مالىيە مىنىستىرلىقى ۋە دۆلەت باش باج ئىدارىسى يېقىندا بىرلەشمە ئۇقتۇرۇش چۈشۈرۈپ، يەككە سودا-سانائەتچىلەر، شېرىكسىز پۇقراۋى كارخانا ۋە شېرىكلەشكەن پۇقراۋى كارخانىلارنىڭ مەبلەغ سالغۇچىلىرىدىن تاپاۋەت باج ئېلىشتىن بۇرۇن چىقىرىۋېتىلگەن تاپاۋەت ئۆلچىمىنى بېكىتتى.
ئۇقتۇرۇشقا ئاساسەن، يەككە يەككە سودا-سانائەتچىلەر، شېرىكسىز پۇقراۋى كارخانا ۋە شېرىكلەشكەن پۇقراۋى كارخانىدىكى مەبلەغ سالغۇچىلارنىڭ ئىشلەپچىقىرىش ۋە تىجارەت تاپاۋىتى قانۇن بويىچە شەخسلەر تاپاۋەت بېجى ئېلىش دائىرىسىگە كىرگۈزۈلگەندە،  يەككە يەككە سودا-سانائەتچىلەر، شېرىكسىز پۇقراۋى كارخانا ۋە شېرىكلەشكەن پۇقراۋى كارخانىدىكى مەبلەغ سالغۇچىلاردىن تاپاۋەت بېجى ئېلىشتىن بۇرۇن چىقىرىۋېتىلىدىغان تاپاۋەت ئۆلچىمى  يىلىغا 42 مىڭ يۈەن (ئېيىغا 3500 يۈەن) قىلىپ بېكىتىلدى.
ئۇقتۇرۇشتا مۇنۇلار بېكىتىلدى:  يەككە تىجارەتچىلەردىن تاپاۋەت بېجى ئېلىشتىن بۇرۇن چىقىرىۋېتىلىدىغان تاپاۋەت ئۆلچىمى  يىلىغا 42 مىڭ يۈەن (ئېيىغا 3500 يۈەن) غا ئۆزگەرتىلدى، ئەمما ئۇلار ياللانغان خادىملارغا بەرگەن مائاشى ۋە ئىش ھەققى چىقىمىنى باج ئېلىشتىن بۇرۇن پاكىت بويىچە چىقىرىۋېتىشكە بولىدۇ. مەبلەغ سالغۇچىلاردىن تاپاۋەت بېجى ئېلىشتىن بۇرۇن چىقىرىۋېتىلىدىغان تاپاۋەت ئۆلچىمى يىلىغا 42 مىڭ يۈەن (ئېيىغا 3500 يۈەن)غا ئۆزگەرتىلدى. مەبلەغ سالغۇچىلارنىڭ ئەمەلىي مائاشىنى تاپاۋەت بېجى ئېلىشتىن بۇرۇن چىقىرىۋېتىلىدىغان بۆلەك قاتارىغا قوشۇشقا بولمايدۇ.
ئۇقتۇرۇشتا مۇنۇلار تەلەپ قىلىندى:  يەككە يەككە سودا-سانائەتچىلەر، شېرىكسىز پۇقراۋى كارخانا ۋە شېرىكلەشكەن پۇقراۋى كارخانىدىكى مەبلەغ سالغۇچىلارنىڭ ئىشلەپچىقىرىش ۋە تىجارەتتىن تاپقان تاپاۋىتى قانۇن بويىچە شەخسىي تاپاۋەت ئېلىش دائىرىسىگە كىرگۈزۈلگەندە، يەككە سودا-سانائەتچىلەر،  شېرىكسىز پۇقراۋى كارخانا ۋە شېرىكلەشكەن پۇقراۋى كارخانىدىكى مەبلەغ سالغۇچىلاردىن تاپاۋەت بېجى ئېلىشتىن بۇرۇن چىقىرىۋېتىلىدىغان تاپاۋەت ئۆلچىمى  يىلىغا 24 مىڭ يۈەن (ئېيىغا 2000 يۈەن) قىلىپ بېكىتىلدى دېگەن بەلگىلىمە بۇنىڭدىن كېيىن ئىجرا قىلىنمايدۇ.
بۇ ئۇقتۇرۇش 2011-يىلى 1-سېنتەبىردىن ئېتىبارەن كۈچكە ئىگە.