سىزگە ياردەم بېرەلەيدىغان ئادەم

فىلىت ئىسىملىك ئامېرىكىلىق بىر ياش ئۆزى يالغۇز ئامېرىكا قىتئەسى چوڭ قۇملۇقىنى كېسىپ ئۆتمەكچى بوپتۇ، ئۇ يولغا چىقىشتىن بۇرۇن سەپەر جەريانىدا يۈز بېرىش ئېھتىماللىقى بار قىيىنچىلىقلارنى ئويلاپ، ئىككى يىل پۇختا تەييارلىق قىپتۇ. ئۇ سەپەرگە پۈتۈنلەي تەكشۈرۈشتىن ئۆتكەن، بوران – چاپقۇنغا بەرداشلىق بېرەلەيدىغان كىيىم بىلەن ئوزۇقلۇق قىممىتى يۇقىرى، قويۇلدۇرۇلغان، ئىشلىتىشكە ھەم ئېلىپ يۈرۈشكە قۇلايلىق، ساقلاش مۇددىتى ئۇزاق يېمەكلىكلەرنى ئېلىۋاپتۇ. يوغان ئىككى باك ساپ سۇ، قالغان نەرسىلەرنى بىر تۆگىگە يۈكلەپ، يەنە بىر تۆگىگە مىنمەكچى بوپتۇ. ئۇ «بۇ قۇملۇقنى كېسىپ ئۆتۈشكە 20 كۈن ۋاقىت كېتىشى مۇمكىن» دەپ پەرەز قىلغانىكەن. ئۇ تۇرمۇش بۇيۇملىرىدىن باشقا يەنە پىچاق، يانفون، مىلتىق قاتارلىق نەرسىلەرنى ئېلىۋاپتۇ. ئۇنىڭ ئاتىسى بىر چوڭ شىركەتنىڭ خوجايىنى ئىكەن، ئۇ ئوغلى فىلىتنىڭ ئالدىغا ئۆزى چىقماقچى بوپتۇ. ئۇرۇق – تۇغقانلىرى بولسا ئۇ خەتەردە قالغاندا دەرھال قۇتقۇزۇشقا پايدىلىق بولسۇن ئۈچۈن، ئالىي دەرىجىلىك دالا ئاپتوموبىلى بىلەن ئۇنىڭدىن بەش كىلومېتىر نېرىدا ماڭىدىغان، ئۇ قۇتقۇزۇش سىگنالى بەرگەن ھامان ئۇنى دەرھال قۇتقۇزىدىغان پىلاننى سوقۇپتۇ. 　　قۇملۇققا كىرگەن دەسلەپكى نەچچە كۈندە فىلىتنىڭ ئىشلىرى ناھايىتى ئوڭۇشلۇق بوپتۇ، تەييارلىقى پۇختا بولغاچقا، ئۇ سەپىرىنىڭ ئوڭۇشلۇق بولىدىغىنىغا چىن پۈتۈپتۇ. دېمىسىمۇ شۇنچە كۆپ ئادەم ياردەمگە تەييار تۇرسا، ئۇنىڭ خەۋپ – خەتەر ئويلىشى مۇمكىنمۇ؟! بىراق قۇملۇققا كىرىپ 2 – كۈنى قۇم – بوراننىڭ ھۇجۇمىغا ئۇچراپتۇ، دالا ئاپتوموبىلىدىكىلەر ئۇنىڭ مىلتىق ئاۋازىنى ئاڭلىيالمىغاچقا، ئۇنى قاياقتىن ئىزدەشنى بىلەلمەي گاڭگىراپ قاپتۇ. بوران پۈتكۈل قۇملۇقنى تازا بىر ئۆرتەپ توختىغاندىن كېيىن، كىشىلەر فىلىت يېيىشكە ئۈلگۈرمىگەن يېمەكلىك، كىيىشكە ئۈلگۈرمىگەن كىيىملەر ئارتىلغان ئىككى تۆگىنى تېپىپتۇ، شۇنىڭ بىلەن ئۇلار فىلىتنى «ئۆلدى»گە چىقىرىپتۇ، بىراق شۇنچە ئىزدەپمۇ ئۇنىڭ جەسىتىنى تاپالماپتۇ، شۇنچە ئەتراپلىق پىلانلانغان قۇملۇق سەپىرى ئويلىمىغان يەردىن ھە دېگەندىلا مەغلۇب بولغاچقا، فىلىتنىڭ ئائىلىسى ئېغىر قايغۇغا مۇپتىلا بوپتۇ. 　　بىراق، بىر يىلدىن كېيىنكى بىر كۈنى كىيىملىرى جۇل – جۇل، چاچلىرى ئۆسۈپ كەتكەن فىلىت تۇيۇقسىز پەيدا بولۇپ، ئائىلىسىدىكىلەرنىلا ئەمەس، پۈتۈن ئامېرىكىنى تاڭ قالدۇرۇپتۇ. يەككە – يېگانە بىر ئادەم ھېچقانداق يېمەكلىك ۋە قوغدىنىش قورالى يوق ئەھۋالدا، پايانسىز قۇملۇقتا بىر يىل ياشىغان تۇرسا، بۇنى مۆجىزە دېمەي بولاتتىمۇ؟! فىلىت كىشىلەرگە مۇنداق دەپتۇ: «ھەر قانداق ئادەم ھەر قانداق شارائىتتا باشقىلارنىڭ، بولۇپمۇ ئۇرۇق – تۇغقانلىرىنىڭ ياردىمىدىن ئۈمىد كۈتمەسلىكى كېرەك. ئۇلار چىن كۆڭلىدىن ياردەم بېرىشنى خالىسىمۇ، بىراق ياردەم قىلالماسلىقى مۇمكىن، چۈنكى ھاياتتا ئادەم پەقەت ئۆزىگە ئۆزىلا ياردەم بېرەلەيدۇ.»(پەرىدە خوجى تەرجىمىسى) 　　مەنبە: تەڭرىتاغ ئۇيغۇر تورى

كۆرۈلۈشى:431

قوشۇلغان ۋاقتى:2010-2-15 12:47:06

يوللىغۇچى ئەزا:admin

سىرلىقلىقىڭىزنى..	چاچ چۈشۈشنى كەلت..	ھەددىدىن زىيادە ..	سەۋزە ئۆپكىنى ئا..	مېۋە پوستى بىلەن..	دۇنيادىكى ئەڭ تو..
ئاياللارنىڭ جورا..	«ئەر-خوتۇنلار ئو..	ئەر -ئاياللار ھەق..	ھازىرنىڭ ئۆزى بە..	تەنھالىق ئىنسانغ..	ساپما كەشنىڭ زىي..