﻟﯘپ ﺋﯚﺳﻜﻪن ﻳﯘرت ﻣﯧﮭﺮى، ﺋﺎﺗﺎ - ﺋﺎﻧﺎم ﭼﯩﻘﻘﺎن زﯦﻤﯩﻨﺪﯨﻦ ﺋﺎﻳﺮﯨﻠﯩﺸﻘﺎ ﻛﯚﯕﻠﯜم ﻗﻮﻳﻤﯩﺪى، ﻳﻪﻧﻪ ﮬﯧﻠﯩﻘﻰ ﺋﺎﻣﺎﻧﻪﺗﻠﻪرﻣﯘ ﻣﯧﻨﻰ ﺑﯘ ﻳﻪرﮔﻪ ﻣﻪﮬﻜﻪم ﺑﺎﻏﻠﯩﯟاﻟﻐﺎﻧﯩﺪى، ﺋﺎﻛﺎﻣﻨﻰ ﭼﻪﺗﻜﻪ ﺗﺎرﺗﯩﭗ:
ـــــ ﺋﺎﻛﺎ، ﺳﯧﻨﯩﯖﺪﯨﻦ ﻧﯧﻤﯩﻨﻰ ﻳﻮﺷﯘراﺗﺘﯩﻢ، ﺋﻪﺳﻜﻪرﻟﯩﻜﺘﻪ ﻗﯩﻤﺎر ﺋﻪۋج ﺋﯧﻠﯩﭗ ﻛﻪﺗﺘﻰ، ﻣﯧﻨﯩﯔ ﺑﯩﺮ ﭘﻪﻳﺠﺎﯕﯩﻢ ﺑﯩﺮ ﻗﯧﺘﯩﻤﻠﯩﻖ ﻗﯩﻤﺎردا ﺋﺎﻣﯩﺘﻰ ﻛﯧﻠﯩﭗ ﻧﯘرﻏﯘن تىللا - ﺋﺎﻟﺘﯘنلارنى ﺋﯘتۇۋالدى، ﻗﯩﻤﺎر ﺳﻮرۇﻧﻰ ﻛﺎﺗﺘﺎ ﺑﺎي، ﻛﯜچتىنگىرلەر ﺑﯩﻠﻪن ﺗﻮﻟﻐﺎﻧﯩﺪى، ﻛﯚﯕﯜﻟﺴﯩﺰﻟﯩﻜﻠﻪرﻧﯩﯔ ﻳﯜز ﺑﻪرﻣﻪﺳﻠﯩﻜﻰ ﺋﯜﭼﯜن ﭘﻪﻳﺠﺎﯕﻨﻰ ﻗﻮراﻟﻠﯩﻖ ﻣﯘﮬﺎﭘﯩﺰەت ﻗﯩﻠﯩﭗ ﺗﯘرﻏﺎﻧﯩﺪﯨﻢ، ﻗﯩﻤﺎر ﺋﺎرﺧﯩﺮلاﺷﻘﺎﻧﺪا ﺋﺎزراق ﺳﯜرﻛﯜﻟﯜﺷﻠﻪر ﻳﯜز ﺑﻪرﺳﯩﻤﯘ، ﻣﯧﻨﯩﯔ ﺳﯜر - ﮬﻪﻳﯟەم ﺑﯩﻠﻪن ﺋﻪۋﺟﯩﮕﻪ ﭼﯩﻘﺎﻟﻤﺎي ﺑﯧﺴﯩﻠﯩﭗ ﺗﯩﻨﭻ ﺋﯚﺗﯜپ ﻛﻪﺗﺘﻰ، ﭘﻪﻳﺠﺎﯕﯩﻢ ﺧﯘش ﺑﻮﻟﯘپ ﻛﯧﺘﯩﭗ ﺷﯘ ﻳﻪردﯨلا ﻣﺎﯕﺎ 10 ﺳﻮﻣﻠﯘق تىللادىن 10 داﻧﯩﻨﻰ ﭼﻮﺗﺎ ﺋﺎﻳﺮﯨﭗ ﺑﻪردى، ﺑﯩﺮ ﺋﺎﻣﺎل ﻗﯩﻠﯩﭗ ﺳﺎﻗلاپ ﻛﻪﻟﺪﯨﻢ، ﮬﻪﻣﻤﯩﺴﯩﻨﻰ ﺳﺎﯕﺎ ﺑﯧﺮەي، ﺋﯚزۈﯕﮕﻪ ۋە ﻣﺎﯕﺎ ﻗﻮرا - ﺟﺎي ﺳﺎلاﻳﻠﻰ، ﺋﺎﺗﺎ ﺑﻮﻟﯘپ ﻣﯧﻨﻰ ﺋﯚﻳﻠﻪپ ﻗﻮﻳﻐﯩﻦ،ـــــ دﯦﺪﯨﻢ ۋە ﺋﺎﻳﺮﯨﭗ ﻗﻮﻳﻐﺎن 10 تىللانى ﺋﺎﻟﺪﯨﻐﺎ ﻗﻮﻳﺪۇم، ﺋﺎﻛﺎم تىللالارنى ﻗﻮﻟﯩﻐﺎ ﺋﯧﻠﯩﭗ ﺧﯘش ﺑﻮﻟﯘپ ﻛﻪﺗﺘﻰ - دە، دەرﮬﺎل ﻣﯘﺋﺎﻣﯩﻠﯩﺴﯩﻨﻰ ﺋﯚزﮔﻪرﺗﺘﻰ.
ـــــ ۋاي ﺋﯘﻛﺎم، ﺳﻪن دﯦﮕﻪن ﻗﯧﺮﯨﻨﺪﯨﺸﯩﻢ، ﺋﯚﺗﻜﻪﻧﺪﯨﻜﻰ ﮔﻪﭘﻠﻪرﻧﻰ ﻛﯚﯕﻠﯜﯕﮕﻪ ﺋﺎﻟﻤﺎ! ﭘﯘﻟﯩﻤﯩﺰ ﺑﻮﻟﻤﯩﻐﺎﻧﺪﯨﻜﯩﻦ ﺷﯘﻧﺪاق ﺑﻮﻟﯘپ ﻗﺎﻟﯩﺪﯨﻜﻪن ﻛﯩﺸﻰ، ﺑﻮﻟﯩﺪۇ، ﺑﯩﻠﻠﻪ ﺗﯘراﻳﻠﻰ، ﮬﻪرﻗﺎﻳﺴﯩﻤﯩﺰ ﺋﺎﻳﺮﯨﻢ ﻗﻮرا - ﺟﺎي ﺳﺎلاﻳﻠﻰ، ﭘﯜﺗﻜﻪﻧﺪﯨﻦ ﻛﯧﻴﯩﻦ ﺋﯚﻳﻠﻪپ ﭼﯩﻘﯩﺮﯨﭗ ﻗﻮﻳﺎي، ﻟﯧﻜﯩﻦ ﺗﯧﺮﯨﻠﻐﯘ - ﺗﯩﺮﯨﻜﭽﯩﻠﯩﻜﯩﻤﯩﺰ ﺑﯩﺮﮔﻪ ﺑﻮﻟﺴﯘن، ﻳﻪر ﺋﺎز ﺋﻪﻣﻪﺳﻤﯘ؟
ﻗﻮرا - ﺟﺎي ﺳﯧﻠﯩﺸﻘﺎ ﺗﯘﺗﯘش ﻗﯩﻠﺪۇق، ئىشلار جايىدا ﻛﯧﺘﯩﯟاﺗﺎﺗﺘﻰ، ﻳﻪﯕﮕﻪﻣﻨﯩﯔ ﻣﯘﺋﺎﻣﯩﻠﯩﺴﻰ ﺗﺎزا ﻳﺎﺧﺸﻰ بولمىسىمۇ، ﺋﺎﻛﺎﻣﺪﯨﻦ ﺋﻪﻳﻤﯩﻨﯩﭗ ﭼﺎﻧﺪۇرﻣﺎي ﻳﯜردۈم، ﺋﻪﻣﻤﺎ ﺋﺎش - ﺗﺎﻣﺎﻗﺘﺎ ﭼﺎﻧﺪۇراﺗﺘﻰ. ﺳﯘيۇق - ﺳﻪﻟﻪڭ، ﻳﯘﻧﺪا - ﭼﺎﻳﻘﺎﻧﺪا، ﻛﯩﺮ - ﻗﺎت، ﭼﺎرۋا ﺑﯧﻘﯩﺶ ﺋﯩﺸﻠﯩﺮﯨﻐﯩﭽﯩﻠﯩﻚ زﯨﻤﻤﻪﻣﮕﻪ ﺋﺎرﺗﯩﻐﻠﯩﻖ، ﺗﯧﺨﻰ ﻳﯜﮔﯜر - ﻳﯧﺘﯩﻢ ئىشلار، ﺋﯧﺘﯩﺰﻟﯩﻖ ﺋﻪﻣﮕﯩﻜﯩﻨﯩﯔ ﺳﯩﺮﺗﯩﺪا، ﻣﻪﻧﻤﯘ «ﻳﺎق» دﯦﻤﻪي راﻳﯩﺸﻠﯩﻖ ﺑﯩﻠﻪن ﺋﯩﺸﻠﻪپ ﻳﯜردۈم. ﺋﺎﻛﺎﻣﻨﯩﯔ ﻗﻮرۇﺳﻰ ﺋﺎﻟﺪﯨﺪا ﭘﯜﺗﺘﻰ، ﻛﯚﭼﯜپ ﭼﯩﻘﯩﯟاﻟﻐﺎﻧﺪﯨﻦ ﻛﯧﻴﯩﻦ، ﻣﯧﻨﯩﯖﻜﯩﮕﻪ ﺗﯘﺗﯘش ﻗﯩﻠﯩﻤﯩﺰ دەۋاﺗﻘﺎﻧﺪا ﺋﻪﮬﯟاﻟﺪا ﺗﯘﻳﯘﻗﺴﯩﺰ ﺋﯚزﮔﯩﺮﯨﺶ ﺑﻮﻟﺪى، ﺑﯩﺮ ﻛﯜﻧﻰ ﺳﯧﺮﯨﻖ ﺋﻮﻳﺪا ﻣﺎل ﺑﯧﻘﯩﭗ ﻳﯜرﺳﻪم، ﻳﻮﻟﺪا ﺑﯩﺮﺳﻰ ﻳﯧﯖﻰ ﻣﻪﮬﻪﻟﻠﯩﮕﻪ ﻗﺎراپ ﻛﯧﺘﯩﯟﯦﺘﯩﭙﺘﯘ، ﻳﯩﺮاﻗﺘﯩﻦ ﻗﺎرﯨﺴﺎم ﺗﯘرﻏﯘﻧﻐﺎ ﺋﻮﺧﺸﺎپ ﻛﻪﺗﺘﻰ، ﺋﯘﻣﯘ ﻣﺎﯕﺎ ﻳﯩﺮاﻗﺘﯩﻦ ﻗﺎراپ ﺋﯩﺘﺘﯩﻚ ﻳﯜزﯨﻨﻰ ﺑﯘراپ ﺗﯧﺰ - ﺗﯧﺰ ﭼﺎﻣﺪاپ ﺋﯚﺗﯜپ ﻛﻪﺗﺘﻰ. ﻳﯜرﯨﻜﯩﻢ «ﻗﺎرﺗﺘﯩﺪە» ﻗﯩﻠﯩﭗ ﻗﺎﻟﺪى. ﺗﯘرﻏﯘن ﺑﯘ ﻣﻪﮬﻪﻟﻠﯩﺪە ﻧﯧﻤﻪ ﺋﯩﺶ ﻗﯩﻠﯩﭗ ﻳﯜرۈﻳﺪﯨﻐﺎﻧﺪۇ؟ ﺗﯧﺨﯩﭽﻪ ﻳﯘرﺗﯩﻐﺎ ﻗﺎﻳﺘﻤﺎﭘﺘﯘ - دە؟ ﻗﺎراپ ﺗﯘرﺳﺎم ﺋﯘ ﻳﯧﯖﻰ ﻣﻪﮬﻪﻟﻠﻪ ﺋﯩﭽﯩﮕﻪ ﻛﯩﺮﯨﭗ ﻛﻪﺗﺘﻰ. «ﺑﯘﻧﯩﯔ ﭘﻪﻳﺪا ﺑﻮﻟﯘﺷﯩﺪا ﺑﯩﺮ ﮔﻪپ ﺑﺎر» دﯦﺪﯨﻢ ﺋﯩﭽﯩﻤﺪە. ﻛﻪﭼﺘﻪ ﻣﺎﻟﻨﻰ ﻛﻮﻧﺎ ﻗﻮراﻏﺎ ﺳﻮﻟﯩﯟﯦﺘﯩﭗ ﺑﺎﻟﺪۇرراق ﻗﺎﻳﺘﯩﭗ ﻛﻪﻟﺪﯨﻢ. ﺋﯚي ﺋﯩﭽﯩﺪﯨﻦ ﺋﺎﻛﺎﻣﻨﯩﯔ ﺋﺎﻳﺎﻟﯩﻐﺎ ﺋﯜﻧﻠﯜك ﻗﯩﻠﯩﭗ دەۋاﺗﻘﺎن ﮔﻪﭘﻠﯩﺮى ﻗﯘﻟﯩﻘﯩﻤﻐﺎ ﻛﯩﺮدى.
ـــــ ﺗﯚﻣﯜر دﯦﮕﻪن ﺑﻪﺗﻨﯩﻴﻪت ﻣﺎﯕﺎ راﺳﯩﺖ ﮔﻪپ ﻗﯩﻠﻤﺎﭘﺘﯘ ﺋﻪﻣﻪﺳﻤﯘ، ﺑﺎﻳﯩﻘﻰ ﺗﯘرﻏﯘن دﯦﮕﻪن ﺋﺎدەﻣﻨﯩﯔ دﯦﻴﯩﺸﯩﭽﻪ ﺋﻮرۇس ﻛﻮﻣﺎﻧﺪﯨﺮ ﺋﯘﻧﯩﯖﻐﺎ 100 ﺗﯩﻠلا ﺑﻪرﮔﯩﻨﯩﻨﻰ دﯦﺮﯨﺰﯨﺪﯨﻦ ﻛﯚرۈﭘﺘﯩﻜﻪن. ﻳﻪﻧﻪ ﺑﯩﺮ ﺧﯧﭽﯩﺮﻏﺎ ﺋﯧﻐﯩﺮ  ﻳﯜك - تاقلار ﺋﺎرﺗﯩﻘﻠﯩﻖ ﺋﯩﻜﻪن، ﺋﯘ ﻛﻮﻣﺎﻧﺪﯨﺮ ﺗﯘرﻏﯘﻧﻨﻰ ﻗﺎﻳﺘﯘرۇۋﯦﺘﯩﭗ، ﺗﯚﻣﯜرﻧﻰ ﺑﯩﻠﻠﻪ ﺋﯧﻠﯩﭗ ﻛﯧﺘﯩﭙﺘﯘ، ﺗﯘرﻏﯘﻧﻨﯩﯔ ﮔﯘﻣﺎﻧﯩﭽﻪ ﺋﯘلار ﻗﯘم ﭼﯚل ﺋﯩﭽﯩﮕﻪ ﺧﯧﭽﯩﺮدﯨﻜﻰ دەﭘﻰ - دۇﻧﻴﺎﻧﻰ ﻳﻮﺷﯘرﻏﺎﻧﺪەك، ﺋﯘ ﻳﻪﻧﻪ «ﺋﺎﺷﯘ دۇﻧﻴﺎلارﻧﻰ ﺗﯧﭙﯩﭗ ﺋﺎلاﻟﯩﺴﺎق ﺋﯩﻜﻜﯩﻤﯩﺰﻧﯩﯔ ﺋﯘرۇق ﺋﻪۋلادﯨﻐﯩﭽﯩﻠﯩﻚ ﻳﯧﺘﻪﺗﺘﻰ، ﺑﯘ ﺳﯩﺮﻧﯩﯔ ﺋﺎﭼﻘﯘﭼﻰ ﺗﯚﻣﯜردە» دەﻳﺪۇ. ﺋﻪﮔﻪر ﺗﯘرﻏﯘﻧﻨﯩﯔ ﮔﯧﭙﻰ راﺳﺖ ﺑﻮﻟﺴﺎ ﺋﺎﺷﯘ دۇﻧﻴﺎلارﻧﻰ ﻗﻮﻟﻐﺎ ﭼﯜﺷﯜرسەك بولاتتى.
ﺑﯧﺸﯩﻢ «ﭘﯩﺮرﯨﺪە» ﻗﯧﻴﯩﭗ ﻛﻪﺗﺘﻰ، ﺋﯚزۈﻣﻨﻰ ﺋﺎران ﺗﯘﺗﯩﯟاﻟﺪﯨﻢ. «ﮬﯘ رەزﯨﻞ ﺋﻪﺑﻠﻪخ! دﯨﻤﯩﻴﺎن ﺷﺎﯕﯟېي ﮬﻪﻗﯩﻘﻪﺗﻪن ﻛﯚزﻟﯜك ﺋﺎدەم ﺋﯩﻜﻪن، ﺗﯘرﻏﯘﻧﻨﻰ ﺑﺎﺷﻘﺎ ﺑﺎلا ﺑﻮﻟﯩﺪۇ، ﺋﯧﺘﯩﯟﯦﺘﻪي!» دﯦﺴﻪ، ﺋﯩﭽﯩﻢ ﺋﺎﻏﺮﯨﭗ ﺗﻮﺳﯘۋاﭘﺘﯩﻤﻪن، ﻣﺎﻧﺎ ﺋﻪﻣﺪى....
ﺗﯘرﻏﯘن ﻣﯧﻨﯩﯔ ﺑﯩﻠﻪن ﺑﯩﯟاﺳﯩﺘﻪ ﻛﯚرۈﺷﺴﻪ ﺋﯘﻧﯩﻤﺎﻳﺪﯨﻐﺎنلىقىمنى ﺑﯩﻠﯩﭗ، ﺋﯘﻗﯘﺷﯘپ ﻳﯜرۈپ ﺋﺎﻛﺎﻣﻨﻰ ﺗﺎﭘﻘﺎن ۋە ﺋﯘﻧﯩﯔ ﻗﻮﻟﻰ ﺑﯩﻠﻪن ﻣﯧﻨﻰ بابلاپ ﺑﺎﻳﻠﯩﻘﻨﻰ ﻗﻮﻟﻐﺎ ﻛﯩﺮﮔﯜزۈﺷﻨﯩﯔ ﻗﻪﺳﺘﯩﮕﻪ ﭼﯜﺷﻜﻪن. ﺋﯘ ﺋﻪﺳﻠﯩﺪە ﮬﻪﻣﻤﻪ ئىشلارنى دﯦﺮﯨﺰﯨﺪﯨﻦ ﻛﯚرۈپ ﺗﯘرۇﭘﺘﯩﻜﻪﻧﺪە؟! « نىيىتىڭلار شۇ ﺑﻮﻟﯩﺪﯨﻐﺎن ﺑﻮﻟﺴﺎ ﮬﯧﭽﻨﻪرﺳﯩﮕﻪ ﺋﯧﺮﯨﺸﻪﻟﻤﻪﻳﺴﯩﻠﻪر» دﯦﺪﯨﻢ ﺋﯩﭽﯩﻤﺪە. ﺋﯚﻳﮕﻪ ﻛﯩﺮﯨﺸﯩﻤﮕﻪ ﺋﺎﻛﺎم ﮔﻪﭘﺘﯩﻦ شىپپىدە ﺗﻮﺧﺘﯩﺪى، ﭼﯩﺮاﻳﻰ ﺗﺎﺗﯩﺮﯨﭗ ﮬﻪﻣﻤﯩﺴﻰ ﺋﺎلاﻗﺰادە ﺑﻮﻟﯘﺷﯘپ ﻛﯧﺘﯩﺸﺘﻰ. ﭼﯜﻧﻜﻰ ﻣﯧﻨﯩﯖﻤﯘ ﻛﻪﻳﭙﯩﻴﺎﺗﯩﻢ ﺑﺎﺷﻘﯩﭽﻪ ﺑﻮﻟﯘپ ﻛﻪﺗﻜﻪﻧﯩﺪى. ﺑﯩﺮدەﻣﻠﯩﻚ ﻗﻮلاﻳﺴﯩﺰﻟﯩﻖ ﺳﯜﻛﯜﺗﺘﯩﻦ ﻛﯧﻴﯩﻦ ﺋﺎﻛﺎم:
ـــــ ﺗﯚﻣﯜر ﺋﻮﻟﺘﯘر! ﭼﺎرۋىلارنى ﺑﺎﻟﺪۇرلا ﺳﻮﻟﯩﯟﯦﺘﯩﭙﺴﻪن-ھە؟ ـــــ دﯦﺪى.
ـــــ ﺗﻮيدى، ﺑﺎﻟﺪۇرلا ﺳﻮﻟﯩﯟەﺗﺘﯩﻢ!
ـــــ ﻗﻮرﺳﯩﻘﯩﻢ ﺋﺎﭼﺘﻰ دﯦﮕﯩﻨﻪ؟ ﻗﺎرا ﺋﯘﻛﺎم ﺳﻪن ﺑﯩﺰﮔﻪ راﺳﺖ ﮔﻪپ ﻗﯩﻠﻤﺎﭘﺴﻪن، ﮬﯧﻠﯩﻘﻰ ﻛﺎزاك رۇس ﺑﻪرﮔﻪن تىللالار زادى ﻗﺎﻧﭽﻪ ﺋﯩﺪى؟
ـــــ ﻗﺎﻳﺴﻰ ﻛﺎزاك؟ ﮬﯧﭽﻘﺎﻧﺪاق ﻛﺎزاك - ﭘﺎزاك ﻣﺎﯕﺎ تىللا ﺑﻪرمىدى!
ـــــ ﻣﺎﯕﺎ ﺑﻪرﮔﻪن تىللالار ﻧﻪدﯨﻦ ﻛﻪﻟﮕﻪن؟
ـــــ دﯦﺪﯨﻤﻐﯘ ﻗﯩﻤﺎردا ﭼﻮﺗﺎ ﺋﺎﻟﻐﺎن دەپ!
ـــــ ﻳﺎﻟﻐﺎن ﺋﯧﻴﺘﻤﺎ، تىللالار 100 ﺋﯩﻜﻪن، ﻛﯚرﮔﻪﻧﻠﻪر ﺑﺎر!
ـــــ ﻛﯩﻤﻜﻪن ﺋﯘ؟
ـــــ ﺑﯘﻧﻰ ﺳﺎﯕﺎ دﯦﻤﻪﻳﻤﻪن، تىللالارنى ﺗﻪڭ ﺑﯚﻟﯜﺷﻪﻳﻠﻰ، ﻳﻪﻧﻪ ﻛﯚرﮔﻪﻧﻠﻪرﻧﯩﯔ دﯦﻴﯩﺸﯩﭽﻪ، ﺳﻪن ﺋﺎﺷﯘ ﻛﺎزاك ﺑﯩﻠﻪن ﺑﯩﺮﻟﯩﺸﯩﭗ ﺑﯩﺮ ﻗﯧﭽﯩﺮ ﻣﺎل- دۇﻧﻴﺎﻧﻰ ﻗﯘم ﭼﯚل ﺋﯩﭽﯩﮕﻪ ﻳﻮﺷﯘرۇﭘﺴﯩﻠﻪر، ﺷﯘﻧﻰ ﺗﯧﭙﯩﭗ ﺋﺎلاﻳﻠﻰ، ﺋﯩﻜﻜﯩﻤﯩﺰ ﺑﯧﻴﯩﭗ ﻛﯧﺘﯩﻤﯩﺰ ﺋﯘﻛﺎم...
ﺷﯘ زاﻣﺎن ﺗﯘرﻏﯘن ﻛﯚز ﺋﺎﻟﺪﯨﻤﻐﺎ ﻛﻪﻟﺪى. ﮬﻪﻣﻤﯩﺴﻰ ﺋﺎﺷﯘ ﮔﯘﻳﻨﯩﯔ ﺋﯩﺸﯩﻜﻪﻧﺪە! دﯨﻤﯩﻴﺎن ﺷﺎﯕﯟېي ﺋﯧﺘﯩﯟﯦﺘﻪي دﯦﮕﻪﻧﺪە ﺗﻮﺳﯘۋاﻟﻤﯩﺴﺎﻣﻤﯘ ﺑﻮﭘﺘﯩﻜﻪن، ﻣﺎﻧﺎ ﺋﻪﻣﺪى ﺷﺎﯕﯟېينىڭ ﮔﯧﭙﻰ راﺳﺖ ﺑﻮﻟﯘپ ﭼﯩﻘﯩﯟاﺗﯩﺪۇ، ﮬﻪي ﺋﯩﺴﺖ! ﺟﯘدۇﻧﯘم ﺋﯚرﻟﯩﺪى، ﻗﯧﺮﯨﻨﺪاش، دوﺳﺖ دﯦﮕﻪﻧﻠﻪردﯨﻦ ﻛﯧﻠﯩﯟاﺗﻘﺎن ﺑﯘ ﺷﯘﻣﻠﯘقلاردىن ﻛﻪيپىم ئۇچتى، ﻗﻪﺗﺌﯩﻲ ﺳﯩﺮ ﺑﻪرﻣﻪﺳﻠﯩﻜﻜﻪ ﻧﯩﻴﻪت ﻗﯩﻠﺪﯨﻢ.
