قىزچاق ئىتىيات قىلىڭ

قىزچاق ، ئېھتىيات قىلىڭ. سىز كۆز ياشلىرىڭىزنى يامغۇردەك تۆكۆپ يېگانە قالغان چېغىڭىزدا بىرەرسى كېلىپ قول ياغلىق بىلەن يېشىڭىزنى سۈرتسە ، ئۇ ئالىيجاناپ ئادەم ئوخشايدۇ ، دەپ قالماڭ . ئۇنىڭ سىزگە ھەقىقىي دوستلۇقىنى يەتكۈزۈۋاتقان ياكى مەلۇم غەرىزىنى ئىشقا ئاشۇرۇش ئۈچۈن ئەتەي بولۇۋاتقانلىقىغا دىققەت قىلىڭ . سىز موھتاجلىقتا قالغان چېغىڭىزدا بىرەرسى ماددىي جەھەتتىن ياردەم بەرسە ، ئۇنى ساخاۋەتچى ئادەم دەپ ئىشىنىپ كەتمەڭ . سىز ئىنسانلارنىڭ ھاۋادا ئەركىن پەرۋاز قىلىۋاتقان قۇشنى دان ئارقىلىق قىلتاققا چۈشۈرگەنلىكىنى كۆرمىگەنمۇ؟ ئۇ ئادەم سىزنى تېخىمۇ زور بەدەل تۆلەشكە مەجبۇر قىلىشى مۇمكىن . سىز بويىڭىزغا يېتىپ بىر نازاكەتلىك قىزغا ئايلانغىنىڭىزدا نۇرغۇن يىگىتلەر ، ئوتتۇرا ياشلىقلار ھەتتا ياشقا چوڭ ئەرلەرمۇ سىزگە سۆيگۈ تەلىپى قويۇشى مۇمكىن . سىز ئۇلارنى تاللىغاندا ئۇلارنىڭ پۇلىنى ، ھۇقۇقىنى ياكى ئىناۋىتىنى كۆزلىمەڭ . مۇۋەپپەقىيەت قازانغۇچىلارنىڭ ھەممىسىنىڭ ئاقكۆڭۆل بولۇپ كېتىشى ناتايىن . ئۇلار ئاقكۆڭۆل بولغان تەغدىردىمۇ ، سىزنى چىن يۈرىكىدىن سۆيەمدۇ؟ بەلكىم بۇ ئۇلارنىڭ بىردەملىك ھەۋىسى بولۇشى مۇمكىن . بۇ مېنىڭ سىزنى ھېچكىم بىلەن دوستلاشماي ، مۇھەببەتلەشمەي يككە - يىگانە ئۆتۈپ كېتىڭ ، دىگىنىم ئەمەس . ئۇلارنى تاللىغاندا قاملاشقان تۇرقىغا ، پۇلىغا ئەمەس ، كىشىلىك تۇرمۇش قارىشىغا ، خاراكتېرگە ۋە ئەخلاقىغا قاراپ تاللاڭ . ئۇ سىزنى سىزدىنمۇ گۈزەل قىزلارغا يۇلۇققان چېغىدا ياكى گۈزەللىكىڭىز سىزگە "خائىنلىق" قىلغان ۋاقىتتىمۇ سۆيەلەيدىغان ، سىز بىلەن مەڭگۈ بىللە ياشىيالايدىغان بولسۇن . قىزچاق ، ئېھتىيات قىلىڭ . گۇڭگا "كۆڭۆل ئېچىش " سورۇنلىرى ياكى مەيخانىلارنىڭ "دائىملىق" مېھمىنى بولۇپ قېلشىتىن ھەزەر ئەيلەڭ . ئىپپەت قىزلارغا نىسبەتەن گۈزەللىكتىنمۇ مۇھىم . سىز ئەنە شۇنداق "كۆڭۆل ئېچىش سورۇن لىرى "غا ئۆز قۇرداشلىرىڭىزلا ئەمەس ، سىزگە دادا ، ئاكا يوللۇق بەزى ئادەمرنىڭمۇ باردىغانلىقىنى ، ئۇلارنىڭ سىزگە ئوخشاش ئەمدىلا ياشلىق باھارىغا قەدەم قويغان نازۇك قىزلارغا شەھۋانىي ھەۋەس بىلەن تىكىلگەن كۆزلىرىنى كۆرمىدىڭىزمۇ ؟ ئۇلارنىڭ قىزلارغا ھەرخىل بىھوش قىلغۇچى "سېغىز كەمپۈت " لەرىنى ، "دورا " لارنى بېرىپ ياكى ئىچىملىكلەرگە قوشۇۋېتىپ ئىچۈرۈپ قانداق نومۇسسىزلىقلارنى قىلغانلىقىغا ، ئۇلارنى روھى ۋە جىسمانىي جەھەتتىن قانداق چۈشكۈنلەشتۈرۈۋەتكەنلىكىگە دىققەت قىلمىدىڭىزمۇ ؟ ناۋادا سىز ھاراق ئېچىپ خۇدىڭىزنى بىلمەي "ئالىي مېھمانخانا" لاردىكى نامەلۇم بىر ئەرنىڭ بىر كېچلىك "ھەمراھ " ى بولۇپ قالسىڭىز سىزنىڭ ھالىڭىز نېمە بولۇپ كېتەر !!! كەلگۈسىڭىزچۇ ؟ ئەجىبا سىز بىر قىز ئۈچۈن ئىپپەتنىڭ ھاياتقا ئوخشاشلا قىممەتلىك ئىكەنلىكىنى بىلمەمسىز ؟ قىزچاق ، ئەتراپىڭىزغا ئوبدان قاراڭ ، دۇنيا گۈزەل ، تۇرمۇش گۈزەل . ياخشى ئادەملەرمۇ ئىنتايىن كۆپ . ئۆزىنىڭ ھالال ئەمگىكى بىلەن تىرىكچىلىك قىلىۋاتقانلار نورغۇن . گەپ سىزنىڭ قانداق يولنى ، قانداق ئادەمنى تاللىشىڭىزدا . قىزچاق ، ئېھىتيات قىلىڭ . ئەمما ئېھىتيات قىلىدىم دەپ يۈرەكسىز قورقۇنچاقلاردىن بولۇپ قالماڭ . دادىل بولۇشقا تېگىشلىك ئىشلاردا دادىل ، كەسىكىن بولۇڭ . كەلگۈسىدە ئانا بولىدىغانلىقىزنى ، زىممىڭىزدە ئەۋلاد تەربىيىلەش مەجبۇرىيىتى بارلىقىنى ئونتۇپ قالماڭ . قىزچاق ، سىزنىڭ ۋۇجۇدىىڭىزدا دۇنيادىكى بارلىق گۈزەللىك ، پاكلىق ئۆز ئىپادىسىنى تاپقان . سىز بۇ ئارتۇقچىلىقلارنى ئەخلاق ، دىيانەت ، ۋىجدان ، ئەقىدە ، بىلىم ۋە بېغىشلاش روھىڭىز بىلەن ئەڭ يوقىرى پەللىگە كۆتۈرۈڭ . بۇنىڭ ئۈچۈن سىز ھەر بىر قەدىمىڭىزنى ئويلىنىپ ئېلىڭ .

كۆرۈلۈشى:2981

قوشۇلغان ۋاقتى:2010-3-30 18:56:09

يوللىغۇچى ئەزا:AZTUMAR

سىرلىقلىقىڭىزنى..	چاچ چۈشۈشنى كەلت..	ھەددىدىن زىيادە ..	سەۋزە ئۆپكىنى ئا..	مېۋە پوستى بىلەن..	دۇنيادىكى ئەڭ تو..
ئاياللارنىڭ جورا..	«ئەر-خوتۇنلار ئو..	ئەر -ئاياللار ھەق..	ھازىرنىڭ ئۆزى بە..	تەنھالىق ئىنسانغ..	ساپما كەشنىڭ زىي..