SPF دەرىجىسى تۆۋەن بولغان كۈن نۇرىدىن مۇداپىئەلىنىش مېيىنى تاللاڭ . SPF دەرىجىسى نۇر UVB غا بەرداشلىق بېرىش ۋاقتىنىڭ كۆپەيتمە كۆرسەتكۈچى بولۇپ ، سېرىق تەنلىك كىشىلەرنىڭ تېرىسى قۇياش نۇرىغا 15 مىنۇتقىچە بەرداشلىق بېرەلەيدىكەن . بەزىلەر كۈن نۇرىدىن مۇداپىئەلىنىش مېيىنىڭ SPF دەرىجىسى قانچىكى يۇقىرى بولسا ، كۈن نۇرىدىن شۇنچىكى مۇداپىئەلەنگىلى بولىدۇ ، دەپ قارايدىكەن . ئەمەلىيەتتە بۇ خاتا قاراش بولۇپ ، SPF دەرىجىسى تۆۋەن بولغان كۈن نۇرىدىن مۇداپىئەلىنىش مېيىنى پات – پات سۈرۈپ بەرگەندە ، كۈن نۇرىدىن مۇداپىئەلىنىش ئۈنۈمى تېخىمۇ ياخشى بولىدىكەن .
كۈن نۇرىدىن مۇداپىئەلىنىش مېيىنى ئۇۋۇلاپ تۇرۇپ سۈرمەڭ . كۈن نۇرىدىن مۇداپىئەلىنىش مېيىنى ئاۋۋال ئالىقانغا ئازراقلا چىقىرىۋېلىپ ، ئاندىن كۈن نۇرىدىن مۇداپىئەلىمەكچى بولغان ئورۇنغا بوشقىنە شاپىلاقلاپ سۈرۈش كېرەك ئىكەن ، چۈنكى كۈن نۇرىدىن مۇداپىئەلىنىش مېيىنى ئۇۋۇلاپ سۈرگەندە ، تەر تۆشۈكچىلىرى ئاسانلا توسۇلۇپ قېلىپ ، تېرە نورمال نەپەسلىنەلمەي ، كۈن نۇرىدىن مۇداپىئەلىنىش ئۈنۈمىگە تەسىر كۆرسىتىدىكەن .
كۈن نۇرىدىن مۇداپىئەلىنىش مېيىنى بالدۇر ئىشلىتىڭ . كۈن نۇرىدىن مۇداپىئەلىنىش مېيىنىڭ تېرىگە سىڭىپ ، كۈن نۇرىدىن مۇداپىئەلىنىشى ئۈچۈن بەلگىلىك ۋاقىت كېتىدىغان بولغاچقا ، ئۇنى سىرتقا چىقىشتىن ياكى ئۇلترا بىنەپشە نۇر بىلەن بىۋاستە ئۇچرىتىشتىن 20 مىنۇت ئىلگىرى سۈرۈش كېرەك ئىكەن .
كۈن نۇرىدىن مۇداپىئەلىنىش مېيى سۈرگەن بولسىڭىز ، ئۇخلاشتىن ئاۋۋال پاكىز يۇيۇۋېتىڭ . كۈن نۇرىدىن مۇداپىئەلىنىش مېيى خۇددى بىر قەۋەت قوغداش پەردىسى ئارتىپ قويغانغا ئوخشاش تېرىنى سىرتقى دۇنيادىن ئايرىپ تۇرىدىغان بولغاچقا ، ئۇخلاشتىن ئاۋۋال ئۇنى پاكىز يۇيۇپ چىقىرىۋەتمىگەندە ، تېرىگە ئەكىس تەسىر ناھايىتى چوڭ بولىدىكەن .
