شاڭگاڭدا چىقىدىغان «ئەدەبىي ئەسەلەر توپلىمى گېزىتى»دا خەۋەر قىلىنىشىچە،ئەنگلىيىدە بىر نەپەر 8 ياشلىق ئۆسمۈر قۇلاق ياللۇغى بولۇپ قېلىپ ئوقۇشتىن ۋاقىتلىق توختىغان مەزگىلدە، روجىستىۋا بايرىمىدا قار بوۋاينى باغلايدىغان ئارغامچا بىلەن ياتاق ئۆيىدە ئېسىلىپ ئۆلۈۋالغان؟ چوڭلارنىڭ بەزى بىر ئىشلار كاللىسىدىن ئۆتمەي، ياكى بەزىدە ناھايىتى ئېغىر ئازاب-ئوقۇبەتلەر ئۇچراپ ئۆزنى ئۆلتۈرۋالدىغان ئىشلار بولۇپ تۇرىدۇ، لېكىن ئاق-قارىنىمۇ پەرق قىلالمايدىغان 8 ياشلىق ئۆسمۈر قانداق بولۇپ ئۆلۈپ يولىنى تاللاپ قالىدۇ؟
       بۇ ئۆسمۈرنىڭ ئىسمى مورگىن بولۇپ قەھىرمانلىق ئىش-ئىزلىرى تەسۋىرلىنىدىغان كىنولارنى ناھايىتى ياخشى كۆرىدۇ، بەزىدە ئۆزىچە شۇ كىنولاردىكى باش قەھرىماندەك ياسىنىپ ئانچە-مۇنچە رەسىملەرگىمۇ چۈشۈپ قويىدۇ. ھەتتا بەزىدە ئاكىسى تىقىپ قويغان زوراۋانلىق تەسۋىرلىنىدىغان پلاستىنكىلارنى ئېلىپ چىقىپ كېچىلىرى كۆرىدۇ، ئاتا-ئانىلىرىمۇ ئانچە بەك ئارىلىشىپ توسۇپ كەتمىگەن. شۇڭا ئاخىرىدا مۇشۇنداق پاجىئە كېلىپ چىققان.
       مورگىن ئۆزى ئۆلتۈرۈۋېلىشتىن بۇرۇن «ئاخىرقى سامۇراي» دېگەن كىنونى كۆرگەن بولۇپ، فىلىمدىكى ئادەم ئۆلتۈرۈش، زورلۇق ئىشلىتىش قاتارلىق كۆرۈنۈشلەر ئەڭ كىچىك بولغاندىمۇ 15 ياشتىن ئاشقان بالىلار كۆرۈشكە بولىدۇ دەپ بەلگىلەنگەن. ئەنگلىيە كىنو-فىلىم تەكشۈرۈش، نازارەت قىلىش كومىتېتىنىڭ باش رەئىسى: « بۇ قېتىمقى ۋەقە كىنولاردىكى ھەدىدىن ئاشقان ئادەم ئۆلتۈرۈش، زورلۇق ئىشلىتىش كۆرۈنۈشلىرىنىڭ نەقەدەر خەتەرلىك ئىكەنلىكىنى ئىسپاتلاپ بەردى، مۇنداق كۆرۈنۈشلەر ئۆسمۈرلەرنىڭ ساغلام ئۆسۈپ يېتىلىشىگە ناھايىتى چوڭ تەسىر قىلىدۇ، شۇڭا ئاتا-ئانىلار بۇ خىل تۈردىكى كىنولارنى بالىلار ئالالمايدىغان، تاپالمايدىغان يەرگە قويۇشى، بالىلار كۆرۈپ قېلىشىنىڭ ئالدىنى ئېلىشى كېرەك دەپ كۆرسەتتى».