شىنخۇا ئاگېنتلىقى خەۋىرى، مۇخبىرنىڭ يۈننەن ئۆلكىلىك خەلق ئىشلىرى نازارىتىدىن ئىگىلىشىچە، 10-ئاۋغۇست سەھەر سائەت 3كىچە، 9-ئاۋغۇست كەچتە يۈننەن ئۆلكىسىنىڭ باۋشەن شەھىرى تىڭچۇڭ ناھىيىسى ماڭباڭ بازىرىدا يۈز بەرگەن 5.2 بال يەر تەۋرەشتە ئۈچ كىشى يارىلانغان، بۇنىڭ ئىچىدە بىر كىشىنىڭ يارىسى ئېغىر ئىكەن. دەسلەپكى ستاتىستىكىغا ئاساسلانغاندا، بۇ قېتىمقى يەر تەۋرەشتە 10474 ئائىلىلىك، 44341 كىشى ئاپەتنىڭ زىيىنىغا ئۇچرىغان.