ـــــ ﺳﺎﯕﺎ ﻗﺎرا ﻧﯩﻴﻪت ﺋﺎدەﻣﻠﻪر ﻳﺎﻟﻐﺎن ﺋﯘﭼﯘر ﻳﻪﺗﻜﯜزۈﭘﺘﯘ! ﺋﯘ ﻛﺎزاك ﺑﻮﻟﺴﺎ، ﻗﯩﺴﯩﻤﺪﯨﻜﻰ ﻛﻮﻧﺎ ﺑﺎﺷﻠﯩﻘﯩﻢ، ﮬﻪرﺑﯩﻲ ﺋﻮﻗﯘﺗﻘﯘﭼﯘم، ﻛﯧﻴﯩﻦ دۈﺷﻤﻪﻧﻠﯩﺸﯩﭗ ﻗﻮﻟﯩﻐﺎ ﺋﻪﺳﯩﺮ ﭼﯜﺷﺘﯜم، ﻗﯧﭽﯩﺮدﯨﻜﯩﺴﻰ ﺗﯘەن ﺷﯩﺘﺎﺑﯩﻨﯩﯔ ﻣﻪﺧﭙﯩﻲ ﮬﻪرﺑﯩﻲ ﺋﺎرﺧﯩﭙﻠﯩﺮى، ﻗﻪﻏﻪزﻟﻪر، ﺧﻪرﯨﺘﯩﻠﻪر، ﺋﯩﺘﺘﯩﻚ ﺑﺎزاردا ﻳﺎﻣﺎﻗﻘﺎ ﺋﺎﻟﻤﺎﻳﺪﯨﻐﺎن، ﺳﻪن ﺑﯩﺰﮔﻪ ﻣﻪﻧﭙﻪﺋﻪﺗﺴﯩﺰ ﻧﻪرﺳﯩﻠﻪر، ﺋﻪﻣﻤﺎ ﮬﻪرﺑﯩﻲ ﻗﯩﺴﯩﻤﺪا ﺋﯘ ﻧﻪرﺳﯩﻠﻪر ﺑﻪك ﻣﯘﮬﯩﻢ ﺳﺎﻧﯩﻠﯩﺪۇ، ﺷﺎﯕﯟېي ﻗﯩﺴﯩﻤﺪﯨﻦ ﺋﺎﻳﺮﯨﻠﯩﭗ ﻗﯧﻠﯩﭗ ﻗﻮﻏﺪﯨﻐﯘﭼﯩﺴﯩﺰ ﻗﺎﻟﻐﺎﭼﻘﺎ ﻣﺎﯕﺎ ﺋﯩﺸﻪﻧﭻ ﻗﯩﻠﯩﭗ، ﻳﻮﻟﻐﺎ ﻛﯩﺮﯨﭗ ﻗﯩﺴﯩﻤﻐﺎ ﻳﯧﺘﯩﺸﯩﯟاﻟﻐﯘﭼﻪ ﮬﻪﻣﺮاھ ﺑﻮﻟﯘﺷﯘﻣﻨﻰ ﺋﯚﺗﯜﻧﺪى، ﻳﻮﻟﻨﻰ باشلاپ ﻗﻮﺷﯘﻧﯩﻐﯩﭽﻪ ﻳﻪﺗﻜﯜزۈپ ﻗﻮﻳﺪۇق، ﺋﯧﺘﯩﯟەﺗﻤﻪي، ﮬﯚﻛﯜﻣﻪﺗﻜﻪ ﺗﺎﭘﺸﯘرۇپ ﺑﻪرﻣﻪي ﻗﻮﻳﯘپ ﺑﻪردى ﺷﯘ!
ـــــ ﻗﯩﭙﻘﯩﺰﯨﻞ ﻳﺎﻟﻐﺎن ﺋﯧﻴﺘﯩﯟاﺗﯩﺴﻪن!
ـــــ ﻗﺎرا ﺋﺎﻛﺎ! ﻧﯩﻴﯩﺘﯩﻢ ﺋﺎلا ﺑﻮﻟﻐﺎن ﺑﻮﻟﺴﺎ ﺑﯘ ﻳﯘرﺗﻘﺎ ﻛﻪﻟﻤﻪﻳﻤﯘ، ﺳﺎﯕﺎ ﺑﻪرﮔﻪن 10 تىللانى دەﺳﻤﯩﻲ ﻗﯩﻠﯩﭗ ﮬﻪر ﺟﺎﻳﺪا ﺟﯧﻨﯩﻤﻨﻰ ﮔﯜﻟﺪەك ﺟﺎن ﺋﯧﺘﻪﻟﻪﻳﺘﺘﯩﻢ، ﻳﯘرت ۋە ﺳﯧﻨﻰ دەپ ﻛﯧﻠﯩﭗ ﻗﺎﻟﺪﯨﻢ، ﮬﻪﻣﻤﯩﺴﯩﻨﻰ ﺳﺎﯕﺎ ﺑﻪردﯨﻢ، ﺑﻪرﻣﯩﺴﻪم ﻗﺎﻧﺪاق قىلالايتتىڭ، ﺗﯧﺨﻰ مىراسلارنى ﺗﯩﻠﻐﺎ ﺋﺎﻟﻐﯘﭼﻰ ﺑﻮﻟﻤﯩﺪﯨﻢ، ﺋﯘﻧﺪاق ﻗﯩﻠﻤﺎ ﺋﺎﻛﺎ! ﻳﺎت، ﻏﻪﻳﺮﯨﻲ، ﺋﻮﺳﺎل ﺋﺎدەﻣﻠﻪرﻧﯩﯔ ﮔﯧﭙﯩﮕﻪ ﻛﯩﺮﯨﭗ ﻳﯜرﻣﯩﮕﯩﻦ.
ﺋﺎﻛﺎم، ﻳﻪﯕﮕﻪم ﻛﯚز ﺋﯘرۇﺷﺘﯘرﯨﯟاﻟﺪى - دە، ﺗﻮﺧﺘﺎپ ﻗﺎﻟﺪى.
ـــــ ﺑﻮﭘﺘﯘ ﺋﯘﻛﺎم، ﺳﯧﻨﻰ ﺳﯩﻨﺎپ ﺑﺎﻗﺘﯩﻢ، ﺋﯧﻴﺘﻘﯩﯔ ﻛﻪﻟﻤﯩﺴﻪ ﺋﯚزۈڭ ﺑﯩﻠﻪرﺳﻪن! ـــــ دﯦﺪى.
ئىشلار ﺷﯘ ﺗﻪرﯨﻘﯩﺪە ﻣﺎﯕﺪى، ﻟﯧﻜﯩﻦ ﻣﺎﯕﺎ ﺳﯧﻠﯩﭗ ﺑﯧﺮﯨﻠﯩﺪﯨﻐﺎن ﻗﻮرا - ﺟﺎﻳﺪﯨﻦ ﮔﻪپ ﻳﻮق، ﺗﯧﺨﯩﭽﻪ ﺷﯘ ﺧﺎراﺑﻪ ﻗﻮرۇدا، ﻣﺎل - ﭼﺎرۋىلار ﺑﯩﻠﻪن ﺳﺎﻣﺎﻧﻠﯩﻘﺘﺎ ﻳﯧﺘﯩﭗ - ﻗﻮﭘﯘپ ﻳﯜردۈم، ﺋﺎش - ﺗﺎﻣﺎق، ﻛﯧﯩﻴﯩﻢ - ﻛﯧﭽﯩﻜﯩﻢ ﻛﯜﻧﺪﯨﻦ - ﻛﯜﻧﮕﻪ ﻧﺎﭼﺎرلاﺷﺘﻰ. ﺑﺎﺷﻘﺎ ﻳﻪرﮔﻪ ﻛﯧﺘﻪي دﯦﺴﻪم، ﮬﯧﻠﯩﻘﻰ ﺋﺎﻣﺎﻧﻪت ﻣﯧﻨﻰ ﭼﯜﺷﻪپ ﻗﻮﻳﻐﺎﻧﯩﺪى. ﺳﻪﻣﯩﻤﯩﻴﻪﺗﺴﯩﺰﻟﯩﻚ ﻗﯩﻠﻐﯘم ﻛﻪﻟﻤﯩﺪى.
ﺗﯘرﻏﯘن ﭘﺎت - ﭘﺎت ﺋﺎﻛﺎﻣﻨﯩﯔ ﺋﯚﻳﯩﮕﻪ ﻛﯧﻠﯩﭗ ﺗﯘرﯨﺪﯨﻐﺎن ﺑﻮﻟﯘپ ﻗﺎﻟﺪى، ﮬﻪر ﻗﯧﺘﯩﻢ ﻛﻪﻟﮕﻪﻧﺪە ﺋﻪﮬﯟاﻟﺪا ﻳﯧﯖﻰ ﺋﯚزﮔﯩﺮﯨﺶ ﻛﯧﻠﯩﭗ ﭼﯩﻘﺎﺗﺘﻰ، ﺋﺎﻛﺎﻣﻨﯩﯔ ﺳﻮﺋﺎل - ﺳﻮرﯨﻘﻰ، ﮬﻪﺗﺘﺎ ﻛﯧﭽﯩﻠﯩﺮى ﻣﻪن ﻳﺎﺗﻘﺎن ﻳﻪرﮔﻪ ﺑﯧﺮﯨﭗ ﭼﯜﺷﻪﻛﻪپ - ﺟﯚﻳﻠﯜپ ﺑﻮﻟﺴﯩﻤﯘ ﻳﯩﭗ ﺋﯘﭼﻰ ﺑﯧﺮەﻣﺪﯨﻜﯩﻦ دەپ، ﺋﯘﻳﻘﯘﻟﯘق ﮬﺎﻟﯩﺘﯩﻤﻨﻰ ﻛﯚزﯨﺘﯩﭗ ﻳﯜردى، ﺗﯘﻳﯘپ ﻗﯧﻠﯩﭗ ﺧﻪﻧﺠﻪرﻧﯩﯔ ﻛﯘﻧﯘﭘﻜﯩﺴﯩﻨﻰ ﺑﯧﺴﯩﭗ ﻗﻮﻳﯘپ ﻳﺎﺗﯩﺪﯨﻐﺎن، ﻳﯧﻨﯩﻤﺪﯨﻦ ﺋﺎﻳﺮﯨﻤﺎﻳﺪﯨﻐﺎن ﺑﻮﻟﺪۇم. ﻣﻪﻧﻤﯘ ﺧﻪﻧﺠﻪرﻧﯩﯔ ﺑﯩﺌﺎرام ﻗﯩﻠﯩﺸﯩﻐﺎ ﻛﯚﻧﯜپ ﻗﺎﻟﻐﺎﻧﯩﺪﯨﻢ، ﺳﺎلاﻣﻪﺗﻠﯩﻜﯩﻤﮕﻪ ﺗﻪﺳﯩﺮ ﻛﯚرﺳﻪﺗﻜﻪن ﺑﻮﻟﺴﯩﻤﯘ، ﺑﻪرداﺷﻠﯩﻖ ﺑﻪردﯨﻢ. ﺑﯩﺮ ﻛﯜﻧﻰ ﮬﻮﻳﻠﯩﻐﺎ ﻛﯩﺮﺳﻪم، ﻳﻪﯕﮕﻪم ﺋﺎﻛﺎﻣﻐﺎ دەۋاﺗﻘﺎن ﮔﻪﭘﻠﯩﺮى ﻗﯘﻟﯩﻘﯩﻤﻐﺎ ﻛﯩﺮﯨﭗ ﻗﺎﻟﺪى.
ـــــ ﮬﯧﻠﯩﻘﻰ ﺋﺎدەم ﻣﺎۋۇ دورﯨﻨﻰ ﺗﯚﻣﯜراﺧﯘﻧﻨﯩﯔ ﺋﯧﺸﻰ ﻳﺎﻛﻰ ﭼﯧﻴﯩﻐﺎ ﻗﻮﺷﯘپ ﺋﯩﭽﯜرۈۋەتسەڭلار ﺋﯘﻧﯩﯔ ﺟﯩﮕﯩﺮﯨﮕﻪ ﺗﻪﺳﯩﺮ ﻗﯩﻠﯩﭗ ﺧﺎﻣﯘﺷﻠﯘﻗﻘﺎ ﻳﯜزﻟﯩﻨﯩﺪۇ، ﮔﻪپ - ﺳﯚز ﮬﻪرﯨﻜﻪﺗﻠﯩﺮﯨﻨﻰ باشقۇرالمايدىغان ﺑﻮﻟﯩﺪۇ، ﺋﺎﻧﺪﯨﻦ ﺳﯩﺮ - ﺋﻪﺳﯩﺮﯨﻨﻰ ﺋﺎﺷﻜﺎرا ﻗﯩﻠﯩﺪﯨﻐﺎن ﺑﻮﻟﯩﺪۇ، ﺷﯘ ﭼﺎﻏﺪا ﮬﯧﻠﯩﻘﻰ دەﭘﻰ - دۇﻧﻴﺎلارﻧﻰ ﻗﻮﻟﻐﺎ ﭼﯜﺷﯜرﮔﯩﻠﻰ ﺑﻮﻟﯩﺪۇ دەﻳﺪۇ. ﻣﻪن ﺋﻪﮔﻪر زەﮬﻪرﻟﯩﻨﯩﭗ ﺋﯚﻟﯜپ ﺗﺎرﺗﯩﭗ ﻗﺎﻟﺴﯩﭽﯘ؟ ﺋﯘ ﭼﺎﻏﺪا ﺑﯩﺰ.... دﯦﺴﻪم ، ﻳﺎق ﺋﯚﻟﻤﻪﻳﺪۇ، ﺋﺎﺟﯩﺰلاپ ﻛﯧﺘﯩﺪۇ - ﺷﯘ! - دەﻳﺪۇ،ـــــ دېدى. ﺋﺎﻛﺎم رەت ﻗﯩﻠﯩﭗ:
ـــــ ﺋﯘ ﻣﯧﻨﯩﯔ ﺑﯩﺮ ﺗﯘﻏﻘﺎن ﻗﯧﺮﯨﻨﺪﯨﺸﯩﻢ ﺗﯘرﺳﺎ، ﭘﯘل - دۇﻧﻴﺎﻧﻰ دەپ ﺳﺎﭘﺴﺎق ﺑﯩﺮ ﺋﻪرﻧﻰ ﻧﺎﻛﺎر ﻗﯩﻠﯩﭗ ﻗﻮﻳﺴﺎق ﺋﺎﺧﯩﺮەﺗﺘﻪ ﺳﻮﺋﺎل - ﺳﻮراقلارغا ﻧﯧﻤﻪ دەپ ﺟﺎۋاب ﺑﯧﺮﯨﻤﻪن. ﻳﺎق! ﺋﯘﻧﺪاق ﻗﯩﻠﻤﺎﻳﻠﻰ! ﺋﻪپكېلىڭلار دورﯨﻨﻰ!ـــــ دﯦﺪى - دە، ﻗﻮﻟﯩﻐﺎ ﺋﯧﻠﯩﭗ ﺳﯩﺮﺗﻘﺎ ﻣﺎﯕﺪى. ﻣﻪن دەرﮬﺎل ﺑﯘرۇﻟﯘپ ﻛﻮﭼﯩﻐﺎ ﭼﯩﻘﯩﯟاﻟﺪﯨﻢ، ﺋﺎﻛﺎم ﺧﯩﻠﯟەت ﺑﯩﺮ ﻳﻪرﻧﻰ ﺗﯧﭙﯩﭗ ﺗﯚﻛﯜۋەﺗﻜﻪن ﺋﻮﺧﺸﺎﻳﺪۇ، ﮬﻪر ﮬﺎﻟﺪا ﺋﺎﻛﺎﻣﺪﯨﻦ ﺧﯘﺷﺎل ﺑﻮﻟﺪۇم. نېمىلا ﺑﻮﻟﺴﺎ ﻗﯧﺮﯨﻨﺪاش...
ﮬﻪر ﮬﺎﻟﺪا ﻳﯧﻤﻪك - ﺋﯩﭽﻤﯩﻜﯩﻤﺪﯨﻦ ﺋﯧﮭﺘﯩﻴﺎت ﻗﯩﻠﯩﺪﯨﻐﺎن ﺑﻮﻟﯘپ ﻗﺎﻟﺪﯨﻢ، ﺗﯘرﻏﯘن دﯦﮕﻪن ﻧﺎﺋﻪﮬﻠﻰ ﻛﯧﻠﯩﭗ - ﻛﯧﺘﯩﭗ ﻳﯜردى، ﻟﯧﻜﯩﻦ ﻣﺎﯕﺎ ﻳﻮﻟﯘﻗﻤﺎﻳﺘﺘﻰ، ﮬﻪر ﻛﻪﻟﮕﯩﻨﯩﺪە ﺑﻮﻟﯘﭘﻤﯘ ﻳﻪﯕﮕﻪﻣﮕﻪ ﺋﻪﭘﺴﯘﻧﻠﯩﺮﯨﻨﻰ ﺋﻮﻗﯘپ - ﺋﯚﮔﯩﺘﯩﭗ ﺗﯘراﺗﺘﻰ، ﺋﺎﺧﯩﺮى ﻳﻪﯕﮕﻪم ﺗﯘرﻏﯘﻧﻨﯩﯔ ﺋﻪﭘﺴﯘﻧﻠﯩﺮﯨﻐﺎ ﺑﻪرداﺷﻠﯩﻖ ﺑﯧﺮەﻟﻤﯩﺪى، ﺋﺎﻛﺎﻣﻤﯘ ﺑﻮﺷﺎپ ﻛﻪﺗﺘﻰ. ﺷﯘﻧﭽﻪ ﮬﻮﺷﻴﺎرﻟﯩﻖ ﻗﯩﻠﺴﺎﻣﻤﯘ، ﻳﻪﯕﮕﻪم ﺋﯚز ﻗﻮلاﻳﻠﯩﻘﻠﯩﺮﯨﺪﯨﻦ ﭘﺎﻳﺪﯨﻠﯩﻨﯩﭗ ﻣﺎﯕﺎ ﮬﯧﻠﯩﻘﻰ دورﯨﻨﻰ ﺋﯩﭽﯩﺮۈۋەﺗﺘﻰ، ﺑﻪﻟﻜﻰ ﺑﯩﺮﻗﺎﻧﭽﻪ ﻗﯧﺘﯩﻢ ﺑﻮﻟﺴﺎ ﻛﯧﺮەك، ﺷﯘﻧﺪﯨﻦ ﺑﺎﺷلاپ ﮬﻮﺷﯘم ﺟﺎﻳﯩﺪا ﺋﻪﻣﻪس ﺧﺎﻣﯘﺷﻘﺎ ﺋﺎﻳﻠﯩﻨﯩﭗ ﻗﺎﻟﺪﯨﻢ. ﺗﺎﻣﺎق ﻳﯧﮕﯜم ﻛﻪﻟﻤﻪﻳﺪۇ، ﺋﯩﺴﺴﯩﻖ - ﺳﻮﻏﯘﻗﻨﯩﻤﯘ ﺳﻪزﻣﻪﻳﻤﻪن، ﻛﯩﻴﯩﻢ - ﻛﯧﭽﻪك، ﺋﺎﺋﯩﻠﻪ روزغار، ﺧﯘﺷﺎﻟﻠﯩﻖ دﯦﮕﻪن ﺋﺎرزۇ - خىياللارنىڭ ﮬﻪﻣﻤﯩﺴﻰ ﻣﺎﯕﺎ ﻳﺎتلاشتى، ﺳﺎراﯕﻐﺎ ﺋﺎﻳﻠﯩﻨﯩﭗ ﻗﺎلاي دﯦﺪﯨﻢ. ﺑﯩﺮلا ﺋﯩﺶ ﮬﯧﻠﯩﻘﻰ ﺋﺎﻣﺎﻧﻪت، ۋەدە - ۋاﭘﺎ ﻣﯧﻨﻰ ﺑﯩﺨﻮﺗﻠﯩﺸﯩﺸﻘﺎ ﻳﻮل ﻗﻮﻳﻤﯩﺪى، ﺋﯘلار ﻣﯧﻨﻰ ﺋﻪﻳﯟەﺷﻜﻪ ﻛﻪﻟﺘﯜرەﻟﻤﯩﮕﻪﻧﺪﯨﻦ ﻛﯧﻴﯩﻦ، ﻣﺎﯕﺎ ﺑﻪك ﺋﯚچ ﺑﻮﻟﯘپ ﻛﻪﺗﺘﻰ. ﻛﯩﺸﯩﻠﻪر ﺋﺎرﯨﺴﯩﺪا «ﺑﯘلاﯕﭽﻰ»، «ﺳﺎراڭ»، «ﺋﻪﺳﻜﻪر ﺑﻮﻟﻐﺎﻧﺪا ﻧﺎﮬﻪق ﺋﺎدەم ﺋﯚﻟﺘﯜرۈپ ﺑﯘلاﯕﭽﯩﻠﯩﻖ ﻗﯩﻠﻐﺎﭼﻘﺎ ﺧﯘداﻳﯩﻢ ﺋﯘﻧﯩﯖﻐﺎ ﻛﯚرﺳﻪﺗﺘﻰ»، «ﮬﻪزەر ئەيلەڭلار، ﺋﯘ ﺟﯘنۇنلاشقانسېرى ﺋﺎدەم ﺋﯚﻟﺘﯜرۈﺷﺘﯩﻦ ﻳﺎﻧﻤﺎﻳﺪۇ» دﯦﮕﻪن ﺋﯩﻐﯟا - ﺑﯚھتانلارنى ﺗﺎرﻗﺎﺗﺘﻰ. «ﻳﺎﻟﻐﺎﻧﻨﻰ ﺋﯜچ ﻗﯧﺘﯩﻢ ﺗﻪﻛﺮارﻟﯩﺴﺎ راﺳﺘﻘﺎ ﺋﺎﻳﻠﯩﻨﯩﺪۇ» دﯦﮕﻪندەك، ﻧﺎدان ﺋﺎدەﻣﻠﻪر ﺋﺎﯕلاۋﯦﺮﯨﭗ، ﻣﯧﻨﯩﯔ ﺋﯩﻨﻜﺎﺳﺴﯩﺰﻟﯩﻘﯩﻤﺪﯨﻦ ﺑﺎرا - ﺑﺎرا ﺑﯘ ﮔﻪﭘﻠﻪرﮔﻪ ﺋﯩﺸﯩﻨﯩﺸﺘﻰ. ﺋﯚﭼﻤﻪﻧﻠﯩﻜﻰ ﺋﺎﺷﺘﻰ، ﻣﺎزاقلاپ ﺋﺎﻧﻰ ﺗﺎﭘﯩﺪﯨﻐﺎن ﺑﻮﻟﺪى، ﺋﺎﻛﺎﻣﻤﯘ ﭘﯘل - دۇﻧﻴﺎﻧﯩﯔ ﻛﻮﻳﯩﺪا، ﻣﯧﻨﻰ ﻣﯘﺷﯘ ﻛﻮﻧﺎ ﺳﺎﻣﺎﻧﻠﯩﻘﻘﺎ ﺳﻮلاپ ﻗﻮﻳﯘپ، ﺗﺎﻣﺎﻗﺘﯩﻦ ﻗﯩﺴﯩﭗ ﻗﯩﻴﻨﺎۋاﺗﯩﺪۇ، ﺋﺎﺧﯩﺮ ﺋﯘلار ﺑﯘ دۇﻧﻴﺎدا ﻣﯧﻨﻰ ﺗﯩﺮﯨﻚ ﻗﻮﻳﻤﺎﻳﺪﯨﻐﺎن ﺋﻮﺧﺸﺎﻳﺪۇ، ﮬﺎﻟﯩﻢ ﺧﺎراب، ﭘﺎت ﺋﺎرﯨﺪا ﺋﯚﻟﯜپ ﻗﺎﻟﯩﻤﻪﻧﻤﯩﻜﯩﻦ دەپ ﻗﻮرﻗﯩﻤﻪن، ﻧﯘرﺋﻪﮬﻤﻪد، سەن ﻣﻪﮬﻪﻟﻠﯩﮕﻪ ﻗﺎﻳﺘﯩﭗ ﻛﻪﻟﮕﻪﻧﺪﯨﻦ ﻛﯧﻴﯩﻦ ﮬﻪﻣﻤﻪ ﺋﻪﮬﯟاﻟﻨﻰ ﻛﯚردۈڭ، ﭼﯜﺷﻪﻧﺪىڭ، ﺑﺎﺷﻘﺎ ﻳﺎﻗﻘﺎ ﻛﯧﺘﻪي دﯦﮕﻪﻧﯩﺪﯨﻢ، ﺋﻪﻣﻤﺎ ﮬﯧﻠﯩﻘﻰ ﺋﺎﻣﺎﻧﻪت، ﺧﻪرﯨﺘﯩﻠﻪرﻧﻰ ﺗﯘﺗﻘﯘزۇپ ﺑﯧﺮﯨﺪﯨﻐﺎن ۋﯨﺠﺪاﻧﻠﯩﻖ، ﺋﯩﺸﻪﻧﭽﻠﯩﻚ ﺋﺎدەم ﺗﺎﭘﺎﻟﻤﯩﺪﯨﻢ. ﮬﻪي ﺋﯘﻛﺎم، ﮬﺎﻳﺎﺗﯩﻤﺪا ﺑﯘ ﻣﻪﮬﻪﻟﻠﯩﺪە ﺋﯘﭼﺮاﺗﻘﺎن ﺑﯩﺮدﯨﻨﺒﯩﺮ ۋﯨﺠﺪاﻧﻠﯩﻖ، ﺋﺎدﯨﻤﯩﻠﯩﻜﯩﻨﻰ ﺳﺎﻗﻠﯩﻐﺎن، ﺗﻮﻏﺮا ﻧﯩﻴﻪﺗﻠﯩﻚ ﺑﯩﺮ ﺋﯩﻨﺴﺎن ﺑﻮﻟﯘپ  يېتىشىپسەن، ﭘﻪﻗﻪت  سەنلا ﻣﯧﻨﯩﯔ ﻗﺎﻧﺪاق ﺋﺎدەﻣﻠﯩﻜﯩﻤﻨﻰ، ﻛﯩﭽﯩﻜﯩﯖﺪە ﺳﺎﯕﺎ ﻛﯚرﺳﻪﺗﻜﻪن ﺗﻪﺳﯩﺮﯨﻤﻨﻰ ﺋﯘﻧﺘﯘپ ﻗﺎﻟﻤﺎﭘﺴﻪن، ﺳﻪنلا ﺋﺎﻗﻜﯚﯕﯜل، ﺳﻪﻣﯩﻤﯩﻲ ﻣﯩﺠﻪز - ﻣﺎﮬﯩﻴﯩﺘﯩﯖﻨﻰ ﺳﺎﻗلاپ ﺗﯘرۇﭘﺴﻪن، ﮬﺎزﯨﺮ ﺳﻪن ﻣﯧﻨﻰ ﺗﻮﻏﺮا ﭼﯜﺷﻪﻧﮕﻪن، ﺗﻮﻏﺮا ﺑﺎﮬﺎ ﺑﻪرﮔﻪن، ﻣﯧﻨﯩﯔ «ﺳﺎراڭ» ﺋﻪﻣﻪس، ﺳﺎقلىقىمنى ﺋﯧﺘﯩﺮاپ ﻗﯩﻠﯩﭗ، ﺋﯘلارﻧﯩﯔ زﯨﻴﺎﻧﻜﻪﺷﻠﯩﻜﻠﯩﺮىنى ﭘﺎش ﻗﯩﻠﯩﭗ، ﺗﯚﮬﻤﻪﺗﻠﯩﺮﯨﻨﻰ رەت ﻗﯩﻠﻐﺎن، ﻣﺎﯕﺎ ﮬﻪﻗﯩﻘﯩﻲ ﺋﯩﻨﺴﺎن ﺧﯩﺴﻠﯩﺘﻰ ﭘﻪزﯨﻠﯩﺘﯩﺪە ﺋﯩﭻ ﺋﺎﻏﺮﯨﺘﻘﺎن، ﺷﻪﭘﻘﻪت ﻗﻮﻟﯘﯕﻨﻰ ﺳﻮزﻏﺎن ﺑﯩﺮ ﻳﺎﺧﺸﻰ دوﺳﺘﯘﻣﺴﻪن، ﺳﯧﻨﯩﯖﺪﯨﻦ ﺋﻪﺑﻪدﯨﻲ ﻣﯩﻨﻨﻪﺗﺪارﻣﻪن. ﻛﯚزۈﻣﺪﯨﻦ ﻳﺎش ﻗﯘﻳﯩﻠﯩﯟاﺗﺎﺗﺘﻰ، ﺗﯚﻣﯜرنىڭﺳﻪﻣﯩﻤﯩﻴﻪﺗﻜﻪ  ﺗﻮﻟﻐﺎن ﺳﯜرﯨﺪﯨﻦ ﺧﻪۋەردار ﺑﻮﻟﯘپ، ﺋﯚزۈﻣﻨﯩﯔ ﺋﯘﻧﻰ ﺗﻮﻏﺮا ﻛﯚزەﺗﻜﻪﻧﻠﯩﻜﯩﻤﺪﯨﻦ ﭘﻪﺧﯩﺮﻟﻪﻧﺪﯨﻢ، ﻳﯜرﯨﻜﯩﻤﻨﻰ ﻳﺎۋۇز ﺋﺎدەﻣﻠﻪرﮔﻪ ﺑﻮﻟﻐﺎن ﻏﻪزەپ - ﻧﻪﭘﺮەت، ﺋﯚﭼﻤﻪﻧﻠﯩﻚ، ﺗﯚﻣﯜر ﺋﺎﻛﺎﻣﻨﯩﯔ ﻗﯩﺴﻤﯩﺘﯩﮕﻪ ﺋﯩﭻ ﺋﺎﻏﺮﯨﺘﯩﺶ، ﻳﺎردەم ﺑﯧﺮﯨﺶ ﺗﯘﻳﻐﯘﺳﻰ ﭼﯩﺮﻣﯩﯟاﻟﺪى. «ﻟﻪﻧﻪت ﺳﻪﻧﻠﻪرﮔﻪ! ﺋﯘرۇغ - ﺗﯘﻏﻘﺎن، ﻗﯧﺮﯨﻨﺪاﺷﻤﯘ ﺷﯘﻧﺪاق ﺑﻮلاﻣﺪۇ؟ ﺗﯚﻣﯜر ﺋﺎﻛﺎﻣﻐﺎ ﻗﺎﻧﺪاق ﻳﺎردەم ﺑﯧﺮەﻟﯩﺸﯩﻢ ﻣﯘﻣﻜﯩﻦ؟»
ـــــ ﺋﻪﻣﺪى ﻗﺎﻧﺪاق قىلاي دەﻳﺴﯩﺰ ﺗﯚﻣﯜر ﺋﺎﻛﺎ!
