ئۈمۈرلۈك ھەمراھ تاللىغاندا ئەستە ساقلاشقا

بىرسىنى چۈشىنىشنىڭ ئۇنى ياخشى كۆرۈشكە قارىغاندا نەچچە ھەسسە قىيىن ھەم مۈشكۈل ئىكەنلىكىنى، ئەتراپىڭىزدىكى بەزى يىگىتلەر پەقەت ئارلىشىشقا ۋە دوست بۇلۇشقىلا لايىق بولۇپ، توي قىلىشقا ئەرزىمەيدىغانلىقىنى بىلەمسىز؟ تۆۋەندە ئۈمۈرلۈك ھەمراھ قىلىپ تاللاشقا ئەرزىمەيدىغان بەش خىل يىگىتنى تۇنۇشتۇرۇپ ئۆتىمەن. 1. ئاغزىدا دائىم سىزنى ياخشى كۆرىمەن دەيدىغان، ئەمما سىزنى ئەمرىگە ئېلىشقا ۋەدە بېرەلمەيدىغان يىگىتلەر. سىزلەر ئارلىشىپ خېلى ۋاقىتلارغىچە ئۇ سىزنى ياخشى كۆرىدىغانلىقىنىلا تەكىتلەپ، سىز بىلەن توي قىلىش تۇغرىسىدا ئېغىز ئاچمىسا، بۇ ئۇنىڭ تېخى سىزنى ئۇنچىۋالا ياخشى ك ۆرۈپ كەتمەيدىغانلىقىنى، ئىدىيىسىدە يەنىلا داۋالغۇش بۇلىۋاتقانلىقىنى بىلدۈرىدۇ. شۇڭا، بۇنداق يىگىتلەردىن بەك ئۈمۈد كۈتۈشكە، ئۇلارنى ساقلاشقا ئەرزىمەيدۇ. 2. باغرى تاش يىگىتلەر: كىشىلىك تۇرمۇشتا ئۆزىڭىز ياخشى كۆرىدىغان ياكى سىزنى ياخشى كۆرىدىغان يىگىتنى تاپماق ئانچە تەس ئەمەس، ئەمما ئۆز ئارا ياخشى كۆرۈشىدىغان، بىر - بىرىنى چۈشىنىدىغان ئۈمۈرلۈك ھەمراھنى تىپىش ناھايىتى قىيىن. باغرى تاغ يىگىتلەرنىڭ سىزگە كۈڭلى چۈشكەن ھامان ئۇلار ھەر قانداق تۇسالغۇلارغا قارىماي سىزنى قولغا كەلتۈرۈشكە تىرىشىدۇ. ئۇخشاشلا سىزدىن كۈڭلى قالغان ۋاقىتتىمۇ قىلچە ئىككىلەنمەي سىزنى تاشلىۋىتىدۇ. ئۇلار ئىشنى كەسكىن قىلىدۇ، ئەمما ئىشنىڭ ئاقىۋىتىنى ئويلاشمايدۇ. بۇنداق يىگىتلەرنى ئۆزىڭىزگە ئۈمۈرلۈك ھەمراھ قىلىپ تاللىسىڭىز، سىزدە مەڭگۈ بىخەتەرلىك تۇيغۇسى بولمايدۇ. 3. قىلغان ئىشىنىڭ ئاقىۋىتىدىن قاچىدىغان يىگىتلەر يىگىتلەردە چۇقۇم قىلغان ئىشىنىڭ ئاقىۋىتىگە مەسئول بولىدىغان جۈرئەت بولۇشى كېرەك. بەزى يىگىتلەر ئۆزىنىڭ قىلغان ئىشىدىن قاچىدۇ. بۇ بىر خىل شەخسىيەتچىلىكنىڭ ئىپادىسى. يىگىتلەردە مەسئولىيەتچانلىق تۇيغۇسى كۈچلۈك بولغاندىلا ئاندىن ئۇ ھەقىقىي يىگىت، ئۈمۈرلۈك ھەمراھ بۇلالايدۇ. 4. ئاغزىدىلا گىپى بار، ئەمەلىيىتى يوق يىگىتلەر ئادەملەرنىڭ قابىلىيىتى ئۇخشاش بولمايدۇ. ئەمما ئىشنى چۇقۇم كۈڭۈل قۇيۇپ قىلغاندىلا ئاندىن بىر ئىشنى باشقا ئىلىپ چىققىلى بولىدۇ. كىشىلىك تۇرمۇش مۇساپىسى ناھايىتى ئۇزۇن مۇساپە، ئۇنى ئۆزگەرتىمەن دەيدىكەنسىز، داۋاملىق تىرىششقا تۇغرا كېلىدۇ. شۇڭا سىز كىيىنكى تۇرمۇشىڭىزدا سىز بىلەن تەڭ كۈرەش قىلالايدىغان بىر يىگىتنى تىپىشىڭىز كېرەك. ئاغزىدىلا گىپى بار، ئەمما ئەمەلىيىتى يوق يىگىتلەر ئائىلە باشلىقلىق ۋەزىپىسىنىڭ ھۆددىسىدىن چىقالمايدۇ. 5. ۋاپاسىز يىگىتلەر ئاتا ئانىسىغا كۆيۈنمەيدىغان يىگىتلەرنىڭ ئۆز ئائىلىسىگە، خۇتۇن باللىرىغا كۆيۈنۈشى ناتايىن، بۇنداق يىگىتلەرنىڭ كۆپىنچىسى شەخسىيەتچى، توڭ كىلىدۇ. مۇھەببەت بىلەن قېرىنداشلىق مىھرى شەپقەت، كىشىلەر ئارىسىدىكى ئەڭ ئىللىق، شۇنداقلا ئەڭ سەمىمىي ھېىسىياتتۇر. ئەگەر سىز ئۆزىڭىزگە ئۈمۈرلۈك ھەمراھ قىلىپ تاللىغان يىگىتتە بۇ خىل ھىسىيات كەمچىل بولسا، ئۇنداقتا ئۇنىڭ بىلەن بىرگە ئۆتۈش ناھايىتى خەتەرلىك. قىسقىسى، قايسى خىلدىكى يىگىتنى ئۆزىڭىزگە ئۈمۈرلۈك ھەمراھ قىلىپ تاللىغان بولسىڭىز، شۇ خىلدىكى يىگىت بىلەن نىكاھ ۋە كىشىلىك تۇرمۇشنى بىللە تاللىغان بولىسىز.

كۆرۈلۈشى:1240

قوشۇلغان ۋاقتى:2010-2-24 19:46:03

يوللىغۇچى ئەزا:sardar

سىرلىقلىقىڭىزنى..	چاچ چۈشۈشنى كەلت..	ھەددىدىن زىيادە ..	سەۋزە ئۆپكىنى ئا..	مېۋە پوستى بىلەن..	دۇنيادىكى ئەڭ تو..
ئاياللارنىڭ جورا..	«ئەر-خوتۇنلار ئو..	ئەر -ئاياللار ھەق..	ھازىرنىڭ ئۆزى بە..	تەنھالىق ئىنسانغ..	ساپما كەشنىڭ زىي..