بەزى كىچىك قىزلار چوڭلارنى دوراپ ياسىنىشنى ياخشى كۆرسە، يەنە بەزى كىچىك قىزلارنى ئانىلىرى چوڭلارغا ئوخشۇتۇپ ياساپ قويىدۇ . كىچىك قىزلارنى چىرايلىق ياساشقا بولىدۇ ، بىراق قىزلار ئۆسمۈرلۈك ، ئۆسۈپ- يېتىلىش مەزگىلىدىكى ياسىنىشتا بەزى نوقفىلارغا دىققەت قىلىشى كېرەك .
كالپۇكقا قىزىل، تىرناققا لاك سۈرمەسلىكى كېرەك . چۈنكى كالپۇكقا سۈركەيدىغان قىزىلنىڭ ئاساسىي تەركىۋى قوي يۇڭ مېيى ، موم ماددىسى ۋە بوياقتىن ئىبارەت . كىچىك قىزلار ئىشلەتگەن كالپۇك بويايدىغان قىزىل گەرچە بىۋاستە زەھەرلىمىسىمۇ، لېكىن ئۇزۇن مۇددەت ئىشلەتكەندە كالپۇكنىڭ زىيادە سېزىمچانلىق كېسىلىنى كەلتۈرۈپ چىقىرىپ ، كالپۇك يېرىلىش ، قىزىرىش ئالامەتلىرى كۆرۈلۇشى مۇمكىن. مايدا ئېرىيدىغان بۇ خىمىيىۋى ماددىلارئۆسمۈرلەرگە نىسبەتەن مەلۇم دەرىجىدە زەھەر پەيدا قىلىشى مۈمكىن. ئۇنىڭدىن باشقا ، ئۆسمۈرلەرنىڭ قەرەلسىز نەرسە يەيدىغان ئادىتى بولغانلىقى ئۈچۈن ، تىرناق بويايدىغان مايدىكى زىيانلىق ماددىلار ناھايىتى ئاسان بەدىنىگە كىرىپ ، ئۇلارنىڭ سالامەتلىكىگە زىيان يەتكۈزىشى مۇمكىن.
رەڭلىك كۆز ئەينەك تاقىماسلىقى كېرەك . رەڭلىك كۆزئەينەك كۆز گۆھىرى بىلەن كىرپىكسىمان مۇسكۇلنىڭ يۈكىنى ئېغىرلاشتۇرىۋېتىدۇ . ئۆسمۈرلەرنىڭ كۆرۈش قۇۋۋىتى تۇراقسىسز بولغانلىقى ئۈچۈن ، تاقىغان كۆزئەينەك كۆز ئالمىسىنىڭ تەڭشەش ئىقتىدارىغا تەسىر يەتكۈزۈپلا قالماستىن ، يەنە چوڭ مېڭىنىڭ يېتىلىشىگىمۇ تەسىر يەتكۈۈزىدۇ.
چاچنى بۈدۈر قىلماسلىقى كېرەك . كىچىك قىزلارنىڭ چېچى قويۇق ۋە ئىنچىكە ئۆسۈۋاتقانلىقى ئۈچۈن ئۇنى بۈدۈر قىلغاندا چاچ سارغىيىپ ، چۈرۈكلىشىپ كېتىدۇ. ۋاقتىنچە ئوماق، چىرايلىق كۆرۈنگىنى بىلەن نەتىجە ئۇنىڭ ئەكسىچە بولۇپ قالىدۇ. ئۇنىڭدىن باشقا، چاچنى بۈدۈر قىلغاندا ، باشنىڭ تېرىسى ئىسسىپ ، مۈڭگۈز تېرە قەۋۋىتىنى زەخمىلەندۈرىدۇ . ھەتتا باش قىسمىدىكى تېرە كېسەللىكىنى كەلتۈرۈپ چىقىرىشىمۇ مۇمكىن.
ئىگىز پاشنىلىق ئاياق كىيمەسلىكى كېرەك. فىزىئولوگىيىلىك نوقتىدىن قارىغاندا، قىزلار ئۆسمۈرلۈك مەزگىلىدە سۆڭەكتىكى مېنىرال ماددىلارنىڭ مىقدارى ئاز، پۇتىدىكى پەي تالالىرى ئىنچىكە ۋە ئاجىز بولىدۇ. ئىگىز پاشنىلىق ئاياق كىيگەندە، ئۇلارنىڭ ئوشۇق بوغۇمى زەخمىلىنىدۇ، بەدىنى ئالدىغا ئېگىلىپ نورمال ماڭغىلى بولمايدۇ، بولۇپمۇ يۈگۈرگەن، سەكرىگەن ۋاقىتلاردا سۆڭەك بىلەن پەي ناھايىتى ئاسان زەخمىلىنىدۇ، ھەتتا مېيىپ بولۇپ قېلىش ئەھۋاللىرىمۇ كۆرۈلىدۇ.
يۇقىرىقى بىرقانچە نوقتىدىن باشقا ، ھالقىلىق مەسىلە، كىچىك قىزلارنىڭ ياسىنىشى ئۇلارنىڭ ياش ئالاھىدىلىكىگە ماس كېلىشى، كۆركەم، چىرايلىق ھەم ئاددىي– ساددا، تەبىئىي بولۇشىغا دىققەت قىلىش كېرەك.