ـــــ ﮬﯧﭻ ﺑﯩﻠﻪﻟﻤﯩﺪﯨﻢ، ﺋﯩﺸﻪﻧﭽﻠﯩﻚ ﺋﺎدەم ﺗﺎﭘﺎﻟﯩﺴﺎم ﺑﯘ ﺋﺎۋارىچىلىقلاردىن ﺑﯩﺮاقلا ﻗﯘﺗﯘﻟﯘﺷﻘﺎ ﮬﻪرﯨﻜﻪت ﻗﯩﻠﯩﭗ ﺑﺎﻗﺎﺗﺘﯩﻢ، ﺑﯩﺮاق ﺋﯜﻣﯩﺪﻧﯩﯔ ﻗﯩﺮﻏﯩﻘﻰ ﻛﯚرۈﻧﻤﻪﻳﯟاﺗﯩﺪۇ.
ﻣﻪﻧﻤﯘ ئىلاجسىز ﺗﯘرۇپ ﻗﺎﻟﺪﯨﻢ، ﺷﻪﺧﺴﻪن ﻏﻪزەپ - ﻧﻪﭘﺮەﺗﺘﯩﻦ ﺑﺎﺷﻘﺎ ﺋﯘ ﺋﺎدەﻣﻠﻪر ﺑﯩﻠﻪن ﺳﻪۋەﺑﺴﯩﺰلا ﻗﺎرﺷﻰ ﭼﯩﻘﻘﯩﻠﻰ، ﺋﯧﻠﯩﺸﻘﯩﻠﻰ ﺑﻮﻟﻤﺎﻳﺘﺘﻰ، ﺑﯘ ﺑﻪك ﻧﺎزۇك ﺋﯩﺶ ﺗﯘرﺳﺎ!
ﺗﯚﻣﯜر ﺋﺎﻛﺎم ﻳﻪپ ﺑﻮلاﻟﻤﯩﻐﺎن ﺋﺎﺷﻨﻰ ﺑﺎﺷﻘﺎ ﺑﯩﺮ ﻗﺎﭼﯩﻐﺎ ﺗﯚﻛﯜۋاﻟﺪى - دە، ﻗﺎﭼﯩﻨﻰ ﻣﺎﯕﺎ ﺳﯘﻧﯘپ:
ـــــ ﻗﺎﻳﺘﯩﭗ كەت! ﮬﺎۋاﺧﺎن ئاچام ﻛﯧﻠﯩﯟاﺗﯩﺪۇ ـــــ دﯦﺪى. ﺋﺎرﻗﺎﻣﻐﺎ ﻗﺎرﯨﺴﺎم راﺳﺖ ﻳﯩﺮاﻗﺘﯩﻦ ﭼﻮﯕﻨﺎم ﭘﺎيپاسلاپ ﻛﯧﻠﯩﯟاﺗﯩﺪۇ، ﻏﻪزﯨﭙﯩﻢ ﻛﻪﻟﺪى، «ﻗﺎﭼﺎنلا ﺑﻮﻟﺴﺎ ﻛﻪﻳﻨﯩﻤﮕﻪ ﻛﯩﺮﯨﯟاﻟﻐﺎن» دېدىم ئىچىمدە. ﭼﺎﻧﺪۇرﻣﺎي ﻗﻮرۇﻧﯩﯔ ﺋﺎرﻗﺎ ﺗﻪرﯨﭙﯩﺪﯨﻦ ﻛﻮﭼﯩﻐﺎ ﭼﯩﻘﯩﭗ، ﺑﺎﺷﻘﺎ ﺗﻪرەﭘﺘﯩﻦ ﻛﯧﻠﯩﯟاﺗﻘﺎﻧﺪەك ﻛﯚرۈﻧﯜش ﺑﯧﺮﯨﭗ ﺋﯚﻳﮕﻪ ﻗﺎﻳﺘﺘﯩﻢ.

ﺗﺎلادا ﻟﻪﭘﯩﻠﺪەپ ﻗﺎر ﻳﺎﻏﻤﺎﻗﺘﺎ. ﻗﺎر ئىلگىرىكى يىللاردىكى ﭘﻪﺳﯩﻞ ﺋﯘدۇمىدىن ﺑﺎﻟﺪۇر ﻳﯧﻐﯩﯟاﺗﺎﺗﺘﻰ، دﯦﻤﻪك، ﺳﻮﻏﯘق ئىلگىرىكى ﻳﯩﻠﺪﯨﻜﯩﺪﯨﻦ ﺑﺎﻟﺪۇر ﭼﯜﺷﯜپ ﻛﻪﺗﺘﻰ دﯦﮕﻪن ﮔﻪپ. ﺳﯩﻨﯩﭙﺘﺎ ﻣﯘﺋﻪﻟﻠﯩﻤﻨﯩﯔ ﺳﯚزﻟﻪۋاﺗﻘﺎن دەرﺳﻰ زادىلا ﻗﯘﻟﯩﻘﯩﻤﻐﺎ ﻛﯩﺮﻣﻪﻳﯟاﺗﺎﺗﺘﻰ، ﺋﯧﺴﻰ - ﻳﺎدﯨﻢ ﻗﺎﻳﺴﻰ ﻛﯜﻧﻰ ﺗﯚﻣﯜر ﺋﺎﻛﺎم ﺳﯚزﻟﻪپ ﺑﻪرﮔﻪن ﺧﺎﺗﯩﺮﯨﻠﻪردە، ﺑﯧﺸﯩﻐﺎ ﭼﯜﺷﻜﻪن ﻛﯜﻟﭙﻪﺗﻠﻪردە ﺋﯩﺪى. ﻗﻪﻟﺒﯩﻢ ﺋﺎﺷﯘ ﺑﯩﺮ ﺗﻮپ ﺋﺎدەﻣﻠﻪرﻧﯩﯔ ﻗﯩﻠﯩﯟاﺗﻘﺎن ﺋﻮﺳﺎﻟﻠﯩﻘﻠﯩﺮﯨﻐﺎ ﻧﻪﭘﺮەت، ﻳﺎﻟﻘﯘن ﺑﯩﻠﻪن ﻳﯧﻨﯩﭗ ﻛﯧﺘﯩﭗ ﺑﺎراﺗﺘﻰ. «ﺑﯘ ﺳﻮﻏﯘﻗﺘﺎ ﺗﯚﻣﯜر ﺋﺎﻛﺎم ﻗﺎﻧﺪاق ﻗﯩﻠﻐﺎﻧﺪۇ؟ ﺋﺎﺷﯘ ﻧﺎ ﺋﻪﮬﻠﯩﻠﻪر ﺋﯘﻧﻰ ﺋﯩﺴﺴﯩﻖ ﺋﯚﻳﮕﻪ ﻳﯚﺗﻜﯩﯟاﻟﻤﺎي، ﺳﻮﻏﯘق ﺧﺎراﺑﻪ ﺋﯚﻳﺪە ﺗﻮﯕﻠﯩﺘﯩﭗ ﺋﯚﻟﺘﯜرۈپ ﻗﻮﻳﺎرﻣﯘ؟ ﮬﯧﭽﻨﻪرﺳﯩﮕﻪ ﻗﺎرﯨﻤﺎي ﺑﺎﺷﻘﺎ ﻳﻪرﮔﻪ ﻛﻪﺗﺴﯩﻤﯘ ﺑﻮﭘﺘﯩﻜﻪن...»
ﭼﻮڭ ئانام ﻛﯚز ﺋﺎﻟﺪﯨﻤﻐﺎ ﻛﻪﻟﺪى، ﭼﻮڭ ئانامنىڭ ﻣﺎﯕﺎ ﺑﻮﻟﻐﺎن ﻣﯧﮭﺮى - ﺷﻪﭘﻘﯩﺘﯩﻨﯩﯔ ﭼﻮﯕﻘﯘرﻟﯘﻗﯩﻨﻰ ﺑﯩﻠﯩﻤﻪن، ﺷﯘﻧﺪاﻗﺘﯩﻤﯘ داﺋﯩﻢ ﻛﻪﻳﻨﯩﻤﮕﻪ ﻛﯩﺮﯨﯟﯦﻠﯩﭗ، ﮔﯜدەك ﺑﺎﻟﯩﺪەك ﺑﺎﺷﻘﯘرۇپ ﻛﯧﺘﯩﺸﻠﯩﺮﯨﺪﯨﻦ ﺑﻪك ﺑﯩﺰار ﺑﻮﻟﯘپ ﻛﻪﺗﻜﻪﻧﯩﺪﯨﻢ. ﭼﻮڭ ئاناممۇ ﺋﺎﺷﯘ ﺑﯩﺮ ﺗﻮپ ﺋﺎدەﻣﻠﻪر ﺗﻪرﯨﭙﯩﺪە ﺗﯘرۇپ ﻧﺎﮬﻪﻗﭽﯩﻠﯩﻜﻨﯩﯔ ﭼﺎﻗﯩﻨﻰ ﺋﺎيلاندۇرۇشۇپ  ﺑﯧﺮىۋاتىدۇ، ﺗﯚﻣﯜر ﺋﺎﻛﺎﻣﻨﯩﯔ «ﺳﺎراڭ» ﮬﺎﻟﻪﺗﻜﻪ ﭼﯜﺷﯜپ ﻗﯧﻠﯩﺸﯩﺪا ﭼﻮڭ ئانامنىڭمۇ ﮬﻪﺳﺴﯩﺴﻰ ﺑﺎرﻛﻪن، دﯦﮕﻪن ئوي كاللامنى چىرمىۋالدى، ﺗﯚﻣﯜر ﺋﺎﻛﺎﻣﻨﻰ ﺋﺎﺷﯘ ﺑﯩﺮ ﺗﻮپ ﻛﯩﺸﯩﻠﻪر ۋە ﭼﻮڭ ئانام ﺑﯩﺮﻟﯩﺸﯩﭗ ﻣﺎﻣﺎﺗﻠﯩﻖ دۇﻧﻴﺎﺳﯩﻐﺎ ﺋﺘﺘﯩﺮﯨﯟاﺗﻘﺎﻧﺪەك ﺑﯩﻠﯩﻨﺪى. ﻣﻪﻛﺘﻪﭘﺘﯩﻦ ﻏﻪﻣﻜﯩﻦ ﻗﺎﻳﺘﯩﭗ ﻛﯧﻠﯩﭗ ﺋﻪﻣﺪىلا  ﺋﯘﻟﯘغ ﺋﻮت ﻗﺎلاﻧﻐﺎن ﻳﺎن ﺋﻮﭼﺎﻗﻘﺎ ﻗﺎﻗﻠﯩﻨﯩﭗ ﺋﻮﺗﺴﯩﻨﯩﭗ ﺋﻮﻟﺘﯘراﺗﺘﯩﻢ، ﭼﻮڭ ئانامنىڭ ﺑﯩﺮﺳﯩﮕﻪ ۋارﻗﯩﺮﯨﻐﺎن ﺋﺎۋازى ﺋﺎﯕلاﻧﺪى.
ـــــ ﺗﺎم ﺗﯜۋﯨﺪە ﻧﯧﻤﻪ ﺋﯩﺶ ﻗﯩﻠﯩﺴﻪن؟ ﻧﻪۋرەﻣﮕﻪ ﻳﻪﻧﻪ ﺟﯩﻦ ﭼﺎﭘلاﺷﺘﯘراي دەپ ﻛﻪﻟﺪﯨﯖﻤﯘ، ﻣﺎڭ ﻛﻪت!
دﯦﺮﯨﺰﯨﺪﯨﻦ ﻗﺎرﯨﺴﺎم ﺗﯚﻣﯜر ﺋﺎﻛﺎم ﺗﺎم ﺗﯜۋﯨﺪە دۈﮔﺪۈﻳﯜپ ﺋﻮﻟﺘﯘرﻏﺎﻧﯩﻜﻪن، ﺋﯘزاﻳﯩﺪﯨﻦ ﻣﺎﯕﺎ ﺑﯩﺮ ﮔﯧﭙﻰ ﺑﺎردەك ﻗﯩلاﺗﺘﻰ.
ـــــ ﭼﻮڭ ئانا! ﺗﯚﻣﯜرﺋﺎﻛﺎﻣﻨﻰ ﺋﯚﻳﮕﻪ ﻛﯩﺮﮔﯩﻠﻰ ﻗﻮﻳﯘڭ، ﺋﻮت ﺋﯩﺴﯩﻨﻨﯩﯟاﻟﺴﯘن!
ـــــ ﻣﯘشۇ ﺑﺎﻟﯩﻨﯩﺰە، ﻣﺎﻗﯘل، ﻛﯩﺮﮔﯩﻦ!
ﻟﯧﻜﯩﻦ ﺗﯚﻣﯜرﺋﺎﻛﺎم ﻛﯩﺮﮔﯩﻠﻰ ﺋﯘﻧﯩﻤﯩﺪى، ﺋﯘ ﻛﯚزﯨﺪە ﻣﺎﯕﺎ ﺷﻪرەت ﻗﯩﻠﯩﭗ، ﻣﯧﻨﻰ ﺳﯩﺮﺗﻘﺎ ﭼﺎﻗﯩﺮدى، ﭼﺎﭘﯩﻨﯩﻤﻨﻰ ﻛﯩﻴﯩﭗ ﺳﯩﺮﺗﻘﺎ ﭼﯩﻘﺘﯩﻢ. ﭼﻮڭ ئانام ﺋﯚﻳﮕﻪ ﻳﯧﻨﯩﭗ ﻛﯩﺮﯨﭗ ﺋﯩﺶ ﺑﯩﻠﻪن ﺑﻮﻟﺪى، ﺗﯚﻣﯜر ﺋﺎﻛﺎم ﭘﯘرﺳﻪﺗﻨﻰ ﻏﻪﻧﯩﻤﻪت ﺑﯩﻠﯩﭗ ﭘﻪس ﺋﺎۋازدا ﺷﯘﻧﺪاق دﯦﺪى:
ـــــ ﻧﯘرﺋﻪﮬﻤﻪد، ﻣﯧﻨﯩﯔ ﺋﻪﻣﺪى ﭼﯩﺪﯨﻐﯘﭼﯩﻠﯩﻜﯩﻢ ﻗﺎﻟﻤﯩﺪى، ﺋﯘلار ﺋﺎﺧﯩﺮ ﻣﯧﻨﻰ ﺋﯚﻟﺘﯜرۈۋﯦﺘﯩﺪﯨﻐﺎن ﺋﻮﺧﺸﺎﻳﺪۇ، ساڭا دەﻳﺪﯨﻐﺎن ﻣﯘﮬﯩﻢ ﮔﯧﭙﯩﻢ ﺑﺎر ﺋﯩﺪى، ﺋﻪﺗﻪ ﮬﺎۋاﺧﺎن ﺋﺎﻧﺎم ۋە ﺑﺎشقىلارنىڭ ﻛﯚزﯨﮕﻪ ﻛﯚرۈﻧﻤﻪي ﺋﺎﺷﯘ ﻗﯘﻣﻠﯘﻗﺘﯩﻜﻰ ﺗﯘرﻧﯩﯔ ﻗﯧﺸﯩﻐﺎ ﺑﺎرغىن، دەل ﭼﯜش ۋاﻗﺘﯩﺪا!...
ـــــ ﻣﺎﻗﯘل، ـــــ  دﯦﺪﯨﻤﻤﻪن.
ﺗﯚﻣﯜر ﺋﺎﻛﺎم ﻟﻪﭘﻪﯕﺸﯩﭗ ﻣﺎﯕﻐﯩﻨﯩﭽﻪ ﻗﺎﻳﺘﯩﭗ ﻛﻪﺗﺘﻰ، ﺋﯚﻳﮕﻪ ﻛﯩﺮﺳﻪم ﭼﻮڭ ئانام ﮔﯘﻣﺎﻧﺴﯩﺮاپ:
ـــــ ﺗﯚﻣﯜر ﺳﺎﯕﺎ ﻧﯧﻤﯩﻠﻪرﻧﻰ دﯦﺪى؟ ـــــ دەپ ﺳﻮرﯨﺪى.
ـــــ ﮬﻪﻣﻤﻪ ﺋﯩﺸﻘﺎ ﭼﯩﭙﯩﻠﯩﯟاﻟﯩﺪﯨﻜﻪﻧﺴﯩﺰ، ﻗﯧﺮى ﺋﺎدەﻣﭽﯘ ﭼﻮڭ ﺳﯜﭘﻪت ﺑﻮﻟﯩﺪﯨﻐﺎن، ﻧﯧﻤﻪ دﯦﻤﻪﻛﭽﯩﺪى؟ ﺋﺎ ﻛﯜﻧﻰ ﺋﺎﭘﺎرﻏﺎن ﺗﺎﻣﺎق، ﭼﺎﭘﺎن، ﺋﯚﺗﯜك ﺋﯜﭼﯜن رەﮬﻤﻪت  دﯦﺪى ﺷﯘ!
ـــــ ﺷﯘﻧﺪاق ﻧﻪرﺳﯩﻠﻪرﻧﻰ ﺋﺎﭘﺎرﻏﺎﻧﻤﯩﺪﯨﯔ؟
ـــــ ﮬﻪ، ﺋﺎﭘﺎردﯨﻢ ﻗﺎﻧﺪاق؟ ﺳﻮﻏﯘﻗﺘﺎ ﺗﻮڭلاپ ﺋﯧﭽﯩﺮﻗﺎپ ﺋﯚﻟﯜپ ﻗﺎﻟﺴﺎ ﺑﻮلاﻣﺘﻰ ﺋﻪﻣﯩﺴﻪ؟! ﺑﯘ ﻣﻪﮬﻪﻟﻠﯩﺪﯨﻜﻰ ﺋﺎدەﻣﻠﻪر ﺋﯩﻨﺘﺎﻳﯩﻦ رەﮬﯩﻤﺴﯩﺰ، ﻧﺎدان ﺋﯩﻜﻪﻧﺴﯩﻠﻪر!
ﭼﻮڭ ئانام ﺧﯩﺠﯩﻞ ﺑﻮﻟﻐﺎﻧﺪەك ﺑﯩﺮ ﺋﯜﻣﭽﻪﻳﺪى ۋە:
ـــــ ﺋﯘﻧﺪاق ﺋﻪﻣﻪس ﺑﺎلام، ﻣﯧﻨﯩﯖﻤﯘ ﺑﻪك ﺋﯩﭽﯩﻢ ﺋﺎﻏﺮﯨﻴﺪۇ، ﺗﯧﮕﯩﺪﯨﻦ ﻳﺎﺧﺸﻰ ﻳﯩﮕﯩﺖ ﺋﯩﺪى! ـــــ دﯦﺪى.
