قىزلار توي قىلغاندىن كىيىن

پۇلدار يىگىتكە ياتلىق بولغان قىزلارنىڭ ئۆكۈنۈشى: داڭلىق پىكاپ، ھەشەمەتلىك داچا، قىممەت باھالىق كىيىم- كېچەك، ئۈنچە-مەرۋايىت، جاۋاھىراتلارغا كۆمۈلۈپ ياشاش نېمە دىگەن پەيزى-- ھە؟! شۇنىسى يىگىتلەر پۇل تېپىش ئۈچۈن ۋاقىت ۋە ئەقلىي ئىقتىدارغا مۇھتاج. پۇلدار يىگىتلەر ئەلۋەتتە سودىگەر بولۇپ، ئەتىدىن كەچكىچە ئالدىراپلا يۈرىدۇ. ئۇلارنىڭ كاللىسى ئاجايىپ بايلىق بىلەن تولۇپ كەتكەن بولىدۇ، مىنۇت- سىكۇنت، ھېساپ- كىتاپ بىلەن ھەپىلەشكىنى ھەپىلەشكەن. ئۇلار ئالدىراشلىق ئىچىدە رەپىقىلىرىنى ئاسانلا ئېسىدىن چىقىرىپ قويىدۇ. بۇنداق يىگىتلەرگە ياتلىق بولغان قىزلار تېلېۋېزورغا، پەردارزخانىغا ياتلىق بولغاندەك تاقەتسىزلىك، زېرىكىشلىك ئىچىدە ياشايدۇ، ھەشەمەتلىك تۇرمۇش چىن مۇھەببەت بىلەن بىرلەشمىسە ھاياتنىڭ نىمە لەززىتى؟ كېلىشكەن ئەرلەرگە ياتلىق بولغان قىزلارنىڭ ئۆكۈنۈشى : كېلىشكەن يىگىتلەر كۆڭلىدە بىرلا قىزنى ياخشى كۆرىمەن دىسىمۇ، يەنە باشقىلار بىلەنمۇ ئاپاق-چاپاق بولۇپ ئۆتۈۋېرىدۇ، ئاخىرى بۇ نىكاھ پاجىئە بىلەن ئاخىرلىشىدۇ. بىكارچى يىگىتلەرگە ياتلىق بولغان قىزلارنىڭ ئۆكۈنۈشى: بۇنداق يىگىتلەرنىڭ ئىشى بولمىغاندىن كېيىن دائىم سىزگە ھەمراھ بولىدۇ. ئۇ دائىملا ئەتراپىڭىزدا پەرۋانە بولسا، زېرىكىشلىك، بىزارلىق ھېس قىلىدىكەنسىز، ئۇنىڭدىن باشقا ئۇنداق ئادەمنىڭ كۆپ پۇلى بولمايدۇ. سىز جاپا چېكىپ پۇل تېپىشقا مەجبۇر بولىسىز. بۇنداق يىگىتلەرگە ياتلىق بولسىڭىز " ئېرىم ئالماسقا ئوخشايدۇ، ئۇنىڭغا تەككىچە دات باسقان تۆمۈرگە تەگسەمچۇ" دەپ پۇشايمان بىلەن ئۆتىسىز. شېرىن سۆزلۈك يىگىتلەرگە ياتلىق بولغان قىزلارنىڭ ئۆكۈنۈشى: بۇنداق يىگىتلەر سۆزمەن بولۇپ، قىزلارنىڭ گۈزەللىكىنى ئاغزىدىن چۈشۈرمەيدۇ. ئەمما بۇنداق يىگىتلەر ناھايىتى خەتەرلىك، ئېھتىيات قىلمىسىڭىز سىرتتا بىر نەچچە " رەڭلىك بايراق" نىمۇ كۆتۈرىۋالىدۇ. بۇنداق يىگىتلەرگە ياتلىق بولغان قىزلار ئازاپ ھەم نومۇستىن ئۆرتىنىدۇ. كەسپىي خادىمغا ياتلىق بولغان قىزلارنىڭ ئۆكۈنۈشى: بۇنداق يىگىتلەر بىر قەدەر يۇقۇرى ساپاغا ئىگە. ئۇلار دائىم ئالدىراش يۈرىدۇ. ھەتتا كېچىلەردە خىزمەت قىلىدۇ. دەم ئېلىش كۈنلىرىدىمۇ شۇنداق، تۇرمۇش مۇشۇنداق ئۆتكەچكە، رومانتىكىلىقتىن سۆز ئاچقىلى بولامدۇ؟ ئېھتىيات قىلمىغاندا، كەسپىي كېسەلگە گىرىپتار بولىدىغان گەپ. ئوقۇتقۇچىغا ياتلىق بولغان قىزلارنىڭ ئۆكۈنۈشى: ئۇلارنىڭ ئۆسۈش پۇرسىتى بولمايدۇ، ھەتتا سىزگە ھەيران قالدۇرارلىق خوشاللىق ئاتا قىلالمايدۇ. مۇنداقچە قىلىپ ئېيتقاندا، قىزلار كىمگە ياتلىق بولىشىدىن قەتئىي نەزەر ۋايسىماي قالمايدىكەن. شۇنى ئەستىن چىقارماڭكى، دۇنيادا سىز ئارزۇ قىلغاندەك ئۇنچىۋالا مۇكەممەل ئىنسان يوق، ئادەم نۇقسانسىز يارىتىلغان ئەمەس. نىكاھ---- نائىلاجلىق ، بۇ تۇرمۇشنىڭ دەل ئۆزى.                             مەنبە:ئانا تۇپراق تورى                                    2010-يىلى 5-ئاپرىل

كۆرۈلۈشى:12981

قوشۇلغان ۋاقتى:2010-4-6 12:08:32

يوللىغۇچى ئەزا:admin

سىرلىقلىقىڭىزنى..	چاچ چۈشۈشنى كەلت..	ھەددىدىن زىيادە ..	سەۋزە ئۆپكىنى ئا..	مېۋە پوستى بىلەن..	دۇنيادىكى ئەڭ تو..
ئاياللارنىڭ جورا..	«ئەر-خوتۇنلار ئو..	ئەر -ئاياللار ھەق..	ھازىرنىڭ ئۆزى بە..	تەنھالىق ئىنسانغ..	ساپما كەشنىڭ زىي..