يولدىن چىققان بىر قىزنىڭ ئىقرارنامىسى [پۇل كېرەك]

ئەگرى يولدىن يىرگىنىپمۇ كەتمىدىم. ئەدەپ-ئەخلاق، ئىپپەتنى دوست ئەتمىدىم، ماڭا ئىپپەت كېرەك ئەمەس، پۇل كېرەك. (2) دوست بولۇشنى خالىسىڭىز دوست بولاي، گاھى قاتتىق، گاھى يۇمشاق-بوش بولاي. ئارزۇيۇمنى بىلىپ قويۇڭ، خۇش بولاي، ماڭا ئادەم كېرەك ئەمەس، پۇل كېرەك. (3) ئۆزىڭىزنى كۈن ئارىلاپ چىللايمەن، ئۆزگىلەرنى ئانچە كۆزگە ئىلمايمەن. سوۋغىڭىزنى پۇلغا ھىساپ قىلمايمەن، سوۋغا-سالام كېرەك ئەمەس، پۇل كېرەك. (4) پۇلنى كۆرسەم مەن بەك ئوماق، مۇلايىم، پۇل بولمىسا ئىچىلمايدۇ چىرايىم. پۇلى يوقنى كۆرسەتمىسۇن خۇدايىم، قۇرۇق سۆلەت كېرەك ئەمەس، پۇل كېرەك. (5) گىرىم بىلەن ئىلان يىزىپ يۈزۈمگە، جەلپ قىلىمەن خىرىدارنى ئۆزۈمگە. ھىجىيىمەن كىم قارىسا كۆزۈمگە، شەرمى-ھايا كېرەك ئەمەس، پۇل كېرەك. (6) پۇلى بارلار ياخشىمۇسىز؟ دەپ تۇرار، ئويناپ-كۈلۈپ يانجۇقۇمنى تولدۇرار. پۇلى تۈگىسە شاگاڭ بولۇپ ئولتۇرار، نېسى ئوقەت كېرەك ئەمەس، پۇل كېرەك. (7) بۇ ئوقىتىم نەپ بەرمەكتە بارغانچە، كىرىمى كۆپ، چىقىمى يوق ھېچقانچە. پېشانەمدىن تەر چىقمايدۇ بىر تامچە، ھالال ئەمگەك كېرەك ئەمەس، پۇل كېرەك. (8) بالدۇر ئاغزىم يۈگۈرمەيتتى يالغانغا، ئەمدى نوختا سالالمايمەن تايغانغا. ھېيلىدىن دەرس بېرەلەيمەن شەيتانغا، سەمىمىيەت كېرەك ئەمەس، پۇل كېرەك. (9) تۇتۇرۇقسىز ۋەدەم تولا كارامەت، يۈزلىشىپمۇ بولمىدىم ھېچ خىجالەت. مەندىن ۋاپا كۈتكەن كىشى ھاماقەت، ۋەدە-ۋاپا كېرەك ئەمەس، پۇل كېرەك. (10) مەغرۇرلۇقۇم يۈرۈكۈمدە قاينايدۇ، شۇڭا مەندە كۆڭۈل ئاياش بولمايدۇ. ئازارىمغا چىدىغانلار ئوينايدۇ، كۆڭۈل ئاياش كېرەك ئەمەس، پۇل كېرەك. (11) مېنى دىلبەر چاغلىسىمۇ بېرىم شۇ، چىن مۇھەببەت باغلىسىمۇ بېرىم شۇ. دەر گاھىدىن قوغلىسىمۇ بېرىم شۇ، چىن مۇھەببەت كېرەك ئەمەس، پۇل كېرەك. (12) ھۇزۇرۇمنىڭ بەلگىلىگەن نەرخى يوق، كونا-يىڭى دوستنىڭ ماڭا پەرقى يوق. قەدىناس دەپ پۇل بەرمەسكە ھەققى يوق، قەدىناسلىق كېرەك ئەمەس، پۇل كېرەك. (13) ئىسراپچىلىق كىمدە دېسە، مەندە بار، ئالتە ساندۇق كىيىم-كىچەك جەندە بار. بايلىقىمنىڭ دەسمايىسى تەندە بار، ئاياش-تەجەش