ﺋﻪﺗﯩﺴﻰ دەل ﭼﯜﺷﻠﯜك ﺋﺎرام ۋاﻗﺘﯩﺪا، ﭼﻮڭ ئانام ۋە ﺑﺎﺷﻘﯩلارﻧﯩﯔ ﻛﯚزﯨﮕﻪ ﭼﯧﻠﯩﻘﻤﺎي، ﺗﺎم ﻳﺎﻗﯩﺴﻰ، ﺑﺎغ ﺗﯜۋدىكى ﭼﯩﻐﯩﺮ ﻳﻮللارنى ياقىلاپ ﻣﯚﻛﯜپ دﯦﮕﻪﻧﺪەك ﺗﯚﻣﯜر ﺋﺎﻛﺎم ﻛﯚرﺳﻪﺗﻜﻪن ﻳﻪرﮔﻪ ﻳﯜﮔﯜردۈم. ﺑﯜﮔﯜن ﻗﺎرﻣﯘ ﺗﻮﺧﺘﺎپ ﻗﯘﻳﺎش ﭘﺎرﻗﯩﺮاپ ﭼﯩﻘﻘﺎن. ﮬﺎۋا ئىللىق ﻛﯜن ﺑﻮﻟﺪى. «دەرﺳﻜﻪ ﻛﯧﭽﯩﻜﺴﻪﻣﻤﯘ ﻣﻪﻳﻠﻰ» دەﻳﺘﺘﯩﻢ ﺋﯩﭽﯩﻤﺪە. ﺳﯧﺮﯨﻖ ﺋﯚﻳﺪﯨﻜﻰ ئوتلاقتىن ﺋﯚﺗﯜپ، ﻧﯧﺮﯨﺪا ﺗﺎغ ﭼﻮﻗﻘﯩﻠﯩﺮﯨﺪەك ﭼﻮﺧﭽﯩﻴﯩﭗ ﺳﻮزۇﻟﻐﺎن، ﺑﯩﺮ - ﺑﯩﺮﯨﮕﻪ ﻣﯩﻨﮕﯩﺸﯩﭗ ﻛﻪﺗﻜﻪن ﻗﯘﻣﻠﯘﻗﻘﺎ ﻛﯩﺮدﯨﻢ، ﻗﯘﻣﻠﯘﻗﻨﯩﯔ ﺋﻮﺗﺘﯘرﯨﺴﯩﺪا، ﺋﻪﺳﯩﺮﻟﻪر ﺑﻮﻳﻰ ﻳﺎﻣﻐﯘر - ﺑﻮرانلارنىڭ زەرﺑﯩﻠﯩﺮﯨﮕﻪ ﺑﻪرداﺷﻠﯩﻖ ﺑﻪرﮔﻪن ﮬﺎﻟﺪا 10 ﻣﯧﺘﯩﺮچە ﺋﯧﮕﯩﺰﻟﯩﻜﺘﯩﻜﻰ ﺗﻮﭘﺎ ۋە ﻳﯘﻟﻐﯘن ﺗﺎﻟﻠﯩﺮﯨﻨﻰ ﮔﯩﺮەﻟﻪﺷﺘﯜرۈپ ﻗﺎﯕﺪاپ ﺳﻮﻗﯘﻟﻐﺎن ﻗﻪدﯨﻤﻰ ﺗﯘر ﮬﻪﻳﯟەت ﺳﯚﻟﻪت ﺑﯩﻠﻪن ﻗﻪد ﻛﯚﺗﯜرۈپ ﺗﯘراﺗﺘﻰ. ﻗﺎرﯨﺴﺎم ﺋﻪﺗﺮاﭘﺘﺎ ﺋﯩﻨﺴﻰ - ﺟﯩﻦ ﻳﻮق، ﺗﯚﻣﯜر ﺋﺎﻛﺎﻣﻤﯘ ﻛﯚرۈﻧﻤﻪﻳﺪۇ، ﺋﻪﺗﺮاﭘﻘﺎ سىنچىلاپ ﻗﺎرﯨﺴﺎم ﺑﯩﺮ ﻗﯘم دۆۋﯨﺴﯩﻨﯩﯔ ﺋﺎرﻗﯩﺴﯩﺪﯨﻦ ئىسقىرتقان ﺋﺎۋاز ﻛﻪﻟﺪى، ﺋﺎرﻗﯩﺪىنلا ﺗﯚﻣﯜر ﺋﺎﻛﺎم ﭘﯘلاﯕﺸﯩﭗ ﭼﯩﻘﯩﭗ ﻛﻪﻟﺪى، ﻣﯜﻛﯜﻧﯜپ ﺗﯘرﻏﺎﻧﯩﻜﻪن.
ـــــ ﺗﯧﺰراق! ـــــ دەپ ﺋﺎﻟﺪﯨﺮاﺗﺘﻰ ﺋﯘ ﻛﻪﻳﭙﯩﻴﺎﺗﻰ ﺟﯩﺪدﯨﻴﻠﯩﺸﯩﭗ،ـــــ ﺋﻪﻣﺪى ﻛﯚزدﯨﻦ ﻳﻮﻗﺎﻟﻤﯩﺴﺎم ﮬﯧﻠﯩﻘﻰ ﻣﺎل - دۇﻧﻴﺎ ﺧﺎﭘﯩﭽﯩﻠﯩﻘﯩﺪا ﺋﯚﻟﯜپ ﻛﯧﺘﯩﺪﯨﻐﺎن ﺋﻮﺧﺸﺎﻳﻤﻪن. ﺋﻮيلاپ - ﺋﻮيلاپ ﺳﯧﻨﯩﯖﺪﯨﻦ ﺋﯩﺸﻪﻧﭽﻠﯩﻚ ﺳﺎدﯨﻖ، ﺳﺎپ دﯨﻞ دوﺳﺖ ﺗﺎﭘﺎﻟﻤﯩﺪﯨﻢ، ﻣﯧﻨﯩﯔ ﻳﯜﻛﯜﻣﻨﻰ ﺋﻪﻣﺪى ﺳﻪن ﺋﯜﺳﺘﯜﯕﮕﻪ ﺋﯧﻠﯩﺸﯩﯖﻨﻰ ﺋﯜﻣﯩﺪ ﻗﯩﻠﯩﻤﻪن، ﻳﺎق دﯦﻤﯩﮕﯩﻦ! ﺳﻪن ﺑﯘﻧﻰ ﻗﯩلالاﻳﺴﻪن ۋە ﺳﯧﻨﯩﯖﺪﯨﻦ ﮬﯧﭽﻜﯩﻤﻤﯘ ﮔﯘﻣﺎنلانمايدۇ، ﺑﯘ ﺳﯩﺮﻧﻰ ﮬﯧﭽﻜﯩﻤﮕﻪ ﮬﻪﺗﺘﺎ ﺋﺎﺗﺎ - ﺋﺎﻧﺎﯕﻐﯩﻤﯘ ﺗﯩﻨﻤﺎ! ﻗﺎﻧﺪاق؟ ﺋﯜﻣﯩﺪﯨﻤﻨﻰ ﻳﻪردە ﻗﻮﻳﻤﺎﺳﺴﻪن!
ﺋﯘ ﻣﺎﯕﺎ ﺷﯘﻧﺪاق ﺑﯩﺮ ﺳﻪﻣﯩﻤﯩﻲ، ﭘﺎك ﺑﯩﺮ ﺧﯩﻞ روﮬﯩﻲ ﺋﯩﻠﺘﯩﺠﺎ ﺑﯩﻠﻪن ﺗﯩﻜﯩﻠﺪﯨﻜﻰ، ﮔﻪرﭼﻪ ﺑﯘ ﺑﻪك ﺋﯧﻐﯩﺮ ﻣﻪﺳﺌﯘﻟﯩﻴﻪت - ﻳﯜك ﺑﻮﻟﺴﯩﻤﯘ رەت ﻗﯩﻠﯩﺸﻘﺎ ﺋﺎﻣﺎﻟﺴﯩﺰ ﻗﺎﻟﺪﯨﻢ.
ـــــ ﻣﺎﻗﯘل، ﺧﺎﺗﯩﺮﺟﻪم ﺑﻮﻟﯘڭ ﺗﯚﻣﯜر ﺋﺎﻛﺎ، ﺋﺎﺧﯩﺮﯨﻐﯩﭽﻪ ۋەدەﻣﺪە ﺗﯘرﯨﻤﻪن!
ـــــ ﺋﻪﻣﯩﺴﻪ ﺳﯚزﻟﯩﺮﯨﻤﻨﻰ دﯨﻘﻘﻪت ﻗﯩﻠﯩﭗ ﺋﺎڭلا! ﻧﯩﺸﺎن ﺗﻪرەپ ﺋﻪﺗﺮاپ- ئورۇنلارغا ﺗﺎزا سىنچىلاپ قارا، ﻗﺎراپ ﺋﯧﺴﯩﯖﮕﻪ ﺋﯧﻠﯩﯟال، ﭘﯘﺧﺘﺎ ﻛﯚرۈۋال، ﺋﺎﺷﯘ ﺗﯚت ﺑﯘرﺟﻪك ﺗۇرﻧﯩﯔ ﺟﻪﻧﯘب ﺗﻪرەﭘﻜﻪ ﻗﺎرﯨﻐﺎن ﺗﯧﻤﯩﺪﯨﻦ ﺋﯘدۇل ﻳﻪﻧﻪ ﺟﻪﻧﯘﺑﻘﺎ ﻗﯘم دۆۋﯨﺴﯩﮕﻪ 300 ﻗﻪدەم ﭼﺎﻣﺪاپ ﻗﯘم ﺋﺎرﯨﺴﯩﻐﺎ ﻛﯩﺮﯨﺴﻪن، ﺑﯘرۇﻟﯘپ ﻏﻪرب ﺗﻪرەﭘﻜﻪ 200 ﻗﻪدەم، ﻳﻪﻧﻪ ﺑﯩﺮ ﺋﯚرۈﻟﯜپ ﺟﻪﻧﯘﺑﻘﺎ 200 ﻗﻪدەم ﻣﺎﯕﻐﯩﻨﯩﯖﺪا ﺗﺎﻗﯩﺮ، ﻗﯧﺘﯩﭗ ﻛﻪﺗﻜﻪن ﻗﯩﺰﻏﯘچ ﺑﯩﺮ ﻗﯘم دۆۋﯨﺴﯩﮕﻪ دۇچ ﻛﯧﻠﯩﺴﻪن، ﺑﺎﻳﻠﯩﻖ ﺋﺎﺷﯘ ﻗﯘم دۆۋﯨﺴﯩﻨﯩﯔ ﺋﺎرﻗﯩﺴﯩﻐﺎ، ﭘﻪس ﺗﻪرەﭘﻜﻪ ﻛﯚﻣﯜﻟﮕﻪن. ﺋﺎﺳﺎﻧﻠﯩﻘﭽﻪ ﺑﺎﻳﻘﯩﻐﯩﻠﻰ ﺑﻮﻟﻤﺎﻳﺪۇ، ﺑﯘ ﻗﯘم ﮬﻪرﻗﺎﻧﺪاق ﺑﻮران - ﭼﺎﭘﻘﯘﻧﺪﯨﻤﯘ ﻛﯚﭼﻤﻪﻳﺪۇ. ﻣﺎﻧﺎ ﺑﯘ ﺧﻪرﯨﺘﻪ، ﻣﻪﮬﻜﻪم ﺳﺎقلا! ﺋﺎﻣﺎﻧﻪت ﺋﯩﮕﯩﺴﻰ ﻣﻪﻳﻠﻰ كىملا ﺑﻮﻟﻤﯩﺴﯘن ﻣﯘﺷﯘ ﺧﻪرﯨﺘﻪ ﺑﯩﻠﻪن ﻛﯧﻠﯩﺪۇ، ﺧﻪرﯨﺘﻪ ﺷﻪرت! ﺋﯩﻜﻜﻰ ﺧﻪرﯨﺘﻪ ﺋﻮﺧﺸﺎش ﺑﻮﻟﻐﺎﻧﺪىلا ﺋﯩﺸﻪﻧﭻ ﺗﯘرﻏﯘزۇﻟﻐﺎن ﺑﻮﻟﯩﺪۇ، ﺋﺎﻧﺪﯨﻦ ﺑﯘ ﻗﯘم دۆۋﯨﺴﯩﻨﻰ ﻛﯚرﺳﯩﺘﯩﭗ ﺋﺎﻣﺎﻧﻪﺗﻨﻰ ﺋﯚﺗﻜﯜزۈپ ﺑﯧﺮﯨﺴﻪن، ﻛﻪﻟﮕﯜﭼﯩﻠﻪر ﻣﯧﻨﻰ ﺗﺎﭘﺎﻟﻤﺎي ﻣﻪﮬﻪﻟﻠﯩﺪﯨﻜﯩﻠﻪرﮔﻪ زوراۋاﻧﻠﯩﻖ ﺋﯩﺸﻠﯩﺘﯩﭗ ﻗﺎﻟﺴﺎ، ﺋﯚزۈڭ ﺗﻪﺷﻪﺑﺒﯘﺳﻜﺎرﻟﯩﻖ ﺑﯩﻠﻪن ﺋﺎﺷﻜﺎرﯨﻠﯩﻨﯩﭗ ﺋﺎﻣﺎﻧﻪﺗﻨﻰ ﺗﺎﭘﺸﯘر، ﻣﯘﺷﯘ ﺋﺎﻣﺎﻧﻪﺗﻨﻰ ﺋﯩﺰدەپ ﻛﻪﻟﮕﯜﭼﯩﻠﻪرﻧﯩﯔ ﺋﯘﭼﯘرﯨﻨﻰ ﺋﺎﻟﻐﺎن ﮬﺎﻣﺎن ﺗﯩﯔ - تىڭلا. ﺋﯘلارﻧﻰ ﻛﯚزەت، ﺷﯘلار ﺋﯩﻜﻪﻧﻠﯩﻜﯩﮕﻪ ﺟﻪزم قىلاﻟﯩﺴﺎڭ ﻛﯚرۈﺷﻜﯩﻦ، ﺟﻪزﯨﻢ قىلاﻟﻤﯩﺴﺎڭ ﺳﯜﻛﯜت ﻗﯩﻞ، ۋاﻗﯩﺖ، ﭘﻪﻳﺖ ﻛﯜت، ﻛﺎزاك دﯨﻤﯩﻴﺎن ﺷﺎﯕﯟېي 54 ياشلاردا، ﺋﯧﮕﯩﺰ، ﮔﻪۋدﯨﻠﯩﻚ، ﺋﺎق ﺳﯧﺮﯨﻖ ﻳﯜز، ﭼﯧﻘﯩﺮ ﻛﯚز، ﺳﯧﺮﯨﻖ ﭼﺎچ، ﭘﯧﺸﺎﻧﯩﺴﯩﺪە ﻗﯧﻠﯩﭻ ﺋﯩﺰﯨﺪﯨﻦ ﻗﺎﻟﻐﺎن ﺗﺎرﺗﯘﻗﻰ ﺑﺎر ﺋﺎدەم، ﺋﻪﮔﻪر ﺑﺎﺷﻘﯩﺴﻰ ﻛﻪﻟﺴﻪ ﺧﻪرﯨﺘﻪ ﺋﺎﺳﺎس، ﻳﻪﻧﻪ ﮔﻪپ - ﺳﯚزﻟﯩﺮﯨﻨﯩﯔ ئورامىغا ﻗﺎراپ ﺋﯩﺶ ﻗﯩﻞ، ﺋﯧﺰﯨﭗ ﺧﺎﺗﺎ ﻗﯩﻠﯩﭗ ﻗﻮﻳﻤﺎ!
ﺋﯘ ﻣﯧﻨﻰ ﺋﻪﮔﻪﺷﺘﯜرۈپ ﺗﯘر ﺗﻪرەﭘﻠﻪر، ﻗﻪدەم ﺳﺎﻧﻰ، ﺑﯘرۇلۇشلار ۋە ﮬﯧﻠﯩﻘﻰ ﻗﯘم دۆۋﯨﺴﯩﮕﯩﭽﯩﻠﯩﻚ ﺗﻪﻛﺮار - ﺗﻪﻛﺮار ﺗﻪﻗﻠﯩﺪﯨﻲ ﮬﻪرﯨﻜﻪﺗﻠﻪر ﺑﯩﻠﻪن ﻛﯚرﺳﻪﺗﺘﻰ. ﻣﻪﻧﻤﯘ زﯦﮭﻨﯩﻢ ﺑﯩﻠﻪن سىنچىلاپ ﻗﺎراپ ﭘﯘﺧﺘﺎ ﺗﻪﻛﺮارلاپ ﺋﯧﺴﯩﻤﮕﻪ ﺋﯧﻠﯩﯟاﻟﺪﯨﻢ.
ـــــ ﻣﯘﺑﺎدا ـــــ دﯦﺪﯨﻢ ﮬﻪر ﺋﯧﮭﺘﯩﻤﺎﻟﻠﯩﻘﻨﻰ ﻧﻪزەردە ﺗﯘﺗﯘپ،ـــــ ۋاﻗﯩﺖ ﺋﯘزﯨﺮاپ ﺗﻪﻗﺪﯨﺮ - ﻗﯩﺴﻤﻪن، ﺳﻪۋەﺑﻠﻪر ﺗﯜﭘﻪﻳﻠﯩﺪﯨﻦ ﺋﺎﻣﺎﻧﻪت ﺋﯩﮕﯩﺴﻰ ﻛﻪﻟﻤﯩﺴﯩﭽﯘ؟ ﺋﺎلتۇنلار ﻗﯘم ﺋﺎﺳﺘﯩﺪا ﺋﻪﺑﻪدﯨﻲ ﻗﺎلاﻣﺪۇ؟
ـــــ ﺳﻪﻧﻤﯘ ـــــ دﯦﺪى ﺗﯚﻣﯜر ﺋﺎﻛﺎم ﻛﯜﻟﯜپ ﻛﯧﺘﯩﭗ، ـــــ ﺋﯚز ۋاﻗﺘﯩﺪا دﯨﻤﯩﻴﺎن ﺷﺎﯕﯟېيغا ﻗﻮﻳﻐﺎن ﺳﻮﺋﺎﻟﯩﻤﻨﻰ ﺋﻪﺳﻠﻪﺗﺘﯩﯔ، ﺋﯘ ﻛﺎزاك «ﮔﯧﭙﯩﯔ ﺋﻮرۇﻧﻠﯘق ﺗﯚﻣﯜر، ﻧﺎۋادا ﺋﻪﮬﯟاﻟﺪا ﺋﯚزﮔﯩﺮﯨﺶ ﺑﻮﻟﯘپ ﻣﻪن ﻳﺎﻛﻰ ﻣﯧﻨﯩﯔ ﺋﺎدەﻣﻠﯩﺮﯨﻤﻤﯘ ﻛﻪﻟﻤﯩﺴﻪ، ﺑﻪش ﻳﯩﻠﻐﯩﭽﻪ ﺳﺎقلا، ﺋﺎﻟﺘﯘنلارنىڭ ﻗﯘم ﺋﺎﺳﺘﯩﺪا ﻗﯧﻠﯩﺶ ﺧﻪۋﭘﻰ ﺗﯘﻏﯘﻟﺴﺎ، ﺋﯚزۈڭ ﺋﯩﺸﻠﻪﺗﻜﯩﻦ، ﻗﻮرۇﻧﺴﺎڭ، دﯨﻠﯩﯔ ﺗﺎرﺗﻤﯩﺴﺎ، ﺑﯩﺌﻪپ ﻛﯚرﺳﻪڭ، ﺋﯧﭽﯩﭗ ﺋﯧﻠﯩﭗ ﻧﺎﻣﺮاتلارغا، ﺋﯩﺸﻠﻪﻣﭽﻰ دﯦﮭﻘﺎﻧلارﻏﺎ ﺗﺎرﻗﯩﺘﯩﭗ ﺑﻪر ﻳﺎﻛﻰ ﺋﯚزۈڭ ﺳﺎۋاﺑﻠﯩﻖ دەپ ﻗﺎرﯨﻐﺎن ﺑﯩﺮەر ﻳﺎﺧﺸﻰ ﺋﯩﺸﻘﺎ ﺳﻪرپ ﻗﯩﻠﯩﯟەت، ﺋﻪﻣﻤﺎ ﮬﻪرﮔﯩﺰ ﺋﺎﭼﻜﯚز، ﺑﯧﺨﯩﻞ، رەزﯨﻞ ﺋﺎدەﻣﻠﻪرﻧﯩﯔ، ﺑﺎي - ﻏﻪﻧﯩﻠﻪرﻧﯩﯔ، ﺧﯩﻴﺎﻧﻪﺗﻜﺎر ﺋﻪﻣﻪﻟﺪارلارﻧﯩﯔ، ﻳﻪرﻟﯩﻚ ﺑﻪگ - ﻏﻮﺟﺎملارنىڭ ﻗﻮﻟﯩﻐﺎ ﭼﯜﺷﯜپ ﻛﻪﺗﻤﯩﺴﯘن، ﭼﯜﻧﻜﻰ ﺋﯘلار ﺋﯩﻤﺘﯩﻴﺎزﻟﯩﺮﯨﻐﺎ ﺗﺎﻳﯩﻨﯩﭗ ﭘﯘﻗﺮالارﻧﻰ ﺷﯩﻠﯩﭗ ﺗﻮﭘﻠﯩﻐﺎن ﻣﯘﺷﯘ ﺋﺎﻟﺘﯘنلارمۇ ﺋﺎﺷﯘلاردﯨﻦ ﺗﺎرﺗﯩﯟﯦﻠﯩﻨﻐﺎﻧﯩﺪى، ﻧﺎﻣﺮات، ﺋﯩﺸﻠﻪﻣﭽﯩﻠﻪرﮔﻪ ﺗﺎرﻗﯩﺘﯩﭗ ﺑﻪرﺳﻪڭ ﮬﻪﻗﯩﻘﯩﻲ ﺋﯩﮕﯩﻠﯩﺮﯨﮕﻪ ﻗﺎﻳﺘﯘرﻏﺎن ﺑﻮﻟﯩﺴﻪن ﺋﯘﻗﺘﯘﯕﻤﯘ؟» دېگەن ئىدى! ﺳﻪﻧﻤﯘ دﯨﻤﯩﻴﺎن ﺷﺎﯕﯟېي دﯦﮕﻪﻧﺪەك ﻗﯩﻞ!
ـــــ ﺋﯘﻗﺘﯘم ﺗﯚﻣﯜر ﺋﺎﻛﺎ!
- ﺋﻪﻣﯩﺴﻪ ﺋﺎيرىلايلى! ﺳﺎﯕﺎ 30 تىللا ﻗﺎﻟﺪۇردۇم. ﺋﯘ ﻣﻪن ﻳﺎﺗﻘﺎن ﺧﺎراﺑﯩﻨﯩﯔ ﺋﻮﺗﺘﯘرﯨﺴﯩﺪﯨﻜﻰ ﻗﯧﺮى ﺋﯜژﻣﯩﻨﯩﯔ ﻛﯘﯕﺘﯩﻴﯩﺪە، ﻣﻪﻧﺪە ﻳﻪﻧﻪ 60 تىللا ﺑﺎر، ﺗﯘرﻣﯘﺷﯘﻣﻐﺎ ﻳﯧﺘﯩﺪۇ. ﭘﺎت - ﭘﺎت ﻳﻮقلاپ ﺗﯘرﻏﯩﻦ، ﺑﯧﺸﯩﯖﻐﺎ ﻛﯜن ﭼﯜﺷﻜﻪﻧﺪە ﺋﯩﺸﻠﯩﺘﻪرﺳﻪن...
ـــــ ﻣﺎﯕﺎ ﮬﯧﭽﻨﯧﻤﻪ ﻛﯧﺮەك ﺋﻪﻣﻪس ﺗﯚﻣﯜر ﺋﺎﻛﺎ! ﻛﯩﭽﯩﻚ ﺗﯘرﺳﺎم، ﺋﯚﻳﺪﯨﻜﯩﻠﻪر ﺑﯩﻠﺴﻪ ﮔﯘﻣﺎن ﻗﯩﻠﯩﺪۇ، ﭼﺎﺗﺎق ﭼﯩﻘﯩﺪۇ، ﮬﻪﻣﻤﯩﺴﯩﻨﻰ ﺋﯧﻠﯩﭗ ﻛﯧﺘﯩﯔ!
ـــــ ﺗﯘرﻣﯘش دﯦﮕﻪن ﻳﺎﺧﺸﻰ ﺋﺎدەﻣﻨﻰ ﺋﺎﺳﺎن ﺗﻮﻧﯘپ ﺑﻮلاﻟﻤﺎﻳﺪۇ، ﺋﻪﻣﻤﺎ ﭘﯘل - دۇﻧﻴﺎﻧﻰ ﺗﻮﻧﯘﻳﺪﯨﻜﻪن ﺋﻪﻣﻪﺳﻤﯘ؟ ﺋﺎﺷﭙﯘزۇﻟﻐﺎ ﻛﯩﺮﯨﭗ ﺗﺎﻣﺎق ﻳﯧﺴﻪڭ، ﺳﻪن ﻣﯩﯔ ﻳﺎﺧﺸﻰ ﺋﺎدەم ﺑﻮﻟﻐﯩﻨﯩﯖﺪﯨﻤﯘ ﭘﯘﻟﯘڭ ﺑﻮﻟﻤﯩﺴﺎ ﺗﺎﻣﺎق ﺑﻪرﻣﻪﻳﺪۇ، ﻣﯘﺑﺎدا ﻗﻪﺑﯩﮫ  ﺋﺎدەم ﺑﻮﻟﺴﺎﯕﻤﯘ، ﭘﯘﻟﯘڭ ﺑﻮلسىلا ﺗﺎﻣﺎق ﻳﯧﻴﻪﻟﻪﻳﺴﻪن، ﺋﯧﻠﯩﭗ ﻗﻮي! زﯨﻴﯩﻨﻰ ﻳﻮق!
ـــــ ﺗﯚﻣﯜر ﺋﺎﻛﺎ!...
ـــــ ﺋﻪﻣﯩﺴﻪ ﺷﯘﻧﺪاق ﺑﻮﻟﺴﯘن، ﺧﻪﻳﺮ، ﺧﯘداﻏﺎ ﺋﺎﻣﺎﻧﻪت! ﺋﺎﻣﺎن ﺑﻮﻟﺴﺎق ﻛﯚرۈﺷﻪرﻣﯩﺰ، ﻟﯧﻜﯩﻦ ﺑﯘ ﻳﻪردە ﺋﻪﻣﻪس، ﺋﻪﻣﺪى ﻣﯧﻨﻰ زادىلا ﺋﯩﺰدﯨﻤﯩﮕﯩﻦ، ﺗﺎﭘﺎﻟﻤﺎﻳﺴﻪن.
