ئىزدەپ دىلدار دىدارىنى
كېچە-كۈندۈز يولۇڭغا تەلمۈرۈپ،دىلدار،كۆزۈم جامدۇر،
كۆزۈ-كۆڭلۈمدىكى كۈلكەڭ سۇنۇق كۆڭلۈمگە ئىلھامدۇر.
تۇرار جايىڭ بۈيۈك مەككە،سېنى بىر مەررە كۆرمەككە،
يېسەممۇ ئۆزگىدىن دەككە،پۇتۇم مەنزىلگە ئىلدامدۇر.
رېڭى ئۆچتى گۈزەللىكنىڭ تەپەككۈر لالىزارىمدا،
كۆزۈم ئەما ئۇزارىڭسىز،لېۋىڭسىز بالمۇ بەتتامدۇر.
گويا ئېيتقان كەبى تەسبىھ، قىلىپ مەن زىكرى ئىسمىڭنى،
ئىبادەت ھەم تىلاۋەتنىڭ تەمەيى زەررە ئىنئامدۇر.
يولۇڭدا تاشسىمان ياتتىم،سېلىپ تاشلاپ گۆھەر توننى،
ئىناۋەت ھەم ئاھانەتنىڭ خۇنى دىدارغا ئەرزاندۇر!
