دىلداش- ماڭا ئاشىق قىز يوقمۇ(يېڭىلىنىپ بارىدۇ) [ئۇلانما كۆچۈرۈش]

مۇنبەردىدىكى ئۇستازلار ۋە دوستلارنىڭ تەكلىۋى بۇيۇنچە بارلىق تىمىلىرىمنى بۇ تىمىمغا ئۇلاپ مىڭىشنى لايىق كۆردۈم. مۇنبەرداشلارنىڭ تەكلىپ، تەنقىدلىرىنى ئايىماسلىقىنى ئۈمۈد قىلىمەن.

ماڭا ئاشىق قىز يوقمۇ

كامىلجان ناسىر(دىلداش)

ئېچىلدۇردۇم دىل بېغىمدا گۈللەرنى،
شەبنەم بۇلۇپ چاقنار كىممۇ بەرگىدە؟
مېنىڭ قەلبىم پايانى يوق بىر ئاسمان،
ئاققۇ بولۇپ ئۇچار كىممۇ قەھرىدە؟

سانسىز كۈنلەر كۈتتۈم ئۈنسىز كىمنىدۇر،
باستى ھەسرەت قالدىم تەنھا مۇڭلۇنۇپ.
ئۇزاق تۈنلەر چۈشلىرىمدۇر قۇپقۇرۇق،
كەتتىم تالاي ئارمان بىلەن ئويغۇنۇپ.

سۈتتەك كېچە كەزدىم دەريا بويىنى،
قالدى ئۇندا غېرىپ - مىسكىن ئىزلىرىم.
مەن ياڭرىتىپ ئاشىقلىقنىڭ كۈيىنى،
پىغان ئىچرە ئاھ كىمنىدۇر ئىزلىدىم.

مەيلى يىغلاي ،مەيلى كۈلەي ھاياتتا،
ئىزلىرىمغا ئىز بولغىدەك ئىز يوقمۇ؟!
مەغرىپ بىلەن مەشرىق ئارا تەلمۈردىم،
بۇ جاھاندا ماڭا ئاشىق قىز يوقمۇ؟

بۇ يازمىنى ئاخىرىدا   دىلداش تەھرىرلىگەن. ۋاقتى  2013-1-18 00:16  

سۈيەرسەنمۇ  شەبنەم  بۇلۇپ چاقنىسام،
دىل بېغىڭدا ئېچىلغان  گۈل  بەرگىدە.
قەلبىڭ  ئىكەن  پايانى  يوق  بىر ئاسمان،
ئۇچاي  دەيمەن  كۆكلىرىڭنىڭ  قەھرىدە.

ئۆتكەن بولسا كۆتۈش بىلەن كۈنلىرىڭ،
مەن  بارارمەن  زىلال  سۇدەك  ئەركىلەپ.
مۇڭلانمىغىن  چۈشلىرىڭگە  بەر چىداش،
تۇرغاچ تۇرغىن  ھەسرىتىڭنى  پەپىلەپ.

مەيلى  يىغلا ،مەيلى كۈلگىن ھاياتتا،
ۋىسال  پەسلى  ھامان ساڭا  كۆلىدۇ.
يۈرىكىڭنىڭ سېلىشىغا  قۇلاق  سال،
ساڭا ئاشىق  بىر قىز ھامان كىلىدۇ.

كەلسە ئىدى ماڭا ئاشىق قىز چوقۇم،
تەقدىم ئىدى ئاڭا ئىشقىم بار يوقۇم.
چىن مېھرىمدىن ئەقدەمنى ئاتايتىم،
ساداقەتتىن قوزغالسىلا گەر زوقۇم.

دوستلۇق بىلەن گۈزەلدۇر ئالەم

كامىلجان ناسىر(دىلداش)  

شۇنچە گۈزەل سەبى يۈرەكلەر،   
شۇنچە گۈزەل ئوتلۇق تىلەكلەر.  
شۇنچە گۈزەل-گۈزەل كۈيلەردىن،  
پورەك ئاچقان رەڭدار چېچەكلەر.  
  
گۈزەللىك سىن قوشار ھاياتقا،  
گۈزەللىك ئۇ،شاتلىققا ھاتەم.  
مۇھتاج ئاڭا ھامان بۇ ئالەم،   
گۈزەللىكنىڭ شاھىدۇر ئادەم.   
  
يەر شارىنىڭ گۈزەللىكى بىز،  
گۈزەللىككە ئىنتىلەيلى تەڭ.  
چىن ھەقىقى ئىنسان بىز ئەبەت،   
مېھنەت ئۈچۈن تۈرەلىسەك يەڭ.


