يېقىندا،دۇنيا سەھىيە تەشكىلاتى قارمىقىدىكى خەلقئارا راك كېسىلى تەتقىقات ئورگىنى يان تېلېفوننى راڭ پەيدا قىلىش ئېھتىماللىقى بار بويۇم، دەپ بېكىتكەن.يان تېلىفۇن نېرۋا يېلىم ماددا ئۆسمىسى بىلەن مۇناسىۋەتلىك ئىكەن. بۇ دۇنيا سەھىيە تەشكىلاتىنىڭ تۇنجى قېتىم يان تېلىفون رادىياتسىيەسىنىڭ خاراكتىرى بېكىتىشى ئىكەن. دۇنيا سەھىيە تەشكىلاتىنىڭ مۆلچەرلىشىچە،ھازىر دۇنيا 5 مىليارد كىشى يانفون ئىشلىتىدىكەن،جۇڭگودىكى يانفون ئىشلىتىدىغانلارنىڭ سانى ئۆتكەن يىلى 700 مىليوندىن ئېشىپ كەتكەن. يان تېلىفوننىڭ ئۇمۇملىشىش سۈرئىتى بارغانسېرى تېزلىشىش بىلەن بىللە يانفون رادىياتسىيەسىگە مۇناسىۋەتلىك تالاش-تارتىشلارمۇ ئىزچىل توختاپ قالمىغان.
2009-يىلى، شېۋىتسىيە ۋە باشقا ياۋرۇپا دۆلەتلىرىدىكى تەتقىقاتچىلار يانفون ئون يىلدىن كۆپ ئىشلەتكەندە مىڭە راكى ۋە ئېغىز بوشلۇقى راكىغا گىرىپتار بولۇش خەۋىپىنى ئاشۇرۇدىغانلىقىنى بايقىغان.گوللاندىيەدە ئېلىپ بېرىلغان تەتقىقاتتا كۆرسىتىلىشىچە،يانفون رادىياتسىيەسى ئۇيقۇسىزلىق،ياشانغانلاردىكى دېۋەڭلىك كېسىلى،بالىلاردىكى ئەخلاق مەسىلىسى ۋە ئوغۇللاردىكى يېتىلمەسلىك قاتارلىق كېسەللەر بىلەن زىچ مۇناسىۋەتلىك ئىكەن.2010-يىلى3-ئايدا، ئەنگلىيەدىكى راڭ تەتقىقات مۇتەخەسىسى كىشىنى ھەيران قالدۇرىدىغان نەتىجىگە ئېرىشكەن،يەنى،يانفون ئىشلىتىپ ئۆلۈپ كەتكەنلەرنىڭ سانى،تاماكا چېكىپ ئۆلۈپ كەتكەنلەر سانىدىن كۆپ ئىكەن. بۇ بۈگۈنگە قەدەر يانفوننىڭ سالامەتلىككە زىيانلىقلىقى توغرىسىدىكى ئەڭ ئېغىر ئەسكەرتىشكەن.بۇ يىل يىل بېشىدا، فىرانسىيە ۋە گېرمانىيە ھۆكۈمىتى كىشىلەرنىڭ، بولۇپمۇ بالىلارنىڭ يانفون كۆپ ئىشلەتمەسلىكنى ئەسكەرتكەن.
يانفوننىڭ راڭ پەيدا قىلىش نەتىجىسىگە قارىتا بىر قىسىم مۇتەخەسىسلەر مۇتەسسىپ پوزىتسىيە تۇتقان، ئەنگلىيە راڭ تەتقىقات ئورنى سەھىيە، ئۇچۇر تارمىقىنىڭ مەسئۇل خادىمى ئېدېريۇڭ:« ھازىرقى تەتقىقاتلار يانفون رادىياتسىيەسى بىلەن راڭ ئوتتۇرسىدىكى مۇقەررەر باغلىنىشى تاپالمىدى، شۇڭا كۈچكە ئىگە ئىسپات كۆرسىتىشكە ئامالسىز»دېدى. تەكشۈرۈشتىن بايقىلىشىچە، يان تېلىفون ئىشلىتىپ مېڭە ئۆسمىسىگە گىرىپتار بولۇش خەۋىرى بىلەن يانفون ئىشلەتمەي مېڭە ئۆسمىسىگە گېرىپتار بولۇش خەۋىپى ئوخشىشىپ كېتىدىكەن .ھازىرغا قەدەر يانفون راڭ پەيدا قىلىشى«مۇمكىن» دېگەن قاراشتىلا تۇرۇۋاتقان بولسىمۇ لېكىن دۇنيا سەھىيە تەشكىلاتىنىڭ بۇنداق كېسىم چىقىرىشى يانفون بىلەن راكنىڭ مەلۇم باغلىنىشقا ئىگە ئىكەنلىكىنى بىلدۈرىدۇ،خەلقئارا راك كېسىلى تەتقىقات ئورگىنىنىڭ مەسئۇلى كىلىنسىدوف ۋالدى مۇنداق كۆرسەتتى:« يان تېلىفوننىڭ ساغلاملىققا ئېلىپ كېلىدىغان يوشۇرۇن خەۋىپىنى ئايرىش ۋە بايقاش بۇنىڭدىن كېيىنكى ئۇزاق مەزگىللىك تەتقىقاتلار ئۈچۈن ئىنتايىن مۇھىم».
