مەنبە:تەڭرىتاغ ئويغۇر تورى                 2010-يىلى28-ئۆكتەبىر

ئامېرىكىدىكى كاتتا ئۈنچە - مەرۋايىت دۇكىنى Harry Winston يېقىندا 60 يىل ساقلانغان بىر ئېسىل بىرىليانت كۆزلۈك ئۈزۈكنى كىمئارتۇق قىلىپ سېتىشنى قارار قىلغان بولۇپ، ئۇنىڭ مۆلچەرلەنگەن سېتىلىش باھاسى 24 مىليون فوندستېرلىڭ (تەخمىنەن 250 مىليون يۈەن) غا يېتىپ، ئۇنى شەك - شۈبھىسىزلا دۇنيادىكى ئەڭ قىممەت ئۈزۈككە ئايلاندۇرغان.

ئەنگىلىيە ‹‹كۈندىلىك پوچتا گېزىتى›› نىڭ 25 - ئۆكتەبىردىكى خەۋىرىدىن قارىغاندا، بۇ ئۈزۈككە كۆز قىلىنغان بىرىليانتنىڭ ئېغىرلىقى 25 كاراتقا يېقىنلىشىدىغان بولۇپ، سۈزۈك ھال رەڭدە كۆرۈنىدىكەن، ئۇ ئىنسانىيەت بايقىغان ئەڭ مۇكەممەل ئالماسلارنىڭ بىرى دەپ قارالغان. بۇ ئۈزۈك 60 يىل ئىلگىرى ياسالغان ھەم ئىزچىل شەخسىي ساقلانما بۇيۇم سۈپىتىدە بۈگۈنگىچە ساقلىنىپ، تېخى يېقىندىلا Harry Winston غا ئۆتكۈزۈپ بېرىلگەن. sارا ئۈنچە - مەرۋايىت جەمئىيىتىنىڭ رەئىسى بونېت مۇنداق دېگەن: ‹‹مەن بۇ ئۈزۈكنىڭ ئىنتايىن ئاز ئۇچرايدىغانلىقىنى تىل بىلەن ئىپادىلەشكە ئامالسىزمەن، بۇ مېنىڭ 35 يىللىق ئۈنچە - مەرۋايىتچىلىق ھاياتىمدىكى ئادەمنى ئەڭ ھاياجانغا سالىدىغان بىر قېتىملىق كىمئارتۇق سودىسى بولۇپ قالىدۇ››.

خەۋەردە بۇ ئۈزۈكنىڭ مۆلچەرلەنگەن ئەڭ يۇقىرى سېتىلىش باھاسىنىڭ ئىككى يىل بۇرۇن ئىسپانىيە خان جەمەتى كىمئارتۇق قىلىپ ساتقان 16 مىليون 300 مىڭ فوندستېرلىڭ (تەخمىنەن 170 مىليون يۈەن) لىق بىرىليانت كۆزلۈك ئۈزۈكتىنمۇ خېلىلا يۇقىرى بولىدىغانلىقى ئېيتىلغان. گەرچە باھاسى شۇنچە قىممەت بولسىمۇ، كىمئارتۇق قىلىپ سېتىش خەۋىرى ئېلان قىلىنغاندىن بۇيان، Harry Winston بىر قانچە سېتىۋېلىش سۈرۈشتە تېلىفونىنى قوبۇل قىلغان.

فىرانسىيەدە پېنس..	ئۇرۇش مەزگىلىدە ..	دۇنيا يەرمەنكىسى..	پەخىرلىك ئوغلانى..	ئامېرىكا ئىران ب..	كۈچلۈك سوغۇق ئېق..
دۇنيا يەرمەنكىسى..	تەڭرىتاغنىڭ ئىچك..	بېنزىن بىلەن دىز..	دۇنيادىكى ئەڭ قى..	تۇرپان ئويمانلىق..	ۋەكىل خارەكتىرلى..