نۇرغۇن كىشىلەر قىزلار ‹‹چېچى ئۇزۇن ، ئەقلى قىسقا ›› بولغانلىقتىن ئاسان ئالدىنىپ قالىدۇ.دەپ قارايدۇ.بەزىلەر :ئۇستىرا كاپتا ،خوتۇن كىشى لاپتا توختايدۇ.دېگەندەك قىزلار شېرىن شىكەر سۆزلەرگە خۇشتار ،شۇڭا ئوڭايلا باشقىلارنىڭ دامىغا چۈشۈپ كېتىدۇ،دەپ قارايدۇ.يەنە بەزىلەر :قىزلار لاتا-پىتە ،زىبۇ زىننەتكە ئامراق بولغانلىقتىن ئالدىنىپ قالىدۇ دېيىشىدۇ........
ئالدىنقىسى قىزلارنى تۆۋەن كۆرۈش ،كەمسىتىش خارەكتېرىنى ئالغان پەتىۋادىن ئىبارەت خالاس .كۆيۈنىشكە ،سىلىق،يۇمشاق سۆزلەرگە يالغۇز قىزلارلا ئەمەس،ئوغۇللارمۇ خۇشتار .ھېسيات مەسىلىسىگە كەلسەك ،ھېسياتسىز كىشىمۇ،بەك ھېسياتچان كىشىمۇ كۆپىنچە ھاللاردا كەيپىياتى تۇراقسىز بولۇش ،ئىشلارغا لايىقىدا مۇئامىلە قىلالماسلىقتىن قىيىنچىلىق ۋە ئاۋارچىلىكلەرگە ئۇچىراپ ئىشەنچ ۋە ئۈمىد تىن قۇرۇق قالىدۇ،ھەتتا تەقدىرنىڭ ئەخمەق قىلىشلىرىغا يولۇقۇپ تۇرىدۇ.خۇددى ئوغۇللارنىڭ تۇغۇلىشتىنلا قورساققا ئامراق كەلگىنىگە ئوخشاش قىزلارنىڭ كىيىم -كىچەك ،زىبۇزىننەتكە ئامراق بوللۇشى ئۇلارنىڭ تۇغما خۇسۇسىيىتى ،بۇنى نۇقۇل ھالدا ئالدىنىشنىڭ سەۋەبى قىلىۋىلىشقا بولمايدۇ.بۇ ھەقتە تەپسىلىيرەك چۈشەنچىگە ئىگە بولاي دېسىڭىز تۆۋەندىكى قۇرلارنى ئوقۇپ كۆرۈڭ:
1.ماددىي شەرت –شارائىتقا ھېرىسمەن بولۇش.
بۇنداق قىزلار شەرىت –شارائىت بىلەن ھېساپلاشماي،ئۆزىنى ھە دەپ ماددىي نەرسىلەرگە ئۇرىدۇ.جەمئىيەتتىكى يامان غەرەزلىك كىشىلەر ئۇلارنىڭ بۇخىل ئاجىزلىقىنى بىلىۋېلپ ،ئۇلارغا ئانچە –مۇنچە
مەنپئەت يەتكۈزۈپ تۇرۇش ئارقىلىق ئۇلارنى تەدرىجىي ھالدا ئىقتىسادىي جەھەتتىن ئۆزلىرىنىڭ قولىغا قارايدىغان قىلىۋالىدۇ.ئاندىن ئۇلارغا ئۆزىنىڭ جىنايى قولىنى سۇزىدۇ.بۇنداق چاغدا .ئۇنداق قىزلارغا قىلتاققا چۈشمەكتىن باشقا ئامال قالمايدۇ.
2.ئۆزىنى قەدىرلەش ئېڭى كەمچىلرەك بولۇش.
ھازىر بەزى قىزلار ئاڭسىزلىق بىلەن ئوغۇللارنىڭ دەپسەندە قىلىشىغا ئۇچرىماقتا .شۇ سەۋەپتىن ئۇلار ئازاپ،پۇشايمان ياكى پارۋاسىزلىق ئىچىدە ياشىماقتا.