دوستلۇققا يار ئۆمۈر مەنزىلىم

دوستلۇق ئۈچۈن تەلپۈنەر قەلبىم،
دوستلار بىلەن كۈلگەچ ھاياتىم.  
دوستلار قەلبى ئۇلۇق بىر دۇنيا،  
مەمنۇنلۇقتىن ھاسىل مۇرادىم.


         قەلبىم پاكتۇر شۇنچە غۇبارسىز،  
          پاكلىق بولغاچ ئۇلۇقلۇق ھۇلى.  
        دوستلۇق ئورتاق غايە ئىرادە،   
  داۋاملىشار ھاياتلىق يولى .
  
   دوستلۇققا يار ئۆمۈر مەنزىلىم،
    قەدەملەردە ماڭا يار يۆلەك.   
     دوستلار ئشقى مەدەت رىغبىتىم،  
         بولغاچ ئۆمرۈم ئاچار گۈل- چېچەك.
  

چاڭقاقلىقىم قانار دوستلۇقىتىن،  

زىرىكىشلەرياتتۇر ماڭا يات.
        دوستلار بولغاچ دەمدە مەدەتكار،   
      مۈشكۈللەردە چەكمىدىم پەريات.   

شۇڭا ھامان پاك ئەقىدىمدىن،  
     چىن دوستلارنى  كەلدىم  ئۇلۇقلاپ.  
     بۈيۈك ئەھدىم :دوستنى قەدىرلەپ،   
ئۆتمەكلىكنى كەلدىم نىشالاپ.   
  
    ساختىلىقىتىن يىراقمەن ئەبەت،   
        دوستلار ئۈچۈن تەقدىم بارلىقىم.    
           دوست دېگەننى دوستۇم سانايمەن،   

  ئەشۇ سۆزلەر ئىختىيارلىقىم.

بۇ يازمىنى ئاخىرىدا   دىلداش تەھرىرلىگەن. ۋاقتى  2012-5-28 15:15  

بىر  ماۋزۇ  ئاستىغا جەملىگىنىڭىز  ياخشى بوپتۇ.ئىلان قىلغان ۋە ئىلان قىلماقچى بولغان شئېىرلىرىڭىزنى مۇشۇ ماۋزۇ ئاستىغا يىغسىڭىز  شئېىرلىرىڭىزنى بىر يۈرۈش كۆرىشىمىزگە قولايلىق....
      دىلداشنىڭ شئېىرلىرىغا كونا مۇنبەر يولغا قويۇلىۋاتقان چاغدىلا دىققەت قىلغان ئىدىم.چۈنكى دىلداشنىڭ شئېىرلىرىدا سۈزۈكلۈك،تەبئىيلىك بار.ھەرقانداق سورۇن ۋە ۋاقىتتا كۆرۈشكە مۇۋاپىق.چۈنكى ئارتۇقچە پەدازلاش،سىرلىقلاشتۇرۇش،غۇۇۋالاشتۇرۇشتىن خالى،ئوبرازچانلىققا،لىرىكىلىققا ئىگە.

رەھمەت سىزگە ئۇستاز

                                       

                             

                   كامىلجان ناسىر(دىلداش)  

ئاقباش تاغ بېشىدىن سېلىپ ئۇزۇن يول،
شارقىراپ ئاقىدۇ ھامان تاغ سۈيى  .   
ھاياتقا چىن مەنە ھەر بىر تىنىقى،   
تارىتىپ بارىدۇ ھاياتلىىق كۈيى.   

ئاقىىدۇ شارقىراپ تاغ سۈيى ھامان،  
قورام تاش يۇيۇلار سۈپسۈزۈك شۇنچە.   
ياپيېشىل گىياھقا، قىرغا، ئېدىرغا ،   
چاچرىتار شوخلۇقتا كۈمۈشرەڭ ئۈنچە.

چۈشەر ئۇ شارقىراپ ئېگىز تاغلاردىن،
ئۆمىلەپ چۈشكەن بىر كۈمۈش يىلاندەك.
شاۋقۇنى دىللارغا ھۇزۇر بېغىشلار،
ئوركىستىر سەھنىدە كۈيلەر چالغاندەك.

چۈشەر ئۇئەركىلەپ شۇنچىلىك لەۋەن،  
چۈشەر ئۇ دىللارغا چاچرىىتىپ زىيا.   
چۈشەر ئۇ شىددەتتە ئېتىلىپ ئالغا ،
چۈشەر ئۇ يېڭىلاپ ھەر دەقىق دۇنيا.  

كۈۋەجەپ تولغىشىپ تاشلار ھەر دەقىق،
قاغجىراق زېمىىنغا، قۇملۇققا قەدەم.  
گۈللىنەر مېھرىدىن ھاياتلىق شارى،  
ئەل خۇشال، لېكىن ئۇ مىننەتسىز ھەردەم.

