يىچۈەن ناھىيەسىدىكى ياش قىز تاتلىق بۇلاق ناھىيەسىدىكى بىر مېھمانخانىدا باسقۇنچىلىققا ئۇچرىغاندىن كېيىن 4-قەۋەتنىڭ دېرىزىسىدىن پەسكە سەكرەپ، پەسكە توختۇتۇپ قويۇلغان ئاۋدى ماركىلىق ئاپتۇموبىلىنىڭ ئۈستىگە چۈشكەندىن كېيىن، تېزلىكتە دوختۇرخانىغا ئېلىپ بېرىلغاندىن كېيىن قۇتقۇزۇش ئۈنۈم بەرمەي ئۆلۈپ كەتكەن. تۈنۈگۈن، مۇخبىر تاتلىق بۇلاق ناھىيەسىدىكى ج خ ئىدارىسىدىن ئىگىلىشىچە، ئىككى جىنايەت گۇماندارى جىنايى ئىشلار بويىچە توختىتىپ قويۇلۇپتۇ.
ساقچى تەرەپنىڭ چۈشەندۈرىشىچە، قازا قىلغان قىزچاق 20 ياش ئەتراپىدا بولۇپ، يىچۈەن ناھىيەسىدىن ئىكەن. 24-ئاپرېل سائەت 19:30 ئەتراپىدا، بۇ قىزچاق تاتلىق بۇلاق ناھىيەسىدىكى مۇقەددەس بۇلاق مېھمانخانىسىنىڭ 411-نۇمۇرلۇق ئۆيىنىڭ دېرىزىسىدىن پەسكە سەكرىگەن. ۋەقە يۈز بەرگەندىن كېيىن، مېھمانخانا ئىچىدىن بىر نەچچە ئەر كىشى يۈگۈرۈپ چىقىپ، يارىلانغۇچىنى تاتلىق بۇلاق ناھىيەسىدىكى خەلق دوختۇرخانىسىغا ئېلىپ بارغان، جىددىي بىر تەرەپ قىلغاندىن كېيىن يارىلانغۇچى يەنئەن شەھەرلىك دوختۇرخانىغا يۆتكەلگەن، بىراق ئاخىرى قۇتقۇزۇش ئۈنۈم بەرمەي ئۈلۈپ كەتكەن. بىر ساقچى: «دەسلەپكى قەدەمدە تەكشۈرۈلىشىچە، ۋەقە يۈز بەرگەن ۋاقىتتا، قىزچاق باشقىلارنىڭ زورلىقىغا ئۇچرىغان، بىراق دىلونىڭ كونكىرىت ئەھۋالى تېخىمۇ ئىچكىرىلەپ تەكشۈرۈلمەكتە، ئاخبارات ۋاستىلىرىدا ئاشكارلاش قولايسىز» دېدى.
نەق مەيداندىكى بىر كۆرگۈچىنىڭ دېيىشچە، شۇ ۋاقىتتا ئۇ مېھمانخانىنىڭ يېنىدىكى دۇكاندىن نەرسە-كېرەك سېتىۋېلىپ چىققان ۋاقىتتا، بۇ قىزنىڭ مېھمانخانىنىڭ تۆتىنچى قەۋەتتىن سەكرىگەنلىكىنى كۆرگەن، بوشلۇقتىكى توك سىمىغا تەگكەندىن كېيىن، پەسكە توختۇتۇپ قويۇلغان ئاۋدى A6 ئاپتوبۇسنىڭ ئۈستىگە چۈشكەن.
تاتلىق بۇلاق ناھىيەسىدىكى خەلق دوختۇرخانىسى جىددىي قۇتقۇزۇش بۆلۈمىدىكى بىر دوختۇرنىڭ مۇخبىرغا دېيىشىچە، قىزچاق بىنادىن چۈشكەن ۋاقىتتا دوختۇرخانىغا ئېلىپ كەلگەن بىر نەچچە ئەرنىڭ سەزگۈسى خېلى جايىدا، بىراق ئۇلارنىڭ ئىچىدىكى بىر ئەرنىڭ بەدىنىدىن ھاراق پۇراپ ئالاقزادە بولۇپ تۇرغان ئىكەن. باش دوختۇر قىزچاقنىڭ قانداق بولۇپ يارىلانغانلىقىنى سورىغان ۋاقىتتا، مەست ئەرنىڭ كەيپىياتى تېخىمۇ جىددىيلىشىپ كەتكەن، بىردان كارتىنى دوختۇرنىڭ بوينىغا قىستۇرۇپ قويۇپ جىددىي قۇتقۇزۇش بۆلۈمىدىن چىقىپ كەتكەن، ھەمدە تەھدىت سېلىپ «مۇناسىۋەتسىز ئىشلارغا ئارلاشما» دېگەن. ساقچىنىڭ ئىسپاتلىشىچە، دوختۇرغا تەھدىت سالغان ئەر گۈەن xx ، بۇ ۋەقەگە چېتىشلىق بو جىنايەت گۇماندارلىرىنىڭ بىرى ئىكەن. تۈنۈگۈن چۈشتىن بۇرۇن، مۇخبىر تاتلىق سۇ ناھىيىسىدىكى ج خ ئىدارىسدىن ئىگىلىشىچە، ئىككى جىنايەت گۇماندارى گۈەن xx بىلەن ليۇ  xx جىنايى ئىشلار بويىچە توختىتىپ قويۇلۇپتۇ.