ﮬﻪر ﺋﯩﻜﻜﯩﻠﯩﻤﯩﺰﻧﯩﯔ ﻛﯚزﯨﻤﯩﺰ ﻳﺎش، ﺧﻪﻳﺮﻟﯩﺸﯩﭗ ﺋﯩﻜﻜﻰ ﺗﻪرەﭘﻜﻪ ﺋﺎﻳﺮﯨﻠﺪۇق، ﺑﯩﺮﻗﺎﻧﭽﻪ ﻛﯜﻧﻠﻪرﮔﯩﭽﻪ، ﻳﺎ ﻛﻮﭼﺎ، ﻳﺎ ﺑﺎزاردا ۋە ﺧﺎراﺑﯩﻠﯩﻜﺘﻪ «ﺳﺎراڭ» ﻧﯩﯔ ﻗﺎرﯨﺴﯩﻤﯘ ﻛﯚرۈﻧﻤﯩﺪى. ﻣﻪﻛﺘﻪﭘﺘﻪ ﭘﻪﺧﯩﺮدﯨﻦ ﻣﺎﯕﺎ:
ـــــ ﻗﺎرا ﻧﯘرﺋﻪﺧﻤﻪت، ﺑﯩﺮﻧﻪﭼﭽﻪ ﻛﯜن ﺑﻮﻟﺪى «ﺳﺎراڭ» ﻛﯚرۈﻧﻤﻪﻳﺪۇ، ﮬﻪﻣﻤﻪ ﻳﻪرﻧﻰ ﺋﺎﺧﺘﯘرۇپ ﺋﯩﺰدﯨﺪۇق، ﺗﺎﭘﺎﻟﻤﯩﺪۇق. دادام «ﺑﯩﺮ ﺧﯩﻠﯟەﺗﺘﻪ ﺋﯚﻟﯜپ ﻗﺎﻟﺪﯨﻤﯩﻜﯩﻦ» دەﻳﺪۇ. ﻛﯧﻴﯩﻨﭽﻪ ﺧﻪۋﯨﺮى ﻛﯧﻠﯩﭗ ﻗﺎلار! ـــــ دﯦﺪى ﺋﯧﭽﯩﻨﻐﺎن ﮬﺎﻟﺪا، ﺋﻪﻣﻤﺎ ﺗﯧﮕﯩﺪﯨﻦ ﺧﯘﺷﺎل ﺑﻮﻟﻐﺎﻧﻠﯩﻘﻰ ﺑﯩﻠﯩﻨﯩﭗ ﺗﯘراﺗﺘﻰ. «ﺋﻪﻣﺪى ﺋﯘﻧﻰ ﻣﻪﯕﮕﯜ ﺗﺎﭘﺎﻟﻤﺎﻳﺴﯩﻠﻪر!» دﯦﮕﻪﻧﻠﻪرﻧﻰ ﻛﯚﯕﻠﯜﻣﺪﯨﻦ ﺋﯚﺗﻜﯜزدۈم ۋە ﺧﺎﺗﯩﺮﺟﻪم ﮬﺎﻟﺪا ﻳﻪﻧﻪ زەردەم ﺗﯧﺸﯩﭗ ﺗﻪﻧﻪ ﺑﯩﻠﻪن:
ـــــ ﺋﻪﻣﺪﯨﻐﯘ ﺧﯘش ﺑﻮﻟﻐﺎﻧﺴﯩﻠﻪر؟ ﻛﯚزۈﯕﻠﻪردﯨﻦ ﻧﯧﺮى ﻗﯩلاﻟﻤﺎي ﺑﯩﺌﺎرام ﺑﻮﻟﯘپ ﻳﯜرەتتىڭلار! ـــــ دﯦﺪﯨﻢ. ﭘﻪﺧﯩﺮدﯨﻦ «ۋﯨﻠﻠﯩﺪە» ﻗﯩﺰﯨﺮﯨﭗ ﻛﻪﺗﺘﻰ - دە، ﮬﻮدۇﻗﻘﺎن ﮬﺎﻟﺪا:
ـــــ ﻧﯧﻤﯩﺸﻘﺎ ﺋﯘﻧﺪاق دەﻳﺴﻪن؟ ﺑﯩﺰ ﻧﯧﻤﯩﺸﻘﺎ ﺧﯘش ﺑﻮﻟﯩﺪﯨﻜﻪﻧﻤﯩﺰ؟ ﺋﯘ داداﻣﻨﯩﯔ ﺋﯩﻨﯩﺴﻰ ﺗﯘرﺳﺎ! ـــــ دﯦﺪى. ﺷﯘﻧﯩﯖﺪﯨﻦ ﻛﯧﻴﯩﻦ ﺳﺎراڭ ﮬﯧﭽﻨﻪدە ﻛﯚرۈﻧﻤﯩﺪى. ﺟﺎﻣﺎﺋﻪت ﺋﯩﭽﯩﺪە: «ﺳﺎراڭ ﺗﯘﻳﯘﻗﺴﯩﺰ ﻏﺎﻳﯩﺐ ﺑﻮپتۇ» دﯦﮕﻪن ﮔﻪﭘﻠﻪر ۋە ﮬﻪر ﺧﯩﻞ قىياسلار ﭘﻪﻳﺪا ﺑﻮﻟﯘپ، ﺳﯚز - ﭼﯚﭼﻪك، ﺋﯩﻐﯟالارﻧﯩﯔ ﺑﺎزﯨﺮى ﭼﯩﻘﺘﻰ، ﺑﯩﺮ مەزگىلدىن ﻛﯧﻴﯩﻦ، ﺗﯘﻳﯘﻗﺴﯩﺰ ﻳﯜز ﺑﻪرﮔﻪن ﺑﯩﺮ ﻛﯚﯕﯜﻟﺴﯩﺰﻟﯩﻚ ﺳﻪۋەﺑﻰ ﺑﯩﻠﻪن ﻛﯚﺗﯜرۈﻟﮕﻪن ﺋﯩﻐﯟا ﺑﻮراﻧﻠﯩﺮى ﺋﯚزﻟﯜﻛﯩﺪﯨﻦ ﺑﯧﺴﯩﻘﯩﭗ ﻗﺎﻟﺪى. ﺗﯚﻣﯜر ﺋﺎﻛﺎم راستتىنلا ﺑﯘ ﻳﻪردﯨﻦ ﺋﻪﺑﻪدﯨﻲ ﻏﺎﻳﯩﺐ ﺑﻮﻟﻐﺎﻧﯩﺪى، ﻣﻪﻧﻤﯘ ﺋﻪﺑﻪدﯨﻲ ﺋﯘﭼﺮﯨﺸﺎﻟﻤﯩﺪﯨﻢ.

ﺑﯩﺮ ﺋﺎﻳﭽﻪ ﺋﯚﺗﯜپ ﻳﺎﻧﯟار ﺋﯧﻴﯩﻨﯩﯔ ﻗﻪﮬﺮﯨﺘﺎن ﺳﻮﻏﯘق ﻛﯜﻧﻠﯩﺮﯨﻨﯩﯔ ﺑﯩﺮﯨﺪە، ﭘﻪﺧﺮﯨﺪﯨﻦ ﻳﯜﮔﯜرﮔﻪن ﭘﯧﺘﻰ ﺋﯚﻳﯩﻤﯩﺰﮔﻪ ﻳﯩﻐﻠﯩﻐﺎن ﭘﯧﺘﻰ ﻛﯩﺮﯨﭗ ﻛﻪﻟﺪى - دە، زارلاﻧﻐﺎن ﮬﺎﻟﺪا:
ـــــ دادام ﺑﯩﻠﻪن ﮬﯧﻠﯩﻘﻰ ﺗﯘرﻏﯘن ﺋﻮﻏﺮﯨﻨﻰ ﺗﯘر ﺑﯧﺴﯩﯟﯦﻠﯩﭗ ﻳﺎﻧﺠﯩﯟﯦﺘﯩﭙﺘﯘ! ۋاي ﻧﯘرﺋﻪﺧﻤﻪد ﺟﯧﻨﯩﻢ ﺋﺎدﯨﺸﯩﻢ! ﺋﻪﻣﺪى ﻗﺎﻧﺪاق ﻗﯩلارﻣﯩﺰ؟ ﻳﯧﺘﯩﻢ - ۋەﻳﺮان ﺑﻮﻟﺪۇق ﺋﻪﻣﻪﺳﻤﯘ؟ ـــــ دەپ ﺑﻮﻳﻨﯘﻣﻐﺎ ﺋﯧﺴﯩﻠﺪى.
ﭼﯚﭼﯜپ ﻛﻪﻳﭙﯩﻢ ﺋﯘﭼﻘﺎن ﮬﺎﻟﺪا ﺋﻮرﻧﯘﻣﺪﯨﻦ ﺗﯘرۇپ ﻛﻪﺗﺘﯩﻢ.
ـــــ ﻗﺎﻧﺪاﻗلارﭼﻪ ﺗﯘر ﺑﯧﺴﯩﯟاﻟﻐﺎﻧﺪۇ؟ ـــــ دﯦﺪﯨﻢ ﺋﯧﭽﯩﻨﻐﺎن ﮬﺎﻟﺪا ﭘﻪﺧﺮﯨﺪﯨﻨﻨﻰ ﺑﻪزﻟﻪپ ﺗﯘرۇپ.
ـــــ ﺗﯜﮔﯜن ﻛﻪﭼﺘﻪ ﮬﯧﻠﯩﻘﻰ ﺗﯘرﻏﯘن دﯦﮕﻪن ﺋﻮﻏﺮى ﻳﻪﻧﻪ ﭘﻪﻳﺪا ﺑﻮﻟﺪى، دادام ﺑﯩﻠﻪن ﺋﯘزاﻗﻘﯩﭽﻪ ﮔﯘدۇﯕﻠﯩﺸﯩﭗ ﻛﻪﺗﻜﻪﻧﯩﺪى، ﻗﺎراﯕﻐﯘ ﭼﯜﺷﯜﺷﻰ بىلەنلا ﻛﻪﺗﻤﻪﻧﻠﻪرﻧﻰ ﺋﯧﻠﯩﺸﯩﭗ «ﺑﯩﺮ ﻳﻪرﮔﻪ ﺑﺎرﯨﻤﯩﺰ» دەپ ﭼﯩﻘﯩﭗ ﻛﯧﺘﯩﺸﺘﻰ. ﻛﯧﭽﯩﻨﯩﯖﻴﺎﻗﻰ ﺗﯘرﻧﯩﯔ ﺋﺎﺳﺘﯩﻨﻰ ﻛﻮﻟﯩﻐﺎن ﭼﯧﻐﻰ،  ﮬﻪﻣﻤﯩﺴﻰ ﭘﯘل - دۇﻧﻴﺎﻧﯩﯔ ﺋﯧﺰﯨﻘﺘﯘرۇﺷﻰ ﺑﯩﻠﻪن ﺑﻮﻟﻐﺎن ﺋﯩﺶ دﯦﮕﯩﻨﻪ ﺋﺎداش! ﮬﻪﻣﻤﯩﻨﻰ ﻗﯩﻠﻐﺎن ﺋﺎﺷﯘ ﺗﯘرﻏﯘن ﺋﻮﻏﺮى!
ﺗﯘر ﺋﺎﺳﺘﯩﺪﯨﻦ ﭘﯘت - ﻗﻮﻟﻠﯩﺮى ﭼﯩﻘﯩﭗ ﻗﺎﻟﻐﺎن ﺋﺎﺷﯘ ﺟﻪﺳﻪﺗﻠﻪرﻧﻰ ﺳﻪﮬﻪردە ﻗﺎرا ﻛﯚل ﺟﺎﯕﮕﯩﻠﯩﻐﺎ ﺋﻮﺗﯘﻧﻐﺎ ﻣﺎﯕﻐﺎﻧلار (ﻳﻮل ﺷﯘﻧﺪاق ﺋﯚﺗﻪﺗﺘﻰ) ﻛﯚرۈپ ﺧﻪۋەر ﻗﯩﻠﻐﺎﻧﯩﻜﻪن، ﻣﻪﮬﻪﻟﻠﯩﺪﯨﻜﯩﻠﻪرﻧﯩﯔ ﮬﻪﻣﻤﯩﺴﻰ ﻛﯚرﮔﯩﻠﻰ، ﺟﻪﺳﻪﺗﻠﯩﺮﯨﻨﻰ ﺋﺎﭼﻘﯩﻠﻰ ﻗﯘﻣﻠﯘﻗﻘﺎ ﻗﺎراپ ﻣﯧﯖﯩﺸﺘﻰ. ﭘﻪﺧﺮﯨﺪﯨﻨﻤﯘ«ﻳﯧﺘﯩﻢ ﺑﻮﻟﺪۇق دادام!» دﯦﮕﯩﻨﯩﭽﻪ يىغلاپ-زارﻟﯩﻨﯩﭗ ﺗﻮﭘﻨﯩﯔ ﺋﺎﻟﺪﯨﺪا ﻣﺎﯕﺪى.
ﺋﺎﺟﺎﻳﯩﭗ ﺗﻪﻗﺪﯨﺮ - ﻗﯩﺴﻤﻪت! ﻳﯜرﯨﻜﯩﻤﻨﻰ ﺋﺎزاب، ﺋﯧﭽﯩﻨﯩﺶ ﭼﯩﺮﻣﯩﯟاﻟﺪى. ﻛﯚزۈﻣﺪﯨﻦ ﺗﺎراملاپ ﻳﺎش ﺗﯚﻛﯜﻟﻤﻪﻛﺘﻪ، ﻣﻪﻧﻤﯘ ﺟﺎﻣﺎﺋﻪت ﺗﻮﭘﯩﻐﺎ ﻗﻮﺷﯘﻟﺪۇم، ﺋﻪﮬﯟال راﺳﺖ ﺷﯘﻧﺪاق ﺋﯩﻜﻪن.
ﺋﻪﺳﯩﺮﻟﻪردﯨﻦ ﺑﯧﺮى ﭼﯩﺪام ﺑﯩﻠﻪن ﻗﻪد ﻛﯚﺗﯜرۈپ ﺗﯘرﻏﺎن ﺗﯘر ﻣﺎل - دۇﻧﻴﺎ ﺋﺎۋارﯨﭽﯩﻠﯩﻘﻰ ﺑﯩﻠﻪن ﻧﯩﻴﯩﺘﻰ ﺑﯘزۇﻟﻐﺎنلارنىڭ ﻛﻪﺗﻤﯩﻨﻰ ﺗﻪﮔﻜﻪن ﮬﺎﻣﺎن ﺑﯘ ﮬﺎراﻣﻠﯩﻘﻨﻰ ﮬﺎر ﺋﺎﻟﺪﯨﻤﯘ، ﻏﻪزەﭘﻠﯩﻨﯩﭗ ﺟﺎزاﻟﯩﻐﯘﺳﻰ ﻛﯧﻠﯩﭗ ﻗﺎﻟﺪﯨﻤﯘ ﮔﯚﻣﯜرۈﻟﯜپ ﭼﯜشۈپتۇ.
ﺑﯘ ﺋﯩﺸﻨﯩﯔ ﺳﯩﺮ-ﺋﻪﺳﯩﺮارى ﺟﺎﻣﺎﺋﻪﺗﻜﻪ ﭼﯜﺷﯜﻧﯜﻛﺴﯩﺰ ﺋﯩﺪى، ﭘﻪﻗﻪت ﻣﻪنلا ﭼﯜﺷﯩﻨﯩﻤﻪن ۋە ﭘﻪرەز قىلالايمەن. ﺗﯘرﻏﯘن ﭘﻪﻳﺪا ﺑﻮﻟﯘپ «ﺳﺎراڭ» ﻧﯩﯔ ﻏﺎﻳﯩﺐ ﺑﻮﻟﻐﺎﻧﻠﯩﻘﯩﻐﺎ ﻗﺎﺗﺘﯩﻖ ﺋﯚﻛﯜﻧﮕﻪن، ﻳﯩﭗ ﺋﯘﭼﯩﻨﯩﯔ ﻗﻮﻟﺪﯨﻦ ﭼﯩﻘﯩﭗ ﻛﻪﺗﻜﯩﻨﯩﮕﻪ ﮬﻪﺳﺮەت ﭼﻪﻛﻜﻪن ﺑﯘ ﻣﻪﻟﺌﯘن ﻳﻪﻧﻪ ﺑﯩﺮ دﯨﻠﻰ ﻗﺎرا ﺋﺎﺳﯩﻲ ﺋﺎﻛﯩﻐﺎ ﻳﯧﯖﻰ ﺑﯩﺮ رەزﯨﻞ ﭘﯩلاﻧﻨﻰ ﻛﯚرﺳﻪﺗﻜﻪن. ﺋﯘ «ﻳﯩﭗ ﺋﯘﭼﻰ ﻳﻮﻗﺎﻟﺴﯩﻤﯘ، ﻟﯧﻜﯩﻦ ﻗﯘﻳﺮۇﻗﻰ ﺑﺎر، ﺷﯘﻧﯩﯖﺪﯨﻦ ﺑﯩﺰ ﺑﯘ ﻣﺎل- دۇﻧﻴﺎلارﻧﻰ ﺗﯧﭙﯩﯟالالاﻳﻤﯩﺰ. ﺋﺎﺷﯘ ﻛﯜﻧﻰ ﺗﯚﻣﯜر ﮬﯧﻠﯩﻘﻰ ﻛﺎزاك ﺑﯩﻠﻪن ﻳﯜك ﺋﺎرﺗﯩﻠﻐﺎن ﺧﯧﭽﯩﺮﻧﻰ ﺋﺎﻟﺪﯨﻐﺎ ﺳﯧﻠﯩﭗ ﻗﯘﻣﻠﯘق ﺗﻪرەﭘﻜﻪ ﻗﺎراپ ﻣﺎﯕﺪى. ﻣﯧﻨﻰ ﺑﻮﻟﺴﺎ ﻗﻮﻏﻠﯩﯟەﺗﺘﻰ، ﮔﯘﻣﺎﻧﯩﻢ ﻗﻮزﻏﺎﻟﺪى، ﻳﯧﻘﯩﻨﺪﯨﻦ ﺋﻪﮔﯩﺸﯩﭗ ﻛﯚزەﺗﺴﻪم ﺳﯧﺰﯨﭗ ﻗﺎﻟﺴﺎ ﺋﯧﺘﯩﯟﯦﺘﻪﺗﺘﻰ. ﺷﯘﯕﺎ ﻳﯩﺮاﻗﺘﯩﻦ ﻛﯚزەﺗﺘﯩﻢ. ﺋﯘلار ﺗﯘر ﺋﺎﻟﺪﯨﺪا ﺗﻮﺧﺘﺎپ ﭼﺎﻣﺪاپ ﺋﯚﻟﭽﯩﮕﯩﻠﻰ ﺗﯘردى«ﮬﻪ، ﺧﯧﭽﯩﺮدﯨﻜﻰ ﻳﯜك ﭼﻮﻗﯘم دەﭘﻰ - دۇﻧﻴﺎ ﺋﯩﻜﻪن، ﺗﯘرﻧﯩﯔ ﺋﺎﺳﺘﯩﻐﺎ ﻛﯚﻣﯜﺷﻨﻰ ﺋﻮﻳلاۋﯦﺘﯩﭙﺘﯘ، ﮬﻪرﻗﺎﻧﺪاق ﺋﻪﮬﯟاﻟﺪﯨﻤﯘ ﻗﻮزﻏﺎﻟﻤﺎس ﺋﯧﻨﯩﻖ ﺑﻪﻟﮕﻪ مۇشۇ تۇر، دەپ ﺋﯩﺸﻪﻧﭻ ﮬﺎﺳﯩﻞ ﻗﯩﻠﺪﯨﻢ. ﻛﯚرۈپ ﻗﻮﻳﯘپ ﻗﺎﻳﺘﯩﭗ ﻛﻪﻟﺪﯨﻢ. ﺋﯩﻜﻜﯩﻤﯩﺰ ﻛﯧﭽﯩﻠﻪپ ﺑﯧﺮﯨﭗ دەﭘﻰ - دۇﻧﻴﺎلارﻧﻰ ﺗﯘر ﺋﺎﺳﺘﯩﺪﯨﻦ ۋاﻗﺘﯩﺪا ﻗﯧﺰﯨﯟالاﻳﻠﻰ! » دﯦﮕﻪن ﺑﻮﻟﯘﺷﻰ ﻣﯘﻣﻜﯩﻦ.
ﭘﯘل-دۇﻧﻴﺎ ﻣﻪﺳﺘﺎﻧﯩﻠﯩﻘﯩﺪا ﺋﻪﻗﻠﯩﺪﯨﻦ ﺋﺎزﻏﺎن ﺋﺎﻛﺎم«راﺳﺖ ﺑﻮﻟﻤﯩﺴﺎ، ﮬﯧﻠﯩﻘﻰ ﻛﺎزاك ﺗﯚﻣﯜرﮔﻪ ﺑﯩﻜﺎردﯨﻦ ﺑﯩﻜﺎر 100 تىللا ﺑﯧﺮەﻣﺪۇ؟ ﻗﯩﻤﺎردا ﭼﻮﺗﺎ ﺋﺎﻟﺪﯨﻢ دەﻳﺪا ﺗﯧﺨﻰ!» دﯦﮕﯩﻨﯩﭽﻪ ﺗﯘرﻏﯘﻧﻨﯩﯔ ﮔﯧﭙﯩﮕﻪ ﺋﯩﺸﯩﻨﯩﭗ ﺋﻪﮔﯩﺸﯩﭗ ﺗﯘر ﻗﯧﺸﯩﻐﺎ ﻛﻪﻟﮕﻪن ۋە ﺑﯘ ﭘﺎﺟﯩﺌﻪﮔﻪ ﻳﻮﻟﯘﻗﻘﺎن.
ﺑﯘ ﭘﺎﺟﯩﺌﻪدﯨﻦ ﻛﻪﻧﺖ - ﻣﻪﮬﻪﻟﻠﻪ، ﺑﺎزار، ﻳﯧﻘﯩﻦ - ﻳﯩﺮاق ﺟﺎﻣﺎﺋﻪت ﺗﻪۋرەپ ﻛﻪﺗﺘﻰ، ﻧﺎﻣﺎزﻏﺎ ﺑﻪك ﻛﯚپ ﺋﺎدەم ﻛﻪﻟﺪى. ﻳﯩﻐلاﺷﺘﯘق، ﻗﺎﻗﺸﺎﺷﺘﯘق، مىيىتلارنى ﻳﯘﻳﯘپ-ﺗﺎراپ ﻳﻪرﻟﻪپ ﻧﻪزﯨﺮﯨﻨﯩﻤﯘ ﺑﯧﺮﯨﯟەﺗﺘﯘق. ﭘﺎﺟﯩﺌﻪﮔﻪ ﺑﻪﻛﻤﯘ ﺋﯧﭽﯩﻨﺪﯨﻢ، ﮬﻪﻣﻤﻪ ﺋﯩﺸلاردا ﻳﯧﻘﯩﻦ ﺗﯘردۇم، ﺟﺎﻣﺎﺋﻪت ﺋﯩﭽﯩﺪە ﭘﺎﺟﯩﺌﻪﻧﯩﯔ ﺳﻪۋەب - ﺋﻪﺳﯩﺮارﯨﻨﻰ ﺑﯩﻠﯩﺸﻜﻪ ﻗﯩﺰﯨﻘﯩﺪﯨﻐﺎنلار ﮬﻪر ﺧﯩﻞ ﮔﻪپ - ﺳﯚز، ﭼﯚﭼﻪﻛﻠﻪرﻧﻰ ﺋﻮﺗﺘﯘرﯨﻐﺎ ﭼﯩﻘﯩﺮﯨﭗ ﻳﯜرۈﺷﺘﻰ. ﻟﯧﻜﯩﻦ ﺋﯘ ﺳﯚز - ﭼﯚﭼﻪﻛﻠﻪر، ﮬﺎدﯨﺴﯩﻠﻪرﻧﯩﯔ ﺋﻪﺳﻠﯩﻲ ﻗﯩﻴﺎﭘﯩﺘﻰ ﺋﻪﻣﻪس، ﺋﻪﺳﻠﯩﻲ ﻗﯩﻴﺎﭘﯩﺘﯩﻨﻰ، ﮬﺎﻟﯩﺘﯩﻨﻰ ﭘﻪﻗﻪت ﻣﻪنلا ﺑﯩﻠﯩﻤﻪن، ﺧﺎلاس. ﺑﯩﻠﺴﻪﻣﻤﯘ ﭼﯩﺪاﻣﻠﯩﻖ، ﺗﻪﻣﻜﯩﻨﻠﯩﻚ ﺑﯩﻠﻪن ﮬﯧﭽﻜﯩﻤﮕﻪ ﺗﯩﻨﻤﯩﺪﯨﻢ.