ئۈزۈلمەي كۈي تۈكۈپ ئاقار ئۇ مەڭگۈ،
ئېكىنزار، ئېتىز ھەم باغلارغا قاراپ.  
ئۇچۇملاپ ئىچسەڭ گەر تۇيۇلار شۇدەم،
قان كەبى ئاققاندەك تۇمۇرغا تاراپ.

   دىلداشقا:

     «ئۇستاز » دەپ ئالسىڭىز ئوڭايسىزلىنىپ قالىدىكەنمەن.چۈنكى مەن ئالى مەكتەپنى پۈتتۈرۈپ،6 يىل ئوقۇتقۇچى  بولغان بولساممۇ ،ئۇ كەسپ بىلەن خوشلاشقىلى ئۇزۇن يىللار بولدى. «ئەپەندى» دەپ ئالسىڭىز مۇۋاپىق.سىزنىمۇ شۇنداق ئاتىغۇم بار.ھۆرمەتتە ئۆز-ئارا باراۋەرلىك گەۋدىلەنسە دېگەن ئويۇم بار.ئەگەر يېشىڭىزنىڭ مەندىن كىچىكلىكىنى كۆزدە تۇتسىڭىز «ئاكا » دېسسىڭىزمۇ بولىدۇ.

كامىلجان ناسىر(دىلداش)

تەلمۈرۈپ باقىمەن ئۇچۇرۇڭ تامان،
بەلكى سەن ئۇخلايسەن شىرىن ئۇيقىدا.
مۇزگۈلى بەرگىدە ياندۇرۇپ گۈلخان،   
ئىزدەيمەن ھېددىڭنى چاتقاللار ئارا.

ئۆمرۈمنى خۇرۇتۇپ بارماقتا كۈتۈش،
تىلغىنار سۆيگۈگە تۇيۇنماس يۈرەك.   
ۋىسالىڭ ئايلاندى پايانسىز ھاڭغا،
ئۆتىمەن تاڭلاردا دەمدەردەك ئۈنلەپ.

تۇنجۇقۇپ بارماقتا ئىغىر سۈكۈتلەر،
ئاشىقلىق قەلبىمدە كۈتۈرۈپ ئىسيان.
سەنسىزلىك ھار كەلدى ماڭا شۇ قەدەر،
بىر خەۋەر بەرمەمسەن كۈلگىدەك چاپسان.

رېستوراندصكص پةرياد



ئاپتۇر:كامىلجان ناسىر(دىلداش)



رېستوران ئصچصدة ئايلصنصدۇ يةر،

ئايلصنار مۇزصكا،ئايلصنار يۈرةك.

ئادةملةر ئۇنتۇغان ئازابنص بۇدةم،

بۇ يةردة ئولتۇرغان مېنصڭدصن بۆلةك.



تاملارغا چاپلاشقان كۆكۈش ئصس تامام،

ئةتراپصم گوياكص تۇمانلصق جاھان.

يۈرصمةن بۇ يةردة ئۆزۈمنص ئصزدةپ،

ئېھ، مېنص تاپمصقصم ئاساندۇر - ئاسان.



مېڭةمنص كۆيدۈرةر ھاراقنصڭ بۇسص،

چةلةڭگۈش كۆزلصرصم يةرگة تصكصلگةن.

مانا بۇ مةن كۆرگةن مةشۇم رېئاللصق،

مانا بۇ ئازابقا باغلصنصش دېگةن.



سۈكۈتلصك قةلبصمدصن كۈتۈردصم پةرياد،

نېرص تۇر مېنصڭدصن ئةمدص رېستۇران.

ئۆزۈمنص ئېپ قاچقۇم كةلدص سېنصڭدصن،

رېستۇران بولمصغان سةھرالار تامان...

سۆيگۈ ئىكەن بىر ئۇدۇم

كامىلجان ناسىر(دىلداش)

ناخشا توۋلاپ ئاكام ھەر كېچە،   
مەھەللىنى چىقاتتى كىزىپ.  
ياڭرىتاتتى سۆيگۈ ناخشىسى،
شۇنداق مۇڭلۇق رېتىمغا تېزىپ.

<<توۋا>>دەيتىم ئىچىمدە دائېم،   
ئاكامنىڭ بۇ قىلىقلىرىدىن.   
<<ساراڭمىدۇ>> دەيتىم،چۈشەندىم،   
ئۆتۈپ سۆيگۈ ئېرىقلىرىدىن.

