|
تەۋسىيە
خەۋەرلەر |
|
|
| توپنى ياخشى ئوينىغا.. | NBA ئىككى تەرەپ سۆھبى.. | | پائۇل باشقىلارنىڭ ك.. | ۋاسكىتبول چولپىنى ج.. | | كوبى ئىتالىيە توپ م.. | جۇڭگو ئامېرىكا مائا.. | | كىنۇ ئارتىسى ئەنجىل.. | شاكىرا يۈزسىزلىك قى.. | |
|
|
| تۈگەپ كەتكەندىن كېيىنمۇ «داۋالانغان بىمار» |
خۇبىي ئۆلكىسىگە ئىشلىگىلى كەلگەن ۋۇ شىيىڭ 21-فېۋرال ئۆتىگە تاش چۈشۈپ دۇڭۋەن شەھىرى فېڭگاڭ بازىرىدىكى گۇاڭچى دوختۇرخانىسىدا 28 كۈن داۋالاندى، بۇ جەرياندا ئىككى قېتىم ئوپېراتسىيە قىلىندى، لېكىن قۇتقۇزۇش ئۈنۈم بەرمەي 21-مارت قازا قىلدى. ئېرى شياۋ گوخەي ئايالىنىڭ ئاخىرەتلىك ئىشلىرىنى تۈگىتىپ بولۇپ دوختۇرخانىغا ھېساباتنى ئۈزگىلى كېلىپ، دوختۇرخانىغا 450 مىڭ يۈەن قەرز بولۇپ قالغانلىقىنى كۆرۈپ ھەيران قالدى. ئۇ دوختۇرخانا باشلىقىدىن نىمە ئۈچۈن شۇنداق بولغانلىقىنى سورىۋىدى، دوختۇرخانا باشلىقى ئۇنىڭغا ۋۇ شىيىڭنىڭ داۋالاش جەريانىنى سۆزلەپ، 450 مىڭ يۈەننىڭ ئىچىدە 240 مىڭ يۈەننىڭ دورا پۇلى، 35 مىڭ يۈەننىڭ ئوپېراتسىيە ھەققى، 30 مىڭ يۈەننىڭ تەكشۈرۈش ھەققى، 90 مىڭ يۈەننىڭ قان سالغانلىقنىڭ ۋە ئوكسىگېن سۈمۈرتكەنلىكنىڭ ھەققى ئىكەنلىكى ۋە كۈتۈش، ماتېرىيال ھەققى ئۈچۈن 37 مىڭ يۈەن كەتكەنلىكىنى، يەنە باشقا چىقىملارنىڭمۇ بارلىقىنى ئېيتىپ بەردى. لېكىن بۇ پۇللار شياۋ گوخەينىڭ كاللىسىدىن ئۆتمىدى ۋە دوڭۋەن شەھەرلىك سەھىيە ئىدارىسىغا ئەھۋال ئىنكاس قىلدى. دوڭۋەن شەھەرلىك سەھىيە ئىدارىسىدىكىلەر تەكشۈرۈش ئارقىلىق ۋۇ شىيىڭگە بىر ئاي داۋالىنىش جەريانىدا 330 كىلوگىرام سۇيۇقلۇق، 14 مىڭ مىللىلىتىر قان سېلىنغانلىقىنى ئېنىقلىدى. 