1945- يىل 9 - ﺋﺎﻳﻨﯩﯔ ﺑﯧﺸﯩﺪا ﺋﯩﻠﻰ «ﺋﯜچ ۋﯨلاﻳﻪت ﺋﯩﻨﻘﯩلاﺑﻰ» ﻧﯩﯔ ﺟﻪﻧﯘﺑﯩﻲ ﻳﯚﻧﯩﻠﯩﺶ ﭘﺎرﺗﯩﺰان ﻗﯩﺴﯩﻤﻠﯩﺮى ﺗﻪﯕﺮﯨﺘﯧﻐﯩﺪﯨﻦ ﺋﯧﺸﯩﭗ ﻏﻪﻟﯩﺒﯩﻠﯩﻚ ﺟﻪڭ ﻗﯩﻠﯩﭗ، ﮔﻮﻣﯩﻨﺪاڭ ﺋﻪﻛﺴﯩﻴﻪﺗﭽﻰ ﮬﯚﻛﯜﻣﯩﺘﯩﻨﯩﯔ ﺋﺎﻗﺴﯘ ۋﯨلاﻳﯩﺘﯩﺪﯨﻜﻰ ﺋﯘۋﯨﺴﻰ بولغان ﺋﺎﻗﺴﯘ ﺷﻪﮬﯩﺮﯨﻨﻰ ﺳﯧﭙﯩﻞ ﺳﯩﺮﺗﯩﺪﯨﻦ ﻗﻮرﺷﯩﯟاﻟﺪى. ﺳﯧﭙﯩﻞ ﺋﯩﭽﯩﺪە ﺋﺎﻗﺴﯘﻧﯩﯔ ﻣﯘداﭘﯩﺌﻪﺳﯩﮕﻪ ﻣﻪﺳﺌﯘل ﮔﻮﻣﯩﻨﺪاڭ 5 - ﺋﺎﺗﻠﯩﻖ ﺗﯘەﻧﯩﻨﯩﯔ ﺋﻪﺳﻜﻪرﻟﯩﺮى ﻗﺎﺗﺘﯩﻖ ﻗﺎرﺷﯩﻠﯩﻖ ﻗﯩﻠﯩﭗ ﻣﯘداﭘﯩﺌﻪدە ﺗﯘردى. ﻟﯧﻜﯩﻦ ﻗﺎﻣﺎل ﻗﺎﺗﺘﯩﻖ ﺑﻮﻟﻐﺎﭼﻘﺎ، ﮬﻪرﺑﯩﻴﻠﻪر، ﮬﯚﻛﯜﻣﻪت ﻣﻪﻣﯘرﯨﻲ ﺋﺎﭘﭙﺎراﺗﻠﯩﺮى ﺳﯧﭙﯩﻞ ﺋﯩﭽﯩﮕﻪ ﺳﻮﻟﯘﻗﯘپ ﻗﺎﻟﻐﺎﻧﻠﯩﻘﺘﯩﻦ، ﺑﺎﺷﻘﺎ ﻧﺎﮬﯩﻴﻪ - يېزىلارنىڭ ﮬﯚﻛﯜﻣﻪت ﺋﻮرﮔﺎﻧﻠﯩﺮى ﺗﯩﺰﮔﯩﻨﺴﯩﺰ، ﮬﯚﻛﯜﻣﻪﺗﺴﯩﺰ، ﭘﺎﻟﻪچ ﮬﺎﻟﻐﺎ ﭼﯜﺷﯜپ ﻗﺎﻟﻐﺎﻧﯩﺪى. ﻣﯩﻠﺘﯩﻖ، ﭘﯩﻠﯩﻤﻮت، ﻣﯩﻨﺎﻣﯩﻴﯘتلاردىن ﺋﯧﺘﯩﻠﻐﺎن ﺋﻮقلارنىڭ ﺋﺎۋازﻟﯩﺮى، ﮔﯩﺮاﻧﺎتلارنىڭ ﭘﺎرتلاﺷﻠﯩﺮى ﭼﻪت، ﻳﯩﺮاق ﻳﯧﺰا - ﻛﻪﻧﺘﻠﻪرﮔﯩﭽﻪ ﺋﺎﯕﻠﯩﻨﯩﭗ ﺗﯘراﺗﺘﻰ. ﺑﯩﺰﻣﯘ ﺋﺎڭلاپ ﺗﯘردۇق. ﮬﻪﻣﻤﻪ ﻳﻪرﻧﻰ ﺋﯘرۇش ۋەﮬﯩﻤﯩﺴﻰ ﻗﺎپلاپ ﻛﻪﺗﻜﻪن، ﺧﺎﺗﯩﺮﺟﻪﻣﺴﯩﺰﻟﯩﻚ، ﺑﻪزى دﯦﮭﻘﺎﻧلار«ﺑﯩﺰ دﯦﮕﻪن ﭘﯘﻗﺮا، ﺑﯩﺰﮔﻪ ﻧﯧﻤﻪ ﻛﯧﻠﻪﺗﺘﻰ؟ ﺋﺎﺷﻠﯩﻖ ﺑﻮﻟﻤﯩﺴﺎ ﻗﻮرﺳﺎق ﺋﺎچ ﻗﺎﻟﯩﺪۇ، ﺋﯩﺸﯩﻤﯩﺰﻧﻰ ﻗﯩﻠﻐﺎچ ﺗﯘراﻳﻠﻰ» دﯦﻴﯩﺸﯩﭗ، ﻛﯜزﻟﯜك ﻳﯩﻐﯩﻢ - ﺗﯧﺮﯨﻢ ﺑﯩﻠﻪن ﺋﺎۋارە ﺋﯩﺪى. ﺷﯘﻧﺪاﻗﺘﯩﻤﯘ ﻛﯚﭘﻠﯩﮕﻪن دﯦﮭﻘﺎنلار ﺗﺎم - زﯦﻤﯩﻨﻠﯩﺮﯨﻨﻰ ﺗﺎشلاپ ﺋﯚزﻟﯩﺮﯨﻨﻰ ﭼﻪﺗﻜﻪ ﺋﯧﻠﯩﺸﻘﺎﻧﻠﯩﻘﺘﯩﻦ، ﻛﻪﻧﺖ، ﻣﻪﮬﻪﻟﻠﻪ ﺋﯩﭽﻰ ﺟﯩﻤﺠﯩﺖ، ﭼﯚﻟﺪەرەپ ﻗﯧﻠﯩﺸﻘﺎﻧﯩﺪى، ﺑﯩﺮﺳﻰ ﺑﯩﻠﻪن ﺑﯩﺮﺳﯩﻨﯩﯔ ﻛﺎرى ﻳﻮق، ﮬﻪﻣﻤﯩﺴﻰ ﺋﯚز ﮬﻪﻟﻪﻛﭽﯩﻠﯩﻜﻰ ﺑﯩﻠﻪن ﻗﺎﻟﻐﺎن ﭼﺎغلار ﺋﯩﺪى. 9 - ﺋﺎﻳﻨﯩﯔ ﺋﺎﺧﯩﺮﯨﺪا ﺋﯘرۇش ﺗﺎزا ﻗﯩﺰﯨﯟاﺗﻘﺎﻧﺪا، ﻣﻪﮬﻪﻟﻠﯩﻤﯩﺰﮔﻪ ﺋﯜچ ۋىلايەت ئىنقىلابىي ﺋﺎرﻣﯩﻴﻪﺳﯩﻨﯩﯔ ﻓﻮرﻣﯩﺴﯩﻨﻰ ﻛﻪﻳﮕﻪن ﺋﯜچ ﺋﺎﺗﻠﯩﻖ ﻛﯩﺸﻰ، ﺋﯩﻜﻜﻰ رۇس، ﺑﯩﺮى ﺋﯘﻳﻐﯘر... ﭘﻪﻳﺪا ﺑﻮﻟﯘپ ﻗﺎﻟﺪى. ﻣﻪن ﺑﯩﺮ دﯦﮭﻘﺎﻧﺪﯨﻦ ﺋﯘلارﻧﯩﯔ ﮬﯧﻠﯩﻘﻰ «ﺳﺎراڭ»ﻧﯩﯔ ﺋﯩﺰ- دﯦﺮﯨﻜﯩﻨﻰ ﻗﯩﻠﯩﯟاﺗﻘﺎﻧﻠﯩﻘﯩﻨﻰ ﺋﺎﯕلاپ ﻗﺎﻟﺪﯨﻢ. ﮔﯜﭘﭙﯩﺪە ﻛﯚﯕﻠﯜﻣﮕﻪ«ﮬﻪ، ﺑﯘ ﻛﯩﺸﯩﻠﻪر ﭼﻮﻗﯘم ﺋﺎﺷﯘ ﺋﺎﻣﺎﻧﻪﺗﻨﻰ ﺋﯩﺰدەپ ﻛﻪﻟﮕﻪﻧﻠﻪر، ﺋﯘﭼﺮﯨﺸﯩﭗ ﻧﯩﻴﯩﺘﯩﻨﻰ ﺑﯩﻠﯩﭗ ﺑﯧﻘﯩﭗ، راستتىنلا ﺷﯘلار ﺑﻮﻟﺴﺎ ﺋﺎﻣﺎﻧﻪﺗﻨﻰ ﺗﺎﭘﺸﯘرۇپ ﺑﯧﺮﯨﭗ ﺋﯧﻐﯩﺮ ﻳﯜﻛﺘﯩﻦ ﺧﺎلاس ﺑﻮلاي» دەپ ﺋﻮﻳﻠﯩﺪﯨﻢ. ﮬﯧﭽﻜﯩﻤﮕﻪ ﺳﻪزدۈرﻣﻪي ﺋﯘلار ﭼﯜﺷﻜﻪن ﺟﺎﻳﻨﻰ ﺋﯩﺰدەپ ﺗﺎﭘﺘﯩﻢ. ﺑﯘ ﭼﺎﻏﺪا ﺧﯧﻠﻰ ﻛﯚزﮔﻪ ﻛﯚرۈﻧﮕﻪن ﻳﯩﮕﯩﺖ ﺑﻮﻟﯘپ ﻗﺎﻟﻐﺎﻧﯩﺪﯨﻢ. ﺋﯘلار ﺑﺎﺷﻘﺎ ﺑﯩﺮ ﻛﻪﻧﺘﺘﯩﻜﻰ ﻏﺎزى ﺑﯧﮕﯩﻢ دﯦﮕﻪن ﺑﯩﺮ ﺑﺎﻳﻨﯩﯔ ﻗﻮرۇﺳﯩﻐﺎ ﭼﯜﺷﻜﻪن، ﺋﯚي - ﺟﺎﻳﯩﻨﻰ ﻳﯩﻠﻠﯩﻘﭽﯩﺴﯩﻐﺎ ﻗﺎﻟﺪۇرۇپ، ﺋﯚزﻟﯩﺮى ﭼﻪت - ﻳﺎﻗﯩﻐﺎ ﻛﯧﺘﯩﺸﻜﻪن، ﻛﯩﺮﺳﻪم، ﺋﯘلار ﮬﻪﻳﺮاﻧﻠﯩﻖ ﺑﯩﻠﻪن ﻣﺎﯕﺎ ﺗﯩﻜﯩﻠﺪى. ﻣﻪﻧﻤﯘ ﺋﯘلارﻧﯩﯔ ﺳﺎلاﮬﯩﻴﯩﺘﯩﻨﻰ ﻛﯚزدﯨﻦ ﻛﻪﭼﯜرۈپ ﺋﯩﻜﻜﯩﻠﯩﻨﯩﭗ ﻗﺎﻟﺪﯨﻢ. ﺋﯩﻜﻜﯩﺴﻰ ﻳﺎﺷﻘﯩﻨﺎ ﻳﯩﮕﯩﺘﻠﻪر، ﺑﺎﺷﻠﯩﻖ ﺳﯜﭘﻪت ﺑﯩﺮﺳﻰ 54 ﻳﺎﺷلاردا، ﮔﻪۋدﯨﻠﯩﻚ، ﺳﺎلاﭘﻪﺗﻠﯩﻚ، ﻣﯜرﯨﻠﯩﺮﯨﮕﻪ ﭘﺎﮔﻮن ﺗﺎﻗﯩﻐﺎن، ﻳﺎن ﻗﻮراﻟﻰ ﺑﺎر ﺑﯩﺮ روس ﺋﯩﻜﻪن، ﺑﯩﺮاق ﺋﯘ ﺗﯚﻣﯜر ﺋﺎﻛﺎم ﺳﯜﭘﻪﺗﻠﻪپ ﺑﻪرﮔﻪن دﯨﻤﯩﻴﺎن ﺷﺎﯕﯟى دېگەن ﻛﺎزاﻛﻘﺎ ﺗﺎزا ﺋﻮﺧﺸﯩﻤﺎي ﺗﯘراﺗﺘﻰ.
ـــــ ﺑﯩﺮەر ﺋﯩﺸﯩﯖﯩﺰ ﺑﺎرﻣﯩﺪى؟ ـــــ دﯦﺪى ﺳﺎلاﭘﻪﺗﻠﯩﻚ رۇس ﻛﯩﺸﻰ ﺑﯧﺠﯩﺮﯨﻢ ﺋﯘﻳﻐﯘر ﺗﯩﻠﯩﺪا ﺧﯘﺷﺨﯘي ﻛﯜﻟﯜﻣﺴﯩﺮەپ ﺗﯘرۇپ.
ـــــ ﮬﻪئە، ﮔﯧﭙﯩﻢ ﺑﺎر ﺋﯩﺪى ـــــ دﯦﺪﯨﻢ دادىل ﺗﯘرۇپ،ـــــ ﺳﯩﻠﻪر ﺗﯚﻣﯜر ﺋﺎﻛﺎﻣﻨﻰ ﺋﯩﺰدەﻣﺴﯩﻠﻪر؟ ﺋﯘﻧﻰ ﻧﯧﻤﯩﺸﻘﺎ ﺋﯩﺰدەﻳﺴﯩﻠﻪر؟ ﺋﯘ ﮬﺎزﯨﺮ ﻳﻮق!
رۇس ﻛﻮﻣﺎﻧﺪﯨﺮ ﺑﯩﺮدىنلا ﺟﺎﻧﻠﯩﻨﯩﭗ ﻛﻪﺗﺘﻰ ۋە ﻗﯩﺰﻏﯩﻨﻠﯩﻖ ﺑﯩﻠﻪن:
ـــــ ﮬﻪ ﻳﯩﮕﯩﺖ، ﺋﯘﻧﻰ ﺗﻮﻧﯘﻳﺪﯨﻜﻪﻧﺴﯩﺰ، ﺋﯘﻧﯩﯖﺪا ﺋﺎﻣﺎﻧﯩﺘﯩﻤﯩﺰ ﺑﺎر ﺋﯩﺪى، ﺋﯘ ﻧﻪﮔﻪ ﻛﻪﺗﺘﻰ؟ ـــــ دﯦﺪى ﺋﻮرﻧﯩﺪﯨﻦ ﺗﯘرۇپ. ﺋﺎﻣﺎﻧﻪت ﺋﯩﮕﯩﺴﯩﻨﯩﯔ ﺷﯘ ﺋﯩﻜﻪنلىكىنى ﺟﻪزﯨﻢ ﻗﯩﻠﺪﯨﻢ - دە، ﺗﺎرﺗﯩﻨﻤﺎيلا:
ـــــ ﺳﯩﺰ ﺑﯩﻠﻪن ﺋﺎﻳﺮﯨﻢ ﻛﯚرۈﺷﺴﻪم دەﻳﻤﻪن ـــــ دﯦﺪﯨﻢ. ﺋﯘ ﺟﻪﯕﭽﯩﻠﯩﺮﯨﻨﻰ ﻗﺎﻟﺪۇرۇپ ﺋﯩﺸﯩﻚ ﺋﺎﻟﺪﯨﻐﺎ ﭼﯩﻘﺘﻰ، ﺳﯜﻳﻰ ﺷﺎرﻗﯩﺮاپ ﺋﯧﻘﯩﭗ ﺗﯘرﻏﺎن ﺋﯧﺮﯨﻖ ﺑﻮﻳﯩﺪﯨﻜﻰ ﺷﺎﺧﻠﯩﻖ ﺳﯚﮔﻪﺗﻨﯩﯔ ﺗﯜۋﯨﮕﻪ ﻛﻪﻟﺪى، ﺋﯧﺮﯨﻘﻨﯩﯔ ﻗﯧﺸﯩﺪﯨﻜﻰ ﺧﯘﺷﺒﯘي ﻳﺎﻟﭙﯘزلار ﺋﯚﺳﻜﻪن ﻗﯘملار ﺋﯜﺳﺘﯩﮕﻪ ﺋﻮﻟﺘﯘرۇﺷﺘﯘق.
ـــــ ﺳﯩﺰ دﯨﻤﯩﻴﺎن ﺷﺎﯕﯟېي ﺋﺎﻛﺎم ﺑﻮلاﻣﺴﯩﺰ؟
ﺋﯘ ﺋﻪﺟﻪﺑﻠﻪﻧﮕﻪن ھەم ﺧﯘﺷﺎل ﻛﻪﻳﭙﯩﻴﺎﺗﺘﺎ:
ـــــ ﻣﻪن ﺋﯘﻧﯩﯔ ﺋﯩﻨﯩﺴﻰ ستېفان ﻓﻮدﻓﻮرۇﭼﯩﻚ (ﺟﯘﯕﯟى) ﺑﻮﻟﯩﻤﻪن، ﻳﻪﻧﻰ ستېفان زاﺧﺎروۋىچ تخېنوف، ﮬﺎزﯨﺮ ﺋﯜچ ۋﯨلاﻳﻪت ئىنقىلابىي ﻣﯩﻠﻠﯩﻲ ﺋﺎرﻣﯩﻴﻪﺳﻰ ﺟﻪﻧﯘﺑﯩﻲ ﻳﯚﻧﯩﻠﯩﺶ ﭘﺎرﺗﯩﺰان ﻗﯩﺴﻤﯩﻨﯩﯔ ﺑﯩﺮ ﻟﻴﻪﻧﺠﺎﯕﻰ، ﺋﺎﻛﺎم دﯨﻤﯩﻴﺎن زاﺧﺎروۋﯨﭻ تخېنوف 1937-يىل 8 - ﺋﺎيلاردىكى ﺋﯩﺴﯩﻴﺎنلار ﺑﯩﻠﻪن ﺑﻮﻟﻐﺎن ﺟﻪﯕﺪە ﺋﺎۋات ﻧﺎﮬﯩﻴﻪﺳﯩﻨﯩﯔ ﻏﻮروﭼﻮل ﻳﯧﺰﯨﺴﯩﺪﯨﻜﻰ ﺑﯩﺮ ﺟﻪزﯨﺮﯨﺪە ﺋﻮق ﺗﯧﮕﯩﭗ ﺋﯚﻟﯜپ ﻛﻪﺗﺘﻰ. ﺷﯘ ﻳﻪردە ﻗﻮﻳﯘﻟﺪى. ﻣﻪن ﺑﺎﺷﻘﺎ ﻟﯩﻴﻪﻧﺪە ﺋﯩﺪﯨﻢ. ﺋﺎﻛﺎم ﺟﺎن ﺋﯜزۈش ﺋﺎﻟﺪﯨﺪا ﺑﺎرﻟﯩﻖ ۋەﺳﯩﻴﻪﺗﻠﻪرﻧﻰ ﻣﺎﯕﺎ ﻗﺎﻟﺪۇرﻏﺎن، يىللار ﺋﯚﺗﯜپ ﺑﯜﮔﯜﻧﻜﻰ ﻛﯜﻧﺪە ﻣﻪن ﺋﯜچ ۋﯨلاﻳﻪت ئىنقىلابىي ﻣﯩﻠﻠﯩﻲ ﺋﺎرﻣﯩﻴﻪ ﺳﯧﭙﯩﮕﻪ ﻗﺎﺗﻨﺎﺷﺘﯩﻢ، ﻗﯩﺴﯩﻤﻠﯩﺮﯨﻤﯩﺰ ﺋﺎﻗﺴﯘﻧﻰ ﻗﻮرﺷﺎپ ﻳﺎﺗﻤﺎﻗﺘﺎ. ﭘﯘرﺳﻪت ﭼﯩﻘﯩﺮﯨﭗ ﺋﺎﻣﺎﻧﻪﺗﻠﻪرﻧﻰ ﺗﺎﭘﺸﯘرۇپ ﺋﺎلاي دەپ ﻛﯧﻠﯩﺸﯩﻢ. ﺳﯩﺰ...
ـــــ ﻣﯧﻨﯩﯔ ﺋﯩﺴﻤﯩﻢ ﻧﯘرﺋﻪﺧﻤﻪت، ﺷﯘ ﻳﻪرﻟﯩﻚ، ﺗﯚﻣﯜر ﺋﺎﻛﺎﻣﻨﯩﯔ ۋاﻛﺎﻟﻪﺗﭽﯩﺴﻰ، ﮬﺎزﯨﺮ ﺋﯘ ﻳﻮق، ﮬﻪﻣﻤﯩﻨﻰ ﻣﺎﯕﺎ ﺗﺎﭘﺸﯘرۇپ ﻛﻪﺗﻜﻪن. ﻣﯧﻨﯩﯔ ﺑﯩﻠﻪن ﻣﯘﻧﺎﺳﯩﯟەت ﻗﯩﻠﺴﯩﯖﯩﺰ ﺑﻮﻟﯩﺪۇ، ﺋﯩﺴﭙﺎﺗﯩﯖﯩﺰﻧﻰ ﭼﯩﻘﯩﺮﯨﯔ! ـــــ ﺋﯘ ﻣﻪمنۇﻧﻠﯘق ﺑﯩﻠﻪن ﺧﻪرﯨﺘﯩﻨﻰ ﺋﺎﻟﺪى. ﻣﯧﻨﯩﯖﻜﻰ ﺑﯩﻠﻪن ﺳﯧﻠﯩﺸﺘﯘردۇق، ﺋﻮﺧﺸﺎش ﭼﯩﻘﺘﻰ، ﺑﯩﺮﻟﯩﻜﻜﻪ ﻛﻪﻟﺪۇق.
ﻣﻪن ﻣﯘﺷﯘ ﭘﯘل-دۇﻧﻴﺎ ﺧﺎﭘﯩﭽﯩﻠﯩﻘﯩﺪا ﻣﻪﮬﻪﻟﻠﯩﻤﯩﺰدە ﺑﻮﻟﯘپ ﺋﯚﺗﻜﻪن ﺋﯩﺸلارﻧﻰ ﻳﯩﭙﺘﯩﻦ - ﻳﯩﯖﻨﯩﺴﯩﮕﯩﭽﻪ ﺳﯚزﻟﻪپ ﺑﻪردﯨﻢ. ستېفان ﺟﯘﯕﯟېي ﺋﺎڭلاپ ﺑﻮﻟﻐﺎﻧﺪﯨﻦ ﻛﯧﻴﯩﻦ، ﺋﯘزۇﻧﻐﯩﭽﻪ ﺋﯜﻧﭽﯩﻘﻤﺎي ﺋﻮﻟﺘﯘرۇپ ﻛﻪﺗﺘﻰ. ﺋﺎﻧﺪﯨﻦ ﻣﺎﯕﺎ ﻗﺎراپ:
ـــــ  ﺗﯚﻣﯜر ۋە ﺳﯩﺰ ﻧﯧﻤﻪ دﯦﮕﻪن ﺳﺎپ، ﺋﯧﺴﯩﻞ ﺋﺎدەﻣﻠﻪر - ﮬﻪ؟! ﺋﺎﻛﺎﻣﻤﯘ ﺧﺎﺗﺎ ﺗﻮﻧﯘﻣﺎﭘﺘﯩﻜﻪن، ﺑﻮﻟﺪى! ﺑﯘ ﭘﯘل - دۇﻧﻴﺎلاردﯨﻦ ﻣﻪﻧﻤﯘ ﻛﻪﭼﺘﯩﻢ. ﺑﯘ مال-دۇنيالار ﻣﯧﻨﯩﯖﻤﯘ ﺑﯧﯩﺸﯩﻤﻐﺎ ﭼﯩﻘﯩﺪﯨﻐﺎﻧﺪەك ﻗﯩﻠﯩﺪۇ. ﻗﺎراڭ ﺋﯘﻛﺎم، ﺋﺎﻛﺎﻣﻤﯘ ﻣﯘﺷﯘ ﻣﺎل - دۇﻧﻴﺎ ﺧﺎﭘﯩﭽﯩﻠﯩﻘﻰ ﺑﯩﻠﻪن ﺋﻮق ﻳﻪپ ﺋﯚﻟﯜﻛﻰ ۋەﺗﻪﻧﺪﯨﻦ ﻳﯩﺮاﻗﺘﺎ ﭼﯚﻟﺪە ﻗﺎﻟﺪى. ﺋﯩﻜﻜﻰ ﭘﺎﺳﯩﻘﻤﯘ ﺗﯘر ﺋﺎﺳﺘﯩﺪا ﺋﯚﻟﯜﭘﺘﯘ. ﺗﯚﻣﯜردەك ﺑﯩﺮ ﺳﺎپ ﺋﻪزﯨﻤﻪت، ﭘﯘل - ﻣﺎل دۇﻧﻴﺎ ﺋﯜﭼﯜن، ۋەدﯨﮕﻪ ۋاﭘﺎ ﻗﯩﻠﯩﻤﻪن دەپ ﺋﯧﻐﯩﺮ ﻛﯜﻟﭙﻪﺗﻠﻪرﮔﻪ دۇچ ﻛﯧﻠﯩﭗ ﺋﺎﺧﯩﺮى ﻛﯚزدﯨﻦ ﻏﺎﻳﯩﺐ ﺑﻮﭘﺘﯘ. ﺑﯘ مال- دۇﻧﻴﺎلار ﻣﺎﯕﯩﻤﯘ ﻗﺎﻧﭽﯩﻠﯩﻚ ۋاﭘﺎ ﻗﯩﻠﯩﭗ ﻛﯧﺘﻪر؟ ﺑﯩﺰ ﻛﯧﺘﻪﻳﻠﻰ، ﺋﯘ ﺳﯩﺰدەك ﺳﺎپ ﻧﯩﻴﻪت ﺑﯩﺮ ﻳﯩﮕﯩﺘﻜﻪ ﻗﺎﻟﺴﯘن، ﺧﺎﻟﯩﺴﯩﯖﯩﺰ ئىختىيارىڭىزغا  ئېلىڭ، ﺧﺎﻟﯩﻤﯩﺴﯩﯖﯩﺰ ﺋﯩﺸﻠﻪﻣﭽﻰ دﯦﮭﻘﺎن، ﭘﯘﻗﺮالارﻏﺎ ﺗﺎرﻗﯩﺘﯩﭗ ﺑﯧﺮﯨﯔ ﻳﺎﻛﻰ ﺟﺎﻣﺎﺋﻪﺗﻨﯩﯔ ﺋﯩﺸﻰ ﺋﯜﭼﯜن ﺳﺎۋاﺑﻠﯩﻖ ﺟﻪﮬﻪﺗﻠﻪرﮔﻪ ﺳﻪرپ ﻗﯩﻠﯩﯟﯦﺘﯩﭗ ﺧﯘﺷﺎل ﺑﻮﻟﯘڭ ـــــ دﯦﺪى ﻗﻮﻟﯘﻣﻨﻰ ﻗﯩﺴﯩﭗ ﺗﯘرۇپ. ﻣﻪن ﺑﯩﺮدەم ﺋﻮﻳﻠﯩﻨﯩﭗ ﺋﺎﻧﺪﯨﻦ ﺳﯩﻠﻠﯩﻘﻘﯩﻨﺎ رەت ﻗﯩﻠﺪﯨﻢ.
