بىر كارخانىچى رېستۇراننىڭ بۇلىڭىدا ئولتۇرۇپ ھاراق ئىچكىلى تۇرۇپتۇ.بۇ چاغدا بىركىشى تەشەببۇسكارلىق بىلەن ئۇنىڭ يېنىغا كېېلىپ«ئەپەندىم،قارىغاندا سىزنىڭ ھەل قىلالمايۋاتقان بىرەر غېمىڭىز بار ئوخشايدۇ،ماڭا دەپ ئىچىڭىزنى بوشىتىۋىلىڭ،سىزگە بىرەر يادىمىم تېگىپ قالسا ئەجەپ ئەمەس»دەپتۇ.كارخانىچى ئۇنىڭغا قاراپ قويۇپ،ئۈمۈدسىزلىك بىلەن«مېنىڭ غېمىم ناھايىتى كۆپ،ماڭا ھېچكىم ياردەم قىلالمايدۇ»دەپتۇ.
ھېلىقى كىشى ئىسىم كارتىسىنى چىقىرىپ كارخانىچىغا«ئەتە مېنىڭ ئىشخانامغا بىر كېلىپ كېتىڭ»دەپتۇ.ئەتىسى كارخانىچى ھېلىقى كىشىنىڭ ئىشخانىسىغا بېرىپتۇ.بۇ قىزغىن كىشى كارخانىچىغا«مەن سىزنى بىريەرگە ئاپىراي»دەپتۇ ۋە كارخانىچىنى باشلاپ بىر قەبرىستانلىققا بېرىپتۇ.ئۇ قەبرىلەرنى كۆرسىتىپ«قاراڭ،بۇ قەبرىدە ياتقان ئۆلۈكلەرنىڭلا غېمى يوق»دەپتۇ.شۇنىڭ بىلەن كارخانىچى بىردىنلا ھوشىنى تاپقاندەك بوپتۇ.

ھېكىمەت: پەقەت ئۆلۈكلەرنىڭلا غېمى يوق،مۇۋاپىقىيەت يولىدا ئادەم نۇرغۇنلىغان ئوڭۇشسىزلىقلارغا ئۇچراپ تۇرىدۇ،پەقەت غەلبىگە بولغان ئۈمىدلا بولىدىكەن،ھەرقانداق مەسىلىگە توغرا قاراپ ئۇنى ھەل قىلىپ ئالغا باسقىلى بولىدۇ.

 

                                                        ۋاستە نەتىجىنى بەلگىلەيدۇ

بىر بوۋاي نەۋرىسىگە تاشپاقا سوۋغا قىپتۇ.نەۋرىسى بۇنىڭدىن ئىنتايىن خۇشال بولۇپ تاشپاقا بىلەن بىللە ئويناپتۇ.ئەمما تاشپاقا ناتۇنۇش مۇھىتتا بالا بىلەن بىردەم ئويناپلا بېشىنى قېپىنىڭ ئىچىگە تىقىۋاپتۇ.بالا ياغاچ كالتەك بىلەن ھەرقانچە نۇقىسىمۇ تاشپاقا بېشىنى چىقارماپتۇ.بۇنى كۆرگەن بوۋىسى نەۋرىسىگە«بۇ خىل ئۇسۇل بىلەن ئۇنى چىقارغىلى بولمايدۇ،كەل مەن ساڭا ئەڭ ياخشى بىر ئۇسۇلنى ئۆگىتىپ قوياي» دەپتۇ ۋە تاشپاقىنى ئۆيدىكى كاڭنىڭ ئۈستىدە بىر نەچچە مىنۇت قويۇپ قويغانىكەن،بارا-بارا ئىسسىغان تاشپاقا ئۆزلىكىدىن قېپىدىن چىقىپتۇ.
بوۋاي نەۋرىسىگە« بەزىدە ئادەممۇ تاشپاقىغا ئوخشايدۇ،ئۇنىڭغا قاتتىق ۋاستىلەرنى ئىشلىتىشنىڭ ئورنىغا ياخشى،مېھرىبان،سەمىمىي ۋە قىزغىن مۇئامىلە قىلساڭ،ئاندىن ئۇ سەن كۈتكەندەك ئىشنى قىلىپ بېرەلەيدۇ»دەپتۇ.

ھېكىمەت: باشقىلارغا قانداق ئۇسۇلدا مۇئامىلە قىلسىڭىز  شۇنىڭغا لايىق نەتىجىگە ئېرىشىسىز.