14 مىڭ مىللىلىتىر قان بىر ئادەمنىڭ تېنىدىكى قاننى تۆت قېتىم ئالماشتۇرغان بىلەن باراۋەر ئىدى. بۇ ئىش نۇرغۇن ئادەمنىڭ كاللىسىدىن ئۆتمىدى، لېكىن دوختۇرخانا باشلىقى گاۋ شۇشېڭ بۇ سانلىق مەلۇماتنىڭ چىنلىقىدا چىڭ تۇرۇپ، كەسپىي نۇقتىدىن چۈشەندۈرۈپ: «ۋېنا تومۇرۇىغا كىرگۈزۈلگەن سۇيۇقلۇق 101.54 مىللىلىتىر، دوختۇرخانىدا يېتىپ داۋالانغان 28 كۈن بويىچە ھېسابلىغاندا، كۈنىگە تەخمىنەن 4000 مىللىلىتىر سۇيۇقلۇق ئىشلىتىلگەن بولىدۇ، داۋالاش جەريانىدا يەنە كۆپ مىقداردا سۇيۇقلۇق ئىشلىتىشىمىزگە توغرا كەلدى» دېدى. بۇ ئىش ئاخىرى توردا ئېلان قىلىندى، نۇرغۇن كىشى داۋالاش ھېساباتىدىكى سانلارغا گۇمان بىلەن قاراشتى. نۇرغۇن كىشى: «بۇنىڭدا ساختىلىق بار، بۇنداق كېسەل ئۈچۈن بۇنچە كۆپ چىقىم كېتىشى ناتايىن» دەپ قاراشتى. شياۋ گوخەي بالنىستىدا داۋالىنىش چىقىم جەدىۋىلىنى يەنە بىر قېتىم كۆرۈپ، ۋۇ شىيىڭنىڭ 21-مارت قازا قىلغانلىقى، لېكىن چىقىم جەدىۋىلىدە ۋۇ شىيىڭنىڭ 21-فېۋرالدىن 23-مارتقىچە داۋالانغانلىقى يېزىلغانلىقىنى بايقىدى. شياۋ گوخەي دوختۇرخانىدىكىلەردىن:
- ئايالىم قازا قىلغاندىن كېيىنكى ئىككى كۈنگىمۇ پۇل تۆلەمدىم؟ - دەپ سورىدى.
گۇاڭچى دوختۇرخانىسى مۇئاۋېن باشلىقى لى گوخۇا شياۋ گوخەينىڭ قولىدىكى سانلىق مەلۇماتنىڭ خاتا بولۇپ قالغانلىقىنى، بۇنىڭ كومپىيۇتېر سېستىمىسىدىكى خاتالىق ئىكەنلىكىنى، ئەمەلىيەتتە بىمار قازا قىلغاندىن كېيىن بارلىق داۋالاشنىڭ توختىتىلغانلىقىنى ئېيتتى.
تەكشۈرۈش ئارقىلىق دوختۇرخانىنىڭ بىمارىنى 2-مارت ئوپېراتسىيە قىلغانلىقى، ئوپېراتسىيە ئاخىرلاشقاندىن جەمئىي 20 مىڭ يۈەن چىقىم بولغانلىقىنى، 340 مىڭ يۈەندىن ئارتۇق داۋالاش ھەققىنىڭ بىمارنى ئوپېراتسىيە قىلىپ بولغاندىن كېيىنكى ھېسابات ئىكەنلىكى ئېنىقلاندى، لېكىن دوختۇرخانا تەرەپ «ئوپراتسىيەدىن كېيىن شوك بولۇپ قېلىش ئەھۋالىنى تەكشۈرۈش ئۈچۈن ICU دا كۆزەتتۇق، داۋالاش ھەققى شۇنىڭ ئۈچۈن ئېشىپ كەتتى» دېگەن پىكىردە چىڭ تۇردى. شياۋ گوخەي دوختۇرخانىدىكىلەرگە:
-شۇنچىۋالا جىق پۇل كەتكەنىكەن، بىزنى خەۋەرلەندۈرۈپ قويۇشۇڭلار، بۇ خىل ئۇسۇلنى قوللىنىشتىن ئىلگىرى بىز بىلەن مەسلىھەتلىشىشىڭلار كېرەك ئىدى،-دېدى.