كېرەك ئەمەس، پۇل كېرەك. (14) تاماكىنى پۇرقىرىتىپ چىكىمەن، دوستلار بىلەن ھاراق-شاراپ ئىچىمەن. غەرق مەست بوپ ئار-نومۇستىن كىچىمەن، ئىزا-نۇمۇس كېرەك ئەمەس، پۇل كېرەك. (15) بۇ مەھەللىدە ئازايغاندا چۆپقىتىم، ئۇ مەھەللىگە كۆچۈپ كەتتىم كۆپ قىتىم. ھەممە يەرنى بۇلغايدۇ بۇ ئوقىتىم، مۇقىم ماكان كېرەك ئەمەس، پۇل كېرەك. (16) خالى ئەمەس مەنمۇ ئۇرۇش-جىدەلدىن، غەم قىلمىدىم داۋاسى يوق كىسەلدىن. بۇ ئوقەتنىڭ يولى شۇنداق ئەزەلدىن، غەم-ئەندىشە كېرەك ئەمەس پۇل كېرەك. (17) يىگىرمىدىن ئاشتىم تېخى ئەرسىز مەن، ئەر تاللىماي ئوينايدىغان بىر قىز مەن. ياخشىلىقنى بىلمەيدىغان يۈزسىزمەن، ئەقىل-ئىدراك كېرەك ئەمەس، پۇل كېرەك. (18) مەن بىلمىگەن قاغدالمىلىق قالمىدى، مەن قىلمىغان رەسۋاچىلىق قالمىدى. ۋىجدانىمدىن بىر تال تىرىق قالمىدى، ۋىجدان، غورۇر كېرەك ئەمەس، پۇل كېرەك. (19) نەسىھەتتىن بىزار بولدى قۇلىقىم، ئاڭلىساملا كېلىدىكەن غىدىقىم. تۈزەلمىدى شۇڭا مىجەز-قىلىقىم، ۋەز-نەسىھەت كېرەك ئەمەس، پۇل كېرەك. (20) سۆزلەپ بەرسەم كەچمىشىم كۆپ ھەم ئېغىر، يازدىم شۇڭا ئىچىم قايناپ بىر شېئىر. كەچمىشلىرىم ۋۇجۇدۇمنى قىلدى كىر، بېشىم قاتتى، ماڭا قايسى يول كېرەك؟ (21) مېنى يولدىن چىقاردى بىر جادۇگەر، مۇشۇ يولدا چىرىكلەشتىم شۇ قەدەر. ئويلاپ باقسام ئىستىقبالىم بەك خەتەر، ئەمدى ماڭا بىر نىجاتكار قول كېرەك. *********************************** ئازغۇن قېزىم، خاراپ ئىكەن ھالىڭىز، ئۆچەي دەپتۇ گۈزەل ياشلىق شامىڭىز. ساۋاق بولسۇن، مۇشۇ ئىقرارنامىڭىز، جەمئىيەتكە ئەخلەت ئەمەس، گۈل كېرەك. *********************************** كىچىكىمدە ئامراق ئىدىم كەمپۈتكە، شېرىنلىكتە تەڭ قىلمايتتىم ھەممىنى. نىمىشقىدۇر ئەمدى كەمپۈت يىگۈم يوق، تېتىغاچقا لەۋلىرىڭنىڭ تەمىنى .

كۆرۈلۈشى:2742

قوشۇلغان ۋاقتى:2010-10-25 18:08:57

يوللىغۇچى ئەزا:xirinim

سىرلىقلىقىڭىزنى..	چاچ چۈشۈشنى كەلت..	ھەددىدىن زىيادە ..	سەۋزە ئۆپكىنى ئا..	مېۋە پوستى بىلەن..	دۇنيادىكى ئەڭ تو..
ئاياللارنىڭ جورا..	«ئەر-خوتۇنلار ئو..	ئەر -ئاياللار ھەق..	ھازىرنىڭ ئۆزى بە..	تەنھالىق ئىنسانغ..	ساپما كەشنىڭ زىي..