بۇ ماكاندا كىم بۇلبۇلنى يوق دەيدۇ

ئابدۇلئەھەد ئىسمائىل ئوغلان سەن تۇرساڭ ھەۋەس قىلاي نىچۈن تۆت كۈنلۈك پانىي دۇنياغا، ماڭا مەڭگۈ ۋاپادار گۈزەل دۇنيا سەن تۇرساڭ. تەلمۈرەي سۇ ئىچكىلى يەنە قايسى دەرياغا، تەشنالىقىم قاندۇرغان ئەزىم دەريا سەن تۇرساڭ. قۇياش بىلەن ئاي، يۇلتۇز جۇلاسى بار ھۆسنۈڭدە، قوش چوققىلىق تاغلارنىڭ سىيماسى بار كۆكسۈڭدە. جاننى ئاياپ نەقىلاي سېنىڭدەك جان پىداغا، دىلخانەمنى يورۇتقان نۇرى – زىيا سەن تۇرساڭ. ياشنار كۆيۈم – شەپقەتتە ھاياتلىقنىڭ بوستانى، مۇراد تاپار ھىممەتتە ھەرنە تىلەك – ئارمانى. تەلپۈنەمدىم خۇش پۇراق چاچالمىغان رەناغا، بۇ دەردىمنىڭ داۋاسى  –  مېھرىگىياھ سەن تۇرساڭ. ئىگەم ئادەم زاتىنى سۆيگۈلەردىن ياراتمىش، ھېكمەت بىلەن سۆيگۈنى كەڭ ئالەمگە تاراتمىش. كۆڭۈل بېرەي قانداقمۇ بىئەقىل، بىھاياغا، پاك سۆيگۈدە ئەڭ سۈزۈك، تۈزۈك ‹‹ھەۋۋا›› سەن تۇرساڭ.  تەكلىماكان بۇلبۇلى قەدىم  –  قەدىم زاماندا، تارىم بويى تاماندا بىر كۈيچى قۇش بار ئىكەن، تەڭدىشى يوق جاھاندا. يايرايدىكەن سەيلىتىپ جەننەتتەك باغ – بوستاندا، سايرايدىكەن ھېلىمۇ شۇ سېھرلىك ماكاندا.              بۇ دىياردا كىم بۇلبۇلنى يوق دەيدۇ، ئەسلى  بۇلبۇل ماكانى بۇ، بىلمەيدۇ. ئەجەب مۇڭلۇق ناۋا ئەيلەپ ئۈنلەيدۇ، بوز تورغىيىم  تەكلىماكان بۇلبۇلى. كەڭلىكلەردە پەرۋاز قىلىپ يايرايسەن، باياۋاننى چاڭ كەلتۈرۈپ سايرايسەن، شامۇ سەھەر سايرايسىنا، ھارمايسەن، بوز تورغىيىم  –  تەكلىماكان بۇلبۇلى. تالاشمايسەن باغلارنى ھېچقاچاندا، چىمەنىڭدۇر يۇلغۇن، توغراق، چاكاندا، ياشاپ كەلدىڭ ئەزەلىي بۇ ماكاندا، بوز تورغىيىم  تەكلىماكان بۇلبۇلى. باھار ئىزدەپ نە  –  نەلەرگە كەتمەيسەن، ئۆز ئۇۋاڭنى ئەسلا تەرك ئەتمەيسەن، قىسمىتىڭگە دەردۇ ھەسرەت چەكمەيسەن، بوز تورغىيىم  تەكلىماكان بۇلبۇلى. ئارمانلىرىڭ دۈملەنگەنمۇ بارخانغا، دەرمانلىرىڭ جەملەنگەنمۇ گۈلخانغا، مەدەتكارسەن يولدىن ئۆتكەن كارۋانغا، بوز تورغىيىم  تەكلىماكان بۇلبۇلى. ئاۋازىڭدا تۈمەن كەچمىش نىداسى، سەن كۈيلەرنىڭ ئاشىقى، جان پىداسى، لەۋزىڭگە تەڭ قايسى قۇشنىڭ ناۋاسى، بوز تورغىيىم  تەكلىماكان بۇلبۇلى. دەيمەن سېنى سۈزۈك تاڭلار ئەلچىسى، باياۋاننىڭ چىن ھەقداسى، ئەركىسى، سەن ھاياتنىڭ جاكارچىسى، كۈيچىسى، بوز تورغىيىم تەكلىماكان بۇلبۇلى. تەڭرىتاغ قەسىدىسى ئەزەلىي نامىڭ بۈيۈك، قەددىڭ زەپەردەست تەڭرىتاغ، ئات قويۇپتۇ ئىسمىغا پەرلەپ مۇقەددەس تەڭرى، تاغ. 1 ئەي مۇقەددەس تەڭرىتاغ، قارنى – كۆكسى كەڭرى تاغ. ئات قويۇپتۇ نامىنى پەرلەپ ساڭا تەڭرى، تاغ. بىر مۆتىۋەر ئانا سەن، سېھىر – ھېكمەت كانى سەن. بەستىڭ كۆككە تاقاشقان، ئەلنىڭ پەخرى – شانى سەن. ئاق بېشىڭدا ئاق لېچەك، ئېتىكىڭدە گۈل – چېچەك. سەككىز جەننەت ھۆرلىرى ساڭا ھەمراھ  كېلىنچەك. تۆمۈر چوققا، خانتەڭرى كۆكسۈڭدىكى قوش ئەمچەك. قوش ئەمچەكتىن سۈت ئەمگەن ئوغلانلىرىڭ شىر يۈرەك. 2 بىر يانىڭدا ئالتۇنتاغ، بىر يانىڭدا يالقۇنتاغ. باغرىڭ شېرىن مېۋىگە تولغان گۈزەل، سالقىن باغ. پېشانەڭدە، چېكەڭدە ئاي، چولپاننىڭ جۇلاسى. مەڭگۈ ياڭرار قوينۇڭدا ھاياتنىڭ كۈي – ناۋاسى. قايتارما: ئەي مۇقەددەس تەڭرىتاغ، قارنى – كۆكسى كەڭرى تاغ.

كۆرۈلۈشى:287

قوشۇلغان ۋاقتى:2010-4-14 13:29:12

يوللىغۇچى ئەزا:xirinim

سىرلىقلىقىڭىزنى..	چاچ چۈشۈشنى كەلت..	ھەددىدىن زىيادە ..	سەۋزە ئۆپكىنى ئا..	مېۋە پوستى بىلەن..	دۇنيادىكى ئەڭ تو..
ئاياللارنىڭ جورا..	«ئەر-خوتۇنلار ئو..	ئەر -ئاياللار ھەق..	ھازىرنىڭ ئۆزى بە..	تەنھالىق ئىنسانغ..	ساپما كەشنىڭ زىي..