ـــــ ﺳﯩﺰﻧﯩﯔ ﻳﺎﺧﺸﻰ ﻛﯚﯕﻠﯩﯖﯩﺰﮔﻪ رەﮬﻤﻪت ستېفان ﺋﺎﻛﺎ! ﻳﺎق، ﺑﯘ دەﭘﻰ - دۇﻧﻴﺎلارﻧﻰ ﻣﻪﻧﻤﯘ ﻗﻮﺑﯘل ﻗﯩلاﻟﻤﺎﻳﻤﻪن! ﺋﯘﻧﯩﯔ ﮬﯚددﯨﺴﯩﺪﯨﻦ ﭼﯩﻘﺎﻟﻤﺎﻳﻤﻪن. ﺋﻪﮔﻪر ﺋﯘ ﻣﯧﻨﯩﯔ ﻗﻮﻟﯘﻣﻐﺎ ﺋﯚﺗﺴﻪ ﮬﺎﻣﺎن ﺋﻪﺗﺮاﭘﻘﺎ ﻳﯧﻴﯩﻠﯩﺪۇ. ﺟﺎﻣﺎﺋﻪت دﯦﮕﻪﻧﻨﯩﯔ ﺋﺎﻏﺰى ﻛﻪڭ، ﮬﻪر ﺧﯩﻞ ﺳﯚز - ﭼﯚﭼﻪك، ﭘﯩﺘﻨﻪ - ﺋﯩﻐﯟالار ﺋﻮﺗﺘﯘرﯨﻐﺎ ﭼﯩﻘﯩﺪۇ. ﭘﯘﻟﻨﯩﯔ ﻛﻮﻳﯩﺪا دۈﺷﻤﻪﻧﻠﯩﻚ ﻛﯚﭘﯩﻴﯩﺪۇ. ﮬﯚﻛﯜﻣﻪﺗﻨﯩﯔ ﻗﯘﻟﯩﻘﯩﻐﺎ ﻳﯧﺘﯩﺪۇ«ﺑﯘﻧﻰ ﻗﺎﻧﺪاق ﺗﺎﭘﺘﯩﯔ؟» دەﻳﺪۇ. ﺗﯩﻨﭽﻠﯩﻘﯩﻤﯩﺰ، ﺧﺎﺗﯩﺮﺟﻪﻣﻠﯩﻜﯩﻤﯩﺰ  ﺑﯘزۇﻟﯩﺪۇ، ﺑﯧﺸﯩﻤﯩﺰﻏﺎ ﭘﯩﺖ ﺳﯧﻠﯩﯟاﻟﯩﻤﯩﺰ، ﺑﯩﺰﻧﯩﯔ تىرىكچىلىكىمىز ﮔﻪرﭼﻪ ﺟﺎﭘﺎﻟﯩﻖ ﺑﻮﻟﺴﯩﻤﯘ، ﮬﺎلاﻟﻠﯩﻖ ﺑﯩﻠﻪن ﺋﯩﻜﻜﻰ ﺑﯩﻠﯩﻜﯩﻤﯩﺰﮔﻪ ﺗﺎﻳﯩﻨﯩﭗ، ﺗﯘﭘﺮاق ﻗﯧﺘﯩﺪﯨﻦ رﯨﺰﻗﻰ ﺗﯧﭙﯩﭗ ﻳﻪپ ﻳﺎﺷﺎپ ﻛﻪﻟﮕﻪن ﺋﺎدەﻣﻠﻪر، ﮬﯧﻠﯩﻤﯘ ﺷﯘﻧﺪاق ﻳﺎﺷﺎپ ﺋﯚﺗﯜپ ﻛﯧﺘﻪﻳﻠﻰ، ﻳﺎﺧﺸﯩﺴﻰ ﺳﯩﺰ ﺋﯧﻠﯩﭗ ﻛﯧﺘﯩﭗ ﺑﯩﺮ ﺗﻪرەپ ﻗﯩﻠﯩﯟﯦﺘﯩﯔ، ـــــ دﯦﺪﯨﻢ.
ستېفان جۇڭۋېي ﮬﻪﻳﺮان ﺑﻮﻟﻐﺎن ﮬﺎﻟﺪا ﻛﯚزﻟﯩﺮﯨﻨﻰ ﻳﻮﻏﺎن ﺋﯧﭽﯩﭗ، ﻣﺎﯕﺎ ﺑﯩﺮدەم ﺗﯩﻜﯩﻠﯩﭗ ﻗﺎراپ ﺗﯘردى - دە، ﻗﺎﻳﯩﻠﻠﯩﻖ ﺑﯩﻠﻪن:
ـــــ ﺋﯘﻳﻐﯘرلار ﻣﻪرد، ﺋﻮﭼﯘق - ﻳﻮرۇق، ﺳﻪﻣﯩﻤﯩﻲ - ﺳﺎددا ﺧﺎراﻛﺘﯧﺮﮔﻪ ﺋﯩﮕﻪ ﺧﻪﻟﻖ، ﺑﯘﻧﻰ ﻣﻪن ﻳﻪﻧﻪ ﺑﯩﺮ ﺋﻪﻣﻪﻟﯩﻴﻪت ﺋﺎرﻗﯩﻠﯩﻖ ﭼﻮﯕﻘﯘر ﮬﯧﺲ ﻗﯩﻠﺪﯨﻢ. ﮔﯧﭙﯩﯖﯩﺰﻣﯘ ﺋﻮرۇﻧﻠﯘﻗﺘﻪك ﺗﯘرﯨﺪۇ ﺋﯩﻨﯩﻢ. ﺋﺎﻧﺪاق ﺑﻮﻟﺴﺎ ﺑﯘ ﻧﻪرﺳﯩﻠﻪرﻧﻰ ﺋﯧﻠﯩﭗ ﻛﯧﺘﯩﭗ ﺋﯜچ ۋﯨلاﻳﻪت ئىنقىلابىي ﮬﯚﻛﯜﻣﯩﺘﻰ ﻣﯩﻠﻠﯩﻲ ﺋﺎرﻣﯩﻴﻪ ﺷﺘﺎﺑﯩﻨﯩﯔ ﺧﻮﺟﯘﻟﯘق ﺧﻪزﯨﻨﯩﺴﯩﮕﻪ ﺗﺎﭘﺸﯘراي، ﺷﯘﻧﺪاق ﻗﯩﻠﺴﺎم ﻧﺎﮬﺎﻳﯩﺘﻰ ﺗﻮﻏﺮا ﺑﻮﻟﯩﺪﯨﻜﻪن ـــــ دﯦﺪى.
ـــــ ﺋﯩﻨﯩﻢ،ـــــ دﯦﺪى ﺋﯘ ﻳﻪﻧﻪ ﻛﯜﻟﯜپ ﺗﯘرۇپ، ـــــ ﺋﺎﻛﺎم ﻳﻪﻧﻪ ﺑﯩﺮ ﺧﺎﺳﯩﻴﻪﺗﻠﯩﻚ ﺧﻪﻧﺠﻪرﻧﯩﯔ ﮔﯧﭙﯩﻨﻰ ﻗﯩﻠﻐﺎﻧﯩﺪى، ﺋﯘ ﺧﻪﻧﺠﻪر ﺑﻮۋﯨﻤﯩﺰدﯨﻦ ﻣﯩﺮاس ﻗﺎﻟﻐﺎن ﻳﺎدﯨﻜﺎرﻟﯩﻖ، ﺋﯩﻨﺘﺎﻳﯩﻦ ﻣﯘﮬﯩﻢ ﺑﺎﻳﻠﯩﻖ - ﻣﯩﺮاس ﺋﯩﺪى، ﺋﯘ ﻗﯧﻨﻰ؟
ـــــ ﺗﻮﻏﺮا! ﺋﯘ ﺧﻪﻧﺠﻪرﻧﻰ ﻣﻪﻧﻤﯘ ﺗﯚﻣﯜر ﺋﺎﻛﺎﻣﻨﯩﯔ ﻗﻮﻟﯩﺪا ﺑﯩﺮﻗﺎﻧﭽﻪ ﻗﯧﺘﯩﻢ ﻛﯚرﮔﻪﻧﯩﺪﯨﻢ. ﮬﻪﻗﯩﻘﻪﺗﻪن ﺳﯩﺮى - ﮬﯧﻜﻤﯩﺘﻰ ﻗﺎﻟﺘﯩﺲ. ﺗﯚﻣﯜر ﺋﺎﻛﺎم ﺑﯘ ﺧﻪﻧﺠﻪر ﺑﯩﻠﻪن ﺋﻪﺗﺮاﭘﯩﺪﯨﻜﻰ ﻗﺎرا ﻧﯩﻴﻪت - ﺧﯩﺮﯨﺲ ﻛﯜﭼﻠﻪرﮔﻪ ﺗﺎﻗﺎﺑﯩﻞ ﺗﯘرﻏﺎﻧﯩﺪى. ﺋﯘ ﻛﯧﺘﻪر ﭼﯧﻐﯩﺪا ﺧﻪﻧﺠﻪرﻧﻰ ﺋﯧﻐﯩﺰﻏﺎ ﺋﺎﻟﻤﯩﺪى. ﻣﻪﻧﻤﯘ ﺳﻮراﺷﻘﺎ ﺋﻮﯕﺎﻳﺴﯩﺰلاﻧﺪﯨﻢ.
ستېفان ﺟﯘﯕﯟېي ﺋﻪﭘﺴﯘﺳﻠﯘق ﻛﻪﻳﭙﯩﻴﺎﺗﺘﺎ ﺋﯧﺮﯨﻘﺘﺎ ﺋﯧﻘﯩﯟاﺗﻘﺎن ﺳﯘﻏﺎ ﺗﯩﻜﯩﻠﯩﭗ ﺑﯩﺮدەم ﺗﯘرۇپ ﻛﻪﺗﺘﻰ، ﺋﺎﻧﺪﯨﻦ ﻣﺎﯕﺎ ﻗﺎراپ ﻣﻪرداﻧﯩﻠﯩﻚ ﺑﯩﻠﻪن:
ـــــ ﺋﯘ ﮬﻪﻗﯩﻘﻪﺗﻪﻧﻤﯘ ﻗﯩﻤﻤﻪﺗﻠﯩﻚ ﺑﯩﺮ ﻣﯜﻟﯜك ﺋﯩﺪى، ﺧﻪﻳﺮ، ﺑﻮﭘﺘﯘ! ﺳﺎﻟﯩﯟات، ﺗﯚﻣﯜردەك ۋە ﺳﯩﺰﻟﻪردەك ﻣﻪرد، ۋەدﯨﺴﯩﮕﻪ ۋاﭘﺎ ﻗﯩﻠﯩﺪﯨﻐﺎن يىگىتلەرنىڭ ﺋﺎﻟﺪﯨﺪا ﺑﯩﺮ ﺧﻪﻧﺠﻪر دﯦﮕﻪن ﻧﯧﻤﯩﺘﻰ؟ ـــــ دﯦﺪى.
ـــــ رەﮬﻤﻪت ستېفان ﺋﺎﻛﺎ،ـــــ دﯦﺪﯨﻢ ﻣﻪﻧﻤﯘ ﺑﯘ ﻛﺎزاك روس ﺋﻮﻓﯩﺘﺴﯧﺮﻧﯩﯔ ﻣﻪرداﻧﻪ ﮬﯩﻤﻤﯩﺘﯩﮕﻪ ﻗﺎﻳﯩﻞ ۋە ﺳﯚﻳﯜﻧﯜش ﮬﯧﺴﺴﯩﻴﺎﺗﯩﻢ ﺑﯩﻠﻪن.
ﻣﻪن ستېفان ﺟﯘﯕﯟېي ۋە ﺋﯘﻧﯩﯔ ﻣﯘﮬﺎﭘﯩﺰەﺗﭽﯩﻠﯩﺮﯨﻨﻰ ﻗﯘم ﭼﯚﻟﺪﯨﻜﻰ ﮬﯧﻠﯩﻘﻰ دۆﯕﮕﻪ ﺑﺎﺷلاپ ﺑﺎردﯨﻢ. ﺋﯚﻟﭽﻪم - لاﻳﯩﮭﻪﻟﻪر ﺑﻮﻳﯩﭽﻪ ﺳﺎﻧﺪۇقچىلار ﻛﯚﻣﯜﻟﮕﻪن ﺟﺎﻳﻨﻰ ﺗﺎﭘﺘﯘق. ستېفان ﺟﯘﯕﯟېي ﻗﯘم دۆۋﯨﺴﻰ ﺋﺎﻟﺪﯨﺪا ﺑﯩﺮدەم ﺳﯜﻛﯜﺗﺘﻪ ﺗﯘردى - دە، ﺋﺎﻧﺪﯨﻦ ﻣﻪن ﺑﯩﻠﻪن ﻗﯘﭼﺎﻗﻠﯩﺸﯩﭗ ﺧﻮشلاشتى، ﺋﺎﺗﻠﯩﻨﯩﭗ ﺋﺎﻗﺴﯘ ﺷﻪﮬﯩﺮى ﺗﻪرﯨﭙﯩﮕﻪ ﻗﺎراپ ﻳﯜرۈپ ﻛﻪﺗﺘﻰ.

ﺧﺎﺗﯩﻤﻪ

ﺋﻪﺳﻠﯩﻤﯩﻠﻪر ﺋﺎﻳﺎﻏﻠﯩﺸﯩﭗ ﻗﺎﻟﺪى. ﺑﯘ ﺑﯩﺮ روﻣﺎن ﻳﺎﻛﻰ ﺑﻪدﯨﺌﯩﻲ ﺗﻮﻗﯘﻟﻤﺎ ﺋﻪﺳﻪر ﺑﻮﻟﺴﯩﺪى، ﺋﻪﺳﻠﯩﻤﯩﻨﯩﯔ ﺋﺎﺧﯩﺮﯨﻨﻰ ﺧﺎﻟﯩﻐﺎﻧﭽﻪ ﺳﻮزۇپ، ﺗﻪﺳﯟﯨﺮﻟﻪپ ﮬﯧﻠﯩﻘﻰ دەﭘﻰ - دۇﻧﻴﺎلارﻧﯩﯔ، ستېفان جۇڭۋېينىڭ ﻗﻮﻟﻰ ﺋﺎرﻗﯩﻠﯩﻖ ﺗﯩﻨﭻ، ﺋﻮﯕﯘﺷﻠﯘق ﮬﺎﻟﺪا ﺋﯜچ ۋىلايەت ئىنقىلابىي ﮬﯚﻛﯜﻣﯩﺘﻰ ﻣﯩﻠﻠﯩﻲ ﺋﺎرﻣﯩﻴﻪ ﺑﺎش ﺷﯩﺘﺎب ﺧﻮﺟﯘﻟﯩﻘﯩﻐﺎ ﺗﺎﭘﺸﯘرۇپ ﺑﻪرﮔﻪن ﻗﯩﻠﯩﭗ ﺗﻪﺳﯟﯨﺮﻟﻪپ ﻛﯚﯕﯜﻟﻠﯜك ﺋﺎﺧﯩﺮلاﺷﺘﯘرﺳﺎق ﺑﻮلاﺗﺘﻰ.
ﺑﯩﺮاق ﺋﻪﻣﻪﻟﯩﻴﻪت ﺋﯘﻧﺪاق ﺑﻮﻟﻤﯩﻐﺎن، ﺋﻪﭘﺴﯘﺳﻠﯩﻨﺎرﻟﯩﻖ ﮬﺎﻟﺪا ﻳﻪﻧﻪ دۈﺷﻤﻪﻧﻨﯩﯔ - ﮔﻮﻣﯩﻨﺪاڭ ﺋﺎرﻣﯩﻴﻪﺳﻰ ﺋﺎﻗﺴﯘدﯨﻜﻰ 5 - ﺗﯘەﻧﻨﯩﯔ ﺗﯘەﻧﺠﺎﯕﻰ ﺟﻴﺎۋﺧﻪﻧﭽﯩﻨﯩﯔ ﻗﻮﻟﯩﻐﺎ ﭼﯜﺷﯜپ ﻛﻪﺗﻜﻪن.
ﻳﯧﺰﯨﯟاﺗﻘﯩﻨﯩﻤﯩﺰ ﺋﻪﺳﻠﯩﻤﻪ ﺑﻮﻟﻐﯩﻨﻰ ﺋﯜﭼﯜن، ﺑﯩﺰﻣﯘ راﺳﺘﭽﯩﻠﻠﯩﻘﻘﺎ ﺳﺎدﯨﻖ ﺑﻮﻟﻐﺎن ﮬﺎﻟﺪا ﺋﻪﻣﻪﻟﯩﻴﻪﺗﺘﻪ ﻳﯜز ﺑﻪرﮔﻪن ﮬﺎدﯨﺴﯩﻠﻪر ﻗﺎﻧﺪاق ﺑﻮﻟﻐﺎن ﺑﻮﻟﺴﺎ ﺷﯘﻧﺪاق ﺧﺎﺗﯩﺮﯨﻠﻪﺷﻨﻰ ﻣﯘۋاﭘﯩﻖ ﻛﯚردۇق. ﺑﯘ ﺋﻪﺳﻠﯩﻤﯩﺪﯨﻜﻰ ﺋﺎﺳﺎﺳﻠﯩﻖ ﻛﯩﺸﻰ ﻧﯘرﺋﻪﮬﻤﻪد ﺷﯘﻧﺪاق دەﻳﺪۇ.
