ئۈلۈپ كىتىشىڭىزگە قايىل بۇلۇڭ

ھازىر ئادەملەر تولىمۇ كاج بولۇپ كەتتى،ھەتتا ئۆلۈمگىمۇ قايىل بولماي قېرىشىپ ئەزرائىل بىلەن جان تالىشىدۇ. "ھەر بىر جان ھامان ئۆلۈمنىڭ تەمىنى تېتىغىچىدۇر".ئولۈم قېرىغىمۇ، ياشقىمۇ، ساققىمۇ، ئاغرىققىمۇ، بايغىمۇ، گادايغىمۇ... ھەممە ئىنساننىڭ پىشانىسىگە پۈتۈلگەن تەقدىر. ھىچكىم قاچان، قەيەردە،قانداق ئۆلۈشىنى بىلەلمەيدۇ. بىراق، بەزى چاغدا ۋاقىتلىق مۇناسىپ تەدبىر ئارقىلىق ئۆلۈم تەقدىرىدىن قۇتۇلۇپ ھايات تەقدىرىگە ئۇلاشقىلى بولىدۇ. مەسىلەن:بەك ئېگىز بىنادىن سەكرىسىڭىز ئۆلىشىڭىز تەقدىردىن.سەكرىمىسىڭىز ئۆلمەسلىكىڭىزمۇ تەقدىردىن. سەكرەش سەكرىمەسلىك سىزنىڭ تەدبىرىڭىزدۇر.دىمەك تەدبىرىڭىز قانداق بولسا تەقدىرىڭىز شۇنىڭغا لايىق بولىدۇ.ئەتراپىمىزدا ئاڭلاۋاتقان،كۆرىۋاتقان ئۆلۈم خەۋەرلىرى خىلمۇ-خىل بولۇپ ،بەزىسى ھەر-خىل ھادىسىگە ئۇچراپ ئۆلگەن ،بەزىسى ھەر-خىل كىسەل بولۇپ ئۆلگەن،بەزىسى بەك قېرىلىق يىتىپ ئۆلگەن...قىسقىسى ھەممىسى دىگۈدەك مەلۇم سەۋەپ بىلەن ئۆلگەن.ئۆلۈم تەقدىرىگە بولغان تونۇش،ئولۈم تەدبىرىگە(سەۋەپلىرىگە) بولغان چۈشۈنۈشمۇ ئادەمنىڭ ئاڭ-سەۋىيەسىگە يارىشا ئوخشاش بولمايدۇ. بەزىلەر ئۆلۈمنىڭ ھامان قېچىپ قۇتۇلغىلى بولمايدىغان تەقدىر ئىكەنلىكىنى قوبۇل قىلىپ،موھىمى قانداق ياشاپ ئۆلۈشتەك ئولۈم تەدبىرىگە(سەۋەپلىرىگە) باشتىن-ئاخىر كۆڭۈل بۆلىدۇ.بەزىلەر ئۆلۈمنىڭ ھامان قېچىپ قۇتۇلغىلى بولمايدىغان تەقدىر ئىكەنلىكىنى قوبۇل قىلسىمۇ، قانداق ياشاپ ئۆلۈشتەك ئولۈم تەدبىرىگە(سەۋەپلىرىگە)كىچىكىپ كۆڭۈل بۆلۈپ، ئەمدى بولغاندا قارىغۇلارچە ئۆلۈمدىن قېچىپ قۇتۇلۇش چارىسىنى ئىزلەپ يۈرۈپ ئاۋارە بولىدۇ.باشقىسىنى قويۇپ كىسەل سەۋەبىدىن ئۆلۈپ كىتىشنى ئېيتايلۇق.ھەر-كىمنىڭ يىمەك-ئىچمەك،تۇرمۇش ئادىتى ۋە ياشاش شارائىتى ئوخشاش بولمىغانلىقتىن ئوخشاش بولمىغان كىسەللىك كىلىپ چىقىپ  ئۆلۈمگە سەۋەپ بولۇپ قالىدۇ.دىيارىمىزدا يىمەك-ئىچمەك ۋە ھاۋادىن بۇلغىنىش ئېغىر بولغاننىڭ ئۈستىگە خەلقىمىزنىڭ ساغلاملىق قارشى كەمچىل بولغانلىقتىن، داۋاسى يوق ياكى كۆپ ئختىسات كىتىدىغان كىسەللىكلەر پەيدا بولماقتا.بەزى كىسەللىكلەر كۆپ ئختىسات خىراجەت قىلىپ ،ئىلغار داۋالاش شارائىتىدا داۋالىنىپ ساقىيىپ ۋاقىتلىق ئۆلۈم تەقدىرىدىن قۇتۇلغان بولسىمۇ،يەنە بەزى كىسەللىكلەر (مەسىلەن:راك كىسىلى )ھازىرقى تىببى ئلىم-پەننىڭ سەۋىيەسى چەكلىك بولغانلىقتىن،ھەر-قانچە ئىلغار داۋالاش شارائىتىدىمۇ داۋالىنىپ ساقىيىشى ناتايىن.شۇنداق تۇرۇقلۇق بەزى ئادەملەر ئۆلۈپ كىتىشىنى بىلىپ تۇرۇپمۇ نۇرغۇن ئېختىسات خەجلەپ قەرىزگە بوغۇلۇپ، تېرىك ئادەم تەجىربىسى بولۇپ جىنىنى قىينىماقتا.