تۇز

سۈزۈلمەكتە كۈنلەر ئالدىمدا ماناندىكى تاغ چوققىسىدەك، باناندىكى قىز پۇرىقىدەك. پوستى تېخى سويۇلمىغان قىز. ئىشخانامدا سويۇلماقتىمەن، بەزىدە لايپاس، بەزىدە تېز - تېز. يازدا ئۆلۈپ كەتكەن ئادەمنى ئەسلەپ قالدىم قاردەك تۇيۇقسز، تېتىغاندا يېڭى بىر تەمنى شېھىت قايتىپ كەلسۇن قانداقمۇ؟ كەتسە تاقاپ گۈزەل ئالتۇن تاج گۈللەر قايتىپ كەلسۇن قانداقمۇ؟ قايتىلانماس ئۇلۇغۋار كۈنلەر تۇزسىز كۈنلەر تەكرار ھەر كۈنى. ئوڭ تەرەپتىكى سېمىز ئەر كىشى سوزدى قولنى تەخسىگە يەنە. سول تەرەپتىكى نامسىز ناخشىچى مەيكول جېكسوندەك تولغىنىپ، سەكرەپ ئۇنىڭدىن بەك قىلار تەنتەنە، كەتتىم، بىرسى چۈشتى پىيىمگە كۆلەڭگۈسى پەشتاقتا ئەنە. پۇل ياغماقتا تالاغا چىقسام بايلار ئىزدەپ يۈرىدۇ مەنە، كەمبەغەللەر ئىزدەر ئۆزىنى. كىرىۋالسام كىتابخانامغا كۈندۈز ئۆلەر يۇمۇپ كۆزىنى. كومپيۇتېر جانسىز، مەنىسىز ئىسسىق قولنى ئولتۇراي تۇتۇپ. سارغۇچى كىتاب ۋاراقلىرىدا سۈۋەرەكتەك جەسىدىم قالسا قوي كىتابخان مېنى ئويغىتىپ. گېزى كەلسە تاشلاي قەلەمنى ئوبزورچىلار قالسۇن قان يۇتۇپ. ئېچىلماقتا ئىشك ئاسماندىن خوش دېمەيمەن ئەمدى ھېچكىمگە. ئەي دېڭىزچى، مېنى سېلىۋال تەۋەككۈلچىلەر چىققان كېمىگە. «دېڭىزدىكى كوچا» ناملىق كىتابتىن ئېلىندى.

كۆرۈلۈشى:357

قوشۇلغان ۋاقتى:2010-2-15 12:49:42

يوللىغۇچى ئەزا:admin

سىرلىقلىقىڭىزنى..	چاچ چۈشۈشنى كەلت..	ھەددىدىن زىيادە ..	سەۋزە ئۆپكىنى ئا..	مېۋە پوستى بىلەن..	دۇنيادىكى ئەڭ تو..
ئاياللارنىڭ جورا..	«ئەر-خوتۇنلار ئو..	ئەر -ئاياللار ھەق..	ھازىرنىڭ ئۆزى بە..	تەنھالىق ئىنسانغ..	ساپما كەشنىڭ زىي..