ھاياتلىق تەھدىتىگە ئۇچىراۋاتقان دۆلەتتە، سېمىزلىك ئېغىزغا ئالغۇچىلىكى يوق ئىش بولسىمۇ ، بۇ ھەقىقەتەن ئىراقلىقلار دۇچ كىلىۋاتقان قىيىن مەسلە بولۇپ قالدى. ئامېرىكا «لوس- ئانژىلىس ۋاقىت گېزىتى»نىڭ 8- سېنتەبىر خەۋەر قىلشىچە، بەش يىلدىن بۇيانقى زوراۋانلىق توقۇنۇش ئىراقلىقلارنىڭ تۇرمۇش ئۇسۇلىنى ئۆزگەرتىۋەتكەن، نۇرغۇن كىشلەر تۇتقۇن قىلىش ياكى باشقا سەۋەپلەر تۈپەيلىدىن ھاياتىدىن ئايرىلىپ قىلىشتىن قورقۇپ، ئۆيلىرىدىن چىقماس بولۇپ قالغان. ھەركەت قىلىشنى ياخشى كۆرىدىغانلارمۇ كېچىدە يۈرۈش مەنئى قىلىنغانلىقتىن، ئۆيدىن چىقماي، تاماق يەپ، تېلۋۇزۇر كۆرۈپ، كومېيوتېر ئويناپ كۈن ئۆتكۈزىدىغان بولغان. ئۇنىڭدىن باشقا ئىشسىزلىق نىسبىتىنىڭ ئىشىشى سەۋەبىدىنمۇ كىشلەر چۈشكۈنلىشىپ، بولۇشىغا يەپ ئىچىدىغان بولۇۋالغان.

    دۇنيا سەھيە تەشكىلاتىنىڭ 2006- يىلىدىكى تەكشۈرۈشىگە قارغاندا ئېراقتا 25 ياشتىن 65 ياشقىچە بولغانلار ئىچىدە سېمىز ئەرلەر %26، سېمىز ئاياللار%38 نى ئېگەللىگەن. ئامېرىكا ئەزەلدىن سېمىز ئەرلەر ئەڭ كۆپ دۆلەتلەرنىڭ بىرى بولۇپ، سېمىز ئەرلەر%33 نى، سېمىز ئاياللار %35 نى ئىگىلەيدىكەن، لىكىن ئىلگىرى ئىراقلىلار بۇنداق سەمىرىپ كەتمىگەن.