كۆپ ساندىكى ئەرلەر خاتالىقىنى ئېتىراپ قىلىشنى خالىمايدۇ،ئۇ خاتالىقىنى تونۇغاندا،ئۆزىڭىز يول قويغانلىقىڭىز ئۈچۈن سىزگە جاۋاب قايتۇرىدۇ،ئۇنىڭغا كۆيۈنۈشنى،ئەركىنلىك بېرىشنى ئېسىڭىزدىن چىقارماڭ.
ئەگەر ئۇنى سۆيمىسىڭىز،ئۇنىڭغا ئۇدۇللا ئېيتىڭ،ئەرلەر ئۈچۈن غورۇرىنىڭ دەپسەندە قىلىنىشى ئازابتىنمۇ ئېغىر كېلىدۇ.
ئەگەر ئۇ دوستلىرى بىلەن سىرتقا چىقىپ ئويناپ كەلسە،نېمە ئۈچۈن سىزنىمۇ بىللە ئېلىپ بارمىغانلىقىنى سۈرۈشتە قىلماڭ،چۈنكى ئەرلەر لەگلەككە ئوخشايدۇ، يىپ قولىڭىزدا بولسىلا بىھۇدە ئەندىشە قىلىشىڭىزنىڭ ھاجىتى يوق.
ئۇ، سىزنى چىن قەلبىدىن سۆيسىمۇ،بۇنى ئاشكارە ئىپادىلەشنى خالىمايدۇ.دېمىسىمۇ،ئېغىزدا سۆيگەندىن كۆڭۈلدە سۆيگەن ئەۋزەل.
ئۇنى سۆيسىڭىز،ئۇنىڭغا ئىشىنىڭ،ھەر قانداق ئىش بولسا ئۇنىڭغا ئېيتىڭ،چۈنكى ھەر قانداق ئەر ئايالىنىڭ ئۆزىگە تايىنىشىنى ياخشى كۆرىدۇ.
