خىزىر ئىكەن بوۋام ئەسلىدە [ئۇلانما كۆچۈرۈش]

خىزىر ئىكەن بوۋام ئەسلىدە


ئاڭلىغانتىم بۇرۇنلا،
خىزىر ھەققىدە.
قىلاتتىم ھەم ئۇنىڭغا،
دىلدىن ئەقىدە.

ئاپئاق ساقال،خۇشچىراي،
ئىكەنمىش خىزىر.
تاپار ئىكەن ھەرقانداق،
مۈشكۈلگە تەدبىر.

قەدەم قويسا ئۇ ئەگەر،
قايسى يۇرت-ئەلگە.
يامانلارنىڭ قەستى تەڭ-
بولارمىش نۆلگە.

كىم مۇھتاجلىق تارتسا گەر،
قايسى بىر ھالدا.
ھەتتا پەيدا بولارمىش،
ئىكەن جاڭگالدا.

يېتىملەرنىڭ سىلارمىش،
ئىكەن بېشىنى.


ئۆز قولىدا سۈرتەرمىش،
ئىكەن يېشىنى.

ھەتتا قاقاس-جاڭگالغا،
تەگسە ئايىقى.
بولارمىشكەن ئاشكارە،
ئۇنىڭ بايلىقى.

بارغان يۇرتتا ئادىللىق،
دەۋران سۈرەركەن.
پۇقرالىرى ئۆم-ئىناق،
خوشال يۈرەركەن.

  *  * * *
بۇ خىسلەتنىڭ تولىسى،
بوۋامدا ئىدى.
ئەپسۇس،رەھىمسىز ئەجەل،
بىزنى ئايرىدى.

قىلماپتىمەن بارىدا،
قەدرىنى ،توۋا.
خىزىر بولۇپ چۈشۈمگە،
كىرىدۇ غۇۋا...

مەنبە: ئىجادىيەت.

بۇ شېئىرىڭىز ماڭا مەرھۇم شائىر ئابلىمىت سادىق ئاكىنى ئەسلەتتى ...

         ياخشى چىقىپتۇ،تىلى يەڭگىل ھەم چۈچۈك، كېچىك دوسىتلار چۇقۇم ياقتۇرىدۇ.

ئۆز قولىدا سۈرتەرمىش،
ئىكەن يېشىنى.
   بۇ كوبلىتتىكى  ‹ئىكەن› نىڭ ئورنىغا باشقا سۆز ئالغان بولسىڭىزچۇ؟ تەكرارلىنىش...بالىلار ئۈچۈن تېخىمۇ كۆپ قەلەم تەۋرىتەلەيدىغانلىقىڭىزغا ئىشىنىمەن.