3.شۆھرەت پەرەسلىك ئدىيىسى كۈچلۈك بولۇش.
شۆھرەتپەرەسلىك بىر خىل پەردە بولۇپ،قىزلارنىڭ كۆزىنى توسۇۋالىدۇ.بەزىلەر قىزلارنىڭ بۇ خىل ئاجىزلىقىدىن پايدىلنىپ ،شېرىن –سۇخەن سۆزلەر بىلەن ئۇلارنى ماختاپ كۆككە كۆتۈرىدۇ.نەتىجىدە قىزلار ئۇنداقلارنى ئەڭ يىقىن سىردىشىم دەپ تونۇيدۇ.كېيىن ئۆزلىرىنىڭ ئالدانغانلىقىنى بىلىپ يەتكەندە پۇشايمان ئالىدىغان قاچا
تاپالماي قالىدۇ.
4.بەك ھېسياتچان بولۇش
بۇنداق قىزلار ئەرلەر بىلەن ئۇچىراشقاندا يەڭگىللىك قىلىپ،قىزلىق غۇرۇرىنى ،ئىززەت ھۆرمىتىنى ساقلىمايدۇ . مۇھەببەتلىشىشتە مەسئۇليەتسىزلىك قىلىپ ،ئەستايىدىل ئويلانمايدۇ.ھېسىياتقا بېرىلىدۇ،ھەتتا قارشى ەرەپنىڭ قانداق ئادەم ئىكەنلىكىنى بىلمەي تۇرۇپ ئۆزىنى ئۇنىڭ ئىختىيارىغا تاپشۇرىدۇ. بۇ ئەمەلىيەتتە ئۆزىنى- ئۆزى ئاجىز ھالەتكە چۈشۈرىپ قويغانلىقتۇر.
5.مەنمەنچىلىكى ۋە رومانتىكىلىقى كۈچلۈك بولۇش .
بۇنداق قىزلار ئەمەلىيەتكە ئۇيغۇن كەلمەيدىغان ئارزۇ ھەۋەسلەرنى كۆپ قىلىدۇ.لايىق تاللاشتا بىر تەرەپلىملىك ،دورامچىلىق قىلىدۇ،كەيپىيات ،كېسەللىك ،دەرت –ئەلەم ۋە تاشقى جەھەتتىكى ئارزۇ –ئىستەكلىرىنى ئوغۇللاردەك يوشۇرۇپ كەتمەيدۇ.بۇنىڭلىق بىلەن
ئاسان ئالدىنپ قالىدۇ.
6.تاشقى مۇھىتنىڭ تەسىرىگە ئوڭاي ئۇچىراش ،ھەدىدىن ئارتۇق ياشىنىش ۋە مودا قوغلىشىش .
بۇ شۇ قىزنىڭ گۈزەللىك قارىشىنى ،ئىدىيىسىنى پۈچەكلەشتۈرۈپ،قارىغۇلارچە ئەگەشمىلىكىنى پايدا قىلىدۇ.قىزلاردا بۇرۇن يېتىلىشكە ھەمدە ھېچنىمىگە قارىماي ئابرۇيپەرەسلىككە ،يىگىتلەرنى جەلىپ قىلىشقا ئالدىرايدىغان ھەۋەسىنى پەيدا قىلىدۇ.بۇنىڭ تۈرۈتكىسىدىنمۇ ئاسان ئالدامغا چۈشۈپ قالىدۇ.
7.بىقىندىلىقى كۈچلۈك بولۇش
ئىشلاردا تولا ئىككىلنىپ ئاسانلىقچە بىر قارارغا كېلەلمەسلىك ياكى
زىيادە ئالدىراقسانلىقى تۈپەيلىدىن بىرەر يامان قىز بىلەن ئارلىشىپ قېلىپ ،ئۇنىڭ ئازدۇرشى بىلەنمۇ ئاسان ئالدىنىپ قالىدۇ.
