يولدىشىڭىزدىن ئايرىلىپ قالماي دېسىڭىز

دۇنيادا خوتۇن بولماق بەك تەس دەپ چاقچاق ئارىلاش ئەرلىرىدىن زارلايدىغان ئاياللار نى يوق دېگىلىمۇ بولمايدۇ. چۈنكى بۇنداق ئاياللارغا كۆپىنچە ئۆز ئائىلە تەربىيىىسى بولۇپمۇ، ئانىسىنىڭ تەسىرى چوڭقۇر بولغان بولىدۇ.شۇڭا يولدىشى بىلەن كۆڭۈلدىكىدەك ئۆتەلمەيۋاتقان خانىم- قىزلار بولسا تۆۋەندىكى تەۋسىيەگە چوقۇم ئېتىۋار  بېرىڭ.      سىز كەچتە ھەرگىزمۇ يوتقان-كۆرپە ۋە ياستۇقلارنى گۆپ-گۆپ تاشلاپ ئوران سالدىڭمۇ ؟ سالدىم ! دېمەستىن، چىرايلىق تۈجۈپىلەپ سېلىپ، يولدىشىڭىزنى بالدۇرراق ئارام ئېلىشقا دەۋەت قىلىڭ. بەكمۇ ياتمامسىز _ دەپ كۆزىگە كىرىۋالماڭ.      سىز داۋاملىق يولدىشىڭىزدىن 5-10 مىنۇت كېيىن يېتىشنى ئادەت قىلىڭ.مانا بۇ چاغدا يولدىشىڭىزنىڭ كاللىسىغا  سىزنى بالدۇرراق ياتسىكەن دېگەن خىيال كىرىۋېلىپ ، سىزگە تەشنا بولىدۇ. مانا مۇشۇ چاغدا سىز يولدىشىڭىز ياخشى كۆرىدىغان ئىچ كىيىمىڭىزنى كىيىپ سىپايىلىق بىلەن ئاستا يوتقانغا كىرىپ يېتىڭ.بۇ چاغدا يولدىشىڭىز سىزگە ئۆزى يېقىنلىشىدۇ.شۇ چاغدا سىزمۇ بوش كەلمەڭ. ئەگەر ئۇنداق قىلماي ئېرىڭىز نىڭ ئالدىدا ھاياسىزلىق قىلىپ يېرىم يالىڭاچ بولۇپ، ئۆزىڭىزنى پالاققىدا تاشلاپ ياتسىڭىز  يولدىشىڭىز  بىزارلىق ھىس  قىلىدۇ.      ئەتتىگەندە ئورنىڭىزدىن تۇرغانلىقىڭىزنى ئامال بار يولدىشىڭىز تۇيماي قالسۇن.سىز ئۆي-ئاراملارنى چىرايلىق رەتلەپ بولۇپ،ئامال بولسا بىرەر ۋاخ ناماز بولسىمۇ ئوقۇپ بولۇپ،  باش ياغلىقىڭىزنى چىرايلىق قىلىپ  چېگىپ،يولدىشىڭىز نىڭ قېشىغا كېلىپ ئاستا -قوپۇڭ جېنىم! چاي تەييار بولدى دەپ ئويغىتىڭ. ئەمەلىيەتتە يولدىشىڭىز سىز ئويلىغاندەك ئۇخلاپ قالماستىن بەلكى بارلىق ھەركەتلىرىڭىزنى بىلىپ ياتقاچقا سىزدىن سۆيۈنۈپ دەرھال باغرىغا باسقىسى كېلىدۇ. بۇ چاغدا سىز تەرىتىم سۇنۇپ كەتمىسۇن،شوخلۇق قىلماڭ دەڭ. ئەگەر ئۇنداق قىلماي، يولدىشىڭىز بىلەن بەسلىشىپ ياتسىڭىز، ئۇنىڭ ئۈستىگە كېچىچە ئۇيقىلىقتا چۇۋۇلغان چاچلىرىڭىزنى پاخپايتقان پېتى يولدىشىڭىزنىڭ چىرايىغا سەت قاراپ قوپمامسىز دەپ چالۋاقىسىڭىز تېخىمۇ سەت كۆرۈنۈسىز.      يولدىشىڭىز نىڭ  ئالدىدا ھەرگىزمۇ گىرىم قىلماڭ. ئەگەر ئۇنداق قىلماي يولدىشىڭىز ئالدىڭىزدا تۇرسىمۇ  لەۋ سۇرۇخ سۈرۈمەن دەپ ئاغىزلىرىڭىزنى چوڭ-كىچىك  ئېچىپ يۈرسىڭىز بەك سەت تۇرىدۇ. چۈنكى ئەرلەرگە قارىغاندا ئاياللا ئېغىز-بۇرۇنلىرىنى مايماقلاشتۇرسا   سەت كۆرۈنىدۇ. مانا مۇشۇنداق بولىۋەرسە ئېرىڭىزنىڭ كۆڭلى ئاستا-ئاستا سوۋۇشقا باشلايدۇ.       مەيلى يېڭى ياكى كونا بولسۇن ئىچ كىيىملىرىڭىز ھەتتا پايپاقلىرىڭىزغىچە ئۆينىڭ ئۇيان-بۇيانلىرىدا سۆرۈلۈپ يۈرمىسۇن.       ئائىلە ئىقتسادىغا  ئىنتايىن كۆڭۈل بۆلۈڭ. ئەرلەرگە  قارىغاندا ئاياللار بىخىلراق بولسا بولىۋېرىدۇ.شۇڭا يولدىشىڭىز  ئىقتىسادىي جەھەتتىن ئىسراپخورلىق قىلسا ئۇرۇش- تالاش قىلماستىن مۇھىم پاكىتلار ئارقىلىق قايىل قىلىڭ.

كۆرۈلۈشى:1305

قوشۇلغان ۋاقتى:2010-10-14 17:29:47

يوللىغۇچى ئەزا:xirinim

سىرلىقلىقىڭىزنى..	چاچ چۈشۈشنى كەلت..	ھەددىدىن زىيادە ..	سەۋزە ئۆپكىنى ئا..	مېۋە پوستى بىلەن..	دۇنيادىكى ئەڭ تو..
ئاياللارنىڭ جورا..	«ئەر-خوتۇنلار ئو..	ئەر -ئاياللار ھەق..	ھازىرنىڭ ئۆزى بە..	تەنھالىق ئىنسانغ..	ساپما كەشنىڭ زىي..