يازىمەن،يازغانمەن،شائىر ئەمەسمەن،
بىلىمەن،قىلىمەن،ماھىر ئەمەسمەن.
بىراۋلار دەيدىكەن، يازغانلىرىڭ ھەق،
ئەپسۇسكى راست سۆزۈم شائىر ئەمەسمەن.
قەلەمنى تۇتماستا كەلگەن ئىلھامىم،
قەلەمنى تۇتقاندا كىتىدۇ يىراقلاپ.
قەلەمگە چىرماشقان ئىلھام ئەمەسكەن،
شېئىرلار يازىمەن، شائىر ئەمەسمەن.
قەلەمنى تەۋرەتسەم چىقتى مىسرالار،
مىسرادىن تىكلىدىم ئېگىز كۇپلىتلار.
تىكلىگەن كۇپلىتىم قۇرۇق گەپمىكىن،
نادانمەن تېخىچە،شائىر ئەمەسمەن.
ماختىدى دوستۇم دەپ بىرقانچە ئۈلپەت،
ئويلىدىم شۇ ماختاش راستمۇ يا كۈلپەت.
يوق ئەسلى شائىرلىق مەجرۇھ تىنىمدە،
ھەۋەسكار ئەسلى مەن شائىر ئەمەسمەن.
ئاپتورى: ئەلسۆيەر غولام