يۇقىرقىلاردىن باشقا خارەكتىر جەھەتتە تاشقى مايىللىقنى كۈچلۈك قىزلار ئوچۇق يورۇقلۇق قىلىپ ياكى قارشى تەرەپنىڭ قانداق ئادەم
ئىكەنلىكىنى بىلمەي تۇرۇپلا ئىشىنىپ كېتىپ ،دېيىشكە تېگىشلىك بولمىغان سۆزلەرنى دەپ سېلىش،ئۆزىنىڭ ئاجىزلىقلىرىنى ۋە ئۆزىگە مۇناسىۋەتلىك بەزى ئىشلارنى ئاشكارىلاپ قويۇش،ئىپادە بىلدۈرۈشكە ياكى دەككىسىنى بېرىشكە تېگىشلىك ئىشلارغا زىيادە كەڭ قورساقلىق قىلىش ياكى كۆڭلىدە ساقلاپ يۈرۈپ ۋاقتىدا ئىنكاس قايتۇرماسلىق،پۇرسەتنى قولدىن بېرىپ قويۇش بىلەنمۇ ئاسان ئالدىنىپ قالىدۇ.
قىزلار ئالدىنىشتىن ساقلىنىش ئۈچۈن تۆۋەندىكى شەرتلەرنى ھازىرلىشى ۋە ئۇنىڭغا دىققەت قىلىشى كېرەك:
1.قىزلار ئاز-تولا پىسخولوگىيە بىلىملىرىنى ئۈگىنىپ قويىشى ۋە
كىشىلەرنىڭ كۆزى ،سۆز -ھەرىكىتى قاتارلىقلارنى بىرلەشتۈرۈپ تەھلىل قىلىش ئارقىلىق ئۇلارنىڭ سۆز-ھەركىتىنىڭ ،مۇدىئاسىنىڭ دۇرۇس ياكى دۇرۇس ئەمەسلىكىنى دەسلەپكى قەدەمدە بىر قەدەر توغرا بىلەلەيدىغان ئۆتكۈر كۆز ،كۈچلۈك سەزگۈرلۈكنى يېتىلدۈرىشى
لازىم.
2.شەيئىلەرگە توغرا ،ئەمەلىيەتكە ئۇيغۇن باھا بىرىشنى ئۆگىنىۋېلىشى لازىم.
3.كىشلىك غورۇر ۋە مۇستەقىللىقنى كۈچەيتىشىڭىز كېرەك.
4.يۈرۈش-تۇرۇشقا،سۆز –ھەرىكەتكە ،ئۆزىڭىزنى قوغداشقا
دىققەت قىلىشىڭىز كېرەك.كىيىم-كىچەكلىرىڭىزنى مۇمكىنقەدەر
بەدىنىڭىز ياپقۇدەك ھالەتتە كىيىڭ ،گىرىمنى سۇسراق قىلىڭ ،
بولمىسا ئەرلەردە باشقىچە چۈشەنچە پەيدا قىلىپ قويىسىز.ئەخلاق ئۆلچىمىنىڭ سىرتىدىكى چاكىنا قوپال سۆزلەرگە ئارلاشماڭ،
ئاسانلا ھېسىياتقا بېرىلىشتىن ،بېقىندىلىق خاھىشىدىن ،كىيىنىش ،زىبۇزىننەت تاقاش ۋە باشقا ماددىي شارائىت جەھەتتە قارىغۇلارچە
بەس سېلىشتىن ساقلىنىڭ .خېيىم-خەتەر ئىلىپ كىلىش ئېھتىمالى بولغان يەرلەرگە كېچىسى ۋە كۈندىزى بولسۇن ئۆزىڭىز يالغۇز بارماڭ .شۇنداقلا يىگىتلەرنىڭ مەردلىك بىلەن پۇل خەجلەپ ئوينىتىپ قويۇشىغا ،سەيلە –ساياھەت قىلدۇرىشىغا زىيادە قىزىقىپ،ھەمراسىز ۋە باشقا تەييارلىقسىز ھالەتكە ئەگىشىپ كەتمەڭ.بولمىسا ۋاقىتلىق خوشاللىقنى دەپ قارشى تەرەپنىڭ دامىغا چۈشۈپ كېىتىشىڭىز ،شۇنىڭ بىلەن بىر ئۆمۈر پۇشايماندا قېلىشىڭىز مۇمكىن.