1950- ﻳﯩﻠﻰ ﻣﻪن ﺋﺎﻗﺴﯘ ﺷﻪﮬﯩﺮى ﺋﻮﻏﯘللار ﺑﺎشلانغۇچ ﻣﻪﻛﺘﯩﭙﯩﺪە ﺋﻮﻗﯘﺗﻘﯘﭼﯩﻠﯩﻖ ﻗﯩﻠﯩﭗ ﻳﯜرﮔﻪن ﭼﺎﻏﻠﯩﺮﯨﻤﺪا، ﺳﺎﻟﻰ ﮬﯜﺳﻪن ﺋﯩﺴﯩﻤﻠﯩﻚ ﺑﯩﺮ ﭘﯘﺗﻰ ﺋﺎﻗﺴﺎق ﻳﺎﺷﻘﯩﻨﺎ ﺑﯩﺮ ﻛﯩﺸﻰ ﺑﯩﻠﻪن ﺋﯜﻟﭙﻪﺗﻠﯩﺸﯩﭗ ﻗﺎﻟﺪﯨﻢ. ﺑﯩﺮ ﻛﯜﻧﻰ ﮔﻪﭘﻠﯩﺸﯩﭗ ﺋﻮﻟﺘﯘرۇپ، ﺳﯚﮬﺒﯩﺘﯩﻤﯩﺰ 1945- ﻳﯩﻠﯩﺪﯨﻜﻰ ﺋﺎﻗﺴﯘ داﺋﯩﺮﯨﺴﯩﺪە ﻳﯜز ﺑﻪرﮔﻪن ﺋﯜچ ۋىلايەت ئىنقىلابى مىللىي ئارمىيە ﭘﺎرﺗﯩﺰاﻧﻠﯩﺮﯨﻨﯩﯔ ﭘﺎﺋﺎﻟﯩﻴﻪت ﺋﻪﮬﯟاﻟﻰ توغرىلىق بولۇپ ﻗﺎﻟﺪى، ﺷﯘ ﭼﺎغلاردا ﺳﺎﻟﻰ ﺋﺎﻛﺎم ﮔﻮﻣﯩﻨﺪاڭ ﺋﺎرﻣﯩﻴﻪﺳﻰ ﺋﺎﻗﺴﯘدﯨﻜﻰ 5 - ﺋﺎﺗﻠﯩﻖ ﺗﯘەﻧﯩﻨﯩﯔ خىللانغان (ﮔﯩﯟاردﯨﻴﻪ) 3 - ﻟﯩﻴﻪﻧﯩﺪە ﺋﻪﺳﻜﻪرﻟﯩﻚ ﺳﺎلاﮬﯩﻴﻪت ﺑﯩﻠﻪن ﺋﺎﺷﯘ ﺟﻪﯕﻠﻪرﮔﻪ ﺑﯩﯟاﺳﯩﺘﻪ ﻗﺎﺗﻨﺎﺷﻘﺎن. ﻛﯧﻴﯩﻦ ﺑﯘ ﻗﯩﺴﯩﻢ ﻳﻪﻛﻪﻧﮕﻪ ﻳﯚﺗﻜﻪﻟﮕﻪن. 1949- ﻳﯩﻠﻰ 10- ﺋﺎﻳﺪا ﺟﯘﯕﺨﯘا ﺧﻪﻟﻖ ﺟﯘﻣﮭﯘرﯨﻴﯩﺘﻰ ﻗﯘرۇﻟﯘپ، ﺑﯘ ﻗﯩﺴﯩﻢ ﮬﻪﻗﯩﻘﻪﺗﻜﻪ ﻗﺎﻳﺘﻘﺎن. ﺳﺎﻟﻰ ﺋﺎﻛﺎم ﺋﻪﺳﻜﯩﺮﯨﻲ ﺗﯘرﻣﯘﺷﺘﯩﻦ ﺋﺎﻳﺮﯨﻠﯩﭗ ﭘﯘﻗﺮادارﭼﯩﻠﯩﻖ ﻗﯩﻠﻐﺎن(ﺑﯘ ﻛﯩﺸﻰ 2002 -يىل9- ﺋﺎﻳﺪا ئالەمدىن ئۆتتى). بۇ كىشى ئەسلەپ شۇنداق دەيدۇ:

1945- يىل 10- ﺋﺎﻳﻨﯩﯔ 11 - ﻛﯜﻧﻰ ﻛﯧﭽﯩﺴﻰ ﺗﯘﻳﯘﻗﺴﯩﺰ ﮬﻪرﺑﯩﻲ ﮬﺎﻟﻪت ﻛﺎرﻧﯩﻴﻰ ﭼﯧﻠﯩﻨﺪى، ﻗﻮراﻟﻠﯩﻨﯩﭗ ﺋﺎﻟﺪﯨﺮاش ﺳﻪپ ﺗﺎرﺗﺘﯘق، ﻛﯧﭽﯩﺪە ﺋﺎرﻏﺎﻣﭽﺎ ﺷﻮتىلار ﺑﯩﻠﻪن ﺳﯧﭙﯩﻠﺪﯨﻦ ﺳﯩﺮﺗﻘﺎ ﻳﺎﻣﯩﺸﯩﭗ ﭼﯜﺷﺘﯘق. ﺗﺎڭ ﺳﯜزۈﻟﯜپ ﺑﻮﻟﻐﯘﭼﻪ، ﺋﯘﻳﻘﯘدا ﻳﺎﺗﻘﺎن ﭘﺎرﺗﯩﺰاﻧلارﻧﯩﯔ ﻗﻮﻣﺎﻧﺪاﻧﻠﯩﻖ ﺷﯩﺘﺎﺑﯩﻐﺎ ﮬﯘﺟﯘم ﻗﯩﻠﯩﺪﯨﻜﻪﻧﻤﯩﺰ، ﺗﺎڭ ﺳﻪﮬﻪردىلا ﻛﺎرﻧﺎي ﺋﺎرﻗﯩﻠﯩﻖ ﮬﯘﺟﯘم ﺳﯩﮕﻨﺎﻟﻰ ﭼﯧﻠﯩﻨﺪى. «ﺳﺎ... ﺳﺎ!...» دەپ نەرە تارتىپ  ۋارﻗﯩﺮاپ ﮬﯘﺟﯘﻣﻐﺎ ﺋﯚﺗﺘﯘق، ﺗﯘﻳﯘﻗﺴﯩﺰ ﮬﯘﺟﯘﻣﺪﯨﻦ ﺑﯩﺨﻮد ﮬﺎﻟﺪا ﺋﯘﻳﻘﯘدا ﻳﺎﺗﻘﺎن ﭘﺎرﺗﯩﺰانلار ﻗﺎﺗﺘﯩﻖ ﻣﻪﯕﺪەپ ﻛﻪﺗﺘﻰ. ﺳﺎراﺳﯩﻤﻪ ﺑﻮﻟﯘپ، ﺗﺎرﻗﺎق ﮬﺎﻟﺪا ﺋﯧﺘﯩﭗ ﻗﯧﭽﯩﺸﻘﺎ ﺑﺎﺷﻠﯩﺪى، ﻛﯚﭘﻠﯩﺮى ﺟﻪڭ ﺑﯩﻠﻪن ﻗﻮرﺷﺎۋﻧﻰ ﺑﯚﺳﯜپ ﭼﯩﻘﯩﭗ ﻛﻪﺗﻜﻪن ﺑﻮﻟﺴﯩﻤﯘ، ﺑﯩﺮ ﻗﯩﺴﯩﻤﻠﯩﺮى ﺋﻮق ﺗﯧﮕﯩﭗ ﺋﯚﻟﯜپ ﻛﻪﺗﺘﻰ، ﺑﯩﺮ ﻗﯩﺴﯩﻤﻠﯩﺮى ﻳﺎرﯨﻠﯩﻨﯩﭗ ﺋﻪﺳﯩﺮﮔﻪ ﭼﯜﺷﺘﻰ، ﺑﯩﺰﻧﯩﯔ 3- ﻟﯩﻴﻪن  ﺋﺎﺳﯘق ﻣﻪﮬﻪﻟﻠﯩﺴﻰ ﺧﯘﻣﺪان ﺑﯧﺸﯩﻐﺎ ﭼﯜﺷﻜﻪن ﭘﺎرﺗﯩﺰانلارغا ﮬﯘﺟﯘم ﻗﯩﻠﺪۇق. ﺗﻪرەپ - ﺗﻪرەﭘﻠﻪرﮔﻪ ﻗﺎﭼﻘﺎنلارنى ﻗﻮﻏلاپ «ﻛﯩﺮﯨﺶ» ﻣﺎزار ﻳﻮﻟﻰ ﺋﯧﻐﯩﺰﯨﻐﺎ ﺑﯧﺮﯨﭗ ﻗﺎﭘﺘﯩﻤﻪن، ﻗﺎرﯨﺴﺎم «ﻛﯩﺮﯨﺶ» ﺋﯧﻐﯩﺰﯨﺪﯨﻜﻰ (ﺑﯘ ﺟﺎي ﮬﺎزﯨﺮ ﺷﻪﮬﻪرﻟﯩﻚ ﺗﯜرﻣﯩﻨﯩﯔ ﺟﻪﻧﯘﺑﯩﻲ ﺗﻪرﯨﭙﻰ) ﺋﯜچ ﺑﯘرﺟﻪك ﺋﺎﭼﺎل دۆﯕﻠﯜﻛﺘﻪ ﺑﯩﺮ ﺟﻪﺳﻪت ﺋﯩﻜﻜﻰ ﻗﻮﻟﯩﻨﻰ ﺋﯩﻜﻜﻰ ﺗﻪرەﭘﻜﻪ ﺗﺎﺷﻠﯩﻐﺎن ﮬﺎﻟﺪا ﺋﻮﯕﺪا ﻳﯧﺘﯩﭙﺘﯘ. ﺋﯜچ ﻣﯧﺘﯩﺮ ﻧﯧﺮﯨﺪا ﺋﺎرﻗﯩﺴﯩﻐﺎ ﺋﯧﻐﯩﺮ ﺧﯘرﺟﯘن ﻏﺎنجۇغلانغان، ﻳﺎﺧﺸﻰ ﺋﯩﮕﻪر - ﺟﺎﺑﯘدۇقلار ﺑﯩﻠﻪن ﺑﯧﺰەﻟﮕﻪن ﭼﯩﺮاﻳﻠﯩﻖ، زور، ﻣﺎﯕﻠﯩﻴﯩﺪا ﺋﺎق ﻳﯘﻟﺘﯘز ﻗﺎﺷﻘﯩﺴﻰ ﺑﺎر ﻗﺎرا ﺋﺎرﻏﯩﻤﺎق ﻗﻮرﻗﯘپ ﻛﻪﺗﻜﻪﻧﻠﯩﻜﺘﯩﻦ ﺧﺎرﺗﯩﻠﺪاپ ﭘﯘﺷﻘﯘرۇپ ﺋﺎﻳﻠﯩﻨﯩﭗ ﻳﯜرۈﭘﺘﯘ. «ﺋﻮﻟﺠﺎ!» دﯦﺪﯨﻢ ﺋﯩﭽﯩﻤﺪە ﺳﯚﻳﯜﻧﮕﻪن ﮬﺎﻟﺪا. «ﺋﻪﻣﺪى ﺧﯩﺰﻣﻪت ﻛﯚرﺳﯩﺘﯩﺪﯨﻐﺎن ﺑﻮﻟﺪۇم» ﺷﯘ ﻧﯩﻴﻪت ﺑﯩﻠﻪن ﮬﯧﻠﯩﻘﻰ ﺟﻪﺳﻪﺗﻨﯩﯔ ﻗﯧﺸﯩﻐﺎ ﻛﻪﻟﺪﯨﻢ. ﺟﻪﯕﺪە ﺋﻮﻟﺠﺎ ﺋﺎﻟﺴﺎق ﺗﯚﮬﭙﯩﻤﯩﺰﮔﻪ ﻗﺎراپ ﻣﯘﻛﺎﭘﺎتلايتتى. دەرﯨﺠﯩﻤﯩﺰﻧﻰ ﻛﯚﺗﯜرەﺗﺘﻰ، ﺋﺎﻳﻠﯩﻘﯩﻤﯩﺰﻣﯘ ﺋﯚﺳﻪﺗﺘﻰ، ﻗﺎرﯨﺴﺎم ﺋﯘ ﺋﯜچ ۋﯨلاﻳﻪت ئىنقىلابى ﻣﯩﻠﻠﯩﻲ ﺋﺎرﻣﯩﻴﻪﺳﯩﻨﯩﯔ ﻓﻮرﻣﯩﺴﯩﻨﻰ ﻛﻪﻳﮕﻪن ﺟﯘﯕﯟېي دەرﯨﺠﯩﻠﯩﻚ ﺑﯩﺮ روس ﺋﻮﻓﯩﺘﺴﯧﺮ ﺋﯩﻜﻪن. ﺑﯧﻠﯩﺪە ﺗﺎﭘﺎﻧﭽﺎ، ﺑﯩﺮ ﻗﻮﻟﯩﺪا ﺳﻮۋﯦﺘﯩﺴﻜﻰ دﯨﮕﺘﺎر ﺋﺎﭘﺘﻮﻣﺎت ﺗﯘﺗﯘﻗﻠﯘق، ﺋﻮق ﺋﻮڭ ﺑﯧﻘﯩﻨﯩﺪﯨﻦ ﻛﯩﺮﯨﭗ ﺗﺎﻏﺎق ﺳﯚﯕﻪﻛﻨﻰ ﭼﯧﻘﯩﭗ ﺗﯧﺸﯩﭗ ﭼﯩﻘﯩﭗ ﻛﻪﺗﻜﻪﻧﯩﻜﻪن. ﻗﺎن ﺗﯧﺨﻰ ﺗﻮﺧﺘﯩﻤﺎﭘﺘﯘ. ﻛﯚﻟﭽﻪك ﮬﺎﺳﯩﻞ ﻗﯩﭙﺘﯘ، ﺑﯘ ئىشلار ﻣﻪن ﻳﯜﮔﺮەپ ﻛﯧﻠﯩﯟاﺗﻘﺎﻧﺪا ﻳﯜز ﺑﻪرﮔﻪن ﺑﻮﻟﺴﺎ ﻛﯧﺮەك. ﺗﯧﻨﻰ ﺳﻮۋۇﻣﯩﻐﺎن، ﻗﺎﺗﻤﯩﻐﺎﻧﯩﻜﻪن. ﺟﻪﺳﻪﺗﻨﯩﯔ ﺋﻮﭼﯘق ﻛﻪﺗﻜﻪن ﻛﯚزى ﻛﯚﭘﻜﯚك، ﺋﺎﺳﻤﺎﻧﻐﺎ ﺗﯩﻜﯩﻠﮕﻪن، ﭼﯩﺮاﻳﯩﺪا ﻗﺎﻧﺪاﻗﺘﯘر ﺑﯩﺮ ﺋﻪﭘﺴﯘﺳﻠﯘق، ﮬﻪﺳﺮەت ﺋﯩﭙﺎدﯨﻠﯩﺮى ﻗﯧﺘﯩﭗ ﻗﺎﻟﻐﺎﻧﯩﺪى.
ﺟﻪﺳﻪﺗﻨﻰ ﺋﯚرۈپ ﻛﻪﻣﻪرﻧﻰ ﻳﯧﺸﯩﭗ ﺗﺎﭘﺎﻧﭽﺎ، ﺋﺎﭘﺘﻮﻣﺎت ۋە ﺋﻮقلارنى ﺋﺎﻟﺪﯨﻢ. ﻳﺎﻧﻠﯩﺮﯨﻨﻰ ﺋﺎﻗﺘﯘرﺳﺎم ﻗﯘﭘﻘﯘرۇق، ﭘﻪﻗﻪت ﺳﻮل ﺗﻪرەپ ﺗﯚش ﻳﺎﻧﭽﯘﻗﯩﺪﯨﻦ ﺋﯜچ  ۋىلايەت ﻣﯩﻠﻠﯩﻲ ﺋﺎرﻣﯩﻴﻪ ﺑﺎش ﺷﯩﺘﺎﺑﯩﻨﯩﯔ ﺑﻪرﮔﻪن ﺋﻮﻓﯩﺘﺴﯧﺮﻟﯩﻚ ﻛﯩﻤﻠﯩﻚ ﭼﯩﻘﺘﻰ. ﻗﺎرﯨﺴﺎم ﺑﯩﺮ ﭼﯧﺘﯩﺪە ﺋﯚﻟﮕﯜﭼﯩﻨﯩﯔ رەﺳﯩﻤﻰ ۋە ﺋﯘﻳﻐﯘرﭼﻪ، رۇﺳﭽﻪ ﺗﯩﻞ - ﻳﯧﺰﯨﻘﺘﺎ ﺑﯧﺴﯩﻠﻐﺎن ﮔﯩﺮاﻓﯩﻚ (ﻛﺎﺗﻪﻛﭽﻪ) ﻣﻪزﻣﯘﻧﻠﯩﺮى ﺑﺎر ﺋﯩﻜﻪن. ﺋﯘﻳﻐﯘرﭼﻪ ﻳﯧﺰﯨﻘﺘﯩﻜﻰ ﺧﻪﺗﻠﻪرﻧﻰ ﺋﻮﻗﯘﻳﺎلاﻳﺘﺘﯩﻢ. ﺋﻮﻗﯘپ ﺑﺎﻗﺴﺎم «ستېفان زاﺧﺎروۋﯨﭻ ﺗﺨﻮﻧﻮف، رۇس، ﻓﻮدﻓﻮروﭼﯩﻚ (ﺟﯘﯕﯟېي)، 40 ﻳﺎش، زامكوم ﺋﯩﺴﻜﺎدرون (ﻓﯘﻟﻴﻪﻧﺠﺎڭ)...» دﯦﮕﻪن ﻣﻪزﻣﯘنلار ﺑﺎر ﺋﯩﻜﻪن. ﺋﺎﺳﺎﺳﻪن ﺑﯩﺰﻧﯩﯔ ﮬﻪرﺑﯩﻲ ﺧﯩﺰﻣﻪت ﺳﺎلاﮬﯩﻴﻪت ﮔﯘۋاﮬﻨﺎﻣﯩﻤﯩﺰﻏﺎ ﺋﻮﺧﺸﺎپ ﻛﯧﺘﯩﺪﯨﻜﻪن. ﺑﯩﺰﻧﯩﯔ ﺟﯩﮕﻪر رەﯕﻠﯩﻚ ﺋﯩﺪى، ﺋﯘلارﻧﯩﯔ ﺗﻮق ﻗﯩﺰﯨﻞ ﺗﺎﺷﻠﯩﻖ ﺋﯩﻜﻪن. ﺋﯧﻠﯩﭗ ﻳﺎﻧﭽﯘﻗﯘﻣﻐﺎ ﺳﺎﻟﺪﯨﻢ. ﺋﺎﺗﻨﻰ ﺗﯘﺗﯘپ ﺋﺎلاي دەپ يېقىنلاشسام ﺧﺎرﺗﯩﻠﺪاپ ﭼﺎﭘﭽﯩﭗ ﻳﯧﻘﯩﻦ ﻳﻮلاﺗﻤﯩﺪى، ﻧﯧﺮﯨﺪا ﭘﺎرﺗﯩﺰانلارنى ﻗﻮﻏلاپ ﻳﯜرﮔﻪن ﺑﯩﺰﻧﯩﯔ ﭘﻪﻳﺪﯨﻜﻰ ﺑﯩﺮﻗﺎﻧﭽﻪ ﺋﯘﻳﻐﯘر ﺋﻪﺳﻜﻪرﻟﻪر ﻣﯧﻨﻰ ﻛﯚرۈپ ﻳﯜﮔﺮەپ ﻛﯧﻠﯩﺸﯩﭗ ﭼﯚرەﻣﮕﻪ ﺋﻮلاﺷﺘﻰ.
ـــــ ﺳﺎﻟﻰ ﺑﯘ رۇﺳﻨﻰ ﺳﻪن ﺋﺎﺗﺘﯩﯖﻤﺎ؟ ﻗﺎﻟﺘﯩﺲ! ﺋﻮﻟﺠﯩﻐﺎ ﺑﯩﺰﻧﯩﻤﯘ شېرىك ﻗﯩﻞ - ﮬﻪ؟!
ـــــ ﮬﻪ، ﻣﻪن ﺋﺎﺗﺘﯩﻢ، ـــــ دﯦﺪﯨﻢ  (ﺋﻪﺳﻠﯩﺪە ﻣﻪن ﺋﺎﺗﻤﯩﻐﺎن، ﺑﺎشقىلار ﺋﺎﺗﻘﺎن ﺋﻮق ﻗﺎرﯨﺴﯩﻐﺎ ﺗﻪﮔﻜﻪن ﺋﯩﻜﻪن، ﺋﻮﻟﺠﯩﻨﻰ ﺗﺎرﺗﺘﯘرۇپ ﻗﻮﻳﻤﺎﺳﻠﯩﻖ ﺋﯜﭼﯜن «ﻣﻪن ﺋﺎﺗﺘﯩﻢ» دﯦﺪﯨﻢ).  ﺑﯩﺮدەﻣﺪىلا ﭘﻪﻳﺠﺎڭ، ﻟﻴﻪﻧﺠﺎڭلار ﻳﯧﺘﯩﭗ ﻛﯧﻠﯩﺸﯩﭗ «ﻧﯧﻤﻪ ﺋﯩﺶ، ﻧﯧﻤﻪ ﺋﯩﺶ؟» دەپ ﺳﻮراﺷﺘﻰ. ﺋﺎﺗﻨﻰ ﺑﯩﺮ ﺋﺎﻣﺎل ﻗﯩﻠﯩﭗ ﺗﯘﺗﯩﯟاﻟﺪۇق. دەل ﺷﯘ ﭘﻪﻳﺘﺘﻪ ﺟﻴﺎۋ ﺗﯘەﻧﺠﺎڭ ﺋﺎﺗﻠﯩﻖ ﻳﯧﺘﯩﭗ ﻛﻪﻟﺪى. ﺋﻪﮬﯟاﻟﻨﻰ ﺋﯘﻗﺘﻰ، ﺟﻪﺳﻪﺗﻨﻰ ﺗﺎﭘﺎﻧﭽﺎ، ﺋﺎﭘﺘﻮﻣﺎت، ﺋﻮق، ﺋﺎﺗﻨﻰ ﻛﯚرۈپ ﺑﻪك ﺧﯘﺷﺎل ﺑﻮﻟﺪى. ﮬﻪرﺑﯩﻲ ﻛﯩﻨﯩﺸﻜﯩﺴﯩﻨﻰ ﺋﯚزى ﺋﺎلاﮬﯩﺪە ﺋﻮراپ ﺗﯚش ﻳﺎﻧﭽﯘﻗﯩﻐﺎ ﺳﺎﻟﺪى. ﺋﺎﺗﻨﯩﯔ غاﻧﺠﯘﻏﯩﺴﯩﺪﯨﻦ ﺧﻮرﺟﯘنلارنى ﻳﯧﺸﯩﭗ ﺋﯧﭽﯩﭗ ﻗﺎرﯨﯟﯨﺪى، ﺑﯩﺮ ﺳﺎﻧﺪۇﻗﭽﯩﺪا ﻟﯩﻖ تىللا، ﻳﻪﻧﻪ ﺑﯩﺮﺳﯩﺪە ﻟﯩﻖ زﯨﻘﭽﻪ ﺋﺎﻟﺘﯘن ﺑﺎر ﺋﯩﻜﻪن، ﻧﻪﻳﺰە ﺑﻮي ﺋﯚرﻟﯩﮕﻪن ﻗﯘﻳﺎش ﻧﯘرﯨﺪا ئالتۇنلار ﺋﯩﻠﻠﯩﻖ ﻳﺎﻟﺘﯩﺮاپ ﺗﯘراﺗﺘﻰ. ﮬﻪﻣﻤﯩﻤﯩﺰﻧﯩﯔ ﻛﯚزى ﺋﺎلتۇنلارغا ﺗﯩﻜﯩﻠﺪى «ۋاي ﺋﯧﺴﯩﺖ!» دەپ ﻗﺎﻟﺪۇق ﺋﯩﭽﯩﻤﯩﺰدە، ﺋﺎدەم ﻛﯚپ، ﺷﻪﺧﺴﻨﯩﯔ ﻗﯩﻠﯩﯟﯦﻠﯩﺸﻘﺎ ئىلاج ﻳﻮق ﺋﯩﺪى.
ـــــ ﻣﻮ ﺧﻪﻳﺠﺎڭ (ﺳﺎﻟﻰ ﺋﺎﻛﯩﻨﯩﯔ ﺧﻪﻧﺰۇﭼﻪ ﺋﯩﺴﻤﻰ)، ﺳﻪن ﺟﯘﯕﺨﯘا ﻣﯩﻨﮕﻮ ﺋﯜﭼﯜن، ﺟﯘﯕﺨﯘا ﻣﯩﻨﮕﻮ ﻗﻮراﻟﻠﯩﻖ ﺋﺎرﻣﯩﻴﻪﺳﯩﻨﯩﯔ ﺷﺎن - ﺷﻪرﯨﭙﻰ ﺋﯜﭼﯜن ﻛﺎﺗﺘﺎ ﺗﯚﮬﭙﻪ ﻳﺎراﺗﺘﯩﯔ! 1 - دەرﯨﺠﯩﻠﯩﻚ ﺧﯩﺰﻣﻪت ﻛﯚرﺳﻪﺗﺘﯩﯔ، ﺳﺎﯕﺎ 1-دەرﯨﺠﻠﯩﻚ ﻗﻪﮬﺮﯨﻤﺎﻧﻠﯩﻖ ﻣﯧﺪاﻟﻰ ﺑﯧﺮﯨﻠﯩﭗ، ۋەزﯨﭙﻪڭ ﺷﺎﯕﺸﻰ ﻓﯘﭘﻪﻳﺠﺎﯕﻠﯩﻘﻘﺎ ﺋﯚﺳﺘﯜرۈﻟﺪى (ﺋﺎددﯨﻲ ﺋﻪﺳﻜﻪر ﺋﯩﺪﯨﻢ) ﮬﻪم ﺑﯘ تىللادىن 20 داﻧﯩﺴﻰ ﺋﯩﻨﺌﺎم ﻗﯩﻠﯩﻨﺪى. ﺳﯩﻠﯩﯖﺒﯘﻏﺎ ﻗﺎﻳﺘﻘﺎﻧﺪﯨﻦ ﻛﯧﻴﯩﻦ، ﭘﯜﺗﯜن ﺋﻪﺳﻜﻪرﻟﻪر ﺳﯧﭙﻰ ﺋﺎﻟﺪﯨﺪا ﺋﯩﺠﺮا ﻗﯩﻠﯩﻨﯩﺪۇ! ـــــ دﯦﺪى (ﻛﯧﻴﯩﻦ ﺷﯘﻧﺪاق ﻗﯩﻠﯩﻨﺪى. ﺑﯘ تىللالارنى ﻣﻪن ﻳﻪﻛﻪﻧﮕﻪ  ﻳﯚﺗﻜﻪﻟﮕﻪﻧﺪە ﺑﯩﺮ ﻗﯧﺘﯩﻤﻠﯩﻖ ﻗﯩﻤﺎردا ﺋﯘﺗﺘﯘرۇۋەﺗﺘﯩﻢ).
ـــــ ﺧﯘڭ ﻟﻴﻪﻧﺠﺎڭ! ـــــ دەپ ﺑﯘﻳﺮۇق ﻗﯩﻠﺪى ﻳﻪﻧﻪ ﺟﻴﺎۋ ﺗﯘەﻧﺠﺎڭ ـــــ ﺳﻪن ﺑﯘ ساندۇقلارنى ﮬﺎزﯨﺮلا ﭘﯧﭽﻪﺗﻠﻪپ، ﻳﺎراﻣﻠﯩﻖ 10 ﺋﻪﺳﻜﻪرﻧﯩﯔ ﮬﯧﻤﺎﻳﯩﺴﯩﺪە دەرﮬﺎل ﺳﯩﻠﯩﯖﺒﯘﻏﺎ ﺋﯧﻠﯩﭗ ﺑﺎر. ﻧﺎزارەﺗﻨﻰ ﻛﯜﭼﻪﻳﺘﯩﭗ، ﻛﻮﻣﯩﺴﺴﻴﻪ ﺗﻪﺷﻜﯩﻠﻠﻪپ، ﺋﺎلتۇنلارنى ﺑﯩﺮ - ﺑﯩﺮﻟﻪپ ﺳﺎﻧﺎپ روﻳﺨﻪﺗﻜﻪ ﺗﯩﺰىملاڭلار،  ﻗﺎﻳﺘﯩﺪﯨﻦ ﭘﯧﭽﻪﺗﻠﻪﻧﺴﯘن ۋە ﺗﯘەن ﺧﻪزﯨﻨﯩﺴﯩﮕﻪ ﺋﯚﺗﻜﯜزﯨﺴﻪن! ﻛﯧﻴﯩﻦ ﺋﯜرۈﻣﭽﻰ ﮔﺎرﻧﯩﺰون ﺑﺎش ﺷﯩﺘﺎﺑﯩﻐﺎ ﻳﻮللاپ ﺑﯧﺮﯨﻠﯩﺪۇ. ﻗﯩﻠﭽﻪ ﺷﻪﺧﺴﯩﻲ ﻏﻪرەز-ﺳﻪۋەﻧﻠﯩﻜﻠﻪر ﻛﯚرۈﻟﻤﯩﺴﯘن! خىلابلىق  قىلغۇچىلار  بۇلاڭچىلار ﺳﯜﭘﯩﺘﯩﺪە ﺋﯧﺘﯩﭗ ﺗﺎﺷﻠﯩﻨﯩﺪۇ!
ـــــ ﺧﻮپ ﺗﯘەﻧﺠﺎڭ!...
ﺧﯘڭ يادۇڭ ﻟﻴﻪﻧﺠﺎڭ ﭼﺎﺳﺖ ﺑﻪردى - دە، ﺳﺎﻧﺪۇقلارنى ﻗﺎﻳﺘﯩﺪﯨﻦ ﭘﯧﭽﻪﺗﻠﻪپ ﺋﺎﺗﻘﺎ ﻗﺎﻳﺘﯩﺪﯨﻦ ﻏﺎﻧﺠﯘﻏﯩﻠﯩﺪى. ﻣﻪن ﺑﯩﻠﻪن 10 ﻧﻪﭘﻪر ﺋﻪﺳﻜﻪرﻧﻰ ﺗﺎﻟلاپ ﺋﺎتلاندۇردى. ﺑﯩﺰ ﺟﻪﯕﮕﺎﮬﺘﯩﻦ ﺋﺎﻳﺮﯨﻠﺪۇق، ﺋﺎﻟﺘﯘنلارنى ﺳﯧﭙﯩﻞ ﺋﯩﭽﯩﮕﻪ ﺋﻪﻛﯩﺮﯨﯟاﻟﺪۇق...
ﺋﺎﻗﺴﯘ ۋىلايەتلىك ﻣﻪدەﻧﯩﻴﻪت - ﺗﻪﻧﺘﻪرﺑﯩﻴﻪ ﺋﯩﺪارﯨﺴﻰ: ﺋﯧﺰﯨﺰ ﺳﺎۋۇت

ئەركمان بۇرادەر، كەلگەن قەدىمىڭىزگە قۇتلۇق بولغاي!

ئەركمان ئەپەندىنىڭ ئەجرىدىن دىلىم سۈيۈندى . سالامەتلىك سىلىگە يار بولسۇن!

ئەركىما ئەپەندىنىڭ مۇھىم بولغان تارىخىي تېمىنى يوللىغىنىغا رەخمەت

ئابرالنىڭ سوغۇق چۈشكەن ئېتەكلىرىدىن بىزە بولسىمۇ ئىسسىنىۋالاي، دەپ بۇ سەلتەنەتخانىڭىزلارغا ئىللىقلىق ئىستەپ كەلدىم، بىر بۇلۇڭدىن جاي بەرگەنلىكىڭىزلەرگە رەھمەت

ئىزگۈ  تىلەكلىرىڭىزگە رەھمەت جۇمۇ ئەزىز بۇرادەر، سىزگە ھەم ساغلاملىق مەڭگۈ يار بولغاي!

بۇ ماقالىنى «شىنجاڭ تارىخ ماتېرىياللىرى» دىن كۆرۈپ خېلى تارىخىي قىممىتىدىن باشقا يەنە ئەزىز ساۋۇتتەك بىر يازغۇچى قەلىمىدە ئوبدانلار ئەدەبىي دىت بىلەن خاتىرىگە ئېلىنغانلىقىنى ھېس قىلىپ بۇ يەرگە سۆرەپ كىردىم!

ئەجىرڭىزگە كۆپتىن-كۆپ رەھمەت...!