ساغلام تېرىدىكىلەر: قانداق ماركىلىق بولۇشىدىن قەتئىينەزەر مۇنتىزىم بىر خىل ماركىلىق ئاپتاپتىن ساقلىنىش مەلھىمىنى تاللاپ ئىشلەتسە بولىدۇ. ئادەتتە مايلىق تېرىلىكلەر ئەڭ ياخشىسى سۇيۇق ماينى، يەنى ئاپتاپتىن ساقلىنىش سۇيۇقلۇقىنى، تېرىسى قۇرغاقلار ئاپتاپتىن ساقلىنىش مەلھىمى ۋە ئاپتاپتىن ساقلىنىش يىلىمسىمان مېيىنى سۈرسە بولىدۇ.
ئەسۋە ياكى دانىخورەك چىقىدىغانلار: بۇنداقلارنىڭمۇ تېرىسى ساغلام ھېسابلىنىدۇ. ئۇلاردا قىزغۇچ ئەسۋە ۋە دانىخورەك پەيدا بولۇشنىڭ سەۋەبى — كۈن نۇرىدىن ساقلىنىش مەلھىمى تەركىبىدىكى خىمىيىلىك تەركىبلەرنىڭ تېرىگە سىڭىپ كىرىشى، بولۇپمۇ سۇغا چىداملىق پەردىنىڭ تۈك تۆشۈكچىلىرىنى توسۇۋالغانلىقىدا. بۇنداق كىشىلەر ئەڭ ياخشىسى سۈتسىمان ماينى تاللاش كېرەك. بۇنداق قىلغاندا، تېرىنى تېخىمۇ ياخشى نەپەسلەندۈرۈپ، تۈك تۆشۈكچىلىرىنىڭ توسۇلۇپ قېلىشىدىن ساقلانغىلى بولىدۇ.
تېرىسى قىچىشىدىغانلار: بۇ خىلدىكى كىشىلەرنىڭ مۈڭگۈز ماددا قاتلىمى بىر قەدەر نېپىز بولغاچقا، ئاسانلا سىرتقى مۇھىتنىڭ تەسىرىگە ئۇچرايدۇ. بۇلار ئەڭ ياخشىسى زىيادە سېزىمچانلىققا قارشى ئىقتىدارغا ئىگە ئاپتاپتىن ساقلىنىش مەلھىمىنى ئىشلەتسە مۇۋاپىق.
تېرىسى قۇرغاقلار: بۇ خىل كىشىلەر سۇيۇق سىلىقلاشتۇرۇش تىپىدىكى ئاپتاپتىن ساقلىنىش سۈتسىمان مېيىنى تاللىشى كېرەك. لېكىن دىققەت قىلىشقا تېگىشلىكى شۇكى، ئاپتاپتىن ساقلىنىش مەلھىمىنى ئىشلىتىشتىن بۇرۇن سىلىقلاش مەلھىمىنى سۈرۈشى، كەچتە ئاپتاپتىن ساقلىنىش مېيىنى قىزىق سۇ بىلەن يۇيۇپ چىقىرىۋېتىپ، سۈتسىمان ماينى سۈرۈشى كېرەك.