ئەخمەق ئەمەس ئىكەن ئاكاممۇ،
ناخشا توۋلاپ يۈرگىنى بىلەن.   
ناخشا ئوقۇپ ئۇچرىشار ئىكەن،
ئەمدى بىلدىم سۆيگۈنى بىلەن.


شۇنداق كۈنلەر كەلدى بىشىمغا...   
ئاكام ئوخشاش ناخشا توۋلۇدۇم.  
يۇرت ئىچىنى ئارلىدىم ھەر كەچ،
دېمەك سۆيگۈ ئىكەن بىر ئۇدۇم.


تۈگىمەس ناخشا

قەلبىمدە بىر ناخشا ئۈزىدۇ مۇڭلۇق،   
ئاڭلىدىم ئاڭلايمەن تاكى ئۆلگىچە.   
سۈيۈملىك تۇيۇلار ھەر بىر ئاڭلىسام،  
جىنىمنىڭ ھۇزۇرى شۇنداق ئۆزگىچە.


قانمايمەن تەكرارلاپ ئاڭلىسام تالاي،     
بەھرىدىن ۋۇجۇدۇم كىلەر لەرزىگە.   
تۇيغۇمغا تىنمسىز باشلايدۇ ئارمان،  
چۆككەندە زوقلۇنۇپ كۈينىڭ بەھرىگە.


ئۇ ناخشا مۇقەددەس سۆيگۈ ناخشسى،     
پۈتۈلگەن ئۇنۇڭغا شادلىق ھەسرىتىم.     
بار يەنە ئۇنۇڭدا تاتلىق ئازاپلار ،   
زارلىنىش،ھەم يەنە ئۈمۈد لەززىتم.


ئۆتىدۇ بۇ ئۆمۈرۈم شۇ ناخشا بىلەن،   
ئەجداتتىن ئەۋلاتقا يادىكار بۇلۇپ.   
ئۆچمەيدۇ ساداسى ئەسىر - ئەسىرلەپ،  
ساداقەت يار دىلدىن ياڭرار جۇش ئۇرۇپ.

سۆيگۈ ئىكەن بىر ئۇدۇم دىگەن شېئىرىڭىزنى كونا مۇنبەردىكى چاغدىلا ئوقۇپ ياقتۇرۇپ قالغان ئىدىم. قايتا كۆرگىنىمدىن خۇرسەنمەن. شېئىرلىرىڭىزنى بەكلا ياقتۇرىمەن. ئىجادىيەت سەپىرىڭىز ئۇتۇقلۇق بولغاي

سالام دىلداشجان، شېىرلىرىڭىزنى كۆرۈپ بەك خۇرسەن بولدۇم، بىر -بىرىدىن ياخشى چىقىپتۇ. ئادەمنىڭ يۈرەك تارىنى چەككۈدەكلا...ئاللا ئىگەم تەزىز تېنىڭىزنى سالامەت قىلسۇن. قەلەم تۇلپارىڭىز ھارمىغاي،ئامىن!!!

قۇچىقىڭدا جان بىرەي جانان

كامىلجان ناسىر(دىلداش)

ئوتلۇق تۇيغۇ جىمىرلىغان تەن ،   
تاتلىق -تاتلىق تولغىنار بۇدەم.  
يۈرىكىمگە كىلەر يېقىنلاپ،  
پەرىشىدەك ئوماق پەرىشتەم.

قەلبىمدىكى غەمكىن پىغانلار،   
تەشنا شۇتاپ سېنى سۈيۈشكە.
تىنىقلاردىن ئۈنگەن ئوتلۇق ھېس،
گۇۋا بولدى ساڭا كۈيۈشكە.

سەندىن ئەنداز ئالغان تۇلۇنئاي،
بۇ سۈرەتنى ئالغاندۇ سىزىپ.  
ساڭا كۆيگەن غەمكىن بۇلۇتلار ،
ھەم بولغاندۇ سۆزىنى يېزىپ.

زارىقىشقا بېرىپ تەسەللى،   
دىلخانەمگە باقىسەن قىيپاش.   
ئۈنەر ئاستا كىچە قوينىغا ،
ئۈمۈدلەردىن تۇغۇلغان قۇياش.  

ۋىسال كۈتۈپ كەلمەكتە بۇدەم،
چاك - چاك بۇلۇپ سارغايغان يۈرەك.   
شەبنەم بۇلۇپ سىڭدى باغرىڭغا ،
چولپان كەبى پارلىغان تىلەك.  

كەل ۋەسلىمىز ئۇرسۇن بىر بەرق،   
يوق بوپ كەتسۇن دىلدىكى مانان.  
سۆي ئاغرىتىپ مىسكىن لىۋىمگە،
قۇچىقىڭدا جان بىرەي جانان.