نۇرغۇن كىشى شياۋ گوخەي بىلەن ئوخشاش پىكىردە بولدى، لېكىن دوختۇرخانا تەرەپ «قانۇندا بىمارنى جىددىي قۇتقۇزۇش ئۈچۈن، دوختۇر بىمارنىڭ ئائىلە تاۋابىئاتلىرىنىڭ مەسلىھەتىنى ئالىمغان شارائىتتا جىددىي قۇتقۇزۇش تەدبىرلىرىنى قوللانسا بولىدۇ، دەپ بەلگىلەنگەن، شۇڭا بىزنىڭ قىلىنىمىز يوللۇق» دېدى.
تەكشۈرۈش ئارقىلىق ۋۇ شىيىڭنى داۋالاشقا قان دىيالىز قىلىش ئۈسكۈنىسى ئىشلىتىش زۆرۈريىتى يوق بولۇپ، بۇنداق ئۈسكۈنىنى چوڭ دوختۇرخانىلاردىمۇ يىلدا بىر-ئىككى قېتىملا ئىشلىتىدۇ، لېكىن دوختۇرخانىدىكىلەر بىمارغا ئىشلىتىش ئۈچۈن، ئۇ خىل ئۈسكۈنىنى سىچۈەندىن ئەكەلدۈرگەندىن كېيىن ئىككىنچى قېتىم ئوپېراتسىيە قىلغانلىقىنى ئېيتتى. شياۋ گوخەي «ئىككىنچى قېتىم ئوپېراتسىيە ئوڭۇشلۇق بولمىغانلىقى ئۈچۈن قايتا قىلغان ئوپېراتسىيە بولۇشى مۇمكىن، شۇڭا بىزدىن پۇل تاپشۇرۇشنى تەلەپ قىلمىغان ئوخشايدۇ» دەپ ئويلىغانلىقىنى ئېيتتى، دوختۇرخانا بىمارنىڭ داۋالىنىش سوغۇرتىسىغا قاتناشقانلىقى، سوغۇرتا شىركىتىنىڭ 50 مىڭ يۈەننى ئاتچوت قىلىدىغانلىقى ئۈچۈن، ئۇلارغا پۇل تاپشۇرۇشنى ئۇقتۇرمىغانلىقىنى، دېدى.
دۇڭۋەن شەھەرلىك سەھىيە ئىدارىسى نۆۋەتتە تەكشۈرۈشنى چوڭقۇرلاشتۇرۇپ، دوختۇرخانا ۋە بىمارنىڭ ئائىلىسىدىكىلەر بىلەن كېلىشىم ئىمزالاش ئارقىلىق 30-مارت شەنتۇ ئۇنىۋېرستېتى ئەدلىيەلىك باھالاش مەركىزى جەسەتنى تەكشۈرۈدى، تەكشۈرۈش نەتىجىسى پات ئارىدا ئېلان قىلىندۇ.
ـــــــ شىنجاڭ قانۇنچىلىق گېزىتى
| [ئاپتورى: مەنبەسى: ۋاقتى: 2011-4-25 18:21:38 ئۇقۇلۇشى: 345 قېتىم] |
|
|
|
|
|
|
|
|  | | بۇ تېمىغا تېخى ئىنكاس يوللانمىدى ، سىزنىڭ تۇنجى ئىنكاس يوللىغۇچى بولىشىڭىزنى قارشى ئالىمىز ! |
| خۇجىنتاۋ ئامېرىك.. | گىرۋائېسنىڭ رېيا.. | چېن كۈن خەير-ساخا.. | تۇرپاندىكى ھېيت .. | ئونسۇدا دېھقان-چ.. | ياش باللا يامان ج.. | | Selina توي قىلدى . | لى ۋېن تويدىن كېي.. | شىيې تىڭفېڭ ئىكك.. | داڭلىق چولپانلار.. | تايلاندتىكى كەلك.. | ئايال خىزمەتچىگە.. |
|
|
|
|
شىرىنىم تورى خەۋەر مەركىزى (2010 - 5 -
17)
, ئالاقىلىشىش
تىلىفۇنى : 13139663453
, 新ICP备10001556号 |
|