ئۇلار ئۆلۈش ئالدىدا مۇشۇ نىجىس كىسەلگە گرىپتار قىلىپ قويغان نۇرغۇن ناچار ئادەتلىرىنى ئۆزىدىن كۆرسىمۇ، ئەھمىيەتسىز داۋالاشنىڭ ھىچ پايدىسى يوقلىغىنى سەزسىمۇ،ھايات قىلىۋاتقان "ۋاپاسىز"  ئائىلە-تاۋاباتلىرى ئۈچۈن ئېختىساتنىڭ تولىمۇ لازىملىغىنى بىلسىمۇ خۇپسەنگاس بولىۋىلىپ" ماڭغىمۇ يوق ساڭغىمۇ يوق "قىلىپ  ئاخىرى ئۈلگۈرگىنى "رازى بولۇڭلار"دەپ قۇرۇق رازىلىق تەلەپ قىلىپ ئۆلسە،ئۈلگۈرەلمىگىنى  بىر ئېغىز زۇۋان سۈرمەي ئارماندا ئۆلمەكتە.بۇنداقلار ئەڭ ئاخىرقى مۇتلەق ئۆلۇمگىمۇ قايىل بولماي دوختۇردىن جان تىلەپ،ئائىلە -تاۋاباتلىرىدىن رەھىم تىلەپ،بۇ دۇنيادىن پانا تىلەپ كۆزى ئارقىدا قىلىپ ئۆلمەكتە.بۇنداقلار ساقايماسقا داۋا يوقلىغىنى،بۇ ئۆلۈمگە چارە يوقلىغىنى،ئېختىسات بۇزۇشنىڭ ئورنى يوقلىغىنى زادى ئېتىراپ قىلماي بويۇن تولغاپ ئۆلمەكتە. بۇنداقلار...ئۆلمەكتە...بەزى ئادەملەر ئۇنداق نىجىس كىسەلگە گىرىپتار بولۇپ ھامان ئۆلۈپ كىتىدىغانلىغىنى بىلىپ تۇرۇپ، ھەر قانچە ئىلغار داۋالىنىش شارائىتىغا ئىگە بولسىمۇ،ھەر قانچە ئىختىساتى يىتىشلىك بولسىمۇ،ھەر قانچە ۋاپادار ئائىلە-تاۋاباتلىرى بولسىمۇ،جىنىنى قىيناپ  تېرىك ئادەم تەجىربىسى بولۇشنى،ئىختىسات بۇزۇشنى ياكى ئائىلە-تاۋاباتلىرىنى تەڭ- قىستا قويۇشنى ھەرگىز خالىمايدۇ.ئۇلار ئۆلۈش ئالدىدا مۇشۇ نىجىس كىسەلگە گىرىپتار قىلىپ قويغان نۇرغۇن ناچار ئادەتلىرىنى ئۆزىدىن كۆرۈپ باشقىلارغا ساۋاق بىرىدۇ.ئائىلە-تاۋاباتلىرىغا ئەركىن-ئازادە ۋەسىيەت قىلىدۇ. كۆڭۈلدىكى ئادەملىرى بىلەن ھايات-ماماتلىق خوشلىشىدۇ. ھاياتىدا قىلغان چوڭ-كىچىك گۇنالىرىغا ھىلى ھەم بولسىمۇ توۋا قىلىدۇ.بۇ دۇنيالىقنىڭ غېمىنى قىلماي، ئۇ دۇنيالىقنىڭ غېمىنى يەيدۇ. بۇنداقلار ئۆلسە جىسمىمۇ زەخمە يىمەي ،روھىمۇ قېچىپ كەتمەيدۇ.ئائىلە-تاۋاباتلىرىمۇ زورۇقمىغاچ كۆزى قىيىمايدۇ.خالىسا جەننەتمۇ قوينىغا ئالىدۇ...شۇڭا ساقايماس كىسەلگە گىرىپتار بولغۇچىلار ئاۋال ئۆزلىرى ھامان ئۆلۈپ كىتىدىغىنىغا قايىل بولۇپ، ئاندىن ئۆلۈپ كىتىشىگە قىيىمايۋاتقان ئائىلە-تاۋاباتلىرىنى" رازىلىققا" قايىل قىلىش لازىم.ئورۇنسىز داۋالىنىپ جىنىنى قيناپ ،ئېختىسات بۇزۇپ،ئۆزىنىڭ ھەم ئائىلە-تاۋاباتلىرىنىڭ تاپقان-تەرگىنىنى كۆككە سورۇپ ئۆلۈمگە قايىل بولماي" ئاسى" كىتىشتىن ساقلىنىشى لازىم.

كۆرۈلۈشى:469

قوشۇلغان ۋاقتى:2010-3-29 20:01:30

يوللىغۇچى ئەزا:ziminarkisi

سىرلىقلىقىڭىزنى..	چاچ چۈشۈشنى كەلت..	ھەددىدىن زىيادە ..	سەۋزە ئۆپكىنى ئا..	مېۋە پوستى بىلەن..	دۇنيادىكى ئەڭ تو..
ئاياللارنىڭ جورا..	«ئەر-خوتۇنلار ئو..	ئەر -ئاياللار ھەق..	ھازىرنىڭ ئۆزى بە..	تەنھالىق ئىنسانغ..	ساپما كەشنىڭ زىي..