مانا سۆيگۈ،مانا مۇھەببەت.
ئاپتۇر: شىرئېلى غەيرەت <<بارچۇقى>>
بىرلىرىنىڭ كۆزىدە لىق ياش،
يەنە بىرى ئوينايدۇ بەك شاش.
يارى ياندا، ياتقا ئوينىتىپ قاش،
مانا سۆيگۈ،مانا مۇھەببەت.
سۆيدۈم دەيدۇ دائىم سۆزىدە،
يالغان ياشنى يىغىپ كۆزىگە.
بۇ ئۇيۇننى ئوينار كۈنىگە،
مانا سۆيگۈ،مانا مۇھەببەت.
بىرى راسىتلا سۆيىدۇ دىلدىن،
يار ئۈچۈن راسىت كىچىدۇ جاندىن.
ئۇ سۆيگېنى دەيدۇ بەس قاندىم،
مانا سۆيگۈ،مانا مۇھەببەت.
بىرى سۈيۈشكە ھەۋەستۇر قەۋەت،
بىرى سۈيۈپ دەيدۇ<<تارىتتىم دەرت>>.
بىرگە شادلىق ، بىرىگە ھەسرەت،
مانا سۆيگۈ،مانا مۇھەببەت.
قىلدىڭ.
كۆيدۈرۈپ ئىشقىڭدا گۈلخانە قىلدىڭ،
ئۆزۈڭگە زارقىلىپ پەرۋانە قىلدىڭ.
يۈرىمەن قايمۇقۇپ مەنزىلىم بىلمەي،
دەردىڭدە ئەجەپمۇ سەرسانە قىلدىڭ.
كۆيۈپ-كۆيۈپ ھېجرىڭدە بولدۇم نەچچە كۈل،
قۇرۇپ كەتتى بىرسېنى دەپ تىزغان ئەتىرگۈل.
تەنھالىققا كۆنمەيدىكەن بىلسەڭ كۆيگەن دىل،
چۆللىرىدە سۆيگۈنىڭ دىۋانە قىلدىڭ.
مىنى ئەجەپ قىينىدىڭ دەردىڭدە جېنىم،
بەردىڭ ھېجران شۇسەۋەپ ئازقالدى جېنىم.
ۋىسالىڭسىز ئەلەمدە تەنھا يۈرىكىم،
ۋىسالىڭگە ئەجەپمۇ مەستانە قىلدىڭ.
تىلىدۇ يۈرەكنى قايغۇ،ئەلەم-دەرت،
ئازاپتا چىكىمەن كۈنۇ-تۈن ھەسرەت.
يىغلايدۇ يۈرىكىم ۋەسلىڭنى تىلەپ،
دەرتتە، بىر يۈرەكنى مىڭ دانە قىلدىڭ.
بۇ ھاياتنى نىمە دەي ئەمدى؟
ئوخشاتسام بۇ ھاياتنى باغقا،
ئۇندا بەك كۆپ ئىكەن تىكىنى.
تىكەنزاركەن دىسەم گۈلى بار،
بۇ ھاياتنى نىمە دەي ئەمدى.
بىرى دائىم يىغلاپ يۈرۈيدۇ ،
بىرى گۈل بوپ زارلاپ تۇزۇيدۇ.
دەرتلىك دىسەم،شادلىق بېرىدۇ،
بۇھاياتنى نىمە دەي ئەمدى.
زارقىلدىغۇ كۆپنى ئۆزىگە،
ياش تولدۇردى كۆپنىڭ كۆزىگە.
يەتكىنى ئاز ئۇنىڭ تېگىگە،
بۇ ھاياتنى نىمە دەي ئەمدى.
ئۇ بەزىدە مەن ئېيىتقاندەك باغ،
ۋە بەزىدە چۆل، باياۋان -تاغ.
بىرى مەغرۇر، بىرى يىغلار زار،
بۇ ھاياتنى نىمە دەي ئەمدى.
ئۆلەي دىسە چىڭ ياشاش رىشتى،
كەچمەي دىسە بەك يامان دەردى.
ئۆتەر بىركۈن ھەممىنىڭ قەدرى،
بى ھاياتنى نىمە دەي ئەمدى.
مۇھەببەتنى دىسەم بىر دەريا. ش.غەيرەت<<بارچۇقى>>
مۇھەببەتنى دىسەم بىر دەريا.
ئىاپتۇر:شىرئېلى غەيرەت<<بارچۇقى>>
مۆمكىن دىلدىن كۆيمەك بىرىگە،
لىكىن ۋىسال تېپىش ناتايىن.
يايرى تۇرۇپ يىراقتا تەنھا،
ئۆتمەك قىيىن بىلسەڭ ئىنتايىن.
.............................
مۇھەببەتنى دىسەم بىر دەريا،
سەن-بىز ئۇندا ئۈزگەن بىر بېلىق.
بىردە ئىچىپ يۈرسەك سۈزۈك سۇ،
بەزى ئۇمۇ كېتىدۇ لېيىپ.
مۇھەببەتنى دىسەم بىر دەريا،
ئوخشايدىكەن بەزى كۆلچەككە.
بىز يوللىرى تۇسۇلغان بېلىق،
خۇددى بەند ئاشۇ كۆلچەككە.
مۇھەببەتنى دىسەم بىر دەريا،
بۇلۇر ئىكەن بەزىدە دېڭىز.
ئۈستى جىمجىت تۇرسىمۇ لىكىن،
ئاستى ھەيۋەت دەرتتە يۈسۈنسىز.
مۇھەببەتنى دىسەم بىر دەريا،
شوخ سۇلىرى ئاقىدۇ ھەيۋەت.
مەن بېلىجان ئاڭا سەكرىگەن،
ئۇندا بىرگە، ئاشىق بوپ پەقەت.
مۇھەببەتنى دىسەم بىر دەريا،
سەن-بىز بېلىق ئاڭا قانمىغان.
قانىمەندەپ ئاشۇ دەرياغا،
دەۋران سۈرەر يۈرەكتە پىغان.
مۇھەببەتنى دىسەم بىر دەريا،
بۇ كىچىكلىك قىلدىغۇ ئاڭا.
تەرىپلەيمەن نېمە دەپ ئەمدى،
تىل ئاجىزلىق قىلدى راست ساڭا.
مەنبە:ئىجادىي ئەسەر
ئاپتۇرنىڭ ئىلاۋىسى:مىنىڭ ئەسەرلىرىمنى، رۇخسىتىمسىز، ئۆز نامىدا باشقا توربەتلەردە،گېزىت-ژۇرناللاردائېلان قىلدۇرۇشقابولمايدۇ. ئەمگىكىمگە ھۆرمەت قىلىشىڭىزنى ئۈمىد قىلىمەن.
