يۈرىكىم ئوتۇڭدا خورىغان شامدۇر،
كۆڭلۈم ھەم ئارمىنىڭ قۇيۇلغان جامدۇر.
چۈشۈمدە ۋىسالىڭ مەيىدە مەستمەن،
ئوڭۇمدا لېۋىم گەز، چىرايىم تامدۇر.
پىنھان دىل قەسرىڭ سىر مەن ئۈچۈن تېخى،
ھالىمدىن بىخەۋەر يۈرۈشۈڭ خاندۇر.
يولۇڭغا چىرىقىم يېشىلدۇر-يېشىل،
يولۇمدا چىرىقىڭ رەڭگىدە قاندۇر.
مەن سىرلىق داچاڭغا بويۇنداپ ھەلەك،
سەن بىغەم،پەرۋايىڭ ئەتىكى شاندۇر.
بىز ئون يىل تېپىشماق ئېيتىشقان «تونۇش»،
ئاھ، نازۇك سىر قالدى يېشىلمەي بالدۇر!
