كېتەر بولدۇم

مۇھەممەد يۇسۇف (ئۆزبېكىستان) شىئىرلىرى   يار ئىشىكىڭ ئېچىلمىدى مەن ئۈچۈن، كېتەر بولدۇم يۈزۈڭنى بىر كۆرەلمەي. ئۆيۈڭدىن بىر جاي تېپىلمىدى مەن ئۈچۈن، كېتەر بولدۇم يۈزۈڭنى بىر كۆرەلمەي.   «كەلدىم» دېسەم، «ئېيتما تىلەك» دېدىڭ يار، «سۆيدۈم» دېسەم، «خىلىڭ بۆلەك»دېدىڭ يار، «سېنىڭ سۆيگۈڭ كىمگە كېرەك؟» دېدىڭ يار، كېتەر بولدۇم يۈزۈڭنى بىر كۆرەلمەي.   كۆيمە يارىم، كۆيدۈرمىگىن، كۆيمە يار، بىر ياخشىغا بىر يامان ھەر جايدا بار، ئىككى ياخشى ياشنىغان جاي قايدا بار؟ كېتەر بولدۇم يۈزۈڭنى بىر كۆرەلمەي.   دەرلەر: جان ساق بولسا جاھان تېپىلغاي، بىر پارچە يەر، پارچە ئاسمان تېپىلغاي، ئەمما قايدا سەندەك جانان تېپىلغاي؟! كېتەر بولدۇم يۈزۈڭنى بىر كۆرەلمەي.   يار ئىشىكىڭ ئېچىلمىدى مەن ئۈچۈن، تىلىڭدىن بال چېچىلمىدى مەن ئۈچۈن، ئۆيىڭدىن جاي تېپىلمىدى مەن ئۈچۈن، كېتەر بولدۇم يۈزۈڭنى بىر كۆرەلمەي.                ئۆزبېكچىدىن ئۇيغۇرچىلاشتۇرغۇچى: مەھمۇدجان خوجا ئۈمىدۋار   2009-يىل9-نويابىر دۈشەنبە كېچە، ئۈرۈمچى.

كۆرۈلۈشى:211

قوشۇلغان ۋاقتى:2011-5-21 23:34:21

يوللىغۇچى ئەزا:xirinim

سىرلىقلىقىڭىزنى..	چاچ چۈشۈشنى كەلت..	ھەددىدىن زىيادە ..	سەۋزە ئۆپكىنى ئا..	مېۋە پوستى بىلەن..	دۇنيادىكى ئەڭ تو..
ئاياللارنىڭ جورا..	«ئەر-خوتۇنلار ئو..	ئەر -ئاياللار ھەق..	ھازىرنىڭ ئۆزى بە..	تەنھالىق ئىنسانغ..	ساپما كەشنىڭ زىي..