بۇ يىل 6- ئايدىن بۇيان، گۈيجۇ ئۆلكىسىنىڭ قىسمەن رايونلىرى قۇرغاقچىلىق ئاپىتىگە ئوخشاش بولمىغان دەرىجىدە ئۇچرىدى. توڭرېن ، بېيجىيې ، ئەنشۈن ، چىيەننەن قاتارلىق جايلاردا ئاپەت ئەھۋالى بىر قەدەر ئېغىر بولدى. قىسمەن ئامما ئىچىملىك سۇ قاتارلىق ئاساسىي تۇرمۇش جەھەتتىن قىيىنچىلىققا ئۇچرىدى. 7-ئاينىڭ 31- كۈنى سائەت 14تە دۆلەتلىك ئاپەتنى ئازايتىش كومىتېتى، خەلق ئىشلىرى مىنىستىرلىقى گۈيجۇ ئۆلكىسىنىڭ قۇرغاقچىلىق ئەھۋالىنى نەزەردە تۇتۇپ، دۆلەتنىڭ 4- دەرىجىلىك ئاپەتتىن قۇتقۇزۇش جىددىي لايىھەسىنى تېزدىن يولغا قويدى.